呢一日 ，關勝 又 試 帶兵 嚟到 嘍打喇 。
單廷珪 就 搶先 出馬 ，率領 住 五百 黑甲軍 ，飛奔 出城 迎敵 。
一見到 關勝 就 放聲大罵 ：哼 ，你個 辱國 敗將 ，仲唔 下馬 受死 ！
關勝 聽咗 亦 唔 答話 ，舞刀 拍馬 就 迎上去 就 打 喇 。
兩個 鬥咗 上下 五十 個 回合 啦 ，關 勝勒 轉 馬頭 慌忙 就 走噃 ，單廷珪 啪啪聲 拍下 隻 馬 ，即刻 跟住 趕過去 。
大約 追咗 十幾里 ，關勝 擰轉頭 喝佢 話 ：你 呢個 傢伙 唔落馬 受降 更待何時 ！
單廷珪 挺槍 啊 直取 關勝 嘅 後心 。
嘿 ，關勝 啊 使出 神威 ，拖起 刀背 ，一拍 喝 一聲 話 ：落去 ！
單廷珪 呀 應聲 落馬 。
關勝 即刻 跳落 馬 下 ，上前 扶起 佢 話 ：哎呀 ，將軍 恕罪 啊 。
單廷珪 見到 噉樣 ，唉 你話 關勝 噉樣 對 自己 仲 有 咩 説話 好 講吖 ，就 唯有 投降 係 啦 。
關勝話喇 ：關某 喺 宋公明 大哥 面前 ，多次 保舉 你 。
呢次 特意 嚟 招請 兩位 將軍 ，同 聚 大義 啊 。
單廷珪 就 回答 話 喇 ：小人 願 施 犬馬之力 ，共同 替 天 行道 啊 。
兩個人 講完 ，上返 馬 一拍 行返去 。
呢個 時候 ，林沖 嚟到 接應 喇 ，咦 ？乜 見到 兩個 人 一拍 騎馬 行返嚟 嘅 就 問 點解 啊噉 。
關勝 呢個人 好識做 ，佢 唔講 輸贏 噃 ，佢只係話 ：
先頭 我哋 去到 靜僻 嘅 地方 ，暢聚 舊情 ，招請 歸降 啊 。
林沖 佢哋 聽咗 非常之 歡喜 。
噉 單廷珪 又 返到 陣前 大叫 一 聲 ，嗰 五百 黑甲 軍 ，㗾 噉 一齊 過嚟 。
噉 其餘 嘅 人馬 就 趯 返 入 城 就 報告 畀 太守 知 。
魏定國 聽到 呢個 消息 ，非常之 嬲啦 ，第日 佢 帶齊 軍馬 出城 交戰 。
單廷珪 同埋 關勝 、林沖 ，一直 嚟到 陣前 。
只見 門 旗 開 處 啊 ，神火 將軍 魏 定國 出馬 ，佢 見到 單廷珪 歸順 咗 關勝 ，就 鬧 佢 話 喇 ：
哼 ，忘恩背主 ，負義 匹夫 ！
關勝 亦 好嬲 ，拍馬 上前 迎敵 。
噉 兩 馬 相交 大刀 並 舉 乒乒乓乓 ，鬥 咗 唔到 十 個 回合 ，魏定國 勒 轉 馬頭 向住 本陣 就 走 。
關勝 啱啱 想 去 追 ，單廷珪 喺 後 便 大聲 嗌話 將軍 你 唔好 去 追 啊 ！
關勝 就 連忙 勒住 戰馬 啦 。
哈哈 ，話猶未了啊 ，喺 凌州 陣內 ，已經 飛出 五百 火兵 ，身穿 紅衣 手執 火器 ，前後 擁出 五十 架 火車 。
喂 咪 住 ， 咩 嘢 火車 啊 ？ 唔 係 而 家 嗰 啲 火車 啊 ， 係 放火 嘅 車 啊 。
車上 便 呀 ，裝滿 晒 柴草 等等 引火 嘅 嘢 。
嗰啲 兵卒 嘅 背上 ，人人 都 孭住 一個 鐵葫蘆 嘅 ，裏 便 就 裝住 硫磺 啊 硝石 啊 五色 煙藥 啊 等等 一齊 點着 ，飛搶出嚟 。
嘩真係 人近人倒 就 馬過馬傷 。
關勝 啲 軍兵 啊 四散 奔走 退 咗 四 十幾 里 先 至 扎 得 返住 。
魏定國啊 收轉兵馬 回城 喇 。
誒 ，見到 城內 含含聲 火起 喎 點解 呢 ？
原來 係 黑旋風 李逵 就 同埋 焦挺 、鮑旭 ，帶領住 枯樹山 嘅 人馬 抄咗 佢 後路 。
喺 凌州 背後 啊 打開咗 北門 ，殺咗 入城裏 便 就 放起 火 嚟 ，劫咗 倉庫 錢糧 咯 。
魏定國 知道 就 唔敢 入城 ，喇喇聲 就 回兵 啦 。
點知 又 畀 關勝 喺 後 便 及住 ，趕上嚟 追殺 ，搞到 佢 首尾 不能 相顧 。
噉佢 見到 凌州 已經 失嘞 ，魏定國 啊 只有 退走 啦 ，就 趯 到 去 中陵縣 駐扎 。
關勝 即刻 率領 人馬 ，將 中陵縣 縣城 四周圍 圍住 ，跟住 就 命令 幾個 將領 啊 帶兵 去 攻打 。
之 魏定國 呢 就 緊閉 城門 唔 出嚟 應戰 。
單廷珪 就 對 關勝 、林沖 佢哋 話 喇 ，佢 話 ：魏定國 係 一個 一勇之夫 ，我哋 攻擊 得 緊 佢 就 寧肯 死 都 唔肯 受 凌辱 嘅 。
小弟 願意 入去 縣城 ，不避 刀斧 ，好好地 同佢 講 ，勸 佢 嚟 歸降 就 免 動干戈 啦 。
關勝 聽 佢 噉 講 就 好 歡喜 ，同意 佢 去 。
於是 單廷珪 就 單人匹馬 入咗去 。
魏定國 就 得到 報告 ，就 出嚟 相見 喇 。
單廷珪 就 勸 佢 話 ：
而家 ，朝廷 不明 ，天下 大亂 ，天子 昏昧 ，奸臣 弄權 ，我哋 不如 歸順 宋公明 ，暫時 喺 水泊 棲身 。
以後 奸臣 退位 ，到 其時 呀 我哋 去 邪 歸正 都 未 遲 吖 嘛 。
魏定國 聽咗 就 吟沉咗 好耐 佢 話 ：
嗯 ，如果 要 我 歸順 啊 ，除非 係 關勝 親自 嚟 請 啦 噉 我 就 投降 。
佢 如果 唔嚟 我 就 寧死不辱 。
好 ，小弟 將 你 嘅 意思 講畀 關 將軍 聽 。
單廷珪 就 即刻 騎馬 返去 就 報畀 關勝 知 。
關勝 聽 佢 噉 講 就 話 ：得 ，去 啦 。
即刻 就要 同 單廷珪 匹馬 單刀 去噃 。
林沖 就 勸 佢 話 ：兄長 啊 ，人心 難測 啊 要 三思而行 至好 噃 。
大丈夫 做事 何必 疑惑 ，唔緊要 嘅 。
噉關勝 同 單廷珪 就 一直 入到去 縣衙門 。
魏定國 迎接 咗 佢哋 非常之 歡喜 ，願意 投降 ，就 擺酒 款待 ，同 聚舊情 喇 。
當日 ，魏定國 帶領 五百 火兵 ，嚟到 關勝 嘅 營寨 ，同 林沖 、楊志 同埋 各位 頭領 見面 之後 呢 ，就 收兵 一齊 返去 梁山泊 喇 。
呢個 時候 ，宋江 又 派 戴宗 啊 趕到嚟 對 李逵 話 喇 ：
就係因為 你 偷走 落山 ，搞到 眾位 兄弟 呀 追 你 行咗 好多 路 啊 。
呢 ，而家 時遷 、樂和 、李雲 、王定六 四 個 ，已經 返咗 山 喇 。
我 而家 返去 報畀 大哥 知 喇 免到 佢 掛念 啊 。
戴宗噉就返去先 ，呢啲就唔講佢 。
而家 就係 講下 關勝 佢哋 嘅 人馬 ，返到去 金沙灘 邊 ，水軍 嘅 頭領 就 撐船 接應 就 陸續 過渡 啦 。
哈 ，只見 有 個人 ，氣急敗壞 噉 趯過嚟 ，大家 一 睇 下 ，原來 係 金毛犬 段景住 。
林沖 就 問 佢 啦 ： 嗯 ？ 你 同 楊林 、 石勇 去 北地 買馬 ， 點解 慌慌張張 咁 狼狽 噉 趯 返 嚟 啊 ？
段景住 就 話 喇 ：唉 ，講出嚟 呀 ，真係 激死人 喇 。
唉 ，我 同 楊林 、石勇 ，去 北地 買 馬 吖嘛 ，選咗 啲 身架 好 、有 筋力 、好毛色 嘅 駿馬 就 買咗 二百幾 匹 。
返到嚟 青州 地面 啦 ，嘿 ，點知 撞正 一班 賊佬 。
做頭嗰個 叫做 險道神郁保四 ，佢 帶住 二百幾人 ，冚𠾴唥 將 啲 馬 搶走晒 噃 ，送咗去 曾頭市 。
石勇 、楊林仲 唔知 去向 添 。
小弟 就 搏命 走先 走返出嚟 ，唉 。
關勝 聽 佢 噉 講 ，就 叫 佢 返去 山寨 見過 宋公明 大哥 ，然後 再 作 商量 啦 噉 。
噉 大家 過咗 渡 喇 ，上到嚟 忠義堂 上 見咗 宋江 。
關勝 就 介紹 單廷珪 、魏定國 ，同 各位 大小 頭領 見過 面 。
李逵 呢 ，就 將 落山 殺咗 韓伯龍 ，遇見 焦挺 、鮑旭 ，一齊 去 打破 凌州 嘅 事 講咗 一次 。
宋江 聽完 ，見到 呢次 又 添加 四位 好漢 ，正 話 喺度 歡喜 。
好喇 ，就 輪到 段景住 講 啲 馬匹 畀 人 搶 咗 個 事 咯噃 。
宋江 聽咗 呀 可惱 啦 ：
哼 ！前次 已經 搶咗 我 嘅 好馬 ，而家 又 試 咁 豈有此理 ？
唉 ，晁天王 嘅 冤仇 未曾 報得 ，日夜 都 唔 安樂 啊 ，如果 唔去 報 呢個 仇 ，盞 畀 人 恥笑 啦 。
吳用 就 話 喇 ：而家 正 係 春暖 ，係 打仗 個 好 時候 。
前次 進兵 係 失咗 地利 吖 ，而家 ，必定 用 智取 至 得 。
宋江話 ：此仇此恨 深入骨髓 ，唔報到仇 我 誓不還山 ！
吳用 又 話 喇 ：時遷 呢 ，就 會 飛檐走壁 嘅 ，而家 派 佢 去 探聽 下 消息 先 ，等 佢 返嚟 再 作 商量 啦 。
於是 時 遷 得 咗 命令 就 去咗 。
過咗 兩三日 ，只見 楊林 、石勇 啊 逃走 返嚟 山寨 。
佢哋 話 曾頭市 史文恭 啊 口出大言 ，要 同 梁山泊 勢不兩立 噉 話 。
嘩嬲到宋江啊 ，即刻就要起兵 。
吳用 就 話 喇 ：等 時 遷 返嚟 報告 咗 情況 再 去 都 未 遲 吖 。
但係 宋江 怒氣 填胸 ，硬係 要 報仇 啊 ，一陣 都 忍耐唔住 。
跟住 又 派 戴宗 飛速 去 打聽 ，等住 佢 嚟 回報 噉 。
過咗幾日 ，戴宗 返嚟 先噃 。
梗係啦 ，神行太保 行得快 吖嘛 。
佢 話 ：大哥 ，曾頭市 要 同 凌州 報仇 ，準備 出兵 ，而家 係 曾頭市 口 ，扎落咗 營寨 ；
又 將 法華寺 呢 ，做咗 中軍帳 ，几百里 就 插滿晒 旗幟 ，但係 就 唔知 邊條 路 入得去 啫 。
到咗第日 ，時遷 就 返嚟 報告 喇 ，佢 話 ：
大哥 ，軍師 ，小弟 呢 一次 啊 ，一直到 咗 曾頭市 裏 便 ，摸清 佢 個 底 喇 ，佢哋 扎落 五 個 營寨 。
曾頭市 前面 呢 ，有 二千 幾 人 守住 村口 。
總寨 裏 便 ，係 教頭 史文恭 執掌 ；
北寨 ，係 大仔 曾塗 同 副教頭 蘇定 ；
南寨 係 二仔 曾密 ；
西寨 係 三仔 曾索 ；
東寨 呢 ，係 四仔 曾魁 ；
中寨 ，係 五仔 曾升 ，同埋 佢 個 老豆 曾弄 把守 。
誒 ，嗰個 青州 郁保四 啊 ，嘩 ，身高 一丈 ，腰 闊 數圍 ，綽號 險道神 ，佢 就 將 搶咗 我哋 嗰啲 馬匹 呢 ，都 養住 喺 法華寺 裏 便 嚟 。
吳用 聽完 ，就 召集 齊 所有 嘅 頭領 一齊 商量 喇 佢 話 ：
既然 ，佢 設 五個 營寨 喇 ，噉 我哋 呢 ，就 調 五支 兵馬 ，分成 五路 去 打 佢 五個 營寨 。
盧俊義 呢個 時候 就 起身 話 ：
盧某 自從 得到 各位 救咗命 上山 ，未能夠 為 山寨 效力 ，呢次 ，願意 拼命 向前 ，就 未知 尊意 如何 呢 ？
宋江 非常之 歡喜 噃 佢 話 喇 ：哈 ，員外 如果 肯 落山 ，就 請 你 做 前部 先鋒 啦 。
吳用 聽咗 即刻 就 勸咗 話 ：誒 唔得 唔得 。
員外 初到 山寨 未經 戰陣 ， 加以 山嶺 又 崎嶇 ， 騎馬 好 唔 便 㗎 ， 所以 做 前部 先鋒 就 唔 合適 嘅 。
仲係 請 員 外帶 一支 人馬 ，去 平地 嗰處 埋伏 ，聽見 中軍 炮 響 就 嚟 接應 啦 。
吳用 個 心 係 噉 諗 ，佢 就係 怕 盧俊義 捉到 史文恭 嘅 時候 呢 ，噉 宋江 啊 不負 晁蓋 遺言 讓位 畀 佢 ，嘿 噉 唔係 唔妥 ，所以 呢 ，就 唔肯 畀 佢 做 前部 先鋒 。
而 宋江 嘅 意思 呢 ，佢 就係 想 盧俊義 立功 ，就 趁 呢個 機會 啊 ，讓 佢 做 山寨 之 主 。
吳用唔肯喇 ，佢 係 軍師 嚟噃 ，有 調動 人馬 嘅 權力 㗎 ，所以 仲 係 決定 盧 員外 呢 帶埋 燕青 ，率領 五百 步軍 去 平地 嘅 小路 聽候 命令 。
然後 ，佢 再 調 五路 兵馬 ：
曾頭市 正南 大寨 ，就 派 馬軍 頭領 霹靂火 秦明 、小李廣 花榮 ，副將 馬麟 、鄧飛 ，就 帶 兵 三千 去 攻打 ；
曾頭市 正東 大寨 ，就 派 步軍 頭領 花和尚 魯智深 、行者 武松 ，副將 孔明 、孔亮 ，帶 兵 三千 去 攻打 ；
曾頭市 嘅 正北 大寨 啊 ，派 馬 軍 頭領 青面獸 楊志 、九紋龍 史進 ，副將 楊春 、陳達 ，帶 兵 三千 去 攻打 ；
曾頭市 正西 大寨 ，派 步軍 頭領 ，美髯公 朱仝 、插翅虎 雷橫 ，副將 鄒淵 、鄒潤 ，領 軍 三千 去 攻打 ；
曾頭市 正中 嘅 總寨 呢 ，就 由 都頭領 宋公明 ，軍師 吳用 、公孫勝 ，隨行 副將 呂方 、郭盛 、解珍 、解寶 、戴宗 、時遷 ，帶 軍 五千 去 攻打 ；
噉 押後 步軍 頭領 就 黑旋風 李逵 、混世魔王 樊瑞 ，副將 項充 、李袞 ，帶領 馬步軍 兵 五千 。
噉 其餘 嘅 頭領 就 各各 守衞 山寨 唔 逳 喇 。
噉 宋江 啊 率領 五路 兵馬 ，大舉 進攻 呢 點 唔 講 佢 住 。
而家 先 講下 曾頭市 嘅 偵察人員 啊 ，佢 探知咗 軍情 就 去 報告 咯噃 。
曾長官 聽咗 ，就 請教 頭史 文恭 同 蘇定 ，嚟 商量 軍情 重事 喇 。
史文恭 話 ：梁山泊 啲 人馬 嚟嘅 時候 ，我哋 要 用 多一啲 陷坑 ，噉 先至 捉得 佢 強兵 猛將 㗎 。
捉 呢一班 草寇 呀 ，呢條 計 係 上策 嚟 啊 。
冇錯 ，冇錯 。
曾長官 就 派 一 大班 莊客 ，帶住 鋤頭 鐵鏟 ，去 村口 又 掘咗 幾十 笪 陷坑 ，上便 呢 用 啲 浮泥 冚返 好 。
四周圍 就 埋伏 好 兵卒 ，就 喺度 等 梁山泊 嘅 人馬 嚟 。
又喺 曾頭市 嘅 北路 ，亦都 掘咗 十幾個 陷坑 。
但係呢 ，當 宋江 兵馬 起行 嘅 時候 啊 ，哈哈 ，吳用 啊 諗得 周到 喇 ，佢 又 試 派 時遷 去 打聽 過 。
過咗 幾日 喇 ，時遷 返嚟 報告 喇 ，佢 話 ：
曾頭 市 嘅 寨 南寨 北呀 ，冚𠾴唥 都 掘 晒 陷坑 啊 不計其數 咁 多 啊 ， 就 係 等 我 哋 人馬 去 啊 。
吳用 聽講 就 笑起上嚟 話 ：哈哈哈哈哈 ，不足為奇 。
於是就 帶兵 前進 ，嚟到 曾頭市 嘅 附近 。
呢個 時候 ，係 中午 時分 ，前隊 望見 一 騎馬 嚟 喇 。
嗰只馬 ，頸帶 銅鈴 ，條尾 呢 綁住 雉雞尾 ；
馬上 有 個人 ，青巾 白袍 ，手執 短槍 。
前隊 望見 就 想 去 追趕 佢 ，吳 用 叫 佢哋 唔好 追 。
叫啲人 馬 就 喺 處 扎寨 ，四面 都 掘咗 壕塹 ，安咗 鐵蒺藜 。
並且 傳令 落去 ，叫 五路 嘅 大軍 ，各自 分頭 扎寨 ，同樣 要 掘 下 壕塹 ，安放 鐵蒺藜 。
一住落 ，轉眼 又過咗 三日 ，曾頭市 唔出嚟 交戰 。
吳用 再 派 時遷 扮 做 個 兵卒仔 ，去 曾頭市 嘅 營寨 裏 便 探聽 下 佢 唔 出 兵 究竟 係 咩 嘢 意思 。
同時呢 ，要 佢 探明 所有 個 陷坑 嘅 位置 ，距離 營寨 嘅 路程 遠近 ，總共有 幾多 處 等等等等 。
時遷 去咗 一日 ，摸清楚 晒 ，暗中 做 落晒 記號 就 返嚟 報告 畀 軍師 聽 。
第日 ，吳 用 落 命令 喇 ：
佢 命令 前隊 步軍 ，分成 兩隊 ，人人 都 帶住 鋤頭 去 ；
又 將 百幾架 糧車 ，裝滿晒 柴草 ，喺 中軍 隱蔽住 。
當晚 ，就 傳令 畀 各個 寨 嘅 頭領 ，喺 聽日 巳時 啊 ，東西 兩路 步軍 就 先 去 進攻 。
再命令 攻打 曾頭市 北寨 嘅 楊志 同 史進 ，將 馬軍 一字噉 擺開 。
如果 佢 嗰便 擂鼓 搖旗 虛張聲勢 呢 ，就 千祈 唔好 進攻 。
噉 梁山泊 呢 便 就 已經 佈置 好晒 。
曾頭市 呢便 呢 ，史文恭 一味 堅守 營寨 ，佢 就係 想 引 宋江 帶 兵 嚟 進攻 ，就 引 佢哋 落 陷坑 。
呢一日 ，巳時 ，即係 十點鐘 咁上下 啦 ，就 聽見 寨前 炮響 。
跟住 ，只見 東寨 嚟 報告 話 ：有 個 和尚 ，舞住 鐵禪杖 ，有 個 行者 舞起 雙戒刀 帶 兵 嚟 攻打 啊 。
史文恭 就 話 喇 ：呢 兩個 必定 係 梁山泊 魯智深 同 武松 。
佢 怕 東寨 有 失 ，就 分 一啲 人 去 幫 曾魁手 。
過咗冇幾耐 ，只見 西寨 又 嚟 報告 話 ：
哎呀 有 個 長鬚 大漢 ，一個 虎面 賊人 ，旗號 上 便 ，寫住 美髯公 朱仝 ，插翅虎 雷 橫嚟 攻打 得 好 厲害 啊 。
史文恭 聽咗 ，又 分 一啲 人 去 幫助 曾索 。
跟住 ，又 聽見 寨前 炮響 。
但係 史文恭 好 定 ，佢 按兵不動 ，就係 要 等 梁山泊 啲 人馬 嚟 就 跌落 陷坑 ，噉 山後 伏兵 呢 就 出嚟 捉 人 喇 噉 。
點知 你 叻 啊 吳 用 仲 叻 。
吳用 就 調咗 一支 馬軍 ，喺 山後 啊 分 兩路 包抄 到 寨前 。
噉 曾頭市 前面 嘅 步軍 呢 就 顧住 看守 營寨 又 唔 敢 出去 啊 。
兩便嘅 伏兵 都 擺 喺 寨前 ，就 畀 背後 吳 用 嘅 馬軍 一 趕過嚟 啊 ，冚𠾴唥 逼晒 落 個 陷坑 裏 便 。
史文恭 啊 呢個 時候 見到 噉樣 就 想 出嚟 嘞喎 ，吳 用 用 條 馬鞭 一 指 ，嗙嗙聲 打響 銅鑼 ，一齊 推出 百幾 架 車 出嚟 ，嘣 一聲 用 火 點着 晒 。
上面啲 乾柴枯草 ，硫磺 火藥 一齊 點着 ，煙火 彌天 。
等到 史文恭 嘅 兵馬 出嚟 ，畀 嗰啲 火車 打橫 攔住 晒 ，唔避開 都 唔得㗎 ，就 想 退兵 喇 。
公孫勝 呢個 時候 喺 陣中 ，舞起 把 劍 施行 法術 ，借起 大風 颳 到 啲 火焰 捲入 去 南門 ，將 曾頭市 嘅 營寨 冚𠾴 唥 燒晒 。
吳用 打贏咗 呢一場仗 ，就 鳴金收兵 。
史文恭 就 喇喇聲 派 人 修理 寨門 ，噉 當晚 呢 ，兩便 都 休息 ，冇 再 打到 。
第日 ，曾塗 就 同 史文恭 商量 ：
如果 唔 先 斬 佢 個 賊頭 ，就 難以 消滅 佢哋 嘅 噃 。
噉佢囑咐史文恭呢堅守營寨 ，自己就率領兵馬 ，出陣挑戰 。
宋江 聽到 話 曾塗 嚟 挑戰 唄 ，就 帶領 呂方 、郭盛 出 到 嚟 前軍 。
佢 喺 門 旗 之 下 ，見到 曾 塗 啊 ，哎呀 ，舊 恨 新 仇 湧上 心頭 啊 。
宋江 用 條 鞭 指住 話 ：邊個 同 我 去 捉 呢個 傢伙 報 往日 之 仇 啊 ？
小溫侯 呂方 應聲而出 ，一馬當先 ，挺起 方天畫戟 啊 直取 曾塗 。
兩馬 交鋒 鬥咗 三十個 回合 以上 。
原來 呂方 嘅 本事 呢 ，就 打唔過 曾塗 嘅 。
三十個 回合 以前 就 已經 打得 勉勉強強 㗎喇 ，三十個 回合 之後 啊 戟法 都 亂晒 ，只能夠 遮攔 躲閃 。
郭盛 見到 噉樣 就 怕 呂方 捱唔住 ，即刻 催 馬 上前 就 舞起 方天畫戟 ，飛出 陣 嚟 就 夾攻 曾塗 嘞 。
三騎馬 喺 陣前 就 打埋 一嚿 僂 。
嗰 兩 支 戟 上 便 呢 ，都 係 綁住 條 金錢豹 尾 。
呂方 、郭盛 要 捉 曾塗 ，兩 支 戟 一齊 舉起 殺 過去 。
曾塗眼明手快 ，用 支槍 一撥 ，哈 ，就 畀 嗰 兩 條 豹尾 纏 實 槍 上 嘅 紅纓 。
三個 人 都 想 掹 返 自己 嘅 兵器 嚟 使 㗎 ， 之 掹 極 都 掹 唔 開 。
小李廣 花榮 喺 陣中 睇見 ，就 怕 呂方 、郭盛 蝕 抵押 ，就 縱馬 出嚟 彎弓 搭箭 ，對住 曾塗 一箭 射過去 。
呢 個 時候 ， 曾塗 啱 啱 掹 返 支槍 出 嚟 ， 嗰 兩隻 戟 呢 仲 係 纏實 唔 逳 得 。
曾塗正話 一槍 想 對住 呂方 條 頸 插過去 ，
哈哈 說 時遲 那時 快啊 ，花榮 嘅 箭 已經 到 ，正中 曾塗 嘅 左臂 即刻 翻身 落馬 。
呂方 、郭盛 雙戟 一齊 插落去 ，曾塗 當堂 死於 非命 。
曾塗啲 手下 衰仔 只 登摩羅 飛奔 翻去 報 畀 史文恭 聽 就 轉告 中寨 。
曾長官 聽見 就 𡃀𡃀聲 喊起 上嚟 。
曾升 就 發大火 咯 ，佢 咬牙切齒 大喝 一聲 話 ：同我 備馬 嚟 ，我 要 同 阿哥 報仇 ！
曾長官 就 難擋 佢 唔住 。
曾升 全身 披掛 提刀 上馬 直奔 前寨 。
史文恭 迎接咗 佢 就 勸 佢 話 喇 ：小將軍 唔好 輕敵 啊 ，宋江 嗰 便 智勇 猛將 極多 。
如果 按照 史某 嘅 意思 ，我哋 最好 係 堅守 五寨 ，暗中 派 人 去 凌州 ，請 佢哋 飛奏 朝廷 ，調兵 選將 ，撥 多啲 官軍 ，分作 兩處 征剿 。
一路就攻打梁山泊 ，一路嚟保曾頭市 ，噉就使到啲賊人無心戀戰 就實要退兵回山嘅 。
到其時 ，史某 不才 ，同 你哋 各位 兄弟 一同 追殺 就 必 獲 大功 喇 。
正話講緊 ，北寨 嘅 副教頭 蘇定 亦 嚟到 ，聽見 史文恭 話 要 堅守 咯 ，佢 亦都 話 ：
係啊 ，梁山泊 吳用 嗰個 傢伙 啊 詭計多謀 不可 輕敵 啊 ，我哋 堅守 就 啱咯 ；
等 救兵 嚟到 ，再 從 長 計議 罷 啦 。
曾升 大聲 噉 嗌話 ：佢哋 殺 我 親兄 ，此 仇 不報 更 待 何時 啊 ！
如果 等到 養成 賊勢 ，嗰陣 要 奪取 勝利 就 難咯 。
史文恭 、蘇定 阻擋 佢 唔住 。
曾升 上馬 就 帶領 幾十個 馬 軍 ， 飛奔 出寨 挑戰 。
宋江 聽到 ，就 命令 前軍 迎敵 。
當時 秦明 得令 就 舞起 狼牙棍 ，正要 出陣 嚟 鬥 呢個 曾升 。
只見 黑旋風 李逵 ，手執 板斧 唔理 咁多 一衝 出去 ，唔理 三七廿一 啊 ，一衝就 衝到 戰場 中心 。
噉對陣 有人 認得 嘅 就 話 喇 ，嘩 ，呢個 就係 梁山泊 黑旋風 李逵 喇 。
曾升 見咗 就 嗌 放箭 。
原來 李逵 啊 一 上 親 陣 呢 ，規矩 除 大 赤肋 嘅 ，就 全 靠 項充 、李袞 啊 ，用 藤牌 嚟 保護 佢 嘅 啫 。
而家 佢 單獨 一個人 衝出去 ，畀 曾升 一箭 射中 大髀 ，噼啪 一聲 當堂 僂低 。
曾升 背後 嘅 馬軍 一齊 衝過嚟 。
哎呀不得了 ，秦明 、花榮 就 飛 馬上 前 搏命 噉 救返 起 李逵 ；
背後 嘅 馬麟 啊 、鄧飛 啊 、呂方 、郭盛 一齊 接應 歸陣 。
曾升 見到 宋江 陣上 咁 多人 就 唔敢 再 打 喇 ，因此 呢 就 帶兵 還寨 。
宋江 亦 都 收兵 。
第 日 ， 史文恭 、 蘇定 啊 仲 係 主張 唔 好 對陣 ， 之 曾 升 啊 口口聲聲 話 要 報兄仇 ， 噉 啊 梗 係 頂 唔 住 啦 。
史文恭 冇 辦法 喇 ，只有 披掛上馬 。
上馬上邊匹馬呢 ？呢匹馬就係 以前搶段景住嘅 千里龍駒 照夜玉獅子馬 。
既然 曾頭市 呢 便 出嚟 挑戰 喇 ，噉 宋江 啊 帶齊 各位 頭領 擺開 陣勢 迎敵 。
史文恭 一 出馬 ，就 橫殺 過嚟 ，秦明 要 搶 個 頭功 ，拍 衡 匹 馬 ，飛奔 迎 上去 。
兩個 大概 鬥咗 二十 個 回合 啦 ，哈哈 秦明 頂佢 唔住 ，向住 本陣 就 走 。
史文恭 就 奮勇 趕到嚟 ，嗰支 長槍 呀 一㨃 就 插正 秦明 嘅 後腿股 上便 ，即刻 打倒 埞 舂咗 落地 。
呂方 、郭盛 、馬麟 、鄧飛 ，四個人 一齊 衝出嚟 就 搏命 嚟 救 。
雖然 救返 秦明 啊 ，之 人馬 就 損失 咗 好多 咯 。
噉啊 收返 啲 敗兵 ，離 寨 十里 駐扎 。
宋江 一便 叫 人 用 架 車 送咗 秦明 上 山 休息 ；
一便 又 同 吳 用 商量 ，決定 要 大刀 關勝 、金槍手 徐寧 ，同埋 單廷珪 、魏定國 四位 落山 嚟 助戰 。
宋江 自己 焚香 祈禱 ，占咗 一卦 。
吳用 睇咗 卦象 呢 就 話 喇 ：
大哥 ，雖然 可以 攻破 呢個 地方 ，但係 卦象 表明 ，今晚 必 有 賊兵 劫寨 噃 。
宋江 就 話 ：噉 我哋 作好 準備 啦 。
唔使 兄長 擔心 。
請 兄長 傳 令 啦 ，通知 三寨 頭領 ，今晚 東西 二寨 起兵 ，解珍 在 左 ，解寶 在 右 ；
其餘嘅 兵馬 就 喺 四面 埋伏 。
噉 梁山泊 呢 便 呢 ，就 準備 好晒 喇 。
當晚 ，史文恭 啊 同 曾升 話 ：
賊兵 畀 我哋 打傷咗 兩 員 大將 ，必定 心怯 嘅 ，我哋 乘虛 劫 佢 寨 就 啱喇 。
曾升 聽講 啊 實 贊成 啦 ，就 通知 北寨 蘇定 、南寨 曾密 、西寨 曾索 帶兵 前嚟 一齊 去 劫寨 。
二更咁上下 ，佢哋 偷偷地 就 嚟到 宋江 中軍寨 內 ；
咦 ，見到 四便 無人 ，就 劫 咗 個 空寨 死喇 知道 中計 喇 ，轉身 就 走 。
點知 左手 便 撞出 兩頭蛇 解珍 ，右手 便 撞出 雙尾蠍 解寶 ，後 便 就係 小李廣 花榮 ，一齊 圍上嚟 。
曾淑嘅 黑頂 畀 鞋 進 一槓 叉 插 死咗 跌咗 落 馬 。
跟住 呢 又 放起火嚟 ，喎 嗬噉 四便 一齊 吶喊 。
混戰咗半夜 ，史文恭 啊 大敗 一場 趯咗 返去 。
曾長官 見到 又 損失咗 曾索 ，驚喇 ，第日 呢 就 要 史文恭 啊 寫信 投降 。
史文恭 亦 怕咗 八成 㗎 喇 ，所以 好快 就 寫咗 封信 ，派人 送去 宋江 嘅 大寨 。
守門口 嘅 卒仔 就 報告 話 曾頭市 有人 送 信 啊噉 ，宋江 就 命令 叫 佢 入嚟 。
宋江 接咗 封信 拆開 睇下 ，見到 封信 係 噉 寫嘅 ：
佢 話 自己 冒犯 虎威 ，晁天王 帶 兵 嚟 嘅 時候 ，又 畀 部下 嘅 兵卒 施放 冷箭 射傷 咗 ，錯到 極 喇 ，而家 願意 講和 。
如果 梁山泊 嗰 方面 啊 ，肯 收兵 呢 ，就 將 原來 搶走 嘅 馬匹 全數 交還 ，仲 送 啲 金錢 嚟 慰勞 三軍 噉 。
