一攻破咗大名城之後呢 ，軍師 吳用 入咗城 ，即刻 就 頒佈 命令 ，出榜 安民 ，同時 啊 救熄咗 大火 。
梁中書 、李成 、聞達 、王太守 各家 嘅 老小 呢 ，殺 嘅 殺 啊 走 嘅 走 亦 唔 去 追究 嘞 。
就 將 大名府 嘅 庫藏 打開 ，將 所有 金銀寶物 、綾羅綢緞 就 裝晒 上 車 。
又 打開 個 糧倉 ，將 糧食 啊 分派 畀 滿城 百姓 ，有 剩 嘅 ，就 裝埋 上 車 ，準備 運 返 去 梁山泊 。
將 李固 、賈氏 就 釘 喺 囚車 裏 便 。
總之 樣樣 都 搞掂晒 喇 ，就 將 人馬 分成為 三 隊 ，凱旋 返去 梁山泊 喇 。
又 派 戴宗 啊 行先 去 報告 畀 宋公明 知 。
噉 宋江 啊 帶齊 各位 將領 ，落山 嚟 迎接 ，一齊 上到去 忠義堂 上 便 。
宋江 一見到 盧俊義 就 跪低 就 拜 ，盧俊義 就 慌忙 答禮 啦 。
宋江 話 喇 ：哎呀 我哋 大家 都 好 想 請 員外 上山 ，同 聚 大義 ，點 想到 遇到 呢一場 大難 ，爭啲 仲 冇 命 添 ，我哋 真係 心如刀割 啊 。
好彩 皇天 庇佑 ，今日 再 得 相見 ，真係 大慰 平生 啊 。
盧俊義 就 拜謝 話 ：
上託 兄長 虎威 ，感謝 眾位 頭領 恩德 ，齊心合力 ，搭救 小人 ，真係 肝膽 塗地 都 難以 報答 咯 。
跟住 、，又 請 蔡福 、蔡慶 嚟 拜見 宋江 ，佢 話 ：
在下 如果 唔係 得 呢 兩位 幫忙 呀 ，就 冇 命 嚟 呢度 㗎 喇 。
再三再四噉多謝啊 。
當時 ，宋江 啊 要 讓 盧員外 為 尊 ，即係 讓 佢 坐 第一 把 交椅 。
盧俊義 就 話 喇 ：哎呀 ，盧某 係 個 乜嘢 人 啊 ，點 敢 為 山寨 之 主 呢 ？
如果 能夠 同 兄長 你 執 鞭 牽 馬 ，做 個 兵卒 報答 救命 之 恩 ，噉 就 萬幸 咯 。
宋江啊 再三 拜請 ，盧俊義 邊度 肯 坐 吖 。
讓讓下 ，李逵 忍唔住 喇 就 話喇 ：
大哥 ，你 如果 讓 人哋 嚟 做 山寨 之主 ，我 就 要 殺起嚟 㗎喇 ！
武松 又 話 喇 ：阿哥 一味 讓 嚟 讓去 ，讓到 我哋 各位 兄弟 心 都 冷晒 喇 。
宋江 就 喝 佢哋 話 喇 ：你哋 識得 乜嘢 吖 唔 准 多 講 ！
盧俊義 慌忙 行 個 禮 話 ：
如果 係 兄長 苦苦 相讓 ，盧某 就 安身 不 牢 啊 。
李逵 又 嗌 喇 ：
不如 噉 啦 ， 大哥 你 做 皇帝 ， 叫 盧員外 做 丞相 ， 我 哋 個個 都 做 大官 ， 殺去 東京 ， 搶 咗 個 皇位 ， 就 好 過 喺 呢 處 嘈 喧 巴 閉 啦 嘛 。
宋江 發火喇 ，鬧 李逵 。
吳用 就 勸 佢 話 啦 ：大哥 ，噉啦 ，我哋 請 盧員外 喺 東便耳房 住 落 先 ，以 賓客 相待 。
等 日後 有功 先至 再嚟 讓位 啦 。
宋江 噉就 歡喜 喇 ，就 叫 燕青 同 盧員外 住埋 一齊 。
另外 就 撥咗 房屋 ，畀 蔡福 、蔡慶 啊 安頓 家人 老小 。
呢陣時 ，關勝 嘅 家眷 ，已經 由 薛永 接到 嚟 山寨 。
宋江啊叫大排筵席 ，犒賞 馬步水三軍 ，就叫 啲 大小頭目啊 ，同埋 所有 嘅 嘍啰 ，各自 埋成 一圍圍 去 飲酒 。
喺 忠義堂 上 啊 設宴 慶賀 。
當時 大小頭領 ，相謙相讓 啊 飲酒作樂 。
飲咗 一輪 酒 ，盧俊義 就 起身 話 喇 ：淫婦 姦夫 已經 捉咗 喺度 ，聽候 發落 啊 。
宋江 就 笑住 話 喇 ：哈哈 ，我 都 唔記得咗 添 ，押 佢哋 兩個 過嚟 。
幾個 小嘍啰 就 打開咗 架 囚車 ，拉咗 嗰 兩個 衰嘢 出嚟 。
李固 就 綁 喺 左便 將軍 柱 上 便 ，賈氏 就 綁 喺 右便 將軍 柱 上 便 。
宋江 話 喇 ：唔好 問 咁多 喇 ，請 員外 你 自行 發落 啦 。
盧俊義 揸住 把 短刀 ，行出咗 大堂 ，將 嗰 兩個 傢伙 痛罵 一餐 ，就 將 佢 兩個人 啊 ，劏肚 挖心 凌遲 處死 ；
拋棄咗屍首 ，嚟到 大堂 拜謝 大家 。
噉啊眾位頭領 都 嚟 祝賀 佢 報咗 仇 雪咗 恨 喇 。
而家 就 返 轉頭 講下 大名府 個 梁中書 ， 佢 探聽到 話 梁山泊 軍馬 已經 退 咗 ， 就 同 李成 、 聞達 ， 帶領 住 啲 殘敗 人馬 就 返 返入 城 探聽 下 家人 老小 啦 ， 唉 ， 十損 八九 咯 ， 個個 都 喊 到 噦 噦 聲 。
等到 附近 州縣 起兵 嚟 追趕 梁山泊 個人馬 時候 呢 ，已經 去得 好遠 喇 ，就 叫 各自 收兵 返去 啦 。
梁中書 嘅 夫人 大命 噃 ，佢 匿 喺 後花園 裏 便 呢得 返 條 命 。
又叫 個 老公 啊 寫 報告 嚟 申奏 朝廷 ；
又 寫信 畀 太師 知道 ，請 佢 早早 調兵遣將 嚟 剿除 賊寇 報仇 噉 。
梁中書啊 叫人 調查 一下 ，原來 民間 被 殺死 嘅 有 五千 幾 人 ，傷 嘅 就 不計其數 ；
各部 軍馬 呢 ，總共 損失 咗 三萬 有多 都 可謂 慘 咯 。
噉 梁中書 嘅 使者 ，帶住 奏章 同埋 密信 就 起程 。
過咗 好幾日 ，呢一日 就 嚟到 東京 太師府 喇 。
噉見咗 蔡太師 呢 就 呈上 奏章 同 密信 ，又 口頭 報告 話 ，呢次 梁山 人馬 打破咗 大名 ，賊寇 浩大 就 唔能夠 抵敵 啊噉 。
蔡京 初時 佢 個 意思 呢 ，本來 係 想 就噉 馬馬虎虎 招安 ，功勞 就 歸咗 梁中書 嘅 身上 ，自己 亦 有 榮寵 啦 ，搞到 好處 吖 。
哈 ，點知 呢次 ，打咗 一場 咁大 嘅 敗仗 搞咗 咁大 鑊嘢 喎 就 難以 遮掩 喇 ，吖噉 又 想 打過 咯 喎 佢 。
第日五更 ，皇帝 登殿 喇 ，蔡太師 就 面奏 道君 皇帝 啦 。
皇帝 睇咗 奏章 ，哎 ，嚇到 佢 大吃一驚 。
當時 有 一個 諫議大夫 就 叫做 趙鼎 ，佢 就 出班 啟奏 話 ：
啓稟皇上 ，以前 屢次 調兵 征剿 ，都係 損兵折將 ，皆因 失其地利 啊 以致 如此 。
以 臣 嘅 愚意 ，不如 降旨 赦罪 招安 ，調嚟 京師 封 佢哋 官爵 為 國 效力 ，以防 邊境 之 害 啊 。
蔡京 聽咗 就 好嬲 ，鬧佢 話 ：
哼 ，你 身為 諫議大夫 ，反而 破壞 朝廷 綱紀 ，縱容 小人 係嘛 ，最 該 賜死 啊 。
皇帝 就 話 喇 ：噉啦 ，即刻 趕佢 出 朝 啦 。
當堂 就 革咗 趙鼎 嘅 官爵 ，貶 佢 做咗 個 百姓 ，趕 出 京城 。
噉啊 於是 就 冇人 再 敢 出聲 。
皇帝 又 問 蔡京 話 喇 ：好似 呢次 噉 賊勢 猖獗 ，派 邊個 人 去 剿捕 好 呢 ？
蔡太師 又 稟奏 話 ：臣 諒 呢一班 山野 草賊 ，安 用 大軍 ，臣 舉薦 凌州 兩位 將軍 。
一人 姓 單 ，名 廷珪 ；
一人 姓 魏 名 定國 ，現任 本州 團練使 。
伏乞陛下聖旨 ，立即 派人 調 呢一支 人馬 ，必定 刻日 掃清 水泊 嘅 。
個 皇帝 好 高興 ，跟住 落咗 道 聖旨 ，叫 樞密院 啊 調遣 。
第日 ，蔡京 就 派 個 差官 帶住 聖旨 去 凌州 喇 。
而家 再 講 下 宋江 喺 山寨 之內 啊 ，將 打 大名府 所得 嘅 府庫 金寶 錢物 ，就 賞畀 馬步水 三軍 ；
連氣 幾日 都 殺牛 劏馬 大排筵席 嚟 慶賀 盧 員外 。
雖然 係 冇 咩 龍肝鳳腦 啊 ，之確 係 肉山 酒海 就 夠晒 熱鬧 。
眾位 頭領 飲到 咁上下 ，吳用 啊 對 宋江 佢哋 話 嘞 喎 ：
呢 次 為 咗 盧員外 打破 咗 大名府 ， 殺 咗 咁 多 人 又 劫 咗 官倉 ， 趕到 梁中 書 佢 哋 棄 城 逃跑 ， 佢 點 會 話 唔 稟奏 朝廷 㗎 ？
何況 佢 外父 係 當朝 太師 ，實係 唔肯 罷休 嘅 ，一定 會 點 起兵馬 嚟 打 我哋 個 喎 。
宋江 就 話 喇 ：軍師 你 噉 考慮 ，係 好 合理 。
噉不如 快啲 派人 去 大名 探聽 下 虛實 ，噉 我哋 呢處 好 做 準備 噃 。
吳用 就 笑住 話 喇 ：哈哈哈 大哥 你 放心 ，小弟 已經 派咗 人 去 喇 ，就快 返嚟 。
真係 ，酒席 都 未曾 散 ，吳用 派 去 偵察 嘅 人 就 返嚟 報告 話 喇 ：
報告頭領 ，梁中書 果然 申奏 朝廷 ，要 調兵 嚟 征剿 。
誒 有 個 諫議大夫 趙鼎 ，佢 奏請 招安 ，點知 又 畀 蔡京 誒 ，鬧 咗 佢 一餐 ，削 咗 趙鼎 嘅 官職 。
而家 皇上 已經 下咗 聖旨 ，派 人 去 凌州 啊 調遣 單廷珪 、魏定國 兩個 團練使 ，點起 本州 軍馬 嚟 打 我哋 啊 。
宋江 就 話 喇 ：噉 我哋 點樣 迎敵 好 呢 ？
吳用話 ：等 佢 嚟 嘅 時候 ，一齊 捉咗 佢 。
當時 關勝 啊 企起身 對 宋江 、吳用 話 ：
關某 自從 上山 之後 ，深感 仁兄 厚待 ，但係 未曾 出過 半分 氣力 ，為 山寨 立過 半點 功勞 。
單廷珪 、魏定國 呢 兩 個 人 ，小弟 喺 蒲城 嘅 時候 曾經 同 佢哋 相會 。
單廷珪 呢個人 ，善於 用水浸兵之法 ，人人 都 叫佢 做 聖水將軍 ；
魏定國 呢 個人 呢 ， 精通 火攻 兵法 ， 上陣 專門 用 火器 取勝 ， 因此 叫做 神火 將軍 。
小弟 不才 ，願意 借 五千 軍兵 ，唔等 佢哋 兩個 起程 ，就 先 喺 凌州路 上 截住 。
佢哋 如果 肯 投降 ，就 帶 佢哋 上山 ；
如果 唔肯 投降 ，就 一定 捉 佢 嚟 ，奉獻 畀 兄長 ，亦 唔使 眾位 頭領 張弓 帶箭 費力 勞神 喇 。
唔知 尊意 如何 呢 ？
宋江 聽咗 非常之 歡喜 ，就 叫 宣贊 、郝思文 兩個 將領 ，跟埋 佢 一齊 去 。
關勝 帶咗 五千 軍馬 ，聽日 落山 。
第朝早 ，宋江 同 眾位 頭領 喺 金沙灘 寨 前 餞行 ，噉 關勝 三個人 啊 ，就 帶 兵 去 咗 咯 。
送完行 ，眾頭領 返到去 忠義堂 上便 ，吳用 就 對 宋江 講 ：
大哥 ，關勝 呢次 去 都 未 保 其心 嘅 噃 。
我哋 要 再 派 幾位 大將 ，隨後 監督 ，順便 接應 至 好 噃 。
宋江話 ：我 睇 關勝 義氣 凜然 ，始終如一 ，軍師 不必 多疑 喇 。
大哥 ，至怕 佢 個 心 唔似 你 嘅 心啫 。
我哋 可以 再 派 林沖 、楊志 帶兵 ，孫立 、黃信 為 副將 ，帶領 五千 人馬 ，隨即 下山 。
李逵 就 話 喇 ：誒 ，我 都 去 一趟 。
宋江話 ：呢一次 用 你 唔着 啊 ，你 唔好 去 喇 。
哈哈 ，兄弟 一得閒 ，就會 病 㗎喇 ，如果 唔 派 我 去 啊 ，我自己 都 要 去 行 一 趟 。
你 如果 唔 聽 我 個 軍令 我 割 咗 你 嘅 頭 。
李逵 聽見 噉 講 ，唂到 成肚氣 就 行 出去 。
林沖 、楊志 帶 兵 下山 ，去 接應 關勝 吖 噉 呢啲 就 唔 講 佢 。
第日 ，小嘍啰 嚟 報告 喇 ：
哎呀 ，黑旋風 李逵 尋晚 二更 ，攞住 兩把 板斧 唔知 去咗 邊處 啊 。
宋江 得到 噉嘅 報告 就 叫苦 啦 ：
唉 ，係 我 尋晚 衝撞咗 佢 幾句 説話 ，八成 係 投奔 去 第處 咯 ，唉 ，真係 吖 。
吳用 就 勸 佢 話 ：大哥 ，唔係 啊 。
李逵 呢個人 雖然 係 粗魯 ，不過 好 講義氣 ，佢 唔會 投奔 去 第處 嘅 。
睇個樣 ，過 三幾日 就會 返嚟 㗎喇 ，大哥 你 放心 。
雖然 係 噉 講 啫 ，宋江 仲 係 心慌 。
首先 佢 就 派 戴宗 去 追 ，跟住 就 派 時遷 、李雲 、樂和 、王定六 四 個人 ，分 四路 去 搵 。
好喇 而家 講下 李逵 喇 ，嗰 晚 黑 佢 攞住 兩把 板斧 落咗 山 ，就 混 小路 一直 去 凌州 。
佢 一路 行 一路 諗 喇 ：
嗰 兩個 爛鬼 將軍 ，哼 ，使乜 咁多 兵馬 去 打 佢 得㗎 。
等我 自己 一個人 ，衝咗 入 城 ，一斧頭 一個 殺死 佢哋 ，等 大哥 吃 一驚 。
嘿嘿 ，我 要 爭返 一啖 氣 至 得 。
行咗 半日 ，行到 肚餓 喇 想 食嘢 ，嘿嘿 弊喇 冇 錢 ，原來 佢 趕住 偷偷地 落山 ，一個 錢 都 冇 帶 喺 身 嚟 。
噉 佢 就 想 去 打 腳骨 搵 啲 使用 咯 喎 ， 不過 就 好 耐 都 未曾 制過 呢 單 嘢 喇 佢 就 諗 ：
哼 ， 唔 理 咁 多 喇 ， 搵 個人 嚟 出 下氣 先 。
行行下 ，見到 路邊 有 一間 鄉村 酒店 ，李逵 就 行入去 裏 便 坐低 ，就 叫咗 三角酒 、兩斤 肉 食 飽咗 就 起身 想 行人 嘞 。
噉酒保 梗係 攔住 問佢 攞錢 啦 。
李逵 話 ：等 我 去 前 便 做咗 啲 生意 ，發咗 市 先至 嚟 找 數 啦 。
講完 就 行 。
只見 外便 有 個 彪形 大漢 行 入嚟 喝 佢 話 ：你 呢個 黑佬 真係 大膽 ！
邊個 開 嘅 酒店 啊 ？你 敢 嚟 白食 唔 肯 畀 錢 ！
老爺 唔理 你 邊處 都 好 ，我 就係 要 白食 。
哼哼 ，我 講出嚟 嚇到 你 屁滾尿流 啊 。
老爺 就係 梁山泊 好漢 韓伯龍 。
我嘅 本錢 都係 宋江 大哥 嘅 。
李逵 聽咗 就 偷笑 ：嘿嘿 ，我 山寨 裏 便 ，邊度 有 個 噉嘅 衰公 嘅 呢 ？
各位 ， 呢 個 韓伯龍 係 邊個 呢 ？
韓伯龍啊 ，就 本來 喺 江湖 上 打家劫舍 ，就 要 嚟 梁山泊 入夥 嘅 。
佢 又 投奔 咗 旱地 忽律 朱貴 ，要 佢 帶 自己 去 見 宋江 。
當時啊 ，因為 宋江 個 背脊 生 瘡 吖 ，噉 山寨 裏頭 呢 又 正在 調兵遣將 唔得閒 。
所以啊 見唔到面 ，朱貴 呢 就 叫 佢 暫時 喺 村 裏 便 賣住 酒 先 ，就係 噉樣 嘅 來歷 。
好喇 ，當時 李逵 喺 條 腰處 啊 掹出 一把 板斧 ，就 同 韓伯龍 話喇噃 ：
嗱， 噉 就 攞 把 斧頭 當住 先 係 啦 。
韓伯龍 唔 知道 係 計嚟 ，攤開 隻手 真係 想嚟 接 啦 。
只見 李逵 一舉手 ，對住 面門 一斧頭 劈過去 ，咔聲 下斬 到正 ，嘿 ，可憐 韓伯龍 啊 做咗 半世 惡嘢 ，今日 就 死 喺 李逵 嘅 手上 。
嗰 兩三個 夥記 啊 ，只係 爹娘 啊 生 少 兩隻 腳 喇 ，搏命 咁 趯 咗 入 村 。
李逵 喺 間 店 處 擸 晒 啲 錢 ，放火 燒咗 草屋 ，噉 又 去 凌州 。
行咗 幾日 ，有 一日 行行下 ，喺 路上 遇見 一個 大漢 。
呢個 大漢 從頭到腳 噉 猛 咁 望實 李逵 。
李逵 見到 嗰個人 睇 佢 就 問 喇 ：
哼 ，你 呢個 傢伙 望住 老爺 做咩嘢 ！
嗰個 大漢 就 話 ：吖 你 係 邊個 嘅 老爺 啊 ？
哼 ，咁 沙膽吓 。
李逵 就 衝過去 咯 喎 ，點知 嗰個 大漢 手起 一拳 ，打到 李逵 成個 扽 低 。
李逵 諗 喇 ：嘿誒 ，呢個 傢伙 打得 一手 好 拳 㗎 噃 。
佢 坐 喺 地下 ，仰高 塊面 問 ：
喂 ，你 呢個 友仔 姓 甚 名 誰 啊 ？
老爺 冇 姓 啊 ，要 打 就 同 你 打過 ，你 敢 起身 吖嗱 ？
李逵 發火 ，啱啱 跳返 起身 ，就 畀 嗰 大漢 對住 小掩 一腳 ，又 踢到 佢 躀 咗 一跤 。
哎呀 ，哎打佢唔贏㗎 。
李逵 躝返 起身 就 鬆人 。
嗰 個 大漢 嗌 住 佢 話 ： 喂 ， 你 呢 個 黑佬 你 姓甚名誰 啊 ？ 係 邊處 人士 啊 ？
我 講畀 你 聽 你 唔好 驚 啊 ，我 就係 梁山泊 黑旋風 李逵 。
你 係咪 真 㗎 ，唔好 車 大炮 噃 。
你唔信呀 ，你睇下 我 呢兩把 板斧 。
哦 ，你 既然 係 梁山泊 好漢 ，你 一個人 想 去 邊處 啊 ？
哼 ，我 同 我大哥 爭 一啖氣 ，要 去 凌州 殺 姓 單 姓 魏 嗰 兩個 嘢 吖 嘛 。
我 聽講 你哋 梁山泊 ，已經 有 兵馬 去咗 凌州 㗎喇 ，你 講下 ，係 邊個 去咗 吖 ？
誒 先 不 先係 大刀 關勝 帶兵 ，隨後 就係 豹子頭 林沖 、青面獸 楊志 ，帶兵 去 策應 。
嗰個 大漢 聽咗 ，跪低 就 拜啊 。
李逵 就 話 喇 ：喂 ，係 喇 ，你 究竟 係 姓 甚 名 誰 啊 ？
小人 係 中山府 人氏 ，祖傳 三代 都 係 以 摔跤 相撲 為生 。
先頭 嗰啲 拳腳 ，係 父子 相傳 唔 教 徒弟 嘅 。
小人 平生 係 最唔講情面 㗎喇 ，到處 想 投奔 人 都 投奔唔着 嘅 ，所以 山東 、河北 ，都 叫 我 做 沒面目 焦挺 。
近日 ，我 聽到 話 寇州 有 座 山 ，名為 枯樹山 。
山上 有 個 惡嘢 ，平生 就係 好門 殺人 ，人人 都 叫 佢 做 喪門神 ，佢 姓 鮑 名 旭 。
佢 係 佔住 嗰座 山頭 打家劫舍 ，我 而家 想 去 佢 嗰處 入夥 喎 。
你 有 咁好 嘅 本事 ，點解 唔 嚟 投奔 我哋 大哥 宋公明 呢 ？
我啊 想 去 投奔 梁山泊 好耐 㗎 喇 ，就係 冇 門路 呢 。
今日 遇見 兄長 ，噉啱晒喇 ，我 願意 跟隨 阿哥 你 。
好 ，哎呀 不過 噉噃 ，我 正話 同 宋公明 大哥 爭啖氣 落咗 山 ，一個人 都 殺唔到 空住 雙手 點 返得去 啊 ？
誒不如噉啦 ，你 同埋 我 去 枯樹山 ，説服埋 鮑旭 ，一齊 去 凌州 殺咗 單 、魏 兩個 嘢 ，噉 就 回山 啦 好唔好 吖 ？
李大哥 ， 凌州 一府 城池 好多 軍馬 喺 嗰 度 㗎 ， 我同 你 得 兩個 人 ， 就算 係 有 十分 本事 都 係 冇 用 嘅 ， 盞 白白 送 咗 條 命 嘅 啫 。
不如 正係 去 枯樹山 説服 咗 鮑旭 ，一齊 去 梁山泊 入夥 ，噉 就 係 上策 喇 。
兩個人 正係 講講下 ，後便 時遷 趕到 嚟 喇 佢 話 ：
哎呀 ，大哥 為咗 你 呀 好 擔心 啊 ，請 你 即刻 回 山 啊 ，而家 已經 分咗 四路 人 嚟 追 你 㗎 喇 。
李逵 就 介紹 焦挺 同時 遷 相見 。
時遷 又 勸 李逵 回 山 ，佢 話 ：宋公明 大哥 等住 你 啊 ，快啲 返去 啦 。
李逵 話 ：哎咪住 ，我 同 焦挺 商量 妥 個 喇 ，我哋 去 枯樹山 説服 咗 鮑旭 先 ，然後 先至 回山 。
唔得啊 ，大哥 等住 你 啊 ，叫 你 即刻 返去 山寨 。
你 如果 唔肯 跟我去 ，噉啊 你 自己 返去 山寨 先 ，你 報畀 大哥 聽 ，話 我 就 返嚟 㗎喇 噉啦 。
時遷 就 怕 李逵 ，就 唯有 自己 返去 山寨 啦 。
於是 李逵 就 同 焦挺 啊 ，向住 枯樹山 而 去 。
而家 話 分 兩頭 ，而家 講下 關勝 同 宣贊 、郝思文 ，帶領住 五千 人馬 就 逼近 凌州 。
噉嗰個 凌州 太守 啊 ，佢 接到 東京 調兵 嘅 聖旨 ，同埋 蔡 太師 嘅 命令 ，就 請 兵馬團 練 單廷珪 、魏 定國 嚟 商量 。
兩位 將軍 接受 咗 命令 之後 ，隨即 選點 軍兵 ，領取 軍器 收拾 鞍馬 就 準備 糧草 ，定咗 日期 起行 咯 喎 。
忽然 得到 報告 話 蒲東 大刀 關勝 帶兵 嚟到 侵犯 本州 啊噉 。
單廷珪 、魏定國 聽咗 就 好嬲 ，即刻 點齊 軍馬 就 出城 迎敵 喇 。
當時 梁山泊 呢 便 呢 ，門 旗下 便 ，關勝 出馬 。
凌州 呢便 呢 ，兩 員 大將 出馬 。
前便 一員 大將 ，黑盔 黑甲 ，騎 一匹 深烏馬 ，使 一支 黑桿槍 。
前面 打起 一面 引軍 黑旗 ，上面 寫住 七個 銀字 ：聖水 將軍 單廷珪 。
後便 一員 大將 ，紅盔 紅甲 ，騎 一匹 胭脂馬 ，使 一把 熟銅刀 。
前面 打 一面 引軍 紅旗 ，上面 寫住 七個 銀字 ：神火 將軍 魏定國 。
兩員 虎將 一齊 出到 陣前 。
關勝 見咗 ，就 喺 馬上 講 ：兩位 將軍 ，分別 好耐 咯 。
單廷珪 、魏定國 哈哈大笑 ，指住 關勝 鬧佢 話 ：嘿 ，無才小人 ，背反 狂夫 ！
上負朝廷之恩 ，下辱祖宗名目 ，都唔知死活啊 ！
你 仲 帶兵 嚟到 有 咩嘢 好講 ？
關勝 回答 佢 話 ：兩位 將軍 錯咯 。
而 家主 上 昏昧 ， 奸臣 弄權 ， 非親 不用 ， 非仇 不談 。
我 哋 兄長 宋公明 ， 仁德 施恩 ， 替天行道 ， 特意 叫關 某 等 到來 招請 兩位 將軍 。
如果 唔 嫌棄 ，就 請 過嚟 同 歸 山寨 啦 。
單 、 魏 兩個 將軍 聽 咗 發火 咯 ， 一拍 隻 馬 ， 兩個 一齊 衝出 嚟 。
嘿 ，一個 好似 北方 嘅 一朵 烏雲 ，一個 就 好似 南方 嘅 一團 烈火 ，飛出 陣前 。
關勝正話 要 上前 迎敵 ，左手 便 飛出 宣贊 ，右手 便 奔出 郝思文 ，噉啊 四個人 分 做 兩對 ，喺 陣前 廝殺 。
嘩 ，刀 對 刀 ，槍 對 槍 ，萬道 寒光 一天 殺氣 啊 。
正係就打緊 ，單 、魏 兩 員 將軍 撥轉 馬頭 向住 本陣 就 走 。
郝思文 、宣贊 跟住 尾 就 窮追不捨 啊 衝入 陣 裏 便 。
只見 魏定國 轉咗 入左便 ，單廷珪 就 轉咗 過 右便 。
宣贊 就 追住 魏定國 ，郝思文 就 追住 單廷珪 。
而家 先 講下 宣贊 啊 正在 追追下 ，只見 四五百步 軍 都 係 紅旗 紅甲 嘅 ，嘩 噉 包圍 過嚟 ，撓鉤 齊下 就 套索 亂飛 ，連 人 帶 馬 就 活捉 咗 去 。
噉 嗰 頭 郝思文 呢 ， 咪 追住 單廷 珪 去 咗 右 便 ， 只見 五百 幾 步軍 ，冚𠾴唥 都 係 黑 旗 黑 甲 㗎 ， 瀡 噉 圍 轉 嚟 ， 將 郝思文 就 生擒活捉 咗 去 。
噉單 、魏 兩個 將軍 啊 ，一便 就 將 啲 人 解入 去 凌州 ，一便 仍舊 率領住 五百 精兵 啊 捲殺 過嚟 。
關勝 揦手 唔成 勢 就 大敗 一場 就 向後 就 退 啦 。
單廷珪 、魏定國 ，拍 衡馬 喺 背後 猛咁 追嚟 。
關勝 正話 趯緊 ，只見 前便 兩員 大將 衝出嚟 ，關勝 一睇 ，得喇 ，左 有 林沖 ，右 有 楊志 ，帶住 兵馬 由 兩便 撞出嚟 就 殺散咗 凌州 軍馬 。
關勝 收住 本部 嘅 殘兵 ，就 同埋 林沖 、楊志 相見 就 合埋 一齊 。
冇幾耐 ，孫立 、黃信 又 到 ，於是 三路 人馬 呢 ，就 聚集 起嚟 扎落 營寨 。
而家 講 下 水火 二 將 捉到 宣贊 、郝思文 啦 ，就 打起 得勝鼓 返 入去 城 裏 便 。
張太守 好 高興 喇 ，迎接 住 佢哋 ，擺 酒 慶賀 。
即刻呢 就 叫人 做咗 囚車 ，韞住 兩個 人 ，派 一 員 偏將 啊 帶領 三百 步 軍 ，解 上去 東京 ，向 朝廷 領功 嘞 。
噉嗰個偏將啊帶住三百人馬 ，押住 宣贊 、郝思文 啊 上 東京 啦 。
佢哋 有 一日 嚟到 一笪 地方 。
只見 滿山 枯樹 遍地 亂草 ，忽然間 ，嗙噉一下 鑼響 ，一班 好漢 撞出嚟 。
當先 一個 ，手執 雙斧 ，喝 一聲 啊 好似 行雷 噉 嘅 。
邊個呢 ？原來 就係 梁山泊 黑旋風 李逵 ，後便 就 帶住 沒面目 焦挺 喎 。
一句説話 都 唔 講 啊 ，就嚟 搶 囚車 。
嗰個 偏將 啱啱 想 走 ，點知 後便 又 撞出 一個 好漢 ，呢個 係 喪門神 鮑旭 。
哈 ，喪門神 即係 喪門神 啊 ，佢 上前 一步 手起劍落 就 將 個 偏將 斬咗 落 馬 下 。
其他嗰啲人呀 ，掉低架囚車 冚𠾴唥 都 逃命 走咗去 咯 。
李逵 打開 囚車 睇下 ，誒 ，乜 原來 係 宣贊 、郝思文 啊 ，就 問咗 佢哋 嘅 經過 咯 。
宣贊 見到 李逵 亦都 問 喇 ：喂 ，你 點解 會 喺 呢處 嚟 㗎 ？
李逵 就 話 ：大哥 唔肯 畀 我 嚟 呢處 打仗 ，我 一個人 偷偷地 落山 ，我 就 先 一先 ，殺咗 個 韓伯龍 ，收尾 又 遇到 焦挺 帶 我 嚟 呢處 。
嗱 ，呢個 就係 鮑旭 ，佢 同 我 一見如故 ，同 我 呀 ，好似 親兄弟 咁 好 。
我哋 啱先 商量緊 喇 ，正話 想 去 打 凌州 ，先頭 ，啲 小嘍啰 喺 山頂 望見 呢 一班 人馬 ，押住 囚車 嚟到 。
嘿嘿 ，我 仲 估 話 官兵 嚟 打 我哋 添 ，點知道 原來 係 你 兩位 啊 。
鮑旭啊 請 佢哋 上去 山寨 ，劏 牛 擺 酒 嚟 款待 。
郝思文 話 喇 ：兄弟 ，你 既然 有心 上 梁山泊 入夥 ，不如 帶齊 本部 人馬 一齊 去 凌州 并力 攻打 ，噉 就係 上策 噃 。
鮑旭 話 喇 ：講得啱 ，小人 同 李大哥 正係 噉 諗嘅 。
我嘅 山寨 亦 有 三兩百 匹 好馬 㗎 。
於是 佢 就 帶埋 六七百 個 小嘍啰 ，五名 好漢 一齊 嚟 打 凌州 喇 。
而家 講下 嗰啲 走甩咗 條命 返到 凌州 嗰啲 兵卒 啊 ，佢哋 返到去 啊 報告 畀 張 太守 知 ，話 喺 半路 呢 有 班 賊佬 奪 咗 囚車 殺 咗 偏將 啊 噉 。
單廷珪 、魏定國 聽咗 就 嬲 到 𨅝𨅝 跳 喇 佢哋 話 ：呢次 捉到 呀 ，就 喺 處 殺咗 佢哋 。
呢陣時 ，聽見 城外 關勝 帶兵 嚟 嘍打 。
單廷珪 就 搶先 出馬 ，開 城門 ，放 落 吊橋 ，帶住 五百 黑甲軍 ，飛奔 出 城 迎敵 。
佢 放聲 大鬧 關勝 啊 ：辱國 敗將 ，仲 唔 下馬 就 死 ！
關勝 聽咗 ，亦 唔 答話 ，舞刀 拍馬 就 迎上去 就 打 。
