軍師 吳用 啊 ，佢 調兵遣將 ，準備 智取 大名府 吖 。
頭一日 ，佢 就 派咗 時遷 啊 ，先行 去 大名府 潛伏 。
第二日呢 ，就 派 解珍 、解寶 又 扮做 獵户 ，去 大名城 內啲 官員 屋企 獻納 野味 。
吩咐佢哋 正月十五 嗰晚 ，見到 火 起 為 號 ，就 去 留守司 前 便 截住 啲 報事 官兵 。
再派 杜遷 、宋萬 ，扮做 賣米 嘅 客商 ，推 架 車 ，去 城 裏 便 住宿 。
元宵 嗰 晚 ，見到 信號 火 一起 啊 ，就 去 奪取 東門 。
又 派 孔明 、孔亮 扮做 乞兒 ，去 大名城 內 熱鬧 嘅 街市 ，喺 啲 屋簷 底下 住宿 ，見到 樓前 火 起 就 來往 接應 。
再派 李應 同 史進 ，扮做 商人 ，去 大名城 東門 外 住落 ，睇見 城 裏 便 號火 一起 ，先 斬 守門 軍士 奪取 東門 嚟到 出路 。
跟住 再 派 魯智深 、武松 ，扮做 雲遊四海 嘅 和尚 ，去 大名城 外 啲 寺院 掛搭 。
一見 城裏 便 號火 起 啊 ，就 去 南門 外 便 ，截住 官軍 ，衝擊 去路 。
再派 鄒淵 、鄒潤 ，扮做 賣燈 嘅 商人 ，一直 去到 大名城 內 ，搵 間 客店 住落 ，見到 樓 中 火 起 ，就 去 監獄 前面 策應 。
再派 劉唐 同 楊雄 ，扮做 差人 ，去 大名 衙門 前面 搵 笪 地方 住落 ；
見到 號 火 一起 ，就 去 截住 一切 報事人員 ，搞到 佢哋 首尾 不能 照應 。
再派 公孫勝 先生 ，扮做 個 雲遊道士 ，凌振 呢 ，就 扮做 個 道童 跟住 尾 ；
帶埋 風火炮 、轟天炮 等等 幾百個 ，去 大名城 內 搵 笪靜僻 嘅 地方 等候 ，一見 號火 起 喇 就 放炮 。
再派 張順 ，跟住 燕青 ，由 水門 裏 便 入城 ，直奔 盧員外 屋企 ，捉拿 姦夫 淫婦 。
又 派 王矮虎 、孫新 、張青 、扈三娘 、顧大嫂 、孫二嫂 ，扮做 三對 鄉下 夫妻 ，入 城 睇 燈 ，就 去到 盧俊義 屋企 裏 便 放火 。
再派柴進 ，帶同 樂 和 扮做 軍官 ，直去 節級 蔡福 屋企 ，要 保住 兩個人 嘅 性命 。
分派 定喇 ，噉 眾位 頭領 啊 ，就 各自 奉令 出發喇 。
呢個 時候 ，正係 正月初 ，大名府 個 梁中書 呢 ，就 召集 李成 、聞達 、王太守 等等 一班 官員 ，就 商量 放花燈 呢件事 噃 。
梁中書 就 話 喇 ：
我哋 每年 嘅 規例 啊 ，都係 喺 城內 大放 花燈 ，慶賀 元宵 ，與 民 同樂 嘅 ，都係 照足 東京 嘅 規矩 㗎 喇 。
之而家畀梁山泊啲賊人兩次侵犯 ，就怕一放花燈就會惹出禍嚟噃 。
所以 下官 嘅 意思 就 暫停 放 燈 喇 ，唔知 各位 嘅 意思 點 呢 ？
聞達 就 話 喇 ：
梁山泊 呢班 賊人 ，偷偷地 退咗 返去 ，亂咁 貼 無頭 告示 ，呢個 係 計 窮力竭 啊 ，冇晒 辦法 㗎 喇 。
相公 你 何必 多慮 呢 ？
如果 今年 我哋 唔 放 花燈 ，畀 佢哋 啲 奸細 知道 ，梗 會 畀 佢哋 恥笑 啦 ，相公 。
你 可以 落個 命令 ，曉示 居民 ：我哋 要 比 舊年 啊 ，要 多 設啲 花燈 ，增添啲 遊藝節目 ；
喺 市中心 ，搭 多 兩 座 鰲山 ，依照 東京 嘅 體例 ，通宵 不禁 ，由 正月 十三 到 十七 ，一連 五 晚 ，大放 花燈 啊 。
請 府尹 ，去 檢查 啲 居民 ，要 家家户户 都 要 參加 。
相公 係 親自 去 睇 燈 ，務必要 與 民 同樂 。
聞某 ，就 親自 率領 一彪 軍馬 出城 ，去 飛虎峪 駐扎 ，嚟 防備 賊人 嘅 奸計 。
再請 李都監 ，率領 鐵騎馬軍 ，繞城 嚟 巡邏 ，總之 使到 居民 安心 ，唔使 驚慌 嘅 。
相公 ， 你 話 噉 好 唔 好 呢 ？
梁中書 見 佢 噉 講 就 非常之 歡喜 。
噉啊眾位官員 商量 定喇 ，跟住 就 出榜 ，曉諭 居民 嘞噃 。
各位 ， 呢 個 北京 大名府 啊 ， 係 河北 頭 一個 大郡 ， 係 來往 要衝 嚟 嘅 ， 所以 各路 嘅 買賣 呢 都 集中 到 嚟 呢 處 。
聽見 話 放 燈 喇 ，趕住 嚟 做 生意 定 啦 。
噉啊 管理 街坊 啲 商官 啊 ，日日 都 出嚟 檢查 督促 啲 居民 要 準備好 遊藝節目 。
富豪之家 ，就 各自 準備 比賽 花燈 。
趯到去遠嘅 ，三二百里 去買 ，近嘅 都 百幾二百里 去買㗎喇 。
同時啊 ，亦有 好多 商人 ，聽見 話 放花燈 咪 都 辦 啲 花燈 嚟 大名城 內 賣 喇 。
家家 門前 都 扎起 晒 燈棚 ，都 要 鬥過 ，睇下 邊 家 嘅 燈 靚 。
屋企 裏 便 呢 ，搭起 山棚 ，擺放 五色 屏風 炮燈 ，四邊 四便 掛起 晒 名人 書畫 ，同埋 啲 奇異 古董 工藝品 啊噉 。
喺 城內 嘅 大街小巷 啊 ，家家 都 要 點燈 嘅 。
大名府 留守司 州 橋 旁邊 ，搭起 一座 鰲山 噃 ，上面 扎起 紅黃 紙 龍 兩條 ，每一片 鱗甲 上 便 都 點燈 一眼 ，龍口 仲 會 噴 水 嘅 。
喺 城內 嗰 條 河 處 呢 ，周圍 上下 都 點晒 燈 ，不計其數 咁多 咯 。
銅佛寺 前面 搭起 一座 鰲山 ，上面 扎咗 一條 青龍 ，周圍 亦 有 千多 眼燈 。
翠雲樓 前面 當然 亦 搭起 一座 鰲山 定 啦 ，上面 就 扎住 一條 白龍 ，四面 點燈 不計其數 。
原來 呢座 酒樓 啊 ，嘿 好 出名 ，名 冠 河北 ，號稱 為 第一 㗎 喇 。
上便 有 三簷 滴水 ，雕樑 繡柱 ，起得 極之 威勢 嘅 。
樓上 樓下 有 百多 間 廳房 ，從 朝 到 晚 呀 ，鼓樂 喧天 ，笙歌 悠揚 。
城內 各處 宮觀寺院 ，佛殿法堂 ，都 擺設 燈火 ，慶賞 豐年 。
嗰啲 遊樂場所 啊 妓院 歌壇 嗰種 熱鬧法 呀 ，就 更加 唔 在講 咯 。
噉 梁山泊 啲 探子 ，得到 呢個 消息 ，就 上山 去 報告 啦 。
吳用 聽咗 就 非常之 高興 ，即刻 同 宋江 講 。
宋江 一聽 ，就 要 親自 帶兵 去 打 大名 。
安道全 就 勸 佢 話 喇 ：將軍 個 瘡 仲 未 好晒 ，千祈 唔好 逳動 啊 。
稍為 怒氣 相侵 ，就 好難 痊癒 㗎喇 。
吳用 亦都 話 ：小生 替 大哥 你 去 行 一趟 啦 。
跟住 ，吳 用 就 同 鐵面孔 目 裴宣 ，點起 八路軍 馬 ：
第一隊 ，雙鞭 呼延灼 ，率領 韓滔 、彭玘 為 前部 ，鎮三山 黃信 就在 後策應 都係 馬軍 。
啊係喇 ，喺 呢處 要 補 一句 ，上次 呼延灼 喺 陣上 打 嗰個 黃信 呢 係 假 嘅 ，點解 呢 ？
當時 係 為 咗 要 氹 關勝 啊 ， 所以 用 呢 條計 。
第二隊 ，豹子頭 林沖 ，率領 馬麟 、鄧飛 為 前部 ，小李廣 花榮 在 後 策應 ，都係 馬軍 。
第三隊 ，大刀關勝 ，率領 宣贊 、郝思文 為 前部 ，病尉遲 孫立 在 後 策應 ，都係 馬軍 。
第四隊 ，霹靂火 秦明 ，率領 歐鵬 、燕順 為 前部 ，青面獸 楊志 在 後 策應 ，都係 馬軍 。
第五隊 ，就 由 步軍 頭領 沒遮攔 穆弘 ，率領 杜興 、鄭天壽 。
第六隊 ，步軍 頭領 ，黑旋風 李逵 ，率領 李立 、曹正 。
第七隊 ，步軍 頭領 ，插翅虎 雷橫 ，率領 施恩 、穆春 。
第八隊 ，步軍 頭領 ，混世魔王 樊瑞 ，率領 項充 、李袞 。
吳用 呢 ，又 命令 呢 八路 馬步 軍 兵 啊 ，各自 跟住 行軍 路線 ，立即 起程 。
正月 十五 ，二更 為期 ，都 要 到達 北京 城下 。
噉就 馬軍 步軍 啊 一齊 出發 。
呢八路人馬 ，按照 命令 下山 。
噉 其餘 嘅 頭領 呢 ，就 跟住 宋江 喺 處 保護 山寨 呢啲 唔 講 佢 。
而家 講下 時遷 ， 時遷 係 個 飛檐走壁 嘅 人 吖 嘛 ， 佢 就 唔 混 正路 入 城 噃， 佢 夜晚 黑 ， 擒 墻 頭入 去 。
喺 城裏 便嘅 客店 啊 就 唔 收 單身 客 住 嘅 ，所以 日頭 呢 ，佢 就 喺 街 上面 遊來蕩去 ；
晚頭黑 ，就 走去 東嶽廟 神台 底 瞓覺 ，嘿佢 就 叻 喇 。
正月 十三 嗰 日 ，佢 喺 城 裏 便 到處 睇 下 居民 百姓 啊 搭 燈棚 ，掛 花燈 。
睇 睇 下 ， 見到 解珍 、 解寶 就 擔住 野味 ， 行 嚟 行去 睇 嘢 喎 。
又撞見 杜遷 、宋萬 兩個 ，喺 遊樂場 行出嚟 。
當日 ，時遷 仲 去 翠雲樓 上面 行咗 個 𡃈 先 ，上一上 。
只見到 孔明 披頭散髮 ，着住 件 爛 羊皮 袍 ，右手 啊 戙住 條 棍 ，左手 攞住 個 碗 ，邋邋遢遢 噉 喺 處 求乞 。
時遷 一見咗 就 嗌佢 行埋 一便 。
時遷話 ：喂 ，阿哥 ，睇下 你 ，面色 紅紅白白 都 唔似 個 乞兒 嘅 。
城裏 便 差人 多 啊 ，如果 畀 佢 睇穿咗 啊 誤咗 大事 㗎 喇 。
阿哥 ，你 避開 下 好啲 喇 。
都未講完 ，又 見到 有 個 乞兒 喺 牆邊 嗰度 行過嚟 一 睇 ，嗬 ，原來 係 孔亮 。
時遷 就 話 喇 ：哎呀 阿哥 ，你 塊 面 又 係 咁 白雪雪 嘅 ，都 係 唔似 個 挨飢抵餓 嘅 人 ，噉樣 呀 ，實 撞板 㗎 。
啱啱 講完 ，畀 後便 兩個人 一手 揪住 喝佢哋 話 你哋 做得 好事 ！
擰 轉頭 一睇 ， 嘿 原來 係 楊雄 、 劉唐 。
時遷話 ：喂喂喂 ，乜人 嚇人 嚇死人 㗎 。
楊雄 就 話 喇 ：跟 我 嚟 吓 ，跟 我 嚟 。
將 佢 哋 帶 咗 去 靜僻 嘅 地方 就 埋怨 佢 哋 話 喇 ：
你哋 三個人 啊 真係 冇 釐搭霎 ，喺 嗰度 傾偈 都 得 嘅 ？
好彩 係 我哋 兩個 睇見 咋 ，如果 畀 嗰啲 眼明手快 嘅 差人 睇穿 咗 ，咪 誤晒 大事 。
我哋 兩個 都 巡過 晒 㗎喇 ，你哋 不必 再 出街 喇 。
孔明 又 話 ：鄒淵 、鄒潤 喺 街 上面 賣 燈 ，魯智深 同 武松 呢 ，已經 喺 城 外 一 間 庵 處 住落 喇 。
都唔使 多講 喇 ，到時 我哋 各自 行事 啦 。
五個人 講完 就 行喇 ，行到 一間 寺 前 便 ，撞見 一個 道士 先生 ，喺 寺裏 便 行出嚟 。
大家 睇睇 ，原來 係 入雲龍 公孫勝 ，後便 呢 ，凌振 就 扮咗 個 道童 跟尾 。
七 個 人 都 點點頭 會意 就 各自 走人 喇 。
好喇 ，就嚟到 正月十五 喇 ，梁中書 就 命令 大刀 聞達 ，率領 軍馬 出城 先 ，去 飛虎峪 駐扎 就 提防 賊寇 侵犯 。
十四個 日 ，又 命令 李天王 李成 ，親自 率領 鐵騎馬軍 五百 ，全副 披掛 ，繞城 巡視 。
第日 ，就係 正月十五 ，上元佳節 喇 。
當日呀 ，天氣啊 極之好 。
黃昏嘅時候 ，一輪 明月 湧上 中天 ，大街小巷 ，點起晒 花燈 ，一隊隊 歌舞遊藝 嘅 隊伍 ，鼓樂 喧天 熱鬧非凡 啊 。
當晚黑 ，蔡節級 蔡福 就 吩咐 佢 嘅 細佬 蔡慶 ，就 看守住 大牢 ，佢 話 ：
我 返 屋企 睇下 先 ，等陣 就 返嚟 㗎 喇 。
佢 啱啱 返 入 屋企 門口 ，見到 有 兩個 人 跟住 尾行 入嚟 噃 。
前面 嗰個 係 軍官 打扮 ，後便 嗰個 呢 ，係 僕人 嘅 模樣 。
燈光 之下 一 睇 ，蔡福 認得 行 前面 嗰 個 就係 小旋風 柴進 。
後便 嗰個 佢 唔識 ，嗰個 係 鐵叫子樂和 。
蔡節級 就 請 咗 入 裏 便 ， 有 現成 嘅 酒菜 就 請 佢 哋 飲酒 啦 。
柴進 就 話 喇 ：不必 賜酒 。
小人 今日 嚟 有 件 緊要 嘅 事 求 你 啊 。
盧員外 同 石秀全 靠 足下 關照 真係 感激不盡 。
今晚 ，小人 想 趁住 元宵 熱鬧 入去 大牢 探望 一下 ，勞煩 你 帶 我哋 入去 ，唔好 推辭 。
蔡福 係 個 差人 ，諗到 八分 啦佢 。
想話唔䎺 ，咦又怕 打破 城池 ，不但 話冇好處 啊 ，而且 仲會 連累 成家人 㗎嘛 。
就唯有擔帶住血海關係 ，幾大就幾大啦 ，就攞咗啲舊衣服 ，畀佢哋兩個換咗 亦扮作個差人噉樣 ，就帶佢哋入去大牢喇 。
到咗 初更 左右 ，王矮虎 、一丈青 、孫新 、顧大嫂 、張青 、孫二娘 ，就 扮成 三對 鄉下 夫婦 ，裝模作樣噉 ，逼埋 喺 啲 人叢 裏 便 就 入咗 東門 咯噃 。
公孫勝 就 帶埋 凌振 ，擔住 擔籮 ，去 城隍廟 嘅 走廊 嗰處 坐落 。
呢間 城隍廟 ，就 喺 衙門 側 跟 ，地點 係 最 啱 㗎 喇 。
鄒淵 、鄒潤 就 擔住 燈 ，喺 城 裏 便 游來蕩去 。
杜遷 、宋萬 就 各人 推 一架 車 ，一直 嚟到 梁中書 嘅 住宅 前面 ，攝住 喺 人群 熱鬧嘅 地方 。
原來 梁中書 嘅 住宅 啊 ，就 喺 東門 裏 便 大街 㗎 啫 。
劉唐 、楊雄 就 各自 提住 一條 水火棍 ，身邊 都 擪住 暗器 ，嚟到 州橋 上面 兩邊 坐落 。
燕青 就 帶住 張順 ，由 水門 裏面 入 城 ，喺 靜僻 嘅 地方 埋伏 呢啲 不在 話下 。
冇 幾耐 ，朝 樓 上面 打 二更 。
噉時 遷 呢 ，就 挽住 個 籃仔 ，裏 便 都 係 裝住 晒 硫磺 、硝石 、火藥 等等 。
喺籃上便呢 ，仲 插住 幾 朵 女人 用 嘅 彩花 ，噉啊 行咗 入 翠雲樓 後 便 。
佢 上咗 樓 ，見到 廳房 裏頭 呀 吹簫 彈琴 唱嘢 都 唔知 幾 熱鬧 ，啲 人 都 喺 樓 上面 高高興興 噉 賞燈 。
時遷 上到 樓上 ，就 扮成 一個 賣彩花 嘅 人 ，各間 廳房 都 去 睇下 。
就 撞見 解珍 、解寶 ，拖住 鋼叉 ，叉 上面 掛住 啲 兔仔 ，喺 廳房 嗰度 巡下巡下 喎 。
時遷 就 話 喇 ：喂 ，到 時候 㗎 喇噃 ，點解 仲 唔見 外便 有 動靜 呢 ？
解珍 就 話 ： 我 哋 兩個 啱 先 喺 樓前 便 ， 見到 探馬 過 咗 去 ， 九成 係 我 哋 兵馬 到 咗 喇 ， 你 即 管 逳 手 啦 。
話猶未了 ，只見 樓前面 嘈起 上嚟 話 ：不得了喇 ，不得了喇 ，梁山泊 軍馬 到咗 西門外 便喇 ！
解珍 就 吩咐 時遷 話 喇 ：你 快啲 去 ，我哋 去 留守司 前面 接應 。
噉解珍 兩 兄弟 就 即刻 奔到 留守司 前 便 。
只見啲殘軍敗將啊一齊噉湧入城 ，都話喇 ：聞大刀畀人哋劫咗寨啊 ，梁山泊嘅賊寇 ，帶住人馬嚟到城下喇 ！
李成 正 喺 城 上面 巡邏 ，一 聽講 就 飛馬 嚟到 留守司 前面 ，命令 點齊 軍兵 ，又 吩咐 閂起 城門 ，守護 本州 喇 。
而家 講下 當時 王太守 啊 ，佢 親自 帶住 隨從 百幾人 ，長枷 鐵鎖 ，喺 街上 巡查 吖 。
聽見 有 噉嘅 消息 ，就 連忙 嚟到 留守司 前面 。
呢陣時 ，梁中書 正 喺 住宅 嗰處 飲醉咗酒 坐響處 ，初初 聽見 報告 ，都 仲 唔係 點 慌噃 。
跟住 都 唔使 半個 更 咁 耐 ，流星 探馬 一個 接 一個 嚟 報 就 嚇到 佢 魂不附體 ，慌忙 快啲 叫 備馬 。
説話 都 未完 ，只見 翠雲樓 上 ，嘩嗨 ，大火 沖天 ，燒到 成邊天 都 紅晒 。
梁中書 見到 就 急急 上馬 ，正話 想 去 睇下 啦 ；
只見 兩條 大漢 ，推住 兩架 車 ，放喺 路 中心 ，攞住 眼燈 ，就 將 架 車 上面 一 點 就 點着 晒 ，轟噉 就 燒起 上嚟 。
梁中書 正要 出 東門 嘅 時候 ，有 兩 條 大漢 嗌 一 聲 話 ：李應 、史進 喺 度 ！
手執 朴刀 大踏步 噉 殺過嚟 。
守門嘅 官軍 嚇到 走晒 ，就 靠近 佢哋 嗰啲 呢 ，就 已經 傷咗 十幾個 喇 。
時遷 、宋萬 啊啱啱 接住 出嚟 ，四個人 夾埋 一齊 ，就 守住 東門 喇 。
梁中書 見到 哎呀 唔係 頭路 喇 ，帶領 隨行 嘅 人員 就 飛奔 去 南門 。
南門 啲 人話 ： 哎呀 ， 有個 肥大 和尚 ， 舞住 鐵 禪杖 ， 有個 老虎 噉 口 面 嘅 行者 ， 舞住雙 戒刀 ，嗌 住 殺入 城 啊 噉 。
梁中書 即刻 回馬 就 再 到 留守司 前面 啦 ，只見 解珍 、解寶 ，手 執 鋼叉 喺 嗰處 東撞 西撞 。
於是 佢 急急 就 趯 返去 州衙 就 唔敢 行前 喇 。
王太守 咁啱 過緊 嚟 ，劉唐 、楊雄 兩條 水火棍 一齊 㩧落去 ，㩧到 佢 腦漿 流出嚟 ，眼珠 都 突出 就 死 喺 街上 。
嗰啲 虞候 啊 押番 就 各自 逃生 喇 。
梁中書 急急 回馬趯 到去 西門 。
只 聽見 城隍廟 裏 便 ， 轟 ， 轟 ， 火炮 齊響 ， 震天動地 ， 鄒淵 、 鄒潤 就 搦 住 竹竿 ， 一味 喺 房 簷 下 便 放火 。
喺 遊樂場 前面 呢 ，王矮虎 、一丈青 啊 殺過嚟 喇 。
孫新 同 顧 大嫂 ，喺 身邊 就 扲出 暗器 ，就 幫 佢哋 手 。
喺 銅佛寺 嗰度 啊 ，張青 同 孫二娘 入去 ，擒 上 個 鰲山 就 放 起 火 上嚟 。
呢個 時候 呀 ，大名城 裏 便 嘅 黎民百姓 一個個 搏命 咁 走 啊 ，家家 都 鬼哭神號 喊苦 喊窟 。
四周圍 十幾 笪 地方 火光沖天 ， 真 係 東南西北 都 分 唔 清咯 。
而家 講 下 梁中書 啊 ，佢 趯 到 去 西門 ，就 遇到 李成 嘅 軍馬 ，一齊 急急 去 南門 嘅 城 上 便 ，勒住 馬 喺 鼓樓 上面 睇下 啦 。
只見 城下 兵馬 都 擺滿晒 ，旗號 上面 寫住 ：大將 呼延灼 。
喺 火光 之 中 ，抖擻 精神 ，威風凜凜 。
左 有 韓滔 ，右 有 彭玘 ，就 黃信 在 後 ，催動 人馬 ，一排 噉 打橫 殺過嚟 ，衝到 城門 下 便 。
梁中書 唔 出得 城 喇 ，就 同 李成 趯 去 北門 城下 ，睇見 嗰度 火光 明亮 ，軍馬 都 不知 其 數 咁多 。
原來 係 豹子頭 林沖 ， 躍 馬橫槍 ， 左有馬麟 ， 右有 鄧飛 ， 花榮 在 後 ， 催動 人馬 就 飛奔 過 嚟 。
咪 再 轉去 東門 啦 ， 哎呀 喺 火把 叢中 啊 ， 只見 沒 遮攔 穆弘 ， 左有 杜興 ， 右有 鄭天壽 ， 三名 步軍 好漢 當先 ， 就 手執 朴刀 ， 帶領 一千 幾人 殺入 城 嚟 。
梁中書 於是 又 趯 返去 南門 ，搏命 咁 奪路 而 走 。
喺 吊橋 邊邊 ，啲 火把 點到 都 唔知 幾 光猛 ，見到 黑旋風 李逵 ，左 有 李立 ，右 有 曹正 。
嘿嗰李逵呀 ，徐光晒啲衣服 ，咬實牙關 ，手舞雙斧 ，喺城壕裏便飛殺過嚟 ；
李立 、曹正 啊 一齊 衝到 。
噉 李成 當先 呢 殺開 條 血路 ，奔出 城外 嚟 保護 梁中書 就 走 嘞 噃 。
只見 左手便 ，殺聲 震響 ，喺 火把叢中 就 無數 軍馬 ，只見 大刀 關勝 ，催動 赤兔馬 ，手舞 青龍刀 ，就 直取 梁中書 。
李成就 舉起 雙刀 ，上嚟 迎敵 啦 。
不過 嗰陣時 李成 亦 無心 戀戰 啊 ，係噉 打 兩下 ，撥轉 馬頭 就 想 走 嘞 ，嘿 想 走 冇 咁 容易 噃 。
左 有 宣贊 ，右 有 郝思文 ，喺 兩便 撞過嚟 。
而且 仲有 孫立 在 後 ，催動 人馬 就 合力 殺嚟 添 。
正喺度打緊 ，小李 廣花榮 嘅 背後 趕上嚟 ，拈弓搭箭 就 射中 李成 副將 啊 翻身 落馬 。
李成 見到 ，哎呀 弊 ，飛馬 奔走 。
走咗冇幾遠 ，只見 右手便 ，鑼鼓亂響 ，火光奪目 。
原來 係 霹靂火 秦明 ，躍馬 舞棍 就 帶住 燕順 、歐鵬 ，背後 仲有 楊志 一齊 殺過嚟 。
嘿 李成 且戰且走 ，兵馬 損失 咗 成 大半 總之 保護住 梁中書 ，衝開 條 血路 就 走甩 咗 。
話分 兩頭 ，就 講 下 大名城 裏頭 嘅 事 。
杜遷 、宋萬 就 去 殺 梁中書 一家 嘅 大細 。
劉唐 、楊雄 啊 就 去 殺 王太守 一家 老小 。
孔明 同 孔亮 呢 ，就 已經 由 監獄 嘅 後墻 擒 咗 入去 。
鄒淵 、鄒潤 呢 ，就 喺 監獄 前 便 接應 住 往來 嘅 人 。
大牢 裏 便 柴 進 同 樂和 ，睇見 號 火 燒着 喇 ，就 同 蔡福 、蔡慶 話 喇 ：
你 兩 兄弟 見唔見 啊 ？仲 等 幾時 啊 ？
蔡慶 喺 門邊 睇下 ，見到 鄒淵 、鄒潤 已經 撞開 牢門 大聲 嗌話 ：
梁山泊 好漢 全部 喺度 ，好好地 送 盧員外 同 石秀 阿哥 出嚟 ！
蔡慶 就 慌忙 報 畀 蔡福 聽 啦 ， 孔明 、 孔亮 呢 個 時候 呀 ， 已經 喺 監牢 屋頂 跳 咗 落 嚟 喇 。
都唔到 佢 兩 兄弟 肯唔肯 啊 ，柴進 喺 身邊 攞出 兵器 ，打開 咗 副 枷 就 放咗 盧俊義 同 石秀 。
柴進 同 蔡福 講 喇 ：你 快啲 跟 我哋 返去 你 屋企 保護 家人 老小 啦 。
於是 一齊 都 出咗 牢門 。
鄒淵 、鄒潤 就 接到 佢哋 ，夾埋 一齊 。
蔡福 、蔡慶 就 跟隨住 柴進 返去 屋企 就 保存 家人 老小 。
呢個 時候 呢 ，盧俊義 啊 帶埋 石秀 、孔明 、孔亮 、鄒淵 、鄒潤 五個 弟兄 ，喇喇聲 跑返去 自己 屋企 ，嚟 捉 李固 同 賈氏 喇喎 。
而家 講下 李固 嗰 單 嘢 喇 ，佢 聽講 話 梁山泊 好漢 就 帶住 兵馬 入 城 ，又 見 四周圍 都 火燭 ，噉 正 喺 屋企 呢 就 覺得 有 啲 眼眉 跳 喇 。
就 同 賈氏 商量 好 ，執拾咗 一包 金銀珠寶 啊 ，孭住 就 想 出門 趯佬 嘞噃 。
只聽見 外便 大門 嗰度 閘 啊 嘭聲 冧咗 ，咦 都 唔知 有 幾多人 衝入嚟 。
李固 同 賈氏 就 慌忙 返轉頭 ，返入去 裏 便 開咗 後門 ，轉過咗 牆邊 ，就 去 條 河 嗰 度 想 搵 埞 趯 嘞噃 。
只見 岸上 張順 大聲 嗌話 ：嗰個 婆娘 想 趯走 去 邊 啊 ！
李固心慌 ，見到 有隻船 就 跳咗上去 ，想 匿埋 喺 個艙 裏 便 。
咦 ，點知 有 個人 一 伸 隻 手 出嚟 揦住 佢 頭髮 喝 佢 話 ：
李固 ，你 認唔認得 我 啊 ？
李固 聽 出 係 燕青 把 聲 ， 就 連忙 嗌 話 ： 哎呀 ， 小乙哥 ， 小乙哥 ， 我同 你 冇 咩 嘢 冤仇 㗎 ， 你 唔 好 揪 我 上岸 啊 。
岸上面 張順 已經 將 嗰個 婆娘 挾住 嚟 喇 ，拖 到 嚟 船邊 。
噉 燕青 就 拉住 李固 ，兩個 一齊 就 趕去 東門 。
而家 再 講 下 盧俊義 佢 返到嚟 屋企 ，唔見 咗 李固 同 嗰個 婆娘 。
又叫大家 將 所有 嘅 金銀財寶 啊 ，都 搬晒 嚟 裝 喺 車 上 便 帶 返 去 梁山泊 ，準備 發畀 大家 。
噉啊 先頭 講過 喇 ，柴進 同 蔡福 啊 返到去 蔡家 ，執拾 好 值錢 嘅 嘢 ，帶埋 家人 老小 啊 同 上 山寨 。
蔡福話喇 ：大官人啊 ，請你救一救 滿城 嘅 百姓 啦 ，唔好 殘害 佢哋 啊 。
柴進 聽 佢 噉 講 ，就 去 搵 軍師 吳用 。
及至 柴進 搵到 吳用 ，急急 傳下 號令 叫 大家 唔好 殺害 良民 嘅 時候 ，城 裏 便 已經 差唔多 損傷 咗 成 半 喇 。
當時 ，天光 大白喇 ，吳用 、柴進 喺 城 裏 便 鳴金 收兵 。
噉 啊 眾位 頭領 啊 接 咗 盧員外 同埋 石秀 一齊 去 留守 司 見面 。
盧俊義 就 講 ，佢 話 喺 牢裏 便 呀 ，多得 晒 蔡福 、蔡慶 兩 兄弟 關照 ，噉 先至 得返 條 命 咋 噉 。
燕青 、張順 呢 ，又 將 李固 同 賈氏 解嚟 喇 。
盧俊義 見咗 ，就 叫 燕青 韞起 佢哋 先 ，聽候 發落 ，不在 話下 喇 。
噉而家 再 返轉頭 講下 李成 啊 ，佢 保護住 梁中書 出 城 逃難 ，又 撞到 聞達 帶住 啲 殘兵敗卒 返嚟 ，就 將 啲 兵卒 合埋 一齊 ，就 向住 南方 走 。
行行下 ，前軍 嗌起 上嚟 喇 ，原來 係 混世魔王 樊瑞 ，左 有 項充 ，右 有 李袞 ，就 三名 步兵 好漢 啊 ，舞動 飛刀 飛槍 啊 直 殺過嚟 。
背後 呢 ，又 有 插翅虎 雷橫 ，就 帶住 施恩 、穆春 ，各人 都 率領 一千 步軍 啊 前嚟 截住 退路 。
噉啊李成當先 ，聞達在後 ，就保護住 梁中書 搏命噉死戰 就衝出重圍 ，執返條命 就向住西便走咗 。
樊瑞 就 帶住 項充 、李袞 ，猛追 佢哋 都 追唔上 ，噉 啊 同 雷橫 、施恩 、穆春 等等 呢 ，一齊 返去 大名府 聽候 命令 喇 。
