喺 大名府 發現 嗰 張 無頭 告示 呢 ，就 乃 係 吳學究 佢 得到 咗 燕青 、楊雄 報信 ，又 叫 戴宗 探聽 到 盧員外 、石秀 兩個 都 畀 人 捉 咗 去 ；
因此 就 寫 咗 呢 張 告示 ， 睺 住 冇 人 睇 見 就 撒 出去 ， 又 靜靜 噉 貼 喺 啲 橋樑 道路 之上 。
目的啊 ，就係 要 保存 盧俊義 同 石秀 兩個人 嗰條命 。
戴宗 返到 梁山泊 ，將 上面 呢啲 事 啊 詳詳細細 講 畀 眾位 頭領 知道 。
宋江聽 咗 就 大吃一驚 啦 ， 喺 忠義堂 上 啊 就 打鼓 召集 眾位 大小 頭領 嚟 ， 商量 救人 喇 。
眾位 頭領 ，依住 次序 坐好 。
宋江 又 對 吳學究 講 ：
當初 軍師 一番 好意 ，要 請 盧 員外 上山 嚟 聚義 ，估唔到 今日 搞到 佢 咁 受苦 ，而且 ，石秀 兄弟 又 畀 人 捉咗 。
我哋 應當 用 咩 計策 可以 救得 佢哋 出嚟 呢 ？
吳用 就 話 喇 ：兄長 放心 。
小生 有 一條 計 ，趁住 呢個 機會 順便 奪取 北京城 嘅 錢糧 ，嚟 供應 山寨 嘅 使用 。
嗯 ， 聽日 ， 係 個 吉日 ， 請 兄長 留 一半 頭領 把守 山寨 ， 其他 嘅 ， 就 跟 我 哋 去 攻打 城池 啦 。
宋江話 ：啊 軍師 你 噉 講得啱 。
即刻 就 叫 鐵面孔 目 裴宣 ，調撥 兵馬 ，聽日 起程 。
黑旋風李逵 就 話 喇 ：
我 呢 兩 把 大 斧頭 呀 好耐 未曾 發市 喇 ，而家 聽到 話 要 打 州 劫 縣 ，佢 都 喺度 歡喜 呢 。
大哥 ， 你 撥 五百 小 嘍 啰 畀 我 ， 等 我 衝入 大 名城 ， 將梁 中書 斬成 肉醬 ， 捉住 李固 同 嗰 個 婆 乸 ， 碎尸 萬段 。
救返盧員外 、石秀 兩個人 出嚟 ，等 我 呢個 啞道童 ，出咗 呢啖 焗縮氣 都 好吖 。
宋江 話 喇 ： 兄弟 你 雖然 勇猛 ， 不過 大名 就 唔 同 第處 州府 噃；
而且 梁中書 又 係 蔡太師 嘅 女婿 ；
更兼 手下 有 李成 、聞達 ，都 係 有 萬夫不當之勇 嘅 ，不可 輕敵 啊 。
李逵 就 嘈 起 上嚟 喇 ：大哥 ，你 明知 我 平日 鐘意 講説話 ，又 要 我 扮 個 啞道童 。
明知 我 鐘意 殺人 ，嘿 又 唔 畀 我 做 先鋒 喎 ，你 畀 我 去 啦 你 畀 我 去 啦 。
如果 輸咗 ，我 誓 不 回山 ！
吳用 就 話 ：既然 你 要 去 噉 就 派 你 做 先鋒 ，點 五百 名 好漢 跟住 你 ，由 你 打 頭陣 聽日 落山 啦 。
當晚 ，宋江 同 吳用 就 商量好 ，分派好 人數 。
裴宣 就 寫咗 告示 送到去 各寨 ，要求 各人 都 按照 次序 嚟 行動 ，邊個 都 唔准 有 誤 。
呢個 時候 ，正係 秋末 冬初 ，係 打仗 嘅 好 時候 啊 。
啲 軍卒 好耐 冇 打過 仗 喇 ，都 迫切 想 打 ，而且 呢 都有 報仇 嘅 決心 。
得到 出發 打仗 嘅 命令 個個 都 歡天喜地 ，收拾 刀槍 ，準備 馬具 摩拳擦掌 啊 等住 落山 喇 。
第一隊 ：打頭陣嘅 ，係 黑旋風李逵 ，率領 小嘍啰 五百 。
第二隊 ：兩頭蛇 解珍 、雙尾蠍 解寶 、毛頭星 孔明 、獨火星 孔亮 ，率領 小嘍啰 一千 。
第三隊 ：女頭領 一丈青 扈 三娘 、副將 母夜叉 孫 二娘 、母大蟲 顧 大嫂 ，率領 小嘍啰 一千 。
第四隊 ：撲天雕 李應 、副將 九紋龍 史進 、小尉 遲孫新 ，率領 小嘍啰 一千 。
中軍 主將 都 頭領 宋江 ，軍師 吳用 。
中軍護衞頭領四員 ：係 小溫侯呂方 、賽仁貴郭盛 、病尉遲孫立 、鎮三山黃信 。
前軍頭領 ：霹靂火秦明 ，副將 ，百勝將 韓滔 、天目將 彭玘 。
後軍頭領 ：係 豹子頭 林沖 ，副將 係 鐵笛仙 馬麟 、火眼 狻猊 鄧飛 。
左軍頭領 ：係 雙鞭 呼延灼 ，副將 摩雲金翅 歐鵬 、錦毛虎 燕順 。
右軍頭領 ：係 小李廣花榮 ，副將 跳澗虎 陳達 、白花蛇 楊春 ，炮手 係 轟天雷 凌振 ，就 接應 糧草 。
探聽 軍情 嘅 頭領 一員 ，係 神行太保 戴宗 。
噉啲 軍兵 啊 分派 定咗 ，一天 光 ，各個 頭領 啊 依住 次序 出發 。
只係 留低 副 軍師 公孫勝 ，同埋 劉唐 、朱仝 、穆弘 四個 頭領 ，統領 馬步軍 兵 就 把守 山寨 。
至於 三關 水寨 裏頭 啊 ， 自然 有 李俊 佢 哋 守 衞 就 不在話下 。
而家 講下 索超 ，佢 正在 飛虎峪 嘅 營寨 處 鎮守 ，只見 流星 報 馬 嚟到 報告 話 ：
稟告 將軍 ，宋江 大隊 兵馬 ，不計其數 ，離開 本寨 約莫 有 二三十里 ，就 快嚟到 喇 。
索超 聽咗 ，即刻 派人 去 槐樹坡 營寨 就 報畀 李成 聽 。
李成 聽講 ，一便 就 派人 飛馬 入城 去 報告 ，一面 呢 ，即刻 趕到 去 前寨 。
索超 呢 將 情形 講畀 佢 聽 。
第日 ，五更 煮飯 ，個天 一光 就 出發 ，嚟到 庾家疃 ，列成陣勢 就 擺開 一萬五千 人馬 。
李成 同 索超 啊 全副 披掛 ，喺 門旗 之 下 勒住 戰馬 。
向住 東便 一望 ，嚟喇 ，遠遠 見到 沙塵 滾滾 ，約莫 有 五百 幾 人 ，飛奔 而 嚟 。
李成 嘅 鞭梢 一 指 ，啲 軍卒 就 彎 弓 搭 箭 就 作好 準備 。
梁山人馬 當先 一員 好漢 ，就係 黑旋風 李逵 。
佢 舞起 對 斧頭 ，高聲 大叫 話 ：你哋 認得 梁山泊 好漢 黑旋風 嘛 ？
李成 見到 就 同 索超 大笑 起上嚟 話 ：哈哈哈哈哈哈哈 ，日日 只係 講話 梁山泊 好漢 ，原來 就係 呢啲 噉嘅 賊仔 呀 ，算得 乜嘢 吖 ？
先鋒 ， 你 見到 啦 嘛 ？ 點解 唔 去 捉 呢 個 賊 仔 啊 ？
索超 亦 笑住 話 喇 ：割雞 焉 用 牛刀 吖 ？自然 會 有 戰將 去 立功 ，主將 不必 掛念 。
話口未完 ，喺 索超 嘅 馬 後 有 一 員 首將 姓 王 名 定 啊 ，佢 手執 長槍 ，帶領 部下 一百 馬軍 ，飛跑住 衝過去 。
唉弊喇呢趟 ，李逵 雖然 係 膽大包天 唔怕死啫 ，但係 點 頂得住 馬軍 一衝 吖 ，當堂 就 衝到 散開晒 就 猛咁 走 。
索超帶 住 人馬 一直 追 佢 過 咗 庾 家 疃 ， 哈 ， 點 知道 山坡 背後 ， 鑼鼓喧天 ， 有 兩彪 軍馬 撞出 嚟 。
左 有 解珍 、孔亮 ，右 有 孔明 、解寶 ，每一面 都 帶住 五百 小嘍啰 衝殺過嚟 。
索超 見到 佢 有 接應 軍馬 唄噉 先至 吃咗 一驚 ，就 唔敢 追 ，勒 轉 馬頭 就 返轉去 。
李成就 問 喇 ：點解 捉唔到 嗰個 賊仔 啊 ？
索超話喇 ：小將 追到 過去 山 嗰 便 正要 捉佢 ，原來 呢班 傢伙 有 接應 人馬 ，伏兵 一齊 衝出嚟 所以 好難 落手 。
李成話 ：呢啲 噉嘅 草寇 使乜 怕 佢 吖 ？
於是就 率領 前部 軍兵 ，殺過 庾家疃 嘞噃 。
誒 ，只見 前面 搖旗 吶喊 ，擂鼓 鳴鑼 又 有 一彪 軍馬 截住 。
喺 當先 嘅 一隻 馬上 便 ，原來 係 一員 女將 噃 。
紅旗 上面 ，繡住 幾個 金字 ：女將 一丈青 。
左 有 顧大嫂 ，右 有 孫二娘 ，帶住 一千 幾 軍馬 ，都 係 啲 七長八短 漢 三山五嶽 人 垃垃雜雜 。
李成 睇咗 就 話 喇 ：呢啲 兵卒 ，有 乜嘢 用 㗎 ？
先鋒 ，你 同 我 上前 迎敵 ，我 分兵 去 四周圍 捉 呢班 草寇 。
索超得咗命令 ，舞起 一把 開山大斧 拍馬 殺上前去 。
一丈青 呢 ，勒馬 返轉頭 ，向住 山坳 裏 便就 行 。
李 成就 分開 人馬 四面 咁 嚟 追殺 。
追 追下 ， 只 聽見 喎 嗬 吶喊聲 啊 震天動地 ， 有 一彪 人馬 ， 原來 係 撲 天雕 李應 啊 ， 左有 史進 ， 右有 孫新 ， 飛 噉 樣衝過 嚟 。
李成 急急 退兵 十四五里 就 搞到 首尾 不能 相顧 ，急急啊 退返去 庾家疃 嘅 時候 ，左便 衝出 解珍 、孔亮 ；
右便係衝出孔明 、解寶 ，率領住人馬 又殺到嚟喇 。
嗰 三 員 女將 呢 ，撥轉 馬頭 跟住 又 殺返轉嚟 噃 ，趕到 李成 啲 軍馬 就 四分五落 。
佢 急急 返去 營寨 ，黑旋風 李逵 又 當頭 攔住 。
李成 、索超 啊 衝開 包圍圈 ，奪路 猛咁 跑 ，跑到 返去 營寨 呀 嘿 大敗 咗 一場 咯 。
宋江 嘅 兵馬 亦 冇 去 追趕 ，就 傳令 收兵 ，暫時 休息 啊 扎落 營寨 。
而家 講 下 李成 、索超 ，佢 輸 咗 一場 仗 ，就 慌忙 派 人 入 城 就 報 畀 梁中書 聽 。
梁中書 呢 漏夜 再 派 聞達 ，火速 率領 本部 軍馬 前去 助戰 。
李成啊 迎接到 聞達 ，就 喺 槐樹坡 個 營寨 裏 便 就 商量 退兵 嘅 辦法 。
聞達 笑住 話 喇 ：
哈哈哈 ，疥癩之疾 ，何足掛齒 。
等聞 某 聽日 同 佢哋 決戰 一場 ，務必要 全勝 。
當晚 商量 定喇 ，就 傳令 畀 軍士 知道 ，四更 煮飯 啊 五更 披掛 ，天 一 光 就 進兵 。
第日 ，準時 出發喇 ，打咗 三通 戰鼓 全軍 起行 ，一直 去到 庾家疃 。
咦 ，去到 個 時候 見到 宋江 嘅 兵馬 ，好似 潮水 噉 湧嚟 嘞 噃 。
當時 大刀 聞達 啊 ，就 命令 將 啲 兵馬 擺開 ，強攻 硬弩 啊 射住 陣腳 。
喺 宋江 個 陣 中 ，早就 出嚟 一 員 大將 ，紅旗 銀字 寫住 霹靂火 秦明 幾個 大字 。
秦明勒 馬 陣前 ， 大聲 噉 高 叫 話 ： 大名府 嘅 貪官污吏 聽住 ！
想 打 你哋 好耐 㗎 喇 ，就 怕 害 咗 百姓 良民 嘅 啫 。
好好地 將 盧俊義 、石秀 送返 過嚟 ，一齊 交出 淫婦 姦夫 ，我哋 就 退兵 罷戰 誓不侵犯 。
如果 你哋 執迷不悟 ，我哋 攻陷 城池 ，玉石俱焚 ，就 喺 眼前 嚟喇 。
有 説話 早啲 講 ，唔好 拖延 時間 。
聞達 聽咗 嬲到 極 ，就 問 喇 ：邊個 同 我 去 捉 呢個 賊人 ？
話口未完 ，急先鋒 索超 ，已經 出馬 嚟到 陣前 ，佢 高聲 喝話 ：
你 呢 個 傢伙 係 朝廷 命官 ， 國家 有 咩 嘢 對 你 唔 住 啊 ？
你好 人 唔 做 走去 落草 為 賊 ！
我 捉住 你 嘅 時候 ， 要將 你 碎 尸 萬段 ！
呢個 秦明 有名 叫做 霹靂火 㗎嘛 ，聽到 呢啲 説話 真係 爐中添炭 就 火上澆油 ，佢 拍馬 向前 就 舞起 狼牙棍 直 衝過去 。
索超 亦都 縱馬 直取 秦明 ，嘩 ，兩便 嘅 軍兵 ，大聲 吶喊 助威 。
鬥咗 二十幾個 回合 ，不分 勝敗 。
喺 梁山 嘅 前 軍隊伍 裏 便 啊 ，韓滔 行 咗 出嚟 嘞 ，佢 喺 馬 上 拈 弓 搭 箭 ，瞄準 索超 𠻘 噉 一 箭 ；
射中 索超個 左臂 ， 哎呀 ， 索超 掉 低大斧 ， 回馬 向 住 本陣 就 走 。
宋江 鞭梢 一指 ，大小 三軍 就 一齊 捲殺 過去 。
嘩殺到屍橫遍野血流成河 ，啲官軍啊 輸到貼地 。
梁山兵馬 一直 追過咗 庾家疃 ，跟住 就 奪取咗 槐樹坡 小寨 。
當晚 ，聞達 啊 直奔 飛虎峪 點 一 點軍兵 ，嘿嘿 ，三分 去咗 一 。
宋江 就 喺 槐樹坡寨 內 便 駐扎 。
吳用 就 話 喇 ：大哥 ，啲 官軍 敗走 ，個 心 必定 怯 嘅 。
我哋 如果 唔 乘勢 追趕 啊 ，就 怕 佢 養好 元氣 嗰陣 就 難 打 喇 。
宋江 話 喇 ：軍師 你 講得 啱 啊 。
跟住 就 傳令 ，當晚 就 將 精鋭 得勝 嘅 軍隊 ，分作 四路 漏夜 進兵 ，殺奔 大名城 。
而家 再 講下 聞達 ，佢 跑到 去 飛虎峪 就 真係 好似 喪家之犬 漏網之魚 。
佢 正 喺 寨 裏頭 索緊 氣 ，有 個 小校 嚟 報告 話 喇 ，附近 山 上面 一帶 起火 啊噉 。
聞達 即刻 帶領 軍兵 ，上馬 出去 睇 啦 ，嘩 只見 東便 嘅 山 上 ，火把 不見其數 ，照到 漫山遍野 都 紅晒 。
聞達 正話 想 率領 軍兵 迎敵 ，點知 山後 又 有 馬軍 嚟到 喇 。
當先 ，係 首將 小李廣 花榮 ，帶住 副將 楊春 、陳達 ，打橫噉 殺過嚟 。
聞達 心慌 ，佢 帶住 兵 就 想 返去 飛虎峪 喇 。
呢個 時候 ，喺 西便 嘅 山 上 火把 又 係 不計其數 。
當先 ，乃係 首將 雙鞭 呼延灼 ，帶住 副將 歐鵬 、燕順 直衝過嚟 。
跟 住 後 便 吶喊聲 又 起 嘞 噃， 原來 係 首將 霹靂火 秦明 ， 帶住 副將 韓滔 、 彭 玘 ， 夾攻 過 嚟 。
哦 聞達 就 兵馬 大亂 咯 ，連 營寨 都 唔 要 啊 。
只見 前面 吶喊聲 又 起 ，火光 耀眼 炮聲 隆隆 ，哈哈 ，係 轟天雷 凌振 ，帶埋 副手 ，喺 小路 直 轉 飛虎峪 嗰便 就 放起 炮 嚟 。
聞達 帶住 啲 軍隊 ，奪路 飛奔 啊 。
只見 前頭 鼓聲 一 響 ，嘣嘣嘣嘣 ，又 有 一彪 軍馬 攔住 去路 。
喺 火光 之中 ，衝出 首將 豹子頭 林沖 ，帶住 副將 馬麟 、鄧飛 啊 截住 佢哋 歸路 。
呢陣時 ，四面 戰鼓 齊鳴 就 烈火 競起 ，嗰啲 官兵 啊 亂衝亂撞 啊 各自 逃生 喇 。
聞達 舞起 把 大刀 ，殺開 條 血路 走人 ，就 撞到 李成 ，將 啲 兵 合埋 一齊 ，就 且 戰 且 走 。
一直 到 到 天光 ， 噉 先至 返到 去 大名 城下 。
梁中書 聽到 呢個 消息 ，慌到 佢 呀 三魂 蕩蕩 七魄 悠悠 ，連忙 點兵 出城 ，接應 嗰啲 敗殘 人馬 入城 ，跟住 就 緊閉 城門 一於 堅守 唔出 嘞 。
第日 ，宋江 個 軍馬 追到嚟 ，一直 逼近 到 東門 扎寨 就 準備 攻城 。
而家 講下 梁中書 佢 喺 留守司 就 召集 大家 嚟 商量 ，冇 辦法 解救 。
李成就 話 喇 ：賊兵 臨 城 ，事 在 危急 ，如果 遲延 呢 必定 會 失陷 。
相公 要 即刻 寫 封 告急 家書 ，派 個 心腹 嘅 人 趕 去 京師 ，報 畀 蔡太師 知道 ，請 佢 啟奏 朝廷 ，調遣 精兵 前 嚟 救應 呢個 係 上策 。
第二 ， 要 立即 發出 緊急 文書 ， 通報 鄰近 嘅 州 縣 ， 請 佢 哋 早早 調兵 嚟 到 接應 。
第三 ，喺 北京城 內 ，要 大名府 啊 派 啲 民夫 上 城 ，同心 協助 守護 城池 ；
準備啲擂木炮石 ，強弓硬箭 ，灰瓶金汁 ，日夜提防 ，噉就可保無虞喇 。
梁中書話 ：哎 ，一於 係 噉樣 做 啦 。
即刻 就 寫好 家信 ，同埋 嗰個 緊急 文書 啊 ，就 派 首 將 王 定 ，同埋 幾個 馬軍 ，領 咗 密信 就 放開 城門 吊橋 ，向住 東京 飛 報 消息 ；
同埋 通報 鄰近 嘅 府 分 ， 發兵 嚟 到 救應 。
另一方面 呢 ，就 叫 大名府 個 王太守 ，征集 民夫 上 城 守護 ，呢啲 不在 話下 喇 。
而家 再 講下 宋江 ，佢 分配 好 眾位 將領 ，帶兵 圍城 ，喺 東 、西 、北 三面 扎寨 ，就 空住 南門 冇 圍 佢 。
每日 都 率領 住 軍隊 嚟 攻打 。
又因為 要 長期 打仗 啊 ，就 向 山寨 裏 便 催攞 糧草 。
務必要 打破 大名城 ，救出 盧員外 、石秀 兩個人 。
而 李成 、聞達 啊 連日 都 提兵 出城 交戰 ，之 又 唔能夠 取勝 啊 。
索超嘅箭 傷 呢 就 仲未曾好 。
而家 唔 講 阿宋江 軍兵 打 城 。
只 係 講 下首 將王定 啊 ， 佢 帶 住 密信 ， 三個 人 ， 騎住 馬 日夜不停 噉 趕路 嚟 到 東京 太師 府 前 便 落馬 。
入到去 拜見咗 太師 ，就 呈上咗 密信 。
蔡太師 拆開嚟 一睇 ，大吃一驚 ，就 問 下 詳細 嘅 情形 。
王定 就 將 盧俊義 嘅 事 一五一十 噉 講咗 。
同時又講 宋江 啊 帶兵 圍城 ，聲勢浩大 難以 抵敵 。
又 將 庾家疃 、槐樹坡 、飛虎峪 三 笪 地方 嘅 廝殺 情形 冚𠾴 唥 都 講完 。
蔡京 就 話 ：你 鞍馬勞頓 ，你 去 休息 先 啦 ，等 我 召集 啲 有關 官員 嚟 商量 。
王 定 又 稟告 話 喇 ：
太師恩相 ，大名 危如累卵 ，破在旦夕 啊 ，如果 失陷咗 ，河北 嘅 縣郡 就 好難保 㗎 喇 。
請 太師 恩相 ，早早 發兵 剿除 。
蔡京 就 話喇 ：你 不必 多講喇 ，你 去 啦 。
王 定 去咗 。
太師 跟住 就 派人 去 請 樞密院 官 ，即刻 嚟到 商議 軍情 大事 。
冇幾耐 ，東廳 樞密使 童貫 就 帶住 三衙 太尉 ，嚟到 節堂 參見 太師 。
蔡京 就 將 大名 危急 嘅 情形 ，同 佢哋 講咗 ，佢 話 ：
而家 用 咩嘢 計策 ，用 邊 一個 良將 能夠 打退 賊兵 ，以 保衞 城池 呢吓 ？
講完 。嗰班 官 呢 大家 望 下 個個 都 怕 。
呢個 時候 ，只見 步軍 太尉 背後 有 個人 行出嚟 ，呢個 乃係 衙門 防禦 使 保義 ，姓 宣 ，名 贊 ，掌管 兵馬 。
呢個人 ，生得 面如鑊底 ，鼻孔朝天 ，捲髮 赤鬚 ，身高 八尺 。
佢 使 一口 鋼刀 ，武藝 出眾 。
以前 啊 ， 佢 喺 王府 做過 郡 馬 嘅 ， 啲 人 都 叫 佢 做 醜 郡 馬 。
佢 點解 會 做得 郡馬 呢 ？因為 比賽 連珠箭 贏咗 番將 ，郡王 啊 好 鐘意 佢 武藝 高強 啊 招咗 佢 做 女婿 。
哈點知 個 郡主 嫌 佢 醜樣 喎 ，抑抑鬱鬱 ，冇幾耐 就 死咗 。
因此 佢 呢 亦 不 被 重用 ，只係 做得 個 兵馬 保義 使 啫 。
童貫 呢 ，係 個 阿諛奉承 嘅 傢伙 ，同 佢 不能 相處 ，時時 都 疑忌 佢 。
而家 ，宣贊 忍唔住 喇 ，出班 嚟 稟告 太師 話 ：
小將 當初 喺 家鄉 嘅 時候 ，有 個 朋友 。
呢個人 乃係 漢末 三分 ，義勇 武安王 關公 嘅 嫡派 子孫 ，姓 關 名 勝 。
生嚟嘅 相貌 身材 ，同 佢 祖先 關雲長 好似 嘅 ，使 一口 青龍偃月刀 ，人人 稱 佢 做 大刀 關勝 。
而家 做 蒲東 巡檢 ，官職 卑微 。
呢個人 自細 飽讀 兵書 ，精通 武藝 ，有 萬夫不當之勇 啊 。
如果 用 厚禮 去 請佢 拜為 上將 ，一定 可以 掃清 水寨 ，殲滅 狂徒 ，保國安民 嘅 。
請 太師 決定 。
蔡京 聽咗 好 歡喜 ，就 派 宣贊 為 使者 ，帶住 文書 鞍馬 ，火速 趕去 蒲東 ，用 厚禮 請 關勝 嚟到 東京 商量 噉 。
宣贊 領咗 文書 ，就 日夜 兼程 趕到 去 蒲東 。
當日 ，關勝 正 話 同 郝思文 喺 衙門 裏 便 ，議論 古今 興亡 嘅 事 ，聽講 話 東京 有 個 使者 到 喇 ，就 即刻 出嚟 迎接 啦 。
大家 敬過禮 ，請 去 大廳 坐 。
關勝 就 問 喇 ：老朋友 好耐 冇見面 喇 ，今日 咩嘢事 勞煩 你 咁遠 親自 嚟到 啊 ？
宣贊 就 話 ：為因 梁山泊 草寇 攻打 大名 ，宣某 喺 太師 面前 ，一力 保舉 兄長 有 安邦 定國 之 策 ，降兵 斬將 之 才 ；
今日 特奉 朝廷 敕旨 ，太師 鈞命 ，送嚟 彩幣 鞍馬 禮 請 起行 啊 。
請 兄長 唔好 推卻 ，即刻 就 收拾 赴京 啦 。
關勝 聽咗 非常之 高興 ，就 同 宣贊 話 喇 ：呢個 兄弟 姓 郝 名 思文 ，係 我 結拜 兄弟 。
當初 佢 母親 ，係 夢見 井木犴 投胎 因此 有咗 孕 ，後來 就 生咗 佢 ，因此 呢 ，人人 都 叫 佢 做 井木犴 。
我 呢位 兄弟 十八般 武藝 ，冇 樣 話 唔得 嘅 。
呢 次 承蒙 太師 召喚 ， 噉 帶 埋 佢 一同 前去 協力 報國 噉 好 唔 好 呢 ？
宣贊 好 歡喜 就 應承咗 佢 ，催促 佢 快啲 起程 。
當時 關勝 就 交帶 落 家人 老小 ，然後 同埋 郝思文 ，帶住 關西 大漢 十幾個 人 ，收拾 刀馬 、盔甲 、行李 ，就 跟住 宣贊 起程 。
佢哋 日夜 趕路 嚟到 東京 ，直筆 去到 太師府 門前 落馬 。
宣贊 就 帶住 關勝 、郝思文 入到去 節堂 ，拜見 蔡太師 。
蔡京 睇下 關勝 ：
嘩 嗨 ， 堂堂 八尺 五六 身材 ， 細細 三柳 鬍鬚 ， 兩眉入 鬢 ， 鳳眼朝 天 ， 面如 重棗 ， 唇若塗 朱真 係 一表人才 啊 ！
蔡太師 非常之 高興 就 問 喇 ：將軍 青春 多少 啊 ？
關勝 回答 話 ：小將 三十 有 二 。
將軍 ， 梁山泊 嘅 草寇 圍困 大名 ， 請問 將軍 有 咩 嘢 妙計 嚟 到 解 佢 哋 嘅 圍 呢 ？
太師 ，呢班 草寇 佔住 水泊 ，驚 群 動眾 。
今日 ，佢哋 擅離 巢穴 ，係 自取其禍 啊 。
我哋 ，如果 去 救 大名 就 盞得 耗費 人力 。
請太師恩相 ，畀我 精兵 數萬 ，就 先 取 梁山 ，後 擒 賊寇 ，等 佢哋 首尾 不能 相顧 。
太師 聽 佢 噉 講 好 歡喜 ，就 同 宣贊 話 喇 ：啊 ，呢個 乃 係 圍魏救趙 之 計 啊 ，合晒 我 嘅 心水 。
跟住 就 叫 樞密院官 ，調撥 山東 、河北 精鋭 軍兵 一萬五千 ，命令 郝思文 做 先鋒 ，宣贊 做 押後 ，關勝 做 領兵 指揮使 ，又 派 步軍 太尉 段常 啊 接應 糧草 。
犒賞 三軍 完喇 ，定咗 日期 出發 ，大刀闊斧 就 殺 奔 梁山泊 喇 。
話分 兩頭 ， 而家 講下 宋江 同埋 眾位 將領 啊 ， 日日 攻打 城池 都 打 佢 唔 落 ， 李成 、 聞達 亦 唔 敢 去 對陣 。
索超嘅箭傷又嚴重 ，未曾好返 ，就更加冇人出戰啦 。
宋江 見 攻唔破 大名城 ，個心 就 好 愁悶 ，事關 離山 好耐 喇 唔見 輸贏 吖嘛 。
當晚 ，佢 中軍 帳 裏 便 坐 ，點起 蠟燭 ，攞出 嗰本 玄女天書 正 喺度 睇 。
猛然間諗起 我 圍城 咁耐 ，點解 唔見 大名 有 救兵 接應 嘅 呢 ？戴宗 返咗去 又 唔見返嚟 。
佢 越 諗 啊 越 覺得 奇怪 。
呢個 時候 ，軍師 吳 用嚟 到 中軍 帳 就 同 宋江 話 ：
大哥 ，我哋 圍困 大名城 咁 耐 ，點解 佢哋 冇 救兵 嚟 呢 ？城 裏 便 又 唔 嚟 出戰 呢 ？
前嗰排 有 三個人 騎住 馬 衝咗 出城 ，必定 係 梁中書 派 人 去 京師 告急 。
佢嘅 外父 蔡太師 ，實係 好着緊 派兵 嚟 救 佢 ，而且 其中 必定 有 良將 。
如果 佢哋 用 圍魏救趙 嘅 計策 ，先 唔嚟 解 呢處 嘅 圍 ，反而 去 打 我哋 梁山 大寨 噉 就 好 弊 㗎 噃 。
哎 兄長 啊 ， 我 哋 不可不 慮 啊 。
誒 我哋 叫 啲 軍士 收拾 先 ，要 退 呢 ，亦 唔好 都 退 。
正話講緊 ，只見 神行太保 戴宗 嚟到 報告 話 ：
大哥 ，東京 蔡太師 請咗 關菩薩 嘅 玄孫 ，蒲東郡 大刀關 勝 帶住 一彪 軍馬 ，飛奔 嚟 梁山泊 啊 。
寨裏 便 嘅 頭領 啊 ， 請 兄長 同 軍師 早早 收兵 返去 ， 保 衞 梁山 大寨 。
吳用 就 話 喇 ：雖然 係 噉樣 ，之 唔 能夠 太 急 。
今晚 ，叫 步軍 行 先 ，留低 兩支 軍馬 ，喺 飛虎峪 兩便 埋伏 好 。
因為 城 裏 便 知道 我哋 要 退兵 ，梗係 嚟 追 嘅 。
如果 唔係 噉呀 ，我哋 啲 兵 就 會 亂 㗎 喇 。
宋江話 ：軍師 你 講得啱啊 。
於是就 命令 小李 廣花榮 ，帶 五百 軍兵 ，去 飛虎峪 左便 埋伏 。
豹子頭 林沖 就 帶 五百 軍兵 去 飛虎峪 右邊 埋伏 。
再命令 雙鞭 呼延灼 ，帶 二十五 騎馬 軍 ，同埋 凌振 就 帶住 風火炮 等等 ，喺 離城 十幾 里 嘅 地方 埋伏 ；
但凡 見到 追兵 過嚟 喇 ，就 放起 號炮 ，等 嗰 兩 支 伏兵 啊 一齊 嚟 殺退 追兵 。
安排好喇 ，就 傳令 前隊 退兵 ，要 好似 雨散雲收 噉 ，遇到 敵兵 唔好 打 ，慢慢 噉 退走 。
步軍 嘅 隊伍 啊 ，半夜 起身 ，按照 次序 就 退卻 。
噉 宋江 嘅 人馬 ，一直到到 第日 巳牌 前後 就 全部 撤走晒 。
噉喺 大名城 上 望見 宋江 嘅 兵馬 ，捲起 旗幟 擔住 刀斧 ，哩哩嗱嗱 就 拔起 營寨 想 返去 梁山 噉樣 噃 。
睇清楚喇 ，就 去 報畀 梁中書 知道 ，話 梁山泊 嘅 軍馬 ，今日 全部 收兵 都 返 扯喇噉 。
梁 中書 聽咗 ，即刻 話 要 派兵 去 追趕 。
