盧俊義 啊 畀 一班 小嘍啰 擁咗 上轎 ，抬起 就 行 。
行咗無耐 ，只見 遠遠 啊 就 有 二三十 對 紅紗燈籠 ，照住 一班 人馬 ，奏住 鼓樂 前嚟 迎接 噃 。
為首嘅 ，係 宋江 、吳用 、公孫勝 ，後便 就係 眾位 頭領 喇 。
接到盧俊義 ，佢哋 就 一齊 落馬 ，盧俊義 亦都 慌忙 落轎 。
宋江 就 跪低 先 ，後 便 眾位 頭領 呀 ，一排排 冚𠾴唥 跪低 。
盧俊義 亦都 跪喺度 還禮 佢 話 ：既然 被擒 願 求 早死 。
宋江 哈哈大笑 佢 話 ：請 員外 上轎 。
於是 眾位 頭領 一齊 上 返馬 ， 奏起 鼓樂 ， 迎接 盧俊義 上 咗 三關 直到 忠義堂 前 落馬 ， 就 請 盧俊義 嚟 到 大廳 。
大廳 裏 便 呀 光光 猛猛 點着 晒 燈燭 。
宋江 啊 行 上前 賠禮 話 ：
小人 久聞 員外 大名 如 雷貫耳 ，今日 有幸 得以 見面 真係 大慰 平生 啊 。
先頭 眾位 兄弟 十分 冒犯 ，請 員外 恕罪 啊 。
吳用 亦都 上前 話 喇 ：
日前 係 奉咗 兄長 之 命 ，特意 叫 吳某 登門 拜訪 ，以 占卦 為 名 ，氹 員外 上山 ，共聚 大義 ，一同 替 天 行道 啊 。
宋江 就 請 盧員外 坐 第一 把 交椅 。
盧俊義 就 答禮 話 ：小人 既 無 見識 亦 無 能力 ，誤犯 虎威 萬死 尚 輕 ，點解 要 噉樣 開玩笑 呢 ？
宋江 笑住 話 喇 ：誒 唔係 開玩笑 ，實在 係 仰慕 員外 嘅 威德 ，如 飢 如 渴 。
萬望 員外 唔好 嫌棄 呢度 ，做 我哋 山寨 之主 ，我哋 願意 聽從 員外 嘅 命令 啊 。
盧俊義 就 回答 話 喇 ：小人 寧願 死 亦 難以 從命 。
吳用話 ：噉 我哋 第日 再 商量 啦 。
於是就擺開酒菜嚟款待 。
盧俊義 冇 修 啦 ，唯有 飲咗 幾杯 。
飲完喇 ，小嘍啰 就 請 佢 去 後堂 住落 休息 。
第日 ，宋江 殺羊 劏馬 ，大排筵席 ，請 盧員外 嚟 赴宴 ，咪 再三再四 ，謙讓 佢 請 佢 坐 喺 中間 。
酒 過 數 巡 ，宋江 就 起身 敬酒 ，佢 賠禮 話 ：
尋晚 多多 衝撞 ，請 員外 寬恕 啊 。
雖然 我哋 山寨 窄小 不堪 歇馬 ，不過 請 員外 睇在 忠義 兩個字 啦 ，小人 情願 讓位 ，請 員外 唔好 推辭 喇 。
盧俊義 話 ：頭領 你 噉 就 諗錯 喇 。
小人 身 無 罪過 ，家財 就 有 多少 。
生為大宋人 ，死為大宋鬼 ，寧願死 ，亦難以從命啊 。
吳用 同埋 眾位 頭領 ， 一個個 都 勸 盧俊義 入夥 ， 盧俊義 就點 都 唔 肯 落草 。
吳用話 ：員外 既然 唔肯 噉 唔通 夾硬 逼 員外 咩 ？
噉啊 只係 留得 員外 個 身 ，就 唔 留得 員外 個 心 㗎 。
不過 眾位 弟兄 難得 員外 嚟到 嘞 ，就算 唔肯 入夥 ，亦都 請 喺 小寨 住 多 幾 日 ，然後 再 送 員外 返 屋企 啦 。
盧俊義 話 ：小人 喺 呢處 唔緊要 啊 ，就係 怕 屋企 啲 人 唔 知道 消息 掛心 咋 。
吳用話 ：哎噉 呢件事 好容易啫 ，叫 李固 送咗 啲 大車 同 貨物 返去 先 。
噉 員外 遲 走 幾 日 ，噉 就 冇 緊要 啦 嘛 。
吳用 又 問 喇 ：李都管 ，你 嘅 大車 同 貨物 都 喺度 吖 嘛 ？
李固 就 回答 話 ：誒 一啲 都 冇 少 ，一啲 都 冇 少 。
宋江 就 叫 人 攞咗 兩個 大銀錠 送畀 李固 ；
攞 兩個 細銀錠 送畀 嗰 兩個 夥記 ；
嗰 十 個 車夫 呢 ，就 畀咗 十 兩 白銀 過 佢哋 分 。
噉啊 大家 都 多謝 。
盧俊義 吩咐 李固話 ： 李固 ， 我 嘅 苦處 你 都 知 㗎 啦 。
你 返去 屋企 講畀 娘子 聽 唔使 憂心 嘅 ，再 過 三五日 我 就 返嚟 㗎 喇 。
李固 而家 至 緊要 就係 甩身 ，佢 就 一啖 應承 話 ：得喇得喇 主人 ，唔緊要嘅 。
佢 辭別 咗 盧俊義 同埋 眾位 頭領 ，李固 就 行 咯 喎 。
吳用 跟住 起身 話 ：請 員外 你 寬心 坐下 先 ，小生 送咗 李都管 落山 就 返嚟 㗎喇 。
因為 李固 佢哋 要 執 嘢 吖嘛 ，吳 用 呢 就 嚟到 金沙灘 喺度 等候 住 先 。
過咗一陣 ，李固 同埋 嗰 兩個 夥記 ，大 車 貨物 、牲口 、車夫 都 落山 喇 。
吳用 帶住 五百 個 小嘍啰 圍 喺 兩便 ，坐 喺 柳樹 蔭 下 便 ，嗌 李固 行過嚟 對 佢 話 ：
你嘅 主人 ，已經 同 我哋 商量好 喇 ，而家 喺 山上 坐 第二 把 交椅 。
你 主人 喺 未曾 上山 嘅 時候 啊 ，已經 預先 寫落 四句 反詩 ，就 喺 屋企 埲 牆 上 便嚟 ，嗱 ，而家 我 講畀 你哋 聽下 啦 。
牆壁上面 嗰首詩 係 四句 二十八個字 ，每一句 頭頭 呢 就 包住 一個字 嘅 。
蘆花灘 上 有 扁舟 ，包 個 盧字 ；
俊傑 黃昏 獨自 游 ，包 個 俊 字 吖 ；
義到盡頭 原是 命 就 包 個 義字 ；
反躬逃難必無憂就包個反字 。
四句詩 ，夾埋 就 包藏住 盧俊義 反 四個字 。
所以 佢 今日 上山 你哋 點 知道 吖 。
本來呢 ，就 想 殺咗 你哋 嘅 ，不過 噉 係 顯得 我哋 梁山泊 太過 小氣 。
今日 放 你哋 返去 ，你哋 唔使 望 你 主人 會 返去 㗎 喇 啊 。
李固佢哋 一味 叩頭 係啦 。
吳用 就 吩咐 用 船 啊 送 佢哋 過咗 渡口 。
李固佢哋 一行人 執返 條命 就 趯返去 北京 。
話分 兩頭 ，而家 先 唔 講 阿李 固佢哋 返 屋企 ，只係 講下 吳用 返 上去 忠義堂 啊 再 嚟 入席 ，講咗 好多 説話 ，要 說 盧俊義 入夥 。
宴會 一直 到咗 二更 先至 散 。
第日 ，喺 山寨 上 便 ，再次 舉行 宴會 嚟 慶賀 。
盧俊義 就 話 喇 ：好感激 眾位 頭領 好意 挽留 ，不過 小人 度日如年 ，今日 要 告辭 喇 。
宋江 話 ： 小人 有幸 結識 員外 ， 聽日 聊備 小酌 ， 想同 員外 推心置腹 聚一聚 ， 請 員外 唔 好 推卻 。
又 過咗 一日 。
聽日 就 宋江 請 ，後日 就 吳用 請 ，大後日 就 公孫勝 請 。
呢嗱啰嗦嘅就唔講佢喇吓 ，三十幾個 上廳 嘅 頭領 啊 ，每日 就 輪 一個 請飲 。
光陰 易過 日月 如 梭 ，已經 過咗 個 幾月 喇 。
盧俊義 又 要 告別 ，宋江 話 ：
我哋 好 想 留 員外 喺 處 ，不過 員外 你 咁 急 要 返 扯 。
噉啦 ，聽日 喺 忠義堂 上 ，安排 薄酒 送行 啦 。
第日 ，宋江 自己 出錢 擺酒 送行 ，只見 眾位 頭領 都 話 喇 ：
我 哋 宋大哥 敬 員外 十分 ， 我 哋 眾人 係 應當 敬 員外 十二分 啊 。
噉唔通 淨係 宋大哥 擺酒 你 就 飲 ，我哋 請 就 唔 飲 咩 ？噉啊 真係 磚頭 厚 瓦片 薄 喇 。
李逵 就 大聲 噉 嗌 ：
我 拼住 唔要 條命 ，去 北京城 請咗 你 嚟 ，噉 我哋 弟兄 請 你 飲酒 你 都 唔 飲 啊 ？我 同 你 搏過 命 啊 ！
吳學究 就 大笑 起上嚟 話 喇 ：哈哈哈哈 ，都 未曾 見過 有 噉樣 請客 嘅 真係 粗魯 。
員外 ，你 唔好 見怪 唔好 見怪 。
請 員外 睇 在 大家 一番 心意 ，再 住 多 幾日 添 ，吓 。
冇辦法啦 。
不知不覺 又 過咗 四五日 ，盧俊義 堅決 要 走 。
只見 神機 軍師 朱武 帶住 一班 頭領 ，嚟到 忠義堂 上 開口 話 ：
我哋 雖然 係 新嚟嘅 弟兄 ，亦 曾經 同 宋大哥 出過 力 ，噉 唔通 我哋 啲 酒 裏 便 有 毒 嘅 咩 ？
盧員外 如果 唔畀面 唔肯 飲 我哋 嘅 酒 ，我 唔緊要 啊 ，至怕 班 小兄弟 做出事 嚟 就 悔之晚矣 。
吳用 即刻 企起身 話 喇 ：
你哋 唔好 嘈 唔好 嘈 ，唔使 噉嘅 ，我 幫 你哋 求 下 員外 住 多 幾 日 添 ，盧 員外 實 肯 嘅 。
開講 都 有 話 喇 ：將 酒 勸 人 ，終 無 惡意 吖嘛 。
盧俊義 拗 大家 唔過 ，唯有 又住 多 幾日 。
噉 啊 前前後後 啊過 咗 成 五六十 日 喇 。
離開 北京 嘅 時候 呢 係 五六月 天時 ，不知不覺 嘅 喺 梁山泊 就 過咗 兩個 幾月 。
呢個 時候 已經 秋風 起 ，就嚟到 中秋節 。
盧俊義啊 想 住 屋企 ，就 𠼮 宋江 話 要 走 。
宋江見 盧俊義 思歸 心切 佢 就 話 ： 噉 好 啦 ， 聽 日 喺 金沙灘 送別 啦 。
盧俊義 噉 就 歡喜 咯 。
第日 ，就 攞返 啲 舊時 嘅 衣服 刀棒 送返 畀 盧員外 ，一行 眾位 頭領 啊 都 送 佢 落山 。
宋江 攞咗 一大盤 金銀 送畀 佢 。
盧俊義 推辭 唔 要 佢 話 ： 唔 係 盧某 誇口 ， 金帛 錢財 我 屋企 都 仲有 啲 嘅 ， 但求夠 去 北京 嘅 使用 就 得 喇 。
所賜嘅 金銀 ，決唔敢 收 。
宋江 同 眾位 頭領 一直 送 佢 過咗 金沙灘 先至 分別 ，呢啲 呢 就 唔 講 佢 。
而家 講 下 盧俊義 啊 佢 放開 腳步 ，日夜 奔波 行 咗 十零 日 就 返到 去 北京 。
去到 北京城 嘅 時候 已經 係 黃昏 喇 ，趕唔入 城 ，就 喺 城外 一 間 客店 過夜 。
第日一早 ，盧俊義 離開咗 客店 啊 飛奔 入城 。
仲有 一里 幾 路 啦 ，只見 有 一個 人 ，爛身爛勢 ，對住 盧俊義 跪低 就 叩頭 噃 。
盧俊義 一 睇 ，哦 ，原來 係 浪子 燕青 。
佢 就 問 喇 ：小乙 ，乜 你 搞 成 噉樣 啊 ？
燕青話 ：呢處 唔係 講説話 嘅 地方 啊 主人 。
盧俊義啊 同 佢 行過 一埲 牆邊 ，仔細噉 問 佢 咩嘢 緣故 。
燕青話 ：
自從 主人 你 去咗 之後 ，唔到 半個月 ，李固 就 返嚟 對 娘子 話 ，主人 你 已經 歸順咗 梁山泊 宋江 ，坐咗 第二 把 交椅 啊噉 。
當時 ，就 去 官府 報告 咗 。
佢 ，佢 ，佢 已經 同 娘子 住埋 。
嬲 我 唔 聽 佢哋 嘅 説話 ，將 我 趕 咗 出門 。
將 我 所有 嘅 衣服 都 搶晒 ，趕咗 我 出 城 。
而且 仲 吩咐 所有 嘅 親戚 朋友 ：但凡 有人 膽敢 收留 我 喺 屋企 嘅 ，佢 就 要 拼住 攞出 一半 家財 同 佢 打官司 噉 ，因此 就 冇人 敢 收留 我 。
我 喺 城裏 便 冇 地 踎 ，就 唯有 出嚟 城外 求乞 度日 ，求其 喺 間 庵 處住 。
我 ，我本來 想 去 梁山泊 搵 主人 你 ，之 又 唔敢 亂去 。
主人啊 ，你 如果 真係 喺 梁山泊 返嚟 嘅 ，你就 聽 小乙 嘅 説話 ，再 返去 梁山泊 罷啦 。
如果 主人 你 入 城 返 屋企 ，就 實中 佢哋 嘅 圈套 㗎 。
盧俊義 就 喝 佢 話 喇 ：我 嘅 老婆 唔係 噉 嘅 人 ，你 呢個 傢伙 唔好 放屁 ！
主人啊 ，你 腦後 冇 眼 ，點 知道 裏頭 咁多 嘢 呢 ？
主人 你 平時 只係 顧住 練功夫 ，唔肯 親近 女色 。
唉 ，娘子 佢 往日 同 李固 原來 就 有 私情 㗎 喇 ，今日 ，已經 做埋 夫妻 。
主人 你 如果 返去 ，一定 遭 佢 毒手 㗎 。
盧俊義 發火喇 ：我 屋企 五代 住 喺 北京 ，邊個 唔識得 啊 ？
我 諒佢 李 固有 幾多 個 頭殼 ，點 敢 做 啲 噉 嘅 勾當 啊 ？
啊 ， 莫非 你 做 咗 啲 咩 嘢 壞事 出 嚟 ， 今日 反 轉頭 嚟 講人 哋 係 嘛 ？
哼 ，我 返去 屋企 ，問出 真情 ，你 就 因住嚟 ！
燕青 放聲 痛哭 ，跪喺 地下 ，拉住 盧俊義 嘅 衣服 唔 放 佢 走 。
盧俊義 一腳 踢倒 燕青 ，大踏步 就 入 城 。
盧俊義 入到 城 ，返到 屋企 ，一 入去 嗰 班 大小 主管 見到 佢 返嚟 都 吃咗 一 驚 。
李固 慌忙 上前 嚟 迎接 ， 請 佢 入 到 去 大廳 ， 李固 就 跪 低 叩頭 。
盧俊義 問 佢 嘞 ：燕青 去咗 邊處 啊 ？
李固 就 回答 話 ：主人 唔好 問 咯 ，真係 一言 難盡 啊 。
講出嚟 就 怕 你 嬲 ，休息 好喇 以後 至 慢慢 講 啦 。
呢個 時候 ，佢 老婆 賈氏 娘子 ，喺 屏風 後 便 喊住 出嚟 。
盧俊義 就 話 ：娘子 你 唔好 喊 ，你 講 ，燕小乙 究竟 咩嘢事 ？
官人 你 唔好 問 咯 ，慢慢 先至 講 啦 。
盧俊義 嘅 心 好 思疑 啊 ，點 都 要 問 燕青 咩 嘢 事 。
李固 就 話 喇 ：噉 ，請 主人 你 換咗 衣服 ，食完 早飯 然後 再 講 都 唔 遲 吖 。
於是就整飯畀盧員外食 。
啱啱 先至 搦起 筷子 ，聽見 前門 後門 一齊 吶喊 起上嚟 ，二三百 個 差人 衝 咗 入嚟 。
盧俊義 嚇到 傻晒 ，當堂 畀 啲 差人 綁住 一步一棍 ，一直 打到 佢 去 留守司 。
當其時 ，梁中書 喺 公堂 上面 坐 ，左右 兩行 ，排列住 七八十 個 狼虎一樣 嘅 差人 。
就 將 盧俊義 拉 到 嚟 喇 ，就 跪 喺 地下 。
賈氏 娘子 同 李固 亦 跪 喺 側 跟 。
梁中書 就 喝佢 話 ：
你呢個傢伙 ，係 北京 本地 嘅 百姓 良民 ，嗯 ，點解 要 去 投降 梁山泊 落草 ，坐咗 第二 把 交椅 啊 ？
而家 想 嚟 做 個 內應 要 打 北京 係 嘛 ？
你 今日 被擒 仲有 咩 説話 講 ！
盧俊義 話 ：
小人 一時 愚蠢 ， 畀 梁山泊 吳用 假扮 占卦 先生 ， 嚟 到 屋企 胡言亂語 ， 騙 咗 去 梁山泊 ， 軟禁 咗 兩個 幾月 。
今日 ，僥倖 能夠 甩身 返到 屋企 ，並無 半點 壞心 啊 ，望恩 相明鑒 。
哼 ，噉 都 講得過去 嘅 ？
你 喺 梁山泊 裏頭 ，如果 唔同 佢哋 勾結 又 點 會 住得 咁 耐 啊 ？
而家 你 嘅 妻子 同 李固 嚟 告 咗 你 ，唔通 仲 有 假 嘅 咩 ？
李固 就 話 喇 ：主人 你 既然 嚟到 呢處 咯 ，招認 咗 佢 罷啦 。
喺 屋企 埲 牆 上 便 都 寫落 反詩 ，就係 明明白白 嘅 證據 嚟 啦 嘛 ，唔使 講 咁多 咯 主人 。
賈氏 娘子 亦 話 喇 ：唔係 我哋 要 害 你 啊 ，係 怕 你 連累 埋 我 。
常言話喇 ：一人 造反 ，九族 全 誅噃 。
盧俊義 跪喺 地下 嚟 大叫 冤枉 。
李固又話 ：主人 你 唔使 嗌冤枉 咯 ，係 真嘅 假唔去 ，係 假嘅 真唔嚟 。
趁早 認咗 ，免致 受苦 吖 。
賈氏 娘子 話 ： 官人 啊 ， 認 咗 佢 啦 ， 所謂 有情 皮肉 ， 無情 棍棒 啊 。
你 認咗咯 ，就算 要 坐監 ，都係 有 個 年限 吖嘛 。
李固 呢 ，早就 上上下下 都 使咗 錢 㗎 喇 。
噉 有 個 張 孔目 就 上嚟 稟告 話 ：
大人 ，呢個 賤骨頭 ，唔打佢 佢 就 唔肯 招認 㗎 。
講得啱 ，人 嚟 ，打 ！
左右嘅 差人 ，將 盧俊義 撳 喺 地下 嚟 不由分説 ，打到 佢 皮開肉綻 鮮血惦流 ，暈咗 三四 次 。
盧俊義 頂唔順 嘞 ，佢 長歎 一聲 話 ：唉 ，係 我 命中 註定 要 橫死 㗎 喇 ，我而家 夾硬 招認 咗 佢 係 啦 。
張孔目 即刻 錄咗 口供 ，然後 用 一面 一百斤重 嘅 死囚 枷 釘咗 ，押咗 去 大牢 裏 便 監禁 。
嘩 ，淒涼咯 ，府前 府後 喺度 睇嘅 人 呀 ，見到 都 唔 忍心 啊 。
當時 ，推咗 入去 牢門 ，又 捱咗 三十 殺威棒 ，就 押 到 入去 監獄 ，跪 喺 地下 。
喺 張 炕床 上 便 呢 ， 又 坐 住 嗰 個 兩院 押牢 節級 ， 佢 又 兼 埋 做 劊子手 嘅 。
呢個人 姓 蔡 名 福 ，係 北京 人 氏 。
因為 佢 手段 高強 啊 ，啲 人 就 嗌 佢 做 鐵臂膊 。
喺佢旁邊 企住嘅 ，係 佢嘅 嫡親 兄弟 ，喺處 做 個 押獄 嘅 ，叫做 蔡慶 。
佢 呢個 人 啊 ，最 鐘意 喺 鬢邊 插 枝 花 㗎 喇 ，河北 人 貪 順口 啊 叫 佢 做 一枝花 蔡慶 。
而家 佢 戙住 一條 水火棍 就 企 喺 哥哥 側 跟 。
蔡福 就 話 ：阿慶 啊 ，你 將 呢個 死囚 韞 喺 嗰 一 間 牢房 裏 便 啦 ，我 而家 返 屋企 行 個 轉 又 返嚟 。
於是 蔡慶 就 將 盧俊義 帶咗 去 韞好 。
蔡福 行咗 出去 監獄 ，行咗 冇 遠 ，喺 衙門 前 便 有 個人 行過嚟 ，手上 挽住 個 飯𨭌 ，滿面 愁容 。
蔡福 認得 呢 個 係 浪子 燕青 ， 蔡福 就 問喇 ： 小乙哥 ， 你 做 咩 嘢 啊 ？
燕青 跪 喺 地下 ，流住 兩行 眼淚 ，佢 話 ：
節級大哥 ，可憐 下 小人 嘅 主人 盧員外 ，佢 捱 呢場 冤枉 官司 ，又 冇 送飯 嘅 錢 啊 。
小人 ，喺 城外 乞到 呢半𨭌飯 ，求其 送畀 主人 頂下 肚餓 。
節級大哥 ，唔該 你 方便 下 啦 。
講完 ，淚 如 雨 下 ，一味 咁 叩頭 。
蔡福 就 話 喇 ：呢件事 我 知道 喇 你 送飯 啦 ，送飯畀佢食 啦 吓 。
燕青 拜謝 過 蔡福 就 入去 監牢 裏 便 送 飯 。
蔡福行 過咗 州橋 ，見到 有 個 茶博士 嗌住 佢 ，行個禮 話 ：
節級 ， 有個 客人 喺 小人 嘅 茶坊 樓上 ， 請 節級 去 話 有 説 話 講 喎 。
蔡福 佢 去到 樓上 睇下 ，原來 係 主管 李固 。
大家 行過 禮 ，蔡福 就 話 喇 ：主管 有 咩嘢 見教 啊 ？
李固 就 話 ：我哋 打開 天窗 説 亮話 喇 ，小人 嘅 事 節級 都 盡 知 㗎 啦 。
今晚 黑 ，想 你 同 佢 光前絕後 啫 。
嗯 ，哼哼 ，冇 咩嘢 孝敬 ，五十 兩 蒜條 金 喺 處 ，送畀 節級 。
官廳 上面 嘅 官吏 ，小人 會 去 打點 㗎 喇 。
蔡福笑喇 ：哈哈哈哈哈 ，你 唔見 大廳 嗰 嚿 戒石 上 便 刻住 嗰 八 個 字 呀 ？
下民 易 虐 ，上蒼 難 欺 噃 。
你 揞住 良心 嘅 勾當 你 怕 我 唔知 咩 ？
你 又 佔咗 佢 嘅 家財 ，謀咗 佢 老婆 ，而家 將 呢 五十 兩 金 送 畀 我 ，要 攞 佢 條 命 。
嘿嘿嘿嘿 ，日後 欽差大臣 嚟到 一查 ，我 吃唔起 呢種 官司 咯 。
如果 節級 嫌 少 ，噉 小人 再 添 五十 兩 。
李固 ，你 割 條 貓尾 嚟 撈 貓飯 啫 。
北京 咁 出名 一個 盧 員外 ，只係 值得 呢 一百 兩 黃金 ？
你 如果 要 我 做低佢 ，咪話 我 敲詐 你 吓 ，畀 五百 兩 金 我 啦 。
得 ， 五百 就 五百 ，嗱， 呢 度 五百兩 黃金 ， 送 畀 節級 ， 不過 一定 要 今晚 黑要 做 妥 佢 噃。
蔡福 收起 啲 金 ，企起身 話 喇 ：得喇 ，聽朝 一早 嚟 收屍 啦 。
李固 多謝咗 佢 ，歡歡喜喜 就 走人 喇 。
蔡福 返到 屋企 ，啱啱 入門 ，只見 有個人 ，揦起 門簾 啊 跟住 入嚟 ，嗰個人 嗌咗 聲 話 蔡節級 。
蔡福 一睇 ，只見 嗰個人 生得 十分 好樣 ，而且 打扮得 非常 齊整 。
嗰個人 一 入到 門 對住 蔡福 就 拜 。
蔡福 慌忙 答禮 ： 官人 高姓 ？ 有何見教 啊 ？
請 入去 裏 便 先至 講 。
蔡福 就 請 佢 入去 一 間 廳仔 裏 便 ，分開 賓主 坐落 。
嗰個人 話 喇 ：節級 你 唔使 驚吓 。
小人 就係 滄州 橫海郡 人氏 ，姓 柴 名 進 ，大周 皇帝 嫡派 子孫 ，綽號 小旋風 嘅 就係 我 。
皆因 疏 才 仗義 ，結識 天下 好漢 ，不幸 犯罪 ，流落 喺 梁山泊 。
今日 ，奉咗 宋公明 大哥 嘅 將令 ，差遣 我 嚟 探聽 盧員外 嘅 消息 。
原來 佢 已經 畀 貪官 污吏 ，淫婦 姦夫 夾埋嚟 陷害 韞咗 喺 死囚牢 裏 便 。
而家 ，佢 條命 凍過 水 啊 ，就係 喺 節級 你 嘅 手板心 嚟 。
小人 呢次 不避 生死 ，特意 嚟到 府上 講畀 你 聽 ，如果 留得 盧員外 條命 ，佛眼 相看 ，唔會 忘記 你嘅 恩德 。
如果 有 半點 差錯 ，噉 梁山 嘅 人馬 一 打到嚟 ，就 不分 好醜 老嫩 ，冚𠾴唥 斬首 。
素來 知道 足下 係 個 仗義 全忠 嘅 好漢 ，冇 咩嘢 相送 ，而家 帶咗 一千 兩 黃金 薄禮 喺度 。
嗯 ， 如果 要 捉 柴 進 嘅 話 ， 就 請 你 用 繩 綁 起 我 ， 我 眼眉 都 唔 會 皺 一下 。
蔡福 聽完 呀 ，嚇到 成身 冷汗 ，好耐 好耐都 唔出得聲 。
柴進 就 企起身 話 ：好漢 做事 唔好 躊躇 ，請 你 決定 。
蔡福話 ：請 壯士 你 返去 ，小人 自有 措施 。
柴進 就 拜謝 佢 話 喇 ：既然 得到 你 應承 ，一定 會 報答 你 大恩 。
柴進行 出咗 門口 ，嗌 個 隨從 攞出 一千兩 黃金 去 送畀 蔡福 ，行咗 個 禮 就 走 。
外便 嘅 隨從 係 邊個 啊 ？乃 係 神行太保 戴宗 。
蔡福 見咗 柴進 之後 都 唔知 點 擺佈 好 噃 。
諗諗諗諗咗 好耐 就 返到 監牢 ，將 先頭 件事 就 講畀 細佬 聽 。
蔡慶 就 話 喇 ：大哥 你 平時 最 有 主意 㗎 啦 ，呢啲 噉 嘅 小事 有 乜 咁 難 呢 ？
開講 都 有 話喇 ：殺人 須 見 血 ，救人 須 救 徹 。
而家 有 一千 兩 金 喺度 ，我 同 你 啊 幫 佢 上上下下 使 足 錢 佢 。
梁中書 、張孔目 都係 啲 好利之徒 ，佢哋 收咗 賄賂 ，必然 會 顧全 盧俊義 條命 嘅 。
總之 求求其其 ，將佢 刺配 充軍 出去 。
到時 救得唔救得 ，有 佢哋 梁山泊 好漢 ，噉 我哋 該 做 個 事 就 了啦 嘛 。
兄弟 你 呢個 辦法 ，啱正 我 個 心水 。
嗱 ，你 將 盧員外 安置 好 先 ，每 日 攞 啲 好酒 好餸 嚟 保養 下 佢哋 ，傳 個 消息 畀 佢 聽 ，吓 。
蔡福 、蔡慶 兩 兄弟 啊 ，商量 好喇 ，就 暗中 用 錢 買上 買下 ，打通 晒 。
第日 ，李固仲 唔見 動靜 就 走嚟 蔡福 屋企 催 佢 。
蔡慶 就 話 喇 ：唉 ，我 講 你 聽 啦 。
我哋 正話 要 逳手 做低 佢 㗎喇 ，點知 中書 相公 唔肯 ，派 咗 人 嚟 吩咐 ，要 留返 佢 條命 喎 。
噉啦 ，你 去 上便 使 下 錢 ，噉 上頭 囑咐 落嚟 嘞 ，我哋 呢處 又 冇 咩 咁 難做 嘅 。
李固 跟住 又 請 人 去 上 便 使 錢 嘞噃 。
噉個中間人呢 就 問 點啊噉 ，梁中書 話 喇 ：
呢啲 係 押牢節級 嘅 勾當 ，噉 唔通 叫 我 自己 逳手 咩 ？
啊 過 一兩日 ，就 要 佢 死 係 啦 。
噉 兩便 就 你 推 我 時 就 我 推 你 。
嗰個 張孔目 啊 已經 撈到 錢 喇 ，就 將 呢件 案 啊 拖住 。
蔡福 走去 疏通 佢 啦 ，就 叫 佢 及早 發落 。
張孔目 就 帶埋 文卷 啊 去 問 梁中書 。
梁中書 話 喇 ：呢件事 點樣 判好 呢 ？
張孔目話 ：照 小吏 睇嚟 ，盧俊義 雖然 係 有個 原告 喺 處 ，只係 冇 事實 根據 噃 。
雖然 佢 喺 梁山泊 住咗 咁 耐 ，呢啲 都係 畀 人哋 牽連 做錯咗 事 啫 ，唔判得 佢 謀反 㗎 噃 。
不如 就 判佢 打 四十 棍 ，刺配 三千里 ，噉 唔知 相公 你 意下 如何 呢 ？
梁中書 話 喇 ：孔目 所見 極明 ，正係 同 下官 意見 相合 啊 ，係 一於 係噉 判 啦 。
跟 住 ， 就 叫 蔡福去 監牢 提 盧俊義 出 嚟 ， 當堂 除 咗 長 枷 ， 讀 咗 判詞 ；
打咗 四十棍 ，換 一副 二十斤 重 嘅 鐵葉盤頭枷 ，釘好喇 ，就 派 董超 、薛霸 ，押送 佢 去 ，充軍 去 沙門島 。
原來 呢個 董超 、薛霸 ，本來 係 開封府 做 差人 嘅 。
佢 押送 林沖 去 滄州 ， 喺 路上 啊 害 唔 到 林沖 ， 返到 去 呢 就 畀 高太尉 搵 啲 藉口 ， 將 佢 哋 兩個 刺配 咗 去 北京 。
梁中書 見 佢哋 兩個 能幹 ，就 留咗 喺 留守司 當差 。
今日 呢 ，又 派 佢 兩個 押送 盧俊義 。
噉 當時 董超 、薛霸 領咗 公文 ，帶住 盧員外 就 離開 衙門 起程 喇 。
