花和尚魯智深 啊 去到 華州城 ，準備 去 殺 嗰個 賀太守 咯 喎 ，啱啱 去到 浮橋 就 撞正 賀太守 嚟 。
嗰班 儀仗隊 呢 ，一隊 隊 噉 行緊 過嚟 喇 。
賀太守 坐 嗰 頂 轎 係 暖轎 嚟 嘅 。
喺轎窗 兩便 ，各 有 十個 虞候 簇擁住 ，人人 都 手執 鞭槍 鐵鏈 ，守衞住 兩便 好 嚴密 。
魯智深 睇咗 又 諗嘞 ：嗯 ，嗰個 衰公 幾 難 打㗎噃 ，如果 打佢 唔到 咪 反而 畀 佢 笑 。
賀太守 喺 轎窗 裏 便 ，睇見 咗 魯智深 想 行 又 唔 行 想 進 又 唔 進 ，哼 ，佢 知道 有 古怪 嘞 。
過咗 渭橋 返到去 衙門 落咗 轎 ，就 嗌 兩個 虞侯 吩咐 佢哋 話 ：
你哋 同 我 去 請 橋 上面 嗰個 肥大 和尚 嚟 府 裏 便 食齋 ，吓 。
嗰 兩個 虞候 ，即刻 嚟到 橋 上面 見到 魯智深 就 話 喇 ：
太守 相公 請 你 去 食齋 啊 。
魯智深 諗 ：啱喇 ，呢個 傢伙 整定 死 喺 我 嘅 手下 。
我 先頭 想 打佢 至 怕 打佢唔到 就 由得佢 過咗去 吖 。
我 正係 要 搵 佢 呢 ，佢 就 走嚟 請 我 去 ，哈哈 ，好 。
魯智深 就 跟住 嗰 兩個 虞侯 入到去 衙門 。
太守 已經 吩咐 落喇 ，一見 魯智 深入 到嚟 大廳 ，就 叫 佢 放低 禪杖 同埋 戒刀 ，請 入去 後堂 食 齋 噉 。
魯智深 初時 唔肯 ，大家 就 話嘞 ：
噓 ，你 係 個 出家人 ，真係 唔懂事 ，府堂 重地 ，點准 你 帶 武器 入去 㗎 ？
魯智深 啊 諗 ：
我就係 兩個 拳頭 都 𢱕 扁 佢 嘅 頭殼 啦 ，怕 佢 咩 啊 ，放低 唔係 放低 。
於是 喺 廊下 就 放低 禪杖 、戒刀 ，就 跟 嗰 虞侯 入去 。
賀太守 喺 後堂 坐 喺 處 ，佢 用 手 一 擪 ，喝 一 聲 話 ：捉住 呢個 禿賊 ！
即刻 喺 兩便 嘅 暗室 裏頭 ，行 出 三四十 個 差人 嚟 ，橫拖掂掹 啊 捉住 魯智深 。
賀太守 就 喝佢 話喇 ：你 呢個 禿驢 ，喺 邊處 嚟 㗎 ？
魯智深 就 應 佢 話 ：我 有 咩嘢 罪 ？
你 老實 講 ，邊個 叫 你 嚟 暗殺 我 嘅 ？
我 係 個 出家人 ，你 點解 噉樣 講 啊 ？
哼 ，先頭 我 見 你 個 禿驢 ，想 用 禪杖 嚟 打 我 頂轎 ，就 心大心細 唔敢 逳手 。
你估 我 睇唔出 呀 ，你 呢個 禿驢 快啲 招供 啦 。
我冇想殺你噃 ，你為乜嘢要捉我 ，誒冤戾好人都得嘅咩 ？
幾時 見過 出家人 好似 你 噉樣 㗎 。
你呢個禿驢 ，梗係 個 關西 五路 打家劫舍 嘅 大賊 ，想 嚟 同 史進 嗰個 傢伙 報仇 定 喇 ，唔打 你 點 肯 招認 㗎 。
人嚟 ，出力 同 我 打 呢個 禿驢 。
咪逳手 ，唔好 打傷 老爺 我 。
我 講 你 聽 ，我就係 梁山泊 好漢 花和尚 魯智深 。
我 死咗 唔緊要 ，等 我嘅 阿哥 宋公明 知道咗 ，落山 嚟 嘅 時候 你 啊 趁早 將 個 狗頭 斬咗 送去 啦 ！
賀太守 聽咗 可惱嘢 喇 ，將 魯智深 狠狠 打咗 一大餐 ，就 攞 面 大枷 嚟 釘咗 ，韞咗 佢 去 死囚牢 裏 便 。
同時呢 ，即刻 報畀 朝廷 聽 ，請示 點樣 嚟 處理 ；禪杖 同 戒刀 就 封咗 入 府堂 裏 便 。
呢件事呀 ，轟動咗 整個 華州 。
小嘍啰 得咗 呢個 消息 就 飛報 上山 。
武松 聽咗 大吃一驚 ：唉 ，我 兩個人 嚟 華州 辦事 ，失咗 一個 我 點樣 返去 見 各位 頭領 啊 ！
正在冇晒辦法嘅時候 ，只見 山下 嘅 小嘍啰 嚟 報告 嘞 ：
有個 梁山泊 派嚟 嘅 頭領 ，叫做 神行太保 戴宗 而家 喺 山下 。
武松 就 連忙 落去 迎接 佢 上山 ，介紹 佢 同 朱武 三個人 見面 。
然後 ，就 將 魯智深 唔 聽 勸諫 ，喺 華州 被捕 嘅 事 講 畀 戴宗 聽 。
戴宗 聽咗 就 大驚 ，佢 話 ：噉啊 ，噉 我 就 唔 停留 嘞 。
我即刻返去梁山泊報告畀阿哥知 ，火速調兵遣將嚟救人至得 。
武松 就 話 ：噉 小弟 就 喺 呢處 等 你 ，萬望 兄長 早 去 早 回 啊 。
戴宗 食咗 啲 齋飯 ，即刻 作起 神行法 ，再 返去 梁山泊 。
行咗 三日 呢 就 返到 山寨 ，佢 見咗 晁 、宋 兩位 頭領 ，就 將 魯智深 嘅 事 講畀 佢哋 聽 。
宋江 聽咗 就 失驚話 ：既然 兩個 兄弟 有 難 ，要 快啲 去 救 ，我哋 唔好 耽擱 嘞 。
於是 宋江 啊 點起 人馬 ，分 做 三 隊 出發 ：
前軍 呢 ，就 點 五 員 先鋒 ，係 花榮 、秦明 、林沖 、楊志 、呼延灼 ，率領住 一千 甲馬 、二千 步軍 就 先行 ，逢 山 開路 遇 水 搭橋 ；
中軍 嘅 領兵 主將 宋公明 、吳用 、朱仝 、徐寧 、解珍 、解寶 ，總共 係 六個 頭領 ，率領 馬步軍 兵 二千 ；
後軍 掌管 糧草 個 呢 ，係 李應 、楊雄 、石秀 、李俊 、張順 ，總共 係 五 個 頭領 押後 ，帶住 馬步軍 兵 二千 。
噉 總共 呢 就係 七千 人馬 ，離開咗 梁山泊 啊 直取 華州 。
過咗幾日 ，已經 行咗 一半 路 嘞 ，就 叫 戴宗 去 通知 少華山 嗰便 先 。
朱武佢哋 呢 ，就 安排好 豬 羊 牛 馬 ，準備 定好 酒 嚟 等候 。
宋江 佢 三隊 軍馬 嚟到 少華山 ，武松 同埋 朱武 、陳達 、楊春 三個人 就 落山 嚟 迎接 ，請 佢哋 去 山寨 裏 便 坐落 。
宋江 呢 就 問 史進 同 魯智深 嘅 事 ，朱武 就 話 ：
兩個 頭領 ，已經 畀 賀太守 韞 喺 監 嚟 ，只係 等 朝廷 命令 嚟到 就 處理 㗎 喇 。
宋江 同 吳用 就 話 喇 ：
噉 我哋 點樣 嚟 定計 去 救 史進 同 魯智深 好 呢 ？
朱武話 ：華州城 又 高 又 大 ，壕溝 又 深 又 闊 ，急切之間 啊 好難 打 㗎 。
除非 係 裏應外合 ，先至 能夠 打得 佢 落 啊 。
吳學究 話 ：聽日 我哋 去 城邊 睇 下 個 城池 形勢 然後 再 作 商量 啦 。
第日 ，宋江 一早 就 要 去 睇 城 ，吳用 就 勸 佢 話 喇 ：
喺 城裏 便 韞住 兩隻 大老虎 ，點 會話 唔 加強 防備 㗎 ？
日頭 唔好 去 睇 。
今晚 月色 一定 明朗 嘅 ，我哋 申牌 前後 落山 ，到 一更 時分 就 可以 去到 嗰處 瞭望 喇 。
當日 ，捱到 午後 ，宋江 、吳用 、花榮 、秦明 、朱仝 ，總共 係 五 騎馬 落山 。
一路行 啊 到 咗 初 更 時分 就 嚟 到 華州 城外 。
佢哋 勒住 馬 ，喺 山坡 高 嘅 地方 呢 ，喺度 觀察 華州城 嘅 形勢 。
當時 係 二月中 ，月明如晝 ，天上 呀 一片 雲 都 冇 啊 。
佢哋 睇見 華州 周圍 ，有 幾座 城門 ，城 高 地 壯 ，塹濠 深闊 。
睇咗 好耐 ，遠遠 噉 望見 嗰個 西嶽 華山 ，形勢 險要 ，確係 無計可施 噃 。
吳用 就 話 ：我哋 返去 山寨 慢慢 再 商量 啦 。
噉 五個人 騎住 馬 就 漏夜 趕返 去 少華山 。
宋江 眉頭 不展 啊 滿面 愁容 。
吳學究 話 ：再 派 十幾個 精明仔細 嘅 小嘍啰 落山 ，遠遠近近 去 探聽 下 消息 。
過咗 兩日 ，有 一個 小嘍啰 上山 嚟 報告 話 ：
稟告 大王 ，而家 朝廷 派咗 個 殿司 太尉 ，帶住 御賜 金鈴 吊掛 嚟 西嶽 降香 ，喺 黃河 入 咗 渭河 喇 。
吳用 一聽 就 話 喇 ：哎 阿哥 啊 ，你 唔使 憂心 咯 ，計策 就 喺 呢處 嚟 喇 。
於是就嗌 李俊 同 張順 嚟 ：你哋 兩個 ，噉噉噉 做啦 。
李俊 話 喇 ：不過 嗰度 地頭 唔熟 噃 ，有 個人 帶路 最好 喇 。
白花蛇楊春就話 ：小弟 同埋 你 去 啊 好唔好啊 ？
宋江 好 歡喜 ，就 吩咐 佢哋 三個 落山 。
第日 ，吳學究 就 請 宋江 、李應 、朱仝 、呼延灼 、花榮 、秦明 、徐寧 總共 七個人 ，靜悄悄噉 ，淨係 帶咗 五百幾人 落山 。
一直去到渭河渡口 ，當時 啊 李俊 、張順 、楊春 ，就 已經 搶咗 十幾只 大船 喺 嗰處 喇 。
吳用 就 嗌 花榮 、秦明 、徐寧 、呼延灼 ，四個 就 埋伏 喺 岸上 ；
宋江 、吳用 、朱仝 、李應 吖 落咗 船 ；
李俊 、張順 、楊春 就 將 啲 船 冚𠾴 唥 撐晒 去 灘頭灣 好 ，匿埋 。
噉 大家 等候 咗 一夜 。
第日天光 ，聽見 遠遠噉 鑼 鳴 鼓 響 ，有 三隻 官船 嚟喇 。
船上面 插住 一面 黃旗 ，上面 寫住 ：欽奉聖旨 ，西嶽 降香 太尉 宿元景 。
太尉嘅 官船 ，就 靠近 河口 咯 ，朱仝 、李應 兩個 呢 揸住 長槍 ，企 喺 宋江 、吳用 嘅 背後 。
太尉 個 船 一 到 ，就 迎頭 截住 。
太尉 嘅 船 裏頭 ， 有 廿 幾個 紫衫 銀帶 嘅 虞 候 行 出 嚟 ， 大聲 噉 喝 話 ：
你哋 係 咩嘢 船隻 啊 ？膽敢 攔住 大臣 啊 ！
宋江 恭恭敬敬 噉 躬身 行禮 。
吳學究 企 喺 船頭 上面 話 ：梁山泊 義士 宋江 ，有事 參見 。
官船 上 嘅 客帳司 出嚟 回答 話 ：
船上 係 朝廷 太尉 ，奉咗 聖旨 去 西嶽 降香 。
你哋 係 梁山泊 嘅 草寇 ，因 乜事 幹攔截 ？
吳用 就 話 喇 ：我哋 只係 要求 見下 太尉 尊顏 ，有事 稟告 啫 。
客帳司話 ：你哋 係 乜嘢 人 啊 ？膽敢 隨便 噉 要 見 太尉 吖 ？
兩便嘅虞候 就 喝話 ：低聲 ！
宋江 就 話 ：請 太尉 上岸 一陣 咁 耐 ，有事 商量 。
客帳司話 ：唔准 亂講 ！
太尉 係 朝廷 命臣 ，同 你哋 有 咩 嘢 好 商量 㗎 ？
宋江話 ：太尉 唔肯 見面 ，只怕 手下 啲 人 會 驚動 太尉 噃 。
宋江 一 講完 ，朱仝 就 將 槍 上面 嘅 小號 旗 一揮 。
岸上嘅花榮 、秦明 、徐寧 、呼延灼 ，即刻 帶住 馬軍 出嚟 ，一齊 搭上 弓箭 就嚟到 河口 ，擺列 喺 岸上 。
官船 上面 嘅 艄公 啊 撐船佬 都 嚇到 鑽 返 入 艙 。
嗰個 客帳司 慌咯 ，只有 入去 稟告 啦 。
宿太尉 亦 唯有 出到嚟 船頭 坐低 。
宋江 就 躬身 行禮 話 ：宋江等 不敢 無禮 。
宿太尉 話 ：義士 點解 要 噉樣 嚟 攔截 船隻 啊 ？
宋江話 ：我哋 點 敢 攔截 太尉 呢 ？只係 想 請 太尉 上岸 有 事情 稟告 。
我而家 特奉聖旨 要 去 西嶽 降香 ，同義士 你 有 乜嘢 好 商量 嘅 呢 ？
我係 朝廷 大臣 ，點能夠 輕易 上岸 啊 ？
太尉 如果 唔肯 上岸 ，只怕 下便 嘅 朋友 唔 應承 噃 。
宋江 呢句 説話 一 出口 ，李應 就 將 號 帶 槍 一拂 ，李俊 、張順 、楊春 一齊 撐 啲 船 出嚟 。
宿太尉 睇見 就 大吃一驚 。
李俊 、 張順 ， 亮 擸 擸 噉 掹 出 把 尖刀 喺 手 ， 撲聲 跳過 船 嚟 ， 一 逳 手 就 將 兩個 虞侯 掉 咗 落水 。
宋江 又 連忙 喝聲話 ：唔准 亂嚟 ，唔好 嚇親 貴人 。
李俊 、張順 即刻 砰聲 跳落水 ，眨下眼 咁耐 ，又 將 兩個 虞候 送返 上 船 喇 。
張順 同 李俊 喺 水面 上 呀 ，嘿 ，好似 喺 平地 噉 ，撲聲 又 跳返 上 船 ，嚇到 宿太尉 就 魂不附體 。
宋江 喝 佢哋 話 ：大家 退開 ，唔好 嚇親 貴人 ，我哋 會 慢慢 請 太尉 上岸 嘅 。
宿太尉 就 話 喇 ： 誒 ， 義士 有 乜嘢 事 啊 ？ 誒 就 喺 呢 處 講 都 唔 緊要 吖 。
呢處唔係 講説話嘅 地方 ，仲係 請 太尉 去 山寨 先至 講啦 ，宋江 等 並無 損害 太尉 之 心 。
如果 有 噉嘅 想法 ，西嶽 神靈 誅滅 啊 。
到咗 呢個 時候 ，都 唔到 你 太尉 唔行 喇 ，宿 太尉 啊 只有 離 船 上岸 ，
噉 有人 牽過 一匹 馬 嚟 ，就 扶 太尉 上 咗 馬 ，就 跟住 大家 一齊 行 喇 。
宋江 叫 花榮 、秦明 就 陪 太尉 上山 先 。
宋江 隨後 亦都 上咗 馬 ，就 吩咐 落 ，叫 將 船 上 所有 嘅 人 啊 ，同埋 御香 、祭物 、金鈴 吊掛 等等 就 通通 帶 上 山 。
就 留低 李俊 、張順 ，帶住 百幾人 看船 。
噉 一行 眾位 頭領 都 返到 去 山寨 ，宋江 落咗 馬 ，入咗 山寨 ；
將 宿太尉 就 扶住 喺 聚義廳 當中 坐定 ，眾位 頭領 就 兩邊 肅立 。
宋江 對 住宿 太尉 拜咗 四拜 ，就 跪 喺 面前 稟告 話 ：
宋江 ，本來 係 鄆城縣 小吏 ，因為 畀 官府 所逼 ，不得已 笑聚 山林 ，暫借 梁山 水泊 避難 ，專等 朝廷 招安 ，替 國家 出力 嘅 。
而家 ，有 兩個 兄弟 無情 白事 ，畀 賀太守 陷害 韞 喺 監 嚟 。
因此 ，想 借 太尉 嘅 御香 、儀仗 同埋 金鈴 吊掛 去 騙取 華州 。
事後 就 歸還 ，對於 太尉 並無 侵犯 。
請 太尉 鈞 鑒 。
噉啊 ，噉 你 攞咗 御香 等等 嘅 物件 ，第日 事情 敗露 就 實 連累 下官 㗎 噃 。
太尉 返到 東京 ，乜嘢 都 推 喺 宋江 身上 就 得喇 。
宿太尉 睇見 嗰班人 噉嘅 模樣 ，嘿 知道 呢趟 吟詩 都 吟唔甩 㗎 喇 ，就 唯有 應承 係啦 。
宋江 就 即刻 吩咐 大排筵席 嚟 拜謝 宿太尉 。
將太尉 帶嚟 嘅 人 所 着 嘅 衣服 啊 都 借嚟 着 。
喺啲 小嘍啰 裏便 ，揀咗 一個 生得 靚靚 溜溜 嘅 ，叫佢 剃咗 鬍鬚 ，着咗 太尉 嘅 衣服 啊 扮做 太尉 宿元景 。
宋江 、吳用 呢 就 扮做 客帳司 ；
解珍 、 解寶 、 楊雄 、 石秀 就 扮做 虞候 ；
搵 一班 小嘍啰 ，都係 紫衫 銀帶 ，就 執住 旌節 、旗旛 、儀仗 、法物 ，抬住 御香 、祭禮 、金鈴 吊掛 ；
花榮 、 徐寧 、 朱仝同 李應 呢 就 扮做 四個 衙兵 。
朱武 、陳達 、楊春 就 留喺 處 招呼住 太尉 ，同埋 所有 嘅 隨從 ，用 好酒 好菜 嚟 款待 佢哋 。
再命令 秦明 、呼延灼 ，帶 一隊 人馬 ，林沖 、楊志 啊 另外 帶 一隊 人馬 分 做 兩路 攻城 。
叫武松呢就預先去西嶽廟門下便等候 ，一見信號就逳手 。
好喇 ，啰嗦 個 説話 唔 講 喇 。
而家 講 下 宋江 佢哋 一行人 離開咗 山寨 ，去到 河口 就 落咗 船 。
開船 行 喇 ，唔 去 報畀 華州 賀太守 知 噃 ，就 一直 去到 西嶽廟 。
戴宗 就 行 先 ，去 報知 雲台觀 個 觀主 。
咦 ，得了嘅咩 ，太守 奉咗 聖旨 嚟 降香噃 。
噉啊 觀主 就 帶齊 廟裏 便 辦事 嘅 人員 ，一直 嚟到 船邊 ，迎接 個 假太尉 上岸 。
香花燈燭 ，幢幡寶蓋 就 排列 喺 前便 。
首先 係 請 御香 上咗 香亭 ，由 廟裏 便 嘅 夫力 呢 就 抬住 ，導引住 金鈴 吊掛 就 向前 行 。
觀主 拜見咗 個 假太尉 ，吳學究 就 話 ：
太尉 一路 有 病 唔 舒服 ，叫 頂轎 嚟 啦 。
於是 幾個人 就 扶住 太尉 上轎 ，一直 嚟到 嶽廟 裏 便 間 官廳 落轎 休息 。
客帳司 吳 學究 對 觀主 話 喇 ：
呢次 係 特奉聖旨 ，送 御香 同 金鈴 吊掛 嚟 畀 聖帝 供養 嘅 。
為咩嘢事 本州 個 官員 咁 輕慢 ，唔嚟 迎接 啊 ？
觀主 就 回答 話 ：已經 使人 去 報告 喇 ，怕 就嚟 㗎 喇 。
話猶未了 ，只見 華州 啊 先 派咗 一員 推官 嚟 ，帶領住 六七十 個 差人 ，帶住 啲 酒果 嚟 見 太尉 。
原來 嗰個 扮 太尉 嘅 小嘍啰 啊 ，佢 雖然 個樣 就 好似 喇 ，之 佢 唔出得聲 㗎 嘛 ，一 講 親 説話 出嚟 就 唔得了 㗎 咯 喎 因為 唔似 吖 嘛 。
因此呢就叫佢話有病 ，就挨住啲被 就坐喺床上便 。
嗰 個 推 官 睇 下 ， 見到 帶 嚟 嘅 旌節 、 門旗 、 儀仗 等等 嘅 物件 ， 都 係 內府 製造 出 嚟 嘅 ， 點會 話 唔 信 㗎 ？
客帳司吳 用 就 裝神扮鬼 ，就 稟覆 咗 兩次 就 帶 推官 入 去 ，遠遠 噉 喺 台階 下 便 參拜 咗 。
嗰個 假太尉 ，淨係 用 隻 手指 下指下 ，又 唔知 聽 佢 講 乜嘢 噃 。
吳用 就 行到 推官 面前 埋怨 佢 話 喇 ：
太尉 係 天子 身邊 親近 嘅 大臣 ，不辭 千里之遙 特 奉 聖旨 嚟到 呢處 降香 ；
點知 喺 路上 得咗 病 未曾 好 ，本州 嘅 官員 ，點解 唔 嚟 迎接 ？
推官 又 回答 話 ：前路 官司 雖然 有 文書 到 州 ，但係 未見 近報 因此 有 失 迎迓 。
冇想到 太尉 已經 先 到 嶽廟 喇 ，本來 係 太守 要 嚟 嘅 ，皆因 近日 少華山 嘅 賊人 ，糾合 梁山泊 草寇 要 攻打 城池 ，每 日 都 喺度 防備 ，因此 不敢 擅離 啊 。
特意 派 小官 先 嚟 貢獻 酒禮 ，太守 隨後 就 嚟 參見 。
吳 學究 話 ： 太尉 一滴 酒都 唔 飲 ， 佢 就 係 叫 太守 快 啲 嚟 商量 下 點樣 行禮 嘅 事 。
推官 即刻 叫 攞 酒 嚟 ，同 客帳司 同埋 幾位 親隨 啊 敬咗 酒 。
吳學究 又 入去 稟告 一番 ，然後 呢 ，就 攞咗 鎖匙 出嚟 ，帶住 推官 去 睇 金鈴 吊掛 嘞噃 。
吳學究 開咗 鎖 ，喺 香帛袋 裏 便 ，攞出 嗰 副 御賜 金鈴 吊掛 出嚟 。
用 條 竹竿 撐起 佢 ，叫 推官 仔細 噉 睇下 ，嘩 ，真係 天下 無雙 啊 。
呢一對 金鈴 吊掛 ，乃係 東京 內府 高手 嘅 師傅 所做 ；
整個 係 七寶 珍珠 嵌 做 ，中間 點着 眼 紅 紗 燈籠 ，係 掛 喺 聖帝殿 正中 嘅 ；
唔係 由 內府 送嚟 呀 ，民間 又 點 會 做 吖 ？
吳用 叫 推官 睇咗 ，就 再 收返 入 個 盒 裏 便 ，鎖返 。
又攞出 中書省 好多 公文 交畀 推官 ，叫 太守 嚟 商量 ，擇 個 好日 嚟 祭祀 噉 。
推官 同 嗰 班 差 人 ， 見到 咁 多 物件 文書 ， 就 冇 話 唔 信 㗎 ， 就 辭別 咗 客 帳司 ， 即刻 趕返 去 華 州府 裏 便 報告 賀太守 嘞 。
宋江 個 心 諗 喇 ：哼哼 ，你 呢個 傢伙 雖然 奸猾 ，亦都 騙到 佢 眼花繚亂 喇 呢趟 。
呢個 時候 ，武松 已經 喺 廟門 嗰處 等住 。
吳學究 就 叫 石秀 擪住 把 尖刀 ，亦都 去 埋 廟門 ，幫 武松 手 。
又叫 戴宗 扮 個 虞候 。
雲台觀主 啊 進獻 齋菜 ，一面 又 叫 啲 辦事人員 啊 ，佈置 好 間 嶽廟 。
趁住 呢 個 時候 ， 宋江 啊 四圍 噉 行下 睇 下 呢 間 西嶽 廟 ， 果然 係 起 得 非常 之好 啊 ：
殿宇 氣勢 非凡 ，真係 人間 天上 。
宋江 嚟到 正殿 ，裝咗 一炷香 ，一拜再拜 ，暗暗 祈禱 呢次 行動 成功 。
宋江 返到去 官廳 ，守門 嘅 人 嚟 報告 喇 ，賀太守 嚟 喇 噉 。
宋江 就 叫 花榮 、徐寧 、朱仝 同 李應 四個 衙兵 ，各人 都 揸住 兵器 ，分列 喺 兩便 ；
解珍 、解寶 、楊雄 、戴宗 就 各 帶 暗器 企 喺 左右 。
嗰個 賀太守 ，帶住 三百幾人 就 嚟到 廟前 落馬 ，簇擁住 入嚟 。
假客帳司 吳學究 同 宋江 ，見到 賀太守 帶住 三百幾人 ，都係 帶住 刀 嘅 公吏 人員 嚟 。
吳學究 就 喝喇 ：朝廷 太尉 喺 處 ，閒雜人等 唔准 近前 ！
噉 嗰 班 人 就 企 定 腳 啦 。
賀太守 就 獨自 一個人 行前 嚟 拜見 太尉 。
客帳司話 ：太尉 吩咐 ，請 太守 入嚟 見面 。
賀太守 入到 官廳 ，對住 假太尉 就 拜 。
吳學究 就 話 ：太守 ，你 知罪 嘛 ？
賀某 不知 太尉 到來 ，乞求 恕罪 。
太尉 奉咗 聖旨 嚟到 呢度 西嶽 降香 ，點解 唔 嚟 迎接 啊 ？
誒 因為 冇 接到 近報 ，有 失 迎迓 。
捉起佢 ！
解珍 、解寶 兩 兄弟 ，喺 身邊 掹出 短刀 一腳 將 賀太守 踢低 ，嗯 ！噉 就 割咗 佢 嘅 頭 。
宋江 大喝 一聲 話 ：兄弟們 逳手 ！
跟住 賀太守 嚟 嗰 三百 幾 人 ，當時 都 嚇到 傻晒 ，行 都 行唔逳 。
花榮 佢哋 一擁而上 ，將 嗰 一班 人 啊 執 豆 咁 執 啊 ；
噉仲有一半 呢趯咗 出去 廟門 外便 ，點知 武松 、石秀 啊 舞起 把 刀 殺入嚟 ；
啲 小嘍啰 又 四周圍 咁 追住嚟 殺 ，三百 幾 人 呀 一個 都 冇得 返去 。
其他 ，跟住 尾嚟 嗰啲 呢 ，都 畀 張 順 、李 俊 殺埋 喇 。
宋江啊 即刻 叫 收起 御香 同埋 吊掛 落 船 ，喇喇聲 趕到 去 華州 ，已經 見到 城 裏 便 兩路 火 起 喇 ，噉啊 一齊 殺入去 。
首先 ，去 監牢 裏 便 救出 咗 史進 同 魯智深 ；
打開 庫藏 ，攞咗 錢財 金帛 就 裝載 上 車 。
於是 呢一行人 就 離開咗 華州 ，上船 返到去 少華山 ，再嚟 拜見 宿太尉 喇 。
然後呢 ，就 交還返 御香 、金鈴 吊桂 、旌節 、門旗 、儀仗 等等 嘅 物件 ，再三多謝咗 太尉 。
宋江 叫人 攞咗 一盤 金銀 嚟 送畀 太尉 。
嗰啲 隨從 人員 呢 ，不分 職位 高低 喇 ，都 送 啲 金銀 過 佢哋 。
就喺山寨上便 ，舉行咗 一個 送行宴會 ，嚟 感謝 太尉 。
散咗席 ，各位 頭領 就 一直 送 太尉 落山 ，去到 河口 就 交割 清楚 一切 嘅 雜物 船隻 ，一啲 都 唔 少到 。
噉 宋江 送走咗 宿太尉 ，返到去 少華山 ，就 同 四位 好漢 商量 好喇 ；
收拾咗 山寨 嘅 錢糧 ，放火 燒咗 山寨 ，帶齊 人馬 糧草 就 返去 梁山泊 。
而家 講 下 宿太尉 ，佢 坐船 去到 華州城 ，知道 華州城 畀 梁山泊 嘅 賊人 攻咗 入去 ；
劫咗 府庫 錢糧 ，喺 城 裏 便 呢 又 殺死咗 軍校 百幾 人 ，啲 馬匹 呢 冚𠾴 唥 擄 咗 去 。
喺 西嶽廟 裏頭 呢 ，又 殺咗 幾百 人 。
就叫 本州 嘅 推官 ，即刻 寫 報告 去 中書省 ，稟奏 朝廷 啦 。
話 宋江 啊 ，先 喺 途中 劫 咗 御香 、吊掛 ，因此 就 呃 咗 知府 去到 廟 裏 便 ，殺害 性命 噉 。
宿太尉 就 匆匆忙忙 ，去 嶽廟 裏 便 就 焚咗 御香 ，將 呢副 金鈴 吊掛 ，交咗 畀 雲台觀主 ，就 日夜 趕路 急急 返去 京師 稟奏 畀 皇帝 聽 ，呢啲 呢 就 不在 話下 喇 。
宋江 佢哋 返到去 梁山泊 ，飲酒 慶賀 咗 好幾日 十分 高興 。
有一日 ，旱地 忽律 朱貴 上山 嚟 報告 話 ：
大哥 ，徐州 沛縣 芒碭山 裏頭 ，新近 有 一班 惡嘢 ，聚集咗 三千 人馬 。
為頭一個 先生 ，姓 樊 名 瑞 ，綽號 混世魔王 ，能夠 呼風喚雨 用兵如神 。
佢 手下 有 兩個 副將 ：
一個 姓項 名充 ， 綽號 八臂 哪吒 ， 使 一面 團牌 ， 牌 上面 插 二十四把 飛刀 ， 另外 仲使 一支 鐵 標槍 。
又 有 一個 人 姓 李 名 兗 ，綽號 飛天大聖 ，亦 使 一面 團牌 ，牌 上 便 呢 ，就 插 二十四 支 標槍 ，另外 仲 使 一口 寶劍 。
呢 三個 人 啊 結拜咗 做 兄弟 ，佔住 芒碭山 打家劫舍 。
佢哋 三個人 商量 好咯 ，話 要 嚟 吞併 我哋 梁山泊 大寨 喎 。
小弟 一 聽講 就 即刻 嚟 報告 畀 大哥 知 。
宋江 聽咗 就 發嬲 ：
呢班傢伙 居然 咁 豈有此理 ，等我 再 下山 去 行 一趟 啦 。
只見 九紋龍 史進 起身 話 喇 ：
小弟 我哋 四個人 初到 大寨 ，半粒米 咁大 嘅 功勞 都 未有 ，情願 帶 本部 人馬 ，前去 捉咗 呢班 傢伙 啦 。
宋江 好 歡喜 就 同意咗 。
於是呢 ，史進 就 點起 本部 人馬 ，同埋 朱武 、陳達 、楊春 ，都 披掛好 ，辭別咗 宋江 就 落山 ；
用 船 渡過 咗 金沙灘 ，就 一路 直奔 芒碭山 咯噃 。
行咗 三日 ，就 望見 嗰座 山 。
呢座芒碭山啊 ，乃係 昔日 漢高祖 斬蛇起義 嘅 地方 。
史進 佢哋 三 軍人馬 就 嚟到 山下 ，埋伏 喺 路口 個 小嘍啰 即刻 上山 去 報告 。
史進 將 少華山 帶嚟 嘅 人馬 一字 噉 擺開 。
佢 全身 披掛 ，騎 一匹 火炭赤馬 ，當先 出陣 ，雙手 打橫 揸住 三尖兩刃刀 。
背後 呢 ，就係 朱武 、陳達 、楊春 三個 頭領 。
噉 四個 好漢 啊 ，喺 陣前 勒馬 ，準備 交鋒 開戰 喇 。
