宋江 率領住 梁山 人馬 ，殺敗咗 呼延灼 ，就 大破 連環甲馬 。
噉就 鳴金 收兵 回山 喇 ，各位 將領 啊 都 嚟 請功 啦 。
三千 連環甲馬 ，嗰啲 畀 鉤 鐮 槍 勾倒 ，損傷 咗 馬蹄 嘅 ，就 解去 張 皮甲 ，養住 先 留返嚟 食 。
噉嗰啲 好馬 呢 ，就 牽 上 山 去 餵養 ，要 嚟 騎 。
嗰班 帶甲 軍士 ，都係 畀 佢哋 生擒 咗 上山 。
嗰 五千 步 軍 呢 ，因為 畀 三面 圍到 緊 一緊 啊 ，趯去 中軍 嗰處 躲避 嘅 ，都 畀 鉤 鐮槍 勾跌 捉咗 咯 ；
向 住 水邊 逃命 嘅 呢 ，冚𠾴唥 畀 水軍 頭領 趕晒 上船 ， 拖過 咗 灘頭 ， 捉 咗 上山 。
以前 畀 呼延灼 捉咗 去 嘅 馬匹 同埋 軍士 ，呢次 就 全數 奪返返嚟 。
噉 又將 呼延 灼 嘅 營寨 啊 ，冚𠾴唥 拆開 ， 要 晒 啲 材料 喺 水邊 就 搭 返間 小寨 。
又喺 兩笪 地方 再起返 做 眼線 嘅 酒店 房屋 等等 。
仍然呢叫 孫新 、顧大嫂 、石勇 、時遷 去 兩笪 地方 開店 。
劉唐 、杜遷 就 捉到 韓滔 啊 ，就 將 佢 綁住 解到 嚟 山寨 。
宋江 一見到 ，親自 同佢 鬆綁 ，請 上去 聚義廳 ，同佢 敬禮 賠罪 ；
擺酒嚟接待 ，叫 彭玘 同 凌振 啊 ，說 佢 入夥 。
韓滔 亦 都 係 七十二 地煞 之一 ， 當然 係 意氣相投 啦 ， 噉 就 喺 梁山泊 做 咗 頭領 。
宋江 叫 佢 寫 封 信 ，派 人 去 陳州 接 佢 嘅 家人 嚟 山寨 團聚 。
宋江 見 破咗 連環馬 ，又 得咗 咁多 軍馬 、衣甲 、盔刀 ，高興 到 極 喇 ，日日 都 擺 酒 慶賀 。
同時 呢 ，仍舊 調撥 啲 將領 ，去 各路 把守 提防 官兵 呢 不在 話下 喇 。
而家 講返 下 呼延 灼 啊 ， 佢 損失 咗 咁 多 官軍 人馬 ， 就 唔 敢 返去 京師 喇 ， 獨自 一個 人 騎 住 嗰 匹 踢 雪 烏 騅 馬 ， 將 啲 衣甲 呢 綁 喺 馬上 ， 一路 噉 逃跑 。
但係 佢 冇 使用 噃 ，就 唯有 解低 條 束腰金帶 ，賣咗 嚟 做 使用 啦 。
一路行 一路 諗 ： 唉 ， 想 唔 到 今日 害到 我 噉 樣 ， 呢 一次 去 投奔 邊個 好 呢 ？
啊 ，青州 慕容 知府 舊時 同 我 有 一面之緣 嘅 ，我 不如 去 嗰處 投奔 佢 ，然後 託 慕容 貴妃 嘅 人情 ，到 其時 再 帶 兵 嚟 報仇 都 未 遲 啊 。
好 ，一於 係 噉話 。
呼延灼 一路 行咗 兩日 ，呢一晚 ，佢 又 飢 又 渴 。
見到 路邊 有 一 間 鄉村 酒店 ，呼延灼 就 落咗 馬 ，將 匹 馬 綁 喺 門前 樖樹 上 。
入到嚟酒店 ，將 嗰對鞭 放 喺 台上便 ，坐落嚟 ，就 叫 酒保 攞 酒肉 嚟 食 。
酒保 就 話 喇 ：小人 呢處 淨係 賣 酒 嘅 咋 喎 。
要肉呢 ，村裏頭 啱先 就 劏羊 ，如果 要 個 話 小人 去 買 啲 返嚟 啦 。
呼延灼 又 喺 個 袋 處 攞 咗 啲 用金 帶 換嚟 嘅 碎銀 ，交 畀 酒保 ，佢 話 ：
你 去 買 一髀 羊肉 嚟 ，同 我 煮 咗 佢 ，誒 仲 要 搵 啲 草料 餵飽 我 呢匹 馬 。
我 今晚 就 喺 你 呢處 瞓 一晚 喇 ，聽日 我 去 青州府 。
酒保 就 話 ：官人 你 喺 呢處 住 唔緊要 ，不過 啊 冇乜 好 床鋪 噃 。
我 係 個 軍人 ，有 地方 瞓 就 得 㗎 喇 。
酒保 攞咗 銀 就 去 買 羊肉 。
呼延 灼將 馬背 上面 馱 住 嘅 衣甲 攞 落 嚟 ， 同 隻 馬 鬆 咗 肚帶 ， 坐 喺 門口 又 等 咗 一陣 。
只見 酒保 啊 揸住 一髀 羊肉 返嚟 ，呼延灼 嗌 佢 煮熟 佢 ，另外 要 三 斤 麵粉 嚟 做 餅 ，叫 打 兩 角 酒 嚟 噉 。
個 酒保 一便 煮 羊肉 做餅 ， 一便 呢 就 煲 好 熱水 畀 呼延 灼洗 咗 腳 。
就 將 匹 馬 ，牽 咗 去 屋 後 便 一 間 屋仔 處 ，噉 啊 酒保 就 切 草 煮 料 餵 馬 喇 。
呼延灼 攞 咗 啲 熱酒 嚟 飲咗 一輪 。
冇幾耐 ，啲肉 煮熟喇 ，呼延灼 又 叫 個 酒保 嚟 ，亦 畀 啲 酒肉 佢 食 ，就 吩咐 佢 話 ：
我 係 個 朝廷 軍官 ，為因 收捕 梁山泊 失利 ，而家 要 去 青州 投奔 慕容 知府 ，你 要 好好地 同 我 餵飽 呢匹 馬 。
呢匹馬 ，係 當今 皇上 御賜 嘅 ，名叫做 ，踢雪烏騅 。
聽日 ，我 自然 重重賞 你 。
酒保 話 喇 ：誒噉啊 多謝晒 相公 。
不過 有 一件事 呢 要 講畀 相公 知 喎 ，離 呢度 冇 幾 遠 啊 有 座 山 叫做 桃花山 。
山上 便 有 一班 賊佬 ，做頭嘅 係 打虎將 李忠 ，第二個 係 小霸王 周通 ，聚集住 六七百 個 小嘍啰 打家劫舍 ，周時 都 嚟 騷擾 村莊 嘅 。
官府 啊 幾次 三番 ，請咗 捕盜 官軍 嚟 ，點都 捉 佢哋 唔到 。
相公 你 夜晚 瞓覺 啊 要 小心啲 ，醒瞓啲 至 好 。
呼延灼 就 話 ：我 有 萬夫不當之勇 ，就算 嗰班 嘢 冚𠾴 唥 嚟 齊 又 點 啊 ，唔怕 佢 。
你 同 我 好好地 餵飽 呢匹 馬 。
食咗啲酒肉大餅 ，噉 酒保 呢 就 喺 店裏 便 開咗 個 鋪 ，畀 呼延灼 瞓 。
呼延灼 一 來 連日 個 心 好 悶 ，二 來 又 飲 多咗 幾 杯 酒 ，佢 着住 衫 就 噉 瞓 一瞓 就 瞓着 。
瞓到 三更 先至 醒 ，一 醒咗 ，聽見 酒保 喺 屋 後 喊 苦 喊窟 。
呼延灼 聽見 就 連忙 跳起身嚟 ，揸住 雙鞭 ，走到 屋後 問 喇 ：你 嘈 咩嘢 ？
個酒保 話 ：誒 ，小人 起身 嚟 餵 馬 啦 ，見到 埲籬笆 推冧 咗 ，畀 人 將 相公 隻 馬 偷走 咗 啊 。
呢 ，遠遠 仲 望見 三四里 外 啲 火把 閃下閃下 ，一定 係 混 嗰度 去咗 咯 。
呼延 灼問 啊 ， 嗰 度 ， 係 邊樹 啊 。
呢 混 嗰條 路 去 親 嘅 ，實 係 桃花山 嗰啲 小嘍啰 偷 咗 去 定 啦 。
呼延灼 吃咗 一驚 ，即刻 就 叫 酒保 帶路 ，行 啲 田基 追咗 兩三里 。
追追下 ，火把 睇唔見 喇 ，都 唔知 去咗 邊處 啲 人 。
呼延灼 就 話 啦 ：如果 失咗 御賜 嘅 馬 噉 點 好 呢 ？
酒保 就 話 喇 ：相公 ，你 聽日 去 州里 便 告咗 ，等 派 官軍 嚟 剿捕 ，噉 就 能夠 得返 隻 馬 啦 嘛 。
呼延灼 悶悶不樂 ，冇 瞓到 啊 一直 坐到 天光 ，叫 個 酒保 幫 佢 擔住 衣甲 ，就 行路 去 青州 嘞 。
去到 個 時候 個 天 都 就 嚟 黑 ，噉 就 喺 客店 住咗 一 晚 。
第日 朝頭早 ，去到 衙門 參拜咗 慕容知府 。
知府 見咗 佢 好 驚奇 就 問 佢 話 ：
聞知 將軍 去 收捕 梁山泊 草寇 ，點解 會 嚟到 呢處 啊 ？
呼延灼 就 將 上面 嘅 事 啊 一五一十 講咗 一次 。
慕容 知府 聽咗 就 話 喇 ：
雖然 將軍 損失咗 咁多人馬 ，呢啲 都 唔係 失職之罪 ，乃係 中咗 賊人 嘅 奸計 亦 無可奈何 嘅 。
下官 所管轄 嘅 地面 經常 畀 啲 草寇 侵犯 。
將軍 嚟到 呢處 就 啱喇 ，噉 就不如 去 掃清 桃花山 先 ，搶返 嗰 匹 御賜 嘅 馬 ；
接住呢 ，就去 將 二龍山 、白虎山 呢兩 笪地方 嘅 強盜 ，一齊 剿捕 咗 佢 。
到其時 ，下官 自當 一力 保奏 ，等 將軍 帶兵 去 梁山泊 ，報仇 雪恨 噉 你 話 好唔好 吖 ？
呼延灼 就 再拜 噉 話 ：多多 感謝 恩 相 照顧 。
如果能夠噉樣 ，末將 誓當 效死 報德 。
慕容知府 就 請 呼延灼 去 客房 裏 便 休息 ，叫佢 換過 衣服 ，請佢 飲酒 。
噉嗰個 同佢 擔 衣甲 嘅 酒保 呢 叫 佢 自己 返咗 去 嘞 。
一住住咗三日 ，呼延灼 就 急於 要 奪返 嗰 匹 御賜 馬 ，佢 又 嚟 稟告 知府 ，要求 出兵 。
慕容 知府 就 點咗 馬步軍 二千 ，借畀 呼延灼 ，又 畀咗 一匹 青鬃馬 過 佢 。
呼延灼 多謝咗 知府 ，披掛 上馬 ，帶領 軍兵 啊 前去 奪馬 咯噃 ，就 一路 向 桃花山 出發 喇 。
而家 講下 桃花 山上 便個 打 虎將 李忠同 小霸王 周通 啊 ， 佢 自從 得 咗 呢 一匹 御賜 嘅 踢 雪 烏 騅 馬 ， 就 日日 喺 山上 便 慶祝 飲酒 。
當日 ，喺 出便 偵察 嘅 小嘍啰 嚟 報告 話 ：青州 軍馬 嚟喇 噉 。
小霸王 周通 就 起身 話 喇 ：阿哥 你 守寨 ，兄弟 去 打退 啲 官軍 。
就點起 一百 小嘍啰 ，提槍 上馬 ，落山 嚟 迎敵 官軍 喇 。
呼延灼 帶住 二千 兵馬 嚟到 山前 ，擺開 陣勢 。
呼延灼 一馬當先 ，大聲噉話 ：
強賊 快啲 出嚟 受綁 ！
小霸王 周通 將 小嘍啰 一字 擺開 ，挺槍 出馬 。
呼延灼 見到 周通 ，就 拍馬 上前 嚟 打 。
周通 亦 躍馬 迎 上去 。
兩馬 相交 ，鬥咗 唔到 六七個 回合 ，周通 已經 頂唔順 喇 ，撥轉 馬頭 𡃈𡃈聲 跑返 上山 。
呼延灼 就 追咗 一陣 ，嗯 ，佢 怕 中計 啊 ，急急 落返 山 就 扎 好 營寨 ，等候 聽日 再 打 。
周通 返到去 山寨 見到 李忠 就 話 喇 ：
嗯 ，呼延灼 呀 ，武藝 高強 啊 ，頂佢 唔順 啊 ，唯有 退返 上山 啦 。
如果 佢 追到 上嚟 山寨 噉 點算好 啊 ？
李忠話 ：我 聽講 花和尚 魯智深 喺 二龍山 寶珠寺 ，好多人馬 ；
更兼 有 個 咩嘢 青面獸 楊志 ，又 新新 嚟咗 個 行者 武松 ，都 係 有 萬夫不當之勇 嘅 。
不如噉啦 ，我哋 寫 封信 ，派 個 小嘍啰 去 嗰處 求救 。
如果 解得 危難 咯 ，拼住 投靠 佢哋 嘅 山寨 啫 ，至多 每個月 進貢 啲 錢 畀 佢 咪 係 咯 。
周通話喇 ：小弟 亦都 知道 佢 嗰處 好叻 㗎喇 ，不過 怕 嗰個 和尚 記住 當初 個 事情 ，唔肯 嚟 救 噃 。
哈哈哈 ，佢 嗰陣 又 打咗 你 ，又 撈咗 我哋 咁多 金銀酒器 ，唔通 佢 仲 會 見怪 我哋 咩 ？
佢 係 個 爽直 嘅 好人 ，派 個 人 去 佢 嗰度 呀 ，必定 會 親自 帶兵 嚟 救 嘅 。
大哥 ，你 噉 講 亦 啱 。
於是就 寫咗 一封信 ，派 兩個 會辦事嘅 小嘍啰 ，喺 後山 就 偷偷 落咗去 ，趯去 二龍山 求救 。
嗰 兩個 小嘍啰 行咗 兩日 ，就 去到 二龍山 。
嗰處 個 小嘍啰 呢 ，就 問明咗 佢哋 來意 就 叫 佢哋 等陣 ，上去 報告 嘞 。
當時 寶珠寺 嘅 大殿 上 便啊 ，坐住 三位 頭領 ：
為首嘅 ，係 花和尚 魯智深 ，第二 ，係 青面獸 楊志 ，第三 係 行者 二郎 武松 。
喺 前面 山門 就 坐住 四個 小頭領 ：
一個 係 金眼彪施恩 ，佢 呢 就係 孟州 牢城 施管營 嘅 仔 ；
為因 武松 啊 殺咗 張都監 一家 人口 ，官府 啊 追住 佢 屋企 啊 要 捉拿 兇手 ；
因此 呢 ， 就 漏夜 帶 齊家 人 ， 逃走 喺 江湖 之上 。
收尾 父母 都 死咗 咯 ，佢 打聽到 武松 喺 二龍山 啊 ，噉 就 嚟 投奔 入夥 嘅 。
一個 係 操刀鬼 曹正 ，佢 係 同 魯智深 、楊志 奪咗 寶珠寺 殺咗 鄧龍 ，收尾 呢 走嚟 入夥 。
一個 係 菜園子 張青 ， 一個 係 母夜叉 孫 二娘 。
佢哋 係 兩 夫妻 ，本來 喺 孟州道 十字坡 賣 人肉包 嘅 。
因為 魯智深 、武松 啊 ，就 連 氣 寫信 約 佢哋 嚟 ，亦都 嚟 投奔 入夥 。
而家 曹正 聽 講話 桃花山 有 信 嚟 ，佢 問 清楚 之後 呢 就 上去 大殿 ，報告 畀 三個 大頭領 知 。
魯智深 就 話 喇 ：
我 當初 離開 五台山 嘅 時候 ， 去 到 一個 桃花村 投宿 ， 將周 通 嗰 個 戇 居 佬 打 咗 一 大餐 。
李忠 嗰個 嘢 就 認得 我 ，請 我 上山 飲咗 一日 酒 ，結拜 我 做 阿哥 ，留 我 做 個 寨主 。
我 見到 嗰班 友仔 咁 孤寒 嘅 ，就 擸咗 多少 金銀 酒器 ，撇開 佢哋 趯咗 咯 ，哈哈哈哈哈 。
而家 佢 嚟 求救 ，睇 佢 講 啲 乜嘢 ，放 個 小嘍啰 上嚟 啦 。
曹正 去咗 冇 幾耐 就 帶咗 嗰 兩個 小嘍啰 嚟 到 大殿 。
小嘍啰 行咗 禮 就 話 喇 ：
稟告 大頭領 ，青州 慕容 知府 啊 ，近日 收容 咗 個 征剿 梁山泊 失利 嘅 雙鞭 呼延灼 。
而家 嗰個 慕容 知府 啊 ，叫 佢 掃蕩 我哋 呢處 桃花山 、二龍山 、白虎山 呢 幾 座 山寨 先 喎 ，然後 就 借 兵 畀 佢 去 收捕 梁山泊 報仇 噉 話 喎 。
我哋嘅 頭領 ，想 請 各位 大頭領 將軍 ，落山 嚟 相救 ，第日 冇事 嘅 時候 ，情願 嚟 進貢 啊 。
楊志話 ：我哋 各守 山寨 ，保護 山頭 ，本來 就 唔去 救 。
不過 我哋 一來 就 怕 傷咗 江湖 上 個 豪傑 ；
二來 就 怕 嗰個 傢伙 得咗 桃花山 就 睇小 我哋 呢處 。
噉啦 ，留低 張青 、孫二娘 、施恩 、曹正 看守 山寨 ，我哋 三個 親自 去 行 一趟 啦 。
跟住 就 點起咗 五百 小嘍啰 ，六十幾個 馬軍 ，帶齊 衣甲 軍器 ，出發 去 桃花山 。
而家 講下 李忠 ，佢 知道咗 二龍山 嚟 搭救 嘅 消息 ，就 帶住 三百 小嘍啰 落山 嚟 策應 。
呼延灼 一聽講 ，急急 率領 軍馬 ，攔住 條路 ，擺開 陣勢 ，舞鞭 出馬嚟 同 李忠 打過 。
原來 李忠 呢 ，佢 係 濠州 定 遠 人 氏 ，屋企 幾代 都 係 靠 打武 為生 。
人哋 見 佢 身材 壯健 ，所以 就 嗌 佢 做 打虎將 。
當時 佢 落山 嚟 同 呼延灼 交戰 ，之 李忠 又 點樣 打得過 呼延灼 㗎 ，鬥 咗 十個 回合 以上 ，嘿 見到 唔係 路 喇 ，撥開 兵器 就 走 。
呼延灼 見 佢 本事 低微 就 唔擏 佢 喇 ，縱馬 就 一直 追 上 山 。
小霸王 周通 喺 半山腰 睇見 嘿噉 仲得了 ，即刻 叫 人 掟 啲 鵝卵石 落去 ，呼延灼 就 連忙 回馬 落山 。
呢個 時候 ，只見 官軍 嘈 起 上嚟 ，呼延灼 就 問 喇 ：大家 嘈 乜嘢 ？
後軍 就 回答 話 ：遠遠 望見 有 一彪 軍馬 飛奔 嚟緊 啊 。
呼延灼 聽咗 就 跑去 後 軍隊伍 裏 便 睇下 啦 ，只見 塵頭 起處 ，當先 一個 肥大 和尚 ，騎住 一匹 白馬 ；
呢個人 ，乃係 花和尚 魯智深 。
魯智深 騎 喺 馬 上面 大聲 喝話 ：
邊個 係 畀 梁山泊 殺敗 嘅 衰公 啊 ？竟然 走嚟 呢處 嚇人 係嘛 ！
呼延灼 就 話 喇 ：殺咗 你 個 禿驢 先 ，出 下 我 心頭 嘅 怒氣 啊 ！
魯智深 捹起 鐵禪杖 ，呼延灼 就 舞起 雙鞭 ，乒乒乓乓 啊 打起 上嚟 。
兩邊 嘅 兵卒 大聲 吶喊 助威 。
鬥咗 四五十個 回合 ，仲係 不分 勝敗 。
呼延灼 個 心 暗暗 喝彩 喇 ：嗨 ，呢個 和尚 乜 咁 使得 㗎 。
噉啊 呢個 時候 兩邊 兩便 都 打響 鑼 ，各自 收兵 休息 嘞 。
呼延灼 過咗 一陣 ，再次 縱馬 出陣 ，大聲 叫話 ：
賊和尚 你 再 出嚟 ，同 你 定 個 輸贏 見 個 勝敗 ！
魯智深 正話 想出馬 ，楊志 就 嗌喇 ：大哥 你 唞唞 先 ，睇住 我 捉 呢個 傢伙 。
楊志 舞刀 出馬 ，嚟 同 呼延灼 交鋒 。
兩個 鬥到 四十幾個 回合 ，仲係 不分 勝敗 。
呼延灼 見 楊志 手段 高強 佢 就 諗 喇 ：
嘩 嗨 ， 點解 呢 次 走出 呢 兩個 人 嚟 㗎 ， 乜 咁 厲害 嘅 ？ 綠林 人馬 冇 咁 本事 㗎 噃。
楊志 亦 都 見到 呼延灼 武藝 高強 ，賣 個 破綻 就 撥轉 馬 跑 返去 本陣 。
呼延灼 亦 勒 轉 馬頭 ，唔 去 追 佢 ，噉 兩便 呢 都 各自 收兵 。
魯智深 同 楊志 商量 話 ：
我哋 初初 嚟到 呢處 ，太過 逼近 佢哋 扎寨 就 唔 適宜 嘅 。
不如 我哋 後退 二十里 ，聽日 再嚟 同佢 打過 啦 。
於是就 帶領 小嘍啰 ，過咗 去 附近 山崗 嗰 便 扎寨 。
而家 講下 呼延 灼 佢 喺 帳篷 裏 便 發愁 ， 個心 就 諗 ：
我 本來 希望 嚟到 呢處 勢如劈竹 ，捉咗 呢一班 草寇 。
點知 又 遇着 噉樣 嘅 對手 ，唉 ，我 條命 啊 真係 苦 㗎 咯 。
佢 正係 冇 修 嘅 時候 ，只 見 慕容 知府 使 人 嚟 叫 佢 話 ：
請 將軍 快啲 帶 兵 返去 保衞 城池 啊 。
而家 白虎山 嘅 強盜 孔明 、 孔亮 ， 帶住 人馬 嚟 到 青州 借糧 ， 怕 頂 佢 哋 唔 住 ， 特意 嚟 請 將軍 返去 青州 守備 。
呼延灼 聽咗 ，啱晒喇 ，就 趁 呢個 機會 ，帶領 軍馬 漏夜 返去 青州 。
第日 ，魯智深 同埋 楊志 、武松 ，又 帶住 小嘍啰 搖旗吶喊 ，一直 嚟到 山下 準備 同 呼延灼 打過 ，嘿嘿 ，點知 見到 一個 軍馬 都 冇 晒 喇 ，反而 吃咗 一驚 噃 。
噉 桃花山 上 嘅 李忠 、周通 ，就 帶住 啲 小嘍啰 落嚟 ，請 三位 頭領 上去 山寨 ，殺 牛 劏 馬 ，大排 筵席 嚟 款待 。
同時 呢 ，又 派 人 落山 去 探聽 消息 。
而家 講下 呼延 灼 ， 佢 帶兵 返到 去 青州 城下 ， 就 撞見 咗 一彪 軍馬 啱 啱 嚟 到 城邊 。
為首嘅 ，乃係 白虎山 下 孔太公 嘅 仔 毛頭星 孔明 、獨火星 孔亮 。
佢 呢 兩 兄弟 ， 因為 同 本鄉 一個 財主 爭執 起上 嚟 ， 就將 呢 個 財主 一門 老少 冚 唪 冷 殺 晒 ， 聚集 起 六七百 人 ， 佔 住 白虎山 打家劫舍 。
因為 佢 有 個 阿叔 ，叫做 孔賓 係 住 喺 青州 城 裏 便 嘅 ，畀 慕容 知府 捉咗 韞 喺 監 嚟 。
噉 孔明 、 孔亮 呢 就 特登點 齊 山寨 嘅 小 嘍 啰 嚟 打 青州 ， 要 救 返 佢 阿叔 孔賓 。
噉 而家 撞 正 呼延 灼 嘅 兵馬 ， 兩便 就 打起 上 嚟 啦 。
呼延灼 就 出馬 衝到 陣前 ，慕容 知府 呢 喺 城樓 上面 啊 睇住 。
見到 孔明 當 先 就 挺槍出馬 ，直取 呼延灼 。
兩馬 相交 ，鬥 到 二十幾個 回合 。
呼延灼啊 要 喺 知府 面前 演 下 本事 ，撞啱 孔明 呢個 人 呢 武藝 唔 精 ，只有 招架 之 功 就 並無 還手 之 力 嘅 。
畀 呼延灼 啊 ，喺 馬上 將 佢 活捉 咗 過去 。
孔亮 唯有 帶住 小嘍啰 趯 係 啦 。
慕容 知府 喺 城樓 上 便 ，指揮住 叫 呼延灼 帶兵 去 追 。
噉啲 官兵 一掩 殺過去 就 活捉到 百幾人 。
孔亮 大敗 一場 四散 奔走 ，到到 晚頭 黑 先至 搵到 間 古廟 嚟 休息 。
呼延灼 就 活捉 咗 孔明 ，解咗 入城 就嚟 拜見 慕容知府 。
慕容 知府 啊 大為 高興 啦 就 吩咐 將 孔明 用 副 大枷 釘咗 韞 咗 入 監 ，同 孔賓 就 韞埋 一齊 。
一面 呢 就 慰勞 三軍 ，一面 呢 就 款待 呼延灼 ，詳細 噉 詢問 桃花山 嘅 消息 。
呼延灼 就 話 ：
本來 以為 係 甕中 捉 鱉 ，手到 拿來 嘅 ，點知 無端端 ，又 畀 一班 強盜 走嚟 救 咗 佢 。
其中 有 一個 和尚 ，一個 青面大漢 ，兩次 同 佢 交鋒 都係 各無 勝敗 。
呢 兩個 武藝 不比 尋常 啊 ，綠林人 馬 冇 噉 本事 嘅 ，因此 捉 佢哋 唔到 。
慕容 知府 就 話 喇 ：
嗰個 和尚 ，就係 延安府 老 種 經略 帳 前 軍官 提轄 魯達 ，而家 佢 落髮 為 僧 ，叫做 花 和尚 魯智深 啊 。
嗰一個 青面大漢 呢 ，乃係 東京 殿帥府 制使官 ，叫做 青面獸 楊志 。
呢仲有一個行者 叫做 武松 ，本來 係 景陽岡 打虎 嘅 武都頭 。
呢 三個 人 佔住 二龍山 打家劫舍 ，屢次 抗敵 官軍 ，殺咗 四五個 捕盜官 喇 ，直到 而家 都 未曾 捉到 佢哋 啊 。
呼延灼話 ：我見佢哋 武藝精通 ，原來 係 楊制使 同 魯提轄 啊 ，果然 名不虛傳 。
不過 恩相 你 放心 ，呼延灼 已經 見過 佢哋 本事 ，唔使 好耐 ，一個個 將 佢哋 生擒活捉 。
慕容 知府 非常 歡喜 ，就 擺 酒 款待 。
飲完喇 ，就 請佢 去 客房 休息 ，呢啲 不在話下 。
而家 講下 孔亮 佢 帶住 啲 殘兵敗卒 ，正係 行行下 ，猛然間 喺 樹林 裏 便 撞出 一彪 軍馬 ，當先 一名 好漢 乃係 行者 武松 。
孔亮 一見到 連忙 滾 鞍 下馬 跪低 就 拜 喇 佢 話 ：壯士 你 身體 好 吖 嘛 ？
武松 就 連忙 答禮 ，扶起 孔亮 就 問 佢 ：
聞知 你哋 兩 兄弟 佔住 白虎山 聚義 ，幾次 都 要 去 拜望 ，一來 就 唔得閒 落山 ，二來 條 路 又 唔順 ，所以 難得 相見 。
今日 ，為咩嘢事 嚟到 呢處 啊 ？
孔亮 就 將 救 佢 阿叔 孔賓 ，反而 失陷 咗 大佬 個 事 講 咗 畀 武松 聽 。
武松 就 話 喇 ：你 唔使 慌 。
我 有 六七個 弟兄 ，而家 喺 二龍山 聚義 。
今日 為咗 桃花山 嘅 李忠 、周通 ，畀 青州 官軍 攻擊 得 好 緊 ，嚟到 我哋 山寨 求救 。
魯 、楊 兩位 頭領 ，帶住 兵馬 去咗 同 呼延灼 交戰 ，同佢 打咗 一日 。
呼延灼 漏 夜 返咗 去 ，噉 桃花山 就 留 我哋 兄弟 三 個人 飲酒 宴會 ，將 呢 匹 御賜 馬 送咗 畀 我哋 。
我 而家 率領 頭 一隊 人馬 回 山 ，佢哋 兩位 隨後 就 到 個 喇 。
我 叫 埋佢哋 去 打 青州 ，救 你 阿叔 同 大佬 好唔好 吖 ？
噉梗係好定㗎啦 ，孔亮 就 拜謝咗 武松 。
等咗一陣 ，只見 魯智深 、楊志 兩個 一拍 騎住 馬 嚟喇 。
武松啊 介紹 孔亮 拜見 佢哋 兩位 ，佢 話 ：
嗰陣 我 同 宋江 喺 佢 莊 上面 相會 ，滾攪 佢哋 好多 㗎 喇 。
今日 我哋 應該 以 義氣 為重 ，聚集 三山 人馬 攻打 青州 。
殺咗 慕容 知府 ，擒獲 呼延 灼 ，分咗 佢 倉庫 錢糧 ，搦 返 去 山寨 使用 ，你哋 話 好唔好 啊 ？
魯智深話 ：我 亦係 噉諗 。
即刻 就 派人 去 桃花山 通知 ：叫 李忠 、周通 帶齊 人馬 ，我哋 三個 山 一齊 去 打 青州 。
楊志 就 話 喇 ：青州 城池 堅固 人 強 馬 壯 ，又 有 呼延灼 嗰個 傢伙 咁 英勇 。
所以 如果 要 打 青州 呢 ，就 要 用 大隊 軍馬 先至 能夠 打得開 。
我 知道 梁山泊 宋公明 啊 ，江湖 上 都 叫佢 做 及時雨 宋江 。
更兼 呼延灼 係 佢 嗰處 嘅 仇人 ，請 佢 嚟 幫手 就 得 喇 。
我個 意思 係 ， 我 哋 弟兄 同埋 孔家 弟兄 嘅 人馬 ， 都 合 埋 一齊 。
再等埋 桃花山 人馬 嚟到 喇 ，一面 就 先 去 攻打 青州 。
孔亮賢弟 你 呢 ，就 親身 趕去 梁山泊 ，請 宋公明 嚟 ，合力 攻城 ，呢條 係 上策 。
而且 ，宋三郎 同 你 交情 又 深厚 實應承 嘅 。
各位 兄弟 ，你哋 意下 如何 啊 ？
魯智深 話 喇 ：嘿 ，噉 做 就 啱喇 。
我 啊 見到 今日 亦 有人 講 宋三郎 好 ， 聽日 亦 有人 話 宋三郎 好 ， 哎 就 係 可惜 我 未曾 見 過 佢 。
人人 都 提起 佢 個 名 ，嘈 到 我 隻 耳仔 都 聾晒 喇 。
睇嚟 ，呢個 人 確係 個 男人 大丈夫 ，所以 天下 聞名 啊 。
前一次 ，同花 知寨 喺 清風山 嘅 時候 ，我 係 有心 去 同佢 見面 嘅 。
及至 我 去到 咯 ，又 聽講 佢 扯 咗 ，因此 就 無緣 相會 。
一於噉話啦 ，孔亮兄弟 ，你 要 救 你 大哥 就 快啲 親自 去 嗰處 請 佢哋 嚟 。
我哋 幾個 就 喺 呢處 同 嗰班 衰公 廝殺 先 。
於是 孔亮 呢 ，就 將 自己啲 小嘍啰 交晒 畀 魯智深 ，只係 帶住 一個 隨從 ，扮 做 個 商人 ，喇喇聲 趕去 梁山泊 。
噉而家 講 下 魯智深 、楊志 、武松 佢哋 三個人 ，去 山寨 裏頭 叫埋 施恩 、曹正 ，再 帶 多 一二百人 落山 嚟 相助 。
桃花山 嘅 李忠 同 周通 啊 得咗 消息 ，亦都 叫 本山人馬 全部 出動 ；
就係 留返 三五十 個 小嘍啰 看守 山寨 啫 ，其他 都 帶晒 落 山 去 青州 城下 聚集 ，一齊 嚟 攻打 城池 呢啲 不在 話下 喇 。
而家 講下 孔亮 啊 ，佢 離開咗 青州 之後 ，就 一路 嚟到 梁山泊 邊 ，去到 催命判官 李立 嗰 間 酒店 買 酒 飲 ，同時 又 問 下 路 。
李立 見到 佢 兩個 都 好 面生 ，就 請 佢哋 坐落 問 佢 喇 ：
客官 喺 邊處 嚟 啊 ？
孔亮 就 回答 佢 話 ：喺 青州 嚟 。
客官 你 要 去 梁山泊 搵 邊個 啊 ？
哦 ，有 個 朋友 喺 山上 ，特意 嚟 搵 佢 啫 。
山寨 裏頭 都係 大王 住 嘅 地方 ，你 點 去得 啊 ？
我就係要搵宋大王啊 。
哦 ，既然 係 嚟 搵 宋頭領 嘅 ，我 呢處 有 規矩 㗎 。
就即刻 叫 夥記 快啲 安排 份 例酒 嚟 招待 。
孔亮 就 話 喇 ：我哋 素 不 相識 ，噉 點 好意思 啊 ？
李立話 ：客官 你 唔知 ，但凡係 嚟 搵 山寨 頭領 ，就 梗係 圍內 嘅 人 ，都 係 故舊 朋友 ，點能夠 話 失禮 㗎 ？
我 即刻 就 去 報告 喇 ，客官 高 姓 大名 ？
小人 就係 白虎山 孔亮 。
啊 ，我 都 聽 宋公明 大哥 提起 個 大名 ，今日 上山 啊 真係 好喇 。
兩個人 飲完 份例酒 ，跟住 就 開咗 個 窗 ，喺 水亭 上面 放咗 支 響箭 。
噉 對面 嘅 蘆葦林 呢 ，小嘍啰 就 棹 船 過嚟 喇 就 嚟到 水亭 下 便 。
李立 就 請 孔亮 落咗 船 ，一齊 去到 金沙灘 上岸 ，然後 就 上山 。
