徐寧啊 失咗 嗰 副 祖傳 嘅 雁翎甲 ，成晚 都 瞓唔着 啦 猛咁 諗 佢 話 ：
唔知 係 邊個 人 偷咗 去 。
呢個人呀 ，實係 見過 我 呢副夾 嘅 。
佢 老婆 又 話 喇 ：啊 ，怕 係 尋晚 熄咗 燈 嘅 時候 ，嗰個 賊 啊 已經 匿 喺 屋企 嚟 定 喇 。
實係 有人 鐘意 你 呢副 夾 ，畀 錢 同 你 買 你 又 唔肯 賣 ，所以 就 搵 咗 呢個 高手 賊 嚟 偷 咗 去 定 喇 。
不如 ，你𠼮人 去 慢慢 去 查返出嚟 ，而家 就 唔好 打草驚蛇 啊 。
徐寧 聽咗 ，唞咗 幾啖 大氣 。
到到天光起身嘞 ，就 坐喺 屋企 就 發吽豆 。
唉真係好似呀 ，鳳落荒坡凋錦羽 ，龍居淺水失明珠啊 。
到 咗 食 早飯 嘅 時候 ， 聽見 有人 拍門 喇 ， 值班 嘅 兵士 呢 ， 出去 睇 下 係 咩 嘢 人 ， 問 咗 姓名 ， 就入 嚟 報告 ：
佢 話 喇 ：有 個 延安府 湯 知寨 個仔 湯 隆 ，特意 嚟 拜望 你 喎 。
徐寧 聽咗 就 叫 請 入嚟 客廳 坐 。
湯隆 一見到 徐寧 ，即刻 就 叩頭 行禮 佢 話 ：
表哥 一向 平安 吖嘛 ？
徐寧 就 回答 話 喇 ：
聽聞 舅父 歸咗天 ，一來 係 官身 羈絆 ，二來 係 路途 遙遠 ，都 冇 去 吊問 添 。
又唔知道 表弟 你嘅 消息 ，你一向 喺邊處 做事 啊 ？而家 由 邊度 嚟 㗎 ？
湯隆 就 話 喇 ：唉 ，一言難盡 啊 ，自從 父親 過咗 身 之後 ，時乖運蹇 ，一向 都 流落 喺 江湖 嚟 。
呢次 係 由 山東 一直 嚟 京師 探望 表哥 你 。
哦 ，表弟 你 坐下 先 啊 。
徐寧 就 叫 安排 酒菜 嚟 款待 湯隆 。
湯隆 打開 個 包袱 ，攞出 兩 錠 蒜條 金 啊 二十 兩 重 嘅 送畀 徐寧 ，佢 話 ：
先父 臨終 嘅 時候 ，留低 呢啲 嘢 ，叫 送畀 表哥 做 個 遺念 嘅 。
為因 當時 冇 心腹 嘅 人 ，一直 冇 寄嚟 。
呢次 小弟 特意 嚟 京師 送畀 表哥 。
唉 ， 舅父 咁 掛心 住 我 ， 我 未曾 有過 半分 孝順 佢 嘅 ， 而家點 報答 得到 佢 吖 。
表哥 你 唔好 噉 講 。
先父 在世 嘅 時候 ，時時 都 提起 表哥 你 呢 一身 武藝 。
就係因為 山遙水遠 ，唔能夠 相見 一面 ，所以 就 留低 呢啲 嘢 畀 表哥 做 個 遺念 啫 。
徐寧 多謝咗 湯隆 ，收咗 啲 金條 ，就 擺開 圍酒 請 湯隆 飲嘞 。
喺 飲酒 嘅 時候 ，徐寧 一味 係 眉頭 不展 ，面帶 愁容 。
湯隆 就 問 佢 話 喇 ：
表哥 ，因 乜事 有 啲 唔高興 噉 係嘛 ？
實係 有啲 心事 定喇 你 。
唉 ，表弟 你 唔 知道 ，一言難盡 ，尋晚 我 屋企 畀 人 偷 咗 嘢 啊 。
係咩 ？唔知 失咗 咩嘢 呢 ？
嗰個 賊 乜嘢 都 冇 偷 ，就係 偷咗 我 祖先 留低 嗰副 雁翎 鎖子甲 ，又 叫做 賽唐猊 。
尋晚 失去 呢樣嘢 ，唉 我 個心 好 唔安樂 啊 。
啊 ，表哥 你 呢 副 甲 ，小弟 亦 都 曾經 見過 嘅 ，確係 世上 無雙 ，先父 呢 時常 稱讚 不盡 。
表哥 你 擠 喺 邊處 畀 人 偷 咗 去 㗎 ？
我係用個皮盒裝住 ，掛喺卧房條大樑上便 ，都唔知 個賊 係幾時 入嚟 偷咗去 。
哦 ，用 個 皮盒 裝住 㗎 ？個 皮盒 點樣 㗎 ？
係 個 紅色 羊皮盒 ，裏 便 又 用 香綿 包實 嘅 。
哎呀 ，紅色 羊皮盒 啊 ？
係咪 上面 有 白線 繡住 綠雲頭 如意 ，中間 有 獅子 滾 繡 球 㗎 ？
表弟 ，你 喺 邊處 見到 啊 ？
唉 ，小弟 尋晚 呀 ，喺 一間 村店 飲酒 ，大概 係 離城 四十 里 度 啦 ，見到 個 矇眼 黑黑瘦瘦 個 男人 ，喺 一擔嘢 上面 擔住 。
我 見咗 當時 我 心 諗 喇 ：呢個 皮盒 裝 咩嘢 嘅 呢嚱噉 ？
我臨 出門 嘅 時候 我 問 佢 ： 哦 喂 ， 你 嘅 皮 盒 係 做 咩 嘢 用 㗎 ？
嗰個人 就 話 喇 ：原來 係 裝副甲 嘅 ，而家 係 求其 放 啲 衣服 啦噉 。
實係 呢個 人 㗎喇 ，我 見到 嗰個 傢伙 啊 ，屈 親 隻 腳 噉 嘅 行得 趷下趷下 。
表哥 ，我哋 不如 去 追 佢 咯 。
好啊 ，如果 追得到 個 時候 真係 天賜 其 便 嘞 。
表哥 ，噉 就 唔好 耽擱 喇 我哋 快啲 追 啦 。
徐寧 聽咗 就 急急 換過 雙 麻鞋 ，帶咗 腰刀 ，提 一條 朴刀 ，就 同 湯隆 兩個 出咗 東城門 ，放開 腳步 ，一路 咁 追咯噃 。
行到 咁 上下 ， 見到 前 便 有間 酒店 喺 埲 牆上 便 呢 畫住 個 白粉 圈 嘅 ， 湯隆見 咗 就 話 喇 ：
表哥 ，我哋 飲 碗 酒 先至 去 追 咯 ，順便 喺 處 問 一 聲 都 好 吖 。
湯隆 入到去 坐低 就 問 喇 ：
主人家 ，想 借問 一聲 ，有冇 個 矇眼 黑黑瘦瘦 個 男人 ，擔住 個 紅色 羊皮 盒 行過 呢處 啊 ？
個 店 主人 就 話 喇 ：誒 尋晚 黑 ，係 有 個 噉 嘅 人 噃 ，擔住 個 紅色 羊皮 盒 過咗 去咯 。
誒好似只腳呢跌親噉嘅 ，行得跛下跛下 。
湯隆話喇 ：表哥 ，你 聽下 。
徐寧 聽咗 冇 聲 出 嘞 。
兩個人 連忙 畀咗 酒錢 ，出門 就 走 。
行咗 一橛路 ，前面 見到 個 客店 ，牆 上面 又 有 個 白圈 。
湯隆 就 企定 腳 佢 話 喇 ：哎呀 表哥 啊 ，小弟 行 唔逳 喇 ，不如 就 喺 呢間 客店 住 一 晚 啦 。
聽 朝早 先至 去 追 。
徐寧 話 喇 ：唉 我 係 有 職務 在身 ，如果 點名 唔到 官府 梗係 責罰 我 㗎 噃 如之奈何 啊 ？
湯隆 就 話 喇 ：呢一層 表哥 你 唔使 擔心 ，表嫂 梗 會 同 你 搵 啲 理由 講 嘅 。
噉當晚 ，佢哋 喺 客店 住 啦 ，佢 又 問 喇 。
店小二 就 話 佢哋 聽 ：
係噃 ，尋晚 係 有 個 矇眼 黑黑瘦瘦 嘅 男人 ，喺 我 間 店 啊 住咗 一 晚 ，一直 瞓 到 今日 好 晏上下中午 先至 扯啫 。
佢 係 一味 問 去 山東 嘅 路程 。
湯隆 就 話 喇 ：嘿噉 就 好喇 。
聽朝 我哋 四更 起身 ，實 追得到 佢 嘅 ，捉到 嗰個 傢伙 就 有 下落 喇 。
當晚 ，兩個 喺 處 休息 。
第二 朝早 四更 起身 ，離開咗 客店 ，一路 猛咁 追 。
湯隆呢 ，但凡 見到 牆壁 上 有 白粉圈 嘅 ，無論 係 酒店 飯店 就 入去 買 酒 買嘢食 食咗 就 問 路 ，度度 所 講 嘅 都 係 一樣 嘅 。
徐寧 嘅 心 就 好 急 要 追返 嗰 副 甲 ，就 一味 跟住 湯隆 起勢 咁 追 。
一直 追到 就嚟 夜喇 ，望見 前便 有 一間 古廟 ，喺 廟前 嗰 樖 樹 下 便 ，時遷 就 喺度 放低 個 擔 喺 嗰度 坐 喎 。
湯隆 見咗 就 嗌話 ：好喇 ，前便 樹腳 嗰個 唔係 表哥 裝甲 嘅 盒 ？
係噃 ，徐寧 見咗 喇喇聲 跑上去 ，一手 揪住 時遷 就 喝佢 話 ：
你呢個傢伙真係大膽 ，點解偷咗我呢副甲啊 ！
時遷就話喇 ：咪逳手咪逳手 ，唔好嗌喇 ，係我偷咗你呢副甲 ，你而家想點吖 ？
畜生 真係 豈有此理 ！偷咗 我 副甲 仲 問 我 想 點 係嘛 ！
你 睇下 盒 裏頭 有 甲 冇 先 咋 。
湯隆 將 個 盒 打開 一 睇 ，哦 ，裏 便 係 空 嘅 。
徐寧 就 話 喇 ：你 呢個 傢伙 將 我 副甲 攞 咗 去 邊處 ？
你 聽 我 講 啦 ，小人 姓 張 排行 第一 ，叫做 張一 啊 ，係 泰安州 人氏 。
本州 呢 就 有 個 財主 ，想話 結識 老種 經略 相公 ，知道 你 屋企 有 呢 副 雁翎 鎖子甲 就 唔 肯 賣 嘅 。
就 特登 使 我 同 一個 李三 啊 ，兩個 人 嚟 你 屋企 偷 就 應承 畀 我哋 一萬 貫 錢 。
點知 我 啊 唔好彩 ，喺 你 屋企 條 柱 上面 跌落嚟 屈親 就 隻 腳 ，所以 就 行 唔逳 。
我 又 叫 李三 呢 將 副甲 搦 咗 去 ，就 留低 個 空 盒 喺 處 。
如果 你 想 同我 過唔去 ，拉 我 去 官府 哈 我 只得 拼住 條命 唔要 ，打死 我 都 唔認 㗎 喇 。
要我 指出 第二個人 嚟 呀 你 就 唔使 諗 都 得喇 。
不過 如果 你 肯 唔 拉 我 去 官府 呢 ，我 就 同 你 攞返 嗰 副 甲 嚟 還返 畀 你 係 啦 。
徐寧 躊躇 咗 好耐 都 揸唔定 主意 ，湯隆 就 話 喇 ：
表哥 ，你 怕 佢 會 飛 咩 ？跟 佢 去 攞返 副甲 就 啱喇 。
如果 攞唔到 ，喺 當地 嘅 官府 告 佢 咪 得 咯 。
啊 ，表弟 你 噉 講 亦 啱 。
於是 三個人 就 一齊 去 追 。
當晚 ，又 搵 間 客店 住 啦 。
徐寧 、湯隆 就 看 實時 遷 喺 埋 一 處 瞓 。
原來 時遷 啊 ，嘿 好鬼 鼠 啊 ，佢 特登 用 條 布 扎住 隻 腳 ，整成 屈親 噉樣 係 假嘅 唔係 真 屈親 。
徐寧 見 佢 行 唔逳 ，因此 係 十分 當中 呢 只有 五分 防 佢啫 。
三個人 又 過咗 一晚 ，第二 朝 早 起身 就 再 行 。
時遷 一路 買酒 買 肉 嚟 賠罪 ， 如是者 又行 咗 一日 。
第日 ，徐寧 就 越行越心焦 ，唔知 究竟 嗰副甲 有冇 㗎 。
行行 下 ， 見到 路邊 有 一架 四隻 馬拉 嘅 馬車 ， 係 空 嘅 。
有個 車客 喺 後便 趕車 ，旁邊 仲 有 個 商人 。
呢個 商人 見到 湯隆 呀 ，嘿 跪低 就 拜 。
湯隆 問 佢 喇 ：誒 ，兄弟 ，點解 嚟 呢處 啊 ？
嗰個人 就 回答 話 喇 ：
喺 鄭州 做 一 啲 生意 ， 而家 返去 泰安 州 啊 。
湯隆 就 話 ： 嘿 啱 晒 喇 ， 我 哋 正 係 想 去 泰安 州 ， 我 哋 三個 人 搭 你 架車 好 唔 好 啊 ？
嗰個人 就 話 啦 ：哎咪 講話 你 三個 上車 啦 ，再 多 幾個 都 冇所謂 。
湯隆 就 好 歡喜 ，介紹 呢個 商人 同 徐寧 相見 。
徐寧 就 問 喇 ：呢個 係 邊個 啊 ？
湯隆 就 回答 佢 話 ：我 舊年 喺 泰安州 ，拜神 燒香 ，識得 呢個 兄弟 叫做 李榮 ，好 講義氣 㗎 。
徐寧 話 ：既然 係 噉 呢個 張 一 又 行 唔逳 嘅 ，一齊 上車 坐 啦 。
於是 四個人 就 坐上 架 車 上 便 就 起程 喇 。
徐寧 又 問 時遷 話 ：張一 ，你 講 我 聽 ，嗰個 財主 叫做 咩 名 啊 ？
時 遷就 畀 佢 逼 得 緊 ， 推三推四 想 唔 講都 唔 得 啊 只有 夾硬亂 咁 講 ： 誒 ， 哦 ， 誒 佢 係 出 咗 名 嘅 郭大官人 啊 。
徐寧 就 問 李榮 咯 喎 ：
你 哋 嗰 度 泰安 州 ， 係 咪 有 個 郭大官人 啊 ？
李榮 回答 佢 話 ：係 ，我哋 嗰度 泰安州 嗰個 郭大官人 呀 ，係 個 上户 財主 啊 ，專好 結識 官宦 人家 。
佢 屋企 呀 ，養住 好多 食客 嘅 。
徐寧 聽咗 個 心 就 諗喇 ：好 ，有 個 主 喺 處 就 得 喇 。
李榮 一路之上 講啲 槍棒 武藝 ，唱 幾支 小曲 ，都 幾 有趣 嘅 ，所以 不經不覺 呢 又 過咗 一日 嘞 。
行下行下 ，只有 兩站 幾路 就 到 梁山泊 咯 。
李榮 就 叫 個 車 客 攞 咗 個 葫蘆 ，去 買 啲 酒 嚟 ，買 啲 肉 嚟 ，喺 車 上面 飲 幾 杯 。
李榮 就 攞咗 個 殼 ，斟咗 一 殼 酒 就 敬畀 徐寧 ，徐寧 一 飲 而 盡 。
李榮 就 再 嗌 斟酒 ，個 車客 詐 假意 唔 小心 一下 失手 ，就 將 呢 一 葫蘆 酒 都 倒瀉 晒 喺 地下 嚟 。
李榮 就 鬧 個 車客 啦 ，叫 佢 再 去 買 啲 嚟 噉 。
呢個 時候 ，只見 徐寧 個 嘴 啊 都 流口水 咯 ，撲噉 喺 車 上 便 就 碌低 。
哈哈 ，李榮 係 邊個 啊 ？
原來 李榮 就係 鐵叫子 樂和 。
佢哋 三個人 ，喺 車 上面 跳落嚟 ，趕住 架 車 一直 送 到去 旱地 忽律朱貴 開 嗰 間 酒店 裏頭 。
大家 就 將 徐寧 抬咗 落 船 ，去到 金沙灘 上岸 。
宋江 呢 已經 有人 報畀佢 知喇 ，同埋 眾位 頭領 落山 嚟 迎接 。
徐寧 呢陣 呢麻藥 已經 醒返 ，啲人 又 畀 咗 解藥 佢 食 。
徐寧 擘開 眼 ，嘩嗨 ，乜 見到 咁多人 嘅 ，吃咗 一驚 ，就 問 湯隆 喇 ：
表弟 ，你 點解 氹 我 嚟到 呢處 啊 ？
湯隆話喇 ：
表哥 ，你 聽 我 講 啦 。
小弟 聞知 宋公明 招接 四方 豪傑 ，因此 呢 ，喺 武岡鎮 就 結拜咗 黑旋風 李逵 做 阿哥 ，投靠 大寨 入 咗 夥 。
最近 啊 ， 畀 呼延 灼用 連環 甲馬 嚟 攻擊 ， 冇 辦法 可以 破 得 佢 ， 係 小弟 獻 呢 條計 ， 話 鉤 鐮 槍法 先至 破 得 佢 嘅 ；
之鉤鐮槍 係 阿哥 你 會 使啫 ，因此 啊 定 落 呢條 計 ：
叫時遷呢 ，去 偷咗 你 副甲 先 ；
然後 呢 就 叫 小弟 ，氹 表哥 你 嚟 追 ；
又 使樂 和 扮做 李榮 ， 買酒 飲個 時候 落 咗 蒙汗藥 ， 請 表哥 你 上山 嚟 坐 把 交椅 啊 。
唉 ，兄弟 ，乜 你 噉 搞法 㗎 ？
宋江 攞住 杯酒 ，上前嚟 賠罪 喇 ，佢 話 ：
而家 我 宋江 暫居 水泊 ，專一 係 等待 朝廷 招安 ，盡忠竭力 報國 嘅 ，一向 都 唔敢 話 貪財 好殺 做啲 不仁不義 之 事 。
萬望 兄長 體諒 我哋 嘅 真情 ，一齊 替天行道 啦 。
林沖 亦都 嚟 敬酒 賠禮 話 喇 ：
小弟 嚟 到 呢 處 ， 亦 都 時時 咁 提起 兄長 嘅 清 德 ， 請 兄長 唔 好 推辭 喇 。
徐寧 就 話 啦 ：湯隆 表弟 ，你 氹 咗 我 嚟 呢處 噉 我 老婆 同 個 仔 梗 畀 官府 拉 咗 去 㗎 噃 如之奈何 啊 ？
宋江話 ：啊 呢層 唔緊要 。
請 兄長 放心得喇 ，呢件事 包喺 小弟 嘅 身上 ，好快 就 接 寶眷 嚟到 呢度 完聚 咯 。
晁蓋 、吳用 、公孫勝 都 嚟 同 徐寧 賠禮 ，安排 筵席 慶祝 。
同時呢 ，就 挑選 一班 精壯 個 小嘍啰 ，準備 學 使 鉤鐮槍法 。
同時啊 ，又 使 戴宗 同 湯隆 日夜 兼程 趕去 東京 ，去 接 徐寧 嘅 家人 。
過咗 十日度 ，楊林 喺 潁州 接咗 彭玘 嘅 家人 ，薛永 喺 東京 啊 接咗 凌振 嘅 家人 ，李雲 呢 就 買咗 五車 煙火 、藥料 啊 返到 山寨 。
再過咗幾日 ，戴宗 、湯隆 亦都 返嚟 喇 ，將 徐寧 嘅 家人 亦 接咗 上山 。
徐寧 見到 老婆 嚟到 就 吃咗 一驚 ，問 佢 點 嚟到 呢處 㗎 噉 。
佢 老婆 就 話 喇 ：自從 你 行轉背 冇 幾 耐 ，官府 點名 你 又 唔 到 吖 ；
我 就 使 啲 金銀 首飾 買通 佢哋 ，話 你 有病 唔起得身 啊 ，因此 呢 亦 冇 嚟 叫 你 嘞 。
先幾日 ，湯叔叔 抱住 雁翎甲 嚟 ，話 ：誒甲呢 就 搶返嚟 喇 ；
之 表哥 喺 路 上面 有 病 ，喺 客店 就嚟 死 喇 ，叫 表嫂 同 個 仔 快啲 去 睇 下 喎 噉 。
將 我 氹咗 上車 ，我 又 唔識 路 嘅 ，一路 就 嚟到 呢處 咯 。
徐寧 就 話 喇 ：表弟 啊 ，好 就 好嘞 ，可惜 將 我 嗰 副 甲 賴 低 喺 屋企 嚟 喇 。
湯隆 就 笑喇 ：哈哈 ，表哥 ，我 講出嚟 等 阿表哥 你 歡喜 下 。
我 打發 咗 表嫂 上車 之後 ， 我返 轉頭 攞 返 嗰 副 甲 ， 呃 咗 你 兩個 丫鬟 ， 收拾 咗 屋企 所有 嘅 細軟 執埋 一擔 喺 呢 處 嚟 啊 。
徐寧 又 話 ：噉啊 ，噉 我哋 就 唔能夠 再 返去 東京 㗎 喇喎 。
嘿嘿 有件事 ，我 講埋畀 表哥 你 聽 ，我 行到 半路 ，撞到 一幫 商人 ；
我就 將 表哥 嘅 雁翎甲 着咗 上身 ，搽 花咗 個 面 ，講出 表哥 你 嘅 姓名 ，劫咗 嗰 班 商人 嘅 財物 。
呢個 時候 呀 ，東京 已經 出晒 榜文 要 捉 表哥 你 喇 。
唉 ，表弟 ，你 真係 害得 我 慘咯 。
晁蓋 、宋江 都 嚟 賠禮 話 ：
如果 唔係 噉 呀 ，兄長 啊 點 會 肯 喺 呢處 住 吖 ？
跟住 就 撥咗 間 屋 。
然後呢 ，眾位 頭領 就 商量 破 連環馬軍 嘅 辦法 喇 。
呢個 時候 ，雷橫 監造 鉤鐮槍 已經 完全 做好晒 。
宋江 、吳用 佢哋 啊 ，就 請 徐寧 嚟 教 啲 軍士 學 使 鉤 鐮槍 。
徐寧 話 ：得 ，小弟 今日 毫無保留 ，乜 都 搦晒出嚟 ，訓練 眾 軍 頭目 啊 。
噉啊 大家 都 嚟 睇 徐寧 教 鉤鐮槍 嘞 喎 。
大家 睇 下 徐寧 ， 果然 係 一表人才 啊 ， 身高 六尺 五六 ， 面口 圓圓 ， 白白淨淨 ， 三柳 鬍鬚 ， 圓腰 虎背 ， 好夠 威 。
徐寧行 出咗 聚義廳 ，攞起 一支 鉤鐮槍 自己 舞咗 一回 ，大家 見到 猛咁 喝彩 。
徐寧 呢 就 教 啲 軍士 話 喇 ：
但凡 馬上 使 呢種 軍器 ，就 喺 腰胯 以上 嚟 打 ，上中七路 ，三鉤 四撥 ，一搠 一分 ，總共 係 使 九個 變法 。
如果 係 步行 使 呢種 鉤鐮槍 呢 ，亦都 係 最好用 嘅 。
先使 八步 四撥 ，盪開 門戶 ；十二步 一變 ，十六步 大轉身 。
分鉤鎌搠繳 ，二十四步 ，挪上攢下 ，鉤東撥西 ；三十六步 ，渾身蓋護 ，奪硬鬥強 。
呢個 就係 鉤鐮槍 正法 。
有個 詩訣 嘅 大家 要 記住 ：
四撥三鉤通七路 ，共分九變合神機 。
二十四步 挪前後 ，一十六 翻 大轉圍 。
徐寧 將 鉤鐮槍 正法 一路路噉 表演 ，畀 啲 眾頭領 睇 。
嗰班 軍士 見到 徐寧 使 鉤鐮槍 ，嘩 咁好嘢 都 唔知 幾 歡喜 啊 。
就喺當日 開始 ，挑選咗 精鋭壯健嘅 人 ，日夜 咁 學習 。
徐寧 又 教 啲 步軍 藏林 伏草 ，鉤蹄 掹腿 下便 三路 嘅 暗法 。
唔使 半個月 嘅 時間 ，就 教會 山寨 六七百 人 喇 。
宋江 同埋 各位 頭領 睇咗 啊 大為 歡喜 ，準備 破敵 喇 。
而家 講返 下 呼延灼 啊 ，佢 自從 損失咗 彭玘 、凌振 之後 ，日日 都 率領住 馬軍 嚟到 水邊 嘍 打 。
但係 山寨 裏頭 呢 ，就係 叫 啲 水軍 頭領 ，牢牢 把守 各處 灘頭 ，喺 水底 又 釘咗 暗樁 。
呼延灼 雖然 喺 山 嘅 西北 兩路 出擊 ，但係 呢點 都 唔能夠 去 得到 山寨 邊 。
梁山泊 上頭 呀 ， 叫凌振 製造 咗 各種各樣 嘅 火炮 ， 定 咗 日期 時間 就 準備 下山 對敵 。
學使 鉤鐮槍 嘅 軍士 已經 學會 晒 喇 ，宋江 就 話 ：
小弟 有 啲 噉 嘅 意見 ， 唔 知合 唔 合眾位 心意 呢 ？
吳用 就 話 喇 ：請 阿哥 講 出嚟 聽下 。
宋江話 ：嗱 ，聽日 我哋 一個 馬軍 都 唔 用 ，眾位 頭領 都 係 步戰 。
根據 孫吳 兵法 喇 ，噉 係 利於 山林 沼澤 嘅 。
而家 用 步軍 落山 ，分 做 十 隊 嚟 誘敵 。
但凡 見到 佢哋 啲 馬軍 衝過嚟 ，我哋 就 向住 啲 蘆葦 簕林 亂咁 走 。
我哋 預先 將 鉤鐮槍 嘅 軍士 啊 ，埋伏 喺 嗰度 ，每 十 個 會 使 鉤鐮槍 嘅 ，就 配合 十 個 撓鉤手 。
一見 馬到 就 一槍 低佢 ，用 撓實 ，捉住 。
嗱 ，喺 平川 窄路 亦 係 噉樣 埋伏 。
各位 話 呢個 法子 得唔得 呢 ？
吳學究 就 話 喇 ：就係 應該 噉樣 藏兵 捉將 啊 。
徐寧亦話 ：鉤鐮槍夾撓鉤 就係 呢個 辦法 。
宋江 當日 ，就 分派 十隊 步軍 人馬 ：
劉唐 、杜遷 就 帶 一 隊 ；
穆弘 、穆春 帶 一 隊 ；
楊雄 、陶宗旺 帶 一 隊 ；
朱仝 、鄧飛 帶 一 隊 ；
解珍 、解寶 帶 一 隊 ；
鄒淵 、鄒潤 帶 一 隊 ；
一丈青 、王矮虎 帶 一隊 ；
薛永 、馬麟 帶 一 隊 ；
燕順 、鄭天壽 帶 一隊 ；
楊林 、李雲 帶 一 隊 。
呢 十隊 步軍 ，就 先行 落山 就 引誘 敵軍 。
跟住 再 派 李俊 、張橫 、張順 、三阮 、童威 、童猛 、孟康 ，九 個 水軍 頭領 呢 ，就 駕駛 戰船 接應 。
又叫花榮 、秦明 、李應 、柴進 、孫立 、歐鵬 ，六個 頭領 ，起碼 帶領 軍隊 ，就 喺 山邊 嚟嘍 打 。
凌振 、杜興 呢 專放 號炮 。
就叫 徐寧 同埋 湯隆 啊 ，統一 指揮 使 鉤鐮槍 嘅 軍士 。
中軍 係 宋江 、吳用 、公孫勝 、戴宗 、呂方 、郭盛 ，總制 全部 軍馬 ，指揮 號令 。
其他嘅 頭領 呢 ，就 看 營 守寨 喇 。
宋江 分派 定喇 ，當晚 三更 ，用 船 載咗 使 鉤 鐮 槍 嘅 軍士 過 咗 水泊 ，四面 去 分頭 埋伏 。
四更 ，又 用 船 渡 十隊 步軍 過去 。
凌振 、杜興 呢 ，運 嗰啲 風火炮 去 喺 啲 高地 處 豎起 炮架 ，安上 火炮 。
徐寧 、湯隆 就 各執 號帶 渡過 咗 水泊 。
天 蒙蒙光 嘅 時候 ，宋江 就 命令 中軍 人馬 ，隔住 水 ，擂鼓 搖旗 就 高聲 吶喊 。
當時 呼延灼 喺 中軍 帳 裏頭 ，聽見 探子 報告 呢 ，就 命令 先鋒 韓滔 首先 出擊 。
跟住 就 鎖上 連環甲馬 。
呼延灼 就 全身 披掛 ，騎 咗 踢雪 烏騅 ，手執 雙鞭 ，趕 衡啲 甲馬 就 殺 奔 梁山泊 咯 喎 。
隔住 水 ， 佢 望見 宋江 帶住 咁 多 人馬 ， 呼延 灼 就 吩咐 擺開 馬 軍 。
先鋒 韓滔 呢 ，就 走嚟 同 呼延灼 商量 話 喇 ：正南 上面 有 一隊 步軍 ，唔知 幾 多人 噃 。
呼延 灼話 ： 唔 理 佢 幾多 人馬 ， 一味 用 連環 馬 衝過去 啦 。
韓滔啊 帶住 五百 馬軍 ，飛奔 出擊 。
嘿 ，又見 東南方 有 一隊 步兵 過嚟 。
正話 想 分兵 去 打 啫 ，又 見 西南角 啊 ，又 有 一對 旗號 ，招展 吶喊 。
韓滔 就 帶 啲 兵 返轉頭 對 呼延灼 話 喇 ：南邊 三 隊 賊兵 都 係 梁山泊 旗號 㗎 噃 。
呼延灼話 ：呢班傢伙 好耐 冇 出嚟 廝殺 ，梗係 有計策 嘅 。
話猶未了 ，只 聽見 北便 轟噉 一 聲 炮響 。
呼延灼 就 鬧 咯 ：呢個 炮 實 係 凌振 投降 咗 賊人 叫 佢 放 嘅 定 喇 。
大家 正 話 望住 南便 ，只見 北便 呢 又 湧起 三 隊 旗號 。
呼延 灼 就 對 韓滔話 ： 我同 你將 人馬 分成 為 兩路 ， 我 去 殺 北邊 嘅 人馬 ， 你 就 去 殺 南邊 嘅 人馬 啦 。
正話 想 分兵 嘅 時候 ，只見 西便 又 有 四隊 人馬 殺過嚟 。
呼延灼啊 心慌咯 ，又 聽見 正北 上面 連珠炮 響 ，乒乒乓乓 噉 打到嚟 土坡 上便 。
呼延灼 嗰啲 軍兵 啊 都 唔使 打 就 亂晒 喇 。
呼延灼 就 急急 同埋 韓滔 啊 ，各自 帶領 馬步 軍兵 ，左 衝 右 突 。
梁山泊 呢 十隊 步軍 呢 ，東 趕 東 走 就 西 趕西 走 。
呼延灼 睇咗 啊嬲 到 不得了 ，帶住 啲 兵 就 向住 北方 衝過去 。
點知 宋江 嘅 軍兵 ，冚唪 冷 向住 蘆葦林 亂咁 走 ，呼延灼 就 搏命 趕起 連環馬 捲地 而嚟 。
嗰啲 甲馬 一齊 跑到 衡 啊 收 都 收唔住 ，冚𠾴唥 向住 蘆葦 簕林 嗰 度 衝入去 。
嘿 ，只 聽見 裏面 哨子 一 響 ，鉤 鐮 槍 一齊 逳手 。
首先 係 勾到 兩邊 兩便 嘅 馬腳 ，中間 嗰啲 甲馬 呢 就 咆哮 起嚟 。
嗰啲 撓鉤手 軍士 就 一齊 勾住 嗨熱鬧 咯 ，呢 勻 喺 盧葦林 裏 便 呀 ，猛咁 綁人 就係 喇 。
呼延灼 見 中咗 鉤鐮槍計 ，就 勒 轉 馬 返去 南 便 去 追 韓滔 。
背後 風火炮 啊 兜頭 噉 打落嚟 。
呢便 嗰便 漫山遍野 ，都係 梁山 嘅 步軍 追住嚟 。
韓滔 、呼延灼 率領 嘅 連環甲馬 ，亂咁碌 ，僂晒 入 啲 荒草 蘆葦 林 裏頭 冚𠾴 唥 畀 人 捉住 晒 。
兩個人 知道 中咗計 喇 ，跑 衡隻馬 去 四面 搵 啲 馬軍 。
不過 嗰 幾條 路 呢 ，麻林 噉 一樣 擺滿晒 梁山泊 嘅 旗號 ，佢 就 唔 敢 混 嗰 幾條 路 行 ，一直 就 趯 去 西北方 。
行咗唔夠五六里 ，前面 湧出 一隊人馬 ，當先 兩個 好漢 攔住 路 。
一個 係 沒 遮攔 穆弘 ， 一個 係 小 遮攔 穆春 ， 揸 住 朴刀 大聲 喝話 ： 敗將 你 咪 走 ！
呼延灼 嬲 啊 ，舞起 雙鞭 ，縱馬 直取 穆弘 、穆春 。
稍為 鬥咗 四五個 回合 ，穆春 就 走人 喇 。
呼延灼啊 至 怕 中計 噃 ，冇 去 追 ，自己 向 正北 條 大路 走 。
點知 山坡 之下 又 轉出 一隊 人馬 ， 當先 兩個 好漢 攔路 ， 一個 係 兩頭蛇 解珍 ， 一個 係 雙尾 蠍 解寶 。
各人 都 挺起 鋼叉 ，直 撲過嚟 。
呼延灼 舞起 雙鞭 就嚟 打佢哋 兩個 。
鬥咗 六七個 回合 ，哈 ，解珍 、解寶 起步 就 走 。
呼延灼 追咗 半里 幾路 ，點知 兩便 又 轉出 二十四 把 鉤 鐮 槍 ，貼住 地 捲過嚟 。
呼延灼 都 無心 戀戰 咯 ，撥轉 馬頭 ，向住 東北方 嗰 條 大路 就 走 。
行咗冇遠 ，又 撞着 王矮虎 、一丈青 夫婦 兩個人 ，攔住 條 去路 。
呼延灼 見到 啲 路 咁 崎嶇不平 ，四面 又 咁多 荊棘 攔住 ，不過 都 唔理 咁多 咯 ，拍馬 舞鞭 就 殺開 條 路 直 衝過去 。
王矮虎 、一丈青 ，追咗 一陣 追唔上 ，就 由得 呼延灼 啊 向住 東北方 走咗 。
呢 一次呀 ，呼延灼 畀 梁山人馬 ，殺到 佢 一敗塗地 ，雨 零星 亂 啊 。
