宋江 佢哋 一班人 啊 ，跟住 個 當牢 節級 藺仁 ，去到 後 便 監牢 嗰 個 枯井 處 就 想 搵 柴 進 啦 。
去到 個 枯井 旁邊 ，裝 一 裝落去 ，嘩嗨 ，見到 裏頭 呀 黑𠵼𠵼 ，都 唔知 幾 深 嘅 。
上面 嗌 下 又 冇 人 應 噃 。
髧條繩 落去 探一探 ，大概 係 八九丈 深度 啦 。
宋江 就 話 喇 ：唉 ，睇起上嚟 ，柴大官人 ，都 係 兇多吉少 ，實係 冇咗 咯 。
講講下 都 流起 眼淚 上嚟 。
吳學究 就 話 喇 ：主帥 你 唔使 煩惱 嘅 ，有人 敢 落去 探一探 就 知道 有冇 嘞 。
吳用 話猶未了 ，黑旋風 李逵 就 行過嚟 大聲 話 ：等我 落去 啦 ！
宋江 話 哎噉 就 啱咯 。
當初 係 你 害咗 佢 嘅 ，今日 係 要 你 去 至 得 ，要 報返 下 佢 。
李逵 就 笑喇 ：哈 ，我 落去 我又唔怕 ，喂 ，你哋 千祈 唔好 割斷 條 繩 至 好喎 。
吳學究 就 話 喇 ：哈 你 呢個 嘢 吖 ，亦都 夠 奸滑 啊 吓 。
噉就攞咗 個 大竹籮 嚟 ，畀 條 繩 落 好佢 ，又 綁起 個 架 ，將 條 繩 就 掛 喺 上便 。
李逵 呢 除 到 赤條條 ， 揸 住 兩把 板斧 坐 喺 個 籮 裏 便 ， 就 髧 佢 落 去 井 咯 喎 ，
嗰條 繩 呢 ，就 上面 綁住 兩個 唥唥 。
漸漸 漸漸 放 到底 喇 ， 噉 李逵 喺 個 籮 裏 便 爬 出 嚟 ， 喺 井底 一摸 ， 摸下 摸 下 摸 到 一堆 嘢 ， 咦 ， 係 啲 死 人骨 嚟 。
李逵 就 話 喇 ：哎呀 老豆 啊 ，啲 乜嘢 東東 嚟 㗎 喺 呢處 。
又 去 嗰 便 摸下 ，個 井底 係 濕唧唧 ，冇 地方 落腳 嘅 。
噉 李逵 將 對 斧頭 放返 喺 個 籮 裏 便 先 ，用 兩 隻 手 去 摸 ，四 便 都 好 闊 下 嘅 ；
摸摸 下一 摸摸着 個人 ，縮埋 一嚿 就 踎 喺 水坑 處 。
李逵 嗌 一 聲 話 ：柴 大官人 ，柴大官人 。
邊度 仲 逳得 吖嗰 個人 。
畀隻手 去 摸下 ，就 覺得 口鼻 啊 微微 仲 有啲 氣 嘅 。
李逵 話 ：哎呀 謝天謝地 ，噉樣 都 好咯 ，仲 有 救 啊 。
即刻 就 爬返 上個 籮處 ，猛咁 搖 個 唥唥 。
上便啲 人 聽見 唥唥 響 咪 拉 佢 上嚟 咯 。
上到去 ，李逵 將 下便 嘅 事 就 講出嚟 咯 喎 。
宋江 話 喇 ：你 再 返 落去 ，將 柴 大官人 放 喺 個 籮 處 ，拉 佢 上嚟 先 ，然後 再 放 個 籮 落去 拉 你 啦 。
李逵 話 ：大哥 ，你 都 唔知 啊 我 去 薊州 呀 領過 兩 回 嘢 㗎 喇 ，呢次 唔好 整 我 第三 趟 至好 喎 。
宋江 就 笑 ：哈 我 點 會 撚化 你 㗎 ，快啲 落去 ，快啲 落去 啦 。
李逵 就 唯有 再 坐 落 個 籮 處 ，又 落 去 井 咯 喎 。
落到去井底 ，李逵 就 爬出嚟 ，抱起 柴大官人 將佢 放喺 個籮 裏便 ，就 搖下 繩 上面 嘅 唥唥 。
上面 聽見 唥唥 響 ，又 扯起 個 籮 。
扯到 上便 大家 睇下 ，哎呀 ，真係 又 歡喜 時 又 痛心 啊 。
宋江 見 柴進 呀 ，畀 人 打到 頭 破 額 裂 ，兩 隻 大髀 啲 皮肉 都 打爛 晒 ，嗰 雙 眼 呢 開 下 又 合 下 ，合下 又 開 下 。
宋江 個 心 真係 淒涼 咯 ，即刻 啊 請 醫生 嚟 醫 佢 。
李逵 喺 下便 啊 等咗 咁 耐 見 冇 人 理 ，就 搏命 咁 大聲 嗌 喇 ：喂 ，仲有 我 喺 下便 嚟 喎 ！
宋江 聽咗 ，急急 叫人 放返 隻 籮 落去 拉佢 上嚟 啦 。
李逵 一 上到嚟 就 發惡喇 ：你哋 冇 一個 係 好人 ，吓 ，都 唔 放 隻 籮 落 嚟 救 我 。
宋江 話 喇 ：我哋 掛住 睇 柴 大官人 ，唔記得咗 你 ，對唔住啊 ，對唔住 你 唔好 怪 喇吓 。
宋江 就 叫 啲 人 啊 ，將 柴進 抬 上去 車 上面 瞓 喺度 ，同時 呢 ，又 將 柴進 、柴皇城 兩家 嘅 老小 ；
與 以及 搶返 轉嚟 嘅 家財 總共 二十幾 車 ，叫 李逵 、雷橫 就 護送 上去 梁山泊 先 。
又 將 高廉 一家 嘅 大小 良賤 三四十 口 人 啊 ，喺 街市 嚟 處 斬 。
然後 就 重重噉 賞賜咗 藺仁 。
再 將 庫房 嘅 財帛 ，倉庫 裏 便 嘅 糧米 ，與及 高廉 所有 嘅 傢私 ，冚𠾴 唥 裝載 上 山 。
噉啊 大小將校 離開咗 高唐州 ，打起 得勝鼓 返去 梁山泊 喇 。
噉呢趟嘅人馬所過州縣啊 ，秋毫無犯 。
一路行咗幾日 ，就返到去 大寨 ，柴進 就 扶病起身 ，多謝 晁 、宋 二公 同埋 眾位 頭領 。
晁蓋 請 柴大官人 ，暫時 喺 山頂 宋江 間 屋 處 住住 先 ，就 另外 建 一 間 新 屋 ，畀 柴進 同埋 家眷 嚟 居住 。
噉 呢次 喺 高唐州 返嚟 啊 ，又 添 多 咗 柴進 、湯隆 兩個 頭領 ，大家 非常 歡喜 ，就 擺 酒 慶祝 ，呢啲 不在 話下 喇 。
而家 再 講下 東昌 、寇州 兩個 地方 ，已經 知道 高唐州 ，殺咗 高廉 ，失陷咗 城池 ，就 唯有 寫表 派人 申奏 朝廷 咯喎 。
噉又 有 高唐州 逃難 嘅 官員 啊 ，都 去到 京師 報告 事情 嘅 經過 。
高太尉 聽咗 ，知道 佢 細佬 高廉 被 殺 唄 。
第日五更 就 去 見 皇帝 ，喺 待漏院 裏 便 就 專 等 景陽鐘 響 嘞 。
啲 文武百官 呢 就 着 好晒 公服 ，齊齊整整 ，排列 喺 丹墀 ，等候 朝見 。
當日 五更 三點 ，道君皇帝 升殿 喇 。
淨鞭 三下 響 啊 ，文武 兩班 齊 。
噉啊天子 坐定 ，殿頭 官 就 話 喇 ：
有事 出班 啟奏 ，無事 捲簾 退朝 。
高太尉 就 出班 啟奏 話 ：
今 有 濟州 梁山泊 賊首 晁蓋 、宋江 ，累造 大惡 ，打劫 城池 ，搶擄 倉庫 ，聚集 兇徒 惡黨 。
而 家 喺 濟州 殺害 官軍 ， 大鬧 咗 江州 無為 軍 ， 而家 又將 高唐州 官民 殺戮 一空 啊 ， 倉庫 財物 全部 搶 去 。
此乃 心腹之大患 ，如果 唔早行 收剿 ，他日 養成 賊勢 就 難以 制服 。
請 主上 聖斷 。
個 皇帝 聽到 就 大吃一驚 ，即刻 就 落 一道 聖旨 ：
派高太尉啊選將調兵前去剿捕 ，就務必要掃清水泊 ，殺絕賊人噉咯噃 。
高太尉 就 稟奏 話 喇 ：
諒 此 區區 草寇 ，不必 興師動眾 。
臣舉 保 一個人 ，可以 擔當 呢個 重任 。
皇帝 就 話 喇 ： 卿 如果 你 舉保邊 個人 就 必定 冇 乜 錯 㗎 喇 ；
就即刻 命令 起行 ，飛捷 報功 ，以後 加官 賜賞 ，高遷 任用 。
高太尉 就 啟奏 話 喇 ：
呢個人 乃係 開國 之初 ，河東 名將 呼延贊 嘅 嫡派 子孫 ，單名 一個 灼字 。
使 兩條 銅鞭 ，有 萬夫不當之勇 啊 。
佢 現任 汝寧郡 都統制 ，手下 好多 精兵勇將 。
臣 舉 保 呢個 人 ，可以 征剿 梁山泊 。
請 主上 任命 佢 做 馬 指揮使 ，領 馬步 精銳 軍士 ，剋日 掃清 山寨 ，班師 還朝 。
皇帝 就 即刻 批准咗 ，落咗 道 聖旨 ：
就着樞密院啊 ，立即 派人 ，帶住 命令 前往 汝寧州 ，星夜 將佢 調嚟噉 。
當日 ，散咗 朝 之後 ，高太尉 就 喺 殿帥府 ，叫 樞密院 派 一 員 軍官 ，帶住 聖旨 ；
即日起程 ，去 調 呼延灼 嚟 京師 聽 候 命令 。
呢 講下 呼延灼 啊 ，佢 喺 汝寧州 統軍 司衙門 嚟 。
呢一日 ，聽見 門房 嚟 報告 話 有 聖旨 啊 特登 嚟 調 將軍 赴 京 ，另有 重用 啊 噉 。
呼延灼 就 同 本州 嘅 官員 ，出到去 城外 嚟 迎接 個 使臣 嚟到 統軍司 。
開讀 咗 聖旨 ， 就 設宴款待 咗 個 使臣 ， 火急 執拾 好 頭盔 衣甲 ， 鞍馬 器械 ；
帶住 三四十個 侍從 ，同埋 嗰個 使臣 就 離開 汝寧州 ，日夜 兼程 趕去 京師 。
一去 到 啫 ， 即刻 就 去 殿 帥府 參見 高太尉 。
高太尉 睇下 呼延灼 ，一表 非 俗 啊 ：
正是 開國 功臣 後裔 ，先朝 良將 玄孫 。
家傳鞭法 最 通神 ，英武 熟經 戰陣 。
仗劍 能 探 虎穴 ，彎弓 解 射 鵰群 。
將軍 出世 定 乾坤 ，呼延 灼 威名 大振 啊 。
噉 當時 高太尉 啊 ，慰問 咗 佢 幾句 ，賞賜 咗 佢 。
第日 早朝 ，就 帶佢 去 朝見 道君皇帝 。
徽宗天子 見到 呼延灼 一表人才 就 十分 歡喜 ，就 賜 一隻 踢雪烏雕馬 畀 佢 。
呢匹馬 ，周身 墨 咁黑 ，四蹄 雪 咁白 嘅 ，因此 就 叫做 踢雪烏騅 。
呢匹馬 ，能夠 日行千里 ，好靚 。
噉 皇帝 賜 呢 匹 靚 馬 畀 呼延灼 坐 喎 。
呼延灼啊三呼萬歲謝恩之後 ，就 跟 高太尉 再 到 殿帥府 ，商議 起兵 ，剿捕 梁山泊 嘅 事 。
呼延灼 就 話 ：恩相 ，小人 知道 梁山泊 ，兵多將廣 ，武藝 高強 ，不可 輕敵 睇小佢哋 。
小人 願意 舉 保 兩位 將軍 做 先鋒 ，一同 率領 軍馬 去到 嗰處 ，必 獲 大功 。
高太尉 就 問 呼延灼喇 ：噉 將軍 要 舉 保 邊個 人 可以 做得 先鋒 呢 ？
小人 舉 保嘅 ，係 陳州 團練 使 ，姓 韓 ，名 滔 。
係 東京 人 氏 ，武 舉人 出身 ，使 一 條 棗木 槊 ，人人 都 叫 佢 做 百勝 將軍 。
此人 ，可 做 正先鋒 。
仲有一個人 ，乃係 穎州 團練使 ，姓 彭 ，名 玘 ，亦係 東京 人氏 ，乃係 歷代 將門 之 後 啊 。
佢 使 一口 三尖兩刃刀 ，武藝 出眾 ，大家 叫 佢 做 天目將 。
此人 可以 做 副先鋒 。
高太尉 聽咗 非常之 歡喜 佢 話 ：
好啊 ，如果 韓 、彭 兩位 將軍 做 先鋒 ，仲 使 乜 愁 嗰班 狂寇 吖 ，哈哈哈哈哈哈 。
當日 ，高太尉 就 喺 殿帥府 簽 咗 兩道 公文 ，着 樞密院 派 人 星夜 去 陳 、穎 二州 ，就 調 韓滔 、彭玘 ，火速 嚟 東京 。
唔到 十日 ，兩位 將軍 已經 嚟到 京師 就 直接 嚟到 殿帥府 ，參見咗 太尉 同埋 呼延灼 。
第日 ，高太尉 就 帶領住 大家 ，一齊 去 御教場 裏 便 操演 武藝 。
然後 呢 就 返嚟 殿帥府 ，會 同 樞密院 啲 官員 啊 ，商量 軍機 大事 。
高太尉 就 問 喇 ：你哋 三路 軍隊 ，總共 有 多少 人馬 啊 ？
呼延灼 就 回答 話 喇 ：
三路軍馬 ，計起上嚟 有 五千 ，連埋 步軍 ，總數 達到 一萬 人 啊 。
高太尉 話 喇 ：
你哋 三個人 親自 返去 州 ，挑選 精銳 馬軍 三千 ，步軍 五千 ，約定 日期 起程 ，嚟 收剿 梁山泊 。
呼延灼 就 稟告 話 ：
呢 三 路 馬步 軍兵 都 係 訓練 純熟 㗎 喇 ，人 強 馬 壯 ，殿帥 不必 憂慮 。
但係 衣甲 未 全 ，就係 怕 誤咗 日期 ，請 恩 相 寬限 一下 。
高太尉 話 ：
既然 係噉 ，你哋 三個人 就 喺 京師 嘅 甲杖 倉庫 裏頭 ，吓 不拘數目 ，任意 挑選 衣甲 盔 刀 ，就 領返去 使用 啦 。
務必要 軍馬 齊整 ，噉 先至 好 同 啲 賊人 對敵 㗎嘛 。
出師嗰日 ，我 就 派 官員 嚟 檢閱 啦 。
呼延灼 得咗 命令 ，就 帶人 去 甲仗倉庫 就 領取 衣甲 兵器 。
呼延灼 就 選咗 鐵甲 三千 副 ，熟皮 馬甲 五千 副 ，銅鐵 頭盔 三千 頂 ；
長槍 ，二千 支 ，滾刀 一千 把 ，弓箭 就 不計其數 ，火炮 鐵炮 五百 幾 架 ，都 裝晒 上車 。
到咗 辭別 嗰 日 喇 ，高太尉 又 撥 咗 三千 匹 戰馬 畀 佢 。
噉啊 三個 將軍 ，各人 都 賞咗 金銀 綢緞 ，三軍 將士 個個 都 發咗 糧餉 賞賜 。
呼延灼 同埋 韓滔 、彭玘 ，都 立咗 必勝 嘅 軍令狀 ；
辭別咗 高太尉 同埋 樞密院 嘅 官員 ，上咗 馬 就 出發 去 汝寧州 嘞 。
到咗 汝寧州 ，呼延灼 就 吩咐 韓滔 、彭玘 ，分別 返去 陳州 、穎州 點齊 兵馬 ，就 返嚟 汝寧州 會合 。
唔到 半個月 ，三路 兵馬 都 已經 到齊 喇 。
呼延 灼 就 將 喺 京師 領到 嘅 衣 、 甲 、 盔 、 刀 、 旗 、 槍 、 鞍 、 馬 ， 同埋 打造 嘅 連環 、 鐵鎧 、 軍器 等等 嘅 物資 ， 分派 畀 三軍 將士 ， 就 準備 出兵 。
到咗 出兵 嗰 日 ，高太尉 真係 派咗 殿帥府 兩 員 軍官 就 前嚟 檢閱 。
犒賞完 三軍 ，呼延灼 就 下令 三路 兵馬 出城 ：
前軍 開路 韓滔 ，中軍 主將 呼延灼 ，後軍 催督 彭玘 ；
就 馬步 三 軍人 等 就 浩浩蕩蕩 ，殺 奔 梁山泊 咯噃 。
噉而家 講 下 梁山泊 啊 ，佢 派 出去 外便 偵探 嘅 人 ，飛馬 嚟到 大寨 就 報告 呢件事 啦 。
噉啊當時喺聚義廳上便 ，晁蓋 、宋江 就 坐 喺 當中 ，上首 係 軍師 吳用 ，下首 係 法師 公孫勝 同埋 各位 頭領 ，大排筵席 ，同 柴進 賀喜 。
佢 聽到 報告 話 汝 寧州 雙鞭 呼延灼 ，帶住 兵馬 嚟到 進攻 啊噉 。
大家 就 商量 迎敵 嘅 計策 咯噃 。
吳用 就 話 喇 ：我 聽講 呢個 人 ，乃 係 開國 功臣 ，河東 名將 呼延贊 嘅 嫡派 子孫 。
呢個人 武藝 精通 ，使 兩條 銅鞭 ，唔埋得 佢 身 㗎 。
我哋 必定 要 用 能征敢戰 嘅 將領 ，首先 係 力敵 ，然後 用 智擒 。
話猶未了 ，黑旋風李逵 就 話喇 ：我 同 你 去 捉 呢個 傢伙 返嚟 。
宋江話 ：你 點 去得 㗎 ，我 自有 安排 喇 。
請霹靂火秦明 ，打頭陣 ，豹子頭林沖 ，打第二陣 ，小李廣花榮 打第三陣 ，一丈青扈三娘 打第四陣 ，病尉遲孫立 打第五陣 ；
呢前面 五陣 啊 ，一隊隊 ，就好似 紡紗車 噉 輪住嚟 打 ，打完喇 就 前軍 轉做 後軍 。
我啊 親自 帶 十個 弟兄 ，率領 大隊 人馬 押後 。
嗱 ，左軍 五 將 ，朱仝 、雷橫 、穆弘 、黃信 、呂方 ；
右軍 五 將 ，係 楊雄 、石秀 、歐鵬 、馬麟 、郭盛 。
喺 水路 上 呢 ，就 請 李俊 、張橫 、張順 、阮家 三 弟兄 ，駕 船 嚟到 接應 。
李逵 同 楊林 你哋 兩個 ，就 率領 步軍 ，分成 兩路 埋伏 接應 。
宋江 將 人馬 調撥 好喇 。
噉啊 前軍 秦明 即刻 就 帶 人馬 落山 ，喺 平原 曠野 嘅 地方 ，就 列開 陣勢 。
呢個 時候 雖然 係 冬天 啊 ，之 又 好 和暖 。
秦明佢哋 等 咗 一天 ，就 望見 官軍 嚟到 喇 。
嚟嘅係 先鋒隊 ，百勝 將軍 韓滔 率領住 士兵 扎落 營寨 ，當晚 呢 就 冇 打到 。
第日天光 ，兩軍 對陣 ，沊沊沊沊沊 打完 三通 戰鼓 就 出到 陣前 。
秦明 喺 馬上 打橫 架住 支 狼牙棍 。
官軍 呢便 呢 ，門旗 一 開 ，先鋒 將 韓滔 就 橫索 勒馬 就 出嚟 大鬧 秦明 ：
天兵 嚟到 ，仲唔早早 投降 ，仲敢 抗拒 ，真係 自尋死路 啊 ！
我 要將 你 水泊 填平 ， 梁山 踏碎 ， 生擒活捉 你 呢 班 反賊 解去 京師 ， 碎尸 萬段 ！
秦明 本來 係 個性急 嘅 人 ，聽咗 呀 ，嘿 ，一句 說話 都 唔 講 ，拍馬上前 就 舞起 狼牙棍 就 直取 韓滔 。
韓滔 就 挺 索躍 馬 就嚟 戰 秦明 啦 。
兩個 鬥咗 二十幾個 回合 ，韓滔 唔夠打 ，正話 想走 ，背後 中軍 主將 呼延灼 已經 嚟到 。
佢 見 韓滔 打唔過 秦明 唄 ，就 喺 中軍 舞起 雙鞭 ，一縱 座下 嗰 匹 御賜 踢雪 烏騅馬 ，咆哮 嘶喊 ，就嚟到 陣前 。
秦明 見咗 ，就 想 嚟 同 呼延灼 交手 咯 喎 。
哈哈 ，第二隊 豹子頭 林沖 已經 嚟到 喇 ，林沖 大聲 嗌話 秦統制 你 歇 一陣 ，睇 我 戰 三百個 回合 再 算 啦 。
林沖 挺起 丈八 蛇矛 直奔 呼延灼 。
秦明 就 帶住 軍馬 ，由 左便 轉咗 去 山坡 後便 。
噉呢處 就 呼延灼 大戰 林沖 咯噃 。
兩個 真係 對手 啊 ：只見 槍 來 鞭 去 花 一團 ，鞭去 槍來 錦 一簇 啊 。
兩個 鬥咗 五十個 回合 以上 ，都係 不分 勝敗 。
呢個 時候 ，第三隊 小李 廣花榮 嘅 軍馬 又 嚟到 喇 。
佢 喺 鎮 門 下面 大聲 嗌話 林 將軍 休息 一下 ，等 我 捉住 呢個 傢伙 ！
林沖 就 撥轉 馬 就 走 。
呼延灼 因為 見到 林沖 武藝 高強 ，亦都 返去 本陣 。
噉林沖 率領 本部 軍馬 一轉 ，轉咗 去 山坡 後便 ，就 讓 花榮 挺槍 出馬 。
呼延灼 嘅 後軍 亦都 嚟到 嘞 ，乃係 天目 將 彭玘 。
佢 打橫 揸住 嗰 把 三尖兩刃 、四竅八環 刀 ，騎 一匹 五明千里 黃花 馬 出陣 大罵 花榮 ：
你呢個 反國逆賊 ，有 咩嘢 咁 叻 啊 ，嚟 同 我 拼 個 輸贏 啦 。
花榮 嬲 到 極 喇 ，亦 唔 答話 ，即刻 就 同 彭玘 交鋒 。
兩個 打咗 二十幾個 回合 ，呼延灼 睇見 彭玘 力怯嘞 ，就 縱馬 舞鞭 就 直奔 花榮 。
鬥咗 唔到 三個 回合 ，第四 隊 一丈青 扈 三娘 人馬 已經 到 。
佢 大聲 話 ：花將軍 歇一歇 ，睇 我 捉 佢 。
花榮 亦 帶住 人馬 向住 右邊 轉咗 去 山坡 後 便 。
彭 玘 啊 嚟 戰 一丈 青都 正話 開始 ， 第五隊 病 尉遲孫立 個 軍馬 又 到 ， 佢 勒馬 喺 陣前 擺住 ， 睇 扈三娘 嚟 到 迎戰 彭 玘 。
佢 兩個 啊 ，喺 征塵 影 裏 ，殺氣 陰 中 ，一個 使 大桿刀 ，一個 使 雙刀 。
兩個 鬥咗 二十幾個 回合 ，一丈青 將 雙刀 一分 ，就 回馬 就 走喎 。
彭 玘 又 想 立功 啊 ， 就 縱馬 追上 嚟 啦 。
一丈青 將 雙刀 掛 喺 馬鞍 鞽 上 便 ，喺 袍底 一扲扲 出 個 紅錦 套索 ，呢個 套索 上面 有 二十四 個 金鉤 嘅 ；
等 彭 玘 隻 馬 跑 近 喇 ， 扭轉身 ， 將 套索 向 空中 一撒 ， 擸 到 正 晒 。
彭玘 措手不及 一睇 哎呀 嚟喇 ，睇見 已經 遲喇 ，畀 一丈青 啊 拉咗 落馬 。
孫立就 喝啲 兵卒 衝上去 將 彭玘 捉住 。
呼延灼 見咗 啊 又 嬲 又 急 ，奮力 向前 嚟 救 喇 ，一丈青 就 拍馬 截住 佢 嚟 打 。
呼延 灼 啊 宜得 一 啖 吞 咗 嗰 個 一丈 青 啊 ， 兩個 鬥 咗 十個 回合 有 多 ， 急切 之間 就 打 唔 贏 一丈 青 喎 。
呼延灼 個 心 就 諗 喇 ：哈哎 ，呢個 潑婦 ，居然 能夠 同 我 鬥 咗 咁多 個 回合 ，都 幾 使得 㗎 噃 。
打打下 ，呼延灼 賣 個 破綻 ，放 一丈青 雙刀 斬 入嚟 ，就 提起 右手 銅鞭 ，對準 一丈青嘅 頭殼 㩧落去 。
一丈青 就 眼明 手快 ，舉起 把 刀 一隔 。
呢一鞭 就 啱啱 打落嚟 ，打正 喺 刀口 上面 撐 一聲 打到 出 火花 ，嘿 厲害 啊 。
一丈青 回馬 就 向住 本陣 走 ，呼延灼 就 縱馬 追上去 啦 。
病尉遲 孫立 見咗 ，就 挺槍 縱馬 向前 ，截住 佢 嚟 廝殺 。
呢個 時候 ，宋江 就 啱啱 率領住 十位 良將 都 到齊 喇 ，就 列開 陣勢 。
一丈青 就 帶住 自己 嘅 人馬 ，去咗 山坡 後 便 。
宋江 見到 活捉到 天目 將 彭玘 個 心 就 好 歡喜 ，就嚟到 陣前 睇 孫立 同 呼延灼 交戰 嘞 。
孫立啊 亦都 唔 用 槍 ，佢 舞起 嗰條 竹節 鋼鞭 ，就嚟 迎敵 呼延灼 。
哈哈 ，佢 兩個 都 係 使 鋼鞭 嘅 ，而且 呢 ，都 係 咁上下 打扮 個 喎 ：
病尉遲 孫立 ，係 交角 鐵頭盔 ，大紅 羅抹額 ，百花 點翠 皂羅袍 ，烏油 戧 金甲 ；
騎 一匹 烏騅馬 ，使 一條 竹節 虎眼 鞭 ，賽過 尉遲恭 啊 。
呢個 呼延灼 呢 ，戴嘅 係 沖天角鐵頭盔 ，鎖金黃羅抹額 ，七星打釘皂羅袍 ，烏油 對嵌鎧甲 ；
就 騎 一匹 御賜 踢雪 烏騅 ，使 兩條 水磨 八稜 鋼 鞭 ：
左手 呢條 ，十二斤 重 ，右手 嘅 十三斤 重 ，嘿 ，真 似 呼延贊 啊 。
兩個 喺 陣前 左 盤 右 旋 ，鬥 到 三十 幾個 回合 仲 係 不分 勝敗 。
宋江 佢哋 睇咗 不停 咁 喝彩 。
呢 ，有 詩 為 證 ：
各 跨 烏騅 健 似 龍 ，呼延 贊 對 尉遲 恭 。雙 鞭 遇 敵 真 奇事 ，更 好 同 歸 水滸 中 。
噉啊官軍嗰便 ，韓韜 見 損失咗 彭玘 ，就 去 後軍 點齊 兵馬 ，衝上嚟 廝殺 。
宋江 又 怕 佢哋 衝過嚟 ，就 將 鞭梢 一 指 ，十個 頭領 帶領住 大小 軍士 掩殺 過去 。
同時 背後 四路 軍兵 ，就 分 做 兩頭 嚟 夾攻 。
呼延灼 見咗 就 急急 收轉 本部 軍馬 ，就 分頭 頂 實 。
各位 都會 問 喇 ，噉 梁山 咁 多人馬 點解 唔 能夠 全勝 呢 ？
噉嘅 ，事關 呼延灼 就 好 厲害 啊 。
因為 呼延灼 陣 裏 便 都 係 連環 馬 官軍 ，馬戴 馬甲 ，人 披 鐵鎧 。
鐵鎧 即係 鐵甲 喇 。
馬 戴住 甲 呢 ，只係 露出 四 隻 馬蹄 嘅 啫 ；
人 披 鐵鎧 啊 ，就 露出 一對 眼睛 。
宋江 陣 裏 便 雖然 亦 有 甲馬 ，不過 只係 紅纓 面具 ，銅鈴 雉尾 而已 啫 。
噉梁山呢處射出啲箭去呢 ，嗰便啲甲都擋住晒射唔入嘅 。
嗰 三千 馬軍 係 各 有 弓箭 ，對面 射過嚟 因此 就 唔能夠 靠近 。
宋江 急急 叫 打鑼 收兵 喇 。
呼延灼 呢 亦 都 後退 二十幾 里 就 扎落 營寨 。
宋江 收咗 兵 ，退 到 山坡 西 便 扎寨 。
隨後呢 ，就 叫 嗰班 刀斧手 ，帶 彭玘 過嚟 。
宋江 一見到 ，即刻 就 起身 喝退 啲 軍士 ，親自 同 佢 鬆咗 綁 ，請 佢 入去 中軍 帳 裏 便 坐落 。
宋江 對 佢 就 行禮 。
彭玘 連忙 答禮 話 ：
小子 係 被擒之人 ，理應 殺死 ，何故 將軍 仲 以 賓禮 待 我 呢 ？
宋江 就 話 喇 ：我哋 呢班人 都係 冇 埞 容身 ，只係 佔據住 水泊 暫時 避難 。
今日 朝廷 差遣 將軍 前嚟 收捕 ，本當 投降 就 綁 嘅 。
但 係 又 怕 唔 能夠 保存 性命 ， 因此 先 要 負罪 交鋒 ， 誤犯 虎威 ， 請 將軍 恕罪 。
彭玘 就 回答 話 喇 ：
素來 聽講 將軍 仗義 行仁 ，扶危 濟困 ，想唔到 果然 係 咁 義氣 。
如果 將軍 能夠 保存 小人 嘅 性命 ，將來 一定 向 朝廷 保奏 。
噉 宋江 當日 啊 就 派 人 將 天目 將 彭玘 ，送咗 上去 大寨 ，等 佢 同 晁天王 見面 ，就 留 佢 喺 山寨 裏 便 喇 。
宋江 呢度 呢 ，犒賞完 三軍 之後 ，就 同 各位 頭領 嚟 商量 軍情 。
噉 而家 再 講 下 呼延灼 喇 ，佢 收兵 扎 落 寨 ，同 韓滔 商量 點樣 嚟 打贏 梁山 水泊 。
韓滔 就 話 喇 ：今日 嗰 班 傢伙 ，見 我哋 衝過去 ，佢 就 慌忙 掩擊 過嚟 ；
聽日 ，我哋 用 全部 嘅 馬軍 向前 衝 ，必定 會 大勝 嘅 。
呼延灼 話 喇 ：冇錯 ，我 已經 係 噉樣 安排 落 喇 ，而家 就係 要 同 你 商量 下 添啫 。
跟住 就 落 命令 ：
叫 三千 馬軍 啊 ，每 三十 匹 一 連 ，用 鐵圈 連鎖 一 排 噉樣 擺 喺 處 ；
但凡 遇到 敵軍 ，遠嘅 用箭射 ，近嘅 用槍 ，直衝進去 。
三千 連環馬 軍 就 分作 一百 隊 。
五千步 軍 呢 ，喺 後 便 嚟 策應 。
呼延灼 話 喇 ：聽日 佢哋 挑戰 我哋 唔好 理 佢 ，我 同 你 押後 掠陣 。
一打就 分成 三面 衝過去 。
商量妥當 就 等 聽日 天光 出戰 咯喎 。
噉喺 第二日 ，宋江 就 將軍馬 分作 五隊 喺 前便 ，後軍 呢 由 十名 大將 率領 ，兩路 伏兵 就 分佈 喺 左右 。
宋江 就 派 秦明 當 先 ，嘍 呼 延灼 出 馬 交戰 。
哈 ，只見 對陣 呀 一味 喎 嗬噉 吶喊 ，冇人 出嚟 交鋒 噃 。
梁山泊 五員 大將 ，都 好似 一字 噉 擺 喺 陣前 ：
中間 係 秦明 ，左邊 係 林沖 、一丈青 ，右邊 係 花榮 ，孫立 喺 後 便 。
跟住 宋江 就 帶住 十個 將軍 亦都 到 喇 ，重重疊疊 擺住 人馬 。
睇下 對陣 呢 ，約莫 有 千零 步兵 啦 ，一味 就 擂鼓 吶喊 ，冇 一個 人 出馬 交鋒 嘅 。
宋江 睇咗 個 心 都有 啲 思疑 喇 ，就 暗中 落 命令 叫 後軍 退卻 咯 喎 。
佢 自己 就 縱馬 嚟到 花榮 隊伍 裏 便 觀察 下 。
猛然間 ，聽見 對陣 裏 便 嘣蹦聲 連珠炮響 。
嗰 一千步 軍 啊 ，忽然 分開 做 兩下 ，放出 三面 連環 馬 軍 就 直 衝過嚟 ；
兩便嗰啲呢將弓箭亂咁射 ，中間就個個都係使長槍 。
宋江 見咗 大吃一驚 喇 ，急急 命令 兵卒 放箭 ，放箭 ，將 弓箭 嚟 射住 ，仲 邊度 抵敵得住 吖 。
呼延灼 嗰啲 連環馬軍 ，每一隊 係 三十匹馬 ，一齊 跑到 衡 ，都 唔到 你 唔 向前 衝嘅 。
嗰啲 連環馬 軍 漫山遍野 橫衝直撞 過嚟 。
呼延灼 嗰啲 連環馬 咁 厲害 嘅 ，噉 究竟 宋江 點樣 破 佢 呢 ？
