李逵 就 畀 人 拉咗 入 監 吖 ，佢 嚇 嗰 班 友 喇 。
佢 入到去 就 話 喇 ：我 係 直日神將 ，點解 要 我 擔 枷 啊 ？
哼哼 ，我 幾大 都 搞到 你哋 薊州 一 城 人 都 死 清光 。
嗰個 押牢 節級 ，禁子 等等 都 知道 羅真人 道行 好 高強 㗎 嘛 邊個 唔 佩服 呢 ？
都 走嚟 問 李逵 咯噃 ：喂 你 到底 係 咩嘢 人 嚟 啊 ？
咩嘢 人 啊 ？我 係 羅真人 親隨 直日 神將 。
因為 一時 做錯 咗 啲 事 ， 激 嬲 咗 真人 ， 將我罰 咗 嚟 呢 處 ， 叫 我 受 啲 苦難 ， 三兩日 之後 必定 嚟 接 我 㗎 喇 。
你 哋 如果 唔 將 啲 好 酒 好 餸 嚟 保養 下 我 ， 我 就 叫 你 哋 人人 都 冚 家 鏟 。
嗰個 節級 牢子 聽 佢 噉 講咪 都 怕晒 啦 ，就 唯有 買 酒 買肉 請 佢 食 咯喎 。
李逵 見 佢 哋 怕 ， 嘿 啱 晒 喇 就 越發 噏 埋 晒 啲 古靈精怪 啲 嘢 嚟 嚇 佢 哋 。
監牢啲人 就 越發 怕 喇 ，又 搵 啲 熱水 嚟 畀 佢 洗身 ，換 咗 啲 乾淨 衣裳 。
李逵 話 喇 ：如果 冇 酒 冇 餸 ，畀 唔夠 嘢 我 食 呢 ，我 就 飛咗 去 ，等 你哋 受苦 。
噉 監牢 裏 便啲 獄卒 啊 ，就 唯有 倒貼 錢 嚟 伺候 佢 係啦 ，哈哈 。
噉 李逵 韞 喺 薊州 監牢 裏 便 呢件事 呢 就 唔 提 佢 住 喇 。
而家 講 下 羅真人 啊 ，佢 就 將 上便 嘅 事 ，即係 摵咗 李逵 去 薊州 監牢 呢件事 ，講咗 畀 戴宗 聽 。
戴宗 只係 苦苦 哀求 ，請 佢 放返 李逵 。
羅真人 就 留 戴宗 喺 觀 裏 便 住 ，就 問 起 山寨 裏 便 嘅 事情 。
戴宗 就 講畀佢聽 ，話 晁天王 、宋公明 ，仗義 疏財 ，專門 係 替天行道 ；
誓不損害 忠臣 烈士 ，孝子 賢孫 ，義夫 節婦 嘅 噉 ，講咗 好多 好處 。
羅真人 聽咗 就 非常之 歡喜 。
一連住咗五日 ，戴宗 日日 都 叩頭行禮 ，就 𠼮求 羅真人 救 李逵 出嚟 。
羅真人話 ：呢啲噉嘅人 ，趕咗佢扯就算喇 ，唔好帶返去喇 。
戴宗 就 話 喇 ：真人 你 唔知 啊 ，呢個 李逵 雖然 係 愚蠢 ，唔懂得 道理 ，之 亦 有 些少 好處 嘅 ：
第一 ，耿直 ，絲毫 都 唔肯 立亂攞 人哋 嘅 嘢 ；
第二 ，佢 唔會 對 人 阿諛奉承 ，雖然 係 死 佢 忠心 不改 ；
第三 ，佢 並冇 淫慾 邪心 ，唔會 貪財 背義 嘅 ，有事 就 勇敢 當先 。
因此呢 ，宋公明 就 非常之 愛護 佢 。
如果 呢次 冇 咗 呢個 人 返去 ，噉 小人 就 難 見 兄長 宋公明 之 面 咯 。
羅真人 就 笑住 話 喇 ：哈哈哈 ，貧道 早就 知道 呢個 人 係 上界 天殺星 之 數 。
為因 下界 眾生 作業 太重 ，故此 罰佢 落嚟 殺戮 嘅 。
我唔會 違背 天意 害咗 呢個人 嘅 ，只係 磨 佢 幾日 啫 ，等 我 接 佢 返嚟 還畀 你 啦 。
戴宗 聽咗 即刻 叩頭 多謝 。
羅真人 嗌咗 一聲 話 ：力士 喺度 嘛 ？
霎時間 ，喺 松鶴軒 前面 刮起 一浸 風 。
風 一 過 ，一尊 黃巾 力士 出現 喇 。
個 黃巾 力士 稟告 話 ：我 師 有 何 命令 啊 ？
羅真人 話 ：上次 派 你 押 去 薊州 嗰個 人 ，罪業 已 滿 喇 。
你 去 薊州 監牢 接 佢 返嚟 ，速 去 速回 。
力士 應咗 一聲 就 飛咗去 。
約莫 過 咗 半個 時辰 度 ， 喺 半空中 啊 ， 將 李逵 掉 咗 落 嚟 喇 。
戴宗 連忙 扶住 李逵 就 問 佢 ：賢弟 ，你 呢 兩日 去 邊處 嚟 啊 ？
李逵 唔 理 咁 多 ， 一 見到 羅真人 ， 一味 叩頭 猛 咁 拜 ： 鐵牛 唔 敢 咯 ， 鐵牛 唔 敢 喇 ！
羅真人話 ：你 從 今之後 應該 戒咗 啲 壞脾氣 ，竭力 扶持 宋公明 ，唔好 有 壞心 啊 。
李逵 連氣 叩咗 幾個 頭 話 ：一定 遵從 真人 說話 ！
戴宗 就 問 佢 喇 ：呢 幾日 ，你 究竟 去咗 邊度 啊 ？
李逵 話 佢 聽 ：
自從 嗰日 ，一浸 風 就 刮咗 我 去 薊州府 ，喺 大堂 屋脊 就 一直 碌咗 落去 ，畀 佢 府裏 便啲 人 捉住 。
嗰個 馬知府 ，話 我 係 妖人 喎 ，捉住 我 ，綁起嚟 ，就 叫 啲 差人 獄卒 ，用 啲 狗血 啊 屎尿 啊 淋咗 我 成身 成頭 都係 ；
打到 我 兩隻 大髀 啊 皮開肉爛 ，又 叫 我 擔住 枷 ，韞咗 我 喺 大牢 。
啲人 又 問 我 係 咩嘢 神 啊 點解 喺 天上 跌落嚟 㗎 噉 。
我就呃佢啦 ，我話 係 羅真人 嘅 親隨 直日 神將 ；
因為 有啲 過失 ，就 罰 我 受苦 啫噉 ，過咗 三幾日 呀 ，一定 嚟 接返 我 嘅 。
噉 我 雖然 係 捱咗 一頓 打 咋 喎 ，都 詐咗 啲 酒肉 食喎 。
佢哋 都 怕 真人 ，就 同 我 洗身 ，換咗 一身 新衣裳 。
先頭 我 先 喺 亭 裏 便 ，呃 緊 酒肉食 ；
嗯 ， 只見 半空中 ， 有個 黃巾力士 跳落 嚟 ， 將 啲 枷鎖 開 咗 ， 喝 我 閉起 雙眼 ， 就 好似 發夢 噉 一直 扶到 我 來 呢 處 咯 。
公孫勝話 ：好似 噉樣 嘅 黃巾 力士 呀 ，我 師父 有 一千幾名 ，都 係 師父 嘅 侍從 嚟 啊 。
李逵 聽咗 就 嗌喇 ：哎呀 活佛 啊 ，點解 你 唔早啲 講 ，免得 我 做 噉嘅 錯事 吖 ！
一味 叩頭 禮拜 。
戴宗 亦都 跪低 再 拜 懇求 話 ：小人 實在 嚟咗 好多 日 喇 ，高唐州 軍情 緊急 ；
請 師父 你 大發慈悲 ，放 公孫 先生 同 弟子 去 救 宋 公明 大哥 ，破咗 高廉 就 送 佢 還 山 。
羅真人 話 喇 ：我 本來 就 唔 畀佢 去 嘅 ，而家 因為 你哋 大義 為重 ，姑且 畀佢 去 行 一趟 啦 。
弟子啊 ，你 往日 學 嘅 法術 ，同 高廉 嘅 差唔多 。
我而家 將五雷 天罡 正法 傳授 畀 你 ， 你 照住 噉 做 就 可以 救得 宋江 ， 保國安民 ， 替天行道 。
你嘅老母 ，我 會 使人 照顧 佢 ，唔使 掛心 嘅 。
你 係 應 上界 天閒星 ，因此 就 容許 你 去 幫助 宋公明 。
你 呢 次 落山 ， 事 必要 堅持 一貫 學道 嘅 決心 ， 唔 好 畀 人 慾 所 動搖 ， 誤 咗 你 嘅 根基 大事 至 好 啊 。
於是 公孫勝 就 跪低 喺 處 ，學咗 法術 ，就 同 戴宗 、李逵 又 拜辭 咗 羅真人 ，告別 咗 眾 道友 落山 。
返到 屋企 ， 收拾 好 道士 衣服 ， 兩口 寶劍 ， 同埋 啲 鐵冠 如意 等等 ， 拜辭 咗 老母 就 離山 起程 。
行咗 三四十 里路 ，戴宗 就 話 喇 ：
小人 行先 去 報告 畀 阿哥 知 ， 先生 你 同 李逵 順住 大路 嚟 啦 ， 小人 返到 去 就 再 嚟 接 你 哋 。
公孫勝話 ：好 ，賢弟 你 去 報告 先 ，我哋 亦 趕住 嚟 㗎 喇 。
戴宗 就 吩咐 李逵 話 喇 ：你 一路 小心 服侍 先生 啊 。
如果 有 咩嘢 差錯 ，我 又 有得 你 捱 㗎 吓 。
李逵 話 ： 佢 同 羅真人 一樣 噉 嘅 法術 ， 我點 敢 怠慢 佢 㗎 ， 你 放心 ， 你 放心 。
戴宗 就 綁 上 甲馬 ，作 起 神行法 就 行 先 去咗 咯 。
噉 而家 講返下 公孫勝 同 李逵 佢 兩個 離開咗 二仙山 九宮縣 ，跟住 大路 行 ，到到 晚 頭 黑 ，就 搵 客店 休息 。
李逵 就 好 怕 羅真人 嘅 法術 ，所以 十分 小心 嚟 服侍 公孫勝 ，嘿 ，一啲 都 唔 敢 發脾氣 。
兩個人 行咗 三日 ，就 嚟到 一笪 地方 ，地名 叫做 武岡鎮 。
只見 街市 上 ，人煙 稠密 。
公孫勝 話 喇 ：呢 兩日 我哋 都 行得 好 夠攰 喇 ，買 碗 齋酒 齋面 食 過 先至 行 呢 。
李逵 話 喇 ：哎噉 都 好啊 。
見到 大路 旁邊 有 間 小 酒店 ，噉 兩個人 入去 裏 便 坐落 。
公孫勝 就 坐喺 上首 ，李逵 就 解低 個 腰包 ，就 喺 下首 坐定 。
叫夥記 ，打啲酒嚟 ，又要咗啲齋菜 。
公孫勝 話 喇 ：你 呢處 有冇 齋 點心 賣 㗎 ？
個夥記 話 喇 ：我 呢度 只係 賣 酒肉 啫 ，冇 齋 點心 㗎 噃 ，呢 喺 市頭 嗰度 啊 有 棗糕 賣 嘅 。
李逵 話 ：等 我 去 買 啲 嚟 。
噉就 喺 腰包 攞 咗 啲 銅錢 ，行 出去 市鎮 就 買咗 一包 棗糕 。
佢 正 話 想 返轉頭 ，聽見 路邊 有人 喝彩 話 ：嘩 ，真係 大力 啊 ！
李逵 睇下 ，原來 有 班人 圍 實 一個 大漢 ，睇 佢 喺度 舞 鐵瓜錘 喎 。
大家 睇咗 又 猛咁 喝彩 。
李逵 睇下 嗰個 大漢 ，見 佢 有 七尺 以上 嘅 身材 ，塊 面 有 啲 豆皮 ，個 鼻 上面 有 一 橫 嘢 嘅 。
李逵 睇 下 嗰 個 鐵錘 ， 大概 三十 零斤 重 咁 上下 啦 。
嗰個 大漢 舞 到 興起 ，一瓜錘 打落 個 壓街石 上 便 ，啪聲下 ，將 嗰塊 石頭 打成 粉碎 。
大家 猛 喝彩 。
李逵 忍唔住 嘞 ，就 將 啲 棗糕 塞 喺 個 懷 裏 便 就嚟 搦 個 鐵錘 咯 喎 。
嗰個 大漢 喝 佢 話 喇 ：你 係 咩嘢 人 啊 ，敢嚟 搦 我 嘅 錘 ？
李逵 話 ：你啊 使得 有 咩嘢 咁 叻 ，仲 等 人哋 喝彩 添 。
吖 睇 污糟 我 雙眼 啊 ！
等 老爺 舞 返 兩道 畀 你哋 睇 下 啦 。
個大漢話 ：我借畀你舞下都得 ，如果 你舞唔逳 我就𢱕你一餐 先至畀你走 㗎噃 。
李逵 接過 個 瓜錘 ，哈 ，好似 玩 彈丸 噉 啊 。
舞咗 一輪 輕輕 放返低 ，面 又唔 紅 心 又唔 跳 氣 又唔 喘 。
嗰個 大漢 睇咗 ，即刻 跪 喺 地下 就 拜喇 ：
請問 大哥 你 高姓 大名 啊 ？
李逵 話 ：你 屋企 喺 邊處 住 吖 ？
喺 前便 就係 喇 。
你 帶 我 去 。
於是 嗰個 大漢 ，就 帶住 李逵 嚟到 一笪 地方 有 間 屋 ，呢 間 屋 用 把 鎖 鎖住 門 嘅 。
嗰個 大漢 用 鎖匙 開咗 門 ，請 李逵 入去 裏 便 坐 。
李逵 睇 佢 屋裏 便 呀 ，都係 鐵砧 、鐵錘 、火爐 、鉗 、鑿 等等 嘅 架 生 ；
佢 心諗 喇 ：哼哼 ，呢個 人 實係 個 打鐵佬 。
啱喇 ，山寨 裏頭 正係 用得着 ，不如 叫佢 亦 去 入夥 都 好噃 。
李逵 就 話 ：喂 ，你 講 個 名 我 聽 下 。
小人 姓 湯 名 隆 。
父親 本來 係 延安府 知寨官 ，因為 佢 識得 打鐵 ，老種 經略 相公 就 錄用 咗 佢 。
近年嚟 ，父親 死咗咯 ，小人 因為 貪賭 就 流落 喺 江湖 之上 ，就 暫時 喺 呢處 打鐵 度日 。
小人 係 最鍾意 使 槍 弄棒 㗎 喇 。
為因 小人 周身 都有 啲 麻點 ，人人 都 叫 我 做 金錢 豹子 。
請問 阿哥 你 高姓 大名 啊 ？
我就係梁山泊好漢 ，黑旋風李逵 。
啊 ，聽聞 阿哥 威名 好耐 ，想唔到 今日 偶然 遇見 阿哥 。
你 喺 呢一處 ，幾時 至得 發達 吖 ，不如 跟 我 上 梁山泊 入夥 ，等 你 亦 做 個 頭領 都 好 吖 。
如果 阿哥 你 唔 嫌棄 我 ，肯 帶 協 小弟 咯 ，我 願意 同 阿哥 你 牽 馬 。
於是 湯隆 就 拜 李逵 做 大佬 ，李逵 就 認 湯隆 做 細佬 。
湯隆話喇 ：我 又 無 家 無 室 嘅 ，而家 就 同 阿哥 你 去 市鎮 飲 三 杯 淡酒 ，表下 結拜 嘅 心意 呢 。
今晚 就 住 一晚 ，聽日 一早 起行 。
李逵 話 ：唔得啊 ，我 有 個 師父 喺 前面 酒店 等住 我 買 棗糕 食咗 就 起行 㗎 喇 。
唔耽擱得 ，而家 就 行啦 。
點解 趕得 咁 緊急 啊 阿哥 。
你唔知道 ，宋公明 大哥 ，而家 喺 高唐州 打仗 ，就係 等 我 呢位 師父 趕去 救應 㗎 。
呢個 師父 係 邊個 呢 ？
你唔好問咁多咯 ，快啲執拾好走人啦 。
於是 湯隆 急急 打 好 包袱 ， 帶齊 啲 使用 銀兩 ， 戴返 頂 氈笠 ， 掛起 把 腰刀 ， 手上 又 搦 咗 一把 朴刀 ；
噉嗰間破房舊屋 ，粗重傢私 呢冚𠾴唥掉低唔要喇 ，就跟住 李逵 ，去到 酒店 嚟 見 公孫勝 。
公孫勝 就 埋怨 李逵 話 喇 ：乜 你 去咗 咁 耐 都 唔 返嚟 㗎 ？
如果 你 仲 返得嚟 遲啲 呀 ，我 就 返 扯 㗎 喇 。
李逵 唔敢 出聲 應佢 ；
只係 介紹 湯隆 拜見 咗 公孫勝 ，將 結拜 嗰件事 講畀 佢 聽 。
公孫勝 聽講 佢 係 個 打鐵 出身 ，個心 亦都 好 歡喜 。
李逵 攞 啲 棗糕 出嚟 ，叫 夥記 攞去 整 熱 佢 。
噉啊 三個人 一齊 飲咗 幾杯 酒 ，食咗 棗糕 ，畀咗 酒錢 ，噉 就 起程 嘞 。
李逵 、湯隆 ，各自 孭起 包袱 ，同 公孫勝 離開咗 武岡鎮 就 趕去 高唐州 。
三個人 一路 行 ，就 行咗 三分之二 嘅 路程 喇 。
嗰日 朝頭早 ，撞到 戴宗 嚟 迎接 。
公孫勝 就 連忙 問 佢 話 ：近日 交戰 嘅 情形 點 啊 ？
戴宗 話 佢 聽 ：高廉 嗰個 傢伙 ，近日 箭傷 好返 喇 ，日日 都 帶 兵 嚟 嘍 打 。
阿哥 堅守 唔敢 出戰 ，就係 等 先生 嚟 啊 。
公孫勝 話 ：噉就 容易 啫 。
跟住 李逵 就 介紹 湯隆 拜見 戴宗 ，講明咗 經過 ，於是 四個人 一齊 趕去 高唐州 。
離開 營寨 仲有 五里 路 咁上下 遠 ，只見 呂方 、郭盛 就 帶住 一百 幾個 馬軍 嚟 迎接 。
四個人 都 上咗 馬 ，一齊 跑返去 營寨 ，宋江 、吳 用 佢哋 出寨 迎接 。
各人 都行 過禮 喇 ， 擺 咗 接風酒 ， 互相 問候 ， 請入 去 中軍帳 裏 便 ， 眾 頭領 亦 都 嚟 慶賀 。
李逵 呢 就 介紹 湯隆 嚟 參見 宋江 、吳用 同埋 眾位 頭領 。
當日 ，喺 營寨 裏 便 就 大排筵席 ，歡迎 慶祝 。
第日喇 ，宋江 、吳用 、公孫勝 ，喺 中軍帳 啊 ，就 商量 點樣 去 打 高廉 。
公孫勝話 ：請 主將 你 落命令 ，我哋 全部 人馬 都 出擊 ，睇下 敵軍 點樣 ，貧道 自有 辦法 。
當日 ，宋江 就 命令 各個 寨 啊 ，一齊 率領 人馬 起程 ，一直 去到 高唐州 城壕 ，就 喺 嗰度 安好 營寨 。
第日 朝頭早 ，五更 煮飯 ，嗰啲 兵卒 呀 都 披掛 好 衣甲 。
宋公明 、吳學究 、公孫勝 ，三個人 騎住馬 直到 軍前 ，搖旗擂鼓 ，吶喊 打鑼 一直 殺到 城下 。
噉 而家 講 下 嗰個 知府 高廉 ，佢 箭傷 已經 好返 喇 。
尋晚 ，就 有人 嚟 報告 話畀佢聽 宋江 軍馬 又 到 喇 噉 。
所以 今朝早 呢 ，都 披掛 好 衣甲 ，大開 城門 ，放落 吊橋 ，率領 嗰 三百 神兵 同埋 大小 將校 出 城 迎敵 。
兩軍 漸漸 接近 嘞 ，旗鼓 相望 ，各各 擺開 陣勢 。
宋江 嘅 陣門 一 開 ，十 員 大將 啊 騎住 馬 跑出嚟 ，雁翅 噉 擺開 喺 兩便 。
左手便 五員大將 ：花榮 、秦明 、朱仝 、歐鵬 、呂方 ；
右手便 五員大將 ：就係 林沖 、孫立 、鄧飛 、馬麟 、郭盛 。
中間 呢 三匹 馬 上便 ，為首 嘅 係 主將 宋公明 。
左便 嗰 匹 馬 上 ，坐住 嘅 就係 梁山泊 ，掌握 兵權 軍師 吳學究 。
右便 嗰 匹 馬 上 ，坐住 嘅 就係 梁山泊 ，掌握 行兵佈陣 副軍師 公孫勝 。
宋江 、吳用 、公孫勝 三個 總軍主將 啊 ，騎住 馬 出到嚟 陣前 。
睇下 對陣 ，金鼓齊鳴 ，門旗 一開 ，亦 有 二三十個 軍官 ，簇擁住 高唐州 知府 高廉 出嚟 陣前 ，立馬 喺 門旗之下 喇 。
嗰個 知府 高廉 出到 陣前 就 大聲 高叫 話 ：
你 嗰班 水窪草賊 ，既然 有心 要 嚟 廝殺 ，一定 要 分 個 勝敗 ，見 個 輸贏 ，走 嘅 就 唔係 好漢 ！
宋江 聽咗 就 問 一聲 ：邊個 出馬 去 斬 呢個 賊人 啊 ？
小李 廣花榮 ，挺槍 躍馬 就 直到 戰場 中心 。
高廉 見咗 就 喝問 話 喇 ：邊個 同 我 去 殺佢 ？
喺 統制 官隊 裏 便 就 跑出 一員 上將 啊 叫做 薛元輝 ，佢 係 使 兩口 雙刀 ，騎 一匹 惡馬 ，飛 出去 戰場 中心 啊 嚟 戰 花榮 。
兩個 喺 陣前 鬥咗 幾個 回合 啫 ，花榮 撥轉 馬 ，跑返去 本陣 。
嗰個 薛元輝 唔 知道 佢 係 計嚟 ，縱馬 舞刀 就 出盡力 嚟 追 咯 喎 。
花榮 略略 帶住 馬 ，拈弓 取箭 ，扭轉 個身 ，𠻘噉 一箭 ，將 薛元輝 當堂 射 咗 落 馬 。
哦嗬 ！就 兩軍 一齊 吶喊咗 一聲 。
高廉 喺 馬上 見咗 嬲死 嚟 喇 ，急急 喺 馬鞍 鞽 前 便 攞咗 嗰 面 聚獸 銅牌 ，用 把 劍 去 撲噉 ，撲撲撲 敲咗 三下 。
只見 神兵隊 裏 便 又 捲起 一浸 黃沙 ，罩到 天昏地暗 日色 無光 啊 。
吶喊聲 一起 ，嗰啲 豺狼 虎豹 ，怪獸 毒蟲 ，就 喺 黃沙 裏 便 卷出嚟 咯 喎 。
宋江 嗰啲 軍隊 見到 咦 乜 又 嚟 喇 ，就 啱啱 想 走 啦 ；
公孫勝 喺 馬上 ，掹出 嗰 一把 松文古定劍 ，指住 敵軍 ，口中 念念有詞 喝一聲 ：疾 ！
只見 一道 金光 射出去 ，嗰班 怪獸 毒蟲 呀 就 喺 黃沙 裏 便 紛紛 噉 跌落嚟 。
大家 一 睇 下 ，唓 ，原來 都係 白紙 剪成 嘅 虎豹 走獸 ，啲 黃沙 當時 亦 冇 晒 喇 ，吹唔起 喇 。
宋江 見咗 就 用 條 鞭 一 指 ，大小 三軍 就 一齊 掩殺 過去 。
只見 人 亡 馬 倒 啊 旗 鼓 交 橫 。
高廉 急急 帶住 神兵 退返 入城 啦 。
宋江 兵馬 趕到 城下 ，城上 就 即刻 拉起 吊橋 ，閂埋 城門 ，嗰啲 擂木 炮石 零零林林 好似 落雨 噉 打落嚟 。
宋江 就 叫 打鑼 收兵 ，返到去 營寨 ，點 一點 人數 ，嘿 ，傷亡 甚少 。
呢次 就 打咗 場 大勝仗 ，大家 都 稱讚 公孫 先生 啊 ，神功 道行 高超 啊 ，跟住 就 賞賜 慰勞 三軍 喇 。
第日 ，宋江 分兵 四面 圍城 ，盡力 攻打 。
公孫勝 就 對 宋江 、吳用 話 ：尋晚 ，雖然 殺敗 敵軍 大半 啊 ，不過 嗰 三百 神兵 退咗 返 入 城 。
今日 我哋 攻佢 攻得 咁 緊 ，嗰個 傢伙 今晚 必定 會 嚟 偷營 劫寨 嘅 。
噉 ，今晚 我哋 收咗 兵 ，夜晚 喇 ，就 分開 四面 埋伏 ，呢處 就 虛 扎 營盤 ；
叫各個將領 ，一聽見雷響 ，見到寨裏頭火起 ，就一齊進兵 。
於是就即刻傳令落去啦 。
當日 攻城 攻到 未牌 時分 即係 下午 兩 三 點鐘 ，就 四面 收兵 還寨 喇 ，跟住 喺 營 裏 便 ，大吹大擂 飲酒 。
天黑喇 ，眾頭領 就 暗中 帶兵 分頭 出發 ，喺 四面 埋伏 晒 。
而家 講下 宋江 、吳用 、公孫勝 、花榮 、秦明 、呂方 、郭盛 ，就 上去 土坡 上面 等候 。
當晚 ，高廉 就 果然 點起 三百 神兵 ，各人 都 孭住 個 鐵葫蘆 ，裏 便 就 放住 硫黃 撲硝 ，煙火 藥料 嘅 。
個個 都 揸住 鉤刃 、鐵掃把 ，口裏 便 呢 都 銜住 哨子 。
二更 前後 ，佢 大開 城門 ，放 落 吊橋 。
高廉 一馬當先 ，率領 住 神兵 前進 嘞 ，背後 呢 ，就 帶住 三十幾個 騎兵 ，殺去 宋江 大寨 咯噃 。
上下到喇 ，高廉 喺 馬上 ，作起 妖法 ，嘿呀 ，黑氣 沖天 ，狂風 大作 ，飛沙走石 播土揚塵 啊 。
三百 神兵 ，攞出 火種 喺 個 葫蘆 口 上面 一 點點 着 ；
啲 哨子 一齊 吹響 ， 喺 啲 黑氣 中間 就 火光 罩 身 ， 大刀闊斧 啊 衝入 寨裏 頭 嚟 啦 。
只見 喺 高坡 上面 ，公孫勝 揸住 把 劍 ，一 使 法術 ，就 喺 個 空寨 嘅 平地 上 啊 ，喇轟噉 起 個 霹靂 。
三百神兵 ，急急褪後啦 ，只見 喺 空寨 當中 就 起火喇 ，火焰 亂飛 ，上下 通紅 ，冇路可出喇 。
四面埋伏嘅 兵馬 一齊 湧到 ，圍實 個 營寨 。
三百 神兵 呀 ，一個 都 走唔甩 ，冚𠾴 唥 殺死 晒 喺 寨 裏 便 。
高廉 就 急急 帶住 三十幾個 騎兵 ，就 趯返 入 城 。
背後 一支 軍馬 喇喇聲 追住 佢 ，乃係 豹子頭 林沖 。
眼睇住就嚟追上去喇 ，之高廉 已經到喇 ，急急叫放落吊橋 ，高廉 就狼狽噉 只係 帶得 八九個 騎兵 入城 ；
其餘呢 ，冚𠾴唥 畀 林沖 啊 連 人 帶 馬 生擒活捉 咗 去 。
高廉 入到 城 ，趕晒 啲 百姓 上 城 守衛 啊 。
呢一次 ，高廉 嘅 軍馬 神兵 ，就 畀 宋江 、林沖 就 殺到 絕 喇 。
第日 ，宋江 又 帶 齊人馬 四面 圍城 ，攻擊得 非常之 猛烈 。
高廉 就 諗嘞 ：我 咁多年 學得 嘅 法術 ，點知 今日 畀 佢 破咗 ，點算好 呢 ？
唯有 使人 去 鄰近 州府 求救 啦 。
於是 高廉 ，快快趣趣 寫咗 兩封 信 ，叫人 送去 東昌 同 寇州 。
呢 兩 笪 地方 呢 ，就 離開 高唐州 冇 幾 遠 。
高廉 諗住 呢 兩個 知府 啊 ，都 係 佢 阿哥 高俅 抬舉 嘅 人 ，噉 啊 請 佢哋 星夜 起兵 嚟 接應 。
當時 佢 派咗 兩個 帳前 統制官 ，帶住 信 ，打開 西門 就 殺出去 ，向住 西便 奪路 走咗 咯 。
噉 梁山泊 呢 便 嘅 頭領 呢 ，正 話 想 去 追趕 ，吳 用 命令 大家 話 ：由得 放佢 出去 啦 ，我哋 可以 將 計 就 計 啊 。
宋江 就 問 喇 ：軍師 有 何 妙計 啊 ？
吳用話 ：嗱 ，城裏 便 兵 微 將 寡 ，所以 佢 要 去 求救 吖 。
我哋 可以 用 兩支 人馬 ，扮成 係 救應軍兵 一路 混戰 。
噉 高廉 呢 ，必定 會 開門 出嚟 助戰 ，我哋 就 趁勢 一舉 攻城 ，將 高廉 引入 去 小路 ，噉 就 必定 會 捉到 去 啦嘛 。
宋江 聽咗 非常之 歡喜 ，就 命令 戴宗 啊 回去 梁山泊 ，另外 調 兩支 軍馬 分作 兩路 嚟 。
噉 而家 講 下 高廉 佢 每晚 都 喺 城 裏 便 嘅 空曠 地方 啊 ，堆起 啲 柴草 ，成日 咁 放火 為 號 ，一味 盼望 救兵 嚟 啦 。
過咗幾日 ，守城 嘅 軍兵 ，望見 宋江 嘅 陣 裏 便 不戰 自亂 ，就 連忙 去 報告 咯噃 。
高廉 聽咗 ，就 即刻 披掛 上城 嚟 觀察 喇 ，只見 兩路 人馬 ，戰塵 蔽日 ，喊殺 連天 就 衝緊 前嚟 。
四面圍城 嘅 軍馬 就 四散 奔走 。
高廉 諗住 係 兩路 救兵 到喇 ，就 帶住 所有 在城 軍馬 ，大開 城門 就 分頭 掩殺 出去 咯噃 。
高廉 一直 撞 到 宋江陣 前 ， 睇 見 宋江 帶住 花榮 、 秦明 ， 騎住 馬 向 小路 退卻 。
高廉 就 帶住 人馬 急急 去 追趕 啦 ，忽然間 ，聽見 山坡 後 便 乒乒乓乓 連珠炮 響 ，個 心思疑 啊 ，即刻 叫 收兵 。
點知 兩便 嗙嗙聲 打響 個 鑼 ，左手 便 ，呂方 ，右手 便 ，郭盛 ，各人 帶住 五百 人馬 衝過嚟 。
高廉 就 即刻 奪路 逃跑 啦 ，佢 部下 嘅 軍馬 ，損失 咗 成 大半 。
佢 跑 到 戰場 中心 嘅 時候 ， 望見 城樓 上 已經 冚𠾴唥 插 滿 梁山泊 嘅 旗號 喇 。
再 四圍 望 下 ，哈 ，冇 一處 係 救應 軍馬 嚟 ，就 只有 帶住 啲 殘兵 敗卒 ，就 向住 荒僻 嘅 小路 逃跑 啦 。
跑咗 唔夠 十里 ，山 背後 撞出 一彪 人馬 。
當先 擁出 病尉遲 孫立 ，攔住 去路 ，大聲 高叫 話 我等 你好耐 喇 ，乖乖地 落馬 受綁 ！
高廉 想 退返去 ，點知 背後 又 有 一彪 人馬 攔住 去路 。
當先 一員 大將 ，乃係 美髯公 朱仝 。
噉 兩面 夾攻 過嚟 ，四面 都 攔住 去路 。
高廉 呢次 連 馬 都 唔 要 喇 ，走 上 山 咯 喎 。
噉啊 四便啲 梁山人馬 一齊 追上 山 ，高廉 慌忙 口中 念念有詞 ，喝一聲 話 ：起 ！
噉啊駕住 一片 黑雲 就 飛咗 上天 ，一直 上到 山頂 。
只見山坡旁邊 ，公孫勝 行咗出嚟 ，佢 一見咗 就 將把劍啊 ，向住 空中 舞咗幾舞 ；
口中 亦都 念念有詞 ，喝 一聲 ：疾 ！將 把 劍 向 上面 一 指 ，就 只見 高廉 喺 雲 中 倒撞 落 嚟 ；
側跟 插翅虎 雷橫 一步 搶上前 ，一朴刀 就 將 高廉 斬成 兩橛 。
正是 可憐 五馬 諸侯 貴 ，就 化作 南柯 夢裏 人 咯 。
噉而家 講下 雷橫 就 提住 高廉 嘅 首級 ，噉啊 人馬 都 落晒 山 喇 ，就 派 人 先 去 飛報 畀 主帥 知 。
宋江 聽講 殺咗 高廉 ，就 收兵 進入 高唐州 城 嘞 。
首先 ，就 傳下 將令 ，不得 傷害 百姓 ；
一便呢就出榜安民 ，秋毫無犯 。
跟住 ，即刻 就 去 監牢 想 救 柴大官人 出嚟 。
嗰陣時候啊 ，嗰啲 當牢節級啊 ，押獄 、禁子 都 走清光 ，只係 得 四五十 個 罪犯 喺 處 啫 。
宋江 叫 人 冚𠾴 唥 同 佢哋 開咗 枷鎖 釋放 佢哋 。
哈 唯獨 是 喺 啲 犯人 裏 便 就 係 唔 見 柴大官人 。
宋江 個 心 就 好 憂悶 啦 ，搵下 搵下 ，搵到 一 間 監房 呢 ，就 韞住 柴皇城 一家 老小 ；
另外一座 監牢 裏 便 ，就 韞住 由 滄州 捉嚟 嘅 柴進 一家 老小 。
就為因 連日 廝殺 啊 未曾 審問 發落 。
又搵嚟搵去啊 ，就係搵唔到 柴大官人噃 。
吳學究 呢 ，就 叫 人 搵 齊 高唐州 押獄 、禁子 嚟 問 佢哋 。
其中 有 一個 稟告 說 喇 ：
小人 ，係 當 牢 節級 藺仁 ，前 嗰 排 ，得到 知府 高廉 嘅 命令 ，專一 嚴密 監守 柴進 。
佢 又 吩咐 話 ：但凡 有 咩 嘢 咿逳 ，你 就 落手 啦噉 。
三日 之前 ，知府 高廉 要 押 柴 進出 嚟 落 刑 。
小人 為 因 ，見到 佢 係 個 好人 ，就 唔忍 落手 ，就 推搪 話 柴 進 病 到 就嚟 死喇 ，不必 落手 啊噉 。
噉 收尾 催得 好 緊 ，小人 就 回覆 佢 話 柴進 死咗 咯 。
因為 連日 廝殺 ，知府 唔得閒 ，不過 小人 又 怕 佢 派人 落嚟 睇 ，知道 我 呃 佢 噉 就 唔得了 㗎 。
所以 尋日 就 帶 柴 進去 後面 一個 枯井 嗰度 ，同 佢 開咗 枷鎖 ，放咗 佢 落去 裏 便 躲避 ，而家 就 唔知 生死 喇 。
宋江 聽咗 就 連忙 叫 藺仁 啊 就 帶 人 去 搵 啦 。
嚟到 後 便 間 牢房 枯井 旁邊 ，裝裝 落去 ，嘩嗨 ，見到 裏頭 呀 黑𠵼𠵼 嘅 ，都 唔知 幾 深 幾淺 。
喺 上面 嗌 下 呢 亦 冇 人 應 喎 。
宋江 就 諗 唉 柴 大官人 呢次 呀 實係 冇咗 咯 。
