嗰日 ，李逵 就 唔 聽 戴宗 話 ，偷偷地 就 買 酒 飲 買 牛肉 食 ，仲 講 大話 添 。
點知 畀 戴宗 撚化 咗 佢 一大餐 ，教訓 咗 一輪 ，李逵 就 唔服 都 唔得 嘞 。
當晚 ，佢哋 喺 客店 投宿 。
戴宗 叫 李逵 啊 買咗 啲 齋酒 齋飯 食咗 ，煲 啲 熱水 洗咗 腳 ，就 上床 瞓覺 。
瞓 到 第二 朝早 五更 起身 ， 啷 口 洗面 完 咗 喇 ， 食 咗 飯 ， 畀 咗 房錢 ， 兩個 又 起程 。
行咗唔到 三里路 ，戴宗 就 攞出 甲馬 嚟喇 ，佢 話 ：
兄弟 ，今日 同 你 只係 綁 兩隻 ，等 你 行 慢啲 。
李逵 話 喇 ： 誒 老豆 啊 ， 吖 我 唔 綁 喇 。
戴宗 話 啦 ：你 既然 聽 我 話 咯 ，我而家 同 你 做 正經事 晒 嘛 ，點 會 撚化 你 呢 ？
嗱 ，如果 你 唔 聽 我 話 ，我就 叫 你好似 尋晚 噉 ，一直 釘 喺 呢處 嚟 。
等到 我 去 薊州 搵到 公孫勝 返嚟 先至 放 你 。
李逵 就 話 啦 ：誒 我 聽 ，我 聽喇 。
於是 戴宗同 埋 李逵 啊 ， 當日 每人 都 係 綁 兩個 甲馬 ， 作起 神行法 ， 戴宗 就 拖住 李逵 一齊 行 。
嘿 ，原來 戴宗 個 法術 啊 ，要 行 就 行 ，要 停 就 停晒 喇 。
李逵 從此 之後 呢 ， 哈 認真 聽話 ， 一路上 ， 只 係 買 啲 齋 酒 齋飯 食 ， 食 咗 就 行 。
呢 ，啰嗦 就 唔 講 佢 喇 吓 。
噉佢 兩個人 用 神行法 啊 ，行咗 唔到 十日 ，就 嚟到 薊州 城外 ，搵 一間 客店 住落 。
第日 ，兩個 入城 啦 。
戴宗 就 扮做 個 主人 ，李逵 就 扮做 個 僕人 。
喺 城裏 便 兜嚟兜去 搵咗 成日 ，並 冇 一個 人 認得 公孫勝 晒 。
搵唔到咯 ，噉 兩個 返去 客店 休息 啦 。
第日 ，又 入城 ，喺 大街小巷 ，足足 又 搵咗 一日 ，亦係 絕無 消息 。
李逵 就 心急 喇 佢 鬧 喇 ：
嗰個 噉嘅 乞兒 道人 ，都 唔知 匿埋 喺 邊處 嚟 ！
如果 我 搵到 佢 呀 ，我 揪住 佢 去 見 大哥 。
戴宗 話 佢 喇 ：嗱 你 又 嚟 喇 吓 ，你 唔 聽 我 話 ，我 又 整 煲 傑 嘢 你 歎 下 晒 。
誒 ， 誒 ， 我 發牙痕 係 噉 噏 下 啫 ， 誒 唔 ， 唔 敢 喇 ， 唔 敢 喇 。
戴宗 又 吟 沉咗 佢 幾句 ，李逵 唔敢 出聲 。
當晚 ，兩個人 又 返去 客店 休息 。
第二 朝早 一早 起身 ，呢次 唔 入 城 喇 ，就 去 城外 附近 嘅 村鎮 啊 到處 咁 搵 。
戴宗 就 凡係 見到 啲 老年人 ，都 行 個 禮 ，問 佢哋 公孫勝 先生 屋企 喺 邊處 住 啊噉 ，之 冇 一 個 人 認得 嘅 。
戴宗 呀 問咗 幾十個 地方 。
當日 中午 嘅 時候 ，兩個人 行到 肚 都 餓晒 ，喺 路邊 ，見到 有 間 齋麵店 ，噉 就 兩個 入去 買 啲 點心 食下 啦 。
裏頭呀 ，坐到 滿晒 ，一張 空枱 都冇喇 ，咁 佢 兩個 唯有 企 正 喺 過道 嚟喇 。
個夥記 就 話 ：兩位 客官 要 食 麵 呀 ？唔該 同 呢位 老人家 搭 枱 啦 。
戴宗 見到 個 伯虎 ，一個人 就 坐 喺 張 大 枱 嚟 ，就 對 佢 行咗 個 禮 ，同 佢 打 對面 坐落 。
李逵 呢 就 坐 喺 戴宗 隔籬 。
戴宗 就 吩咐 夥記 啊 煮 四 碗 麵 嚟 噉 。
戴宗話 ：我 食 一碗 ，你 食 三碗 都 夠 咯啩 ？
李逵 話 ： 唔 得 ， 煮 六碗 嚟 我 一個 人 都 食 晒 啊 。
個夥記 聽咗 都 笑起上嚟 。
等咗半日 ，仲唔見 攞麵 嚟噃 。
李逵 見到 啲 麵 呀 都 捧晒 入去 裏 便 嚟 ，個 心 已經 有 五成 唔 高興 。
過 咗 一陣 ， 見到 個夥 記 攞 咗 一碗 麵 ， 熱氣騰騰 ， 擺 喺 同 枱 坐 個 伯 虎 面前 。
嗰個 伯虎 一啲 都 唔 謙讓 啊 ，攞起 麵 就 食 。
嗰碗麵 就 好 熱 ，噉 伯虎 低住 頭 瀡瀡聲 噉 伏 喺 張 枱 處 食 。
李逵 就 性急 ，見 仲 唔 攞 麵 嚟 就 嗌咗 聲 話 ：夥記 ，你 叫 老爺 等 咗 半日 ，仲 唔 攞 嚟 啊 ！
啪噉一下 ，將 張 枱 一拍 ，瀄 到 嗰個 伯虎 呀 成面 熱湯 ，成 碗 麵 都 倒瀉晒 。
嗰 個 伯 虎 嬲 嘞 ， 過 嚟 揪住 李逵 喝 佢 話 喇 ： 你 你 做 咩 嘢 啊 你 吓 ， 啊 ， 啊 打瀉 咗 我 碗 麵 添 你 啊 。
李逵 揸起 拳頭 要 打 個 伯虎 ，戴宗 就 連忙 喝住 佢 。
佢 同 伯虎 賠禮 話 ：對唔住 啊 老伯 ，唔好 怪 佢 ，小人 賠返 一碗 麵 畀 你 就係 啦 。
個伯爺 公話 喇 ： 哎呀 ， 客官 你 唔 知 啊 。
我呀 ，要 去 好遠 路㗎 ，我 要 快啲 食完 碗麵 就 返去 聽講 ，一 遲 親呢 就 耽誤 㗎 喇 。
戴宗 就 問 喇 ：老伯 係 邊處 人 啊 ？聽 邊個 人 講 乜嘢 呢吓 ？
個 伯爺 公話 ：老漢 係 呢處 薊州 屬下 九宮縣 ，二仙山 下 嘅 人氏 。
而家 入城 啊 要 買 啲 好香 返去 ，聽 山上 羅真人 ，講 長生不老 之 法 啊 。
戴宗諗 ：唔通 公孫勝 亦 會 喺 嗰處 嚟 ？
就問個伯爺公話 ：老伯 ，你 嗰處 有冇 一個 公孫勝 啊吓 ？
客官 ，如果 你 問 第二個 人 呢 ，佢 就 一定 唔 知道 嘞 ，因為 識得 佢 嘅 人 係 唔 多 啊 。
老漢 咁啱 同 佢 係 隔籬 鄰舍 ，嚱 。
佢 係 得 個 老母 喺 屋企 嚟 。
呢 個 先生 一向 雲遊 在外 ， 而家 叫做 公孫一清 啊 。
人人 都 叫 佢 做 清道人 嘅 啫 ，都 冇 叫 佢 做 公孫勝 嘅 。
呢個 係 佢 俗名 嚟 ，冇人 知 㗎 。
戴宗 又 話 喇 ：嘿 ，真係 踏破 鐵鞋 無 覓處 ，得來 全 不 費 工夫 啊 。
老伯 ，九宮縣 二仙山 離開 呢處 幾遠 呢 ？清道人 喺 唔 喺 屋企 啊 ？
伯爺公 就 話 ：二仙山 離開 呢處 四啊五里 就係 咯 。
清道 人 佢 係 羅真人 嘅 上首 徒弟 ，佢 師父 唔 畀 佢 離開 左右 㗎 。
戴宗 聽咗 非常之 高興 。
連忙 催 個 夥記 攞 面 嚟 ，同 嗰個 伯虎 一齊 食咗 喇 ，畀咗 錢 ，行 出 間 麵店 ，問 明 咗 道路 。
戴宗 話 喇 ：老伯 你 行先 喇 ，小人 去 買 啲 元寶 蠟燭 ，跟住 就 嚟 喇 。
於是 個 老人 ，告別咗 走喇 。
戴宗 、李逵 返到 客店 ，攞咗 行李包袱 ，再 綁 上 甲馬 ，離開咗 客店 ，兩個人 就 去 九宮縣 二仙山 啦 。
戴宗 一 使 起 神行法 呀 ，四十五 里 咋嘛 ，眨 下 眼 就 到 喇 。
兩個人 嚟到 縣城 前便 ，問下 二仙山 喺邊度 啊噉 。
噉 有人 指畀佢睇 ：呢嗱 ，離開 呢處 向 東 便 行 ，五里路 就係 喇 。
佢 兩個 就 跟住 人哋 指 嘅 方向 ，果然 行咗 唔使 五里 ，就 望見 嗰座 仙山 。
只見 青山 削翠 ，碧岫 堆 雲 ，兩崖 分 虎踞 龍盤 ，四面 有 猿啼 鶴唳 啊 ；
雲 封 山頂 ，日 掛 林梢 ，飛泉 瀑布 ，流水 潺漫 ，真係 秀麗 啊 。
當時 戴宗 、李逵 嚟到 二仙山 下 ，見到 有個 打柴佬 ，戴宗 同 佢 行個 禮 就 問 喇 ：
借問 呢處 清道 人 屋企 喺 邊處 啊 ？
個 打柴佬 就 指 畀 佢哋 睇 ：嗱 ，過咗 呢度 東便山嘴 ，門外 有 條 石橋仔 嘅 就係 喇 。
佢 兩個 行過咗 個 山嘴 ，果然 見到 有 十幾間 草房 ，一迾 矮 圍牆 圍住 嘅 ，牆外 有 一座 石橋仔 。
兩個人 嚟到 橋邊 ，哈 ，見到 有 個 鄉下 姑娘 挽住 一籃 新鮮 嘅 水果 行出嚟 。
戴宗 行 個 禮 問 佢 話 ：
娘子 喺 清道人 屋企 出嚟 ，清道人 喺 唔 喺 屋企 啊 ？
個 姑娘 話 喇 ：喺 屋 後 煉丹 啊 佢 。
戴宗 個 心 就 暗暗 歡喜 ，就 吩咐 李逵 話 ：嗱 ，你 喺 樹 嘅 背後 匿埋 一陣 先 。
等我 入去 搵佢 ，見到 佢 喇 我 就 嗌 你 嚟 啦 吓 。
戴宗 入到 去 裏 便 睇下 ，見到 一迾 三間 草房 ，門口 掛住 一張 草簾 。
戴宗 咳嗽 咗 一 聲 ，就 見到 有 個 白髮蒼蒼 嘅 老婆婆 喺 裏 便 行 出嚟 喇 。
戴宗 就 行咗 個 禮話 ：阿婆 ，小人 想 見 一見 清道人 啊 。
個 伯爺 婆 就 問 喇 ：官人 高 姓 啊 ？
小人 姓 戴 ，名 宗 ，喺 山東 嚟 嘅 。
哦 ，我 個仔 出咗 去 雲遊 噃 ，未曾 返 屋企 啊 。
小人 係 佢 舊時 相識 ，有句 好緊要 個 說話 講 佢 聽 ，就 求 見 一面 啫 。
佢 唔 喺 屋企 嚟 ，有 咩 嘢 說話 你 就 講落 啦 。
等佢返嚟咯 ，我就話佢聽 。
哦 ，噉 小人 第日 再嚟 啦 ，再見 。
戴宗 辭別 咗 個 伯爺 婆 ，一 出去 就 搵 李逵 話 喇 ：
嗱 ，呢次 用得着 你 喇 ，先頭 個 老母 話 ，佢 唔 喺 屋企 。
而家 你 再 去 請 佢 ，如果 佢 仲 講 唔 喺 處 呢 ，你 就 打起 上嚟 。
喂 ， 不過 噉 啊 ， 詐 假意 打 咋 吓 ， 唔 能夠 傷 犯 佢 老母 啊 。
等我 嚟 喝 嘅 時候 呢 ，你 就 停手 ，吓 。
李逵 就 去 包袱 ，攞出 對 板斧 嚟 ，插 喺 腰 兩便 ，噔噔噔 入到 門 裏 便 ，嗌 咗 聲 話 搵 個 人 出嚟 ！
個 伯爺 婆 連忙 行 出嚟 話 ：係 邊個 啊 ？
嗯 ，見到 李逵 瞪大 雙眼 ，凶神惡煞 噉 啊 已經 八成 怕 佢 喇 。
大哥 有 咩嘢事 啊 ？
我係 梁山泊 黑旋風 ，奉咗 阿哥 嘅 將令 ，叫我 嚟 請 公孫勝 。
你 嗌 佢 出嚟 就 佛眼相看 ，如果 唔肯 出嚟 ，我 就 放 一把 大火 ，將 你 屋企 燒 成 平地 ！
咪話 我 唔講 啊吓 ，早早 出嚟 ！
誒 ， 好漢 ， 你 唔 好 噉 啦 ， 唔 好 噉 喇 ， 我 呢 度 唔 係 公孫勝 屋企 啊 ， 叫做 清 道人 㗎 。
你 即管 叫 佢 出嚟 ，我 認得 佢 個 衰樣 㗎喇 。
佢 出外 雲遊 未 返 呢 。
李逵 唔 聽 咁多 喇 ，掹出 對 斧頭 ，乒乓 噉 就 斬 冧咗 一 埲 牆 。
伯爺 婆 連忙 上去 攔住 佢 啦 ，李逵 話 喇 ：你 唔 叫 你個仔 出嚟 ，我 就 殺咗 你 ！
攞起 斧頭 就嚟 斬 咯 喎 ，嚇到 個 伯爺 婆 呀 跌 喺 地下 嚟 。
呢個 時候 ，只見 公孫勝 喺 裏 便 行出嚟 嗌話 ：不得無禮 ！
哈哈 ，有 詩 為 證 啊 ：
藥爐 丹灶 學 神仙 ，遁跡 深山 了 萬緣 。不是 凶神 來 屋 裏 ，公孫 安 肯 出 堂前 呢 。
戴宗 亦 都 跟住 行 入嚟 喝 佢 話 ：
鐵牛 ，點解 你 嚇 成 伯母 噉 啊 ！
戴宗 連忙 扶返起 個 伯爺 婆 。
李逵 亦 擪 返起 對 斧頭 ，行咗 個 禮 話 ：阿哥 ，你 唔好 怪 我 ，唔係 噉樣 ，你 就 唔肯 出嚟 喇 。
公孫勝 扶咗 個 老母 入去 先 ，然後 行返出嚟 請 戴宗 、李逵 入去 一 間 靜室 坐落 。
佢 話 ： 哎 ， 真 係 難 為 兩位 ， 搵 到 呢 處 嚟 啊 。
戴宗話 ：
自從 師父 落山 之後 ， 小弟 已經 嚟 薊州 搵 過 一次 㗎 喇 ， 之點 都 打聽 唔 到 你 嘅 消息 ， 只 係 搵 咗 一班 兄弟 上山 。
呢次 宋公明 大哥 因為 去 高唐州 救 柴大官人 ，被 個 知府 高廉 ，用 妖法 贏 咗 兩三陣 ，冇 晒 辦法 ，只有 叫 小弟 同 李逵 嚟 請 你 。
行勻薊州 ，都 搵唔到 。
哈 ，亦 有 咁啱 得 咁巧 喎 ，喺 一 間 麵鋪 裏 便 ，得 一 個 老伯 指引 就 嚟到 呢 處 。
啱先見到 個 姑娘 ，話 師父 你 喺 屋企 燒煉丹藥 ，但係 伯母 口口聲聲 話 你 唔 喺度 ，因此 就 使 李逵 激 師父 你 出嚟 啫 。
呢一點 確實 係 莽撞 過頭 咯 ，望 師父 恕罪 啊 。
宋公明 阿哥 喺 高唐州 度日如年 ，請 師父 你 立即 起程 ，挽救 危難 成全 大義 啦 。
公孫勝話 ：貧道 幼年 飄蕩 江湖 ，時時 同 各位 好漢 相聚 。
自從 梁山泊 分別 回鄉 之後 呢 ，唔係 話 有意 失信 。
確係 一來 母親 就 年老 ，冇人 侍奉 ；
二來 師父 羅真人 就 留住 喺 身邊 。
就怕 有人 嚟 搵 嘞 ，所以 改咗 名 叫 清道人 ，隱居 喺 呢處 。
戴宗話 ：而家 宋公明 正在 危急 之際 啊 ，師父 你 慈悲 ，無論如何 行一趟 啦 。
唉 ，無奈 我 老母 冇人 贍養 ，我 師父 羅真人 又 點 肯 放 我 去 呢 ？
實在 唔 去得 呢 。
戴宗 就 跪低 再 拜 懇求 ，公孫勝 就 扶起 戴宗 ，佢 話 ：好啦 好啦 ，再 諗過 先 啦 。
公孫勝 就 留住 戴宗 、李逵 喺 淨室 裏 便 坐 ，安排 咗 啲 齋酒 齋菜 款待 佢哋 。
三個人 食咗 一陣 ，戴宗 又 苦苦 哀求 話 ：
如果 師父 你 唔肯 去 ，宋公明 實 被 高廉 捉咗 去 㗎 。
山寨 大義 從此 就 絕咯 。
公孫勝 話 ：噉啦 ，等 我 去 問 下 羅真人 先 啦 。
如果 佢 肯 畀 我 去 喇 ，就 一齊 去 。
戴宗話 ：好啊 ，噉 而家 我哋 就 去 問 羅真人 呢 。
你 寬心 住 一晚 ，聽朝早 先至 去 啦 。
唉 ，宋大哥 喺 嗰度 一日 呀 ，就 好似 一年 咁 長 啊 ，勞煩 師父 你 而家 就 去 行 一趟 啦 。
噉好啦 。於是 公孫勝 就 企起身 ，帶住 戴宗 、李逵 離開 屋企 ，一路上 二仙山 。
呢個 時候 已經 係 秋 殘 冬 初 時分 ，日 短 夜 長 個 天 黑 得 好 快 ，行 到 半山腰 ，就 已經 紅日 西沉 喇 。
喺 松陰 裏 便 有 一條 小路 ，一直 嚟到 羅真人 間觀 前面 。
見到 有 個 朱紅 牌額 ，上面 寫住 紫虛觀 三個 金字 。
三個人 ，喺 大門 外 便 間亭 處 ，整理 下啲 衣服 ，然後 行入 大門 ，直筆 去 大殿 後 便 嗰 間 松鶴軒 。
有 兩個 道童 ，見到 公孫勝 帶咗 人 入嚟 就 報知 羅真人 啦 。
羅真人 就 吩咐 請 佢哋 三個人 入嚟 噉 。
噉啊當時公孫勝啊 ，就 帶住 戴宗 、李逵 ，入到去 松鶴軒 裏便 。
真人 就 啱啱 拜完 神 ，坐 喺 雲床 上 便 。
公孫勝 行上前 ，行禮問候 ，然後 好恭敬噉 企喺 一便嚟 。
戴宗 慌忙 跪低 行禮 。
李逵 呢 ，佢 唔理 咁多 ，就 一味 瞪大 雙眼 望實 就係 喇 。
羅真人 就 問 公孫勝 話 ：呢 兩位 喺 邊處 嚟 㗎 ？
公孫勝話 ：佢哋 就係 往日 弟子 稟告 過 師父 嘅 山東 結義 嘅 朋友 。
而家 因為 高唐州 知府 高廉 ，法術 非常 厲害 ，我 兄長 宋江 ，特意 叫 佢哋 兩位 嚟 呢處 叫 弟子 去 啊 。
弟子 未敢 擅作主張 ，故此 嚟 請問 師父 。
你既然脫離火坑咯 ，學煉長生 ，點能夠再羨慕人間境地啊 ？
戴宗 跪低 再拜 話 ：
請 真人 暫時 放 公孫先生 落山 ，破咗 高廉 ，就 送 佢 還山 係啦 。
兩位 唔 知道 ，此 非 出家人 應 管 之 事 啊 。
你哋 返 落山 再 商量 啦 。
公孫勝啊 只有 帶佢哋 兩個人 離開咗 松鶴軒 ，漏夜 落山 。
李逵 就 問 喇 ：嗰個 老神仙 先生 講 咩 嘢 啊 吓 ？
戴宗話喇 ：乜 你 冇 聽見 咩 ？
我 都 唔知 佢 噏 乜 東東 。
佢 即係話 叫 公孫先生 唔好 去 啊噉 。
李逵 聽咗 就 嗌起 上嚟 話 ：咩話 ？哼哼 ！
我哋 兩個 行咗 咁 遠 路 ，千難萬難 搵到 來 呢處 ，乜 放出 個 噉嘅 屁 呀 ！
嘿嘿 ， 咪激 嬲 老爺 我 呀 ， 我 一手 捻碎 你 個 道觀 ， 一隻 手 揸 住 你條 腰帶 ， 將你個 老賊 道 打倒 頭 掟 咗 落山 吓 。
你 又 試想 釘住 對 腳 係咪 啊 ？
誒 ， 唔 敢 ， 唔 敢 唔 敢 ， 誒 我 自己 噏 嚟 ， 貪口 爽 嘅 啫 ， 唔 唔 講喇咯 講咯 。
三個人 再 返到 公孫勝 屋企 ，當晚 就 煮咗 啲 晚飯 食咗 。
公孫勝 話 喇 ：喺度 住 一 晚 先 ，明天 先至 再 去 懇求 師父 啦 。
如果 肯 就 去 啦 。
戴宗 同 佢 講咗 聲 早唞 ，就 同 李逵 收拾好 行李 ，去 個 靜室 裏 便 瞓喇 。
兩個人 瞓到 五更 左右 ，李逵 就 靜雞雞 爬起身 。
聽見 戴宗 啊 瞓到 噘噘聲 ，李逵 就 諗嘞 ：
真係 畀佢 激爆 嚟 啊 。
你 原來 係 山寨 嘅 人 ，真係 問 乜嘢 個 鬼 師父 呢 ！
如果 聽朝 嗰個 傢伙 又 唔 肯 ，噉咪 誤咗 阿哥 嘅 大事 ？
嗯 我 唔 忍得 喇 ，等 我 去 殺咗 個 老賊 道 ，等 你 聽日 冇人 問 ，噉 唔 同 我 去 都 唔 得 喇 你 。
李逵 當時 就 摸到 兩把 板斧 出嚟 ，靜靜 開咗 房門 ，趁住 星月 明朗 一步步 就 摸上 山 。
去到 紫虛觀 前 便 ，咦 ，見到 兩 扇 大門 閂 到 實一實 。
再一睇 ，啊 ，見到 旁邊 嘅 籬笆 唔係 點 高 個 啫 。
李逵 就 啪聲 跳咗 過去 ，開咗 大門 ，一步步 摸入去 裏 便 咯喎 。
去到 松鶴軒 前便 ，隔住 窗門 聽見 有人 喺度 念緊 經 。
李逵 就 擒 上去 用 條 脷 舐 破 窗紙 裝 下 ，原來 見到 羅真人 啊 獨自 一 個 人 坐 喺 雲床 上 便 。
面前 張 几仔 呢 ，就 焚住 一爐 好香 ，點住 兩支 蠟燭 ，大大聲 噉 喺度 讀經 。
李逵 話 ：呢個 賊道 呀 ，注定 佢 該死 㗎 喇 。
一閃閃過門邊 ，用個手一推 ，咿噉推道門入去 。
李逵 一 衝入去 ，提起 斧頭 ，對住 羅真人 嘅 頭殼 就 劈落去 ，將 佢 劈倒 喺 雲床 之上 流出 啲 血 嚟 噃 ，誒 ，啲血 白色 嘅 。
李逵 見到 就 笑喇 ：
哈哈 ，睇嚟 呢個 賊道 係 個 童男 身 嚟 ，頤養 得 嗰啲 元陽 真氣 未曾 洩 㗎 ，真係 半點 紅 都 冇 個 喎 。
李逵 再仔細 睇下 ，嘩 ，連 嗰 頂 道冠 都 劈開 做 兩半 ，嗰個 頭 呀 ，一直 斬 到 落 條 頸 處 。
李逵 話 ：好 ，呢次 除咗 一害 ，唔憂 公孫勝 唔去 喇 呢趟 。
轉身 出咗 松鶴軒 ，由 側 跟廊 下 就 趯 出去 ，咦 ，見到 有 個 青衣 童子 攔住 李逵 ，佢 喝 佢 話 ：
你 殺咗 我 師父 ，想 走 去 邊處 啊 ？
李逵 話 ：你 呢個 小賊 道 亦 吃 我 一斧 ！
手起斧落 ，將 嗰個 道童 斬咗 落地 。
噉啊 兩個人 都 畀 李逵 斬咗 咯 。
李逵 笑喇 ：走人喇 我 ，嚱嚱 。
佢 出咗 觀門 ，飛噉 趯 落 山 。
返到 公孫勝 屋企 閃入去 ，閂 返 埋 道門 ，返入去 淨室 。
聽見 戴宗 呀 仲 未曾 醒 ，李逵 又 碌 低 瞓 返 喇 。
到天光喇 ，公孫勝 就 煮咗 早飯 款待 兩個 食咗 。
戴宗話 ：唔該 先生 再 同 我哋 兩個人 上山 懇求 真人 啦 。
李逵 聽咗 呀 ，喺 個 肚處 偷笑 啊 ：嚱 ，仲 上山 懇求 真人 ，我 睇 你 懇求 邊個 至得 。
佢哋 三個人 上返 山 ，入到 紫虛觀 松鶴軒 裏 便 。
見到 兩個 道童 ，公孫勝 就 問 喇 ：真人 喺 邊處 啊 ？
個 童子 就 話 ：真人 坐 喺 雲床 上面 養性 啊 。
李逵 一聽 就 吃咗 一驚 喇 ：哎呀 ，乜 仲 喺 處 啊 ？
嗰條舌 伸咗出嚟 半日 縮唔返入去 。
三個人 擸起 門簾 ，入去 睇下 ，果然 見到 羅真人 坐 喺 雲床 上面 中間 。
李逵 個 心 諗 嘞 ：哎 ，唔通 尋晚 殺 錯咗 ？
羅真人 就 話 ：你哋 三個人 又 嚟 咩嘢事 幹 啊 ？
戴宗話 ：特意 嚟 哀求 師父 大發慈悲 ，拯救 眾人 免除 危難 。
呢個 黑大漢 係 邊個 啊 ？
係 小人 嘅 義弟 ， 姓 李名逵 。
哈哈哈哈哈哈 ，本來 ，我 就 唔想 畀 公孫勝 去 㗎喇 ，睇在 佢 嘅 面 上 ，噉 就 叫 公孫勝 去 行 一 趟 啦 。
戴宗 好 歡喜 ，叩頭 拜謝 。
李逵 就 得 戚 喇 ，個 心 諗 ：哼 ，呢個 傢伙 知道 我要 殺佢 ，而家 又 改咗 口 呢喇 。
羅真人 話 喇 ：我 叫 你哋 三個人 一陣間 咁耐 就 去到 高唐州 喇 ，噉 好唔好 吖 ？
三個人 梗係 話 好啦 。
戴宗 就 諗 ：哎 ，呢個 羅真人 呀 ，又 叻過 我 嘅 神行法 。
羅真人 叫 個 道童 攞 三條 手巾 嚟 。
戴宗話 ： 師父 ， 點至 能夠 使到 我 哋 好 快 去 到 高唐州 呢 ？
羅真人 起身 話 喇 ：你哋 跟 我 嚟 。
三個人 跟住 羅真人 出咗 觀門 之外 嘅 石岩 上便 。
羅真人 首先 攞出 一條 紅手巾 ，鋪 喺 石 上面 話 ：弟子 你 企 上去 啦 。
公孫勝 雙腳 企 喺 上便 ，羅真人 將 衫袖 一 拂 ，喝咗 聲 ：起 ！
嗰 條 手巾 仔呀 ， 即刻 變 咗 一片 紅雲 ， 載住 公孫勝 ， 拂 ， 拂 ， 拂 ， 拂 ， 慢慢 噉 啊 騰空而起 喎 ， 離開 個山 約莫 有 二十 零丈 。
羅真人 又 喝咗 聲話 ：停 ！嗰片 紅雲 就 唔逳 喇 。
羅真人 又 鋪低 一條 青手巾 ，叫 戴宗 企 上去 喝咗 聲 ：起 ！
嗰條 手巾 就 化作 一片 青雲 ，載住 戴宗 就 升起 喺 半空中 。
一青一紅兩片雲 ，就好似 席 咁大嘅 ，喺 天上面 沊沊噉 轉 。
李逵 就 睇到 擘大個口 傻晒 。
呢個 時候 ，羅真人 攞 咗 條 白手巾 鋪 喺 石 上 便 ，嗌 李逵 企 上去 。
李逵 就 話 喇 ：哈哈 ，喂 ，你 唔好 開玩笑 喎 ，如果 跌落嚟 呀 ，個 頭殼 起 個 好 大 高樓 㗎 吓 。
羅真人話 ：你 見唔見 佢哋 兩個 啊 ？
於是 李逵 咪 企 喺 手巾 上 便 咯 。
羅真人 嗌咗聲話 ：起 ，嗰條手巾 變咗 一片 白雲 就 飛起 上去 。
李逵 就 嗌 喇 ： 誒 ， 誒 ， 誒 我 呢 個 好 唔 穩陣 啊 ， 誒 誒 ， 放 我 落 嚟 ， 放 我 落 嚟 ！
羅真人 將 右手 一擪 ，嗰個 青色 紅色 嗰 兩片 雲 啊 ，平平穩穩 噉 落返落嚟 。
戴宗 拜謝 過 ，好 恭敬 噉 企 喺 面前 ，公孫勝 呢 就 企 喺 左手便 。
李逵 喺 上面 就 嗌 喇 ： 喂 ， 喂 ， 唔 得 啊 ， 誒 我 要 屙 屎 屙 尿 㗎 喇 ， 你 唔 畀 我 落 嚟 ， 誒 我 兜頭 就 屙 落 嚟 㗎 喇 。
羅真人 就 問 佢 喇 ： 我 哋 係 出家人 ， 冇 得罪 過你 吖 ， 你 因 乜 事 幹 尋晚 黑 擒 牆入 嚟 ， 用 斧頭 劈 我 啊 ？
如果 我 冇 道行 就 已經 畀 你 殺 咗 喇 ， 你仲殺 咗 我 一個 道童 添 啊 。
唔 係 我 ， 唔 係 我 ， 你 認錯 人 咋 啩？
哈哈哈哈 ，雖然 只係 斬咗 我 兩個 葫蘆 ，你 都係 居心不善 ，等 你 捱下 啲 磨難 啦 。
羅真人 將 隻 手 一擪 ，嗰 一 聲 話 ：去 ！
只見 一浸 惡風 一吹 就 將 李逵 吹入去 雲 裏頭 。
只見 兩個 黃巾 力士 ，就 押住 李逵 飛咗去 。
李逵 嘅 耳仔 旁邊 ，只係 聽見 翻風落雨 噉 聲 ，不經不覺 就 嚟到 薊州 地界 ，嚇到 佢 魂不附體 ，手 揗 腳 震 。
忽然間 ，聽見 噼啪𠽤哩𡃈景轟 ，噉 就 喺 薊州府衙門 嘅 屋頂 啊 ，零零林林 就 轆咗 落去 。
當時 ，府尹 馬士弘 就 喺度 升堂 辦公 ，喺 大堂 前面 就 企住 好多 公吏 差人 啦 ，嘿 ，突然間 見到 半天 落咗 個 黑大漢 ，大家 都 吃驚 啦 。
馬知府 見咗 就 話喇 ：捉 嗰個 傢伙 過嚟 。
當時 十幾個 差 人 獄卒 ， 就將 李逵 就 趕到 嚟 府尹 面前 。
馬府尹 就 喝佢話 ：你 呢個 傢伙 係 邊處 嘅 妖人 啊 ？
因何事 幹喺 半天 跌咗落嚟 ？
李逵 當時 跌到 佢 頭破額裂 都 唔知 幾耐 都 講唔出聲 。
馬知府 話 喇 ：實係 個 妖人 啊 ，去 攞 啲 法物 嚟 。
嗰啲 牢子 節級 就 將 李逵 綁起嚟 ，就 趕佢 落去 堂前 草地 嗰處 。
有個虞候 ，捧住 一盆 狗血 ，兜頭 一淋 ；
又一個 挽住 一桶 屎尿 嚟 ，喺 李逵 頭殼 頂 一直 淋 到 腳底 。
搞到 李逵 嘅 口 啊 耳 啊 冚𠾴 唥 都 係 屎屎 尿尿 。
誒 ，咩嘢 叫做 法物 啊 ？
狗血 啊 、 屎尿 呢 啲 污糟 邋遢 嘢 就 叫做 法物 。
即 係 話 呢 ， 淋 咗 落 啲 妖怪 身上 啊 ， 啲 妖怪 就 冇 術 㗎 喇 噉 ， 作 唔 到 怪 㗎 喇 。
李逵 就 大聲 嗌 啦 ： 我 唔 係 妖人 啊 ， 我 係 跟 羅真人 嘅 隨從 嚟 㗎 。
原來 薊州 人 啊 ，都 知道 羅真人 係 當今 世上 嘅 活神仙 ，因此 呢 就 唔 肯 逳手 傷 佢 。
噉啊再趕返李逵嚟到堂前 ，噉啊有個公吏稟告話喇 ：
呢個 薊州 羅真人 係 天下 有名 嘅 得道 活神仙 。
如果 呢個人 係 佢 嘅 隨從 就 唔好 枷刑 噃 。
馬 府尹 就 笑 ：
哼哼 ，我 讀 千卷之書 ，通曉 古今之事 ，未曾 見過 神仙 有 噉樣 嘅 徒弟 嘅 。
佢 係 個 妖人 嚟 ，唔使 審 喇 。
人 嚟 ，同 我 出力 打 呢個 傢伙 。
噉 大家 只有 撳低 李逵 ，打到 佢 一佛出世 二佛涅槃 啦 。
馬知府 喝 佢 話 喇 ：你 呢個 傢伙 快快 招認 係 個 妖人 ，我 就 唔 打 你 喇 。
李逵 冇 辦法 啦 ，就 唯有 招認 做 妖人 李二 。
噉就攞面大枷將佢釘咗 ，押入去 大牢 裏便韞起嚟 。
噉究竟 李逵 畀人 韞咗 入監 之後 命運 又 如何 呢 ？下次 再 講 喇 。
