高廉 知府 就 派 人 去 捉 咗 柴 進返 嚟 ， 扤 佢 跪 低 ， 高廉 就 喝 佢 話 喇 ：
你 點 敢 咁 大膽 打死咗 我 殷天錫 啊 ？
柴進話 ：小人 係 柴世忠 嫡派 子孫 ，家門 有 先朝 太祖 誓書 鐵券 ，而 家 喺 滄州 居住 。
因為 我 阿叔 ，柴皇城 病重 ，就 專程 嚟 探望 佢 。
佢 不幸 身亡 ，而家 停喪 在 家 。
點知殷直閣 ，佢 帶住 三二十人 嚟到 屋企 ，一定要 驅逐出 屋 ，都 唔容 小人 開口 ，就 喝啲 人 嚟 打 我 。
莊客 李大 ，見到 就嚟 救護 ，一時 行兇 ，將 殷天錫 打死 唧 。
李 大 而家 喺 邊處 ？
佢 心慌 逃跑咗 喇 。
李大 係 個 莊客 ，冇 你 個 說話 佢 點 敢 打死人 ？
你 故意 縱 佢 逃走 ， 就 走 嚟 欺瞞 官府 係 嘛 ？ 哼 ， 你 呢 個 傢伙 唔 打點 肯認 㗎 。
人嚟 ，出力 同 我 打 呢個 傢伙 ！
柴進 大聲 叫話 ：莊客 李大為 救 主人 ，誤打 死人 唔 關 我 事 ！
放住 先 朝太祖 誓書 喺度 ，點解 要 落刑 嚟 打 我 ？
誓書 喺 邊處 嚟 ？
已經 使人 返去 滄州 攞 緊 嚟 喇 。
高廉發惡喇 ：豈有此理 ！
你呢個傢伙 ，抗拒 官府 係嘛 ？你哋 出力 將佢 痛打 ！
嗰班 差人 啊 如狼似虎 ，將 柴進 打到 皮開肉綻 就 鮮血 惦 流 。
噉就 只有 招認 做 指使 莊客 李大 打死 殷天錫 。
高廉 就 叫 人 攞咗 面 二十 斤 重 嘅 死囚 枷 嚟 釘咗 ，韞 咗 佢 入 監牢 。
噉 殷天錫 嘅 屍首 就 檢驗 咗 ，就 搵 副 棺材 殯葬 不在 話 下 。
呢件事 未完噃 ，嗰個 殷夫人 啊 ，要 同 個 細佬 報仇 ，叫 佢 丈夫 高廉 就 抄咗 柴皇城 嘅 家 ，將 所有 嘅 家人 拉晒 去 坐監 ，就 佔咗 房屋 莊院 。
柴進 就 韞 喺 監 嚟 受苦 定 啦 。
而家 講下 李逵 佢 日夜 趕返去 梁山泊 ，返到 山寨 就 同 眾 頭領 相會 。
朱仝 一見到 李逵 呀 嗨 怒 從心起 ，掹 條 朴刀 就 要嚟 打 李逵 嘞 。
黑旋風 掹出 對 斧頭 ，就 同 朱仝 鬥 喇喎 。
晁蓋 、宋江 同埋 眾 頭領 一齊 上前 嚟 勸住 啦 。
宋江 同 朱仝 賠禮 話 喇 ：嗰次 殺咗 小 衙內 ，唔關 李逵 事 嘅 。
係 軍師 吳學究 因為 請唔到 兄長 上山 ，一時 定 嘅 計策 。
今日既然嚟到山寨喇 ，就唔好記喺心嚟喇 ，以後就同心協力 ，共興大義 ，唔好畀外人笑話啊 。
跟住 ，就 叫 李逵 嚟 向 朱仝 賠罪 。
李逵 瞪大 雙眼 就 嗌起 上嚟 佢 話 ：佢 有 咩 嘢 咁 叻 啊 ？
我 喺 山寨 出 咗 咁 多力 ， 佢 呢 ， 半點 功勞 都 冇 ， 點解 要 我 向 佢 賠罪 啊 ！
宋江話 ：兄弟 ，雖然 呢個 係 軍師 嘅 命令 ，之 小 衙內 係 你 殺 嘅 ，同時 ，論 年紀 ，佢 亦 係 你 阿哥 吖 ；
看在我份上 ，吓 ，同佢賠個禮 ，我拜返你就係啦 。
人 就 怕 𠼮米 就 怕 篩 ，李逵 畀 宋江 𠼮得 兩𠼮 就 對 朱仝 話 喇 ：
嗱 ，唔係 我 怕 你 ，因為 阿哥 逼 我 就 冇 辦法 ，我 同 你 賠 個 禮 啦 。
李逵 畀 宋江 逼住 ，只有 掉咗 對 斧頭 就 拜咗 朱仝 兩 拜 ，噉 朱仝呢 ，噉 先至 消咗 呢啖 氣 。
嗨安樂晒 ，即刻 呢 ，晁蓋 就 叫 人哋 安排 筵席 ，同 佢哋 兩個 和解 。
喺 飲酒 嘅 時候 ，李逵 就 講起 ：
柴大官人 啊 ， 嗰 個 親 叔 柴皇城 就 病 咗 喎 ， 噉 就 去 高唐州 探 佢 啦 。
哈 ，點知 本州 高知府 個 舅仔 殷天錫 啊 ，要 搶 阿佢 叔 嘅 花園 房屋 ；
仲要 打柴 進添 ，畀 我 打死 咗 殷天錫 嗰個 傢伙 。
宋江 聽咗 大吃一驚 話 ：
噉 你 自己 走咗 返嚟 ，咪 連累 柴 大官人 吃 官司 ？
吳學究 話 喇 ：兄長 你 唔使 驚 ，等 戴宗 返嚟 就 知道 點 喇 。
李逵 問 喇 ：戴宗 阿哥 去 邊處 啊 ？
吳用話 ：我 怕 你 喺 柴大官人 間 莊處 惹事 就 唔好 喇 ，就 特登 叫 佢 去 嗌 你 返嚟 。
佢 去到 嗰處 唔見 你 咯 ，就 梗 會 去 高唐州 搵 你哋 嘅 。
話 猶 未了 ， 只見 小校 嚟 報話 戴 院長 返 嚟 喇 噉 ， 宋江 就 去 迎接 啦 。
入到嚟 坐落之後 ，宋江 就 問 佢 柴大官人 點啊 。
戴宗 就 回答 話 喇 ：
我 去到 柴大官人 間莊處 ，就 知道 同 李逵 去咗 高唐州 ，我 即刻 趕去 高唐州 打聽 下 消息 啦 。
去到 只見 滿城 人 都 傳說話 ，殷天錫 因為 要 佔 柴皇城 嘅 房屋 ，畀 個 黑大漢 打死咗 啊噉 ；
而家 就 連累 咗 柴大官人 ，拉咗 去 坐監 。
柴皇城 一家 就 仲 畀 人 抄咗 家 添 。
柴大官人 條命 呀 就嚟 保唔住 喇 。
晁蓋 話 喇 ：呢個 黑佬 又 撞板 喇 ，硬係 到處 惹 是非 。
李逵 話 ：柴皇城 畀 佢 打傷 ，監生 激死咗 ，又 嚟 佔 佢 房屋 ；
又 叫 人 打 柴大官人 ， 嗨 ， 真 係 佛 都 出火 啊 ！
晁蓋話 ：柴大官人 向來 對 山寨 有恩 ，今日 佢 有 危難 我哋 一定 要 落山 去 救佢 。
等我 親自 去 行 一趟 啦 。
宋江 話 ： 阿哥 你 係 山寨 之主 ， 點好 隨便 輕動 啊 。
柴大官人 往日 有恩於我 ，我 願意 替 阿哥 你 落山 。
吳 學究 話 ： 高唐州 城池 雖小 ， 之 人口稠密 ， 軍廣 良多 不可 輕敵 啊 。
要請 林沖 、花榮 、秦明 、李俊 、呂方 、郭盛 、孫立 、歐鵬 、楊林 、鄧飛 、馬麟 、白勝 十二位 頭領 ，率領 馬步軍 兵 五千 ，做 前隊 先鋒 。
軍中 主帥 宋公明 、吳用 ，與及 朱仝 、雷橫 、戴宗 、李逵 、張順 、楊雄 、石秀 總 十個 頭領 ，率領 馬步軍 兵 三千 策應 。
於是 ，總共 二十二 位 頭領 ，就 辭別 咗 晁蓋 同 大家 ，離開 咗 山寨 向 高唐州 進發 。
當 梁山泊 前 軍 啊 到咗 高唐州 地界 嘅 時候 ，高廉 已經 聽到 消息 。
佢 冷笑話 喇 ：哼哼 ，呢班 草賊 ，你哋 窩藏 喺 梁山泊 嚟 我 都 仲要 去 剿捕 你哋 呢 。
今日 你哋 自己 走嚟 送死 呀 ，啱喇 ，呢個 係 天 叫 我 成功 啊 。
左右 ，快傳 下 號令 ，整點 軍馬 出城 迎敵 ，命令 所有 百姓 ，上城 守護 。
呢個 高知府 呀 ，上馬 管 軍 下馬 管 民 ，好 厲害 㗎 。
一聲號令 落去 ，嗰個 帳前 都統 、監軍 、統領 、統制 、提轄 ，所有 嘅 軍官 ；
各人 都 率領 軍馬 ，去到 教場 裏 便 檢閱 完畢 喇 ，就 出城 迎敵 。
高廉 手下 呢 ，有 三百 個 親信 軍士 ，叫做 飛天 神兵 噃 。
嘿呀 ，一個個 都係 山東 、河北 、江西 、湖南 、兩淮 、兩浙 選嚟 嘅 精壯 好漢 。
嗰 三百 飛天 神兵 呀 ，都 係 滿頭 亂髮 ，身上 呢 掛住 個 葫蘆 ；
用 黃布 扎住 個 額頭 ，披住 豹皮甲 ，戴住 熟銅 面具 嘅 。
高廉 知府 親自 帶領 呢 三百 神兵 ， 披甲 背劍 ， 騎住 馬 出到 城外 ， 將 部下 嘅 兵馬 就 排成 陣勢 ；
三百 神兵 呢 就 列 在 中軍 ，搖旗 吶喊 ，打鼓 敲鑼 ，就 等 梁山 人馬 嚟 喇 。
呢一便呢 ，林沖 、花榮 、秦明 ，帶領 五千 人馬 嚟到 。
噉啊 兩軍 對陣 就 旗鼓相望 ，各方 都 用 強弓 硬弩 射住 陣腳 。
兩便 都 吹響 畫角 ，擂起 戰鼓 。
花榮 、秦明 ，就 帶埋 十個 頭領 ，都 嚟到 陣前 就 將 馬 勒住 。
林沖 打橫 揸住 支 丈八 蛇矛 就 躍馬 出陣 ，大聲 高叫 話 ：高唐州 要 送命 嘅 就 出嚟 ！
高廉 將馬 一縱 ， 帶住 三十幾個 軍官 ， 都 出到門 旗下 便 ， 勒住 馬 ， 佢 指 住 林沖 鬧 ：
你 呢一班 唔知死 嘅 反賊 ，點 敢 侵犯 我 個 城池 啊 ！
林沖 喝 佢 嘞 ：
你呢個 害民 強盜 ，我 遲早 殺到 京師 ，將 你 嗰個 欺君賊臣 高俅 碎尸萬段 ，先至 心滿意足 啊 ！
高廉可惱嘢啦 ，就擰轉頭問喇 ：
邊個人 出馬 同 我 捉 呢個 賊 啊 ？
軍官 隊伍 裏 便 ，有 個 統制官 行咗 出嚟 ，佢 姓 于 名 直 ，佢 拍馬 揮刀 衝 出 陣前 喇 。
林沖 就 同 佢 打咗 唔到 五個 回合 ，于直 就 畀 林沖 一 蛇矛 刺 中心口 ，打 個 關斗 跌咗 落 馬 。
高廉 見咗 就 大驚 啦 ：仲有 邊個 出馬 去 報仇 啊 ？
軍官 隊伍 裏 便 ， 又 行出 咗 個 統制 官 ， 姓 溫名 文寶 ， 使 一條 長槍 ， 騎 一匹 黃驃馬 。
鑾鈴 一 響 ，就 出到 陣前 ，跑 衡馬 就 直奔 林沖 。
秦明 見咗 就 大聲 話喇 ：阿哥 你 唞 一陣 先 ，睇住 我 斬咗 呢個 賊人 。
林沖 勒住 馬 ，收起 點鋼矛 ，就 等 秦明 嚟 戰 溫文寶 。
兩個 大概 鬥咗 十個 回合 以上 ，秦明 放 個 門戶 ，等 佢 支 槍 㨃 入嚟 ；
然後 手起棍落 ，將 溫文寶 啊 削 咗 半個 頭殼 ，當堂 死 喺 馬上 。
嗰 匹 馬 就 自己 跑 返 去 本陣 。
兩軍 相對 喎嗬噉 齊聲 吶喊 。
高廉 見 連氣 折損 咗 兩 員 大將 唄 ，就 喺 背脊 掹出 嗰口 太阿 寶劍 出嚟 ，口中 念念有詞 喝 一 聲 ：疾 ！
只見 高廉 隊伍 裏 便 啊 ，呼 ，噉 捲起 一道 黑氣 。
嗰道 黑氣 散到 半空中 呢 ，即刻 飛沙走石 ，陷地 搖天 ，刮起 浸怪風 ，橫掃過 對陣 。
林沖 、秦明 、花榮 等等 將領 啊 ，對面 都 見唔到 人 喇 ，嚇到 騎住 嗰啲 馬 呀 亂咁 飚 猛咁 叫 ，大家 就 回身 就 走啦 。
高廉 將劍 一揮 就 指揮 嗰 三百 神兵 ， 喺 陣 裏 便 殺出 嚟 咯 喎 ， 背後 軍官 就 協助 ，㗾㗾 聲 噉 衝鋒 過 嚟 喇 。
趕到 林沖 嗰啲 軍馬 星 落 雲 散 就 七支八離 ，呼兄喚弟 就 覓 子 尋 爺 。
五千 軍兵 啊 損失咗 成千幾 人 ，一直 退咗 五十 里 之外 先至 安扎 营寨 。
高廉 見到 梁山 人馬 退咗 ，亦 收返 本部 個 軍兵 返 入去 高唐州 嘞 。
而家 講 下 宋江 中 軍人馬 嚟到 ，林沖 佢哋 迎接住 即刻 就 將 呢件事 將 佢 聽 。
宋江 同 吳用聽 咗 大吃一驚 ， 噉 宋江 就 同 軍師 話 喇 ：
係咩嘢 神術 咁 厲害 㗎 ？
吳學究 話 ：睇嚟 係 妖法 啊 ，如果 能夠 回風返火 就 可以 破敵 。
宋江 聽咗 就 打開 天書 嚟 睇下 ，見到 第三卷 上 便 有 回風返火 破陣 之 法 噃 。
宋江 好 歡喜 ，用心 記咗 咒語 同埋 秘訣 ，就 整頓 人馬 ，五更 起身 煮飯 食咗 ，搖旗 擂鼓 就 殺到 城下 喇 。
守城嘅 軍士 即刻 報告 入去 啦 ，高廉 就 再 點起 得勝 嘅 人馬 ，同埋 三百 神兵 ，大開 城門 放 落 吊橋 出嚟 擺 成 陣勢 。
宋江 帶住 把 劍 縱馬 出到 陣前 ，望見 高廉 軍隊 當中 ，有 一 劄 黑旗 ，吳學究 就 話 喇 ：
陣內 嗰 啲 黑 旗 ， 就 係 使 神師計 嘅 軍 兵 ， 怕 佢 又 使 呢 種 法術 噉 我 哋 點 迎敵 好 呢 ？
宋江話 ：軍師 你 放心 ，我 自有 破陣之法 啊 。
眾 將士 唔 使 怕 㗎 ， 即管 向前 衝殺 啦 ！
喺 呢便 呢 ，高廉 又 吩咐 大小 將校 話 ：
唔好 同佢 硬打硬 ，聽 見牌 響 就 一齊 出力 ，擒獲 宋江 ，我 自有 重賞 。
當時 兩軍 就 喊聲 連天 。
高廉 喺 鞍橋 上 便 就 掛住 嗰 一 面 聚獸 銅牌 ，上便 呢 有 龍章 鳳篆 嘅 。
佢 隻 手 就 揸住 把 寶劍 ，出到 嚟 陣前 。
宋江 指住 高廉 鬧佢 話 ：
尋晚 我 未曾 到 ，兄弟們 誤 輸 一 場 ，今日 ，我 事 必要 將 你哋 斬盡殺絕 ！
高廉 就 喝 佢 話 喇 ：你 呢班 反賊 ，快啲 早早 下馬 受綁 ，免得 整 污糟 我 個 手腳 。
一講完 ，將 劍 一揮 ，口中 念念有詞 喝一聲 ：疾 ！
呼 ，噉 黑氣 又 起 ，捲起 一浸 怪風 。
宋江 都 唔 等 嗰 陣 風 到 啊 ，佢 把口 亦 念念有詞 ，左手 捏 訣 ，右手 提 劍 一 指 ，講 一聲 ：疾 ！
哈 ，真係 靈噃 。
嗰 浸 風 就 唔 向 住 宋江 個陣 裏 便 吹過 嚟 ， 反而 向 返高 廉神兵 隊 嗰 便 刮過去 喎 。
宋江 見到 靈噃 ，正話 想 指揮 人馬 殺過去 啦 ，高廉 一 見 回咗 風 即刻 攞 個 銅牌 用 劍 嚟 一敲 ；
只見 神兵隊 裏 便 啊 捲起 一浸 黃沙 ，喺 中軍 呢 有 群 猛獸 走出嚟 。
嗰群猛獸呀 ，有 獅 有 豹 ，又 有 貔貅 、豺狼 、野豬 、惡狗 、大蛇 、老虎 ，喂呀 真係 得人驚咯 。
噉 高廉 銅牌 一響 呢 ， 呢 一群 怪獸 毒蟲 就 一直 衝過 嚟 。
宋江 陣 裏 便 所有人 都 嚇到 傻晒 ，未見過 嘅 。
宋江 掉咗 把 劍 ，撥轉 馬頭 就 趯 先 嘞 。
噉啊眾位頭領簇擁住宋江 ，一齊逃命啦 。
大小 軍校 嘍啰 ，邊個 都 唔顧得 邊個 咯 ，爭先恐後 搏命 咁 趯 。
高廉 喺 後便 將 把 劍 一揮 ，噉 啊 神兵 在 前 就 官軍 在 後 ，一齊 掩殺 過嚟 。
宋江 嘅 人馬 零丁 賴 敗 ，輸 到 貼地 。
高廉 追殺咗 二十幾里 ，就 鳴鑼 收兵 ，返返 入城 。
宋江 嚟到 土坡 下 便 ，收住 人馬 ，扎落 營盤 。
雖然 呢 係 損失咗 啲 軍卒 ，好彩 眾 頭領 都 冇事 。
佢 穩定住 軍馬 ，就 同 軍師 吳 用 商量 喇 ，佢 話 ：
呢次 打 高唐州 連 輸咗 兩陣 ，冇辦法 可以 破得 神兵 ，點算好 呢吓 ？
吳學究 就 話 喇 ：呢個 傢伙 會 使 神師計 ，噉 佢 今晚 必定 會 嚟 劫寨 嘅 ，我哋 要 做好 準備 啊 。
呢處 ，淨係 駐扎 些少 軍馬 ，我哋 呢 就 去 舊寨 嗰處 駐扎 啦 。
於是 宋江 就 下令 ，淨係 留低 楊林 、白勝 看寨 ，其餘 人馬 都 退到去 舊寨 休息 。
噉 楊林 、白勝 就 帶住 啲 人馬 ，去到 離寨 半里 嘅 草坡 嗰度 埋伏 。
等到一更時分 ，只見 行雷閃電 大雨 傾盆 ，楊林 、白勝 ，帶住 三百幾人 就 伏喺 草林 裏 便 睇啦 。
只見 高廉 就噉 步行 ，帶領 三百 神兵 ，吹住 哨子 咈咈聲 啊 殺到 入嚟 寨裏 便 。
哼 ，高廉 一見到 係 空寨 ，回身 就 走 。
楊林 、白勝 喎嗬噉 大聲 吶喊 ，高廉 至 怕 中計 啦 ，嗰 三百 神兵 就 散開 晒 各自 逃命 。
楊林 、白勝 就 亂咁 放箭 一味噉 射啊 ，一箭 ，就 射中 高廉 嘅 左膊 。
楊林 、白勝 就 指揮 啲 人馬 冒雨 追殺 啦 。
高廉 就 率領 住 神兵 去咗 好遠 喇 ，楊林 、白勝 見到 自己人 少 ，就 唔敢 深入 。
冇幾耐 ，雨過雲收 ，又見返 滿天星斗 。
喺 星光 之下 ，只見 喺 草坡 前面 ，斬低 、射死 、捉到 神兵 二十幾人 ，就 解去 宋公明 嘅 寨內 ；
將 高廉 想 趁住 雷雨風雲 ，走嚟 劫寨 嘅 事 就 報告 畀 宋江 佢哋 聽 。
宋江 、吳用 聽 佢 噉 講 就 好 驚奇 話 喇 ：
咦 ？呢處 只係 隔得 五里 遠度 啫 ，呢處 又 無風 無雨 噃 。
大家 都 議論 嘞 ：
啊呢啲 係 妖法 嚟 啊 ，就係 喺 本處 有效 嘅 啫 ，離地 只有 三四十 丈 高 。
嗱 ，啲 雲雨 嘅 氣味 呀 ，聞起嚟 係 左近 水泊 攝返嚟 㗎 。
楊林 話 喇 ：高廉 佢 自己 披散 頭髮 ，揸住 把 劍 殺入 我哋 嘅 空營 ，中咗 我 一箭 ，趯咗 返 入 城裏 便 喇 。
我哋 為 因 人 少 唔 敢 去 追 啫 。
宋江 就 即刻 賞賜咗 楊林 、白勝 ，將 捉到 嘅 傷咗 嘅 神兵 斬咗 。
跟住 ，佈置咗 眾頭領 扎落 七八個 小寨 ，愛嚟 圍住 大寨 ，提防 佢哋 再嚟 劫營 吖嘛 。
一面呢 ，就 派人 返去 梁山泊 ，調啲 軍馬 嚟 協助 。
而家 講 下 高廉 佢 中咗 箭 之後 ，就 返到 入去 城 養傷 吖 。
就 命令 啲 軍士 守護 城池 ，日夜 提防 。
佢 吩咐 話 ：唔好 同 佢哋 打住 ，等 我 箭傷 好返 之後 再 捉 宋江 都 未 遲 啊 。
噉 宋江 啊 見 損傷咗 咁 多人馬 ，個 心裏 便 就 好 愁悶 。
佢 同 軍師 吳 用 商量 話 ：
而家 淨係 得 一個 高廉 我哋 尚且 破唔到 佢 ，如果 仲 加埋 第二 處 啲 軍馬 添 ，合力 嚟 打 我哋 噉 如之奈何 啊 ？
吳學究 就 話 喇 ：要 破 高廉 嘅 妖法 呢 ，除非 快啲 派 人 去 薊州 搵 公孫勝 返嚟 啦 噉 就 得嘞 。
宋江話 ：前次 戴宗 去咗 咁耐 ，乜嘢 都 打聽 唔到 ，噉 而家 佢 去 邊度 搵 啊 ？
吳用 話 喇 ：薊州 咁 大 ，屬下 咁多 縣鎮鄉村 ，佢 都 未曾 搵齊 吖 。
不過 ，我 諗 公孫勝 係 個 清高 嘅 人 ，必定 喺 個 名山 洞府 ，大川 真境 居住 嘅 。
呢次 叫 戴宗 去 薊州 屬下 所有 嘅 名山 仙境 去到處 搵 一搵 ，唔憂 搵唔到 佢 嘅 。
宋江 聽咗 就 跟住 叫人 請 戴院長 嚟 商量 ，要 請 佢 去 薊州 搵 公孫勝 。
戴宗話喇 ：我 願 去 ，不過 搵 個 人 做 伴 去 先至 好噃 。
吳用 就 話 喇 ：你 作起 神行法 嚟 ，邊個 追得上 你 啊 ？
戴宗 話 唔緊要嘅 ，同 我 做 伴 去 嘅 人 ，我 亦 將 啲 甲馬 綁 喺 佢 隻 腳 上 便 ，噉 佢 呢 ，亦都 會 學 我 行得 咁 快 㗎 喇 。
李逵 就 話 喇 ：我 同 戴院長 做 伴行 一 趟 。
戴宗話 ：你 如果 要 跟 我 去 都 得 ，不過 要 一路 食齋 㗎噃 ，要 聽 我 說話 至好 噃 。
李逵 話 ：噉 有 咩嘢 難唧 ？我 乜 都 聽 你 嘅 。
宋江 、吳用 就 吩咐 佢 話 喇 ：
你 一路 小心 在意 啊 ，唔好 惹 是 生非 。
如果 搵到 公孫 先生 喇 就 早啲 返嚟 。
李逵 話 喇 ：係 我 打死 殷天錫 ，搞到 柴 大夫人 吃 官司 嘅 。
我 唔 救 佢 點得 啊 ？
呵呵 今次 我 唔敢 惹 是生非 喇 。
於是 兩人 各自 藏咗 暗器 ，孭起 包袱 ，拜別咗 宋江 同 大家 就 離開咗 高唐州 ，一路 去 薊州 嘞 。
行咗 廿幾里 ，李逵 就 企定 腳 話 ：
大哥啊 ，買 碗 酒 飲咗 先至 行 都 好噃 。
戴宗話喇 ：你 要 跟埋 我 作 神行法 ，就 只能夠 飲齋酒 喎 ，行到 前面 先 啦 吓 。
誒 就算 食啲肉 都 唔緊要 啦 嚱 。
你 睇下 你 睇下 ，你 又 嚟 喇 。
今日 已經 咁 夜 喇 ，搵 間 客店 住落 先 ，聽朝 早 一早 起行 啦 。
兩個 又 行咗 三十幾里 ，天 都 好 黑 嘞 ，搵到 一間 客店 開咗 房 ，透火 煮飯 ，又 買咗 一角 酒 嚟 飲 。
李逵 攞咗 一碗 齋飯 同 一碗 菜湯 ，搦 入嚟 房 畀 戴宗 食 。
戴宗 就 話 ：你 點解 唔食飯 啊 ？
誒 ，我 仲 未曾 想 食飯 呢 。
戴宗 個 心 諗 ：哼哼 ，呢個 傢伙 ，梗係 想 瞞住 我 偷偷地 搵 肉食 定 喇 。
戴宗 自己 食咗 啲 飯 ，就 靜靜 嚟到 後 便 裝下 ，哈哈 ，果然 見到 李逵 攞咗 兩 角 酒 ，一 大碟 牛肉 ，一個人 喺 處 猛刷 喎 。
戴宗 諗 喇 ：係唔係 呢 我 話咗 佢 㗎啦 。
好 ，我 唔 督穿 佢 住 ，聽日 同 佢 開 個 小小 玩笑 ，耍下 佢 至得 。
戴宗 就 返返 入 房 瞓 喇 。
李逵 大刷咗 一輪 之後 ，就 怕 戴宗 講 佢 ，一食完 就 輕手輕腳 返 入 房 瞓 。
到咗五更時分 ，戴宗 起身 就 叫 李逵 透火 ，煮咗 啲 齋飯 食 。
各自 孭起 行李 ，就 畀咗 房錢 就 離開 客店 。
行 咗 二里 幾路 ， 戴宗 就 話 喇 ：
我哋 尋日 未曾 使 神行法 ，今日 要 趕路 喇 吓 。
你 將 包袱 綁緊啲 ，嗱 我 同 你 作法 喇 ，行 八百里 就 停 喇 。
戴宗 攞出 四個 甲馬 ，綁 喺 李逵 兩隻 腳 上 便 ，就 吩咐 佢 話 ：
你 喺 前便 間 飯店 等 我 啦 。
戴宗 念念有詞 ，對住 李逵 雙腳 ，呼噉 吹 一啖氣 。
李逵 放開 腳步 ，哈哈 ，好似 騰雲駕霧 噉 飛噉 就 去咗 咯 喎 。
戴宗 就 笑喇 ：哈哈哈哈 ，好 ，等 佢 第一日 肚餓 先 。
戴宗亦 自己 綁上 甲馬 ，隨後 就 趕住 去 。
李逵 又 唔識得 呢種 法術 㗎 ，初時 就 估 話 同 佢 自己 走路 一樣 嘅 啫 至多 咪 快啲 噉 ，哈哈 原來 唔係 。
一行 起上嚟 呀 ，只 聽見 耳仔 旁邊 ，好似 翻風落雨 噉 聲 嘅 。
兩邊 兩便啲 房屋 樹木 呀 噼里啪啦 噼里啪啦 噼里啪啦 一排排 好似 倒落去 噉 ，腳底下 便 好似 雲 吹 霧 散 。
嗨 呀 ， 李逵 怕 起 上 嚟 ， 幾次 想 停住 腳 ， 嗰 兩隻 腳 都 好似 唔 係 佢 自己 嘅 噉 啊 邊度 停得 住 吖 。
好似 有人 喺 下便 推住 噉嘅 ，腳 不踮地 ，一味 咁 行 噃 。
睇 見 啲 酒肉 飯店 ， 噼聲 又過 一間 ， 噼聲 又過 一間 ， 又 唔 能夠 入去 食 噃。
李逵 就 大聲 嗌喇 ：老豆 啊 ，誒 老豆 啊 ，誒唔該 你 停一停 ，停啊 ！
邊度 停得住 吖 。
眼睇 行到 紅日 平西 ，佢 個 肚 又 飢 又 渴 ，之 越係 噉樣 越 唔能夠 停住 腳 ，嚇到 佢 成身 臭汗 ，氣 都 咳埋 。
呢個 時候 ，戴宗 喺 背後 趕上嚟 喇 ，佢 話 ：
李大哥 ，點解 唔 買 啲 點心 食咗 先至 行 啊 ？
誒 ， 阿哥 啊 ， 你 救救 我 ， 救救 我 啊 ， 餓死 我 鐵牛 喇 。
戴宗 喺 個 袋 裏 便 扲出 幾個 燒餅 嚟 自己 食 。
阿哥 啊 ， 我 唔 停得 住 腳 買 嚟 食 啊 ， 誒 ， 唔 該 ， 唔 該 你 畀 兩個 我頂 下肚 呢 。
兄弟 ，你 行過嚟 啦 ，我 畀 你 食 。
李逵 伸長 隻 手 ，就係 隔 丈 零 遠 硬係 接唔到 。
李逵 就 嗌喇 ：阿哥 ，好心 你 等等 我 啦 。
咦 ，今日 係 有啲 蹺蹊 噃 ，連 我 嗰 兩 隻 腳 都 停唔住 添 。
哎呀 ，我 呢隻 衰腳 呀 ，半點 都 唔 聽 我 話 。
如果 一味 噉樣 行法 ，誒 就 唯有 用 把 斧頭 斬咗 個 下半碌 咯 。
都 怕 係 噉 至 得喇 ，如果 唔係 呀 ，一直 走 到 出年 正月初一 都 停唔住 㗎 。
阿哥 ，好心 你 啦 ，誒 唔好 撚化 我 喇 ，斬咗 隻 腳 落嚟 你 又 笑 我 喇 。
你 梗係 尋晚 冇 聽 我 說話 定 呢 ，今日 連 我 都 停唔住 腳 咯 ，你 自己 行 啦 。
哎呀 ，阿哥 ，老豆 ，誒唔該 你 喇 ，等我 停一停 啦 。
我呢個法術呀 ，唔准食葷 ，最緊要就要戒牛肉 。
如果 食咗 一嚿 牛肉 呀 ，就 要 行 十萬里 先至 停得住 㗎 。
哎呀噉就死咯 ，死咯 ，我 尋晚 千不該萬不該 ，瞞住 阿哥 你 我 真係 偷偷地 買咗 幾斤 牛肉 食 啊 噉點算啊 ？
哎 ，唔怪得 今日 連 我 自己 隻腳 都 收唔住 啦 。
噉就唯有行到去天腳底喇 ，至少 都 要 三五年 先至 返得轉頭 。
李逵 聽咗 啊 ，嗌到 啊劏豬 噉聲 。
戴宗笑喇 ：哈哈哈哈 ，嗱 你 從今之後 你 聽 我 說話 ，噉 我 就 收起 法術 啦 。
李逵 話 ：誒 我 叫 你 老豆 喇 ，嘿 ，我 乜嘢 都 聽 你 嘅 。
你 而家 仲 敢唔敢 再 瞞住 我 食葷 啦 ？
從 今 之 後 ，如果 我 仲 食葷 呢 ，就 叫 我 條 脷 生 個 碗 咁 大 嘅 瘡 啦 。
尋晚 ，我 見到 阿哥 你 要 食齋 ，我 又 唔想 食 ，所以 就 瞞住 阿哥 啫 ，以後 我 唔敢 喇 。
既然 係 噉 ，就 麻麻地 饒恕 你 一趟 啦 。
戴宗 退後 一步 ，用 衫袖 喺 李逵 隻 腳 上面 一 拂 ，喝 一 聲 ：停 ！
哈哈 ，李逵 就 好似 釘住 喺 地 噉 ，兩 隻 腳 企 定 喺 地下 嚟 ，逳 都 唔 逳 嘞 。
戴宗話 ：嗱 我 行 先 喇 ，你 慢慢 跟住 嚟 啦 。
李逵 啱啱 想起 腳 ，邊度 移得動 吖 ，掹 都 掹唔起 ，就 好似 生鐵 鑄成 噉 。
李逵 大聲 嗌話 ：又 死喇 我 點 行得逳 啊 ，阿哥 啊 ，你 救下 我 喇 。
戴宗 擰轉頭 笑嘞 ：哈哈哈 ，你 今次 聽 我 說話 啦嘛 ？
哎 ，我 怕咗 你 喇 ，我 怕 你 仲 怕過 我 親生 老豆 ，我 真係 唔敢 喇 唔敢 喇 ，我 聽 你 說話 喇 。
戴宗話 ：你 今次 真係 要 聽 我 說話 至好 噃吓 。
佢 用 手 拖住 李逵 ，嗌咗 聲 ：起 ！兩個人 就 起步 慢慢 噉 行 。
李逵 話 ：阿哥 啊 ，哎呀 你 可憐 下 鐵牛 啦 ，搵 笪 地方 早啲 唞罷 啦 。
前面 嚟到 一 間 客店 ，兩個 人 就 去 投宿 嘞 。
戴宗 、李逵 入到 房間 裏 便 ，喺 隻 腳 處 除咗 啲 甲馬 落嚟 ，攞出 幾 刀 紙錢 燒咗 送神 。
戴宗 問 李逵 話 喇 ：而家 點 啊 ？
李逵 就 話 ：哎呀 ，呢 兩 隻 腳 而家 先至 係 我 㗎 。
戴宗話喇 ：邊個 叫 你 尋晚 偷偷 買 酒肉 食吖 ？
李逵 話 啦 ：你 唔准 我 食葷 咯 ，噉 我 咪 偷偷地 買 啲 食 咯 。
呵呵 ，都 畀 你 撚得 我 真係 夠 皮 咯 呢 趟 。
戴宗 就 叫 李逵 買咗 啲 齋酒 齋飯 食咗 ，煲 啲 熱水 洗咗 腳 ，就 上床 瞓覺 。
