李應同 杜興 啊 就 畀 個 知府 帶住 一班人 ， 拉 咗 去 ， 話 佢 哋 私通 梁山泊 ， 要 押 佢 哋 返 去 審 噉 話 。
噉 啊 行到 半路 ， 宋江 、 林沖 佢 哋 一班人馬 攔住 條路 。
林沖 大喝一聲 話 梁山泊 好漢 ， 合夥 在 此 啊 ！
嗰 個 知府 同 嗰 班 人 就 唔 敢 抵敵 ， 掉 低 李應 、 杜興 ， 就 逃走 咗 咯 喎 。
宋江叫 啲 人 去 追 啦 ， 噉 啲 人 追 咗 一陣 返 轉頭 話 喇 ：
如果 我 哋 追 到 去 呀 ， 亦 將 嗰 個 衰 知府 殺 埋 㗎 喇 ， 哈 唔 知 趯 咗 去邊 呢 佢 哋 。
宋江叫 人同 李應 、 杜興 ， 解開 條綁 索 ， 開 咗 鎖 ， 牽 兩匹馬 過 嚟 畀 佢 哋 騎 。
宋江 就 話 喇 ： 請 大官人 上 梁山泊 避下 先好 唔 好 啊 ？
李應 話 誒 噉 唔 得 ， 知府 係 你 哋 叫 人 殺 嘅 唔 關 我 事 噃。
宋江笑 喇 ： 哈哈哈哈 ， 官府 點會 相信 你 噉 樣講 㗎 ？
我 哋 趯 咗 ， 梗會 連累 你 㗎 噃。
既然 大官人 唔 肯 落草 嘞 ， 噉 就 喺 山寨 住 幾日 先 ， 打聽 清楚 冇 事 喇 ， 然後 落山 都 唔 遲 吖 。
當時 啊 都 唔 由 得 李應 、 杜興 唔 喇肯 ， 喺 大隊 軍馬 中間 ， 仲返 得 去 嘅 咩 ？
噉 啊 一行 三軍 人馬 ， 浩浩蕩蕩 返到 梁山泊 。
晁蓋 同埋 留守 嘅 頭領 啊 ， 擂鼓 吹笛 ， 落山 嚟 迎接 ；
敬 咗 接風酒 ， 都 上 到 嚟 大 寨裏 便 聚義廳 ， 分開 幾排 扇面 噉 坐 低 。
就 請 李應 嚟 同眾位 頭領 見面 。
行過禮 之後 ， 李應 就 對 宋江 話 喇 ：
小人 已經 送 將軍 返到 山寨 ， 同眾位 頭領 亦 都 見過面 喇 。
小人 喺 呢 處 伺候 各位 唔 要緊 啊 ， 就 係 唔 知道 屋企 啲 人點唧 。
唔 該 畀 小人 落山 返去 罷啦 。
吳 學究 笑 住 話 ： 大官人 ， 寶眷 已經 接 咗 嚟 山寨 喇 。
貴莊 亦 都 一把 火燒 做 平地 咯 ， 大官人 你 想 返去 邊度 啊 ？
李應 唔 信 喎 ， 誒 ， 見到 車仗 人馬 一隊 隊上 到 嚟 山寨 喇 。
李應 睇 下 ， 哈哈 ， 原來 係 自己 嘅 莊客 同埋 妻兒老小 。
李應 就 連忙 嚟 問 下 啦 ， 佢 妻子 就 話 喇 ：
你 畀 知府 捉 咗 去 ， 隨後 又 有 兩個 巡檢 ， 帶住 四個 都 頭仲有 三百 幾 兵卒 嚟 抄家 。
叫 我 哋 上車 坐 喎 ， 招呼 得 好好 嘅 ， 將 屋企 呀 一切 嘅 箱籠 啊 ， 牛羊 馬匹 ， 驢騾 等等 都 搦 咗 去 。
又 放火 嚟 燒 咗 莊院 喇 。
李應聽 咗 就 猛 咁 叫苦 啦 。
晁蓋 、 宋江 ， 都 向 李應 請罪 啊 ， 佢 哋 話 ：
我 哋 眾位 兄弟 ， 確實 係 久聞 大官人 嘅 好處 ， 因此 使 咗 呢 條計出 嚟 ， 萬望 大官人 恕罪 啊 。
李應聽 見 噉 樣講 咯 ， 只 有點 話點 好 啦 。
宋江 就 話 喇 ： 請 啲 家眷 去後廳 耳房 休息 。
李應 見到 廳 前廳 後 咁 多 頭領 ， 亦 都 有 家眷 老小 喺 處 嘅 ， 噉 就 同 佢 老婆 話 ：
喂 ， 噉 只有 應承 佢 哋 係 啦 嚱。
住落 之後 啊 ， 宋江 就 請 李應 返去 大廳 坐 ， 傾下 偈 。
宋江 就 話 喇 ： 哈哈 大官人 啊 ， 你 睇 我 叫 嗰 兩個 巡檢 同 嗰 個 知府 出 嚟 同 你 見面 呢 吓 。
吖 ， 原來 扮 知府 嘅 係 蕭 讓 ， 扮 巡檢 嗰 兩個 呢 係 戴宗 、 楊林 ， 扮 孔目 嘅 係 裴 宣 ， 扮虞 候 嘅 係 金大堅 、 侯健 。
又 嗌 嗰 四個 都頭 嚟 ， 嘿 ， 原來 係 李俊 、 張順 、 馬 麟 、 白勝 喎 。
李應 一見 咗 呀 ， 眼都擎 埋 說話 都講 唔 出 啊 。
噉 宋江 就 叫 小 頭目 快 啲 殺 牛 劏 馬 ， 同 大官人 賠禮 ， 慶賀 新 上山 嘅 十二位 頭領 。
噉 呢 十二位 頭領 啊 ， 就 係 李應 、 孫立 、 孫新 、 解珍 、 解寶 、 鄒淵 、 鄒潤 、 杜興 、 樂 和 、 時遷 。
女 頭領 扈三娘 、 顧大嫂 同埋 樂大娘子 ， 李 應 嘅 家眷 等等 呢 ， 就 另外 做 一席 ， 喺 後堂 飲酒 。
大小 三軍 就 自有 賞賜 啊 。
正廳 上面 就 大吹大擂 ， 咁 多 好漢 ， 一路 飲酒 飲到 夜晚 先至 散席 。
噉 啊 新 到 嘅 頭領 呢 ， 各人 都 撥 咗 房屋 畀 佢 哋 住 落 。
第 日 啊 ， 又 擺酒 ， 請齊 所有 嘅 頭領 嚟 。
宋江 就 叫 王矮虎 嚟 話 喇 ：
我 當初 喺 清風 山 嘅 時候 呢 ， 就 已經 許落 你 一頭 親事 㗎 喇 ， 一直 我 都 掛 喺 心 嚟 ， 之 未曾 圓得 呢 個 心願 。
而家 我 父親 有個 女 ， 要 招 你 做 女婿 。
宋江 就 去 請 宋太公 出 嚟 ， 仲帶 住 一丈 青 扈三娘 嚟 添 。
宋江 就 親自 同 佢 賠禮 話 ：
我 呢 位 兄弟 王英 ， 佢 雖然 有 啲 武藝 ， 之 佢 唔 及 賢妹 你 。
我 當初 呢 ， 曾經 許 落 佢 一頭 親事 嘅 ， 一直 都 未曾 成 。
今日 賢妹 你 認 咗 我 父親 做 乾爹 ， 眾位 頭領 都 係 媒人 ， 今日 係 個 良辰吉日 ， 賢妹 你 就 同 王英 結為 夫婦 啦 。
一丈 青 見到 宋江 義氣 深重 ， 唔 推卻 得 嘞 ， 噉 兩個 人 就 拜謝 咗 宋江 。
晁 蓋 佢 哋 都 十分 歡喜 ， 都 稱頌 宋公明 啊 ， 真正 係 有德有 義之士 。
當日 ， 大家 都 開懷 飲酒 慶賀 。
正 喺 度 飲 緊 ， 只見 朱貴 酒店 裏 便 呢 ， 就 派 人 上山 嚟 報告 話 ：
樹林 前面 大路 有 一班 客人 經過 ， 小 嘍 啰 出去 攔截 ， 嗰 班 人 裏 便 有 一個 話 係 鄆城縣 都 頭雷橫 ， 朱 頭領 就 請 佢 留落 嚟 。
而 家 喺 店裏 便 飲 緊份 例酒 ， 就 叫 小校 嚟 報告 先 啊 。
晁蓋 、 宋江聽 咗 嘿 都 唔 知 幾 高興 ， 即刻 同埋 軍師 吳用 三個 落山 去 迎接 嘞 。
呢 個 時候 呢 ， 朱貴 早就 用船 將雷橫 送到 嚟 金沙灘 上岸 。
宋江 見到 佢 就 連忙 下拜話 ： 哎呀 ， 久別 尊顏 ， 時常 想念 啊 。
今日 係 咩 嘢 事 經過 呢 處 呢 ？
雷橫 亦 連忙 答禮 話 ：
小弟 因為 受 本縣 差遣 ， 去 東昌府 公幹 返 嚟 ， 經過 路口 ， 小 嘍 啰 攔住 話 要 攞 買路錢 喎 ；
小弟 提起 自己 嘅 賤 名 ， 因此 朱兄 就點 都 要 留住 小弟 喺 處 。
宋江 話 ： 今日 能夠 見面 就 真 係 好彩 啊 ， 請 ， 請 。
噉 啊 請到 去 大寨 同眾位 頭領 見過面 ， 擺酒 嚟 款待 。
一連 住 咗 五日 ， 噉 呢 一日 呢 ， 晁蓋 就 問起 朱仝 消息 。
雷橫 就 話 喇 ： 朱仝 而家 係 做 咗 本縣 嘅 當 牢 節 級 ， 新任 嘅 知縣 好 歡喜 佢 㗎 。
宋江 就婉婉 轉轉 噉 用 啲 說話 嚟 說 雷橫 上山 入夥 。
雷橫 就 推託 話個 老母 年老 喇 ， 唔 能夠 加入 噉 。
佢 話 ： 等 小弟 送 咗 老母 終年 之後 ， 再 嚟 投奔 大哥 啦 。
雷橫要 拜辭 佢 哋 落山 ， 宋江 佢 哋 再三 噉 挽留 都 留 唔 住 。
眾位 頭領 就 人人 都 送 啲 金銀 畀 雷橫 ， 宋江 、 晁蓋 就 更加 不在話下 啦 。
噉 雷橫 就 得 咗 一 大包 金銀 落山 ， 眾位 頭領 都 送 佢 送到 去 路口 ；
然後 呢 ， 用船 棹 過去 大路 嗰 便 ， 噉 雷橫 就 自己 返去 鄆城縣 ， 呢 啲 就 唔 講 佢 住 。
而家 講下 晁蓋 、 宋江 返到 去 大寨 聚義廳 ， 就 請 軍師 吳 學究 啊 ， 嚟 擬定 山寨 嘅 各項 職務 。
吳用 同 宋公明 商量 好 之後 ， 第 日 ， 就 召集 眾位 頭領 嚟 聽 號令 咯 喎 。
首先 ， 就 分派 外便 守 店 嘅 頭領 。
宋江 話 喇 ：
孫新 、 顧大嫂 本來 係 開 酒店 嘅 ， 命令 你 哋 兩 夫婦 ， 去 替 返威 童威 、 童猛 返 嚟 另 有 任用 。
然後 呢 ， 宋江 又 命令 時遷 ， 去 幫 石勇 ；
樂 和 就 去 幫 朱貴 ；
鄭天壽 就 去 幫 李立 。
噉 東南西北 四座 店 呢 ， 就 賣 酒 賣肉 ， 招接 四方 嚟 入夥 嘅 好漢 。
每間 店 就 設 兩個 頭領 啦 。
一丈 青 、 王矮虎 就 後 山下 寨 ， 監督 馬匹 。
金沙灘 小寨 ， 由 童威 、 童猛 兄弟 兩個 把守 。
鴨嘴 灘 小寨 ， 由 鄒淵 、 鄒潤 兩 叔侄 嚟 把守 。
山前 大路 ， 由 黃信 、 燕順 ， 率領 馬 軍 喺 度 駐 扎 守護 。
解珍 、 解寶 就 把守 山前 第一關 。
杜遷 、 宋萬 ， 把守 宛子城 第二 關 。
劉唐 、 穆弘 ， 把守 大寨 口 第三關 。
阮家三 雄 呢 ， 就 把守 山南 水寨 。
孟康 仍然 係 監造 戰船 。
李應 、 杜興 、 蔣敬 就 總管 山寨 錢糧 金帛 。
陶宗旺 、 薛永 ， 監理 建築 梁山泊 內 城垣 雁台 。
侯健 呢 ， 就 專管 監造 衣袍 、 盔甲 、 旌旗 、 戰襖 。
朱富 、 宋清 ， 總管 大小 宴會 。
穆春 、 李雲就 監造 屋宇 寨柵 。
蕭讓 、 金大堅 掌管 一切 賓客 來往 書信 公文 。
裴宣 呢 ， 就 專管 軍政 司 賞功罰罪 。
其餘 呂方 、 郭盛 、 孫立 、 歐鵬 、 馬 麟 、 鄧飛 、 楊林 、 白勝 ， 就 分別 調 嚟 大寨 八面 住宿 。
晁蓋 、 宋江 、 吳用 就 住 喺 山頂 寨 內 。
花榮 、 秦明 就 住 喺 山 左 寨 內 。
林沖 、 戴宗 就 住 喺 山 右 寨 內 。
李俊 、 李逵 就 住 喺 山前 。
張橫 、 張順 住 喺 山後 。
楊雄 、 石秀 就 守護 聚義廳 兩側 。
噉 啊 一班 頭領 嘅 任務 啊 ， 分派 定 喇 ， 每日 就 輪流 由 一位 頭領 ， 做 酒席 嚟 慶賀 。
山寨 體統 啊 十分 有條有理 。
呢 有 詩為證 喎 ：
巍巍 高寨 水 中央 ， 列 職分 頭任 所長 。 只為 朝廷 無 駕馭 ， 遂 令 草澤 有 鷹揚 。
而家 講返 下雷 橫 佢 離開 咗 梁山泊 ， 孭 住 個 包袱 ， 提住 朴刀 ， 一路 返去 鄆城縣 。
返到 屋企 喇 ， 拜見 咗 老母 ， 換 咗 衣服 ， 帶住 回覆 嘅 公文 就 去 縣衙門 嚟 拜見 咗 知縣 ；
報告 咗 事情 嘅 經過 就 繳銷 公文 批帖 ， 就 返 屋企 休息 喇 。
然後 呢 ， 又 每日 都 係 照樣 噉 返去 衙門 畫卯 ， 聽候 差遣 。
有 一日 ， 佢 行 到 去 縣衙門 東便 ， 聽見 背後 有人 嗌 佢 話 ： 都頭 ， 嘿嘿 ， 幾時 返 嚟 啊 喂 ？
雷橫 擰 過頭 嚟 一 睇 ， 原來 係 本縣 一個 幫閒 叫做 李小二 啊 。
雷橫 就 回答 佢 話 喇 ： 返 嚟 幾日 喇 。
都頭 啊 ， 你 出 咗 去 咁 耐 呀 ， 都 唔 知道 呢 處 近日 有個 東京 新 嚟 跑碼頭 嘅 歌女 喎 ， 嘿 呀 聲色 藝 俱全 啊 ， 叫做 白秀英 啊 ， 嘩好 正斗 㗎 。
嗰 個 女 嚟 想 參見 都頭 ， 你 又 公差 出 咗 去 唔 喺 屋企 呢 。
而家 ， 喺 遊樂場 演出 啊 。
每日 呀 都 好多 嘢 睇 㗎 ， 係 ， 跳舞 啦 ， 吹彈 啦 ， 唱歌 啊 噉 ， 嘩 人山人海 ， 頂晒龍 啊 。
喂 ， 都頭 啊 ， 點解 唔 去 瞄下 啊 ？ 確係 盞 嘢 喎 。
雷橫 聽 咗 就 啱 啱 得閒 ， 就 同 嗰 個 李小二 走 去 遊樂場 睇 下 嘢 啦 。
去 到 喇 ， 只見 門口 啊 掛住 好多 金字 帳額 ， 旗桿 上面 就 吊滿 晒 啲 彩旗 彩帶 。
入到 裏 便 ， 就 喺 青 龍頭 即 係 左手 便 啊 ， 第一個 位 坐落 。
呢 個 時候 喺 戲 台上 ， 做緊 一出 滑稽 趣劇 噃。
嗰 個 李小二 帶 咗 雷橫 嚟 喇 ， 自己 就 鬆 人 喇 走 去 搵 酒 飲 喎 。
呢 出 趣劇 做 完 ， 就 見到 有個 老坑 ， 戴住 頂 頭巾 ， 着 住 一件 茶褐色 嘅 羅 衫 ， 攬 一條 黑 腰帶 揸 住 把 扇 ， 上 嚟 講喇 ：
老漢 係 東京 人氏 ， 白玉喬 就 係 我 。
而家 年紀 老邁 啊 ， 就 係 靠 個 女 秀英 ， 歌舞 吹彈 ， 普天下 伏侍 看官 啊 。
嘿嘿 節 ， 嘿嘿 節嘿 ， 嘿 ， 鑼鼓 一聲 ， 嗰 個 白秀英 行上 戲台 參拜 四方 ， 揸 起 支鼓竹 ， 就點 起 嚟 喇 ， 嘿 呀 好似 撒豆 噉 。
然後 ， 啪 噉 ， 拍 一下 界方 ， 唸 咗 四句 七言詩 喎 ：
新鳥 啾 啾 舊 鳥 歸 ， 老羊 羸瘦 小羊 肥 。 人生 衣食 真 難事 ， 不及 鴛鴦 處處 飛 。
雷橫 一 聽 就 喝彩 喇 。
白秀英 跟 住 話 喇 ：
今日 秀英 嘅 招牌 上 便 ， 寫住 呢 一段 說唱 ， 係 一段 風流 蘊藉 嘅 故事 ， 叫做 豫章 城雙漸 趕蘇卿 啊 。
於是 ， 講 咗 又 唱 ， 唱 完又講 ， 全場 嘅 觀 眾 呀 ， 喝彩 不 絕 啊 。
呢 個 白秀英 ， 唱 到 最 精彩 個 地方 ， 佢 個 老豆 白玉喬 就 叫 佢 停下 先 ， 佢 話 喇 ：
雖 無 買馬 博金藝 ， 要動 聰明 鑒 事人 啊 。
各位 看官 喝 過 彩 喇 ， 十分 賞面 ， 乖女 去 唞 陣先 ， 然後 再 唱 一段 精彩 嘅 。
白秀英 攞 起 個 托盤 ， 對住 觀眾 話 喇 ：
財 門上 起 ， 利 地上 住 ， 吉 地上 過 ， 旺地 上行 ， 手到 面前 ， 唔 好 等 奴家 空 過 噃。
白玉喬 話 ： 乖女 啊 你 去 行 一趟 ， 看官 都 會 重重 噉 賞 你 。
白秀英 托住 個 托盤 ， 第一個 就 嚟 到 雷橫 面前 。
雷橫 就 扲 錢 啦 ， 喺 身邊 嘅 袋 裏 便 一 摸 ， 弊 ， 弊 ， 一文錢 都 冇 。
雷橫 就 話 喇 ： 今日 唔 記得 帶 錢 出 嚟 添 ， 聽日 先至 一齊 賞 畀 你 啦 。
白秀英 就 笑 喇 ：
最 棹 忌 就 係 落筆 打三 更 喎 ， 官人 坐當 其位 ， 唔 該 你 帶個 好頭 啦 。
雷橫 呀 ， 面都 紅晒 ：
誒 我 一時 唔 記得 帶 出 嚟 ， 唔 係 我 唔 捨得 。
官人 你 既然 嚟 聽 唱 嘢 咯 ， 點會 話 唔 記得 帶 錢 出 嚟 㗎 ？
誒 ， 我賞 三五兩 銀 畀 你 都 唔 緊要 啊 ， 至衰 今日 就 唔 記得 帶 嚟 呢 。
哼哼 ， 官人 今日 連 一文錢 都 冇 ， 仲講 咩 嘢 三五兩 銀 啦 ， 盞 叫 奴家 望梅止渴 ， 畫餅 充 饑 啫 。
白玉喬 就 話 喇 ： 乖女 啊 ， 你 都 唔 帶 眼識 人 嘅 ， 一味 問 佢 做 咩 嘢 吖 ？
快 啲 去 問個 懂事 嘅 恩 官 ， 請 佢 帶 個 好頭 罷啦 。
雷橫 嬲 嘞 ： 噉 你 即 係 話 我 唔 懂事 咯 喎 ？
白玉喬 話 ： 你 如果 學會 撈 世界 呀 ， 狗頭 上 生角 啊 。
嗰 啲 觀 眾 呢 跟 住 柴 起 上 嚟 咯 喎 。
雷橫發 大火 喇 ：
你 呢 個 死 老坑 ， 竟然 膽敢 羞辱 我 係 嘛 ？
我 就算 鬧 你 呢 個 三家村 使 牛 嘅 鄉下佬 又 有 咩 嘢 咁 巴閉 啊 ？
有 啲 識得 嘅 人 就 話 喇 ： 唔 好 啊 唔 好 啊 ， 呢 個 本縣 雷都頭 啊 。
白玉喬 話 ： 雷都頭 ？ 怕 係 雷將 棍 咋 啩。
雷橫仲 邊度 忍 得 住 㗎 ， 佛 都 出火 啦 真 係 。
喺 椅 處 一 跳上去 戲台 ， 揪住 白玉喬 ， 一拳 一腳 ， 打 到 佢 嘴唇 爆裂 就 甩 咗 隻 門牙 。
嗰 班 人 見 打 得 咁 厲害 喇 ， 都 嚟 拉開 佢 哋 啦 ， 又 勸 雷橫返 咗 去 。
遊樂場 嗰 啲 人 呢 㗾 聲 就 散 晒 。
原來 呢 個 白秀英 啊 ， 同 呢 處個 新任 知縣 呢 ， 以前 喺 東京 就 有 來往 ， 係 老相好 嚟 㗎 喇 。
今日 呢 ， 就 特 登 喺 鄆城縣 開個 勾欄 ， 即 係 遊樂場 啊 。
呢 個 歌妓 見 父親 畀 雷橫 打 到 咁 緊要 ， 就 叫 咗 頂 轎 ， 一直 就 抬 到 去 知縣 衙門 ；
就 告雷橫 毆打 父親 ， 搞散 遊樂場 ， 就 志在 欺負 奴家 噉 咯 噃。
知縣 聽 咗 就 好 嬲 啦 ：
你 快 啲 寫 張狀 嚟 ， 吓 ， 我 去 辦 佢 ， 我 去 辦 佢 。
嘿嘿 ， 各位 聽眾 啊 ， 呢 個 就 叫做 枕頭 狀喇好靈 㗎 。
跟 住 就 叫 白玉喬 寫 咗 張狀 ， 驗 咗 傷 ， 搵 咗 個 證人 ， 準備 去 搞鬼 雷橫 。
縣 裏頭 有 啲 人 同雷橫 好 嘅 ， 就 為 佢 去 知縣 嗰 處 打關節 ， 講 人情 啦 。
點頂 得 順 嗰 個 婆娘 守 實 喺 衙門 裏 便 ， 一味 噉 詐嬌 ， 就 唔 到 知縣 唔 聽 佢 話 。
佢 係 要 知縣 派 人 啊 ， 將雷橫 捉 嚟 縣府 ；
當堂 打 佢 ， 叫 佢 認 咗 罪 ， 又 用 副 枷 嚟 枷 咗 ， 押 出去 號令 示眾 。
嗰 個 婆娘 真 係 有 風使 盡里 。
佢 又 去 同 知縣 講 噃， 一定 要 將雷橫 號令 喺 遊樂場 門口 噉 。
第二日 ， 嗰 個 婆娘 又 再 去 略 咯 喎 。
噉 知縣 呢 就 真 係 叫 人 將雷橫 啊 ， 號令 喺 遊樂場 門口 嚟 。
擔枷 號令 呢 ， 本來 係 要將 犯人 嘅 衣服 剝 咗 ， 綁 起 上 嚟 。
噉 呢 一班 差 人 禁子 ， 都 係 同雷橫 一樣 嘅 差 人 啫 ， 就 點肯 糟質 雷橫 㗎 。
呢 個 婆娘 諗 咗 一 諗 ：
哼 ， 既然 係 要整 鬼 佢 就 整 到 佢 衰 為 止 。
於是 佢 就 行 出 遊樂場 門口 ， 去 茶坊 裏 便 坐落 ， 就 嗌 禁子 過 嚟 鬧 佢 哋 話 喇 ：
哼哼 ， 你 哋 都 同 佢 打 同 通 ， 等 佢 咁 自 在 係 嘛 ？
知縣 相公 叫 你 哋 嚟 到 綁 起 佢 ， 你 又 會 做人情 。
好 ， 等陣 我 同 知縣 講 ， 睇 下 我治 唔 治得 掂 你 哋 班 衰神 至 得 。
禁子 就 話 ： 哎 娘子 你 唔 好 嬲 ， 我 哋 去 綁 佢 就 係 啦 。
好 吖 ， 如果 係 噉 ， 我 就賞 啲 錢 畀 你 哋 。
嗰 班 禁子 只有 去 對 雷橫講 喇 ：
兄長 啊 ， 冇 修 喇 ， 委屈 下 你 啦 。
於是 就 將雷橫 剝 咗 衣服 ， 綁 起 上 嚟 。
呢 個 時候 喺 街 上面 好多 人 睇 熱鬧 。
啱 啱 雷橫個 老母 嚟 送飯 ， 見到 個 仔 畀 人 哋 剝 咗 衣服 ， 綁住 喺 度 擔 枷 號令 ， 就 喊 起 上 嚟 鬧 嗰 班 禁子 咯 噃：
哎呀 冇 陰功 啊 ， 你 哋 大家 都 同 我 個 仔 一樣 ， 喺 衙門 出入 嘅 人 嚟 㗎 嘛 ， 唉 啲 錢 就 真 係 咁 好使 真 係 咁 香 吓 ， 邊個 擔保 話 自己 冇 個 三 朝 兩日 㗎 。
啲 禁子 就 回答 話 喇 ：
阿婆 你 聽 我 說 啦 ， 我 哋 本來 唔 想 噉 嘅 。
哎 畀 嗰 個 原告人 ， 督 硬 喺 處 一定 要 綁 啊 ， 我 哋 又 冇 符 㗎 嘛 。
如果 唔 係 呀 ， 佢 又 走 去 同 知縣 講 ， 就 害死 我 哋 㗎 喇 我 哋 想 鬆 下 都 唔 得 啫 。
嗰 個 伯 爺 婆 話 喇 ： 幾時 見過 原告人 ， 誒 親自 要督住 被告 擔枷 號令 㗎 。
阿婆 啊 ， 佢 同 知縣 係 相好 嚟 㗎 ， 一句 說話 就整 𢰸 我 哋 㗎 喇 因此 好難 做 啊 我 哋 。
嗰 個 伯 爺 婆 ， 一面 自己 去 解條 繩索 ， 一便 把 口 就 鬧 喇 ：
你 呢 個 賊 賤人 ， 真 係 狗 仗 官威 啊 ， 我解 咗 你 條索 ， 我 睇 你 點至 得 。
白秀英 喺 茶坊 裏 便 聽 得 一清二楚 ， 佢 行 出 嚟 就 鬧 喇 ：
你 呢 個 死 老 鬼 吖 ， 喺 度 噏 乜嘢 啊 ？
嗰 個 老婆婆 已經 成肚氣 ， 見到 白秀英 埋 嚟 呀 啱 晒 就 指 住 佢 鬧 ：
你 呢 隻 衰狗 乸 ， 你 為 咩 事 幹鬧 我 ？
白秀英 聽 咗 呀 ， 豎起 堂 眼眉 ， 碌 大 雙眼 ， 大聲 噉 鬧 話 ：
老龜 婆 ， 乞兒 婆 ， 賤人 ， 你 咁 大膽 鬧 我 添 啊 你 ！
我 鬧 你 又點 啊 ？ 你好 叻 呀 ？ 你 唔 係 鄆城縣 知縣 嚟 吖 嘛 ， 吓 ？
白秀英 嬲 起 上 嚟 ， 衝 上前 一巴掌 啊 將個 伯爺婆 打 到 舂 咗 幾 舂 。
個伯爺 婆想 掙扎 ， 白秀英 再 衝上去 ， 大巴 大巴 噉 冚。
雷橫 係 個 孝子 嚟 ， 見到 母親 捱打 ， 一時 怒 從 心起 啊 。
嘩 噉 拗 開 副 枷 ， 對 正 白秀英 嘅 頭殼 就 打落 去 。
呢 一 枷 打 到 正 正 ， 頭殼 都 打 拆 咗 ， 噼啪 聲 跌 喺 地下 嚟 。
大家 睇 下 ， 咦 ， 個 白秀英 呀 打 到 腦漿 都 流晒出 嚟 ， 眼珠 突出 ，逳 都 唔 會 逳， 已經 瓜 老親 喇 。
啲 人 見 打死 咗 白秀英 ， 就 押 住 雷橫 ， 一齊 去 縣府 報告 啦 ， 就 同 知縣 大人 啊 講明 事情 嘅 經過 。
知縣 即刻 派 人 去 驗屍 ， 驗完 就 審雷橫 。
雷橫 乜嘢 都 認晒 ， 一 啲 都 冇 為 難 啊 。
審問 完 ， 佢 老母 就 搵 人 擔保 咗 返 屋企 。
雷橫 呢 用 枷鎖 住 ， 韞 咗 喺 監牢 嚟 。
當牢 節級 啊 你 估 係 邊個 呢 ？ 原來 就 係 美髯 公朱仝 。
佢 見 拉 咗 雷 橫 嚟 ， 冇 修 㗎 ， 亦 只有 安排 啲 酒菜 款待 佢 ；
叫個 獄卒 ， 打掃 返 一間 乾淨 房 ， 安頓 雷橫住 就 係 啦 。
過 咗 一陣 ， 雷橫 老母 嚟 監牢 送飯 ， 就 喊住 哀求 朱仝 話 ：
大哥 ， 我 呢 個伯爺婆 都 六十幾歲 咯 ， 就 係指 意 呢 個 仔 㗎 喇 。
勞煩 節級 大哥 你 ， 睇 在 平常 兄弟 嘅 情分 ， 可憐 下 我 呢 個 仔 ， 關照 下 佢 啦 。
朱仝 話 ： 阿 伯母 你 放心 ， 你 返 去 啦 ， 以後 唔 使 送飯 嚟 ， 小人 會 招呼 佢 。
如果 有 機會 ， 我 就 想 辦法 救 佢 啦 。
哎呀 ， 大哥 啊 ， 你 救 得 我 個 仔 ， 就 真 係 重生父母 ， 再世 爹娘 咯 。
如果 我個 仔有 咩 嘢 好醜 啊 ， 噉 我 呢 個伯爺婆 都 冇 命 㗎 喇 。
小人 會 記住 㗎 喇 ， 伯母 你 唔 使 掛心 ， 你 返 去 啦 。
噉 個伯爺婆 就 拜謝 咗 返去 。
朱仝 諗 咗 成日 啊 ， 都 冇 辦法 救 佢 。
噉 啊 唯有 去 知縣 嗰 處 打關節 講 人情 ， 上上下下 替 佢 使 錢 係 啦 。
呢 個 知縣 啊 雖然 喜歡 朱仝 啊 ， 但 係 嬲 雷橫 打死 咗 佢 個 相好 白秀英 啊 ， 所以 朱仝 講情 都 唔 靈喇 呢 趟 。
而且 嗰 個 白玉喬 啊 ， 催到實 ， 要 知縣 判雷橫 填 命 噃。
噉 韞 喺 監牢 裏 便 六十日 ， 期限 滿喇 ， 結 咗 案 ， 就解 上去 濟州 ， 主案 押司 就 帶 住 公文 先行 ， 就 叫 朱仝 押 雷橫去 。
朱仝 就 帶 住 十幾個 獄卒 差 人 ， 押住 雷橫 離開 咗 鄆城縣 。
大概 行 咗 十零里 啦 ， 見到 有個 酒店 喺 路邊 ， 朱仝 就 話 喇 ：
我 哋 大家 喺 呢 處 飲 兩碗 酒先 至行 呢 。
噉 啊 大家 都 入 去 店裏 便 飲酒 。
朱仝 一個 人 就 帶 咗 雷橫 出去 ， 話 係 去 小便 。
去 到 後 便 靜僻 嘅 地方 ， 同雷 橫開 咗 枷 ， 放 咗 雷橫 ， 佢 話 ：
賢弟 ， 你 快 啲 返去 屋企 ， 帶 埋 老母 ， 趯 去 第處 避難 ， 呢 處 等 我 嚟 替 你 吃官司 。
雷橫 就 話 喇 ： 哎呀 ， 小弟 一走 就實 連累 阿哥 你 㗎 噃。
兄弟 你 唔 知 。
知縣 怪 你 打死 咗 佢 嘅 相好 ， 將 你 嘅 案 ， 定 死 咗 喇 ， 解到 去 州 裏 便 實行 要 你 填 命 嘅 。
我放 咗 你 ， 唔 會 係 死罪 嘅 。
更 兼 我 又 無 父母 牽掛 ， 要 使 錢 咩 ， 我 又 有 。
我 唔 緊要 嘅 ， 你 快 啲 走 啦 。
雷橫 拜謝 咗 朱仝 ， 就 由 後門 小路 趯 返 屋企 ， 收拾 咗 金銀 細軟 就 帶 埋 老母 ， 漏夜 去 投奔 梁山泊 入夥 ， 呢 啲 不在話下 。
而家 講返 下 朱仝 啊 ， 佢 揸 住 個 空 枷 掉 咗 喺 草堆 裏 便 ， 行返 入 去 酒店 同 啲 差人話 喇 ：
弊 喇 ， 畀 雷橫 走 咗 喇點 好 呢 ？
大家 就 話 喇 ： 噉 我 哋 快 啲 去 佢 屋企 捉 佢 啦 。
朱仝 就 故意 整 三整 四 ， 拖延 咗 好 耐下 ， 諗 住 雷 橫行 咗 好 遠 喇 ， 噉 先 至 帶 住 大家 去 縣裏 便 報告 。
朱仝 報告 話 ： 小人 唔 小心 ， 喺 路上 畀 雷橫 走 甩 咗 ， 捉 唔 返 ， 甘願 受罰 。
知縣 本來 就 好 鐘意 朱 仝 嘅 ， 有心 開脫 佢 ， 哈哈 ， 點知個 白玉喬 唔 肯 喎 ， 話 要 去 上司 告朱仝 ， 故意 放走 雷橫 噉 。
知縣 就 只有 將朱仝 所 犯 嘅 案情 ， 申報 去 濟州 啦 。
噉 朱仝 屋企 呢 ， 自 不然 會 搵 人 去 州 裏 便 使 錢 賣 通晒 。
噉 將朱仝 解到 去 濟州 ， 當堂 審問 明白 喇 ， 打 咗 二十 棍 ， 刺配 滄州 牢城 。
朱仝 就 只有 擔起 枷 ， 由 兩個 押送 差 人 就 帶 住 公文 ， 押 咗 佢 起程 。
屋企 亦 有人 送 衣服 使用 嚟 ， 又 送 咗 啲 銀 畀 兩個 差人定 啦 。
噉 當時 離開 咗 鄆城縣 ， 一路 去 滄州 橫海 郡 喇 。
到 咗 滄州 ， 進 到 城 ， 去州 衙門 裏 便 。
咁 啱 知府 啊 升堂 辦公 ， 兩個 差 人 就 押 朱 仝 喺 大堂 台 階下 便 ， 就 呈 上 公文 。
知府 睇 咗 ， 嗯 ， 見到 朱仝 一表非俗 啊 ， 貌 如 重棗 ， 長 鬚 過 腹 ， 個 知府 已經 有 八分鐘 意 佢 。
就 吩咐 話 呢 個 犯人 唔 好 發去 牢城營 喇 ， 就 留 喺 本 府 聽候 差遣 啦 噉 。
於是 就 除 咗 行 枷 ， 批 咗 回文 。
噉 嗰 兩個 差 人 辭別 咗 就 返 扯 。
朱仝 以後 啊 ， 佢 就 每日 喺 知府 衙門 伺候 。
呢 個 滄州 府 裏 便 嘅 押 番 、 虞候 、 門子 、 承局 、 節級 、 牢子 ， 佢 個個 都 送 啲 人情 去 。
朱仝 為 人 又 和氣 啊 ， 因此 呢 人人 都 歡喜 佢 。
