呢個 時候 ，話 病 尉遲 孫立 ，嚟 獻計 攻打 祝家莊 噉 嘿 當堂 呀 歡喜 晒 。
連忙 就 叫 人 準備 酒菜 ，安排 筵席 ，嚟到 接待 孫立 一行 人馬 咯 喎 。
噉孫立呢 ，就 叫 自己 嗰班 夥記 啊 ，跟住 車 仗 人馬 ，搵 一笪 地方 住落 先 。
佢 就 淨係 帶住 解珍 、解寶 、鄒淵 、鄒潤 、孫新 、顧大嫂 、樂和 ，總共 八個 人 嚟 參見 宋江 。
宋江 就 擺酒 設宴 款待 不在話下 啦 。
吳學究 就 暗傳 號令 畀 大家 ，叫 啲 人 ，第三日 就 噉噉噉 行動 ，第五日 又 噉噉噉 行動 。
吩咐完喇 ，孫立佢哋 接受咗 命令 按照 計策 ，一行人 同埋 車仗人馬 就 去 祝家莊 咯喎 。
噉 當時 軍師 吳用 就 對 戴宗 話 喇 ：
唔該賢弟 你 同 我 返去 山寨 ，去 叫 鐵面孔 目 裴宣 、聖手 書生 蕭讓 、通臂猿 侯健 、玉臂匠 金大堅 嚟 。
叫佢哋 帶埋 啲 噉噉噉嘅 行頭 ，連夜 落山 嚟 ，我 有 用得着 佢哋 嘅 地方 吓 。
戴宗 就 去咗 咯 。
呢個 時候 ，只見 寨外 有 個 軍士 嚟 報告 話 ：西村 扈家莊 嘅 扈成 啊 ，牽 牛 擔 酒 ，特意 嚟 求見 噉 。
宋江 叫 請 佢 入嚟 啦 。
扈成 嚟到 中軍 帳前 ，就 再 拜 噉 懇求 話 ：
小妹 一時 粗魯 ，年幼 唔懂事 誤犯 虎威 ，今日 被擒 望 乞 將軍 寬恕 啊 。
因為 小妹 已經 許配咗 畀 祝家莊 ，如果 得到 將軍 放返 佢 ，噉 將軍 要 啲 乜嘢 ，我 都 遵命 拜奉 啦 。
宋江話 ：請坐 落 慢慢 講 。
祝家莊 嗰班 傢伙 十分 無禮 啊 ，平白無故 噉 欺負 我哋 山寨 ，因此 要 出兵 嚟 報仇 。
呢 一 啲 就 同 你 哋 扈家 無 冤 嘅 。
不過 令妹 帶 人 捉咗 我 王矮虎 ，因此 就 還禮 捉咗 令妹 啫 。
你 如果 將王 矮虎放返 嚟 還 畀 我 ， 我 就 將令 妹 還返 畀 你 就 係 啦 。
扈成就 回答 話 喇 ：不過 ，祝家莊 已經 攞 咗 呢個 好漢 去 咯噃 。
吳學究 就 話 ：噉 我哋 呢個 王矮虎 而家 喺 邊處 嚟 呢 ？
扈成話 ：而家 鎖住 喺 祝家莊 嚟 ，小人 點 敢 去 攞 呢 ？
宋江話 ：你 唔去 攞 王矮虎 嚟 還畀 我 ，又 點 能夠 攞得 你 個 令妹 返去 啊 ？
吳學究 話 ：兄長 唔好 噉 講 。
扈兄 ，你 聽 小生 一句 說話 啦 。
今後 祝 家莊 上 有 啲 咩嘢 逳動 ，你 嗰處 千祈 唔好 派 人 去 救 佢 。
如果 祝家莊 有人 投奔 到 你 嗰處 ，你就 綁起佢 送嚟 。
如果 捉到 人 喇 ，到時 就 送返 令妹 到 貴莊 。
不過 而家 令妹 唔 喺 本寨 ，前幾日 ，已經 派 人 送 咗 上山寨 喇 ，喺 宋太公 處 住住 先 。
你 放心 返去 啦 ，我 會 妥善 安排 㗎 喇 。
扈成就話喇 ：今後 我 斷然 唔敢 去 救佢 喇 。
如果 佢 莊 上面 真 係 有人 嚟 投奔 我 ， 我 一定 綁 咗 佢 嚟 奉獻 畀 將軍 麾下 。
宋江話 ：你 如果 能夠 噉樣 ，就 好過 送 金帛 畀 我 多多聲喇 。
扈成 多謝 過 宋江 之 後 就 返咗 去 。
而家 講 下 孫立 呢 ，佢 就 將 旗號 上 便 啊 ，改 成為 ：登州 兵馬 提轄 孫立 ，帶領 住 一行 人馬 ，就 嚟到 祝家莊 後 門 前 便 咯 喎 。
噉 祝家莊 嗰啲 人 呢 ，喺 牆 裏 便 睇見 佢 係 登州 旗號 唄 ，入去 報告 啦 。
欒廷玉 聽見 係 登州 孫 提轄 嚟到 探望 唄 ，就 同 祝氏 三傑 話 喇 ：
呢個 孫提轄 係 我 嘅 弟兄 ，自細 同佢 同 師 學藝 嘅 ，今日 唔知 咩嘢 事 嚟到 呢處 呢 ？
於是 佢 就 帶住 二十幾個 人馬 ，開咗 莊門 放落 吊橋 出嚟 迎接 。
孫立 一行 人 都 落 咗 馬 ， 眾人見 過禮 之後 ， 欒廷玉 就 問喇 ：
賢弟 喺 登州 把守 ，點解 嚟到 呢處 啊 ？
孫立 回答 佢 話 ：
總兵府 有 公事 嚟 ，要 調 我 嚟 呢處 鄆州 守 把 城池 ，提防 梁山泊 強寇 。
我 順路 經過 聽講 仁兄 喺 呢處 祝家莊 ，特意 嚟到 探望 你 啊 。
本來 我 係 想 喺 前門 嚟 嘅 ，點知 見到 村口 莊前 ，都 駐扎咗 好多 軍馬 ，就 不便 同 佢哋 衝突 啦 。
所以 就 特登 搵到 去 村裏 便 ，由 小路 呀 一路 問人 問到 去 莊 後 ，入嚟 拜望 仁兄 。
欒廷玉 就 話 ：係啊 ，因為 呢幾日 ，連 氣 同 梁山泊 強寇 廝殺 ，已經 捉到 佢 幾個 頭領 喺 莊處 喇 ；
只要 捉住 宋江 賊首 ，一齊 解官 。
哎 好 咯 好 咯 ， 今日 賢弟 你 嚟 呢 處 鎮守 ， 正如 錦上添花 ， 旱苗得雨 啊 。
孫立就 笑喇 ：哈哈哈哈 ，小弟 不才 ，一定 相助 仁兄 捉拿 呢一班 傢伙 ，成全 兄長 之 功 。
欒廷玉 非常之 歡喜 啦 。
就 帶住 孫立 一行人馬 入咗 莊 ，再 拉返 起 道 吊橋 ，閂返 實道 莊門 。
噉 孫立 一 行人 就 安頓 好 車仗 人馬 ，換過 衣服 ，就 喺 前廳 嚟 拜會 喇 。
祝朝奉 同埋 祝龍 、祝虎 、祝彪 三傑 ，一家 都 喺 廳前 迎接 。
欒廷玉 就 帶 孫立 佢哋 上到去 廳 上 相見 ，行過 禮 ，就 同 祝朝奉 話 喇 ：
我 呢個 賢弟 孫立 啊 ，綽號 病 尉遲 ，任 登州 兵馬 提轄 。
而家 奉咗 總兵府 嘅 命令 調佢 嚟 鎮守 呢度 鄆州 。
祝朝奉話 ：噉 老夫 亦 係 治下 喎 。
孫立話 ：卑小之職 ，何足道哉吖 ！以後 亦 要 請 朝奉 提攜 指教 。
祝氏 三傑 就 請 孫立 喺 上位 坐落 ，互相 寒暄 問候 。
孫立就話喇 ：連日 相殺 ，征陣 勞神 啊 。
祝龍 就 回答 佢 話 ：亦都 未見 勝敗 。
眾位 尊兄 ，鞍馬 勞神 ，辛苦晒喇 。
跟住 孫立 就 叫 顧大嫂 ，同埋 樂大娘子 啊 ，噉 佢哋 兩 嬸姆 呢 去 後堂 拜見 啲 宅眷 。
又嗌 孫新 、解珍 、解寶 過嚟 參見咗 ，佢 話 ：呢 三個 係 我 兄弟 。
然後 又 指住 樂和 話 ：呢位 係 呢處 鄆州 派 去 接 我 嘅 公吏 。
又 指住 鄒淵 ，鄒潤 話 喇 ：呢 兩個 係 登州 送 我 嚟 嘅 軍官 。
祝朝奉 同埋 佢 三個 仔 啊 ，就算 係 硬聰明 ，之見 佢 帶埋 家人 老小 ，仲有 咁多 行李 、車仗 、人馬 。
而且 又係 欒廷玉 教頭 嘅 師兄弟 喎 ，仲 點 會 有 思疑 㗎 。
信晒 ，即刻 就 劏 牛 殺 馬 ，大排筵席 嚟到 款待 佢哋 咯喎 。
噉喺 祝家莊 ，熱鬧 咗 兩日 。
到咗 第三日 ，莊兵 嚟 報告 喇 ：
宋江 又 調 軍馬 殺到 嚟 莊 前 喇 。
祝彪話 ：等我 去 捉拿 呢一班 強賊 ！
出咗莊門 ，放落 吊橋 ，帶咗 一百幾 啊個 馬軍 ，殺出去 。
出去 就 撞見 一彪 軍馬 喇 ，大概 有 五百 幾 人 啦 。
當先 擁出 嗰個 頭領 ，彎弓 插箭 ，拍馬 輪槍 ，乃係 小李廣 花榮 。
祝彪 見到 就 躍馬 挺槍 上前嚟 打 。
花榮 亦都 縱馬 上前 嚟 迎戰 祝彪 咯噃 。
兩個 喺 獨龍崗 前 便 ，大概 打咗 十幾個 回合 ，不分 勝敗 。
花榮瀡聲賣個破綻 ，撥轉馬頭就走 ，引佢嚟追 ，祝彪啱啱想縱馬追上去 。
佢 後便 有 個 識得 花榮 嘅 人 就 嗌 喇 ：將軍 你 唔好 去 追 啊 唔好 去 追 啊 ，提防 暗器 啊 。
呢個人 嘅 弓箭 呀 好 厲害 㗎 。
祝彪 聽咗 就 勒 轉馬 唔去 追 ，領返 自己 嘅 人馬 就 返返 入 莊 ，拉高 條 吊橋 。
而花榮呢 ，亦都 帶住 軍馬 返咗 去 。
祝彪 返到 去 廳 前 落馬 ，入去 後堂 飲酒 。
孫立就 問 佢 喇 ：小將軍 今日 捉到 咩嘢 賊人 返嚟 啊 ？
祝彪就話 ：嗰班傢伙 裏便 有 個 咩嘢 小李廣 花榮 ，槍法 非常之 使得 。
同佢 鬥咗 十幾個 回合 ，嗰個 傢伙 走嘞 。
我 本來 想 去 追 嘅 ，收尾 啲 莊兵 話 嗰個 傢伙 弓箭 好 厲害 啊 噉 ，因此 就 各自 收兵 返嚟 啦 。
孫立就話喇 ：聽日 ，睇下 小弟 ，捉佢 幾個 。
當日 喺 筵席 上 便 啊 就 叫 樂 和 唱曲 助興 添 喎 。
大家 聽咗 都 唔知 幾 高興 ，一路 飲酒 飲到 好 夜 先至 散席 。
又過咗 一晚 ，到 第四日 嘅 午牌 時候 ，莊兵 又 嚟 報告 喇 ：
宋江 軍馬 又 嚟 莊前 喇 。
祝龍 、祝虎 、祝彪 ，三個 即刻 披掛 好 ，出到 嚟 莊門 外 便 。
遠遠 就 見到 對面 梁山 人馬 已經 擺好 陣勢 ，喺度 鳴鑼 擂鼓 ，搖旗 吶喊 。
呢便嘅祝朝奉呢 ，坐喺 莊門口 嚟 ，左便 就 欒廷玉 ，右便 就 病尉遲孫立 ；
祝家三傑 ，同埋 孫立 帶嚟 嘅 咁多人 ，都 擺晒 喺 兩便 嚟 。
呢個 時候 見到 宋江 陣上 ，豹子頭 林沖 高聲 叫罵 噃 。
祝龍嬲嘞 ，喝人放落吊橋 ，提槍上馬 ，帶住 一兩百人馬 大叫一聲 就直奔 林沖 嘅 陣上 。
莊門下 便 呢 ，沊沊 聲 擂 起 鼓 嚟 。
兩邊 呀 都 用 強弓 硬弩 射住 陣腳 。
林沖 挺起 丈八 蛇矛 ，同 祝龍 交戰 ，一連 打到 三十幾個 回合 都 不分 勝敗 。
兩便 就 打響 個 鑼 嗙聲 就 返轉頭 喇 ，大家 唔 打住 。
祝虎 怒氣沖天 ，提刀 上馬 就 跑到 陣前 ，高聲 大叫 話 宋江 嚟 決戰 啦 噉 。
話猶未了 ，宋江 陣上 已經 有 個 大將 出馬 ，乃係 沒遮攔 穆弘 啊 。
兩個 鬥咗 三十幾個 回合 ，又 係 冇 勝敗 。
祝彪 見咗 就 發火咯 ，攞起 支槍 ，飛身 上馬 ，帶住 二百幾個 馬軍 就 奔到 陣前 。
宋江 呢 便 呢 ，病 關 索 楊 雄 一 騎 馬 一 條 槍 ，飛奔 出嚟 迎戰 祝 彪 。
孫立 見到 兩隊 人馬 喺 陣前 廝殺 ，都 忍唔住 手 喇 ，就 嗌 孫新 話 ：
攞 我 嘅 鞭槍 嚟 ，幫 我 將 衣甲 、頭盔 、袍襖 披掛 好 。
然後 就 牽咗 自己 隻 馬 嚟 ，呢 匹 馬 叫做 烏騅馬 ，好 靚 。
備上馬鞍 ，扣咗 三條肚帶 ，手腕上 便 掛住 一條 虎眼 鋼鞭 ，提槍 上馬 。
祝家莊上 ，嗙咁 一聲 鑼 響 ，孫立 就 出馬 跑到 陣前 嘞 。
宋江 陣上 嘅 林沖 、穆弘 、楊雄 都 勒住 馬 ，企 喺 陣前 唔 逳 。
孫立 就 跑馬 出嚟 話 ：睇 我 嚟 捉 呢班 傢伙 。
孫立 將 隻 馬 一兜住 大喝 一聲 ：
嘿 ，你 嗰個 賊兵 陣上 ，有 邊個 好打 嘅 出嚟 同 我 決戰 ！
只見 宋江 陣 內 啊 ，鸞鈴 一 響 ，叮叮叮叮叮 ，一騎馬 跑出嚟 。
眾人 一 睇 ，原來 係 拼命 三郎 石秀 嚟 戰 孫立 。
兩馬 相交 ，雙槍 並舉 。
兩個 鬥到 五十個 回合 ，孫立 就 賣 個 破綻 ，讓 石秀 支 槍 刺入 嚟 ，佢 虛閃 一下 ；
將 石秀 輕輕噉 喺 馬上 捉咗 過嚟 ，一直 挾 到 去 莊前 掉咗 落 地下 ，喝 一 聲 話 將 佢 綁起嚟 ！
噉 祝家 三個 仔 呢 ，就 將 宋江 軍馬 一攪 ，冚𠾴唥 趕散 晒 。
祝家 三個 仔 收軍 回到 去 門樓下 便 就 見到 孫立 ，個個 都 拱手 行禮 ，大為 欽佩 啊 。
孫立 就 問 喇 ：我哋 總共 捉得 幾多個 賊人 啊 ？
祝朝奉話 ：起先 捉到 個 時 遷 ；
跟住 又 捉到 個 奸細 楊林 ；
又 捉到 個 黃信 ；
扈家莊 一丈青 捉到 一個 王矮虎 ；
陣上 又 捉到 兩個 ，秦明 同 鄧飛 ；
今日 將軍 你 又 捉得 呢個 石秀 ，嚱嚱 ，呢個 傢伙 呀 ，就係 燒咗 我 酒店 㗎 喇 。
總共 係 七個 喇 。
孫立就話 ：嗯 ，一個 都 唔好 整死 佢 ，快啲 做 七架 囚車 ，嚟 韞起 佢哋 ；
畀啲 酒飯 佢哋 食 ，同 佢哋 保養 好 身體 ，唔好 餓壞咗 佢 ，唔好 睇 呢 。
第日 捉到 宋江 一齊 解上去 東京 ，等到 天下 傳名 ，稱贊 呢個 祝家莊 三傑 啊 ！
祝朝奉就多謝話喇 ：好彩得到提轄嚟幫助 ，睇嚟呀 ，梁山泊就該覆滅喇 ，哈哈哈哈哈哈哈哈 。
就 請 孫立 去 後堂 宴會 咯 喎 。
噉就 將 石秀 呢 ，用 架 囚車 嚟 韞住 。
各位 聽眾 ，石秀 嘅 武藝 本來 就 唔 低過 孫立 嘅 ；
噉啊為咗要呃祝家莊啲人啊 ，就特登叫孫立捉咗佢 ，使到祝家莊啲人呢完全信晒孫立 。
噉之後呢 ，孫立 又 暗中 ，使 鄒淵 同 鄒潤 、樂和 ，去 後 便 將 啲 出入 門戶 ，冚𠾴 唥 睇 清楚 晒 。
楊林 、鄧飛 見到 鄒淵 、鄒潤 唄 個 心 就 暗暗 歡喜 嘞 。
樂和睺住冇人 ，就 將 消息 嚟 通水 畀 大家 知 。
顧大嫂 同 樂大娘子 喺 裏頭 啊 ，亦 已經 睇 清楚 房戶 出入 嘅 門路 嘞 。
到咗 第五日 ，孫立 佢哋 喺 莊 裏 便 散步 。
當日 辰牌 時候 啊 ，食完咗 早飯 ，只見 莊兵 嚟 報告 話 ：
今日 宋江 分兵 四路 嚟 攻打 本莊 啊 。
孫立就話喇 ：分 十路 又 點 啊 ？
你哋啲人唔使慌吓 ，做好準備就得喇 。
大家 安排 多啲 撓鉤套索 ，要 生擒活捉 佢哋 ，捉死 嘅 都 唔 算數 。
莊上 嘅 人 都 披掛 好 。
祝朝奉 親自 率領 住 一班人 ，上去 門樓 嚟 睇下 ，見到 正東 便 一彪 人馬 。
當先 一個 頭領 ，乃係 豹子頭 林沖 ，後便 就係 李俊 、阮小二 ，約莫 有 五百 以上 嘅 人馬 喺 呢度 。
正西便呢 ，又 有 五百 幾 人馬 ；
當先 一個 頭領 就 乃係 小李廣 花榮 ，佢 背後 係 張橫 、張順 。
喺 正南 門 樓 上面 望 呢 ，亦 有 五百 幾 人馬 ；
當先 三個 頭領 ，乃係 沒遮攔 穆弘 、病關 索 楊雄 ，同 黑旋風 李逵 。
四面 都係 兵馬 ，沊沊沊沊沊沊沊沊沊 ，喎嗬 ！戰鼓 齊鳴 喊聲 大作 。
欒廷玉 聽咗 就 話 喇 ：今日 呢班 傢伙 廝殺 呀 唔好 輕敵 啊 。
我帶 一隊 人馬 出 後門 ， 殺 西北 便 嘅 人馬 。
祝龍 就 話 ： 我出 前門 ， 殺 正東 便 嘅 人馬 。
祝虎 就 話 ： 我亦出 後門 ， 殺 西南 便 嘅 人馬 。
祝彪話喇 ：我 出 前門 ，捉 宋江 呢個 最 緊要 嘅 賊首 。
祝朝奉好歡喜啊 ，都 賞佢哋 每人 三杯酒 。
飲完酒喇 ，各人 上馬 ，各 帶 三百 騎兵 就 奔出 莊門 。
其餘嗰啲呢 ，都 守住 莊院 門樓 前面 吶喊 助威 。
呢個 時候 鄒淵 、鄒潤 ，已經 收藏住 把 大斧頭 ，喺 監門 左近 就 守到 硬 喇 。
解珍 、解寶 呢 身 藏 暗器 ，一步 都 唔 離開 後門 。
孫新 、樂和 就 守 實 前門 左右 。
顧大嫂 呢 ，就 派咗 人 保護 樂大娘子 先 ，然後 自己 就 攞住 兩把 雙刀 ，喺 堂前 轉嚟轉去 。
一有消息呢 ，就 準備 即刻 逳手 。
而家 再 講下 祝家莊 上 啊 ， 擂 咗 三通 戰鼓 ， 轟 噉 放 咗 一個 大炮 ， 將 前後 莊門 都 打開 晒 ， 放落 吊橋 ，㗾 噉 一齊 殺出去 喇 。
噉 四路 軍兵 出咗 大門 ，就 分 四面 去 廝殺 啦 。
跟住 ，孫立 就 帶咗 十幾個 軍兵 ，企 喺 吊橋 上 便 。
大門 裏 便 ，孫新 就 將 原來 帶嚟 嘅 旗號 插 喺 門樓 上 ，樂和 就 提住 槍 ，唱住 歌 出嚟 ，嘿 ，呢個 係 暗號 嚟 。
鄒淵 、鄒潤 聽見 樂 和 唱嘢 ，咈咈咈 就 吹咗 幾 聲 哨子 ；
舞起大斧 就 將 守家門 嘅 莊兵 ，斬低咗 幾十個 ，打開咗 囚車 放出 七隻 老虎 嚟 ；
各人 都 搵咗 器械 ，一聲 吶喊 就 喺 裏頭 打出去 。
顧大嫂 掹出 兩把刀 ，直 衝入去 房裏 便 ，將 所以 嘅 婦人 啊 一刀一個 冚𠾴唥 殺 清光 。
祝朝奉 見到 勢頭 唔妥喇 ，正話 想 投井 死咯喎 ，點知 畀 石秀 一刀 斬低 就 割咗 首級 。
嗰 十幾個 好漢 就 分頭 嚟 殺 莊兵 。
喺 後門口 ，解珍 、解寶 就 去 馬草堆 裏 便 放起 把 火 嚟 ，黑焰 同 大火 呀 沖天 而 起 啊 。
宋江 嗰 四路 人馬 ，見到 莊裏 便 火起 呢 就 搏命 向前 啦 。
祝虎 見 莊 裏頭 火 起 ，驚喇 ，即刻 想 跑 返 轉頭 。
孫立守 喺 吊橋 上面 大喝 一聲 話 ：你 呢個 傢伙 想 去 邊處 ！
攔住 吊橋 。
祝虎 知道 弊傢伙 喇 ，就 撥轉 馬頭 ，向返 住 宋江 陣上 衝過去 。
嗰便嘅 呂方 、郭盛 兩戟 齊舉 ，將 祝虎 連人帶馬 就 打翻 在地 。
嗰啲 兵卒 一擁而上 ，斬到 成 肉泥 啊 。
祝家莊 嘅 前軍 就 四散 逃走 啦 ，噉 祝家莊 就 打開 咗 咯 。
孫立 、孫新 就 迎接 宋公明 入 祝家莊 。
噉而家 講 東路 ，祝龍 佢 就 鬥 林沖 唔住 啊 ，就 飛馬 向住 莊 後 跑過去 。
到咗 吊橋 邊 ，見到 後門口 解珍 、解寶 將 啲 莊客 嘅 屍首 啊 一個個 噉 掉落嚟 ，掉 喺 啲 火 裏 便 喎 。
祝龍 即刻 回馬 向 住 北方 趯 。
突然間 撞正 黑旋風 ，一撲過嚟 ，嘩 ，舞起 雙斧 ，斬斷 咗 馬腳 。
祝龍 就 措手不及 ，打倒 埞 撞咗 落嚟 ，畀 李逵 一斧 就 斬咗 個 頭 去 。
祝彪 見 莊兵 走嚟 報告 就 唔敢 返去 啦 ，就 趯咗 去 扈家莊 。
點知 畀 扈 成 叫 莊客 捉住 佢 綁起嚟 ，即刻 解去 見 宋江 。
喺路上 ，咁啱 遇 正 李逵 喎 ，一斧 ，嗯 ，噉 就 斬咗 祝彪 個 頭 。
啲 莊客 見到 噉 嘿不得了 ，走散晒 。
李逵 再舞 起 雙斧 ，對 實 扈 成就 斬 過去 喇 。
扈成 見到 局面 咁 弊 ，拍馬 落荒 而 走 啦 屋企 都 唔 要 咯 條命 緊要 啊 。
噉扈成呢就投奔咗去延安府 ，收尾啊亦做咗個軍官 武將 呢啲唔講佢喇 。
而家 講 下 嗰個 李逵 啊 ，殺 到 手順 ，一直 衝 入去 扈家莊 ，將 扈太公 啊 一門 老幼 冚𠾴 唥 殺晒 一個 都 唔 留 。
又叫 小嘍啰 就 牽咗 所有 嘅 馬匹 ，將 莊裏 便 應有盡有 嘅 財物 ，執埋 大概 有 四五十 擔 啦 ，用 馬 嚟 馱住 ；
然後 就 放 把 火 燒咗 莊院 ，興高采烈 噉 返去 獻納 咯 喎 。
噉 宋江 呢 ，佢 喺 祝家莊 嘅 正廳 坐落 ，眾 頭領 都 嚟 獻功 。
呢 次 呀 ， 生擒 四五百 人 ， 搶到 好 馬 五百 幾匹 ， 活捉 嘅 牛羊 就 不計其數 嘞 。
宋江 見咗 就 歡喜 到 極 啦 ，佢 話 喇 ：唉 ，就係 可惜 殺咗 欒廷玉 嗰位 好漢 啊 。
正在嗟歎緊 ，就 聽見 人 報告 話 ：黑旋風 燒咗 扈家莊 ，斬咗 人頭 嚟 獻納 啊 。
宋江 就 話 喇 ： 吓 ？ 前幾日 扈成 已經 嚟 投降 ， 邊個 叫 佢 殺 咗 呢 個人 㗎 ？ 為 咩 要燒 咗 佢 莊院 呢 ？
好喇 ，只見 黑旋風 周身 血污 ，腰 嗰處 插住 兩把 板斧 ，一直 嚟到 宋江 面前 行咗 個 禮 ：
大哥 ，祝龍 ，係 兄弟 殺咗 喇 ，祝彪 亦 係 兄弟 斬咗 ；
扈成嗰個傢伙 走甩身 ，扈太公 一家 ，都 殺得 乾乾淨淨 ，兄弟 我 特來 請功 啊 。
宋江 喝 佢 喇 ：哼 ！祝龍 係 有人 睇到 你 殺咗 喇 ，其他 嗰啲 人 ，你 又 殺 嚟 做 乜嘢 呢 ？
我 殺得手順 ，一路 追 到去 扈家莊 ；
啱啱撞正 一丈青 個 大哥 ，押 嗰 個 祝彪 出嚟 ，畀 我 一斧 斬咗 ，嘿呀 可惜 走甩 扈 成 嗰 個 傢伙 。
佢 嗰間 莊 ，畀 我 殺到 一個 都 冇 清光 喇 ，哈哈哈哈哈哈 。
你呢個傢伙 ，邊個 叫 你 去 㗎 ？
你 應該 知道 吖嘛 ，扈成 前幾日 牽牛 擔酒 前嚟 投降 㗎啦 嘛 。
點解 你 唔 聽 我 話 擅自 去 殺 佢 一家 ，違反 我 個 將令 呢 ？
你 唔記得咗 就 真啊 ，我 冇 唔記得噃 。
嗰個 傢伙 ，前幾日 叫 佢 嗰個 賊婆娘 追住 大哥 你 嚟 殺 ，你而家 又 嚟 做人情 ？
你 又 未曾 同佢 個 妹 結婚 ，乜 噉 就 掛住 大舅 同 外父 㗎 喇 ？
你 呢 個 鐵牛 ， 咪 亂 噏 廿四 ， 我點會 肯要 呢 個 女人 呢 ， 我 另 有 處理 嘅 。
你呢個黑佬 ，捉咗 幾多個 生 㗎 ？
我 冇 咁 得閒 ，見到 生 嘅 我 就 斬咗 喇 。
你呢個傢伙 違反 我嘅 軍令 ，本來 應該 斬首 嘅 。
而家 將 你 殺 祝龍 、祝彪 嘅 功勞 頂咗 你 嘅 罪 啦 ，下次 違令 就 唔 饒恕 你 㗎 喇 。
哈哈哈哈 哈哈哈 哈哈哈 ， 雖然 冇 咗 功勞 啫 ， 之 我 殺 得 過晒癮 喇 ， 哈哈哈哈 哈哈哈哈 。
呢個 時候 ，只見 軍師 吳學究 帶住 一行 人馬 ，嚟到 祝家莊 同 宋江 敬酒 賀喜 。
宋江 就 同 吳 用 商量 話 ，要 將 呢個 祝家莊 啊 ，冚𠾴唥 掃平 佢 。
石秀 就 話 喇 ：阿哥 ，呢個 鍾離 老人 係 個 仁德 之 人 ，全靠 佢 指路 㗎 咋 。
呢處 噉樣 嘅 善心良民 唔少 嘅 ，唔好 冤屈 咗 呢啲 好人 啊 。
宋江 聽咗 就 叫 石秀 搵 嗰個 老人 嚟 。
石秀 去咗 冇 幾耐 ，就 帶住 嗰個 鍾離 老人 嚟到 祝家莊 拜見 宋江 、吳學究 。
宋江 攞咗 一包 金帛 ，賞畀 個 老人 ，叫 佢 永 為 鄉民 。
宋江 話 喇 ：唔係 睇在 你 呢位 老人家 嘅 面 上 ，對 我哋 有 恩 ，我哋 要 將 你 呢個 村坊 呀 ，全部 掃平 佢 一家 不留 㗎 喇 。
因為 你 一家 為善 ，因此 饒恕咗 你 呢一 笪 嘅 地方 嘅 村坊 人民 。
嗰個 鍾離 老人 一味 叩頭 感謝 啦 。
宋江 又 話 喇 ：
我 連氣 幾日 喺 呢處 騷擾 你哋 百姓 ，今日 打破咗 祝家莊 ，為 你哋 鄉里 除害 。
所有 各家各戶 我 都 賜 糧食 一石 ，表示 我哋 嘅 心意 。
就叫鍾離老人做頭 ，嚟分派糧食畀大家 ；
一面 呢 ，又 將 祝家莊 多餘 嘅 米糧 全部 裝載 上 車 。
又 將 啲 金銀財物 ，慰勞 三軍 將士 。
其餘 牛羊 騾馬 等等 啊 ，都 帶返去 山寨 使用 。
呢次 打破咗 祝家莊 ，得咗 糧食 五十萬 石 。
宋江 梗係 歡喜 啦 。
而且 呢 ， 呢 次 又 得到 八位 新到 個頭 領 噃： 即 係 孫立 、 孫新 、 解珍 、 解寶 、 鄒淵 、 鄒潤 、 樂 和 、 顧大嫂 ， 又 救出 七個 好漢 添 。
噉 收拾好喇 ，整頓好 兵馬 ，就 凱旋 返去 梁山泊 喇 。
噉 當地 嘅 村坊 鄉民 呀 ，扶老攜幼 ，香花 燈燭 ，喺 路邊 拜謝 歡送 啊 。
好喇話 分 兩頭 ，而家 講下 撲天雕 李應 ，佢 正 話 醫好咗 箭傷 冇 幾 耐 ，一直 都 閂埋 門 喺 莊處 唔 出去 。
之佢 暗中 呢 ，都 使 人 不歇 噉 去 探聽 祝家莊 嘅 消息 。
佢 知道咗 祝家莊 畀 宋江 打破咗 ，就 一半 驚 時 一半 喜 。
呢一日 ，個莊客 入嚟 報告 話 ，有 本州 知府 帶領 四五十 個 軍兵 嚟到 啊 ，要 問 祝家莊 嘅 事情 喎 噉 。
李應 就 慌忙 叫 杜興 開咗 莊門 ，放落 吊橋 迎接 入 莊 。
李 應用 條 白絹 吊住 隻 手 ，出嚟 迎接 ，請 佢哋 入到去 前廳 。
知府 落咗 馬 ，行 入 間 廳 處 ，喺 中間 坐低 ；
孔目 呢 就 坐 喺 側 跟 ，下便 係 一個 押番 、幾個 虞候 ；
台階下 便 冚𠾴唥 都係 咁多 節級 啊 、差人 喇 。
李應 拜見 完 就 企 喺 廳 前 便 。
知府 問 佢 ：打破 祝家莊 嘅 事 ，究竟 係 點 㗎 ？
李應 就 回答 話 ：
小人 因為 畀 祝彪 射咗 一箭 ，左臂 負傷 ，一向 閉門 在家 唔敢 出去 ，所以 唔知道 實情 啊 。
亂講 ，祝家莊 而家 有 一 張 狀 ，告 你 勾結 梁山泊 強寇 ，引誘 佢 軍馬 打破咗 祝家莊 。
前幾日 ，你 又 受 佢 鞍馬 、羊酒 、彩緞 、金銀 ，你 點 賴得過 呢 ？
小人 係 知道 法度 嘅 人 ，點 敢 接受 佢 嘅 嘢 啊 ？
我唔信你講 ，你 去到 衙門 同 佢 對質 明白 啦 。
於是 個 知府 啊 即刻 叫 啲 獄卒 差人 就 捉住 李應 ，要 帶 佢 返去 州 裏 便 ，同 祝家莊 嗰 啲 人 對質 。
兩旁 嘅 押番虞候 將 李應 綁咗 啦 ，然後 一班 人 簇擁住 知府 上咗 馬 。
知府 又 問喇 ： 邊個 係 杜主管 杜興 啊 ？
杜興 就話 ：小人 就係 。
狀 上面 亦 有 你 嘅 名 ， 一齊 帶返 去 ， 將 佢 鎖起 嚟 。
當時 就 捉住 李應 、杜興 ，離開 咗 李家莊 就 押 佢哋 走 嘞 。
行咗 三十幾里 ，忽然間 ，只見 喺 樹林 旁邊 啊 ，宋江 、林沖 、花榮 、楊雄 、石秀 一班 人馬 撞出嚟 ，攔住 條路 。
林沖 大喝 一聲 話 ：梁山泊 好漢 ，合夥 在此 啊 ！
