宋江 啊 一打 祝家莊 失利 吖 ，佢 得到 楊雄 提醒 佢 啊 ：
即係話 李應 呢 ，就 畀 祝家莊 嘅 人 射 咗 佢 一箭 ，有 咗 仇口 喇 ；
佢 係 最 知道 嗰 笪 地方 嘅 地理 虛實 嘅 ， 搵 佢 問 下 就 知 喇 噉 。
於是 宋江 就 帶住 花榮 、楊雄 、石秀 就 上咗 馬 ；
另外 仲有 三百 馬軍 隨行 ，帶埋 禮物 就 去 李家莊 探 李應 嘞噃 。
嚟到 莊前 ，見到 門樓 緊閉 ，道 吊橋 又 高高噉 拉起 ；
城牆 裏 便 ，排列住 好多 莊兵 人馬 。
門樓 上面 見到 人馬 嚟 咪 沊沊聲 就 擂起 鼓 咯 喎 。
宋江 喺 馬上 大聲 噉 話 ： 我 係 梁山泊 義士 宋江 ， 特意 嚟 拜見 大官人 啊 ， 別 無 他 意 ， 唔 好 誤會 啊 。
杜興 當時 企 喺 莊門 處 嘅 ，見到 人馬 裏 便 有 楊雄 、石秀 唄 ，就 連忙 開 咗 莊門 ，棹 隻 船仔 過嚟 同 宋江 行 咗 個 禮 。
宋江 就 慌忙 落馬 答禮 啦 ，楊雄 、石秀 就 介紹 話 喇 ：
呢位 兄弟 ，就係 帶 我哋 兩個 見 李大官人 㗎喇 ，叫做 鬼臉兒 杜興 。
宋江話 ：原來 係 杜主管 ，相煩 足下 對 李大官人 講 ，我 梁山泊 宋江 久聞 大官人 嘅 大名 ，一向 無緣 未曾 拜會 。
而家 因為 祝家莊 要同 我 哋 做 對頭 ， 我 哋 經過 呢 處 ， 專誠 奉獻 彩緞 名馬 ， 羊酒 薄禮 。
只求 一見唧 ，並冇 其他 意思 。
啊 ，請 宋頭領 稍候 片刻 ，等 小人 去 通報 啦 。
杜興棹隻船返過去 ，入到莊 ，一直去到 大廳 見 李應 。
李應 就 帶住 傷褸 住 張 被 坐 喺 床 上 便 ，杜興 就 將 宋江 嚟到 ，要求 見 佢 嘅 事 報告 咗 。
李應話 ：佢 係 梁山泊 造反 嘅 人 ，我 同 佢 見面 唔 方便 嘅 。
誒 ，你 去 回覆 佢 啦 ，話 我 臥病在床 ，行動 不便 難以 相見 ，第日 我哋 再 去 拜會 佢 。
嗯 ，佢 所賜 嘅 禮物 ，不敢 接受 喇 。
杜興 就 再 渡過 河 嚟 見 宋江 喇 ，佢 話 ：我哋 東家 再三 拜 上 頭領 。
本來 想 親身 迎迓 嘅 ，無奈 中咗 箭傷 ，臥病在床 ，唔能夠 相見 ，以後 一定 專誠 拜會 。
先頭所賜嘅厚禮唔敢接受 。
宋江話 ：我 知道 你 東家 嘅 意思 。
我 因為 打 祝家莊 失利 ， 要 嚟 求見 佢 ， 佢 就 怕 祝家莊 見怪 唔 肯出 嚟 見 我 喇 。
杜興話 ： 唔 係 噉 嘅 唔 係 噉 嘅 ， 實在 係 有 病 啊 。
小人 雖然 係 中山 人氏 ，之嚟 呢處 都 好多 年 ，呢笪 地方 嘅 虛實 情形 我 都 知道 。
嗱 ，中間 係 祝家莊 ，東便 係 我哋 李家莊 ，西便 呢 ，係 扈家莊 。
呢 三個 莊 都 誓願 結 生死 之 交 ，有 事情 就 互相 救應 。
呢次 ，佢哋 得罪咗 我哋 東家 ，噉 梗係 唔去 救 佢 啦 。
就係 怕 西村 扈家莊 上 ，要 去 幫 佢 手 。
佢 個 莊第樣 唔 緊要 啊 ，佢 有 個 女將 叫做 一丈青 扈 三娘 ，使 兩口 日月刀 ，好 厲害 㗎 。
祝家莊 嘅 第三仔 祝彪 啊 ，已經 同 佢 定咗 婚 ，好快 就 要 娶 佢 過門 㗎 喇 。
如果 將軍 要 打 祝家莊 ，你 就 唔使 提防 東便 嘅 ，你 緊 防 西路 就 得嘞 。
祝家莊 呢 ，前後 都 各 有 一道 莊門 ，一座 喺 獨龍崗 前 便 ，一座 喺 獨龍崗 後 便 。
如果 淨係 打 前門 就 冇用 㗎 ，要 兩面 夾攻 先 能夠 攻破 佢 。
前門 就 好緊要嘅 ，啲 路 雜 難認 ，所有 都係 啲 螺絲 轉 路 ，闊窄 不等 。
但係呢 ，你 見親 有 白楊樹 就 可以 轉彎 ，噉 就係 活路 喇 ；
如果 冇 呢種 樹 就係 死路 嚟㗎 。
石秀話 ：之佢 而家 將 啲 白楊樹 冚𠾴 唥 斬晒 噃噉 有 咩 嘢 做 記號 啊 ？
杜興話 ：雖然 斬咗 啲 樹 啫 ，仲有 樹根 喺 處 㗎 嘛 。
你哋 呢 就 宜於 日頭 進兵 攻打 ，夜晚 黑 就 唔好 䎺喇 。
宋江 聽咗 就 好多謝 杜興 ，噉 就 帶住 一行人馬 就 返去 營寨 。
林沖 呢佢哋 出嚟 迎接 ，返到 入去 大寨 坐落 。
宋江 就 將 李應 唔肯 見面 ，同埋 杜興 講 嘅 說話 ，對 眾位 頭領 講咗 。
李逵 就 插口 話 喇 ：哼 ，好意 送禮 畀 佢 ，嗰個 傢伙 仲 唔 肯 出嚟 迎接 阿哥 你 呀 ？
哼 ，等 我 帶 三百 人 去 打開 佢 間 莊 ，揪 嗰個 傢伙 出嚟 拜見 阿哥 你 。
宋江話 ：兄弟 ，你 唔懂得 喇 。
佢 係 富貴 良民 ，怕 官府 㗎嘛 ，點 敢 立亂 同 我哋 相見 啊 ？
李逵 就 笑喇 ：哈哈哈哈哈哈 ，嗰個 傢伙 ，梗係 個 細佬哥 ，怕見人喇 ，哈哈哈哈哈哈哈 。
大家 都 一齊 笑起上嚟 。
宋江話 ：而家 ，失陷咗 兩個 兄弟 都 不知 生死 ；
眾位 兄弟 ，要 竭力 向前 ，跟我 再 去 攻打 祝家莊 。
大家 都 起身 話 喇 ：大哥 將 令 ，誰 敢 不 聽 啊 ？唔知 叫 邊個 去 唧 ？
黑旋風李逵 就 話 喇 ：你哋 怕 細佬哥 ，等 我 去 啦 。
宋江話 ：你 做 先鋒 不利 啊 ，今次 用 你 唔着 喇 。
李逵 就 耷低頭 忍氣吞聲 冇辦法 啦 邊個 叫 你 打 輸 仗 呢 ？
宋江 就 點馬麟 、 鄧飛 、 歐鵬 、 王矮虎 四個 ， 宋江 話 ： 你 哋 跟 我 親自 去 做 先鋒 。
第二 ，就 點 戴宗 、秦明 、楊雄 、石秀 、李俊 、張橫 、張順 、白勝 ，就 準備 由 水路 進攻 ；
第三就點 林沖 、花榮 、穆弘 、李逵 ，分作 兩路 策應 。
眾軍 都 分派 定 喇 ，大家 食飽 餐飯 ，披掛 上馬 。
噉 宋江 啊 親自 做 先鋒 打頭陣 啦 ，前便 就 打住 一面 大 紅 帥字 旗 ；
帶住 四個 頭領 ，一百五十 個 馬軍 ，一千 名 步軍 ，一直 殺 奔 祝家莊 咯噃 。
好喇 ，嚟到 獨龍崗 前 喇 。
宋江 勒定 馬 ，睇下 嗰個 祝家莊 ，嘩嗨 ，果然 雄壯 啊 ，呢 ，有 一篇 詩 ，係 專門 講 祝家莊 嘅 ：
獨龍山 前 獨龍崗 ，獨龍崗上 祝家莊 。
繞岡 一帶 長流水 ，周遭 環匝 皆 垂楊 。
牆內 森森 羅 劍戟 ，門前 密密 排 刀槍 。
對敵 盡皆 雄壯士 ，當鋒 都是 少年郎 。
祝龍 出陣 真 難敵 ，祝虎 交鋒 莫可當 ；
更有 祝彪 多 武藝 ，吒叱 喑嗚 比 霸王 。
朝奉 祝公 謀略 廣 ，金銀 羅綺 有 千箱 。
白旗 一對 門前 立 ，上面 明書 字 兩行 ：
填平 水泊 擒 晁蓋 ，踏破 梁山 捉 宋江 。
當時 宋江 喺 馬上 ，睇到 祝家莊 嗰 兩 面 旗 嗨呀 ，心頭 火 起啊 。
佢 發誓 話 喇 ：我 如果 打唔冧 祝家莊 ，永世 唔 返去 梁山泊 ！
眾位 頭領 係 人 都 嬲 㗎 啦 。
宋江 聽見 後 便 人馬 都 到 喇 ，就 留低 第二隊 頭領 攻打 前門 。
佢 自己 呢 就 帶住 前部 人馬 ，轉咗 過去 獨龍崗 後 便 嚟 睇下 祝家莊 ，準備 打 佢 後門 。
一睇 ，後便 都係 銅牆鐵壁 ，守衛 森嚴 。
正喺度觀察緊 ，只見 正西 便 有 一彪 軍馬 ，嗬噉 吶喊住 ，喺後 便 殺嚟 噃 。
宋江 就 留低 馬麟 、鄧飛 就 監視 住 祝家莊 嘅 後門 。
佢 就 帶住 歐鵬 、王矮虎 ，分 一半 人馬 前嚟 迎戰 嘞 。
山坡下 便 嚟緊 嘅 人馬 ，大概 有 二三十 騎馬 軍 ，當中 簇擁住 一員 女將 。
呢個 就係 扈家莊 女將 ，一丈青 扈三娘 喇 。
佢 騎住 一匹 青鬃馬 ，舞住 兩把 日月雙刀 ，帶住 四五百 個 莊客 前嚟 祝家莊 策應 噃 。
宋江 話 喇 ：
啱聽講 ，扈家莊 有個 女將 非常之 犀利 ，睇嚟 就係 呢個 人 ，邊個 弟兄 敢 上前 同佢 打過 啊 ？
話猶未了 ，王矮虎 就 喝一聲 話我嚟噉 。
王矮虎 係 個 好色之徒 ，佢 聽講 話 係 個 女將 喎 ，就 指望 一個 回合 就 捉 佢 過嚟 咯 喎 。
當時 佢 嗌 一 聲 ，拍馬 向前 挺起 手中 長槍 就 出去 迎敵 。
兩便嘅 人馬 一齊 吶喊啊 。
嗰個 扈三娘 拍馬舞刀 嚟 戰 王 矮虎 ，一個 雙刀 嫻熟 一個 單槍 出眾 ，兩個 打咗 十幾個 回合 之上 。
宋江 騎 喺 馬 上面 睇下 ，見到 王矮虎 支 槍 呀 弊喇弊喇弊喇 招架不住 。
原來 王矮虎 初見 一丈青 呢 ，就 恨不得 一下 捉佢 過嚟 吖 。
點知 鬥咗 十幾個 回合 ，打打下 佢 自己 都 手震 腳痺 嘞 ，槍法 都 亂晒 。
刀槍無情 ，兩人 本來 係 打緊 搏命 㗎嘛 ，哈 ，之王 矮虎 你 話 佢 弊 唔弊 呢 ，佢 仲 喺度 眨眉眨眼 啊 想 調戲 人 添 喎 。
一丈青 係 個 乖覺 嘅 人 ，個 心 諗嘞 ：呢個 傢伙 真係 無禮 ！
於是 將 兩把 雙刀 ，直上直下 噉 斬過去 。
嗰個 王矮虎 又 點 打得過 吖 ，撥轉 馬頭 想 扯 ；
畀 一丈青 縱馬 趕上去 ，將 右手刀 掛起 ，輕輕 一伸手 ，就 將 王矮虎 提離 雕鞍 ，監生 捉咗 去 。
嗰班 莊客 一擁而上 ，將 王矮虎 橫拖 掂掹搦去 扎起 。
歐鵬 見 捉到 王英 唄 ，就 挺槍 嚟 救 佢 咯 喎 。
一丈青 縱馬 揮刀 ，迎住 歐鵬 啊 打起 上嚟 。
原來 歐鵬 啊 ，係 軍班子弟 出身 ，嗰條 鐵槍 使得 極之 好 嘅 。
宋江 睇咗 暗暗 喝彩 。
不過噉噃 ，就算 歐鵬槍法 熟練 啊 ，亦 佔唔到 嗰個 女將 半點 便宜 噃 。
鄧飛 喺 遠遠 個 地方 ，見到 捉咗 王 矮虎 ；
歐鵬 又 打 嗰個 女將 唔落 ，就 跑住 馬 ，舞起 條 鐵鏈 ，嘩 噉 大聲 吶喊住 趕過嚟 。
祝家莊 上面 啲 人 呢 已經 睇咗 好耐 喇 ，怕 一丈青 吃虧 啊 ，就 慌忙 放落 條 吊橋 開咗 莊門 。
祝龍 就 親自 帶住 三百幾人 ，驟馬 提槍 嚟 捉 宋江 。
馬麟 見到 ，就 拍 馬上 前 使起 雙刀 ，迎住 祝龍 廝殺 。
鄧飛 又 怕 宋江 有 失 啊 ，一步 都 不 離 左右 。
睇住 兩邊 廝殺 ，啲 喊聲 呀 一陣一陣 ，非常 緊張 。
宋江 見 馬麟 鬥 祝龍 唔過 ，歐鵬 又 鬥 一丈青 唔落 。
個 心 啊 正喺度 慌緊 呢 ，只見 一彪 軍馬 喺 側 跟 殺過嚟 。
宋江 一 睇 ，嘿 ，高興 咯 呢趟 。
原來 係 霹靂火 秦明 嚟喇 ，佢 聽見 莊 後 廝殺 就 前嚟 救應 。
宋江 就 大聲 嗌話 ：秦 統制 啊 ，你 去 替 馬麟 落嚟 ！
秦明 係 個性急 嘅 人 ，更兼 祝家莊 捉咗 佢 徒弟 黃信 吖嘛 ，佢 又 成肚氣 都 冇埞出 。
即刻 就 拍馬 衝上去 ，飛起 狼牙棍 ，直取 祝龍喇 。
祝龍 亦都 挺起 槍 嚟 打 秦明 。
馬麟 就 帶住 人 ，要 去 搶返 王矮虎 噃 。
嗰個 一丈青 見到 馬麟 嚟 搶人 唄 ，就 掉開 歐鵬 ，轉過 身 嚟 接住 馬麟 廝殺 。
兩個 都係 使 雙刀 ，喺 馬上 相迎 。
真係 好似 風 飄 玉屑 ，雪 撒 瓊花 ，睇到 宋江 呀 眼 都 花晒 。
呢 便 秦明 同祝龍鬥 咗 十個 回合 之上 ， 祝龍 啊 點 挭 得 過 秦 明 至 得 㗎 。
眼睇住 要 輸 喇 ，莊門 裏 便 嗰 個 教師 欒廷玉 帶住 鐵錘 ，上馬 挺槍 殺出嚟 咯 喎 。
歐鵬 即刻 上嚟 迎住 欒廷玉 廝殺 。
哈 ，欒廷玉 佢 亦 唔嚟 交鋒 喎 ，帶住 槍 ，斜斜地 拍馬 就 走 。
歐鵬啊 追上去啦 ，點知 畀 欒廷玉 一個 飛錘 打到 正 ，打個 關斗 跌咗 落馬 。
鄧飛 就 大嗌 話 ：孩兒們 救人 喇 ！就 舞住 鐵鏈 直 奔 欒廷玉 。
宋江 就 急急 嗌 啲 小嘍啰 ，救返 歐鵬 上馬 。
嗰個 祝龍 又 打唔過 秦明 啊 ，就 拍馬 就 走啦 。
欒廷玉 已經 掉開咗 鄧飛 ，走嚟 戰 秦明 嘞 。
兩個 鬥咗 一二十個 回合 ，仲係 不分 勝敗 。
欒廷玉 賣 個 破綻 就 落荒而走 。
秦明 就 舞起 狼牙棍 ，𠽤哩𡃈𠽤哩𡃈𠽤哩𡃈𠽤哩𡃈 就 趕上去 。
欒廷玉啊 向住 啲 荒草林 裏頭 跑馬 入去 。
秦明 就 唔 知道 佢 係 計 仔 嚟 ， 亦 跟 住 追 去 喎 。
哎 ，原來 祝家莊 嗰類 地方 呀 ，都 係 有人 埋伏 嘅 。
佢哋 見到 秦明 馬 到 喇 一拉 就 拉起 絆馬索 ，連 人 帶 馬 都 𠽤低 咗 ，哦噉 嗌 一 聲 就 捉住 咗 秦明 。
鄧飛 見 秦明 跌落 馬 下 ，就 慌忙 嚟 救 佢 啦 哎呀 ，見到 絆馬索 一 拉起 ，就 想 跑 返 轉頭 啦 。
點知 兩便 一聲 吶喊 ，嗰啲 撓鉤 好似 亂麻 噉 勾過嚟 ，就連 佢 都 監生 捉咗 去 。
宋江 見到 就 猛咁 叫苦 啦 ，只係 救得返 歐鵬 上馬 。
馬麟 就 撇開咗 一丈青 ，急急 跑嚟 保護住 宋江 嘞噃 就 向住 南 便 退卻 。
背後 欒廷玉 、祝龍 、一丈青 就 騎住 快馬 ，𡃈𡃈聲 趕過嚟 。
眼睇住冇路行喇 ，實畀人捉喇 呢趟 。
只見 正南 便 有 個 好漢 飛馬 而嚟 ，背後 大概 跟住 有 五百 人馬 。
宋江 睇下 ，嘿 ，原來 係 沒遮攔 穆弘 。
東南便 ，亦 有 三百幾人 ，兩個 好漢 帶住 飛奔而嚟 ：
一個 係 病關索 楊雄 ，一個 係 拼命三郎 石秀 。
東北角 ，又 有 個 好漢 高聲 大嗌 話 ：留下 人 嚟 啊 ！
宋江 睇下 ，原來 係 小李廣 花榮 嚟到 喇 。
好喇呢趟 ，三路人馬 一齊 嚟到 。
宋江 個 心 啊 非常 歡喜 ，即刻 合力 嚟到 戰 欒 廷玉 同 祝 龍 喇 。
莊上面 睇見 就 怕 兩個人 吃虧 ，就 叫 祝虎 把守住 莊門 。
小郎君 祝彪 ，騎 一匹 劣馬 ，使 一條 長槍 ，帶住 五百幾人馬 ，喺 莊後 殺出嚟 ，一齊 混戰 。
莊前 嘅 李俊 、張橫 、張順 ，就 落水 想 衝過嚟 嘞喎 ，點知 畀 莊上 亂箭 射返落去 就 唔能夠 得手 。
戴宗 、白勝 ，只係 喺 對岸 吶喊 唧 。
宋江 見到 天色 都 好 晏喇 ，就 急急 叫 馬麟 保護 歐鵬 出去 村口 先 。
宋江 又 叫 小嘍啰 打鑼 ，叫 眾位 好漢 集合 ，且 戰 且 走 。
宋江 騎住 馬 ，到處 噉 搵一搵 ，就 怕 啲 弟兄們 迷路 㗎嘛 。
行行下 ，見到 一丈青 飛馬 趕過嚟 。
宋江 措手不及 ，拍馬 就 望住 東面 猛跑 啦 ，背後 一丈青 緊緊噉 追住 佢 。
眼睇住就嚟追上宋江 ，正話想落手 ，只聽見 山坡上 有人 大聲 嗌話 ：嗰個 賊婆娘 你 想 趕 我 大哥 去 邊度 啊 ！
宋江 睇下 ，嗨 ，原來 係 黑旋風 李逵 ，舞住 兩把 板斧 ，帶住 七八十個 小嘍啰 ，大踏步 噉 趕過嚟 。
一丈青 就 勒 轉 馬 ，向住 旁邊 嘅 樹林 跑過去 。
宋江 亦 都 勒住 馬 睇下 ，只見 樹林 旁邊 轉咗 有 十幾個 馬軍 出嚟 ，當先 簇擁住 一個 壯士 。
邊個 呢 呢個 ？
原來 係 豹子頭 林沖 ，佢 喺 馬上 大聲 喝話 ：
喂 ，賊婆娘 ，你 仲 想 走 呀 ！
一丈青 就 飛刀 縱馬 ，直奔 林沖 ，林沖 挺起 丈八 蛇矛 嚟 迎敵 。
兩個 鬥咗 都 唔到 十個 回合 ，林沖 賣 個 破綻 ，放 一丈青 兩把 刀 斬 入嚟 。
林沖 將蛇 矛一 逼 逼住 ， 將 佢 兩口 刀 一 逼 逼 斜 咗 ， 一 靠攏 埋去 輕輕 一 伸手 將 一丈 青 一 掹， 即刻 成個夾 咗 佢 過 嚟 。
宋江 睇見 就 大聲 喝彩 咯 。
林沖 又 叫 軍士 綁 起 一丈青 ，驟馬 上前 話 ：冇 傷 犯到 阿哥 你 吖 嘛 ？
宋江話 ：冇 ，冇冇冇 ，冇傷犯到啊 。
跟住 ，宋江 又 嗌 李逵 快啲 入去 村裏 便 接應 眾位 好漢 ，叫 佢哋 嚟 村口 商量 。
因為 天色 已經 好 晏 喇 ，不可 戀戰 。
黑旋風 就 帶住 本部 人馬 去咗 咯 。
林沖 保護住 宋江 ，押住 一丈青 ，出到 去 村口 。
當晚 ，眾位 頭領 就 得唔到 便宜 ，就 急急 都 趕返 出嚟 村口 啦 。
祝家莊 嗰啲 人馬 亦都 撤返返去 裏便 喇 。
祝龍 又 叫 將 捉到 個人 啊 ，都 用 囚車 嚟 到 韞住 ；
等 捉到 宋江 ，一齊 解去 東京 請功 噉話 。
呢陣時 ，扈家莊 已經 將 王矮虎 解到嚟 祝家莊 喇 。
噉 而家 講 下 宋江 佢 收回 大隊 人馬 ，到 咗 村口 啊 扎 落 營寨 之後 呢 ，首先 就 叫 人 將 一丈青 押 過嚟 ，又 派 二十 個 老成 嘅 小嘍啰 ；
命令 四個 頭目 ，騎 四匹 快馬 ；
將 一丈青 啊 扎住 雙手 ，亦 畀 匹 馬 佢 騎 。
就吩咐佢哋話 ：
漏夜 同 我 送 上 梁山泊 ，吓 ，交畀 我 父親 宋太公 收管 。
辦完 ，就 返嚟 回覆 我 啦 ，等 我 返到 山寨 我 自有 發落 。
啲人 就 以為 係 宋江 自己 想要 呢個 女人 啫 ，所以 都 非常 小心 噉 送去 。
同時又用一架車 ，送 歐鵬 上山 去 養傷 。
噉 一行人 都 領咗 將令 ，漏夜 就 去 喇 。
當晚 ，宋江 非常之 愁悶 ，成晚 瞓唔着 坐到 天光 。
第日 ，見到 探子 嚟 報告 喇 ，話 軍師 吳學究 帶住 三阮 ，同埋 呂方 、郭盛 ，仲 帶住 五百 人馬 嚟到 啊噉 。
宋江 聽咗 就 出去 營寨 迎接 軍師 吳用 啦 ，一齊 嚟到 中軍 帳 裏 便 坐落 。
吳學究 帶咗 酒菜 嚟 ，同 宋江 敬酒 賀喜 ，同時 又 慰勞 三軍 將士 。
吳用 話 喇 ：
晁頭領 聽聞 阿哥 你 一開始 嘅 時候 就 進兵 不利 ，特意 叫 小弟 同埋 五個 頭領 嚟 助戰 ，唔知道 近日 勝敗 如何 呢 ？
宋江 話 喇 ：唉 ，一言 難盡 啊 。
祝家莊 嗰 班 傢伙 ， 喺 莊門 上面 立住 兩面 白旗 寫住 ：
填平 水泊 擒 晁蓋 ，踏破 梁山 捉 宋江 。
認真 係 豈 有 此理 ！
第一次進兵 去 攻打 ，因為 失咗 地利 ，折咗 楊林 、黃信 ；
尋晚 進兵 ，又 畀 一丈青 捉咗 王矮虎 ，欒廷玉 用 錘 打傷咗 歐鵬 ；
絆馬索 又 𠽤倒咗 秦明 、鄧飛 ，兩個 都 畀 人 捉咗 去 。
唉 ，噉樣 失利法 ，如果 唔係 好彩 林教頭 活捉到 一丈青 返嚟 呀 ，真係 輸晒 銳氣 喇 。
唉 ，噉樣嘅 情形 ，你 話 點好呢 ？
如果 我 宋江 打唔破 祝家莊 ，救唔出 呢幾個 兄弟 出嚟 ，我 情願 自己 死 喺 呢處 ，亦都 冇 面目 返去 見 晁蓋 大哥 喇 。
吳學究 就 笑住 話 喇 ：哈哈哈哈 ，呢個 祝家莊 ，亦 係 個 天注定 叫 佢 失敗 啊 。
而家 有 個 好 機會 啊 ，照 我 諗 ，呢個 祝家莊 旦夕 可 破 。
吓 ？祝 家莊 旦夕 可 破 ？
呢個 機會 ，喺 邊處 嚟 啊 ？
吳學究 就 講 喇 ：今日 呢個 機會 係 噉嘅 ，有 個 人 ，係 石勇 嗰度 介紹 嚟 投奔 入夥 嘅 。
佢 同 欒廷玉 嗰個 傢伙 好好 ，亦 係 楊林 、鄧飛 嘅 好 朋友 。
佢 知道 阿哥 你 打 祝家莊 不利 ，特意 獻 呢條 計策 嚟 入夥 ，作為 進身 之 禮 啊 。
佢 隨後 就 到 㗎喇 ，五日 之內 ，就 可以 實行 呢條 計 。
你 話 噉 好唔好 吖 ？
宋江 聽咗 歡喜 到 不得了 ：妙哉 ，妙哉啊 ！
笑到佢有牙冇眼 。
喂喂喂 ，究竟 係 咩嘢 計策 啊 ？
嗨 各位 唔使 心急 ，講落去 就 知㗎喇 。
各位 聽眾 ，大家 記住 呢件事 先吓
為 因 嗰 件 事 同 宋公明 初 打 祝家莊 嘅 時候 呢 就 一齊 發生 嘅 ， 噉 我 又 好 難 呢 便講 一句 又 嗰 便 講 一回 㗎 。
因此而家呢 ，就暫時放低 呢兩打 祝家莊 嘅 事先 ，就 講一講 嗰一件 有人 嚟 投奔 梁山泊 入夥 ，造成咗 好機會 嘅 事 。
嗱， 噉 大家 聽住 咯 喎 。
原來 山東 海邊 呢 有 個 州郡 叫做 登州 。
登州 城外 有 一座 山 ，山上面 好多 豺狼 虎豹 出嚟 傷人 。
因此 登州 知府 呢 ，就 拉晒 嗰啲 獵戶 嚟 ，當堂 落咗 命令 ，限期 要 捕捉 登州 山上 嘅 老虎 。
又 命令 山前 山後 嗰啲 地保 里正 啊 ，亦 要 限 佢哋 期 捕捉 老虎 ，過咗 期 捉唔到 呢 就 要 嚴加 責罰 。
噉登州山下 有 一家 獵戶 就 兩 兄弟 ，大哥 叫做 解珍 ，細佬 叫做 解寶 。
弟兄 兩個 都 一樣 使 一條 渾鐵 點 鋼叉 ，都 有 一身 驚人 嘅 武藝 。
所有 州 裏頭 嘅 獵戶 呀 ，都 認 佢 做 第一 㗎 喇 。
解珍 有 個 綽號 叫做 兩頭蛇 ，解寶 個 花名 叫做 雙尾蠍 。
佢 兩個 父母 都 死咗 喇 ，未曾 結婚 。
大哥 解珍 ，有 七尺 以上 嘅 身材 ，紫棠色 嘅 面口皮 ，腰 細 膀 闊 。
嗰個 細佬 解寶 呢 就 更 犀利 喇 ，亦 有 七尺 以上 嘅 身材 ，臉 圓 身 黑 ，兩 隻 大髀 刺住 兩 個 飛天夜叉 。
一發 惡 呀 ， 恨不得 騰天 倒地 ， 拔樹搖山 啊 。
佢 兩 兄弟 喺 官府 處 立咗 甘限 文書 。
所謂 甘限文書 呢 ，就 即係 一種 保證書 嚟 ，就 保證 喺 限期 以內 就 完成 一項 差役 ，完成唔到 呢 就 甘願 受罰 噉 。
噉佢哋返到屋企 ，就整頓窩弓藥箭 ，着咗豹皮褲 ，用虎皮套住個身 ，攞起鐵叉 ，兩個人就去到登州山上 。
安好 窩 弓 ， 喺 樹 上面 等 咗 一日 ， 冇 用 ， 就 收返 啲 窩 弓 落山 啦 。
第日 又 帶咗 乾糧 ，再 上山 去 等 。
到咗天黑喇 ，兩兄弟 再 安好 窩弓 ，就 擒上 樖樹 就 等到 五更 又 冇 動靜 。
兩個 收咗 窩弓 ，趯到 去 西山 嗰 便 安好 ，坐到 天光 又 等 唔到 。
兩個 好心急 喇 就 話 ：
嘿 ，限 三日之內 要 交 老虎 ，過咗期 又 要 受罰 ，噉 點 好 呢呢趟 ？
兩個 到咗 第三日 夜晚 黑 ，等到 四更 時分 ，就 覺得 個 身體 好 疲倦 ，兩個人 背靠背 就 想 瞌返陣 啦 。
點知 都 未曾 合眼 ，就 聽見 窩弓 拂 一聲 響 ，兩個 跳起身嚟 攞起 鋼叉 四周圍 望下 ，只見 有 隻 大 老虎 中咗 藥箭 喺 個 地下 猛咁 碌 。
兩個人 揸住 鋼叉 行 上前去 。
嗰隻 老虎 見到 人 嚟 就 帶住 支 箭 就 走 咯 喎 。
兩個人 就 搏命 咁 追啦 ，追到 半山 ，藥力 發作 喇 。
嗰 隻 老虎 頂 唔 住 喇 ， 轟 噉 叫 咗 聲 ，𠽤 哩 𡃈 嘞 就 碌 咗 落 去 山 。
解寶話 ：得喇 ，我 認得 呢度 ，呢度 係 毛太公 莊 嘅 後園 ，我 同 你 落山 去 佢 屋企 攞返 隻 老虎 啦 。
當時 兩 兄弟 就 提住 鋼叉 落咗 山 ，去到 毛太公 莊 敲 門 。
呢個 時候 啱啱 天光 ，兩個 人 敲開 莊門 入咗去 。
莊客 就 報畀 太公 知 啦 ，過咗 好耐 下 ，毛太公 先至 出嚟 。
解珍 、解寶 就 放低 鋼叉 行咗 個 禮話 ：
老伯 ，好耐冇見喇 今日 嚟 滾攪 你哋 啊 。
毛太公 話 喇 ：誒 賢侄 點解 嚟得 咁早 啊 ？嚱嚱 ，有 咩事 啊 ，吓 ？
解珍話 ：冇事 唔敢 驚動 老伯 你 瞓覺 。
因為 小弟 喺 官府 處 立咗 甘限文書 ，要 捉到 隻 老虎 ，一連 等咗 三日 。
今朝早五更 ，射到 一隻 ，喺 後山 碌咗 落嚟 碌 喺 老伯 嘅 園 裏便 。
勞煩 你 方便 一下 ，等 我哋 攞返 隻 老虎 啦 。
毛太公 就 話 喇 ：哦 ，冇所謂 ，冇所謂 。
既然 碌咗 落 我 嘅 園 咯 ，噉 啊 實喺 處 嘅 。
哈哈 ，兩位 坐下 先 ，啊 ，你哋 都 怕 肚餓 呢嚱 ？食啲 飯 先 啦 吓 。
噉啊嗌莊客去開枱 ，整啲早飯嚟款待佢哋喎 。
食完喇 ，解珍 、解寶 起身 多謝 佢 話 ：
多謝晒喇老伯 ，噉唔該你哋 帶 我 去 攞返 呢個 老虎 啦 。
毛太公 話 ：噉啊 既然 喺 我 後園 仲 怕 乜 吖 ？哎 ，飲啖茶 先 ，慢慢 至 去攞 都 唔 遲 吖 。
解珍 、解寶 唔敢 唔聽 啊 ，只好 又 試 坐 返 低 。
莊客 就 攞 茶 嚟 。
噉 兩個 飲咗 茶 之後 ，毛太公 就 話 喇 ：嚟 ，而家 我 同 兩位 賢侄 去 攞 老虎 啦 吓 。
解珍 、解寶 話 ：啊 ，多謝 老伯 。
毛太公 就 帶咗 兩個人 ，去到 後園 ，就 嗌 莊客 攞 鑰匙 嚟 開 門 喇 。
哈 ，點知 開極 都 開唔到 。
毛太公 就 話 喇 ：
呢個 後園 好耐 都 冇人 嚟過 㗎喇 ，嗰 把 鎖 啊 梗係 生鏽 食死咗 啦 所以 就 開唔到 ，要 攞 個 鐵錘 嚟 𢱕開 佢 啦 吓 。
噉啊莊客攞個鐵錘嚟啦 ，吖 ，吖 ，噉幾下就敲開咗鎖 。
大家 入去 後園 裏 便 睇 下 咯 喎 ，成個 山邊 都 睇過 晒 ，搵 唔到 噃 。
毛太公 就 話 喇 ：嘿嘿 ，賢侄 啊 ，你 兩個 係 唔係 睇錯咗 啊 ？
怕冇碌到落嚟啩 ，吓 ？
解珍 就 話 喇 ：我 兩個 點 會 睇錯 呢 ？
我係 喺 呢處 大嘅 ，點會 唔認得 啊？
毛太公 話 喇 ： 噉 啊 你 自己 搵 啦 ， 如果 有 喇 就 抬走 啦 。
搵咗 一陣 ，解寶 話 ：
阿哥 ，你 嚟 睇 ，呢一 帶 啲 草 ，碌 到 平平 冧 低 晒 ，又 有 血路 喺 上頭 ，點 會 話 唔 喺 呢處 呢 ？
啊老伯 ，實係 老伯啲 莊客 抬走咗 啊 。
毛太公 就 話 喇 ：
世侄 你 咪 亂講 啊 ，我 屋企 啲 人 又 點 知道 有 隻 老虎 喺 後園 嚟 㗎 ，乜 仲 話 抬走 咗 添 ？
喂 ，世侄 ，你 都 見到 啦 ，先頭 係 當住 你哋 面𢱕 開 把 鎖 入 嚟 㗎 嘛 ，同埋 你哋 兩個 一齊 入 後園 搵 㗎 喇 喎 。
乜 你 噉 講 說話 㗎 ？
解珍話喇 ：老伯 ，你 一定要 畀返 隻 老虎 過 我哋 送去 官府 ！
