祝彪 就 打 李應 唔過 吖 ，撥轉 馬頭 就 走 。
李應 就 拍馬 趕上去 ，點知 祝彪 翻身 一箭 。
李應 就 閃 都 閃唔切 ，𠻘聲 畀 佢 射中 手臂 。
噼啪一下就打個關斗跌落馬下 ，祝彪即刻勒轉馬嚟搶人咯喎 。
楊雄 、石秀 見咗 就 大喝一聲 ，舞起 朴刀 直奔 祝彪 馬前 殺過嚟 。
祝彪 抵擋 唔住 喇 ，急急勒 轉馬 就 走 ，畀 楊雄 一 朴刀 就 斬 喺 佢 嘅 馬 後股 上 便 。
嗰隻 馬 一 痛 成隻 企 起身 ，爭啲 將 祝彪 拋落 馬 下 。
佢 嘅 隨從 馬軍 就 即刻 搭上 箭 射過嚟 掩護 啦 。
楊雄 、石秀 見咗 ，諗下 自己 又冇 盔甲 遮身 ，就 只有 退返 轉頭 唔追嘞 。
杜興 呢 ，亦都 將 李應 救返 上馬 就 跑咗 返去 先 。
楊雄 、石秀 跟住 啲 莊客 ，一齊 退返 扯 。
祝家莊 嘅 人馬 追 咗 兩三里 路 ，見 天 黑 喇 亦都 返 扯 。
杜興 扶住 李應 ，返到嚟 莊前 ，落咗 馬 一齊 入去 後堂 坐 。
嗰啲 家眷 聽見 李 應 負傷 都 出嚟 探望 啊 ；
好彩 就 唔係 傷得重 ，拔咗 箭頭 ，卸咗 盔甲 ，就 用 啲 金瘡藥 敷咗 傷口 ，漏夜 喺 後堂 商量 辦法 。
楊雄 、石秀 同 杜興 話 喇 ：
呢次 大官人 畀 嗰班 傢伙 侮辱 咗 ，又 中 咗 箭 負傷 ，時遷 亦 救唔到 出嚟 ，都係 我哋 連累 咗 大官人 喇 。
不如噉啦 ，我哋 弟兄 兩個 即刻 趕上去 梁山泊 ，懇求 晁 、宋 二公 同埋 眾位 頭領 ，出兵 嚟 同 大官人 報仇 ，搭救 時遷 啊 。
於是 佢哋 同 李應 辭別 。
李應 話 喇 ：唔係 我 唔用心 ，實在 係 冇辦法 ，兩位 壯士 唔好 見怪 噃 。
就 叫 杜 興 攞 啲 金銀 出 嚟 送 畀 佢 哋 ， 佢 哋 唔 肯 受 。
李應 話 喇 ：唉 ，喺 江湖 之上 ，兩位 不必 推卻 喇 ，請 收落 啦 。
楊雄 、石秀 噉 先至 收咗 。
拜辭咗李應 ，杜興 就 送佢 出去 村口 ，指明 條 大路 佢哋 行 ，然後 就 分別 喇 。
噉 楊雄 、石秀 一路 去 梁山泊 。
呢一日 ，嚟到 一笪 地方 ，見到 一間 新開張 嘅 酒店 ，嗰支 酒旗 呀 好 醒目 噉樣 趷出嚟 。
兩個人 入去 店裏 便就 買啲 酒 飲 ，順便 問下 路 點 行 咯 喎 。
呢間酒店 ，原來 就係 梁山泊 新近 添設 做眼線 嘅 酒店 ，係 石勇 喺度 掌管 嘅 。
石勇 見 佢 哋 兩個 一味 問個 酒保 去 梁山泊 啲 路 ， 睇 個樣 都 唔 係 一般 嘅 人 ， 就 行過 嚟 應 佢 話 ：
你 兩位 客官 喺 邊處 嚟 ？想 去 梁山泊 咩嘢 事 呢 ？
楊雄 話 喇 ：我哋 喺 薊州 嚟 。
石勇 猛然間 諗起 ：啊 ，莫非 足下 就係 石秀 ？
楊雄話 ： 我 叫做 楊雄 ， 呢 位 兄弟 就 係 石秀 。
大哥 你 點 知道 石秀 嘅 名 啊 ？
石勇 就 連忙 話 喇 ：小弟 唔識得 。
前 嗰排 戴宗 阿哥 去 薊州 返嚟 ，好多 次 都 稱讚過 兄長 。
聞名 好耐 喇 ，今日 上山 ，歡迎 歡迎 啊 。
三個人 互相 見過 禮 ，楊雄 、石秀 ，就 將 嗰件事 都 同 石勇 講咗 。
石勇 隨即 叫 酒保 ，擺開 份 例酒 嚟 款待 。
然後 推開 後便 水亭 嘅 窗門 ，放咗 一支 響箭 。
只見 對面 蘆葦林 裏 便 ，又 有 小嘍啰 棹 隻 船 過嚟 喇 。
石勇 請 佢哋 兩位 上船 ，一直 送 到 去 鴨嘴灘 上岸 。
石勇 已經 先 派 人 上山 去 報告 㗎喇 ，所以 戴宗 、楊林 就 落山 嚟 迎接 。
大家 見過 禮 ，一齊 上到去 山寨 裏 便 。
眾位 頭領 知道 有 好漢 上山 嘞 ，都 嚟 大寨 聚會 坐落 啦 。
戴宗 、楊林 就 帶住 楊雄 、石秀 ，上廳 嚟 參見 晁蓋 、宋江 同埋 眾位 頭領 。
參見完喇 ，晁蓋 好 詳細 噉 詢問 佢哋 兩個 嘅 經歷 。
楊雄 、石秀 就 首先 將 本身 嘅 武藝 ，要 嚟 投奔 入夥 嘅 事 講咗 ，大家 都 非常 歡喜 ，讓位 佢哋 坐 。
楊雄 就 漸漸 講到 話 有 一個 一齊 想嚟 投奔 入夥 嘅 時遷 ，唔該 偷咗 祝家店 嘅 報曉雞 ，一時 嘈起 上嚟 ，石秀 就 放火 燒咗 佢哋 店屋 ，時遷 就 畀 佢哋 捉咗 ；
李應 又 兩次 寫信 去 攞 ，點知 祝家 嗰 三個 仔 堅決 唔放人 ，誓願 話 要 捉 梁山泊 嘅 好漢 ，並且 千般 辱罵 十分 無禮 等等 。
唔講就由自可喎 ，啱啱講完 ，晁蓋 就 發大火喇 ，佢話 ：
孩兒們 ，將 呢 兩個 人 同 我 斬咗 佢 ！
宋江 連忙 勸佢 話 ：阿哥 唔好 嬲 ，兩位 壯士 不遠 千里 而來 ，同心協力 ，點解 要 斬 佢哋 呢 ？
晁蓋話 ：我哋 梁山泊 好漢 ，自從 火併 王倫 之後 ，就 以 忠義 為 主 ，要 施 仁德 於 民 。
一個個 弟兄 落山 ，從來 冇 損傷過 銳氣 。
無論 係 新舊 上山 嘅 兄弟們 ，各人 都有 豪傑 嘅 光彩 。
呢 兩個 傢伙 ，將 梁山泊 好漢 嘅 名目 去 偷雞食 ，因此 連累 我哋 畀 人 侮辱 。
今日 ，先斬咗 你 兩個 ，將 呢 兩個 傢伙 個 首級 ，搦 去 嗰度 號令 ；
然後 我 起 軍馬 去 ，洗蕩咗 嗰個 村坊 ，唔好 輸 咗 銳氣 。
孩兒們 ，快啲 斬咗 佢 報上嚟 ！
宋江勸 佢 話 喇 ： 唔 係 啊 阿哥 啊 ， 你 冇 聽 呢 兩位 賢弟 先頭 講 咩 ？
嗰 個 鼓 上 蚤 時 遷 佢 本來 就 係 呢 停人 喇 ， 以致 撩起 祝 家 嗰 班 傢伙 ， 邊處 係 呢 兩位 賢弟 要 玷辱 山寨 呢 ？
我 亦都 時時 聽見 有人 話 喇 ，祝家莊 嗰 班 嘢 要 同 我哋 山寨 敵對 。
眼前 我哋 山寨 人馬 眾多 ，但係 錢糧 缺少 ；
唔係 我哋 話 要 搵 佢 嘅 ，而係 佢哋 走嚟 吹毛求疵 ，噉 就 啱喇 ，我哋 正好 乘機 去 攻打 佢哋 。
如果 打倒 祝家莊 呀 ，就會 撈到 三五年 糧食 。
呢啲唔係 我哋 無事生非 要害佢 ，實在 係 嗰班 傢伙 無禮 在先 啊 。
阿哥 ，你 唔使 嬲 㗎 。
小弟 不才 ，願意 親自 帶領 一支 軍馬 ，請 埋 幾位 賢弟 一齊 落山 去 打 祝家莊 。
如果 唔 掃平 嗰個 村坊 ，就 誓 不 還 山 。
一來 ，為 山寨 報仇 ，不致 損傷 咗 銳氣 ；
二來 就 免得 畀 呢班 小輩 侮辱 ；
第三 ，又 可以 得到 好多 糧食 ，供 山寨 之 用 ；
第四 呢 ，就 請 李應 上山 入夥 。
阿哥 ，你 話 噉 好唔好 吖 ？
吳學究 就 話 喇 ：
公明 阿哥 個 說話 真係 啱 ，我哋 山寨 點 可以 斬 自己 嘅 手足 兄弟 呢 ？
戴宗 又 話 ：寧可 斬咗 小弟 ，都 唔好 絕咗 賢路 啊 。
眾位 頭領 又 搏命 咁 勸 唔 好 啊 唔 好 啊 噉 ， 晁蓋 噉 先至 赦免 咗 佢 哋 兩個 人 。
楊雄 、石秀 亦都 請罪 喇 。
宋江 就 安慰 佢哋 話 ：
兩位 賢弟 唔好 有 異心 啊吓 ，呢啲 係 山寨 號令 ，唔能夠 唔係 噉 啊 。
就算係 我 宋江 ，有 咗過失 ，一樣 要 斬首 ，冇 私情 講㗎 。
而且 而家 新近 又 立咗 鐵面孔 目裴宣 做 軍政司 ，賞功罰罪 已經 有 定例 喇 。
兩位 賢弟 唔好 介意 啊 ，唔好 介意 。
楊雄 、石秀 ，請 過罪 喇 ，晁蓋 叫 佢哋 坐 喺 楊林 下 便 。
山寨 裏 便 通知 所有 嘅 小嘍啰 嚟 參賀 新 頭領 ，之後 呢 ，又 殺 牛 劏 馬 ，大排 筵席 嚟 賀喜 。
就 撥咗 兩座 房屋 ，畀 楊雄 、石秀 嚟到 住 ，每人 呢 ，再 撥 十個 小嘍啰 來 服侍 。
第二日 ， 晁蓋 ， 宋江 召集 大家 嚟 商量 攻打 祝家莊 啲 事 喇 。
宋江 就 叫 鐵面孔 目裴 宣 ， 計劃 下 下山 嘅 人數 。
商量 定喇 ，就 除咗 晁蓋 鎮守 山寨 唔逳 之外 啊 ，仲 留低 吳學究 、劉唐 、阮家 三弟兄 、呂方 、郭盛 ，嚟 保護 大寨 。
原來 分派 咗 守灘 、 守關 、 守 店 嘅 有 職務 嘅 人員 呢 ，冚𠾴唥 唔 逳。
同時 又 派 新到 嘅 頭領 孟康 ，代替 馬麟 嚟 管 造船隻 。
又 出咗 張 告示 ，將 下山 打 祝家莊 嘅 頭領 就 分 做 兩 隊 ：
頭一隊 ，宋江 、花榮 、李俊 、穆弘 、李逵 、楊雄 、石秀 、黃信 、歐鵬 、楊林 ，就 帶領 三千 個 小嘍啰 ，三百 馬軍 ；
第二隊 呢 ，就係 林沖 、秦明 、戴宗 、張橫 、張順 、馬麟 、鄧飛 、王矮虎 、白勝 ，亦都係 帶 三千 小嘍啰 ，三百 馬軍 就 隨後 接應 。
又 命令 金沙灘 、 鴨嘴 灘 嘅 兩處 小寨 ， 分別 由 宋萬 、 鄭天壽 把守 ， 接應 糧草 。
噉 兩隊 人馬 一前一後 出發 。
而家 就 講下 宋江 同埋 眾位 頭領 就 直奔 祝家莊 吖 。
呢一日 ，就嚟到 獨龍山 前便 ，仲有 一里幾路 ，前軍 就 扎落 營寨 。
宋江 喺 中軍 帳 裏 便 坐落 ，佢 同 花榮 商量 話 喇 ：
我聽講 祝家莊 裏 便 嘅 路途 好 雜亂 ，我哋 唔好 進兵 住 ；
我哋 要 派 兩個 人 入去 探清楚 先 ，然後 先至 好 入去 同 佢哋 打過 啊 。
李逵 就 話 喇 ：
阿哥 ，小弟 得閒咗 好耐 喇 ，都 未曾 殺過 一個人 ，不如 等 我 入去 行 一趟 先 啦 。
宋江 話 喇 ：兄弟 ，你 唔 去得 嘞 。
如果 係 破陣 衝鋒 ，就 用得着 你 行先 。
呢啲 係 做偵探勾當 ，嘿 用 你 唔着 。
哈哈哈哈哈 ，唓 ，一個 咁 流口水 嘅 村莊 ，使 乜 阿哥 你 費力 啊 ？
等 小弟 帶 三 兩百個 孩兒 殺入 去 ， 就將 呢 個 祝家莊 啲 人 呀 都 改 矮 佢 幾寸 啊 ， 使 乜 要 人 先 去 打聽 咁 費事 啊 。
宋江 就 喝佢喇 ：你 呢個 傢伙 唔好 亂講 ！
行埋 一便 啦 ，叫 你 先至 好 嚟 。
李逵 行開咗 就 自言自語 噉 話 喇 ：打死 幾隻 烏蠅 又 何必 大驚小怪 吖 。
宋江 就 嗌 石秀 嚟 話 喇 ：
賢弟啊 ，你 去過 嗰處 ，你 同 阿楊林 去 行 一趟 啦 。
石秀 就 話 喇 ： 而家 我 哋 咁 多 人馬 嚟 到 呢 度 ， 佢 嗰 處 一定 會 有 準備 㗎 喎 ， 我 哋 扮 咩 嘢 人入 去 好 呢 ？
楊林 就 話 ：啊噉啦 ，我 就 打扮 做 個 驅邪趕鬼 嘅 法師 ，喺 個 身邊 收埋 把 短刀 ，隻 手 就 揸住 個 鈴鈴 一直 噉 鈴入去 。
你 就 聽見 我 個 鈴鈴 響 就 唔好 離開 我 太 遠 噃 。
石秀 話 喇 ：吖 ，我 喺 薊州 賣過 柴 嘅 ，噉 我 擔擔 柴 入去 賣 就 得 喇 。
我 喺 身邊 藏咗 暗器 ，有 咩 嘢 咿逳 呀 ，條 扁擔 都 用得着 。
楊林話 ：嘿噉好 ，我哋 今晚 準備好 ，五更 起身 出發 啦 。
噉而家 講下 石秀 啊 ，佢 就 擔住 擔柴 擔入去 先 咯 喎 。
行 咗 唔 夠廿零里 ， 只見 到 嗰 啲 路 呀 曲曲折折 ， 條條 路 都 係 左 彎右曲 都 係 咁 上下 樣 嘅 ；
樹木叢密 好 難認 ，噉 佢 就 放低 擔柴 唔行住 喇 。
呢個 時候 ，聽見 後 便 鈴鈴 響 。
石秀睇下 ，就見到 楊林 頭戴 一頂 爛草帽 ，身穿 一件 舊法衣 ，手上面 就揸住 個鈴鈴 一直噉樣 鈴住 過嚟 。
石秀見 到 冇 人 喇 就 嗌 住 楊林話 ： 喂 ， 喂 ， 啲 路 好 難 認 噃， 都 唔 知邊 處 係 我 哋 嗰 日 跟 李 應 嚟 嗰 條 路 喇 。
嗰日 天色 又 黑 ，佢哋 大家 都 係 熟路 ，我哋 又 睇唔清 。
楊林 就 話 啦 ：唔好 理 佢 邊條 路 直 定 曲 喇 ，一味 搵 大路 行 啦 。
於是 石秀 就 擔住 柴 ，見 大路 就 行 喇 。
行行 下 見到 前面 有 一條 村 ，有 幾間 酒店 肉店 嘅 。
石秀 就 搬住 柴 喺 間 酒店 門口 停落 ，只見 各 間 店 裏 便 都有 刀槍 插 喺 門前 ；
每個人 身上 着 一件 黃背心 ，上面 寫住 個 大大 嘅 祝字 ，來往 個人 個個 都 係 噉嘅 。
石秀見 咗 ， 就 對 住 一個 伯爺 公行 咗 個 禮話 ：
老伯 ， 請問 呢 處 係 咩 嘢 風俗 啊 ？
為咩嘢 要 將 啲 刀槍 插正 喺 門口 嘅 ？
嗰個 伯爺公 就 話 喇 ：你 係 邊處 嚟 㗎 ？
乜 你 噉 都 唔知 㗎 ，嘿 你 快啲 行 啦 你 快啲 行 啦 。
小人 係 山東 賣 紅棗 嘅 商人 ，因為 蝕咗 本錢 唔回得 鄉 ，因此 就 擔 柴 嚟 呢處 賣 啦 ，我 唔知道 呢處 風土人情 㗎 。
你 快啲 行去 避難 喇 ，呢處 遲早 都 要 打 大 仗 㗎 喇 。
呢處 咁好 個 村莊 ，為咩事 要 打 大仗 呢 ？老伯 。
乜 你 真係 唔知 㗎 ？
嚟 我 講 你 聽 啦 ，我哋 呢度 叫做 祝家村 ，崗上 便 就 係 祝朝奉 間 莊 喇 。
因為 而家 得罪 咗 梁山泊 啲 好漢 ，佢哋 帶齊 軍馬 喺 村口 要嚟 打仗 啊 ，就 怕 我哋 呢條 村 路 雜 唔 敢 入嚟 住 ，所以 就 駐扎 喺 外便 啫 。
而家 祝家莊 就 頒布 咗 號令 落嚟 ，要 每戶 人家 就 要 啲 精壯 後生 準備好 ，一 有 命令 就 要 去 策應
老伯 ，你哋 條村 總共 有 幾多 人家 ？
噉啊淨係 我哋 呢條 祝家村 都有 一二萬 人家 㗎 。
東西 仲有 兩條 村 嘅 人 嚟 接應 呢 ：
東村 就 叫做 撲天雕 李應 李 大官人 ；
西村 就 叫做 扈太公莊 ，佢 有 個 女 呀 叫做 扈三娘 ，綽號 一丈青 ，非常 使得 㗎 。
係噉樣啊使乜怕梁山泊啊 ？
噉 又 係 定 啦 。
呢唔使講乜啊 ，就算係啲人 初初嚟 唔識路 㗎 ，都 實 畀 人 捉住 㗎 。
阿 老伯 ， 點解 初初 嚟 就 會 畀 人 捉住 呢 ？
我哋 呢條村 嗰啲 路 ，有 首 詩 講得 好 啊 ：
好個 祝家莊 ，儘是 盤陀路 。容易 入得來 ，就 只是 出不去 啊 。
石秀 聽咗 就 喊起上嚟 ，對住 個 伯爺公 跪低 就 拜喇 ：
哎呀 ，小人 係 個 江湖 上 蝕咗 本 唔 回得 鄉 嘅 人 啊 ，如果 賣咗 柴 出去 ，撞見 打仗 走唔甩 ，噉咪 死 ？
誒老伯 ，你 可憐 下 小人 啦 ，我 情願 將 呢擔柴 送畀 老伯 你 喇 ，誒 但求 老伯 你 指 條 路 畀 小人 出去 罷 啦 。
嗰個 伯爺公 就 話 喇 ：
唉 ，我 又 點 會 白白 要 你 擔 柴 吖 ？
好啦 ，我 就 買咗 佢 啦 。
嗱 你 入嚟 ，我 請 你 食 啲 酒飯 啦 。
石秀 多謝 一聲 ，就 擔住 柴 跟 個 老伯 入咗 屋 。
嗰個 伯爺公 ，斟咗 兩 碗 白酒 ，𢳂咗 一 碗 傑粥 畀 石秀 食咗 。
石秀食完就多謝佢話喇 ：誒唔該阿老伯你指教我出去條路啦 。
嗰個 伯爺公 話 ：嗱 ，你 喺 村 裏 便 行 ，見到 有 白楊樹 就 可以 轉彎 。
唔 使 理 嗰 條 路 闊 定 路 窄 嘅 ， 但凡 有 白楊樹 就 轉彎 啦 就 係 活路 ， 冇 樹 呢 都 係 死路 啊 。
呢仲有啊 ，如果係見到第啲樹 都唔好轉彎啊 ，嗰啲亦唔係活路嚟㗎 ，一行錯咗呀 ，左來右去 ，就係唔出得去 。
更兼 喺 嗰啲 死路 嗰度 ，地下 埋藏住 竹籤 、鐵蒺藜 ，一行錯 啊 ，踩住 飛簽 ，就 梗 畀 人 捉 㗎 喇 ，你 走得去 邊 吖 ？
多謝 老伯 指教 。
誒 ，老伯 ，你 高姓 啊 ？
呢條村 裏 便 姓 祝 嘅 係 最多 ，唯獨 我 啊 複姓 鍾離 ，一向 都 喺度 住 嘅 。
酒飯 小人 都 食夠 喇 ， 第日 先至 嚟 報答 老伯 啦 。
正話 喺度 傾緊 偈 ，只 聽見 外便 嘈喧 巴閉 。
石秀 聽 講話 捉到 個 奸細 噉 就 吃咗 一 驚 ，跟住 個 伯爺 公 出去 睇下 啦 ，只 見 七八十 個 軍佬 ，捩轉 手 綁住 個 人 行緊 過嚟 。
石秀睇下 ，哎呀 ，原來 係 楊林 ，剝到 赤條條 ，用 條繩 綁實 。
弊傢伙 喇 。
佢 仲 詐 假意 問 個 伯爺 公話 噃 ：
捉住 嗰個 係 咩嘢 人 啊吓 ？為 咩事 要 綁實 佢 啊 ？
你唔聽講咩 ？話佢係 宋江 嗰度 嚟 嘅 奸細 吖嘛 。
噉點樣 捉到 佢 㗎吓 ？
講起 上 嚟 呀 ， 呢 個 嘢 亦 都夠 大膽 㗎 喇 ， 獨自 一個 走 嚟 做 奸細 ， 打扮 做個 驅邪 趕 鬼 嘅 法師 ， 撞 咗 入 嚟 條村 喎 。
又唔識呢啲路 ，一味 混大路行 ，左來右去 又行咗死路 ，又唔識得 跟住 白楊樹 轉彎 呢個 辦法 。
嗰啲 人 見 佢 行 錯 路 咯 ，來歷 又 可疑 ，就 報告 莊上 嘅 官人 嚟 捉 佢 啦 。
嗰個 傢伙 就 掹出 刀 嚟 ，打傷咗 我哋 四五 個人 。
不過 頂唔住 呢處 人多 啊 ，一湧 上去 唔係 就 捉住 佢 咯 。
呢 有人 認得 佢 啊 ， 佢 一向 都 係 做 賊 個 喎 ， 叫做 錦 豹子 楊林 啊 。
話猶未了 ，只聽見 前面 喝道聲 ，話係 祝家莊 三官人 巡查過嚟 啊噉 。
石秀 喺 門 嚹 裝 下 ，見到 前面 擺住 二十 對 纓槍 ，後 便 係 四五 個 人 騎住 戰馬 ，都 係 彎弓 插箭 ，又 有 四五 對 青白 哨馬 。
中間 係 擁住 一個 年少壯士 ，坐 喺 一匹 雪白 嘅 馬 上 ，着住 盔甲 ，掛咗 弓箭 ，手執 一條 銀槍 。
石秀 認得 佢 ，之 佢 特登 仲 問 個 伯爺 公話 ：
啱啱 行過咗 去 嗰個 相公 係 邊個 啊 吓 ？
嗰個 伯爺公 就 話 佢 聽 ：
佢 就係 祝朝奉 嘅 第三仔 ，叫做 祝彪 ，訂咗 西村 ，扈家莊 一丈青 做 老婆 㗎喇 。
佢哋 弟兄 三個 啊 佢 係 最 使得 喇 。
石秀 就 多謝 佢 話 喇 ：啊 多謝 老伯 指路 ，小人 要 走 喇
今晚 咁 夜 喇 ，前面 聽下 打起 上嚟 ，就 送咗 你 條命 啦 ，你 唔好 走住 喇 。
老伯 ，噉就 請 你 搭救 下 我 啦 。
噉啦 ，今晚 黑 呢 ，你 就 喺 我 屋企 住 一 夜 。
聽日 打聽 清楚 咯 如果 冇 事 咯 ， 噉 就 走 係 啦 。
多謝 老伯 。
石秀 就 坐 喺 個 老伯 屋企 ，只 聽見 門前 呀 四五 次 有人 騎住 馬 傳達 命令 ，逐家逐戶 噉 吩咐 話 ：
你啲 百姓 聽住 ，今晚 睇住 紅燈 為 號 ，齊心合力 ，捉拿 梁山泊 嘅 賊人 解官 請賞 ！
一路噉嗌住過去 。
石秀 就 問 喇 ：咦 ，嗰個人 係 邊個 啊吓 ？
個 伯爺公 就 話 ：呢個 官人 呀 ，係 本地 嘅 捕盜 巡檢 ，今晚 約定 要 捉 宋江 啊 。
石秀 聽 講 個 心 啊 考慮 咗 一陣 ，就 攞 一支 火把 ，講 一聲 早唞 就 去 屋 後 便 間 草棚 瞓 喇 。
而家 講 下 宋江 嘅 軍馬 喺 村口 駐扎 啦 ，佢 仲 唔 見 楊林 、石秀 返嚟 報告 ，跟住 又 派 歐鵬 去 村口 探聽 下 ，歐鵬 返嚟 回報 話 ：
聽見 嗰處 講到 含含聲 啊 ，話 捉到 嗰個 奸細 啊噉 ，小弟 見到 嗰處 路途 又 窄 又 難認 ，唔敢 深入 重地 。
宋江 聽咗 就 好嬲 ：仲 點 等得 報告 先至 進兵 吖 ？
佢哋 話 捉到 人 呀 ，噉 我哋 兩個 兄弟 ，實係 失陷 咗 喇 。
我哋 今晚 即刻 進兵 殺入去 ，點都 要 救返 兩個 兄弟 出嚟 㗎喇 。
唔知 你哋 眾位 頭領 意下 如何 呢 ？
李逵 就 話 咯喎 ：噉啊 等 我 殺入去 ，睇下 點 啦 。
宋江 聽咗 ，即刻 就 落命令 喇 ：叫 啲 軍士 都 披掛 好 ，李逵 、楊雄 啊 做 先鋒 ；
就 叫 李俊 佢哋 帶 兵 押後 ；
穆弘 居 左 就 黃信 在 右 ；
宋江 、花榮 、歐鵬 就 做 中軍 ，搖旗 吶喊 ，擂鼓 鳴鑼 ，大刀闊斧 殺 奔 祝家莊 嘞 。
當 殺到 獨龍崗 上 個 時候 ，已經 係 黃昏 ，宋江 就 催促 前軍 攻打 啦 。
先鋒李逵 除 大赤肋 ，舞住 嗰 兩 把 夾鋼板 斧 啊 ，火紅火綠 噉 殺 向前嚟 ，衝到去 莊前 睇下 。
嘿 ，人家 將 個 吊橋 高高噉 扯起咗 ，莊 裏 便 就 一啲 火光 都 唔 見 。
李逵 就 想 落水 浭過去 咯噃 。
楊雄 一手 拉住 佢 話 ：唔得啊 ，閂埋 莊門 就 必 有 詭計 ，等 阿哥 嚟 另作 打算 啦 。
李逵 就 邊度 忍得 住 㗎 ， 拍 住 嗰 對 板斧 ， 隔住 岸 大聲 噉 鬧 話 ：
你個祝太公個老賊 ，你出嚟 ，黑旋風爺爺喺度啊 ！
莊裏 便 就 硬係 唔 應佢 。
冇幾耐 ，宋江 中軍 人馬 嚟到 喇 。
楊雄啊 迎接住 佢哋 就 報告 話 ：莊 上面 唔見 人馬 ，亦 冇 動靜 啊 噉 。
宋江 勒定 馬 一望 ，莊上 便 唔見 刀槍 人馬 ，心個 好 思疑 。
佢 突然間 醒起嚟 話 ：弊 ，我 錯 喇 ！戰書 上面 明明 告誡 話 ，臨敵 休急暴 。
係我一時睇唔到 ，淨係 諗住 要 救返 兩個 兄弟 所以 漏夜 進兵 ，深入 重地 。
而家 到咗 佢哋 莊前 ，唔見 敵軍 就 必 有 詭計 ，快啲 命令 三軍 撤退 ！
李逵 就 嗌 喇 ：阿哥 ，軍馬 都 嚟到 呢處 喇 唔好 退兵 喇 。
我 同 你 殺過去 先 ，你哋 都 跟 我 嚟 ！
話猶未了 ，只聽見 祝家莊 裏 便 一個 號炮 ，轟噉 飛上 半天 。
霎眼間 ，獨龍崗 上面 係 千百 支 火把 一齊 點着 ，門樓 上面 嗰啲 箭 呀 好似 雨點 噉 射過嚟 。
宋江 就 急急 跟住 舊路 退兵 。
只見 後軍 頭領 李俊 嘅 人馬 就 嘈起 上嚟 喇 ，佢哋 話 ：嗰條 舊路 都 塞住 晒 喇 ，必定 有 埋伏 啊噉 。
宋江 就 叫 啲 軍馬 四周圍 搵 路 走 啦 。
李逵 舞起 雙板斧 ，衝來 衝去 搵人 打 ，一個 敵軍 都 唔見 。
呢個 時候 ，只見 獨龍崗山頂 ，轟噉 又 放起 個 炮 ，四周圍 呀 喊聲 震地 啊 。
當時 宋江 喺 馬上 一望 ， 只見 四圍 都 有 埋伏 嘅 軍馬 ， 就 叫 小 嘍 啰 向 住 大路 殺 過去 啦 噉 。
點知行 咗 一陣 ， 啲 人馬 又 塞住 喇 ， 大家 都 嗌 弊 喇弊 喇 噉 。
宋江 就 問 啦 ：弊 咩 嘢 啊 ？
大家 就 話 喇 ：前便 呀 都 係 嗰啲 螺絲 轉 路 ，行 咗 一𡃈 又 轉返返 嚟 呢處 啊 。
宋江 就 話 喇 ：命令 兵馬 ，向住 火把 光 嘅 地方 ，有 房屋 、人家 嘅 地方 搵 路 出去 。
又行咗冇幾耐 ，只見 前軍 又嘈起上嚟 嗌話 ：
啱啱 向住 火把 亮光 個 地方 行 ，又 有 苦竹籤 、鐵蒺藜 ，遍地 都 撒滿 晒 鹿角 ，塞實 晒 路口 啊 。
宋江 就 話 喇 ：哈 ，呢趟 真係 天 喪 我 喇 ！
正在 又 慌 又 急 嘅 時候 ， 只 聽見 左 軍中 間 呢 穆弘 隊裏 便 含起 上 嚟 ， 有人 嚟 報告 話 喇 ： 石秀 嚟 喇 石秀 嚟 喇 噉 。
宋江 一 睇 ，見到 石秀 揸住 把 刀 ，跑到 嚟 馬 前 話 ：
阿哥 你 唔使 慌 ，小弟 已經 識路 喇 。
阿哥 你 落 命令 ，叫 啲 人馬 ，睇見 有 白楊樹 就 可以 轉彎 行 ，唔好 理 佢 路 闊 路窄 。
於是 宋江 就 催促 人馬 ，但凡 見到 有 白楊樹 就 轉彎 行噉 。
宋江 佢哋 行咗 大約 五六里 路 ，只 見到 前面 嘅 人馬 越 添 越多 噃 。
宋江 就 思疑 喇 ，就 嗌 石秀 嚟 問 佢 啦 ：兄弟 啊 ，點解 前面 嘅 賊兵 咁 多 嘅 ？
石秀話 ： 啊 ， 佢 係 紅燈 為號 啊 。
花榮 騎 喺 馬 上面 睇見 ，用 隻 手指 畀 宋江 睇 喇 ：
阿哥 ，你 睇唔睇見 樹影 裏頭 嗰 眼紅燈 啊 ？
佢 見到 我哋 向 東 便 行 ，佢 就 將 眼紅燈 向住 東 便 扯 ；
如果 我哋 向西 行 ，佢 就 將 眼燈 向西 便 扯 。
睇嚟 ，嗰 眼燈 就係 號令 喇 。
宋江話 ：誒噉 有 咩嘢 辦法 滅咗 嗰 眼紅燈 呢 ？
花榮 話 ：噉 有 咩嘢 難處 吖 ？
於是 花榮 拈 弓 搭 箭 ，縱馬 向前 ，向住 樹影 嗰 便 一 箭 ，不偏不倚 ，正正 就 將 嗰 眼紅燈 射咗 落嚟 。
噉 祝家莊 喺 四周圍 埋伏 嗰啲 軍馬 ，唔見 咗 嗰眼 紅燈 就 亂撞 起上嚟 咯 喎 。
宋江 就 叫 石秀 帶路 ，殺出 村口 。
呢個 時候 呀 ，只 聽見 前山 喊聲 連天 ，一帶 火把 縱橫 繚亂 。
宋江 就 叫 前軍 扎住 ，又 叫 石秀 帶路 出去 探聽 下 先 嘞 。
冇 幾耐 就 返嚟 回報 話 ：係 我哋 山寨 嘅 第二 撥 人馬 嚟到 接應 ，殺散 咗 伏兵 啊 大哥 。
宋江 聽咗 即刻 進兵 嚟 夾攻 啦 ，奪路 奔出 村口 ，打到 祝家莊 啲 人馬 散晒 。
噉 宋江 又 會合 埋 林沖 、秦明 佢哋 嘅 軍馬 ，一齊 喺 村口 駐扎 。
呢個 時候 就 天光 ，去到 高坡 嗰處 扎落咗 營寨 ，整頓 下 人馬 點 下 數 啦 ，弊 ，唔見咗 鎮三山 黃信添 。
宋江 就 大驚 啦 詢問 下 緣故 。
有個 尋晚 跟住 去嘅 軍人 ，佢 係 親眼 見㗎喇 ，佢 上前嚟 報告 話 ：
黃頭領 ，接受咗 大哥 嘅 將令 ，前去 探路 ，一下 冇 防備 ，喺 啲 蘆葦 叢 裏 便 伸出 兩把 撓鉤 ；
勾跌咗隻馬 ，黃頭領 就 畀 六七個人 監生 捉咗去 啊 救都救唔到啊 。
宋江聽 咗 發火 咯 ， 要 殺 隨從 嘅 軍人 ， 就 為 乜 事 唔 早早 啲 報 嚟 吖 。
林沖 、花榮 就 勸住 宋江 。
大家 都 好 愁悶 噉 話 ：
唉 ， 祝家莊 又 未曾 打落 ， 反而 折 咗 兩個 弟兄 先 ， 噉 有 乜 修 啊 ？
楊雄 就 話 ：呢度 有 三個 村莊 聯結 起上嚟 嘅 ；
東村 嗰個 李大官人 ，前幾日 已經 畀 祝彪 嗰個 傢伙 射咗 一箭 ，而家 喺 屋企 養傷 噃 。
阿哥 你 點解 唔 去 同佢 商量 下 呢 ？
宋江 就 話 喇 ：吖 ，係啊 ，我 都 唔 記得 咗 佢 添 。
呢處 嘅 地理 虛實 佢 係 最 清楚 㗎 喇 。
於是就吩咐人攞咗兩匹綢緞 ，羊酒 ，再選一匹好馬 同埋 馬鞍籠頭 ，準備 親自 上門 去求見 。
噉啊由 林沖 、秦明 就 負責 守衛 營寨 。
宋江 就 帶住 花榮 、楊雄 、石秀 ，就 上咗 馬 ，另外 仲有 三百 馬軍 隨行 ，就 飛奔 到 李家莊 。
