上次 講到 楊雄 就 殺咗 潘巧雲 同 迎兒 吖 ，噉 佢 就 同 阿石秀 啊 ，就 執返 好啲 嘢 想 離開 古墓 咯 喎 。
忽然間 ，只見 松樹 後 便 有 個人 行出嚟 大聲 嗌話 ：
哈哈 ，清平 世界 蕩蕩 乾坤 ，殺咗 人 想 去 投奔 梁山泊 入夥 啊 ，我 喺 處 聽咗 好耐 喇 。
楊雄 、石秀 一 睇 ，嗰個人 跪低 就 拜 。
楊雄 認得 呢個 人 嘅 ，佢 姓 時 名 遷 ，係 高唐州 人氏 ，流落 喺 呢一處 ；
一向 都係 做埋 啲 飛檐走壁 、偷雞摸狗 嘅 勾當 。
佢 曾經 喺 薊州府 吃官司 ，坐監 ，畀 楊雄 救咗 佢 ，人人 都 叫 佢 做 鼓上蚤 。
呢 ，有 詩 為 證噃 ：
骨軟身軀健 ，眉濃眼目鮮 。形容如怪族 ，行走似飛仙 。夜靜穿牆過 ，更深繞屋懸 。偷營高手客 ，鼓上蚤時遷 。
噉 當時 楊雄 就 問 時遷 話 ：你 點解 嚟到 呢處 啊 ？
時遷話喇 ：節級大哥 你 聽 我 講 ，小人 近來 冇 咩嘢 路數 ，就 喺 呢個 山 裏 便 掘 啲 古墳 搵 返 幾分 錢 使下 噉 啦 。
見到 大哥 啱先 喺度 逳手 ，我 就 唔敢 出嚟 衝撞 嘞 。
收尾聽講話 你哋 去 投奔 梁山泊 入夥 噉 ，小人 而家 喺 呢處 ，都係 做埋 啲 偷雞摸狗 嘅 勾當 幾時 得了 吖 ，我啊 想 跟隨 兩位 阿哥 上山 好唔好 啊 ？
唔知 兩位 肯唔肯 帶 協小人 去 呢 ？
石秀話 ：你既然 亦係 好漢中 嘅 人物 ，佢 嗰處 而家 招納 壯士 ，邊度 爭 你 一個 ？
嚟 ，我哋 一齊 去 。
時遷話 ：好啊好啊 ，小人 認得 呢處 啲 小路 ，我 帶 你哋 混 小路 行 啦 。
於是 時遷 就 帶住 楊雄 、石秀 ，混 小路 落咗 後山 ，就 投奔 梁山泊 嘞 。
噉嗰 兩個 轎夫 呢 ，喺 半山腰 等到 紅日 平西 噃 ，都 仲 唔見 三個 人 落嚟 ，都 已經 吩咐咗 啦 又 唔敢 上去 啊 。
等啊等啊等咗好耐 等唔住喇 ，就不免 順腳 行上山 嚟搵啦 。
嘩嗨 ，乜 見到 成劄啲 烏鴉 一撥撥 噉 轉 實 個 古墓 上 便 。
兩個 轎夫行 埋 去 睇 下 ， 原來 係 啲 烏鴉 喺 度 爭 嗰 啲 五臟 腸肚 食 ， 喺 度 呱呱叫 ， 嘿 呀 個 轎夫 睇 咗 呀 ， 驚到 面 都 青 埋 ；
慌忙 就 返去 屋企 話畀 潘公 知 啦 ，噉 啊 一齊 去 薊州府 報告 。
知府 啊 隨即 派咗 一名 縣尉 ，帶咗 仵作佬 ，去 翠屏山 檢驗 屍首 。
嗰啲 人 檢驗 完 喇 ，就 返嚟 回覆 知府 話 ：
有 一 名 婦人 潘巧雲 ，喺 松樹 邊 畀 人 殺咗 ，肢解咗 ，個 婢女 迎兒 就 殺死咗 喺 古墓 下 便 。
墳邊 賴低咗 一堆 婦人 同 和尚 、頭陀 嘅 衣服 啊噉 。
知府 聽咗 ，就 諗起 前幾日 個 海和尚 、頭陀 被 殺 嘅 事 ，就 詳詳細細 噉 審問 潘公 。
嗰個 老坑 就 將 嗰 喺 僧房 飲醉酒 ，就 收尾 點樣 將 石秀 趕 出去 嘅 緣由 ，從頭到尾 就 講咗 一次 。
知府話 ：睇嚟 ，呢個 女人 就係 同個 和尚 通姦 ，個 妹仔 就 同個 頭陀 做 引線 。
石秀嗰個傢伙 就 路見不平 就 殺死 頭陀 、和尚 ；
而楊雄呢 ，今日 就 嚟 殺咗 個 婦人 ，同埋 個 妹仔 ，一定 係 噉㗎喇 。
只要 捉到 楊雄 、石秀 ，就 知 㗎喇 。
即刻 就 發出 公文 ，出 賞錢 ，通緝 楊雄 、石秀 咯噃 ，噉 其餘 嘅 轎夫 等等 嘅 人 呢 ，就 放返去 。
潘公 就 去 買 棺材 ，葬 返 個 女 同 妹仔 啦 噉 呢啲 不在 話下 喇 。
而家 再 講 楊雄 、石秀 、時遷 啊 ，佢 離開 咗 薊州 ，一路 上 不免 曉行 夜宿 ，行咗 好多 日 。
呢一日 就 嚟到 鄆州 地面 嘞 ，過咗 香林窪 ，遠遠 望見 一座 高山 喎 ，呢陣時 已經 好 晏下 喇 。
嗯 ，前面 靠住 溪邊 ，有 一間 客店 。
啱喇 ，三個人 就 趕到 去 門口 。
哈 ，呢個 時候 個 店小二 啊 已經 想 閂 門 嘞 喎 。
見到 呢 三個 人 撞入嚟 ，小二哥 就 話 喇 ：
哎 ，三位 客官 乜 咁 晏 至 嚟 啊 ？好 遠 嚟 啊呢 ？
時遷話 ：我哋 今日 行咗 成百幾里 路 有多 啊 ，所以 到得 咁 夜 呢 。
小二哥 請 佢哋 三個人 入嚟 住 ：客官 ，未曾 食飯 吖嘛 ？
時遷話 ：我哋 自己 會 搞 㗎喇 。
誒 ，今日 店裏 便 冇 人客 嚟 ，灶頭 有 兩 隻 乾淨 鑊 ，客官 隨便 用 啦 。
時遷 問 佢 喇 ：店 裏頭 有冇 酒肉 賣 啊 ？
誒 今日 朝頭早 有 啲 肉 嘅 ，都 畀 附近 嘅 村人 買晒去 喇 ，而家 剩返 一埕 酒 喺 處 ，不過 冇 咩 嘢 餸 噃 。
時遷話 ：噉就算喇 ，攞 五升米 嚟 煮飯 先 啦 。
小二哥 就 攞 咗 米 嚟 畀 時 遷 ， 時 遷 攞 啲 米 去 淘 乾淨 ， 煮 咗 一 鑊 飯 。
石秀 就 喺 房裏 便 安頓 好啲 行李 。
楊雄 就 攞咗 一支 金釵 出嚟 交畀 店小二 ，叫 佢 攞 一埕 酒 嚟 飲 ，話 聽日 一齊 算賬 啦噉 。
小二哥 就 收咗 金釵 ，就 入去 裏 便 扚出 嗰 埕 酒 出嚟 開咗 ，又 將 一 碟 熟菜 放 喺 台 上 。
時遷 就 挽 咗 桶 熱水 返嚟 ，叫 楊雄 、石秀 啊 洗咗 手腳 ，一面 呢 就 斟 酒 嘞 ，就 請埋 小二哥 一齊 坐 喺 處 飲 。
石秀 見到 屋檐下 便 啊 插住 十幾把 好靚 嘅 朴刀 ，佢 就 問 個 小二哥 ：
喂 ， 你 哋 店裏 便 ， 點解 有 啲 噉 嘅 武器 嘅 ？
小二哥 就 話 喇 ：都係 我哋 主人家 留 喺 處 㗎 。
你 主人家 係 咩嘢 人 啊 ？
嘿嘿 客官 ， 你 喺 江湖 上 來往 個人 點解 唔 知道 我 哋 呢 度 係 邊度 啊 ？
嗱 ，前面 嗰座 高山 就 叫做 獨龍山 啦 。
山前 便 有 一座 好 雄壯 嘅 岡 就 叫 獨龍岡 咯 ，上面 就係 我哋 主人家 嘅 住宅 。
呢處呀 ，方圓 三十里 ，都 嗌做 祝家莊 嘅 。
莊主 太公 啊 叫做 祝朝奉 ，佢 有 三個 仔 ，叫做 祝氏 三傑 ，嘿嘿 。
莊前 莊後 有 六七百 人家 ，都係 佃戶 嚟 ，各家各户 就 分 兩把 朴刀 畀 佢 。
我哋 呢處 叫做 祝家店 ，呢 ，經常 都有 幾十個 家人 嚟 店裏 便 值夜 㗎 ，因此 呢就 要 分 啲 朴刀 喺 處 。
石秀話 ：佢 分 啲 武器 喺 店處 做 乜嘢 用 啊 ？
哈 ，咩嘢 冇用 啊 ？呢處 離 梁山泊 冇 幾 遠 嘅 咋 ，就 怕 佢 嗰處 啲 賊佬 嚟 借 糧 ，所以 就 準備 定 㗎 嘛 。
石秀話 ：小二哥 ，我 畀 啲 銀 你 賣 一把 朴刀 畀 我 使下 呢 。
小二哥 就 話 喇 ：哎 ，噉 唔得嘅 唔得嘅 ，武器 上 便 都 編晒 字號 嘅 。
嘿嘿 ，小人 捱唔起 主人家 嗰條棍 。
我 個 主人 呀 ，規矩 好 嚴 嘅 。
哈哈哈哈哈 ，我 同 你 開玩笑 啫 你 睇 你 就 慌喇 ，嚟 ，飲酒 。
誒 ， 誒 小人 量淺 ， 唔 飲 得 喇 ， 誒 我 想 去 瞓 先 ， 三位 客官 自己 開懷 飲多杯 啦 ， 誒 ， 早 唞 ， 早 唞 。
小二哥 就 走咗 咯 。
楊雄 、石秀 又 飲咗 一輪 酒 ，時遷 話 喇 ：喂 ，想唔想 食 啲 肉 啊 ？
楊雄 就 話 啦 ：嘿 ，小二哥 都 話 冇 肉 賣 ，你 又 去 邊處 搵 肉 嚟 食 啊 ？
時遷 就 桀桀聲 咁 笑 。
返去灶頭 ，攞咗 一隻 煮熟咗嘅 大雞公 嚟 。
楊雄 就 問 佢 喇 ：咦 ，你 邊處 攞 只 雞 嚟 啊 ？
兄弟 先頭 去 後便 小便 ，見到 只 雞 喺 個 籠 裏 便 喎 ，啱喇 ，攞嚟 同 阿哥 送 酒 啦 ，我 靜靜地 去 溪邊 鋸咗 佢 。
挽桶熱水 去 後便 ，劏到 佢 乾乾淨淨 煮熟咗 ，搦嚟 畀 兩位 阿哥 送酒 啊 。
楊雄話 ：你 呢個 傢伙 ，吖 仲係 咁 賊手賊腳 嘅 。
石秀 亦都 笑喇 ：嘿嘿 ，你 真係 不離 本行 噃 。
三個人 笑咗 一輪 ，就 將 隻 雞 用 手 撕開 嚟 食 ，嘿 ，手撕雞 又 分外 好味 吖嘛 ，一便 呢 裝 飯 嚟 食 。
嗰個 店小二 返去 瞌咗 一瞌 ，放心 唔落 ，趷 返 起身 ，喺 屋前 屋後 巡下 。
巡到去廚房 ，見到 張枱上面 有啲 雞毛 同埋 雞骨 嘅 ，喇喇聲 去 灶頭 一睇 ，嘿 ，半鑊 肥汁 喺 處 。
小二哥 即刻 去 後便 雞籠 望下 ，死喇 ，唔見 隻 雞 。
即刻 就 出嚟 問 啦 ：客官 啊 ，乜 你哋 噉 㗎 ，偷 咗 我 間 店 報曉 嘅 雞 嚟 食 都 得 嘅 ？
時遷就話喇 ：咦 ，撞鬼 你 咩 ？
我哋 食 嗰隻 雞 呀 ，係 我哋 喺 路 上面 自己 買 㗎 咋 ，幾時 見過 你 嗰隻 雞 啊 。
我店裏 便 隻 雞 點 啊 去邊處 啊 ？
哈 ，你 慌唔係 畀 野貓 拉咗 啊 ，黃鼠狼 食咗 麻鷹 擔咗 去 啊 ，呵呵 我 點知 啊 。
小二哥 話 喇 ：我 隻 雞 啱先 仲 喺 籠 裏 便 嘅 ，唔係 你 偷 係 邊個 偷 ？
石秀話 喇 ： 哎 唔 好 嘈 喇 唔 好 嘈 喇 ， 要 幾多 錢 ， 賠返 畀 你 就 係 啦 。
我嘅係報曉雞 ，店裏便唔少得佢嘅 ，你就算賠十兩銀畀我都唔撈㗎喇 ，你還返隻雞畀我啦 。
石秀發火啦 ：你 詐邊個 啊 ？老爺 唔賠畀 你 又 點 啊 ？
嘿嘿 ， 嘿嘿 嘿嘿 ， 客官 啊 ， 你 哋 唔 好 喺 我 哋 呢 處 拋 浪頭 搞搞 震 噃。
我 呢 間 店 唔 同 第間 店 啊 吓 ， 捉 咗 你 返去 莊處 ， 將你 哋 當做 梁山泊 賊寇 解去 官府 㗎 吓 。
石秀 聽咗 就 鬧佢 喇 ：豈有此理 ，我 就算 係 梁山泊 好漢 ，你 為乜事 要 捉我 去 請賞 吖 ！
楊雄 亦 都 發火 喇 ： 好心好意 畀 返錢過 你 ， 你 仲 唔 肯要 ？ 唔 賠 畀 你 又點 啊 ， 要 捉 我 啊 ！
小二哥 啱啱 嗌咗 聲話 有 賊 噉 ，只見 店裏 便 ，有 四五 個 大漢 赤條條 噉 趯出嚟 ，要 打 楊雄 、石秀 咯噃 。
點知 畀 石秀 一拳 一個 ，冚𠾴唥 打低晒 。
小二哥 啱啱 仲 想 嗌 ，畀 時遷 一巴啪一聲 成 邊面 打腫咗 ，哎 ，聲 都 唔出得 。
嗰幾個 大漢 喺 後門 走咗 喇 。
楊雄話 ： 喂 ， 兄弟 啊 ， 呢 班 傢伙 一定 去班人 嚟 㗎 吓 ， 我 哋 快 啲 食 咗 飯 走 人罷 啦 。
三個人 三扒兩撥 ，食飽咗 ，就 將 個包袱 分開嚟 孭好 ，着返 麻鞋 ，掛起 腰刀 ，每個人 又 喺 槍架 上 便 揀咗 把 靚嘅 朴刀 。
石秀話 喇 ： 嘿 ， 橫掂都 係 噉 㗎 喇 ， 整鋪傑 嘢 佢 歎 下 至 得 ， 嚟 。
就 走去 灶頭 攞咗 把 草 ，喺 灶窟 裏 便 點着咗 就 四周圍 咁 放火 咯 喎 。
嘩 ，嗰啲 火 畀 風 一 吹 ，嗶嗶啵啵 就 燒起 上嚟 。
嗰間 店 係 草屋 嚟 啫 ，眨下眼 就 燒到 通天 嘞 。
三個人 放開 大步 ，跟住 條 大路 就 行 。
三個 人行 咗 兩個 更 咁 上下 啦 ， 只見 前前後後 啊 ， 啲 火把 不計其數 ， 約莫 有百零 二百人 大聲 噉 嗌 住 追過 嚟 。
石秀話 ：唔使慌㗎 ，我哋 混小路行 。
楊雄話 ：咪住 ，一個 嚟 殺 一個 ，兩個 嚟 殺 一雙 ，等到 天光 先至 行 。
話猶未了 ，嗰班人 就 已經 喺 四面 合圍 過嚟 喇 。
呢個 時候 就 楊雄 當 先 ，石秀 在 後 ，時遷 居 中 ，三個 人 挺住 朴刀 就 嚟 打 嗰 班 莊客 。
嗰班 友仔 初初 仲唔識 死啊 ，舞住 槍棒 趕過嚟 。
楊雄 手起刀落 ，就 斬低咗 六七個 。
衝喺前便嘅人 想 走 咯喎 ，後便嘅人 急急 要 退 啦 。
石秀 就 追過去 又 斬低 六七 個人 。
四面 嗰啲 莊客 聽講 話 殺傷 咗 十幾個 人 喎 ，你 估 真係 唔 要命 嘅 咩 ，諗下 都 唔係 路 喇 ，冚𠾴 唥 退走 晒 。
佢哋 三個人 得 一步 追 一步 ，正話 追追下 ，嘩嗬噉 吶喊聲 又 起 喇 。
喺啲 草林 裏 便 伸出 兩 把 撓鉤 ，將 時 遷 就 一 鉤 勾住 就 拉咗 入去 草堆 裏 便 。
石秀 急急 擰轉身 嚟 救 時遷 ，點知 後便 又 伸出 兩把 撓鉤 ，嘿 ，好彩 楊雄 眼快 ，將 把 朴刀 一撥 ，就 將 嗰 兩把 撓鉤 又 撥開 咗 ；
跟手 將 朴刀 對住 草裏 便 就 督 ，吖 ，噉 裏 便 嗌 一 聲 ，啲 莊客 就 走晒 。
兩個人 見 捉咗 時遷 ，又 怕 深入 重地 危險 吖 亦 無心 戀戰 ，唔顧 得 時遷 咁多 喇 而家 ，就 四周圍 搵 路 走人 。
見到 遠遠啲 火把 仲 喺度 閃下閃下 ，小路 上 又 冇 叢林 樹木 嘅 ，嘿 唔理 喇 ，總之 有 路 就 行 啦 ，一直 就 向住 東 便 行過去 。
嗰班 莊客 四周圍 都 追唔到 喇 ，就 自己 救返 負咗 傷 嘅 人 返去 ，將 時 遷就 捩轉 手 綁住 ，押咗 佢 去 祝家莊 。
楊雄 、 石秀 一路行 到 天光 ， 就 望見 有座 村落 酒店 ， 石秀 就 話 喇 ：
阿哥 ，去 前頭 酒店 買 碗 酒 飯 食下 ，順便 問 下 路 啦 。
噉 兩個人 入到 間 酒店 ，憑 好 朴刀 ，打 對面 坐落 ，就 叫 酒保 攞 啲 酒 嚟 ，又 仲 要 咗 啲 飯 添 。
酒保啊 一面 上菜 ，一便 就 坐 熱啲 酒 斟嚟 咯噃 。
啱啱 想 食 ，見到 外便 有 個 大漢 行 入嚟 。
呢個人呀 ，生得 闊臉方腮 ，眼細 耳大 ，貌醜 形粗 ；
着 一件 茶褐色 嘅 綢衫 ，戴 一頂 萬字 頭巾 ，攬 一條 白 絹 腰帶 ，下 便 着住 一雙 油膀 靴 。
一入到嚟就嗌喇 ：事頭啊 ，大官人 叫 你哋 擔 啲 擔去 莊上面 交納 噃 。
店主人 就 連忙 應話 ：哎得喇得喇 ，裝好 擔 ，等陣 就 送去 莊上 啊 。
嗰個人 吩咐完 就 轉身 行 啦 ，臨走 佢 又 話 ：快啲 擔 嚟 喇 。
正話 想 出門口 ，啱啱 喺 楊雄 、石秀 面前 經過 。
嘿 ，楊雄 認得 佢 嘅 喎 ，就 嗌 佢 一 聲 話 ：小郎 ，乜 你 喺 呢處 呀 ？你 見 我 唔到 咩 ？
嗰個人 擰轉身 嚟 一 睇 ，認出嚟 喇 ：哎呀 ，恩人 ，點解 你 嚟到 呢處 啊 ？
跟住 對住 楊雄 跪低 就 拜 。
楊雄 扶 返起 嗰個人 ，介紹 畀 石秀 認識 。
石秀 就 問 喇 ：呢位 兄長 係 邊位 啊 ？
楊雄話 ：呢個 兄弟 姓 杜 ，名 興 ，係 中山府 人氏 。
因為 佢 個 樣 生得 比較 粗魯 ，所以 人人 都 叫 佢 做 鬼臉兒 啊 。
前幾年 ，佢 嚟到 薊州 做 生意 ，因為 一時 嬲起 上嚟 ，打死咗 個 同夥 嘅 商人 ，坐監 啦 ，就 韞 喺 薊州府 嚟 。
我 見 佢 講起 拳棒 武藝 樣樣 都 識得 ，就 一力 維持 救咗 佢 ，哈 想唔到 今日 喺 呢處 相會 。
杜興 就 話 ：恩人 ，你 為 咩嘢 公事 嚟到 呢處 啊 ？
楊雄 就 伏埋 佢 耳仔 邊 細細聲 話 佢 聽 ：
噉嘅 ，我 喺 薊州 殺咗 人 ，而家 想 去 投奔 梁山泊 入夥 。
尋晚 喺 祝家 店 住宿 ，呢 因為 同埋 嚟 嘅 一個 朋友 叫做 時遷 ，偷 咗 佢 店裏 便 嗰 隻 報曉雞 嚟食咗 ；
就 同 店小二 嘈 起上嚟 ，嬲得滯喇 ，就 放火 燒咗 佢 間 店 。
我 三個人 就 漏夜 逃走 啦 ，冇 想到 佢哋 喺 背後 追嚟 。
我哋 兄弟 兩個 就 斬低 佢哋 幾個 人 ，點知 喺 亂草堆 裏頭 ，又 伸出 兩把 撓鉤 ，將 時遷 捉咗 去 。
我哋 兩個 亂咁 撞撞到 嚟 呢度 ，正話 想 問路 ，哈 咁啱 又 遇見 賢弟 你 喇 。
杜興話 ：恩人 你 唔使 慌 ，我 叫 佢哋 放返 時遷 還畀 你 。
楊雄話 ：哈噉就好極喇 ，嚟 ，賢弟 你 坐一下 ，一齊 飲返杯 。
三個人 坐落喺度 飲酒 。
杜興 就 話 喇 ：小弟 自從 離開咗 薊州 ，多得 恩人 嘅 恩惠 就 嚟到 呢處 。
承蒙 呢處 有 個 大官人 睇得起 ，收錄 咗 小人 喺 屋企 ，做 個 主管 。
日日 呀 ， 真 係 成千 論萬 咁 多 錢 ，冚𠾴唥 交 畀 我 手 ， 好 信任 我 ， 因此 呢 我 都 唔 想 回鄉 。
楊雄話 ：呢位 大官人 係 邊個 啊 ？
杜興 就 講 佢 聽 喇 ：呢 ，呢處 獨龍岡 前 便 啊 ，有 三座 山岡 㗎 ，一迾 三個 村莊 。
中間 係 祝家莊 ，西便 係 扈家莊 ，東便 係 李家莊 。
呢 三個 莊 ，三條 村 ，夾夾埋埋 呀 ，總共 都 有 一二萬 軍馬 人家 㗎 。
唯獨是呢 ，就係 祝家莊 啊 最 豪傑 喇 ，為 頭 個 家長 叫做 祝朝奉 ，佢 有 三 個 仔 ，叫做 祝氏 三傑 噃 。
大仔 叫 祝龍 ，二仔 叫 祝虎 ，三仔 係 祝彪 。
佢 仲有 個 教頭 ，叫做 鐵棒欒廷玉 ，呢個 人 厲害 啊 ，有 萬夫不當之勇 㗎 。
莊裏便 ，又 有 一二千 個 好使得嘅 莊客 。
呢西便嗰個扈家莊呢 ，莊主 係 扈太公 ，有 個仔 叫做 飛天虎扈成 ，亦都 十分 使得 嘅 ；
之至使得仲係佢個女 ，最英雄喇 ，叫做 一丈青 扈三娘 ，使 兩口 日月雙刀 ，馬上 嘅 功夫 呀 ，同樣 係 咁 厲害 㗎 。
東便 嗰 間 莊 呢 ，就 係 小弟 嘅 主人 ，姓 李 名 應 ，使 一 條 渾鐵 點 鋼槍 ，背藏 飛刀 五 把 ，百步 取 人 ，神出鬼沒 㗎 。
佢哋 三條村 都 定咗 生死 誓願 ，同心共意 ，凡 有 吉凶 都 互相 救應 嘅 。
就係 怕 梁山泊 啲 好漢 走嚟 借 糧 吖嘛 ，所以 三條村 呢 都 作 好 準備 ，要 抵敵 佢哋 㗎 喇 。
哎噉啦 ，等陣 小弟 帶 兩位 返去 莊處 ，見到 李大官人 請 佢 寫 封 信 ，去 搭救 時遷 啦 。
楊雄 又 問 喇 ：誒 ，你 嗰位 李大官人 ，係咪 江湖 上 叫做 撲天雕 嗰個 李應 啊 ？
係冇錯喇冇錯喇 ，就係佢 。
石秀話喇 ：江湖上 只係 聽講過 話 獨龍岡 有個 撲天雕 李應 係 個 好漢 ，原來 喺 呢處 呀 。
周時 都 聽聞 佢 係 真係 使得 ，係 個 好 男子 ，好 ，我哋 去 行 一 趟 啦 。
楊雄 就 叫 酒保 嚟 找數 ，杜興 啊 邊度 肯 叫 佢 畀 錢 㗎 就 搶住 自己 畀咗 酒錢 。
三個人 離開咗 酒店 ，就 一路 嚟到 李家莊 。
楊雄 一 睇 ，嘩 ，個 莊院 啊 真係 好大 ，外便 ，四周圍 沊沊𡃈 一 條 闊 河 ；
粉牆傍岸 ，有 幾百 樖 攬唔過 嘅 大柳樹 ，門外 呢 有座 吊橋 就 接住 莊門 嘅 。
行咗入門 ，去到 廳前 ，兩邊 兩便 有 二十幾座 槍架 ，擸擸 亮 都 插滿晒 軍器 。
杜興話 ：兩位 阿哥 喺 處 等 一陣 ，等 小弟 入去 通報 ，請 大官人 出嚟 迎接 。
杜興 入咗 去 冇 幾 耐 ，就 同埋 李應 出 到 嚟 大廳 前面 。
杜興 就 帶 楊雄 、石秀 上廳 去 拜見 啦 。
李應 就 連忙 答禮 ，請 佢哋 坐 ，楊雄 、石秀 再三 謙讓 噉 先至 坐落 。
李應 叫 人 攞 酒 嚟 款待 佢哋 。
楊雄 、石秀 兩個 再拜 噉 懇求 佢 話 ：
請 大官人 ， 寫封信 去 祝家莊 ， 救下 時遷 條命 ， 我 哋 生死 都 不敢 忘記 大官人 嘅 恩德 。
李應 就 叫 人 請 個 教管 先生 嚟 一齊 商量 下 ，就 寫咗 一封 信 ，簽咗 自己 嘅 名 扱咗 個 圖章 ；
派 一個 副主管 帶住 ，騎 一匹 快馬 ，飛跑 去 祝家莊 攞 人 返嚟 。
嗰個 副主管 領咗 東家 嘅 書信 ，上馬 就 去 啦 。
楊雄 、石秀 非常之多謝 。
李應話 ：兩位 壯士 放心 ，小人 呢封信 一去 ，佢 就 會 放人 㗎喇 。
楊雄 、石秀 又再 拜謝 一番 。
李應話 ：請 入去 後堂 飲 幾杯 酒 喺度 等候 呢 。
兩個人 跟住 入去 裏便 ，呵 ，原來 已經 呀 準備好 早餐 嚟 款待 喇 。
食完飯 ，飲過茶 ，李應 就 問 下 佢哋 啲 槍法 武藝 ，見到 楊雄 、石秀 講得 頭頭是道 個 心 啊 非常之 歡喜 。
到咗 巳牌 時分 ，嗰個 副主管 返嚟 喇 。
李應 就 叫 佢 嚟 後堂 問 佢 ：去攞 嗰個人 而家 喺 邊處 啊 ？
副主管 就 回答 話 ：小人 見到 朝奉 ，送咗 信 ，佢 又 想 放人 㗎喇 。
收尾 祝氏 三傑 行 出嚟 誒噉 就 唔 高興 喇 ，信 又 唔 回 ，人 又 唔 放 ，一定 要 解去 州 喎 。
李應 就 話啦 ：佢 同 我哋 三條村 結 落 生死 之交 ，信 一到 就 應該 放人 至係㗎 ，點解 噉樣 呢 ？
實係 你 唔識 講 說話 定 啦 。
杜主管啊 ，你 親自 去 行 一趟 ，親自 去 見 祝朝奉 將 啲 情形 詳詳細細 講 清楚 佢 聽 ，吓 。
杜興 話 喇 ：小人 願意 去 ，不過 請 東家 你 親筆 寫 封 信 ，噉 嗰處 先至 肯 放人 㗎 。
誒噉又係 。
李應 即刻 攞咗 一張 花箋紙 嚟 ，親筆 寫咗 封信 ，喺 信封面 上面 扱返 一個 李應 圖章 ，交咗 畀 杜興 。
杜興 就 騎 一匹 快馬 ，就 直奔 祝家莊 咯 。
李應 話 喇 ：兩位 放心 ，我 呢封 親筆信 一去 ，一陣間 咁耐 就 會 放人 㗎 喇 。
楊雄 、石秀 非常 感激 啦 ，就 留喺 後堂 飲酒 等候 咯 喎 。
哈 ，眼睇住 天色 就嚟 夜 喇 ，都 仲 唔見 杜興 返嚟 噃 。
李應 個 心 有 啲 思疑 啦 ，正話 想 再 派 人 去 接 ，只見 莊客 嚟 報告 話 喇 ：誒 杜 主管 返嚟 喇 。
李應 就 問 喇 ：幾多 個人 返嚟 啊 ？
就得 主管 一個人 跑馬 返嚟 咋噃 。
李應 擰 頭 喇 ：哈 ，噉 又 奇怪 。
往日 呢個 傢伙 唔係 咁 勒鬥 㗎 ，今日 點解 噉樣 呢 ？
楊雄 、石秀 都 跟住 出去 前廳 睇下 ，只見 杜興 落咗 馬 ，入得 莊門 ；
嘿 ， 佢 個 樣 呀 ， 嬲 到 面 都 黑 晒 ， 齜牙 繃齒 ， 幾耐都講 唔 出 說話 啊 。
呢 有 詩 為 證 添 喎 ：
面貌 天生 本 異常 啊 ， 怒時 古怪 更 難當 。 三分 不像 人 模樣 ， 一似 酆 都 焦面 王 啊 。
李應 出到嚟 廳前 連忙 問 佢 話 ：你 詳詳細細 講下 ，究竟 點樣 啊 ？
杜興 嬲 過咗 嗰啖 氣 先至 話 喇 ：
唉 ，小人 帶咗 東家 你 嘅 信 ，去到 佢 嗰處 第三 重 門口 ，啱啱 撞見 竹籠 祝虎 祝彪 三 兄弟 坐 嗰個 樹
小人 就 行咗 三個 禮 ，祝彪 就 喝 我 話 ：你 又 嚟 做 咩嘢 噉 。
小人 好 有禮 噉 稟告 佢 話 ： 東家 有信 嚟 拜 上 官人 啊 。
祝彪 嗰個 傢伙 反咗面 ，破口大罵 話 ：
你 嗰個 主人 真係 咩 咁 唔懂 人事 ！
今朝早 ，使 個 戇居佬 嚟 呢處 送信 ，要 攞 嗰 個 梁山泊 賊人 時遷 呀 。
而家 我 正 話 要 解佢 上州 啊 ，你 又 嚟 做咩嘢 ？
小人 就 話 啦 ：呢個 時 遷 唔係 梁山泊 嘅 人馬 ，佢 係 由 薊州 嚟 嘅 商人 啫 。
而家 嚟 投奔 敝 莊 東家 嘅 ，點知 就 誤燒 咗 官人 嘅 房屋 ；
誒聽日敝東家 一定 依舊 起返還返畀 你哋 ，萬望 畀個薄面 ，高抬貴手 ，寬恕一下 啦噉 。
點知 祝 家 嗰 三個 嘢 都 話 ： 唔 畀 唔 畀 噉 。
小人 又 話 喇 ： 官人 啊 ， 敝 東家 有 封 親筆信 喺 處 ， 請 官人 睇 下 啦 。
祝彪 嗰個 傢伙 接咗 信 去 ，睇 都 唔 睇 ，撕到 爛晒 ，就 嗌 人 將 我 趕出 大門 噃 。
祝彪 、祝虎 就 話 喇 ：如果 激嬲 咗 老爺 呀 ，將 你 嗰個 李應 都 捉埋嚟 ，當做 梁山泊 嘅 賊佬 一齊 解去 州 啊噉 。
嗰 三個 畜生 實在 無理 ，將 東家 你 鬧 到 呀 有 咁 衰 時 得 咁 衰 ；
仲叫莊客嚟想捉我喎 ，好彩 小人 飛馬 走得快 。
一路上呀 ，激死 小人 喇 。
嗰班傢伙 ，枉 同 佢哋 咁多年 結拜 生死之交 ，今日 就 全無 半點 仁義 嘅 。
李 應 聽完 ，心頭 無名火 起 三千丈 ，大聲 噉話 ：莊客 ，同 我 備 馬 嚟 ！
楊雄 、 石秀 即刻 勸 佢 話 啦 ： 哎 大官人 啊 你 唔 好 嬲 啊 唔 好 嬲 啊 ， 千祈 唔 好 因為 我 哋 而 破壞 咗 貴處 嘅 義氣 啊 。
李 應 仲 邊度 肯 聽 佢 勸 吖 ，返 入 房 ，披 上 一 副 黃金 鎖子甲 ，前後 獸面 掩 心 ，着 一 件 大紅 袍 ；
喺 背後 插住 飛刀 五 把 ，攞 起點 鋼槍 ， 戴上 鳳翅盔 ， 出到 嚟 莊前 ， 點起 三百 悍勇 嘅 莊客 。
杜興 亦都 披起 一副 甲 ，持槍 上馬 ，帶領 二十幾個 馬軍 。
楊雄 、石秀 即刻 裝束 好 ，挺住 朴刀 ，跟住 李應 嘅 馬 ，直奔 祝家莊 喇 。
到到日頭銜山嘅時候 ，就嚟到獨龍岡前咯喎 ，李應將啲人馬排開 。
原來 祝家莊 呀 ，嘿 ，又係 起得 好好 ，佢 佔住 呢座 獨龍山岡 ，四面 沊沊𡃈 係 一條 闊河 。
嗰間莊 呢 ，起 正岡 上便 ，有 三層 城牆 ，都 係 用 大石 嚟 砌 嘅 ，大約 呢 有 兩丈 零 高 啦 。
前後 兩座 莊門 ，就 兩條 吊橋 。
牆裏 便嘅 四周圍 都 搭住 警戒用 嘅 草棚 ，四便 都 插滿晒 刀槍 軍器 ，門樓 上 便 ，排住 戰鼓 銅鑼 ，好 厲害 㗎 。
嗰陣時候 ，李應 就 勒住 馬 喺 莊前 大聲 嗌話 ：
祝家 你 三個 僆仔 ，居然 敢 嚟 誹謗 老爺 啊 ！
只見 莊門 一 開 ，擁出 五六十個 馬軍 ，當先 一騎 好似 火炭 赤 嘅 馬 上 ，坐住 祝朝奉 嘅 第三仔 祝彪 。
李 應 見到 祝彪 就 指住 佢 嚟 鬧 喇 ：
你呢個傢伙 ，乳臭未消 都未生埋腦筍嘅 。
你老豆 同 我 結拜 生死之交 ，誓願 同心共意 ，保護 村坊 。
你 屋企 但凡 有 咩嘢 事 ，我 呢處 要 人 出 人 ，要 物 畀 物 。
而家 我 有 個 朋友 畀 你哋 捉咗 去 ，我 兩次 寫信 嚟 攞 ，你 為乜事 撕爛咗 封信 ，污辱 我 個 名 。
係乜嘢道理 ，乜嘢道理 ？
祝彪 話 ： 嘿嘿 ， 我 哋 屋企 雖然 同 你 結 咗 生死之交 ， 誓願 同心 協意 ， 為 嘅 係 咩 嘢 啊 ？
為 嘅 就 係 共同 捉拿 梁山泊 嘅 反賊 ， 掃清 山寨 吖 嘛 ， 你 點解 要 勾結 反賊 ， 圖謀 背叛 吖 ？
祝彪 ，你 唔好 胡言亂語 吓 ，你話 佢 係 梁山泊 嘅 咩 嘢 人 啊 ？
你 呢個 傢伙 冤枉 好人 做 賊 ，該當 何罪 啊 ！
賊人 時遷 已經 自己 招認 喇 ，你 唔好 喺 處 亂噏 一通 喇 ，遮掩 唔過去 嘅 。
你 快啲 返 扯 喇 吓 ，唔 扯 啊 連 你 都 捉埋 ，當做 賊人 送 去 官府 ！
李 應 發火 ，拍 馬 上前 ，挺起 手中 長槍 ，直取 祝 彪 。
祝彪 就 縱馬 嚟 迎 戰李應 啦 。
兩個 就 喺 獨龍岡 前 一來一往 ，一上一下 就 鬥咗 十七八個 回合 。
祝彪 打 李應 唔過 啊 ，撥轉 馬頭 就 走 咯喎 ，李應 縱 馬 趕上 前去 。
祝彪 將 嗰 支槍 ， 橫 擔 喺 馬上 ， 左手 掂 弓 右手 攞 箭 ， 搭上 箭 ， 開滿 弓 ， 瞄準 好 翻身 一箭 ，𠻘 一聲 射過去 。
