而家 講下 石秀 啊 ，佢 睇住 潘巧雲 送 嗰個 和尚 出 門口 ，嗯 ，唔對路 噃 。
佢 喺 門口 企定 腳 ，諗諗諗諗 咗 一大輪 ，然後 呢 就 返去 招呼 料理 打齋 嘅 事 。
冇幾耐 ，只見 行者 先 嚟 點燭 燒香 。
再過一陣 ，海闍黎 就 帶住 一班 和尚 嚟 開壇 打齋
潘公 、石秀 就 迎接 咗 佢哋 入嚟 ，招呼 佢哋 飲完 茶 ，噉 啲 和尚 就 打 動 鼓鈑 ，唱起 梵音 念經 。
只見 海闍黎 同 一個 同佢 一樣 年紀 輕輕 嘅 和尚 帶頭 ，搖起 個 鈴鈴 ，發牒 請佛 ，獻齋 ，噉 就 唱話 ：
諸大護法 ，監壇主盟 ，追薦 亡夫 王押司 ，早生 天界 。
只見 嗰個 女人 呀 ，淡素 梳妝 ，就 嚟到 法壇 上面 ，執住 個 手爐 ，裝 香 拜佛 。
嗰個 海闍 黎 呢 就 猛咁 演嘢 喇 ，搖住 個 鈴鈴 ，念住 佛經 都 唔知 幾 精神 。
嗰 一班 和尚 見到 楊雄 個 老婆 嘩 嗨 乜 咁 風騷 㗎 喂 ，個個 都 七顛八倒 咯 喎 嗨 呢班 嘢 真係 冇 個 好人 。
石秀 喺 旁邊 見到 ，個心 就 冷笑 喇 ：哼哼 ，你啲 噉嘅 係 咩嘢 功德 ，正謂之 作福 就 不如 避罪 。
過咗 一陣 ，證盟 完咗 喇 ，證盟就即係 將 死者 嗰個 名 啊 ，就 寫 喺 張 紙 處 ，焚化咗 叫做 燒咗 畀 神佛 喇噉 ，呢啲 叫做 證盟 。
噉就 請 班 和尚 入去 裏 便 食齋 。
海 闍 黎 就 喺 班 和尚 背後 ， 佢 擰 返 轉頭 ， 望實 潘巧雲 騎騎 騎 噉 笑 ， 個 潘巧雲 呢 亦 揞 住 個 口 笑 喎 。
兩個 嘢 呀 眉來眼去 ，一味 打 眼色 。
石秀 就 睇到 晒 ，個 心 有 五分 唔 高興 。
啲 和尚 都 坐落 喇 ，先 飲咗 幾 杯 素酒 ，又 搬出 齋 嚟 ，又 散咗 錢 畀 啲 和尚 。
潘公 就 話 ：各位 師父 食飽啲 喎 吓 ，哈哈 唔好 客氣 。
冇 幾耐 ， 啲 和尚 食 完齋 ， 就 起身 出去 散步 ， 轉 咗 一 𡃈， 又 返 嚟 道場 又 試開 壇 。
石秀 個 心 非常之 唔 高興 ，佢 話 自己 肚痛 啊 ，就 返去 板障 後 便 瞓 。
嗰 個 女人 呀 ， 唉 而家 真 係 一點 情 動心 都 逳 晒 ， 唔 理有 冇 人 睇 見 喇 ， 自己 去 招呼 嗰 班 和尚 。
海闍黎 帶住 嗰班 和尚 ，追薦 亡靈 到 三更 時分 。
嗰班 和尚 個個 都 睇瞓 ，唯獨 是 呢個 海闍黎 就 越發 精神 ，高聲 噉 唱頌 。
呢個 女人 喺 布簾 後 便 見咗 ，就 叫 丫鬟 請 海和尚 過嚟 有 說話 講 噉 。
嗰個 賊 禿 就 慌忙 嚟到 個 女人 面前 啦 。
潘巧雲 掹住 和尚 嘅 衫袖 話 喇 ：師兄 呀 ，你 聽日 嚟 攞 功德 錢 嘅 時候 ，你 就 對 阿爹 講 ，要 講 嗰件 還願 件 事 咯噃 ，唔好 唔記得 啊 。
小僧 記得 喇 ，係喇 ，你 屋企 呢個 阿叔 ，好 厲害 啊 。
好厲害呀 ，你咪踩佢呢 ，又唔係 親生骨肉
哦 ，噉 小僧 就 放心 喇 ，我 仲 估 話 係 節級 嘅 親兄弟 添 。
兩個人 又 嘻嘻咔咔 傾咗 一輪 ，噉 個和尚 又 返返 出去 念經 。
點知 石秀 喺 板障 後 便 詐 假意 瞓 嘅 啫 ，乜嘢 都 畀 佢 睇到 晒 。
當晚 五更 ，打完齋 ，散咗道場喇 ，又 燒咗衣紙 送佛 ，嗰班和尚 就 返去 啦 ，潘巧雲 就 上樓 瞓 。
石秀 喺 處 諗 ，嬲 啊 ：嘿 ，阿哥 咁 豪傑 ，撞正 呢個 淫婦 ，哼 。
佢 唂住 成 肚氣 ，返去 豬肉 作坊 瞓 。
第日 ，楊雄 返 屋企 ，哈 ，大家 乜嘢 都 冇 提 。
食完飯 楊雄 又 出去 。
只見 海闍黎 又 換咗 一套 齊齊整整 嘅 僧衣 ，一直 嚟到 潘公 屋企 。
潘巧雲 聽見 話 和尚 嚟 唄 ，慌忙 落樓 出嚟 迎接 咯 喎 ，請 佢 入去 裏 便 坐 ，又 叫 斟 茶 嚟 。
潘巧雲 就 多謝 佢 話 ：尋晚 阿師兄 太 勞神 喇 ，功德錢 都 未曾 送畀 你 添噃 。
海闍黎 話 ：何足掛齒 吖 。
係喇 ，小僧 尋晚 同 你 講嘅 還願嘅 事 ，特登 嚟 講畀 阿賢妹 聽啊 。
如果 要 還願 小僧 寺裏 便 而家 喺度 念緊 經 ，只要 搭埋 一齊 做 就 得 喇 。
啊 ，噉啊 ，好啊好啊 ，丫鬟 ，叫 老爺 出嚟 。
噉 潘公 就 出 嚟 喇 ， 潘公對 阿海 闍 黎 話 ：
我 年紀 大喇 ， 唔 捱 得 夜 ， 尋晚 又 冇 陪 到 你 ， 嘿嘿 真 係 唔 好意思 嘞 ， 點知 阿石 叔叔 又 肚痛 添 ， 都 冇 人 款待 ， 你千祈 唔 好 見怪 啊 吓 ， 唔 好 見怪 啊 。
哎 ，乾爹啊 ，你 正該 自在啲 唞下 就啱㗎喇 ，自己人 使乜 客氣 吖 。
潘巧雲 又 話 喇 ：阿爹 ，我 要 同 阿媽 還咗 嗰個 願 ，阿師兄 話 喎 ，聽日 佢哋 寺裏 便 打齋 ，搭埋 一齊 做 就 得 喇 。
噉就 請 阿師兄 同 我哋 念經 ，我 同 你 聽日 食完 飯 就 去 報恩寺 ，裝咗 香 拜咗 佛 ，噉 亦 了咗 一件事 啦 。
潘公 就 話 喇 ：誒噉 都 好 ，不過 就係 怕 聽日 生意 忙 ，櫃檯 上 冇 人 喎 。
有 石叔叔 喺 屋企 照料 住 怕 乜嘢 唧 。
誒噉係嘅 ，阿女呀 ，出口為願啊 ，噉聽日就去啦吓 。
潘巧雲 即刻 攞 啲 銀 嚟 畀 個 和尚 做 功德 錢 ，佢 話 ：有勞 師兄 喇 ，唔好 嫌 輕微 噃 。
聽日呀 ，我哋 一定 嚟 你 嗰處 食齋 吓 。
乾爹 ，賢妹 ，謹候 你哋 嚟 拈香 啊 。
海闍黎 收咗 銀 ，就 起身 多謝 話 喇 ：
多謝布施 ，小僧 攞返去 分派 畀 大家 。
聽日 ，就 等 賢妹 嚟 拜佛 證盟 喇 吓 。
講完 ，海闍黎 就 返去 報恩寺 喇 。
當晚 楊雄 就 返嚟 屋企 ，潘巧雲 就 服侍 佢 食咗 晚飯 ，洗咗 手腳 。
佢 又 叫 佢 老豆 出嚟 同 楊雄 話 喎 ：
我 伯爺 婆 臨死 嘅 時候 呢 ，阿女 誒 喺 報恩寺 許 落 個 願 ，我 聽日 就 要 同 阿女 去 報恩寺 還願 啊 ，我 講畀 你 聽 先 。
楊雄 話 喇 ：大嫂 ，你 自己 講 我 聽 就 得 啦 。
我 對 你 講 又 怕 你 唔鍾意 啊 ，因此 就 唔敢 同 你 講 咯 。
當晚 無事 ，就 各自 休息 呢啲 唔 講 佢 。
第二 朝早 五更 ，楊雄 起身 自己 返去 衙門 畫 卯 。
石秀起身之後 ，就 去 開舖 賣肉 啦 。
只見 呢個 女人 起身 ，濃妝艷飾 ，打扮得 呀 十分 好睇 ；
佢 包咗 個 香盒 ，買咗 元寶蠟燭 就 叫咗 一 頂 轎 。
石秀 一早 掛住 做生意 就 冇 嚟 理佢 。
食完飯 ，佢 叫 丫鬟 迎兒 亦都 打扮好 。
到咗 巳牌 時候 啊 ，即係 上午 十點 零鐘 ，潘公 就 換咗 衫 嘞 ，就嚟 同 石秀 話 ：
誒唔該 阿石叔叔 ，睇住 下 門口 ，我 同 阿女 一齊 去 還咗 願 就 返嚟 喇 。
哈哈哈哈哈 ，得喇得喇 ，我會㗎喇 。
老伯 你 陪 大嫂 去 ，燒炷 好 香 早早 返嚟 啦 。
於是 潘巧雲 就 坐轎 ，潘公 同 迎兒 就 跟住 轎尾 ，就 一直 向 報恩寺 而 去 。
石秀啊 已經 明白晒 潘巧雲 嗰 籠 嘢 喇 。
噉而家 講下 海闍 黎 呢個 賊 禿 啊 ，佢 就係 為咗 呢個 女人 而 結拜 潘公 做 乾爹 。
之 楊雄 呢 就 喺度 阻手阻腳 阻滯住 㗎 ，因此 就 唔能夠 到手 。
佢 自從 識咗 呢個 女人 ，只係 眉來眼去 ，冇 咩嘢 實惠 。
噉嗰 晚 打咗 一 晚齋 ，噉 先至 知道 原來 潘巧雲 對 佢 啊 ，確實 係 鍾意到 十分 。
今日 ，約會 時間 到喇 ，嗨呀 佢 乜嘢 都 準備好晒 ，又 緊張 又 興奮 ，一早 就 喺 山門 下 便 等候 。
一見到 頂轎嚟 ，嗨呀 ，歡喜到 佢呀 ，講唔出 咁交關 ，向前嚟 迎接 。
潘公 就 話 喇 ：哎呀 真係 勞煩晒 你 咯 。
潘巧雲 落咗 轎 亦都 多謝 佢 話 ：多多 有勞 師兄 啊 。
海闍黎 話 ：哎 不敢 ，不敢 。
小僧 已經 同埋 啲 和尚 喺 水陸堂 上 ，從 五更 就 起身 誦經 到 而家 都 未曾 休息 啊 ，就係 等 賢妹 嚟 裝香 敬佛 喇 。
佢 將 潘巧雲 同埋 潘公 ， 帶到 去 水陸 堂上 ， 嗰 處 已經 安排 好 花果 、 香燭 之類 嘅 嘢 ， 有 十幾個 僧人 喺 嗰 處 誦 緊 經 。
潘巧雲 行咗 禮 ，參拜咗 三寶 。
海闍黎 就 帶 佢 去 地藏菩薩 面前 ，證盟 懺悔 ，上香 ，燒 紙 。
證盟 完喇 ，噉 嗰班 和尚 就 去 食齋 。
海和尚話 ：乾爹 同 賢妹 去 小僧 間房 處 飲茶 啦 。
一請 ，就 將 佢哋 請到 去 僧房 裏 便 。
佢 已經 預先 都 準備好 晒 㗎 喇 ，所以 佢 嗌 一 聲 話 ：師哥 ，攞 茶 嚟 。
就 見到 兩個 使者 ， 即刻 捧茶 出 嚟 ， 啲 茶盅 ， 係 雪白 非常 之 靚 嘅 瓷器 ， 用 朱紅 托盤 送出 嚟 ， 啲 茶 亦 係 非常 之 好 嘅 。
飲完茶 ，海闍黎 又 話 喇 ：請 賢妹 入去 裏 便 坐下 啦 。
又 將 佢哋 帶 到 入 便 一 間 好 小巧 嘅 房間 ，擸擸 亮 嘅 黑漆 枱 ，牆 上面 掛住 幾幅 名人 書畫 ，几仔 上面 焚住 一爐 香 。
潘公 同 個 女 一拍噉 坐落 ，同 和尚 對席 ，迎兒 就 企 喺 側 跟 。
潘巧雲 就 話 喇 ：
哎呀 師兄 啊 ，你 呢處 地方 認真 係 夠晒 骨指 喇 ，清幽 靜樂 噃 。
賢妹 唔好 取笑 我 喇 ，點 比得上 貴宅 咁 好 吖 。
潘公話 ：麻煩咗 師兄 一日 ，我哋 返去 喇吓 。
嗰個 和尚 邊 肯 放 佢哋 扯 吖 ，佢 就 話 喇 ：
難得 阿乾爹 喺 處 又 唔係 外人 ，今日 啲 齋 呀 又 係 賢妹 做 施主 嘅 ，唔通 連 面 都 唔 食箸 就 走 咩 ？
師哥 ，你 快啲 搬嚟 。
話猶未了 ，嗰個 侍者 就 捧住 兩 托盤 入嚟 ，都係 特意 準備好 嘅 少有 嘅 果子 、菜蔬 同埋 各種 齋菜 ，擺滿晒 成 張 黑漆 枱 。
潘巧雲 就 話 喇 ：哎呀 ，師兄 啊 ，乜 咁 客氣 搞 咁多 嘢 做 乜唧 ，真係 打攪 咗 你 添 噃 。
嘿嘿嘿嘿 ，不成敬意啦 ，聊表薄情而已啫 。
侍者 將 酒 斟 喺 杯 處 ，海和尚 就 話 喇 ：
乾爹 好耐 冇 嚟 喇 ，你 試下 呢啲 酒 吖嗱 。
嗰個 伯父 一 飲完 又 話 ：啊 ，好酒 喎 ，好酒 ，哈哈 ，係 真係 掯 喇 。
海和尚話 ：前嗰排 ，喺 一個 施主 屋企 學咗 呢個 法子 ，返嚟 做咗 四五石米 ，聽日 送 幾樽 去 畀 令婿 飲 啦 。
哎呀 噉 點 係 啊 ， 吓 ， 哈哈哈哈 ， 食 完仲 搦 添 呀 。
個和尚 又 話 ：冇咩嘢 嚟 酬謝 賢妹 娘子 喇 ，求其 噉 飲 杯 啦 。
噉 兩個 小師哥 就 輪流 喺 處 斟酒 ，迎兒 呢 亦 畀 佢哋 勸咗 飲 幾杯 。
潘巧雲 又 話 ：哎呀 好喇 好喇 ，再 飲 就 醉 㗎 喇 。
難得 賢妹 嚟 一趟 ，飲 多 幾杯 添 啦 。
潘公 又 想 話 嗌 轎夫 入嚟 ，每人 都 畀 杯 酒 佢 飲 。
和尚 就 話 喇 ：乾爹 你 放心 啦 ，小僧 都 吩咐 好喇 ，佢哋 喺 出便 呀 有 埞 飲酒 㗎 喇 。
阿乾爹 ，你 自己 開懷 飲 多 幾杯 ，啊 。
原來 呢個 賊 禿 為咗 呢個 女人 呀 ，特登 搵咗 啲 認真 夠力 嘅 好酒 。
潘公 就 畀 佢 𠼮咗 兩𠼮 ，飲多咗 幾杯 頂唔住 就 醉 。
海和尚話 ：嚟 ，扶 乾爹 上床 瞓下 。
噉就叫 兩個 師哥 一扶 就 將 呢個 老坑 就 扶咗 入去 裏 便 一間 幽靜 嘅 房 去 瞓咯 噃 。
喺 呢頭 ，和尚 又 勸 潘巧雲 話 喇 ：娘子 你 開懷 再 飲 幾杯 喇 。
潘巧雲 一來 就 有心 ，二來 係 酒 入 情懷 。
自古 有話 喇 ： 酒亂 性色 迷人 。
潘巧雲 三杯 酒 落肚 就 覺得 有啲 朦朦朧朧 ，個口 啊 一味 噉噏 話 ：
師兄 ，你 一味 要 𠼮 我 飲酒 做 乜嘢 啫 ？
呵呵呵 ，只係 敬重 娘子 吖嘛 。
我唔飲得喇 ，再飲 ，我就要醉㗎喇 。
噉 啊 ， 噉 不如 請 娘子 去 小僧間 房裏 便 睇 佛牙 呢 ？
好啊好啊 ，我 就係 想 睇下 佛牙 。
佛牙 係 一種 類乎 象牙化石 噉 嘅 嘢 ，啲 和尚 話 嗰啲 就係 佛 留落嚟 嘅 牙齒 喇 噉 話 。
噉 呢個 和尚 就 將 潘巧雲 一帶 ，就 帶到 一笪樓 上 。
呢 處 係 海 闍 黎 自己 嘅 臥室 ， 鋪設 得 十分 齊整 。
潘巧雲 睇見 就 五成 高興 喇 ，佢 話 ：哎呀 呢間 臥室 真係 好 喎 ，乾乾淨淨 。
嘿嘿嘿 ， 好 乜嘢 吖 ， 少 一個 娘子 啊 。
噉 你 攞 一個 唔係 得咯 。
邊處 有 噉樣 嘅 施主 吖 。
係喇師兄啊 ，你 又 話畀 佛牙 我 睇下 。
你叫 迎兒 落去 我 就 攞出嚟 畀 你 睇 。
迎兒 ， 你 落樓 睇 下 老爺 醒 未 啦 。
噉 迎兒 就 真係 落樓 去 睇 下 潘公 咯 喎 。
哈 ，嗰個 和尚 咿咚 轟噉 就 閂埋 道 樓門 。
於是 兩個人 就 勾搭上
當時 呢個 賊 禿 就 話 喇 ：你 既然 有心 於 我 ，我 係 死 而 無 怨 啊 。
不過 今日 只 係 得 一霎時 嘅 恩愛 快活 唧 ， 久 後 ， 梗會 害死 小僧 㗎 喇 。
你唔使慌師兄 ，我諗到條計仔喇 。
我嘅老公 ，一個月 有 二十幾日 ，要 喺 監牢 值班 瞓覺 嘅 。
等我 返去 買通咗 迎兒 ，叫佢 每日 都 喺 後門 嗰處 等候 。
如果 嗰晚 ，我 老公 唔 喺 屋企 ，我就 叫 佢 擔 張 神台 出去 ，燒 一 炷 香 做 信號 ，你 就 放心 入嚟 啦 。
如果 怕 朝頭 早 五更 ， 瞓 得 淰 過頭 唔 知醒 ， 噉 最好 就 ， 最好 就 搵 一個 報曉 嘅 頭陀 ；
畀錢 買通 佢 ，叫 佢 嚟 後門口 ，出力 噉 敲 木魚 高聲 噉 叫 佛 ，噉 就 出去 就 啱喇 。
如果 買熟 一個 噉嘅 人 呀 就 妥當晒咯 ，嗱 ，一來 佢 喺 外便 睇 水 ，二來 就 有人 叫醒 你 啦 嘛 。
海和尚 聽見 佢 噉 講 歡喜 到 佢 死 咯 ：妙哉 妙哉 ，一於 係 噉 啦 吓 。
我嗰處呀 ，有 個 頭陀胡道人 ，我 吩咐 佢 嚟 幫 我哋 睇 水 就 得喇 。
好喇 ，而家 我 唔敢 留 咁耐 ，怕 佢哋 思疑 啊 ，我 要 趕住 返去 喇吓 。
嗱 ，你 以後 千祈 唔好 失約 噃 。
潘巧雲 連忙 梳 返好 隻 髻 ，重新 搽過 粉 ，開 咗 樓門 ，落 咗 樓 ；
叫 迎兒 嗌 阿潘 公 起身 就 一齊 返 扯 。
嗰 兩個 轎夫 ，飲咗 酒 食咗 齋 ，已經 喺 寺門 前 等候 嘞 。
海闍黎 一直 送到 佢哋 出去 山門 之外 ，潘巧雲 上咗 轎 ，就 同 潘公 、迎兒 返 屋企 ，呢啲 不在 話下 。
噉呢個 海闍 黎 呢 ，就 即刻 走去 搵 個 報曉 頭陀 咯 喎 。
呢處 有 個 胡道人 ，就 住 喺 報恩寺 後便 一 間 庵仔 裏 便 ，人人 都 叫 佢 做 胡頭陀 。
每日 ，佢 都係 五更 就 起身 ，到處 咁 敲 木魚 報曉 ，勸 人 念佛 ；
到天光喇 ，就 去 化緣 乞米 。
海和尚 嗌 佢 嚟 房 ，請 佢 飲咗 幾杯 好酒 ，又 攞 啲 銀 送 畀 佢 。
胡道人 就 話 喇 ：弟子 真係 無功受祿 ，周時 都 多得 師父 嘅 恩惠 㗎 。
我 睇 你 嘅 人 都 係 好 誠心 。
我 過 下 出啲 錢 ，幫 你 買 道度牒 ，正式 剃度 咗 你 做 個 僧人 。
嗱 ，呢啲 銀 你 攞 去 買 啲 衣服 着 啦 。
原來 呢個 海闍 黎 平常 呢 ，都 有 叫 啲 師哥 送 啲 午齋 畀 胡道 食 ，有時 亦 帶 協 佢 去 念 下 經 ，得 啲 打齋 錢 使 下 。
胡道 都 感恩 不淺 ，都 未曾 報答過 佢 。
所以 胡道 就 諗 喇 ：
咦 ，乜 今日 又 畀 銀 我 呀 ，實係 有用 我 之處 㗎 喇 ，噉 我 何必 等 佢 開口 吖 ？
於是佢就話喇 ：師父 你 有 咩嘢事 ，用得着 小道 嘅 ，誒 我 一定 盡力而為 嘅 。
胡道 ，你既然 咁好心 ，我 有件事 亦唔瞞你 。
事關 潘公 嘅 女 啊 要 同 我 來往 ，就 約定 喺 後門口 ，如果 佢 擺 張 神台 喺 外 便 呢 ，即係 叫 我 去 喇 。
不過 我 又 好 難 去 嗰處 睺來睺去 㗎 ，所以 就 想 搵 你 去 探 下 先 ，有 神台 喇 ，噉 我 就 去 。
同時又要勞煩下你 ，五更起身 嗌人 念佛 嘅時候 ，去 嗰處 後門 ，睇見 冇人 嘞 ，就 敲響 個 木魚 嚟 報曉 ，高聲 叫 佛 ，噉 我 就 出嚟 。
誒 ，就係噉啫 ，點吖 ？
噉 有 乜嘢 難處 吖 ？得得得 ，我 做得到 ，做得到 。
當堂 就 應承咗 咯 。
嗰日 ，胡道 就 去 潘公 後門口 去 攞 齋飯 喎 。
迎兒 出 嚟 就 話 喇 ： 哎 吖 你 呢 個 道人 吖 ， 點解 唔 去 前門 攞 齋飯 走 嚟 後門 嘅 啫 ？
個 胡道 就 大聲 念起 佛 上嚟 。
潘巧雲 喺 裏 便 聽咗 ，嗯 ，知道 係 暗號 喇 ，就 出嚟 後門 問 咯噃 ：
你呢個道人 ，係唔係 五更報曉 嘅 頭陀 啊 ？
係啊 ，小道 就係 五更 報曉 嘅 頭陀 ，叫 人哋 醒瞓 ，晚上 最好 就 燒 炷香 ，使 人 積福 。
嗰個 女人 聽見 就 好 歡喜 ，即刻 叫 迎兒 上樓 攞 一串 銅錢 嚟 施捨 畀 佢 。
嗰個 頭陀 等 迎兒 轉身 入咗去 ，就 同 潘巧雲 話 喇 ：
小道 就係 海闍 黎 嘅 心腹人 啊 ，佢 特登 叫 我 嚟 探路 喎 。
我 知道 喇 。
今晚 你 再 嚟 睇下 ，如果 有 神台 擺 喺 外便 ，你 就 報 畀 佢 聽 啦 吓 。
胡道岌 下個 頭 ，明喇 。
迎兒 攞咗 銅錢 落嚟 畀咗 胡道 ，噉 佢 就 扯咯 喎 。
潘巧雲 返到 嚟 樓上 ， 將 自己 啲 秘密 嘅 事情 同迎 兒講 咗 。
應承 畀啲 好處 佢 ，噉 就 收買咗 迎兒 喇 。
而家 講 下 楊雄 今日 啊 ，咁啱 亦 係 要 喺 監牢 裏 便 值班 。
個天 都 未 黑唧 ， 就 搵 人 嚟 攞 咗 鋪蓋 去 ， 喺 監牢 裏 便 瞓 。
呢個 迎兒 得咗 幾個 錢 都 唔知 幾 落力 啊 ，一早 就 準備好 神台 ，黃昏 嘅 時候 呢 就 扚 喺 後門 外 便 ，嗰個 潘巧雲 呢 就 匿喺 旁邊 等候 咯 喎 。
到咗 初更 左右 ，有 個人 ，戴 頂 頭巾 ，一下 就 閃咗 入嚟 。
迎兒 就 問 佢 喇 ：邊個 啊 ？
嗰個人 亦 唔 出聲 ，一 除 就 除咗 頭巾 就 露出 個 光頭 。
潘巧雲 喺 旁邊 見到 係 海和尚 唄 ，就 輕輕噉 鬧佢 一聲 話 ：
死賊禿 ，真係 好計仔 嘅 啫 你 。
兩個人 就 上樓 嘞 。
迎兒 就 收咗 神台 ，關 返 後門 自己 就 返去 瞓 。
第朝早 ，嗰 兩個 嘢 都 唔知 幾 好 瞓 ，忽然間 聽見 咯咯聲 木魚 響 ，高聲 念佛 ，嗰 兩個 嘢 就 扎醒 咗 咯 喎 。
海闍黎 着 返衫 起身 話 ：我 去 喇 ，今晚 再 嚟 喇 吓 。
嗱， 從此以後 ， 但凡 有 神台 喺 後 門外 便 ， 你 就 唔 好 失約 啊 。
如果 冇 神台 喺 後門 ，你 千祈 唔好 嚟 噃 。
海和尚 着 好 衫 ，戴返 頭巾 ，迎 兒 就 開咗 後 門 就 放咗 佢 出去 。
從此 ，但凡 楊雄 要 出去 值夜班 嘅 ，嗰個 和尚 就 嚟 屋企 。
嗰個 伯爺公 呢 ，晚晚 都 未曾 黑 就 要 瞓 㗎喇 ，迎兒 呢個 妹仔 釘 呢 已經 畀 佢哋 買 熟 咗 ，就係 瞞住 石秀 一個 。
哈 ，嗰 兩個 嘢 呢 就 好似 畀 鬼 攝 咗 魂魄 噉 ，一 有 機會 就 嚟 幽會 偷歡 。
眨下眼 ，就 過咗 成個 幾月 ，嗰個 和尚 呢 亦 嚟過 十幾 趟 。
而家 講 嗰個 石秀 啊 ，佢 每日 就 收咗 鋪 ，自己 喺 豬肉 作坊 裏 便 瞓 啦 。
佢 因為 有 呢件事情 掛喺心嚟 ，諗 佢 唔掂 ，之又 冇 見 呢個 和尚 嚟過 啊 ，經常 喺 天 蒙光 佢 都 會 扎醒 。
哈 ，有 一日 ，佢 聽見 報 曉 頭陀 嚟到 巷 裏 便 敲 木魚 ，高聲 叫 佛 。
石秀 係 一個 好 醒目 個人 嚟 嘅 嘛 ，佢 估到 咗 八成 。
佢 諗 ： 呢 條巷 係 掘 頭巷 ， 點解 呢 個頭 陀連氣 咁 多日 走 嚟 呢 處 敲 木魚 叫佛 呢 ？
哼 ，事 有 可疑 啊 。
嗰日 ，係 十一月 中旬 ，五更 時分 ，石秀 正 係 瞓唔着 。
聽見 外便 木魚 敲響 喇 ，個 頭陀 一直 敲 到 入嚟 巷 裏 便 ，到咗 後門口 又 高聲 噉 嗌 ：
普度眾生 ，救苦救難 ，諸佛菩薩 ！
石秀 聽見 嗌得 咁 蹺蹊 ，就 跳起 身 喺 門 嚹 裝 咯 喎 。
只見 有 個人 ，戴 頂 頭巾 喺 黑影 裏 便 閃出嚟 ，跟住 頭陀 去 咗 ，隨後 呢 就係 迎兒 出嚟 閂 門 喇 。
石秀 見咗 ：咦 ，阿哥 噉樣 嘅 英雄 好漢 ，娶咗 個 噉 嘅 淫婦 。
而家 畀 呢個 婆乸 呃住 ，搞 單 噉 嘢 出嚟 ，唉 ！
等到天光 ，佢 將 豬肉 攞 出去 掛起 做咗 個 早市 。
食完飯 收咗 一輪 街賬 ，到咗 中午 前後 ，就 行去 州衙門 嚟 搵 楊雄 喇 。
佢 啱啱 行到 州橋 邊 ，撞啱 楊雄 。
楊雄 就 問 ：咦 ，兄弟 ，去 邊處 嚟 啊 ？
我 去 收街賬 ，順道 嚟 搵 阿哥 你 。
賢弟 ，我 時常 為 啲 官事 忙 ，都 冇 同 賢弟 你 快快活活 飲過 幾杯 ，嚟嚟嚟 ，嚟 呢處 坐下 ，飲返 杯 。
楊雄 就 帶 石秀 嚟到 州橋腳 一 間 酒樓 ，搵到 間 僻靜 嘅 房間 坐落 ，就 叫 酒保 攞 樽 好酒 嚟 ，點咗 幾樣 餸 。
兩個人 飲咗 幾杯 ，楊雄 見 石秀 一味 耷低頭 喺度 諗嘢 。
楊雄 係 一個 性急 嘅 人 ，佢 就 問 喇 ：賢弟 ，你 個 心 係咪 有 啲 咩嘢 唔 高興 ？
係唔係 屋企 有 咩 說話 觸犯 咗 你 啊 ？
冇 ， 冇 ， 屋企 亦 冇 咩 說話 。
小弟 好感激 阿哥 你 ，將 我 當做 親骨肉 一樣 嚟 看待 。
不過 ，唉 ，有 句 說話 唔知 該 講 唔該 講 啊 。
賢弟 ，為咩嘢事 今日 咁 見外 ，有 說話 即管 講 。
唉 ， 阿哥 ， 你 每日 出 嚟 外 便 ， 喺 官府 當差 ， 你 唔 知 屋企 嘅 事 啊 。
呢個 阿嫂 ，唔係 好人 ，小弟 已經 睇在眼內 好多 次 喇 ，我 就係 唔敢 講 。
今日 我 睇 得 清清楚楚 ， 我忍 唔 住 要 嚟 搵 阿哥 你 ， 阿哥 你 唔 好 怪 我 直言 噃。
哦 ，我 背後 冇 眼 ，你 即管 講 ，係 邊個 ？
前嗰排 ，屋企 打齋 ，請 嗰個 賊 禿海闍 黎 念經 ，阿嫂 就 同 佢 眉來眼去 我 都 睇見 。
第三日 ，佢哋 又 去 報恩寺 還願 ，你 外父 同 阿嫂 兩個 都 飲咗 好多 酒 先至 返嚟 。
我 近日 ，經常 聽見 有 個 頭陀 嚟 巷 裏 便 敲 木魚 念佛 ，嗰個 傢伙 敲得 非常 之 古怪 。
今朝早五更 ，我 起身 裝下 ，睇見 果然 係 嗰個 賊 禿 ，戴 頂 頭巾 ，喺 你 屋企 裏 便 行 出嚟 。
嘿 ！ 好似 噉 樣 嘅 淫婦 要 佢 何用 啊 ？
吓 ？啊 ，呢個 賤人 膽敢 做出 啲 噉嘅 事 。
阿哥 你 唔好 嬲 ，今晚 你 乜嘢 都 唔好 提 ，就 好似 平時 一樣 。
聽日 ，你 詐諦話 要 返去 監牢 值夜 。
三更之後 你 再 返嚟 敲門 ，嗰個 傢伙 必定 喺 後門 走 嘅 。
小弟 ，就 出嚟 捉住 佢 ，任從 阿哥 你 發落 啦 ！
賢弟 你 講得 啱 。
阿哥 ，你 今晚 你唔好 亂咁 講嘢 噃 。
好啦 ，我 聽日 再 嚟 約 你 。
兩個人 再 飲咗 幾杯 ，找咗 數 一齊 落樓 。
啱啱 行出 酒店 ，就 見到 四五個 虞候 嗌住 楊雄 話 ：
節級啊 ，哎 真係 處處 都 搵勻 你 搵 你唔到 。
知府 相公 喺 花園 坐 ，要 嚟 搵 阿節級 同 我哋 舞棍 啊 快啲 去 啦 快啲去啦 。
楊雄 就 對 石秀 話 ：相公 嗌 我 ，我唔去唔得 ，賢弟 ，你 返 屋企 先 ，吓 。
石秀 當時 自己 返去 屋企 ，收拾 咗 舖面 就 返去 作坊 休息 。
噉 楊雄 畀 知府 嗌咗 去 後花園 ，打咗 幾 路 槍棒 。
知府 睇咗 非常之 高興 ，就 嗌攞 酒 嚟 ，一連 賞咗 十大盅 。
楊雄 飲 完 就 散 喇 ， 嗰 班 人 又 請 楊 雄 去 飲酒 ， 一直 飲到 夜晚 黑 。
飲到大醉 ，啲人 又 扶佢 返 屋企 。
嘿呀 ，返到 屋企 ，你 估 發生 啲 咩 嘢 事 吖嗱 ？
