火眼狻猊 鄧飛 就 接咗 戴宗 、楊林 上山 喇 。
行咗 無 幾耐 ，就 嚟到 山寨 前面 落咗 馬
裴宣 已經 得到 報告 ，早就 喺 寨門 迎接 嘞 。
戴宗 、楊林 睇見 裴宣 呀 生得 肥肥白白 ，四平八穩 ，果然 係 一表人才 ，個 心 都 暗暗 歡喜 。
當時 ，裴宣 就 請 兩位 義士 嚟到 聚義廳 。
大家 行過 禮喇 ，謙讓 戴宗 喺 正面 坐落 ，跟住 呢 就係 裴宣 、楊林 、鄧飛 、孟康 ，五名 好漢 就 賓主 相待 ，坐定 就 飲酒 宴會 嘞 。
戴宗 喺 筵席 上面 講起 晁 、宋 兩位 頭領 ，招賢納士 ，結識 天下 四方 豪傑 ，待人接物 一團和氣 ，仗義疏財 等等 好多 好處 。
又 講起 眾位 頭領 同心協力 ，八百里 梁山泊 點樣 雄壯法 ，中間 係 宛子城 、蓼兒窪 ，四便 呀 都係 茫茫 煙水 ，仲有 好多 兵馬 ，唔怕 佢 官兵 嚟 嘅 。
一味啊 將 啲 說話 嚟 說 佢哋 三個 。
裴宣 就 話 ：小弟 嘅 山寨 亦 有 三百 零 人馬 ，財物 亦 有 十 零 車 嘅 ，糧食 草料 都 仲 未 計算 ；
如果 仁兄 唔 嫌棄 微賤 咯 ，引薦 我哋 去 大寨 入夥 ，我哋 願意 聽從 號令 ，為 山寨 效力 啊 ，唔知 你 意思 點 呢 ？
戴宗 好 歡喜 噉 話 ：晁 、宋 兩位 待人 接物 ，一片 真心 。
如果 得到 各位 相助 ，真係 錦上添花 啦 。
如果 有 呢 個 心 嘞 ， 請 你 哋 收拾 好 行李 ， 等 小弟 同 楊林 去 薊州 見 咗 公孫勝先生 返 嚟 ， 嗰 陣 我 哋 一齊 扮 官軍 上 梁山 。
大家 就 非常 高興 喇 ，飲酒 飲到 半醉 ，又 將 酒席 移 到 去 後山 斷金亭 上 便 ，一便 觀賞 飲馬川 嘅 景致 ，一便 飲酒 。
戴宗 見到 個 飲馬川 嘅 景致 啊 ，真係 靚 ，佢 喝彩 喇 ：
啊 ， 好山好水 ， 真 係 秀麗 啊 ！
你哋 兩位 點 嚟到 呢處 呢 ？
鄧飛話 喇 ： 本來 係 幾個 不成才 嘅 僆倞 佔 住 呢 處 嘅 ， 收尾 就 畀 我 哋 兩個 嚟 搶 咗 去 咯 ， 哈哈哈哈 哈哈哈 哈哈哈 。
眾人 都 哈哈大笑 。
當日 ，五名 好漢 飲到 大醉 。
裴宣 起身 舞劍 助興 ，果然 呀 舞得 非常之好 ，戴宗 就 大讚 一番 啦 。
第日 ，戴宗 一定要 同 楊林 落山 ，三位 好漢 苦苦 都 留唔住 ，就 送到 落去 山下 相別 。
然後呢 ，佢哋 就 返去 山寨 收拾 行裝 準備 起程 ，呢啲 就 唔 講 佢 住 。
而家 就係 講下 戴宗 同 楊林 啊 離開咗 飲馬川 山寨 。
一路 曉行 夜宿 ，就 行咗 幾日 ，嚟到 薊州 城外 ，搵 間 客店 住落 。
楊林 就 話 喇 ：阿哥 ，我 諗 公孫勝 先生 係 個 出家人 ，梗係 喺 郊野 啲 村落 住 㗎 喇 ，唔 喺 城 裏 便 嘅 。
戴宗話 ：啊係喎嚱 。
當時 兩人 呢 就 先 喺 城外 到處 噉 詢問 公孫勝 先生 嘅 下落 消息 ，吖 ，點知 冇 一個 人 知道 。
住咗 一日 ，第二 朝早 起身 ，又 去 遠遠 嘅 村莊 嚟到訪問 ，亦 係 冇 一個 人 知 。
第三日 ，戴宗 就 話 喇 ：噉 怕 喺 城 裏 便 有人 識得 佢 都 唔定 噃 。
噉 當日 呢 ，戴宗 同 楊林 就 唔 去 郊野外 便 搵 喇 ，就 行 返 入 去 薊州 城 裏 便 搵 佢 。
兩個人 搵 啲 老成啲 嘅 人 嚟 問下 ，都 話 唔識 噃 。
唔知佢 係 邊處 嘅 呢 怕唔係 城裏 便 嘅 人 喇 ，多數 都 喺 外縣 名山大寺 門 居住 㗎 啦 。
戴宗 、楊林 ，啱啱 行到 一條 大街 ，只見 遠遠 鑼鼓 音樂 響 ，有 一隊 人馬 嚟緊 。
戴宗 、楊林 就 企 喺 街 上面 睇下 啦 ，只見 前面 有 兩個 獄卒 ，一個 就 托住 好多 禮物 花紅 ，一個 捧住 幾匹 綢緞 彩繒 之類 嘅 嘢 ；
後面 一個 青羅傘 下 ，遮住 一個 押獄 劊子手 。
呢個人呀 ，一表人才 ，露出 藍靛 一樣 嘅 一身 花繡 ，兩眉 入鬢 ，鳳眼 朝天 ，淡黃色 嘅 面口 ，稍為 有啲 鬍鬚 。
呢個人 係 河南 人士 ，姓 楊 名 雄 。
以前 ，佢 有 個 叔伯 大佬 嚟 薊州 做 知府 ，佢 就 跟埋 嚟到 呢處 就 流落 喺 呢度 。
後來 有 個 新任 知府 呢 睇起 佢 ，因此 呢 任命 佢 做 兩院 押獄 ，兼任 市曹 行刑 劊子手 。
因為 佢 一身 好 武藝 啊 ，面色 又 黃黃哋 ，所以 人人 都 叫 佢 做 病關索 楊雄 。
當時 楊雄 喺 中間 行 ，佢 後便 有 個 獄卒 ，同 佢 捧住 鬼頭靶法刀 。
行到 路口 ，有 一劄 人 攔住 佢 向 佢 敬酒 。
哈 ，就 喺 呢個 時候 ，喺 側 跟 啲 小路 裏 便 啊 又 撞出 七八個 軍佬 嚟 ，為 頭 嗰 個 叫做 踢殺羊 張保 。
呢 個 張保 呀 ， 係 薊州 守衛 城池 嘅 軍人 嚟 ；
佢 帶 住 呢 幾個 呢 ， 都 係 城裏 城外 時常 掹 衫 尾 嘅 破落戶 子弟 ， 官府 都 管 佢 哋 唔 掂 冇 晒 佢 修 嘅 。
呢班友 ，見到 楊雄 係 外鄉人 嚟到 薊州 ，居然 有人 怕 佢 奉承 佢 因此 就 唔 服氣 。
當日 ，見 佢 賞咗 咁多 綢緞 禮物 唄 ，就 帶住 呢 幾個 冇頭神 飲到 半醉 特登 走嚟 搵 佢 晦氣 。
佢 哋 嚟 到 ， 見到 成班人 攔住 佢 喺 路口 敬酒 ， 嗰 個 張 保 就 㧬 開 啲 人 ， 逼 到 前面 話 喇 ： 節級 拜揖 啊 。
楊雄話 ：大哥 ，飲酒 呢 ？
我唔飲酒 ，我 特登 嚟 問 你 借 百零貫 錢 使下 。
大哥 ， 雖然 我 識得 你 啫 ， 之 我 哋 並 冇 錢 銀 來往 個 喎 ， 因乜事問 我 借錢 啊 ？
你 今日 敲詐 咗 百姓 咁多 財物 ，點解 唔 借 啲 畀 我 啊 ？
呢啲 都係 人哋 送畀 我 個 噃 ，點會 係 敲詐 百姓 嘅 呢 ？你 咪 嚟 搞搞震 喇 。
你哋 軍隊 管 我 唔着 嘅 ，你 走開 啦 。
張保 唔理 佢 ，就 嗌 嗰 幾個 地 踎逳 手 咯 喎 。
先不先就 將啲 花 紅 綢緞 都 搶走晒 ，楊雄 就 嗌喇 你哋 咪 亂嚟 啊 ！
啱啱 想 上前 打 幾個 搶嘢 嘅 人 ，畀 張 保揦 住 佢 心口 ，後 便 又 兩個 人 拉住 佢 雙手 ，其他 嗰 幾個 都 逳起 手 嚟 。
嗰 幾個 獄卒 啊 就 唔 敢 惹 佢 哋 㗎 ， 走開 晒 。
楊雄 畀 張保 同埋 嗰 兩個 軍佬 纏實 ，施展 唔開 又 唔甩得身 。
正喺度嘈緊嘅時候 ，只見 一條大漢 就擔住 一擔柴 過嚟 ，睇見 嗰幾個人 嚟 纏住 楊雄 ，搞到 佢 都 唔逳得 唄 。
嗰個 大漢 就 抱打不平 咯噃 ，佢 放低 擔柴 ，推開 啲 人 行 前嚟 勸 佢哋 話 喂 你哋 唔好 逳 喇 ，因 咩事 幹 要 打 呢位 節級 啊 ？
嗰個 張保碌 大 雙眼 喝 佢 話 ：哈 你 個 乞兒佬 你 嘩 ，乜 餓 你 唔死 凍 你 唔死 係嘛 ，你 敢 嚟 多管閒事 你 ！
嗰個 大漢 發起火嚟 ，將 張 保兜 頭 一摵 ，一跤 就 𢴈低 佢 。
嗰幾個 地踎𨅝手𨅝腳 想嚟逳手 點知 畀 個 大漢 一捶 一個 ，打到 一仆一碌 。
楊雄 呢個 時候 甩咗 身 喇 ，施展 出 啲 本事 ，一對 拳頭 好似 穿梭 噉 ，將 嗰 幾個 破落 戶 子弟 打低晒 。
張保見 唔係 路 喇 ，躝 返 起身 就 鬆 人 咯 喎 。
楊雄 就 嬲得 緊要 啊 ，大踏步 追過去 。
張保 跟住 搶包袱 嘅 行 ，楊雄 喺 後 便 就 猛追 ，一直 追入去 啲 巷仔 裏頭 唔見咗 。
嗰個 大漢 仲 唔 歇手 啊 ，喺 路口 搵 人 嚟 打 。
戴宗 、楊林 睇見 就 暗暗 喝彩 嘞 ：確實 係 好漢 ！
呢啲 就係 路見不平 ，拔刀相助 ，真係 壯士 啊 ！
當時 戴宗 、楊林 就 上前 掹住 佢 話 喇 ：好漢 ，請 你 睇在 我哋 兩人 薄面 ，就 噉 算咯 。
於是 楊林 同 佢 擔 咗 擔柴 ，戴宗 就 拖住 佢 嘅 手 ，請 佢 入去 間 酒店 裏 便 嚟 。
楊林 放低 擔柴 ，一齊 搵 一間 房 坐落 。
嗰個 大漢 就 作 個 揖 話 ：好多謝 兩位 大哥 解救 咗 小弟 啊 。
戴宗話 ：我 弟兄 兩個 亦係 外鄉人 ，因為 見到 壯士 仗義 幫助 他人 ，就 怕 你 一時 落手 太重 ，誤傷 人命 就 唔好 嘞 ；
所以 就 拉開 下 ，請 你 嚟 飲 幾杯 交 個 朋友 。
嗰個 大漢 話 喇 ：多得 兩位 仁兄 咁 關心 ，仲要 請 小人 飲酒 添 ，真係 唔敢當 。
楊林 就 話 ： 四海之內皆兄弟 也 ， 有 咩 嘢 所謂 呢 ？ 請 坐 ， 請 坐 。
戴宗 就 讓 佢 坐 上位 ，嗰個 大漢 唔肯 坐定 啦 。
噉戴宗 、楊林 一拍 坐低 ，個 大漢 就 坐 喺 對席 。
楊林 嗌 酒保 嚟 ，畀 咗 一兩 銀 佢 ，就 吩咐 個 酒保 話 喇 ：
唔使嚟問喇 ，有 咩 好餸 就 即管 攞嚟 啦 ，一齊 計數 。
酒保 攞咗 銀 去 ，無耐 就 斟酒 上菜 。
三個人 飲咗 幾杯 ，戴宗 就 問 ：壯士 高 姓 大名 ？貴 鄉 邊處 啊 ？
小人 姓 石 名 秀 ，係 金陵 建康府 人氏 ，自細 學得 啲 槍棒 武藝 。
我 呢 一 世人 ， 但凡 路見不平 ， 就要 去 幫手 ， 所以 人人 都 嗌 小弟 做 拼命三郎 啊 。
因為 跟 我 叔父 去 外鄉 販運 羊馬 ，點知 叔父 半路 死咗 ，蝕晒本 ，唔返得 家鄉 ，流落 喺 薊州 嚟 賣 柴 度日 ，真係 失禮 。
戴宗話 ：小弟 兩個人 嚟 呢處 有 啲 事幹 ，偶然 遇到 壯士 你 一個 咁 英雄豪傑 嘅 人 流落 喺 呢處 賣 柴 ，點能夠 發達 ？
不如 出嚟 闖蕩 江湖 ，搏返 個 下半世 快樂 都 好吖 。
小人 只係 會 使 幾 路 槍棒 ，第啲 冇 咩 嘢 本事 ，點 能夠 發達 快樂 呢 ？
而家 呢個 時候 ，唔認得 真嘅 ，一來 朝廷 不明 ，二來 奸臣 當道 。
小弟 有 個 朋友 ，因為 一氣之下 去 投奔 咗 梁山泊 宋公明 入夥 ，而家 ，論 秤 分 金銀 換 套 穿衣服 ；
將來 等到 朝廷 招安 咯 ，遲早 都 做返 個 官 啦 嘛 。
唉 ，小人 就算 要去 亦 冇 門路 吖 。
壯士 如果 你 肯 去 ，小弟 可以 介紹 你 。
哦 ，請問 兩位 官人 貴姓 ？
小弟 姓 戴 名 宗 ，呢位 兄弟 姓 楊 名 林 。
啊 ，江湖上 聽講 有個 江州 神行太保 ，莫非 就係 兄長 ？
冇錯 ，就係 小弟 。
戴宗 叫 楊林 喺 包袱 裏 便 攞 一 錠 十 兩 銀 ，送 畀 石秀 做 本錢 。
石秀 初初 唔肯 收 ，再三 謙讓 先至 收低 。
石秀 知道咗 佢 就係 梁山泊 神行太保 ，正話 想 同 佢 講 啲 心腹 嘅 說話 ，要 投奔 梁山 入夥 ，忽然間 聽見 外便 有人 㗾㗾聲 追問 入嚟 。
三個人 一 睇 ，原來 係 楊雄 帶住 二十幾 個 人 都 係 差人 嚟 嘅 ，追到 入 酒店 裏 便 嚟 。
戴宗 、楊林 見 咁 多人 ，唔知 佢哋 做 乜㗎 ，吃咗 一驚 ，趁亂 就 走咗 咯 。
石秀起身 迎住 楊雄 話 ：節級 去 邊處 啊 ？
楊雄 就 話 喇 ： 大哥 ， 先頭 度度 都 搵 過你 喇 ， 原來 喺 呢 處 飲酒 呀 。
我 一時 畀 嗰個 傢伙 封住咗 手 ，施展 唔開 ，好彩 得 大哥 你 幫手 ，救咗 我 出嚟 。
當時 一味 顧住 追 嗰個 傢伙 搶咗 嗰啲 嘢 ，掉低咗 大哥 你 添 真 唔好意思 啊 。
呢班 兄弟 ，聽講話 我 同人哋 打交 都 嚟 幫手 ，已經 搶返 畀 佢哋 搶咗去 嘅 花紅 綢緞 喇 ，之 四圍 搵 你 都 搵唔到 。
啱先 聽 人 講 ，話 有 兩個 人 請咗 去 酒店 飲酒 噉 ，因此 先至 知道 特登 搵到 嚟 呢度 啫 。
石秀話 喇 ： 係 ， 啱 先 有 兩個 外鄉 過路人 ， 請 我 嚟 呢 處 飲 幾杯 傾下 偈 啫 ， 唔 知道 節級 你 搵 我 啊 。
楊雄 好 歡喜 就 問 佢 話 ：
大哥 你 高姓 大名 ？貴鄉 邊處 啊 ？因乜事 幹嚟到 呢處 呢 ？
於是 石秀 又 將 自己 嘅 姓名 身世 講 畀 楊雄 聽 。
楊雄 又 問 ：啱先 同 你 一齊 飲酒 嗰 兩個 人 去咗 邊度 啊 ？
哦 ，佢 兩個 見到 節級 帶 人 入嚟 ，以為 係 嚟 尋仇 個 添 所以 就 走咗 咯 。
楊雄 聽講 佢哋 走咗 喇 ，就 嗌 酒保 攞 兩 埕 酒 嚟 ，叫 嗰班 人 大家 一人 三 碗 。
嗰班人 飲咗酒 就 散咗 咯 。
楊雄 又 話 ：三郎 ，你 唔好 見外 吓 。
我 睇 你 喺 呢處 梗係 無 親 無故 嘅 ，我 今日 ，就 同 你 結拜 做 個 兄弟 你 話 好唔好 吖 ？
石秀 聽講 好 歡喜 就 話 ：好啊 ，請問 節級 你 貴庚 ？
我 今年 二十九 歲 。
小弟 今年 二十八歲 ，請 節級 上座 受 小弟 拜為 大哥 。
石秀 拜咗 四拜 。
楊雄 非常 歡喜 ，就 嗌 酒保 重新 擺過 酒席 ，要 同 石秀 飲 個 盡 醉 方 休 。
正 喺 度 飲 緊 酒 ， 只見 楊 雄 嘅 外父 潘公 ， 帶住 六七個 人 一直 搵 到 嚟 酒店 。
楊雄 見咗 就 起身 話 ：泰山 你 嚟 做 咩嘢事 啊 ？
潘公話 ：我 聽見 講話 你 同人哋 打交 ，特登 嚟 搵 你 啊 。
呢 ，多謝 呢位 兄弟 救護 咗 我 ，打到 張保 嗰個 傢伙 見人影 都 怕 。
我 先頭 已經 結拜咗 石家 兄弟 做 我 細佬 喇 。
潘公話 ： 好 極好 極喇 ， 嚟 ， 請 呢 幾位 弟兄 飲碗 酒 先 至 扯 啦 。
楊雄 就 叫 酒保 攞 酒 嚟 ，每人 飲咗 三碗 就 扯 咗 喇 。
潘公 留低 喺 處 ，坐 喺 中間 ，楊雄 喺 對席 坐 喺 上首 ，石秀 就 坐 喺 下首 。
三個人 坐落 ，酒保 就 過嚟 斟酒 定 啦 。
潘公 見到 石秀生 得 咁 英俊 高大 ，心裏 便 好鍾意 佢 就 話 ：
我 女婿 得 你 做 個 兄弟 幫手 ，亦 不枉 佢 喺 衙門 出入 ，以後 呀 ，邊個 敢 欺負 佢 吖 ，吓 。
係咯 ，阿叔 你 做過 咩嘢 生意 啊 ？
石秀 就 話 喇 ：先父 係 揸刀 做 屠宰 嘅 。
噉 阿叔 你 識唔識得 劏豬 劏牛 嘅 呢 ？
哈哈哈 ， 自細食 屠宰 呢 門飯 ， 點會 話 唔 識 劏 豬 劏 牛 呢 ？
老漢 我 都係 做 屠宰 出身 嘅 ，皆因 而家 年老 唔 做得 喇 ，又 得 呢一個 女婿 ，佢 入咗 官府 做事 嘅 ，噉 所以 就 掉低 呢個 飯碗 啫 。
三個人 飲完酒 ，找咗數 落樓 。
石秀 將 自己 嗰擔 茶 亦 折算 咗 做 酒錢 畀 咗 。
三個人 就 返到 楊雄 屋企 。
楊雄 入咗 門 就 嗌 喇 ：大嫂 ，你 快啲 嚟 見下 呢位 阿叔 。
只 聽見 門簾 裏 便 有人 應 ： 大哥 ， 有 咩 嘢 阿叔 啊 ？
你 唔好 問 咁多 喇 ，出嚟 見 咗 面 先 啦 。
個布簾 一 拉起 ，有 個 女人 行咗出嚟 。
呢個 女人 係 楊雄 老婆 ，佢 係 七月初七 生 ，因此 個 名 叫做 巧雲 啊 。
佢 當初 嫁咗 一個 吏員 ，係 薊州 人 ，叫做 王押司 ，兩 年 之前 死咗 ，然後 呢 先至 再嫁 畀 楊雄 ，到 而家 呢 都 未 到 一年 。
石秀 見到 嗰個 潘巧雲 出嚟 ，就 連忙 上前 行禮 話 ：阿嫂 請坐 。
石秀 就 拜喇 。
嗰個 女人 話 ：奴家 年輕 ，點 敢 受禮 啊 ？
楊雄 話 呢個 係 我 今日 新 結義 嘅 兄弟 ，你 係 大嫂 ，受 半 禮 啦 。
於是 石秀 就 跪低 拜咗 四拜 。
嗰個 女人 就 還咗 兩 拜 ，請 入去 裏 便 坐 ，收拾好 一 間 房間 ，畀 石秀 住 。
閑話休提喇 。
第日 ，楊雄 啊 出去 衙門 上班 ，臨走 就 吩咐 佢 老婆 話 ：搵 啲 衣服 頭巾 嚟 畀 阿叔 換 啦 。
石秀 呢 ， 就 返去 客店 裏 便 ，攞 返 自己 嘅 行李 包袱 ，攞 嚟 放 喺 楊 雄 屋企 。
噉而家 講下 戴宗 、楊林 啊 ，佢 喺 酒店 裏頭 見到 嗰班 差人 入嚟 搵 石秀 唄 就 趁亂 走咗 ，返到 城外 客店 住落 。
第日 ，又 四周圍 咁 搵 公孫勝 ，足足 搵咗 兩日 都 毫無 消息 ，又唔知 佢 下落住 嘅 地方 ，兩個人 商量 一輪 話 不如 返去 罷 啦 噉 。
當日 就 執齊 行李 就 起程 離開 薊州 ，返去 飲馬川 。
跟住 就 帶住 裴宣 、鄧飛 、孟康 一行人馬 ，扮做 官軍 ，趕去 梁山泊 ，呢啲 不在話下 喇 。
而家 就 講 下 楊雄 嘅 外父 潘公 啊 ，佢 又 同 石秀 商量 要 開 間 豬肉鋪 。
潘公話 ：我 屋企 後門 出去 係 一 條 掘頭巷 ，又 有 一 間 空 屋 喺 後便嚟 ，嗰處 井水 又 方便 ，可以 做 作坊 。
阿叔 你 又 住埋 喺 裏 便 嚟 ，照顧 又 方便 ，你 話 好唔好 吖嗱 ？啊 。
石秀 見咗 亦都 好 高興 ，哈 ，確係 方便 噃 。
潘公 又 搵咗 舊時 相熟 一個 副手 返嚟 ，佢 話 淨係 請 石秀 呢 掌管 賬目 就 得 喇噉 。
石秀 就 應承咗 佢 ，於是 就 叫埋 個 副手 ，準備好晒 啲 架 生行頭 ，買定 十零隻 肥豬 ，擇 個 吉日 ，豬肉鋪 就 開張 。
嗰啲 街坊 鄰里 親戚 ，都 嚟 賀喜 ，飲咗 兩日 酒 。
楊雄 呢 一家 得到 石秀 幫手 開咗 間 店 都 非常之 歡喜 。
從此呢 ，潘公 、石秀 就 喺度 做生意 嘞 。
真係 光陰 迅速 ，不經不覺 又 過咗 兩個多月 。
當時 係 秋 殘 冬 到 啊 ，石秀 裏裏外外 都 換咗 新 衣裳 。
有一日 ，石秀 五更 起身 ，去 外縣 買 豬 ，到咗 三日 先至 返嚟 屋企 ，返到嚟 見到 豬肉鋪 冇 開 門 。
入到去睇下 ，咦 ，砧板 係 收起 喇 ，架 生行頭 都 執起晒 。
石秀 呢個人 係 眉精眼企 ，佢 見到 噉樣 個心 就 諗咯喎 ：
嗯 ，常言話 人 無 千日 好 啊 花 無 百日 紅 。
大哥 出去 當差 唔理 家事 ，梗係 阿嫂 見 我 做咗 呢啲 新衫 ，喺 背後 講 我 閒話 ；
又見 我 兩日 冇 返嚟 ，實係 有人 學 是非 ，怕 係 起咗 疑心 唔 做 生意 喇 。
我 都 唔好 等 佢 講出嚟 喇 ，不如 我 自己 辭咗 工 ，返 鄉下 罷 啦 。
石秀 將 啲 豬 趕 晒 入 欄 ，返 去 房 洗 過 手腳 ，執拾 好 包袱 行李 ，詳詳細細 寫 咗 一本 賬目 ，就 嚟 搵 潘公 嘞 。
潘公 喺 房間 ，準備咗 啲 素酒 齋飯 請 石秀 飲酒 噃 。
潘公話 ：啊阿叔 ，去 咁遠 買 豬 勞力 勞心 ，仲要 趕 豬 返嚟 辛苦晒喇 ，嚟嚟嚟 坐低 飲啲 。
石秀話 ：老伯 ，呢啲 係 我 應該 做嘅 。
嗱 ，請 你 收起 呢 一本 明細賬目 啦 。
如果 上便 有 半點 私心 ，天誅地滅 。
阿叔 你 點解 噉 講 啊 ？冇乜事 吖嘛 你 ？
小人 離鄉 六七年 ，而家 想 返去 屋企 行一趟 ，所以 特登 交還 帳目 。
今晚 我 辭別咗 阿哥 聽朝早 就 起行 。
哈哈哈哈 哈哈哈哈 ， 阿叔 啊 你 諗 錯格 喇 ， 你 聽 我講 啦 ， 我 知道 阿叔 你 嘅 意思 喇 。
阿叔 你 兩夜 冇 返嚟 ，今日 返到嚟 ，見 執起 晒 啲 架 生雜物 ，以為 係 唔開店 喇 ，因此 要 返去 係唔係 吖 ？
哎 ，咪 講話 而家 生意 咁 好 吖 ，就算 唔 做 生意 唔 開 店 ，我哋 亦 讓 阿叔 你 喺 處 嚟 。
老實 同 你 講 啦 ，我 呢個 小女 呢 ，以前 就 嫁 畀 本府 一個 王押司 ，佢 不幸 死咗 咯 ，已經 係 兩周年 。
而家 同 佢 打齋 超度 下 ，因此 停咗 呢 兩 日 冇 做 生意 啫 。
聽日 請咗 報恩寺 嘅 和尚 嚟 打齋 做 功德 ，仲要 麻煩 阿叔 你 幫手 接待 添噃 。
為 因 我 話 年紀 老咯 ， 唔 捱 得 夜 ，嗱， 噉 就 講齊 你 聽 喇 ， 吓 。
既然 老伯 你 噉 講 ，小人 立定 心水 再 住 下 添 啦 。
係咯 ，阿叔啊 你 今後 就 唔好 疑心 喇 ，我哋 一家人 噉 咋嘛 。
當時 飲 幾杯 酒 ，食咗 啲 齋 ，呢件事 呢 就算 講清楚 喇 。
跟住 ，只見 道人 擔住 啲 經 擔 嚟到 ，安設 神壇 ，擺放 啲 佛像 、供器 、鼓 、镲 、鐘 、磬 、香花 、燈燭 等等 。
喺 廚房 呢一便 就 安排 齋飯 。
楊雄 到咗 申牌 時候 即係 下午 四點 零鐘 啦 ，就 返嚟 屋企 行 咗 一趟 。
吩咐 石秀 話 ：賢弟 啊 ，我 今晚 就 值班 唔能夠 返嚟 喇 ，凡事 都 麻煩 你 幫手 喇 。
阿哥 你 放心 去 啦 ，今晚 我 會 幫 你 料理 㗎 喇 。
楊雄 去咗 ，石秀 喺 門前 照料 。
冇 幾耐 ，只見 有 個 年紀 輕輕 嘅 和尚 揦起 門簾 入嚟 。
石秀 睇下 呢個 和尚 啊 ，嗯 ，係 生得 好 靚 漏 個 喎 ，着得 亦 非常之 企理 。
嗰個 和尚 入到嚟 裏便 ，深深 噉 同 石秀 行咗 個 禮 。
石秀 答禮 話 ：師父 請坐 啦 。
隨後 有 個 道人 擔住 兩個 禮盒 入嚟 。
石秀 就 嗌 潘公 話 ：老伯 啊 ，有 個 師父 嚟咗 啊 。
潘公 聽見 喺 裏 便 出嚟 。
嗰 個 和尚 就 話 喇 ： 乾爹 點解 咁 耐 唔 嚟 敝 寺 啊 ？
潘公話喇 ：就係 因為 開咗 間 豬肉鋪 ，唔得閒 嚟 咯 。
押司 嘅 忌辰 冇 咩嘢 好嘢 送喇 ，些少 掛麵 ，幾包 京棗 唧 。
哎呀 ， 做 乜 事 啊 要 師父 你 破費 啊 。
潘公 就 叫 石秀 收起 啲 禮物 。
石秀 收咗 入去 ，就 叫 人 斟 茶 出嚟 。
呢個 時候 ，潘巧雲 喺 樓上 落嚟 ，佢 亦 唔係 着重 孝 ，只係 淡妝 輕抹 唧 。
佢 問 喇 ：阿叔 ，邊個 送 嘢 嚟 啊 ？
一個 和尚 送嚟 嘅 ，佢 嗌 老伯 做 乾爹 嘅 。
哦 ，佢呀 ，佢 係 師兄 海闍 黎 裴如海 啊 ，佢 好 老實 㗎 呢個 和尚 。
佢 本來 係 裴家 絨線 鋪 嘅 小官人 ，喺 報恩寺 出家 。
佢 結拜 咗 我 父親 做 乾爹 ，大過 奴家 兩 歲 ，所以 就 叫 佢 做 師兄 嘅 。
佢 法名 叫做 海公 。
阿叔啊 ，今晚 你 聽 佢 請 佛 念經 啦 ，佢 把 聲 呀 ，真係 都 唔知 幾 好 啊 。
哦 ，原來 噉嘅 。
石秀 已經 睇出 啲 嘢 唔 對路 喇 。
呢個 潘巧雲 落樓 嚟 見 個 和尚 ，石秀 就 背住 雙手 喺 後 便 跟住 出嚟 ，喺 布簾 後 便 裝下 。
只見 嗰個 女人 出到 外便 ，嗰個 和尚 就 起身 行前嚟 合掌 深深 噉 行過 禮 。
個 女人 就 話 喇 ：做咩事 啊 要 師兄 你 破費 啊 ？
賢妹 ， 些 少 薄禮 不足掛齒 啦 。
師兄 乜 噉 講唧 ， 出家人 嘅 禮物 噃， 點 敢當 啊 ？
係咯 ，敝寺 而家 設咗 水陸道堂 打緊齋 ，想 嚟 請 賢妹 去 拜下 ，就係 怕 節級 唔鍾意 唧 。
唔會 ，佢 而家 都 唔係 點 計較 喇 ，我 老母 死 嘅 時候 ，亦 都 許過 願 嘅 ，呢 幾日 都 要 去 你哋 間 寺 處 還願 㗎 喇 。
呢啲 係 自己 嘅 事 ，賢妹 使 乜 噉 講 吖 。
但凡 有 咩 嘢 事要 如海 做 嘅 ， 賢妹 你 即管 開聲 啦 。
噉就唔該師兄 你 同 我 阿媽 念 多 幾 卷 經 啦 ，好唔好啊 ？
佢哋 傾到 呢度 ，只見 裏便 丫鬟 就 捧 茶 出嚟 喇 。
嗰個 女人 攞起 一盞 茶 ，將 自己 條 手巾仔 喺 茶盅 口邊 抹 咗 一抹 ，雙手 遞 畀 個 和尚 。
嗰 個 和尚 一便 接茶 ， 兩隻 眼 呢 真 係 眼核碌 到 跌 出 嚟 咁 滯 猛 咁 睇 實呢 個 女人 ， 呢 個 女人 亦 都 騎騎 笑 噉 望 住 個 和尚 。
啊 ，真係 色膽包天 ，佢哋 兩個 冇 提防 石秀 喺 布簾 裏 便 裝到 噃 。
石秀 就 諗 喇 ：
呢個 女人 啦 ，常常 一味 對 我 講 啲 唔三唔四 嘅 說話 ，我 就 當 佢 係 親 大嫂 噉 一樣 看待 ，原來 呢個 女人 都 唔係 個 好人 嚟 。
哼哼 ，你 咪 撞正 喺 我 石秀 手裏頭 嚟 ，如果 你 撞正 喺 我 手 嚟 我 就 同 楊雄 出 呢 一啖 氣 。
石秀 呢個 時候 已經 有 三分 在意 ，佢 揦起 布簾 行出嚟 。
嗰個 和尚 就 放低 茶盅 ，佢 就 話 喇 ：大郎 請 坐 啦 。
嗰個 女人 就 插口 話 喇 ：呢個 阿叔 ，就係 拙夫 新 結拜 嘅 兄弟 啊 。
嗰個 和尚 有 啲 心虛 ：
大郎 貴鄉 係 邊處 ？高姓 大名 啊 ？
我 姓 石 ，名 秀 ，金陵 人 氏 。
因為 最好 管 閒事 ，為人 出力 ，所以 叫做 拼命三郎 。
我係 個 粗魯 嘅 人 ，禮數 不周 ，和尚 你 唔好 見怪 。
不敢 ，不敢 ，小僧 要 去 接 啲 僧人 嚟 打齋 喇 。
講完 ，就 出門口 。
嗰个 女人 跟住 話 ：師兄 你 早啲 嚟 喎 。
就嚟喇 ，就嚟喇 。
嗰個 女人 送咗 和尚 出門 ，就 行返 入裏 便 。
石秀 喺 門前 耷低頭 ，一味 喺度 諗啊 。
