蕭讓 同 金大堅 兩個 行行 下 ，忽然間 ，一 聲 哨子 響 啊 前面 跳出 一班 好漢 約莫 有 四五十 人 咁多 。
當頭 一個 好漢 ，就係 清風山 王 矮虎 嘞 ，大喝 一聲 話 ：孩兒們 捉住 呢 兩個 嘢 ，攞 佢 心肝 嚟 送 酒 啊 。
蕭讓 就 話 喇 ： 我 哋 兩個 係 去 泰安 州 刻寫 碑文 㗎 咋 一分錢 都 冇 嘅 ， 得 幾件 衫 嘅 啫 。
王矮虎 就 喝 佢 話 喇 ：我 唔 要 你 錢財 衣服 ，就係 要 你 兩個 聰明人 嘅 心肝 攞嚟 送 酒 。
蕭讓 同 金大堅 都 發火 咯 ，恃住 自己 仲有 返 兩路 本事 ，就 舞住 條 棍 嚟 打 王 矮虎 咯 喎 。
王矮虎 舞住 把 朴刀 嚟 鬥 佢哋 兩個 。
三個人 打咗 大概 六七個 回合 啦 ，嘿嘿 ，王矮虎 轉身 就 走 。
嗰 兩個 人 諗 哈 你 咁 水皮 又 學 人 打 腳骨 係嘛 ，追 ！點知 聽見 山 上面 鑼 聲 又 響 ：
左邊 係 走出 雲裏 金剛 宋萬 ；
右邊 係 走出 摸着 天 杜遷 ；
後便呢 ，係 白面郎君 鄭天壽 ，嗨死喇 截住 晒 呢趟 。
人人 都 帶住 三十幾個 嘍啰 ，一齊 湧上嚟 就 將 蕭讓 、金大堅 橫 拖掂 掹 就 拉咗 入去 樹林 裏 便 。
嗰 四個 好漢 話 ：你 兩個 放心 。
我哋 係 奉咗 晁天王 嘅 將令 ，特意 嚟 請 你 兩位 上山 入夥 㗎 。
蕭讓 就 話 喇 ：乜 山寨 裏頭 要 我哋 有 咩 用 啊 ？
我哋 兩個 手無綁雞之力 嘅 ，就 只係 識得 食飯 嘅 咋喎 。
杜遷話 ：吳軍師 一來 同 你哋 相識 ，二來 亦 知道 你 兩個 嘅 武藝 本事 㗎 喇 ，所以 特登 派 戴宗 去 府上 相請 。
蕭讓 、金大堅 兩個 聽咗 你 睇 我 我 睇 你 就 唔會 出聲 。
當時 帶咗 佢哋 去 旱地 忽律朱貴 間 酒店 ，就 按照 規例 ，擺酒 請 佢哋 食飯 。
然後呢 ，漏夜 嗌 船 送 佢哋 上山 。
上到山寨 ，晁蓋 、吳用 ，與及 眾頭領 都 同佢哋 見咗面 。
一面 呢 就 安排 筵席 款待 ， 一面 呢 ， 就講 畀 佢 哋 聽話 要 寫 封 蔡 京 嘅 回信 。
因此呢 ，就 去 請 佢哋 兩位 上山 入夥 ，共聚 大義 噉 。
噉佢 兩個 聽咗 呢 ，就 掹住 吳學究 話 喇 ：我哋 喺 呢處 跟住 大家 呢 就 唔緊要 啊 。
之 我哋 都有 老婆 仔女 喺 嗰度 個 噃 ，你 話 聽日 官府 知道 咗 呀 佢哋 實冇 命 㗎 啦 。
吳用 就 話 喇 ：兩位 賢弟 唔使 擔心 ，聽朝 你哋 就 知喇 。
噉既然係噉咯 ，點話點好㗎啦 ，當晚宴會完 就各自休息 。
第朝早 ，只見 小嘍啰 嚟報告 話 ：嚟到晒喇 。
吳學究 就 話 喇 請 兩位 賢弟 親自 去 接 寶眷 啦 。
蕭讓 、金大堅 聽咗 半信半不信 喎 。
兩個人 落到 半山 ，只見 幾 頂 轎 就 抬住 兩家 嘅 家眷 上山 。
兩個 都 吃咗 一驚 ，就 問 佢哋 點解 會 嚟 㗎 噉 。
佢 老婆 就 話 喇 ：你 尋日 出咗 門 之後 ，就 見 呢 一班 人 ，抬住 轎 嚟 ，話 你 喺 城 外 客店 裏頭 中咗 暑 喎 ，要 接 家眷 去 睇 下 噉 。
出到 城 呀 ，都 唔到 我哋 落轎 就 一直 抬 到 嚟 呢處 咯 。
兩家人 都 一樣 講法 。
蕭讓 同 金大堅 兩個 聽咗 ，仲有 咩 說話 好 講 呢 ，只有 死心塌地 ，帶埋 家眷 再 返去 山寨 入夥 就係 啦 。
噉佢哋 安頓 好 家眷 之後 呢 ，吳學究 請 佢哋 出嚟 ，就 同 蕭讓 商量 寫 蔡京 字體 嘅 回信 ，去 救 宋公明 。
金大堅 就 話 ：噉 啊 蔡京 嘅 各樣 圖章 呢 ，我 都 會 挑 嘅 。
當時 兩個 就 即刻 逳手 ，寫好咗 回信 ，噉 啊 擺咗 酒席 ，就 送 戴宗 起程 。
戴宗 辭別 咗 眾 頭領 ，渡過 金沙灘 ，就 攞出 四個 甲馬 綁 喺 腳上 便 ，作起 神行法 ，放開 腳步 ，趕返去 江州 。
而家 回轉頭 講下 吳用 啊 ，佢 送咗 戴宗 過渡 ，同埋 眾 頭領 再 返去 山寨 繼續 宴會 。
正喺度 飲飲下酒 ，只見 吳學究 嗌 一聲 弊傢伙 啊 呢趟 ！
大家 就 問 喇 ：軍師 咩 嘢 事 啊 ？
吳用 就 話 喇 ：唉 你哋 大家 唔知 ，我 呢一封信 呀 ，害咗 戴宗 同 宋公明 條命 咯 。
眾 頭領 就 大 驚 啦 連忙 問 佢 話 ： 軍師 封信 上 便 ， 係 點樣 差錯 法 啊 ？
唉 ， 係 我 一時 只顧 其前 不顧 其後 啊 ， 信 裏頭 有個 好 大 嘅 漏洞 啊 。
蕭讓 就 話 喇 ：小生 寫 嘅 字體 同 蔡太師 嘅 字體 一模一樣 ，語句 亦 冇 錯 吖 。
請問 軍師 唔知 邊一度 有 漏洞 呢 ？
金大堅 亦 講 ：小生 挑 嘅 圖章 ，亦 冇 絲毫 差錯 噃 ，點 見得 有 漏洞 呢 ？
吳用 就 話 喇 ：
今朝早 戴 院長 攞 去 嗰封 回信 ，係 我 一時 唔仔細 見唔到 ，用 咗 嗰個 圖章 ，錯喇 ，嗰個 圖章 係 玉箸 篆文 翰林 蔡京 四 個 字 吖嘛 ？
就係 呢個 圖章 就會 使到 戴宗 吃 官司 喇 。
金大堅 又 話 喇 ：小弟 歷來 見到 蔡太師 嘅 書信 同埋 佢 嘅 文章 ，都 係 用 呢個 圖章 㗎 噃 。
今次 挑得 毫無 差錯 ，點解 會 有 破綻 呢 ？
吳學究 就 話 喇 ：你哋 各位 唔 知道 ，而家 江州 蔡九 知府 係 蔡太師 個 仔 嚟 ，為咩 老豆 寫 信 畀 個 仔 要 用 自己 個 名 嘅 圖章 呢 ？
噉 咪 就 錯 咯 ， 係 我 見 唔 到 啊 。
戴院長 返到 江州 ，梗 畀 人哋 盤問 嘅 ，一問 出 實情 噉 就 弊 嘞 。
晁蓋 就 話 ：噉啊 快啲 派人 去 追佢 返嚟 另外 寫 一 封 信 啦 好唔好啊 ？
吳學究 話 喇 點 趕得上 啦 ？佢 作 起 神行法 ，呢個時候 呀 已經 過咗 成 五百里 喇 。
之事 不宜遲 ，我哋 噉呢 就 可以 救 佢哋 兩個 喇 。
晁蓋話 ：點去 救法 呢 ？有 咩嘢 良策 啊 ？
吳學究 就 行 前 喺 晁蓋 耳仔 邊 話 喇 ：
嗱， 噉 噉 噉 啦 ， 大哥 你 即刻 暗傳 號令 ， 話 畀 各人 知道 ， 就 係 噉 樣 噉 樣 起程 ， 唔 好誤 咗 日期 。
個個 好漢 得咗 將令 ，都 裝束 妥當 執齊 行頭 ，馬上 落山 就 趕去 江州 。
有啲人 話 喇喂 乜 你 講古 呢個 點解 唔 將 條 計策 講出嚟 畀 人 知 㗎 噉 ？
嚱 ，噉下 便 大家 就 知 㗎 喇 。
噉而家 講下 戴宗 啊 ，佢 計準 日期 ，返到 江州 ，就 向 蔡九 知府 呈送咗 回信 。
蔡九 知府 見到 戴宗 如期 返 嚟 唄 就 好 歡喜 啦 ，攞 酒 嚟 賞 咗 佢 三 盅 ， 親自 接 咗 回信 就 話 ：
你 有冇 見 我 太師 啊 ？
戴宗 就 稟告 話 喇 ：小人 只係 住得 一晚 就 返嚟 ，冇 見到 恩相 啊 。
知府 拆開 封信 嚟 睇下 ，封信 前面 係 講 ，話 送去 嘅 珍寶 呢 都 得 收 喇 ；
後 便 呢 又講 ， 妖人 宋江 ， 當今 皇上 要 見 下 呢 個人 ， 可以 用 一架 堅固 嘅 囚車 ， 裝 住 佢 ， 派 得力 嘅 人員 ， 日夜兼程 秘密 解送 嚟 京師 ， 喺 路上 呢 就 唔 好 畀 佢 走 甩 ；
喺 封信 尾 仲 講 ，話 黃文炳 嘅 事 呢 ，第日 稟奏 過 天子 ，必然 會 委派 佢 個 官職 嘅 。
蔡九知府 睇咗 就 歡喜到極 啦 ，就 攞咗 一錠 二十五 兩 花銀 打賞 畀 戴宗 ；
同時 呢 ，就 吩咐 準備 囚車 ，商量 派 人 押解 宋江 上京 嘞 。
戴宗 多謝 過 知府 之後 就 返去 住宿 嘅 地方 ，買咗 啲 酒肉 ，去 監牢 裏 便 探望 宋江 ，呢啲 就 唔 講 佢 喇 。
而家 講 下 蔡九 知府 啊 佢 催促 住 趕做 起 一 架 囚車 。
過得 兩日 ，正話 要 起程 ，只見 門房 嚟 報告 話 ，無為 軍 黃 通判 嚟 探訪 喇噉 。
蔡九知府 就 叫 請佢 去 後堂 相見 。
黃文炳 呢趟 嚟 呢 又 送 啲 禮物 ，時新 嘅 酒 果 等等 。
知府 就 多謝 佢 話 ： 哎 ， 屢承 厚意 ， 何以 克當 啊 。
黃文炳 就 話 喇 ：村野 微物 ，何足 掛齒 呢 ？
個 知府 又 話 喇 ：恭喜 通判 啊 ，好快 就 會 有 任命 你 官職 嘅 命令 落嚟 喇 。
黃文炳 就 話 喇 ：恩相 點 知道 呢 ？
尋日 送信人 已經 返嚟 ，上便 嘅 意思 係 要 將 妖人 宋江 押去 京師 啊 ；
通判 你嘅 事情 ，等 日內 稟奏 過 皇上 ，就 會 任命 你 一個 好 嘅 官職 嘞 。
家尊 嘅 回信 講得 好 清楚 啊 。
啊 ， 噉 啊 真 係 非常 之 感謝 恩相 推薦 喇 。
嗰個 送信人 ，真係 神行之人 喇 。
通判 你 如果 唔信 呀 ，嗱 你 睇下 封 家書 就 知道 喇 ，下官 唔係 呃 你 㗎 。
誒 ，小生 只係 恐怕 家書 不便 睇 ，如果 可以 咯 ，畀 小生 睇下 都 好吖 。
通判 你 係 心腹之交 ，睇下 何妨 啊 。就 嗌 人 攞 咗 封 家信 遞 畀 黃文炳 睇 。
黃文炳 接咗 信 ，從頭至尾 睇咗 一次 ，翻過嚟 睇睇 封皮 ，見到 個 圖章 顏色 好 新鮮 。
黃文炳 擰 下 頭 話 ：呢 封 信 唔係 真 㗎 噃 。
蔡九知府 就 話 喇 ：通判 你 噉 講 就 錯 咯 。
呢個 係 家尊 親手 筆跡 ，真正 嘅 字體 ，點會 唔係 真 嘅 呢 ？
恩相 ，請問 往日 嘅 家信 有冇 用 呢個 圖章 㗎 ？
往日 寄 家信 嚟 ，係 冇用 呢個 圖章 嘅 ，只係 隨手 寫 嘅啫 。
呢次 一定 係 圖章盒 喺 手邊 ，就 隨手 扱 咗 呢個 圖章 喺 信皮 上便 啦 ，
相公 你 唔好 怪 小生 多嘴 ，呢 封 信 ，相公 你 畀 人 呃 過咗 喇 。
當 今天 下 盛行 蘇 、黃 、米 、蔡 四 家 字體 ，邊個 唔 學 呢 ？
況且 呢個 圖章 ，係 令尊 恩相 做 翰林學士 嘅 時候 使用 嘅 ，喺 啲 字帖 上 便 好多人 都 見過 。
而家 令尊 升咗 做 太師 丞相 ，點 會 將 翰林 圖章 攞 出嚟 用 ？
更兼係 父親 寄 信 畀 個 仔 ，就 唔 應當 用 自己 個 名 嘅 圖章 。
令尊太師恩相 ，係 個 識窮天下 、高明遠見 嘅 人 ，唔會 立亂 錯用 嘅 。
相公 如果 唔 信 小人 嘅 說話 ， 你 就 仔細 噉 盤問 下 送信 嘅 人 ， 問 佢 見 過 太師 府 裏 便邊 一個 ， 如果 講得 唔 啱 就 係 假信 。
恩相 唔好怪 小生 多嘴 ，為因 承蒙 錯愛 先至 敢 大膽 講啫 。
嗯 ，呢件事 都 唔難 ，呢個人 從來 未曾 去過 東京 ，一盤問 就 知道 真假 㗎喇 。
蔡九知府 就 留 黃文炳 喺 屏風 後 便 坐 喺 處 ，跟住 就 升堂 ，就 嗌 戴宗 嚟 見 佢 。
當時 ，戴宗 正 話 同 個 朋友 喺 酒樓 飲酒 ，聽見 話 知府 搵 佢 唄 就 返去 衙門 啦 。
噉啊去到公堂 ，蔡九 知府 問佢 ：
前 嗰排 勞煩 你 行咗 一趟 ，事情 辦得 唔錯 ，都 未曾 重重噉 打賞 你 。
戴宗 就 回答 話 喇 ：小人 係 承奉 恩相 差遣 嘅 人 ，點 敢 怠慢 呢 ？
我 呢幾日 事情 好 忙 ，未曾 問清楚 你 添 ，你嗰日 去 京師 係 混 邊 座 門 入去 㗎 ？
小人 到 東京 嘅 時候 ，天色 已經 好 夜 喇 ，唔 知道 叫做 咩 門 喎 。
噉喺 我 太師府 門口 邊個 接待 你 ？留 你 喺 邊處 過夜 啊 ？
小人 喺 太師府 門口 見到 一個 門房 ，佢 接咗 信 入去 。
冇 幾耐 門房 出 嚟 ， 小人 就 點交 咗 禮盒 畀 佢 ， 佢 又 叫 小人 自己 搵 客店 過夜 。
第日 朝頭早 五更 去 太師府 門前 伺候 啦 ，嗰 門房 攞 封 回信 出嚟 。
噉 小人 又 怕 誤咗 日期 ，唔敢 再 問 咁多 喇 ，就 連 隨 趕 返嚟 。
你 見 我 屋企 嗰個 門房 係 幾 大年紀 㗎 ？
係黑黑瘦瘦定白白肥肥㗎 ？係高吖定矮嘅呢 ？有鬚定冇鬚㗎 ？
小人 到 太師府 嘅 時候 ，天色 已經 好 黑 喇 ；
第日 朝早 返嚟 又係 五更天 ，朦朦朧朧 ，唔係 睇得 幾 清楚 。
只係 覺得 唔係 點 高 ，中等 身材 ，都 怕 係 有啲 鬍鬚 嘅 。
蔡九知府 即刻 發火 ，喝咗聲 話 ：捉起佢 ！
十幾個 獄卒 差人 ，當堂 將 戴宗 捉住 ，扤佢 跪低 。
戴宗 就 話 喇 ： 小人 無罪 啊 ， 小人 無罪 。
你 呢個 傢伙 抵死 。
我哋 太師府 老門房 王公 已經 死咗 幾年 ，而家 係 個 小王 看門 ，點解 你 話 佢 年紀 大 有 鬍鬚 啊 ？
而且 門房 小王 係 唔能夠 入去 府堂 裏便 嘅 ，但凡 有 各地 嚟 嘅 書信 文件 ，必須 經由 府堂 裏便 張 幹辦 ，再 去 見 李 都管 ，然後 先至 到達 裏面 ，噉 先至 收 禮物 。
就算係 要 回信 ，亦 要 等候 三日 嘅 。
我 呢 兩 盒 珠寶 ，點 會話 冇 個 心腹 嘅 人 出嚟 問 清楚 你 ，哦 就 噉 求求其其 收咗 都有 嘅 咩 ？哼 ！
我 尋日 一時 倉促 ，畀 你 呢個 傢伙 呃咗 。
你 而家 精精地 就 老實 招供 ，呢 封 信 喺 邊處 嚟 嘅 ？
誒 小人 一時 心急 ，要 趕住 返嚟 ，因此 冇 睇得 清楚 啫 。
亂講 ，你 呢個 賊骨頭 唔打 你 點 肯 招供 啊 人 嚟 ，同 我 出力 打 呢個 傢伙 ！
嗰班 獄卒 差人 知道 唔得掂 喇 呢趟 ，之 喺 知府 面前 呢 就 唔 講得 交情 咁多 咯 ，扤住 戴宗 ，打到 佢 皮開肉綻 鮮血惦流 。
戴宗 捱唔住 打 ，就 只有 招認 話 ：係 ，呢封信 係 假嘅 噉 。
知府 就 問 喇 ：你 呢個 傢伙 ，點得 呢封 假信 嚟 㗎 ？講 ！
誒噉嘅 ，小人 路過 梁山泊 ，有 一班 賊佬 出嚟 要 打劫 小人 ，就 綁咗 我 上山 ，話 要 劏肚 挖心 喎 。
收尾 喺 小人 身上 抄到 封信 嚟 睇咗 ，就 將 個 禮盒 搶咗 咯 ，就 放返 小人 。
小人 知道 噉樣 係 唔返得嚟嘅 ，我 話 不如 將 我 殺咗 好過 喇噉 。
佢哋 就 寫咗 呢封信 ，交畀 小人 等 我 返嚟 交差 。
小人 一時 怕 被 責罰 ，所以 就 講 大話 嚟 呃 恩相 啫 。
係就係喇 ，之 仲有 好多 唔老實 。
你 實係 同 梁山泊 啲 賊佬 打 同通 ，謀咗 我 啲 珠寶物件 ，就 講 啲 噉嘢 嚟 呃 我 ，再 打 嗰個 傢伙 ！
戴宗 就 由得 佢 拷打 ，一味 唔肯 招認 同 梁山泊 打 同通 。
蔡九知府 再 將 戴宗 拷問 咗 一輪 ，說話 係 前後 相同 佢 就 話 喇 ：
唔使 問喇 ，攞 個 大枷 嚟 鎖起 佢 ，韞 入 監牢 。
佢 退咗 堂 之後 ，就 多謝 黃文炳 話 喇 ：
唉 ，如果 呢次 唔係 通判 高見 呀 ，下官 爭啲 誤咗 大事 啊 。
黃文炳 就 話 ：
睇 嚟 ， 呢 個人 勾結 梁山泊 ， 謀叛 作反 ， 如果 唔 殺 咗 佢 呀 ， 必為 後患 㗎 。
蔡九知府 就 話 喇 ：冇錯 ，就 將 呢 兩個 傢伙 開列 罪狀 ，立咗 案 ，押去 街市 斬首 ，然後 報告 朝廷 啦 。
黃文炳 就 話 ：相公 高見 極明 啊 。
噉樣呢 ，一來 朝廷 歡喜 ，知道 相公 立咗 呢件 大功 ；
二來 就 免得 梁山泊 啲 草寇 嚟 劫 牢 啊 。
冇 錯 ， 冇 錯 ， 通判 高見 甚遠 ， 下官 一定 寫 報告 親自 保舉 通判 。
當日 ，就 擺酒 款待 咗 黃文炳 ，然後 又 親自 送 出去 門口 ，噉 黃文炳 呢 自己 返去 無為軍 喇 。
第日 ，蔡九 知府 叫 辦案 嘅 官員 嚟 吩咐 佢 話 ：
快 啲 立 咗 個案 ， 將呢 個 宋江 、 戴 宗 嘅 口供 串起 嚟 。
一面 寫好 犯 由 牌 ，聽日 ，押去 街市 斬首 示眾 。
自古 對待 呢啲 謀反 嘅 人 ，幾時 捉到 幾時 斬 ，唔使 等 嘅 ，斬咗 宋江 、戴宗 免致 後患 啊 。
辦案 呢個 人 係 黃孔目 ，佢 本人 同 戴宗 係 比較 好 ，之 冇 辦法 救 佢 啊 。
聽 講話 聽日 就要 斬 佢 喇 ， 唉 ， 噉 啊 為 佢 講 下情 拖 得 兩日 都 好 吖 噉 。
佢 就 稟告 話 ：聽日 係 個 國家 忌日 ，後日 又 係 七月 十五 中元節 ，都 係 唔 應該 行刑 嘅 。
大後日 亦 係 國家 景命 。
一直到 五日 之後 ，先至 好 執行 噃 。
蔡九知府 聽咗 ，就 同意咗 黃孔目 嘅 意見 。
一路 等到 第六日 嘅 朝流 早 ，先 派 人 去 十字路口 打掃 發牆
食完飯 ，點起 土兵 同埋 劊子手 總共 五百幾人 ，都 喺 大牢 門 前 等候 。
巳牌嘅時候 ，獄官 稟告 咗 知府 ，親自 嚟 做 監斬官 。
黃孔目 將 兩個 犯 由 牌 呈 上去 ，當堂 判咗 兩個 斬字 ，喺 塊 蘆席 上面 貼起嚟 。
江州府 所有 咁多 節級 獄卒 ，雖然 都 同 戴宗 、宋江 相處 得 好啊 ，之 冇 辦法 救得 佢 ，只有 戥 佢哋 兩個 可惜 係 啦 。
準備 好 喇 ， 喺 監牢 裏 便將 宋江 、 戴宗 兩個 人 綁 起 嚟 ；
又 用 膠水 刷咗 頭髮 ，扎起 隻 鵝髻 ，上面 插 一 朵 紅 綾紙 花 ；
拉佢哋 去到 青面聖者 神位 面前 ，將 一碗 長休飯 、永別酒 畀 佢哋 。
食完喇 ，辭別咗 神位 。
六七十個獄卒 ，就 將 宋江 在 前 戴宗 在 後 ，擁出 牢門 前 便 。
宋江 、戴宗 兩個 啊 你 睇 我 我 睇 你 ，唔 出得 聲 咯 。
宋江 一味 𨂽 脚 ，戴宗 就 耷低 頭 歎氣 係啦 。
嘩 ，江州府 出嚟 睇嘢 嘅 人 啊 多咯 ，逼到 膊頭 貼 背脊 就 背脊 貼 膊頭 ，何止 一兩千 人 啊 。
當時 一路 就 將 宋江 、戴宗 ，就 押 到 去 街市 嘅 十字路口 ，沊沊𡃈 ，用 槍棒 圍住 ；
又將 宋江 面南 背北 ， 將戴宗 就 面北 背南 兩個 跪 喺 處 ， 只 係 等 午時 三刻 ， 監斬官 嚟 就 開刀 。
嗰啲 老百姓 睇 下 嗰個 犯由 牌 上面 寫住 ：
江州府 犯人 一名 宋江 ，故 吟 反詩 ，妄造 妖言 ，結連 梁山泊 強寇 ，通同 造反 ，律 斬 。
犯人 一名 ，戴宗 ，與 宋江 暗遞 私書 ，勾結 梁山泊 強寇 ，通同 謀叛 ，律 斬 。
監斬官 ，江州 府 知府 蔡 某 。
呢 個 時候 ， 只見 法場 東便 有 一班 玩 蛇 嘅 乞兒 ， 夾硬要 逼入 嚟 法場 裏 便 睇 嘢 ， 嗰 啲 土 兵 呀 趕 都 趕 佢 哋 唔 扯 。
正喺度亂緊 ，只見 法場 嘅 西便 啊 ，有 一班 打武賣藥 嘅 人 呢 ，亦都 夾硬 想 逼入嚟 。
啲 土兵 喝 佢 話 喇 ：嘿 ，你 呢班 人 吖 咁 唔 懂事 㗎 呢度 邊 處 嚟 啊 ，夾硬 逼 入嚟 睇 得 嘅 咩 ！
嗰班 賣武 嘅 就 話 喇 ：吖 你 正 一 大 鄉里 啊 ，我哋 沖州 撞府 ，邊度 未曾 去過 啊 ，到處 都 睇 殺人 。
就係 京師 天子 殺人 啊 都 畀 人 睇 㗎 嘛 ，你 小小 個 地頭 斬得 兩個 人 就 好似 驚動 咗 全 世界 噉 。
我哋 就算 逼入嚟 睇一睇 ，有 乜 緊要 啊 ？
正話 同 啲 土兵 嘈緊 ，監斬官 就 喝喇 ：趕佢哋走 ，咪 放 佢哋 過嚟 ！
呢便 都 未 嘈完 啊 ，只見 法場 南 便 有 一班 擔擔 嘅 苦力 ，又 要 逼 入嚟 咯 喎 。
土兵 就 喝 佢哋 話 喇 ：呢處 殺人 你 擔 去 邊處 啊 你 懵 嘅 咩 ！
嗰班人 就 話 喇 ：我哋 擔嘢 送 畀 知府 相公 㗎 噃 ，你哋 點 敢 攔阻 我哋 啊 ？
就算係 相公衙門 嘅 人 ，都 要 混 第處 行 㗎 喇 扯啦扯啦 。
嗰班人 就 放落 擔 ，掹咗 條 擔 挑出嚟 企 喺 人叢 裏 便 睇 嘢 。
又 只見 法場 嘅 北便 ，有 一班 小販 就 推住 兩架 車 過嚟 ，一定 要 逼入 法場 。
啲 土兵 喝 佢 話 ：喂 ，你 呢班 人 去 邊處 啊 ？
個 小販 就 話 喇 ：我哋 要 趕路 啊 唔該 放 我哋 過去 啦 。
懵嘅咩 你哋 ，呢度 殺人 啊 ，點 放得 你哋 過去 㗎 ？要 趕路 就 混 第二條 路 行 啦 。
嗰班 小販 就 笑喇 ：哈 你 就 講得 好啊 又 ，我哋 係 京師 嚟 嘅 人 ，唔識 你哋 呢處 啲 衰路 啊 ，我哋 就 係識得 混 大路 行 嘅 啫 。
啲 土兵 邊度 肯 放 佢哋 過去 吖 ？
噉呢班小販呢 就 齊齊 噉 逼硬 喺 處 唔 逳 喇 。
四周圍 嘈到 立立 亂 ， 禁都禁 唔 住 啊 。
冇幾耐 ，法場 中間 𠻘 一聲 ，啲人 一分開 有 個人 行出嚟 報告 一聲 話 ：午時 三刻 到 ！
監斬官 就 話 喇 ：斬訖 報 來 。
兩便啲劊子手 就 去 開 枷 ，行刑 嘅 人 呢 就 執 定 法刀 嘞 。
說時遲就那時快啊 ，只見 嗰班 小販 喺 車 上面 聽見 個 斬字 ，其中 有 一 個 小販 ，攞出 一面 鑼仔 ，企 喺 車 上面 鏜鏜鏜 敲咗 幾 聲 ，四周圍 就 一齊 逳手 咯 。
又見 十字路口 個 茶坊 樓上 ，有 個 老虎 噉 嘅 黑 大漢 ，除到 赤條條 ；
兩隻手 揸住 兩把 板斧 ，大哮 一聲 ，嘿呀 ，好似 半天 行咗 個 大雷 噉 ，喺 半空中 跳咗 落嚟 。
手起斧落 ，斬低咗 兩個 行刑 嘅 劊子手 ，跟住 佢 就 向住 監 斬官 馬前 斬過去 。
嗰班 土兵 就 急急 將 啲 槍 去 㨃 佢 啦 ，邊度 攔得 佢 住 吖 ？嗰班 兵 就 擁住 蔡九 知府 逃命 喇 。
只見 東邊 嗰班 玩蛇 嘅 乞兒 呢 ，個個 都 掹出 尖刀 ，對住 土兵 就 殺 ；
西便 嗰班 賣武 嘅 ，嗬噉 嘈起 上嚟 ，亂 殺過嚟 ，噼噼啪啪 殺倒 唔少 嘅 土兵 同 獄卒 ；
南邊 嗰 班 擔擔 嘅 苦力 ，舞起 扁擔 ，橫七豎八 ，打低 嗰啲 土兵 同埋 睇嘢 嘅 人 ；
北便 嗰啲 小販 呢 ，跳咗 落車 ，推 架 車 過嚟 攔住 啲 人 。
兩個 小販 鑽入去 ，一個 孭咗 宋江 ，一個 孭住 戴宗 。
其餘嘅 人 呢 ，有 啲 攞出 弓箭 嚟 射 嘅 ，亦 有 啲 攞出 石仔 嚟 打 嘅 ，亦 有 攞出 標槍 嚟 標 嘅 。
嗨 ， 原來 扮 小販 嘅 呢 一班 呢 ， 就 係 晁蓋 、 花榮 、 黃信 、 呂方 、 郭盛 ；
嗰班 扮 賣武 嘅 呢 ，係 燕順 、劉唐 、杜遷 、宋萬 ；
扮擔擔嘅呢 ，就係 朱貴 、王矮虎 、鄭天壽 、石勇 ；
嗰班 扮 乞兒 嘅 呢 ，就係 阮小二 、阮小五 、阮小七 同 白勝 。
呢一行 梁山泊 啊 總共 十七 個 頭領 嚟到 ，帶領 小嘍啰 一百 幾 人 ，四周圍 一齊 殺起上嚟 。
只見 人叢 裏 便 嗰個 黑大漢 ，嘩嗨 ，舞起 兩把 板斧 ，一味噉 斬 。
晁 蓋 佢 哋 唔 認得 佢 㗎 ， 只見 佢 係 最 出力 嘅 殺人 最 多 嘅 。
晁蓋 猛然 醒起 ：啊 ，戴宗 曾經 講過 有個 黑旋風 李逵 ，同 宋三郎 最好 呢個 人 好莽撞 嘅 。
晁蓋 就 話 喇 ：前面 嗰個 好漢 ，係咪 黑旋風 啊 ？
嗰個 黑大漢 邊度 肯 應 佢 吖 ，火烚烚 噉 ，舞住 把 斧頭 ，見人 就 斬 。
晁蓋 就 嗌 孭 宋江 同 孭 戴宗 嗰 兩個 小嘍啰 ，一味 跟住 黑大漢 走 就 啱喇 噉 。
當時 ， 喺 十字街口 呀 ， 殺到 屍橫 遍地 就 血流成渠 啊 。
眾頭領 ，掉低晒啲車啊擔啊 ，一行人 都 跟住 黑大漢 ，直 殺出去 城外 。
背後 花榮 、黃信 、呂方 、郭盛 ，四張 弓箭 ，𠻘 ，𠻘 ，𠻘 ，飛蝗噉 射住 後便 。
個 江州 軍民 百姓 邊個 敢 近前 吖 。
呢個 黑大漢 ，一直 殺到 去 江邊 ，身上 呀 瀄 滿晒 血 ，仲 一味 噉 喺 江邊 殺人 。
晁蓋 就 大聲 噉 嗌 喇 ：唔關 百姓 事 ，唔好 亂 傷人 啊 ！
嗰個 黑大漢 又 邊度 肯 聽 你 話 吖 ？一斧頭 一個 ，一排 噉 斬過去 。
離開咗 江州城 約莫 行咗 六七里 路 ，前便 望見 係 浩浩蕩蕩 一條 大江 ，冇 路 喇 ，弊喇 呢次 。
晁蓋 見咗 就 只有 叫苦 啦 。
誒 ，個 黑大漢 開聲 喇 ，佢 話 ：唔使 慌 ，將 阿哥 孭 入去 廟 裏 便 。
大家 一 睇 ，原來 靠住 江邊 有 一間 大廟 ，兩 扇 門 就 緊緊 閂 到 實 。
黑大漢 兩 斧頭 斬開 佢 衝咗 入去 。
晁蓋 佢哋 睇下 ，只見 兩便 都 係 老檜蒼松 ，林木 掩映 。
前便牌額 上面 四個 大金字 ，寫住 白龍神廟 。
小嘍啰 將 宋江 、戴宗 就 孭 入去 廟 裏 便 放低 。
宋江 呢個 時候 先至 敢 開眼 啊 ，一 見到 晁蓋 佢哋 咁 多人 喺 處 ，就 喊起 上嚟 話 ：
哎 ，阿哥啊 ，我哋 唔係 喺 夢中 相會 吖嘛 ？
晁蓋 就 話 喇 ：恩兄 你 當時 唔肯 留 喺 山寨 至 有 今日 之 苦 啊 。
呢個 搏命 殺人 嘅 黑大漢 係 邊個 啊 ？
宋江 就 話 喇 ：呢個 就係 叫做 黑旋風 李逵 喇 。
佢 幾次 三番 ，要 喺 監牢 裏 便 放咗 我 。
我就係 怕 走唔甩 ，唔肯聽 佢話 啫 。
晁蓋 話 喇 ：真係 難得 呢個 人 啊 出力 最多 ，又 唔怕 刀斧 弓箭 。
花榮 話 喇 ：快啲 攞 衣服 嚟 ，畀 我 兩位 兄長 着 返 先 。
正喺度問候緊 ，只見 李逵 揸住 對 斧頭 ，喺 走廊 下 便 行出嚟 。
宋江 就 嗌住 佢 話 ：兄弟 你 去 邊處 啊 ？
李逵 就 應 佢 話 喇 ：我 想 搵 嗰個 廟祝 殺 咗 佢 ，嗰個 傢伙 唔 嚟 接 我哋 仲 閂 冚 道 廟門 添 ，哼 ！
我 想 攞 佢 嚟 祭門 嘅 ，點知 搵唔到 嗰個 嘢 。
宋江 話喇 ：你 過嚟 ，見下 頭領 哥哥 先 。
李逵 聽到 就 掉低 斧頭 ，對住 晁蓋 跪一跪 佢 話 喇 ：
大哥 唔好 怪 鐵牛 粗魯 啊 。
然後 又 同 各人 相見 。
講起上嚟 ，知道 朱貴 係 同鄉 ，兩個 就 好 歡喜 。
花榮 就 對 晁蓋 話 喇 ：大哥 ，你 叫 大家 都 跟住 李大哥 行 。
而家 嚟到 呢處 ，前面 係 大江 攔截 ，已經 係 倔頭路 咯 ，冇 一隻 船 嚟 接應 。
如果 城 裏 便 官軍 追殺 出嚟 ，我哋 點樣 迎敵 呢 ？
