霹靂火秦明啊 ，點起咗 五百人馬 ，準備 出發 去 攻打 清風山 。
嗰個 慕容 知府 ，預先 派 人 喺 城外 嘅 寺院 ，蒸 落咗 饅頭 ，擺好咗 啲 大碗 ，坐 熱咗 啲 酒 。
每一個 兵 三 碗 酒 、兩個 饅頭 、一斤 熟肉 。
到咗 朝頭早 ，啱啱 準備妥當 喇 ，嗰頭 就 望見 兵馬 出 城 喇 。
呢一支 人馬 十分 齊整 啊 。
最前便 ，係 一面 引軍 紅旗 ，上面 寫住 兵馬總管 秦統制 ，飄下飄下噉 ，帶領住 整個 隊伍 ，非常之 威風 。
當時 霹靂火 秦明 ，騎住 馬 出咗 城 ；
見到 慕容 知府 喺 城外 慰勞 軍隊 唄 ，就 連忙 叫 個 軍士 接過 狼牙棒 ，落馬 嚟 同 知府 相見 ，行過 禮 嘞 。
知府 敬 咗 酒 ， 就 囑咐 秦明話 ：
要把握時機 ，早奏凱歌啊 ！
慰勞 軍隊 完 咗 喇 ， 轟 ， 轟 ， 轟 ， 放 起 三聲 號炮 ；
秦明 就 辭別 咗 知府 ，飛身 上馬 ，擺開 隊伍 ，催促 啲 士兵 ，大刀闊斧 啊 直奔 清風寨 而去 。
原來 呢個 清風鎮 啊 ，係 喺 青州 東南 便 嚟 ，由 正南 去 清風山 比較 近 ，可以 早啲 到 山北 嘅 小路 。
噉 清風山 呢 便 呢 ，小嘍啰 就 探聽到 消息 就 上嚟 報告 啦 。
山寨 裏 便啲 好漢 正話 要 打 清風寨 嘅 ，聽見 報告 話 秦明 帶住 兵馬 嚟到 喇 噉 。
哎呀 ， 個個 你 睇 我 我 睇 你 ， 人人 都 怕 晒 。
花榮 就 話 ：你哋 各位 唔使 慌 。
自古 兵 臨 告急 ，必須 死敵 ，叫 啲 小嘍啰 食飽啲 酒飯 ，聽 我 話 噉 做 啦 。
先要力敵 ，後用智取 ，嗱 ，噉噉噉噉噉 ，好唔好啊 ？
宋江 就 話 喇 ： 好計 啊 好計 啊 ， 係 噉 就 得 喇 。
當時 宋江 、花榮 就 定咗 計策 ，叫 啲 小嘍啰 各自 去 準備 。
花榮 就 挑選咗 一匹 好馬 ，一副 衣甲 ，弓箭 鐵槍 ，都 執拾好喇 就 喺度 等候喇 。
而家 再 講下 秦明 ，佢 帶兵 嚟到 清風山 下 就 離 山 十里 ，安好 營盤 。
第日 ，五更 煮飯 ，啲 兵卒 食飽 飯 喇 ，轟噉 放起 一個 號炮 ，就 直奔 清風山 咯 喎 。
搵咗 一笪 空闊 嘅 地方 ，擺開 啲 人馬 ，擂起 戰鼓 。
呢個 時候 ，只 聽見 山 上面 嗙嗙聲 打鑼 打到 震天響 ，一彪 人馬 就 飛奔 而 下 。
秦明 勒住 馬 ，橫住 狼牙棒 ，瞪大眼 一睇 ：
原來 係 有 一班 小嘍啰 簇擁住 小李廣 花榮 落山 。
嚟到 山坡 前 便 ，嗙噉 一聲 鑼 響 ，就 列開 陣勢 。
花榮 喺 馬 上面 揸住 支 鐵槍 ，向住 秦明 行咗 個 禮 。
秦明 大喝 一聲 話 ：
花榮 ，你 係 個 將門 之 子 啊 ，朝廷 命官 ，畀 你 做咗 個 知寨 ，掌握 一境 地方 ；
你 受 國家 嘅 俸祿 ，有 咩嘢 虧待 你 嘅 地方 啊 ？
你 居然 去 勾結 賊寇 反叛 朝廷 ？
我 今日 特嚟 捉 你 ，懂事 嘅 落馬 受綁 ，免得 整污糟 我 嘅 手腳 啊 。
花榮 賠 笑話 ：
請 總管 你 聽 我 講 ，諒 我 花榮 點 會話 反叛 朝廷 呢 ？
實在 係 畀 劉高 呢個 傢伙 無中生有 ，官報私仇 ；
逼得 我 花榮 有 家 難 奔 ，有 國 難 投 啊 ，只好 暫時 喺 呢處 躲避 一下 ，希望 總管 你 詳察 救解 啊 。
你 仲唔 下馬 受綁 ，更待 何時 ？
仲喺度 花言巧語 ，蠱惑 軍心 係嘛 ！
左右 ，擂起 戰鼓 ！
咚咚咚咚咚咚咚咚咚咚咚咚咚咚咚咚 ，戰鼓 響喇 ，秦明 揮舞住 狼牙棒 啊 直奔 花榮 。
花榮 笑起上嚟 話 ：哈哈哈哈哈哈哈 ，秦明 ，你 呢個 傢伙 真係 不識 好人 啊 。
我 念 你 係 個 上司 官 讓 你 一下 啫 ，你 以為 我 真係 怕 你 啊 ？
於是就 縱馬 挺槍 嚟 迎戰 秦明 嘞 。
兩個 就 喺 清風山下 便 廝殺 ，真正 係 棋逢敵手 就 將遇良才 啊 ！
佢哋 兩個 鬥 到 四五十 個 回合 ，仲係 不分 勝敗 。
花榮 賣 個 破綻 ，撥轉 馬頭 ，向住 山下 小路 就 趯 。
秦明嬲啊 ：你 想 走 係嘛 ？追 ！噉就 追過去 咯喎 。
花榮 將 支槍 ，放喺 馬鞍 嘅 了事 環 上面 帶住 ，將 隻 馬 勒定 ，左手 拈 弓 ，右手 拔 箭 ，拉滿 弓 一扭過身 ，向住 秦明 頭盔 頂 上一箭 ；
𠻘， 卜 噉 一聲 ， 將秦明 頭盔 上面 嗰 朵 大 紅纓 射 咗 落地 ， 好似 報個 信 畀 佢 聽 噉 噃。
嘿呀 ，秦明 吃咗 一驚 ，唔敢 再 向前 追 ，擢一下 ，拉轉 馬 。
等咗一陣 ，佢 正話 想 追殺過去 ，嗰班 小嘍囉 呢 ，已經 㗾㗾聲 返咗 上山 嘞 。
花榮 由 第 條 路 亦 轉咗 上 山寨 。
秦明 見 佢哋 都 走散晒 ，個心 就 越發 嬲 ：呢班 賊佬 真 可惡 ！
就 喝啲 士兵 鳴鑼擂鼓 ，搵 路 上山 。
噉嗰啲士兵啊齊聲吶喊 ，啲步軍就上山先 。
轉過咗 三兩個 山頭 ，只見 上面 啲 擂木 、炮石 、灰瓶 、金汁 ，喺 險峻 嘅 地方 噼里啪啦 噉 打落嚟 。
喺 前便 行 嗰啲 退 都 退唔切 就 已經 打低 咗 三五十 個 ，就 只有 再 退返落嚟 啦 。
秦明 係 個性急 嘅 人 ，心頭火起 邊度 撳得住 吖 ？
佢 帶領 軍馬 ，屈返 落山 又 試 搵 路 上 過去 咯噃 。
一路 搵到 午牌 時分 ，聽見 西山邊 鑼 響 ，樹林 裏頭 閃出 一隊 紅旗 軍 嚟 。
秦明 就 帶住 人馬 趕過去 喇 ，嗬 ，趕到過去 鑼 又 唔 響 紅旗 又 唔 見 晒 。
秦明 睇下 嗰啲 路 ，冇 正路 嘅 ，就 得 幾條 斬柴 嘅 小路 ；
而且呢 ，仲 用 啲 斷木 啊 亂樹 啊 噉 交叉 攔住 路口 添 ，唔 上得去 嘅 。
秦明正 話 想 派啲 兵卒 去 開路 ，只見 有人 又 嚟 報告 話 東山 邊 鑼 響 ，一班 紅旗 軍 出嚟 啊 。
秦明 引住 人馬 ，飛噉 跑過 東山 邊 啦 。
去到 一睇 ，鑼 又 唔響 紅旗 亦 唔見 。
秦明 跑住 馬 四周圍 咁 去 搵 路 啦 ，點知 都係 啲 亂樹 斷木 ，塞住 晒 嘅 斬柴 嘅 路仔 嚟 。
冇幾耐 ，只見 偵察兵 又 話 嚟 報告 喇 ，話 西山 邊上 嘅 鑼 又 響 咯 紅旗軍 又 出嚟 喇 噉 。
秦明 拍馬 再 跑到 西山邊 ，去到 又係 唔見 一個人 ，紅旗 亦係 冇咗 。
秦明 係 個 急性 嘅 人 吖嘛 所謂 霹靂火 吖嘛 ，嬲到 佢 呀 ，真係 牙 都 咬碎 咁滯 啊 。
佢 正 喺 西山 邊 嬲 到 唂唂聲 ，又 聽見 東山 邊 鑼 聲 呀 震天 咁 響 咯 喎 佢 急急 帶住 人馬 𠽤 哩 𡃈 嘞 又 趕 到 嚟 東山 邊 。
去到 一睇 ，又係 唔見 一個 賊佬 紅旗 又係 唔見 。
秦明呀 真係 氣滿胸膛 啊 激到佢死死下 ，又 要 趕啲 兵 上山 搵 路 喇 ，又 聽見 西山邊 ，㗾噉 吶喊 起上嚟 。
秦明 怒氣沖天 ，趕啲 兵馬 ，奔過去 西山 邊 嚟 。
山上山下 一睇 ，嘿 ，又係 一個人 都唔見 。
秦明 就 喝啲 士兵 ，由 兩便 搵 路 上山 。
當時 有 個 兵仔 就 嚟 稟告 佢 話 喇 ：
呢處 唔係 正路 嚟 啊 ，呢 ，除非 東南 便 嗰度 有 條 大路 喇 ，就 可以 上去 喇 。
如果 話 淨係 喺 呢處 搵 路 上山 呀 ，唔得㗎 ，怕 會 撞板 㗎 。
秦明 聽咗 就 話 喇 ：既然 嗰處 有 條 大路 呀 ，漏夜 都 要 趕去 ，出發 ！
就 帶住 一行 軍馬 就 趕過去 東南角 咯 喎 。
呢個 時候 好 夜 下喇 ，行到 人 困 馬 乏 ；
趕到去嗰便山下呢 ，正話 想 安營扎寨 煮飯 吃啦 ，只見 山上面 出現 好多 火把 ，呢處 映下 嗰處 映下 ，啲 鑼鼓 啊 打到 嘈喧 巴閉 。
秦明 發 大火 咯 ，帶領住 四十幾個 馬軍 ，跑 上 山 嚟 。
上到去 ，點知 山上 樹林 裏 便 呀 ，亂箭 射落嚟 ，又 射傷 咗 啲 軍士 。
秦明 冇 辦法 喇 只好 回馬 落山 ，就 叫 啲 軍士 煮飯 食 啦 噉 。
啱啱透着火唧 ，只見 山上 有 八九十支 火把 ，啲 人 吹住 哨子 咈咈聲 噉 衝落嚟 噃 。
秦明 急急 帶住 啲 士兵 去 追 啦 ，點知 一 去到 啲 火把 一齊 熄晒 ，唔見咗 。
當晚 雖然 有啲 月光 ，亦係 畀 啲 陰雲 籠罩住 唔係 點 明亮 。
秦明 就 憤怒到 不得了 ，叫 啲 軍士 點起 火把 ，燒 嗰片 樹林 。
就喺呢個時候 ，聽見 山嘴上 便 有 鑼鼓 同埋 吹笛 嘅 聲音 。
秦明 跑住 馬上 嚟 一睇 ，見到 山頂 上 點住 十幾個 火把 ，照住 花榮 陪 宋江 喺 上面 飲酒 哦 。
秦明 睇咗 呀 ，嬲 到 佢 冇 埞 出氣 咯 ，只有 勒住 馬 喺 山下 破口大罵 。
花榮 就 回答 佢 話 ：
秦統制 ，你 不必 焦急嘅 ，你 返去 休息下 ，我 聽日 同 你 鬥 個 你死我活 嘅 輸贏 就係啦 。
反賊 ，你 落嚟 吖嗱 ，我 而家 就 同 你 殺 三百個 回合 先至 再 講 啦 ！
哈哈哈哈 ，秦總管 ，你 今日 好攰喇 ，我 就算 贏咗 你 都 唔算 叻吖 。
你 返去 先 ，聽日 再 嚟 。
秦明 就 越發 嬲 嘞 ，一味 喺 山下 便 鬧 。
本來 係 想 搵 路 上山 嘅 ，唔 敢 啊 ，點解 呢 ？
怕 花榮 弓箭 厲害 啊 ，因此 只有 喺 山坡 下 便 鬧 。
正喺度鬧緊 ，只聽見 本部 個人 馬 嘈起上嚟 噃 。
秦明 急急 跑返去 山下 睇下 啦 ，只見 喺 呢便 山上 ，火炮 火箭 一齊 燒落嚟 。
喺 背後 呢 ，二三十個 小嘍啰 就 合埋 一群群 ，用 弓箭 喺 黑影 裏 便 射人 。
秦明啲人馬嘈喧巴閉 ，一齊 都 湧過 嗰 便 山側 深坑 裏 便去 躲避 。
呢個 時候 已經 係 半夜 三更 ，秦明 啲 人馬 正 係 躲得 啲 弓箭 ；
點知 上游 㗾㗾聲 大水 沖落嚟 ，一行人馬 ，喺 山坑 裏 便 就 各自 掙扎 啦 。
爬到上岸嘅 ，冚𠾴唥 畀 小嘍啰 用 撓鉤 搭住 ，活捉咗 上山 ；
爬唔上岸嘅呢 ，就 喺 山坑 裏 便 浸死 嘞 。
秦明 呢個 時候 係 怒氣沖天 ，真係 頭殼頂 都 爆 咁 交關 。
佢 見到 有 條 小路 喺 側 跟 ，就 將 隻 馬 一撥 ，想 由 呢度 衝 上 山 咯 喎 。
點知 跑到 唔夠 三五十步 ，連人帶馬 轟隆 一聲 跌咗 落 個 陷坑 裏頭 。
喺 兩邊 兩便 埋伏 定 五十 個 撓鉤手 㗎 喇 ，將 秦明 勾咗 上嚟 ，剝咗 渾身 嘅 戰袍 、衣甲 、頭盔 、軍器 ，用 條 繩 綁實 佢 ；
隻馬 呢 亦 都 救咗 起身 ，一齊 押 上 清風山 。
原來 呢個 圈套 啊 ，都 係 花榮 同 宋江 嘅 計策 嚟 。
佢哋 首先 就 叫 啲 小嘍啰 或 在 東 就 或 在 西 ，引到 秦明 人 困 馬 乏 就 摸唔清 頭腦 。
預先呢 ，就 用 啲 布袋 裝住 啲 泥 ，截住 山坑 嘅 水 ；
等到 半夜 三更 喇 ，將 啲 人馬 就 趕到 條 山坑 裏 便 ，上面 就 放水 ，噉 就 冚晒 秦明 嘅 人馬 。
秦明 帶出嚟 嗰 五百 人馬 ，大半 就 浸死 喺 水 裏頭 ；
生擒活捉到 一百六七十人 就 搶咗 七八十匹 好馬 ，一個 都 冇 趯得 返去 。
最後呢 ，喺 陷坑 裏 便 又 活捉咗 秦明 。
當 嗰班 小嘍啰 捉到 秦明 上到 山寨 嘅 時候 ，已經 天光 。
當時 五位 好漢 ，喺 聚義廳 上面 坐緊 ，小嘍啰 就 綁住 秦明 押 到 嚟 廳 前 。
花榮 見咗 ，即刻 起身 行出嚟 迎接 ，親自 同 佢 解咗 條 繩 ，扶住 秦明 入 廳 ，跪低 就 拜 。
秦明 慌忙 答禮 話 ：
我係畀你哋捉到嘅人 ，任由你哋碎屍而死啦 ，為乜事 要叩頭畀我啊 ？
花榮 跪 喺 處 話 ：
小嘍啰 不識 尊卑 ，一時 冒犯 ，請 你 恕罪 啊 ！
跟住 ，即刻 就 攞 衣服 嚟 畀 秦明 着 。
秦明 就 問 花榮 話 ：呢位 為首 嘅 好漢 係 邊個 啊 ？
呢位 係 花榮 嘅 阿哥 ，鄆城 縣 宋押司 宋江 。
呢 三位 係 山寨 嘅 頭領 ：燕順 、王英 、鄭天壽 。
呢 三位 我 知道 ，呢個 宋押司 ，莫非 就係 山東 及時雨 宋公明 啊 ？
宋江 回答 話 ：就係 小人 。
秦明 連忙 跪低 行禮 話 ：
聞名 好耐 喇 ，想唔到 今日 能夠 同 義士 相會 啊 ！
宋江 連忙 答禮 唔切 。
秦明 見到 宋江 腿腳 有啲 不便 就 問 ：
兄長 雙腳 ，好似 有啲 不便 噃 係嘛 ？
宋江 又 將 自己 離開 鄆城縣 起 ，直到 劉知寨 拷打 佢 嘅 事情 ，從頭到尾 ，對 阿秦明 講咗 一次 。
秦明 一味 咁 擰頭 話 ：如果 聽 一面之詞 就 誤咗 幾多 事 呢 。
等我 秦明 ，返去 青州 對 慕容 知府 講明 呢件事 。
燕順 就 叫 人哋 殺 牛 劏 馬 安排 筵席 請 飲 。
至於 捉咗 上山 嘅士兵 呢 ，就 收埋 喺 山後 啲 房間 裏 便 ，亦都 畀 酒菜 嚟 款待 佢哋 。
秦明 飲咗 幾杯 就 起身 話 喇 ：
各位壯士 ，多得 你哋嘅 好情份 唔殺 我 秦明 ，噉就 唔該 將 我個 盔甲 、馬匹 、兵器 還畀 我 ，等 我 返去 青州 。
燕順 就 話 ：總管 你 錯咯 。
你 本來 係 帶咗 青州 五百 人馬 嚟 嘅 ，都 冇 晒 喇 ，點 返得去 青州 啊 ？
慕容 知府 唔會 問 你 罪咩 ？
不如 暫時 喺 呢個 荒山草寨 住下 先 。
呢處 嘅 地方 雖然 係 細 ，不堪 總管 你 歇馬 ，但係 喺 呢處 落草 ，論秤 分 金銀 ，整套 穿衣服 ，唔係 好過 受 嗰啲 官老爺 嘅 氣 咩 ？
秦明 聽咗 ，就 行出 間 聚義廳 話 ：
秦明生 為 大宋 人 ，死 為 大宋 鬼 。
朝廷 畀 我 做到 兵馬總管 ，就任 統制使 嘅 官職 ，又 冇 虧待 我 秦明 ，我 點 能夠 話 落草 做 賊 ，背叛 朝廷 呢 ？
你 哋 各位 要 殺 我 就 殺 ， 咪 指意 我會 歸順 你 哋 ！
花榮 喇喇聲 趕落嚟 ，拖住 佢 話 ：
秦兄長 你 唔好 嬲 ，你 聽 小弟 一句 說話 ，我 亦係 朝廷 命官 之 子 啊 ，無可奈何 ，逼成 我 噉嘅 啫 。
總管 你 既然 唔肯 落草 咯 ，我們 唔通 會 逼 你 咩 ？
請坐 一陣 先 ，等 散咗 席 喇 ，小弟 攞返 啲 衣甲 、頭盔 、鞍馬 、軍器 還畀 兄長 先至 去 啦 。
秦明 邊度 肯 坐 吖 ，花榮 又 勸 佢 話 喇 ：
總管 勞神 費力 咗 一日 一夜 ，人 都 尚且 頂唔住 ，嗰 匹 馬 唔 餵飽 佢 又 點得 啊 ？
秦明 聽咗 就 諗 喇 ：誒噉 講 亦 啱 。
好 啦 ， 再 返入 聚義廳 坐低 飲酒 。
嗰 五位 好漢 呢 ，就 輪流 嚟 敬酒 ，講 好話 一味 勸佢 飲多杯 。
秦明 一則 就 疲倦 嘞 ，二則 呢 亦 招架唔住 大家 猛咁 敬佢 ，就 開懷 痛飲 飲到 醉咗 ，啲 人 就 扶 佢 返 入 房 瞓 。
噉呢處呢 ，各有各 就去 按計劃 行事 喇 就 不在話下 。
而家 講 下 秦明 佢 一覺 就 瞓到 第日 辰牌 先至 醒 ，一扎 起身 ，啷口 洗面 完咗 ，就 要 落 山 。
各位 好漢 都 嚟 挽留 住 佢 話 ：
總管啊 ，食完 早飯 先 起程 送 你 落山 啦 。
秦明 係 個性急 嘅 人 ，話咗 要 走 就 要 走 。
大家 又 慌忙 安排 啲 酒菜 嚟 款待 佢 ；
攞出頭盔 、衣甲 ，等 秦明 披掛 好 ，拉 嗰 匹 馬 出嚟 和 同埋 狼牙棒 ，就 叫 人 喺 山下 便 伺候 。
五位 好漢 都 送 秦明 落山 ，交還 馬匹 兵器 就 互相 分別 喇 。
秦明 上咗 馬 ，攞起 狼牙棒 就 離咗 清風山 ，一路 就 飛奔 返去 青州 。
離城 十里 路度 ，嗰陣時 係 已 牌 前後 ，即係 十點 零鐘 ，遠遠 就 望見 煙塵 亂起 ，一個 行人 都 唔見 。
秦明 見到 噉樣 個 心 就 有 八分 猜疑 。
等 去 到 城外 一睇 ， 哎呀 ！ 原來 舊有 幾百戶 人家 ， 畀 火燒 到 平晒 ， 一片 瓦礫 ， 殺死 咗 嘅 男人 女人 啊 橫七豎八 不計其數 咁 多 。
秦明 見咗 大吃一驚 啦 ，猛鞭 嗰 匹 馬 ，穿過咗 瓦礫場 就 跑到 城 邊 ，大叫 開門 咯 喎 。
咦 ？只見 進入 城門 嗰 道 橋 啊 高高 掛起 咗 ，城頭 上 便 排列住 兵卒 旌旗 ，擂木 炮 石 。
秦明 勒住 馬 大聲 嗌話 ：城上 放 吊橋 落嚟 ，畀 我 入城 ！
城上 便 有人 一睇 見到 係 秦明 啊 ， 就 沊沊 聲 擂起 戰鼓 ， 喎 嗬 噉 吶喊 咯 喎 。
秦明 就 嗌喇 ：我 係 秦總管 ，點解 唔 放 我 入 城 啊 ？
只見 慕容 知府 企 喺 城頭 上 嘅 女牆 旁邊 大聲 噉 喝 佢 話 ：
反賊 ，吓 ，你 咁 不識羞恥 㗎 ！
尋晚 你 帶住 人馬 嚟 攻城 ，將 咁多 百姓 都 殺咗 ，又 燒咗 咁多 房屋 ，今日 又 想 嚟 騙 開 城門 ？哼 ！
朝廷 就 未曾 虧待 過你 㗎 ， 你 呢 個 傢伙 ， 反而 做出 啲 噉 嘅 不仁不義 嘅 事 。
我 已經 派人 去 稟奏 朝廷 喇 。
遲早捉住你呀 ，將你呢個傢伙碎尸萬段啊 ！
秦明 就 大叫 話 ：公祖 你 錯 喇 ！
秦明 因為 損失咗 人馬 ，又 畀 嗰班 人 捉咗 上山 ，啱啱 先至 走甩身 ，尋晚 幾時 嚟 攻過 城 啊 ？
知府 就 話 ：你 嗰個 傢伙 嘅 馬匹 、衣甲 、兵器 、頭盔 你 估 我 唔 認得 咩 ！
城頭上 便 ，大家 明明 都 見到 你 指揮 啲 賊佬 殺人 放火 ，你 仲 想 抵賴 啊 ？
啊 ，就算 你 輸咗 被擒 ，噉 點解 五百 個 士兵 冇 一個 趯得 返嚟 報信 㗎 ？
你 而家 仲 想 騙 開 城門 ，接 你啲 家人 係 嘛 ？我 話 你 聽 ，你個 老婆 呀 今朝 早 已經 殺咗 喇 。
你 如果 唔信 ，我 畀 個人頭 你 睇下 。
有個兵 就 用 一支槍 ，將 秦明 妻子 嘅 首級 ，即係 人頭 喇 ，挑起嚟 畀 秦明 睇 。
秦明 係 個性急 嘅 人 ，見到 老婆 個 首級 ，嘩 嬲到 胸膛 都 炸裂 咁滯 啊 ，之 講 極 都 講唔清 ，只有 猛叫 冤屈 啦 。
但係 城 上 啲 箭 呢 好似 落雨 噉 射落嚟 ，秦明 只有 避開 ，睇見 遍野 都 係 火 啊 仲 未曾 熄得 晒 。
秦明勒 轉 馬頭 ，行返去 瓦礫場 ，恨不得 搵 笪 地方 死咗佢 好過 。
諗諗諗 ，諗咗 好耐 ，結果 仲係 跟住 條 舊路 騎馬 跑返去 。
行咗 十零里 ，只見 樹林 裏 便 有 一夥 人馬 轉出嚟 ，當先 五匹 馬 上面 係 五條 好漢 ：
正係 宋江 、花榮 、燕順 、王英 、鄭天壽 ；
仲有 一二百 個 小嘍啰 跟住 添 。
宋江 喺 馬上 欠欠身 噉 問 佢 話 ：
總管 點解 唔 返去 青州 ，單人匹馬 ，投奔 邊處 啊 ？
秦明 聽見 佢 噉 問 就 好 嬲 噉 話 喇 ：
都唔知係邊個天地不容嘅斬頭鬼 ，扮成我噉樣 ，去攻打青州 ，燒咗百姓嘅房屋 ，殺害良民 ，搞到我一家老小都死晒 ，閃得我而家上天無路 ，入地無門 ，唉 ！
我 如果 搵到 嗰個人 呀 ，我 要 打碎 呢條 狼牙棒 先至 肯 罷手 ！
宋江 就 話 ：總管 你 唔好 嬲 ，既然 夫人 死咗 喇 ，唔 要緊 ，小人 願意 同 總管 做 個 媒人 。
我 有 個 好 主意 ，不過 喺 呢處 講 唔 方便 嘅 。
請 總管 去 山寨 裏 便 先至 講 啦 ，而家 一齊 去 呢 。
秦明 喺 呢個 噉嘅 時候 ，點話點好 係啦 ，於是 就 跟埋 宋江 佢哋 再 返去 清風山 。
返到去山寨 ，小嘍啰 已經 喺 聚義廳 裏 便 擺好 酒席 。
五個 好漢 ，請 秦明 喺 中間 坐定 。
五個 好漢 一齊 噉 跪低 噃 ，秦明 連忙 答禮 亦都 跪喺 地下 嚟 。
宋江 就 話 喇 ：
總管 你 唔好 怪 啊 ，尋日 ，因為 留 總管 喺 山寨 嚟 ，你 堅決 唔肯 ，噉 就係 我 宋江 定 出 呢條 計 ：
叫 咗 個 小卒 ， 好似 總管 噉 模樣 嘅 ， 着 咗 足下 嘅 衣甲 、 頭盔 ；
騎住 嗰 匹 馬 ，揸住 狼牙棒 ，一直 去到 青州 城下 ，指揮 啲 嘍啰 殺人 ；
燕順 、王矮虎 呢 ，就 帶領 五十幾個人 去 助戰 ，整成 係 總管 返去 屋企 接 老婆 兒女 噉 。
因為噉樣 殺人 放火 就 斷絕咗 總管 條 退路 。
我哋 大家 ，今日 特登 向 總管 請罪 啊 。
秦明 聽見 噉樣 講 ，嘿呀 ，個心 好 嬲 啊 ，想話 要 同 宋江 佢哋 打過 㗎 喇 。
不過 ，一則 係 上界 星辰 契合 ；
二則 呢 畀 佢哋 噉樣 軟困 以 禮 相待 ；
三則 又 怕 鬥 佢哋 唔過 。
所以 亦 只有 吞咗 呢啖 氣 佢 話 喇 ：
唉 你哋 各位 弟兄 雖然 係 好意 ，要 收留 我 秦明 ，不過 噉樣 搞法 就 毒得啲 咯 。
斷送咗 我 妻兒 老小 一家人 啊 ！
宋江 就 話 ：如果 唔係噉 ，兄長 啊 點 會 肯 死心塌地 呢 ？
而家 嫂夫人 死咗咯 ，我 知道 花知寨 有 個 妹 ，非常之 賢惠 嘅 ，我 情願 主婚 ，準備 財禮 ，嫁畀 總管 做 老婆 呢 ，點啊 ？
秦明 見到 眾人 咁 相敬相愛 ，噉 就 一心 歸順 喇 。
噉 大家 就 請 宋江 ，居中 坐落 ，秦明 在 左 ，花榮 在 右 ；
三位 好漢 呢 依住 次序 坐低 ，打起 鑼鼓 奏起 音樂 ，飲酒 ！
同時 呢 ，又 商量 打清風寨 呢件事 。
秦明話 ：呢件事 好容易 ，唔使 各位 弟兄 費心 。
黃信 係 我 管轄下 嘅 人 ；
同時 又係 我 教 佢 武藝 嘅 ；
而且 ，佢 同 我 之間 嘅 交情 好好 。
聽日 ，我 去 搵佢 ，一番 說話 ，說服 佢 入夥 投降 ；
順便 接咗 花知寨 嘅 寶眷 ，捉埋 劉高 個 潑婦 同 仁兄 報仇 雪恨 ，作為 進見 之 禮 啊 ，好唔好 啊 ？
宋江 就 話 喇 ：得 總管 咁 慷慨 應承 ，噉 就 真係 好 到 極 咯 。
當日 散咗 筵席 ，就 各自 休息 。
第日 朝頭早 起身 ，食完 早飯 ，各自 披掛 衣甲 ，裝好 身 。
秦明 就 上馬 ，揸住 支 狼牙棒 ，飛奔 去 清風鎮 。
而家 又 講 下 黃信 ，佢 到咗 清風鎮 之後 呢 ，就 發動 鎮上 嘅 軍民 ，指揮 啲 寨兵 ，日夜 咁 提防 牢牢 把守住 寨門 。
但係 佢 又 唔敢 出去 打 喎 ，不歇 噉 使 人 去 探聽 ，但係 總 唔見 青州 調兵 嚟到 策應 。
呢一日 ，佢 聽見 報告 話 ：秦 統制 單人匹馬 嚟到 啊 叫 我 打開 寨門 放 佢 入嚟 喎 噉 。
黃信 聽咗 ，就 上馬 飛奔 到 門邊 睇下 啦 。
誒 ，果然 係 單人匹馬 噃 ，連 個 隨從 都 冇 。
黃信 就 叫 打開 寨門 ，放 條 吊橋 落去 ，迎接 秦 總管 入嚟 一直 嚟到 大寨 辦公廳 門口 落馬 。
請佢入去 ，行過禮之後 ，黃信就問喇 ：
總管 點解 單人匹馬 嚟到 呢處 啊 ？
秦明 就 先不先 同 佢 講 咗 損失 人馬 等等 嘅 事情 ， 然後 就 話 喇 ：
山東 及時雨 宋公明 疏財 仗義 ，結識 天下 嘅 好漢 ，邊個 唔 欽敬 佢 ？
佢 而家 ，喺 清風山 嚟 啊 ，我 呢次 亦 喺 山寨 裏 便 入 咗 夥 。
你 又 冇 妻子 兒女 嘅 ，不如 聽 我 話 ，去 埋 山寨 入夥 ，免受 嗰啲 文官 嘅 氣 啦 。
黃信 就 回答 話 ：既然 恩官 你 喺 嗰度 咯 ，黃信 點 敢 話 唔 跟從 呢 ？
不過 我 冇 聽講過 話 有 宋公明 喺 山 上 噃 。
而家 你 又 話 及時雨 宋公明 ，噉 佢 從 何 而來 啊 ？
哈哈哈 哈哈哈 ， 你 前幾日 ， 解 去 嗰 個 鄆城 府 張 三 唔 係 就 係 佢 咯 。
佢 怕 講出咗 真 姓名 ，惹起 自己 嘅 官司 ，所以 就 認話 係 張三 啫 。
嘿 ，如果 小弟 知道 佢 就係 宋公明 呀 ，我 喺 路上 都 會 放咗 佢 啊 。
一時 見唔到 ，就係 聽咗 劉高 一面之詞 ，爭啲 害咗 佢 條命 添啊 。
秦明 、黃信 兩個 正喺 辦公廳 裏 便 ，商量緊 點樣 起程 嘅 事 。
只見 寨兵 嚟 報告 話 ：有 兩路 兵馬 ，鳴鑼 擂鼓 ，向住 鎮上 殺緊 嚟 啊噉 。
秦明 、黃信 聽咗 ，即刻 上馬 就 出去 迎敵 。
