武行者 飲醉咗酒 ，嫌 個 店主人 唔賣 嘢 佢 食噃 ，就 打咗佢一巴 ，打到 佢 舂咗幾舂 ，一直 撞咗過去嗰便 。
噉 坐 喺 對面 席 嗰 個 大漢 見咗 就 嬲 嘞 。
睇下 嗰個 店 主人 啊 哎呀 慘 咯 ，打 到 半邊 面 都 腫晒 ，幾耐 都 掙扎 唔起身 啊 。
嗰個 大漢 跳起身嚟 指住 武松 就 話 喇 ：
你呢個頭陀 ，真係 不守本分 ！
乜逳下 就逳手逳腳吖 ，乜打人 都得嘅咩 ？開講有話喇 ：出家人 勿起嗔心 。乜你噉㗎 ！
武行者 就 話 啦 ：我 有 我 打佢 ，關 你 乜嘢 事 啊 ？
嗰個 大漢 嬲喇 ：我 好意 勸 你 噃 ，你呢個 死頭陀 仲 開口 傷人 添 ？
武行者 聽咗 就 火起 ，啪聲 將 張 枱 推開 ，行出嚟 喝佢 話 ：你 呢個 傢伙 講 邊個 啊 ！
嗰個 大漢 笑喇 ：哈哈哈哈 ，你 呢個 死頭陀 想 同 我 打 呀 ？
太歲頭上動土 啊 你 ， 你 呢 個 賊 行者 出 嚟 至 同 你講 ！
武行者 喝 佢 話 ：你 估 我 怕 你 唔敢 打 你 啊 嚟 咪 嚟 ！
一搶 搶到 門邊 ，嗰個 大漢 就 閃 出去 門外 喇 。
武行者 噔噔聲 追出去 ，嗰個 大漢 見到 武松 神高神大 ，哼哼 ，唔敢 輕敵 ，即刻 習起 隻架 嚟 等住 佢 。
武行者 一步 搶入去 ，揦住 嗰條 大漢 隻手 。
嗰個 大漢 正 話 想 用力 嚟 𢴈 武松 啦 ，嗨 你 點 頂得住 武松 千百斤 神力 㗎 ？
畀 武松 一 擢 ，擢咗 佢 埋身 ，跟手 一 推 推咗 出去 ，噼啪 噉 好似 𢴈 低 個 細路 噉 ，嘿 仲 講話 打 喎 ，逳 都 冇 得 逳 啊 。
嗰 三四個 鄉下佬 見咗 ，哎呀 手 又 震 時 腳 又 痺 ，邊度 敢 上嚟 吖 ？
武行者 一腳 踩住 嗰個 大漢 ，攞起 拳頭 一味 咁 𢱕啊 ，打咗 二三十 拳 ；
喺 地下 揦起 佢 ，向住 酒店 外便 嗰 條 溪水 一 掉 ，啪噉 掉咗 落水 。
嗰 三四個 鄉下佬 嗌 話 死 喇 ， 喇喇聲 都 落條 溪水 嚟 救 返 嗰 個 大漢 啦 ， 扶返 起 佢 ， 向 住 南 便 扯 咗 咯 。
嗰個 店 主人 捱 咗 武松 嗰 一 巴掌 ，打到 麻麻木木 ，唔逳得喇 ，自己 入 咗 屋 後 便 匿埋 。
武 行者 話 ： 好 啊 ， 你 哋 都 走 晒 啊 ， 老爺 呢 趟 有 得 食 喇 。
攞隻碗 ，喺 個 白盆 裏 便 𢳂酒 飲 。
枱 上面 嗰 一對 雞 ，嗰 一大碟 肉 呢 ，都 未曾 逳過 嘅 。
武行者 都 唔使 筷子 啊 ，就 噉 用 手 撕 嚟 食 。
唔使 半個 時辰 ，將 嗰啲 酒 啊 肉 啊 雞 啊 食咗 八成 去喇 。
武 行者 飲 飽食 醉 喇 呢 趟 ， 除開 長袍 個 衫袖 扎 喺 背後 便 嚟 ， 出 咗 店門 ， 跟 住條 溪水 就行 咯 喎 。
呢個 時候 呀 ，嗰啲 北風 呼呼聲 吹 ，捲住 過嚟 ，吹到 武行者 都 企腳唔定 嘞 ，一路上 舂下 舂下 佊下 佊下 噉 行 。
離開咗 間 酒店 行咗 唔到 四五里 路 ，喺 旁邊 一埲 泥墻 嗰處 啊 ，有 隻 黃狗 走咗出嚟 ，睇住 武松 瘟 噉 吠喎 。
武松 一 睇 ，哼 ！原來 係 隻 大黃狗 追住 佢 嚟 吠 。
武行者 係 飲醉咗 酒 㗎 啦 ，呢正 係 想 搵 啲 事 嚟 鬧下 呢 ，就 憎 嗰隻 狗 追住 佢 吠 咯 喎 。
好喇 ，掹出 嗰把 戒刀 ，大踏步 追 嗰隻 狗 。
嗰隻狗 喺 條溪邊 就 兜嚟兜去 ，又 嗡嗡聲 咁 吠 。
武 行者 一刀 劈 過去 ， 哈 ， 劈空 咗 ， 又 出力 猛 過頭 喎 ， 頭重腳輕 ， 叮 沊 噉 打 個 關 斗 ， 就 跌 咗 落 條溪處 ， 唔 起 得 返身 。
呢個 時候 係 冬天 ，咪 睇 話 啲 溪水 好 乾 啊 ，一二尺 水深 呀 嘩 冷到 頂唔順 㗎 。
都唔知 幾 辛苦 先 爬返起身 ，濕淋淋 成身 水 。
誒 ，嗰 把 刀 呢 ？
返轉頭一睇 ，哈 ，原來 嗰把 戒刀 呀 ，仲 浸 喺 條 溪水 處 嚟 。
武 行者 返 轉頭 耷 低頭 想撈 把 刀 咯 喎 ， 哈哈 誰知 噼啪 噉 又 試跌 返落 去 ， 一味 喺 溪水 裏 便 碌 啊 碌 啊 ， 硬 係 爬 唔 起 喇 呢 趟 。
呢個 時候 ，喺 岸上 打橫 嗰 埲 牆邊 ，有 一 班 人 轉咗 出嚟 。
當先 一個 大漢 ，頭戴 氈笠 ，身穿 鵝黃色 嘅 紵絲 衲襖 ；
隻手 揸住 一條 哨棒 ，背後 有 十幾個 人 跟住 嘅 ，都 係 揸住 木棍 。
其中 有 一個 指住 武松 話 喇 ：呢 呢 呢 呢 呢 ，喺 溪 裏 便 嗰個 賊 行者 啊 ，就係 先頭 打 細哥 㗎 喇 。
而家 細哥 搵唔見 大哥 你 ，自己 就 帶咗 二三十個 莊客 ，返去 酒店 想 捉 佢 啊 。
呵 ，呵 ，原來 佢 走到 嚟 呢處 呀 。
話猶未了 ，遠遠 見到 嗰個 先頭 捱打 嘅 大漢 啊 ，已經 換咗 一身 衣服 喇 ；
隻手 揸住 一把 朴刀 ，帶住 三二十個 莊客 。
個個 都係 拖槍 帶棍 嘅 ，一路 吹住 咈咈 噉 嚟 搵 武松 。
嚟到 牆邊 ，見到 喇 ，指住 武松 就 對 嗰個 着 鵝黃 衲襖 嘅 大漢 話 ：
呢個 賊頭陀 ，就係 打 我 嗰個 喇 ！
嗰個 大漢 就 話 喇 ：捉住 呢 隻 傢伙 ，返去 莊 裏 便 慢慢 打佢 ，逳手 啦 ！
噉啊 三四十 人 一齊 湧上去 。
呢勻武松 就 該 揋咯 ，硬叻 都係 假㗎啦 ，飲醉咗酒唄 ，冇力掙扎啊 。
佢 想 話 急急 爬 返 起身 ，畀 嗰班 人 一齊 逳手 ，橫 拖 掂掹 就 拉咗 上嚟 ，將 佢 拉咗 去 一座 大 莊院 。
呢座莊院 好高大 ，四周圍 種滿 好多 柳樹 啊 松樹 啊噉 。
啲人 將 武松 推咗 入去 ，剝咗 佢 件 衫 ，搶咗 佢 嘅 戒刀 、包袱 ；
揪過嚟 綁 喺 樖大柳樹 上 ，攞咗 一扎 藤條 嚟 ，一下一下 噉 打 武松 咯 喎 。
啱啱 打咗 三五下 ，只見 莊裏 便 有 一 個 人 行出嚟 問 喇 ：
你 兩 兄弟 又 喺 處 打 咩 嘢 人 啊 ？
只見 呢 兩個 大漢 拱一拱手 行個禮 話 ：
師父啊 ，我 兄弟 今日 同 隔籬莊 三四個 朋友 ，去 前便 路邊 間 酒店 飲酒 ；
點知 呢個 賊行者 走嚟 啰啰嗦嗦 惹是惹非 ，將 我 兄弟 痛打 咗 一餐 喎 ；
仲掉咗落水添 ，個頭 都 扻穿咗 ，爭啲 凍死啊 ，好彩 得啲朋友 救返返嚟 咋 。
我 兄弟 返到嚟 屋企 換咗 衣服 ，帶 啲 人 再 去 搵 佢 啦 。
嗰個 傢伙 將 啲 酒肉 都 食 清光 ，飲 到 大醉 ，跌 咗 落 門前 條 溪水 處 ；
所以 捉咗 佢 返嚟 ，慢慢 打佢 咋嘛 。
哼 ，睇 呢個 賊頭陀 吖 ，亦唔係 個 出家人 吓 ，塊面 都 刺咗 兩個 金印 嘅 ，呢個 傢伙 將 頭髮 褸落嚟 遮住 ，實係 個 避罪 在逃 嘅 監犯 喇 。
等陣 問出 呢個 傢伙 個 根源 ，就 解佢 去 官府 。
嗰個 打傷咗 嗰個 大漢 就 話 喇 ：問 佢 做乜嘢 吖 ！
呢個 賊頭陀 呀 打到 我 周身 淤晒 ，冇 一兩個月 ，我 都 唔好得返 啊 。
不如 將 呢個 賊頭陀 打佢 一餐 ，打死佢 ，一把火 燒咗 算喇 ，唔係 噉呀 我 都 出唔到 呢啖氣 啊 ！
講完 ，攞起 藤條 又 想 打 咯喎 。
只見 先頭 出嚟 嗰個 人 就 話 喇 ：
賢弟 ，你唔好打 ，等我睇睇佢 ，呢個人 都 好似 係 個 好漢 嚟喎 。
呢個 時候 ，武行者 啲 酒 已經 醒咗 好多 ，個 心 係 好 清楚 嘅 。
佢 就 協埋 雙眼 ，由 你哋 打 啦 唔 出聲 。
嗰個人呢 先 不先 去 睇下 武松 個 背脊 ，見到 啲 棍 傷 佢 就 話 喇 ：
怪喇 ，睇 個 樣 ，係 打咗 冇 幾耐 嘅 傷痕 嚟 咋喎 。
佢 又 轉過嚟 前面 睇下 ，用 隻 手 揦住 武松 個 頭髮 摵 高 佢 個 頭 ，定眼 一 睇 ：
哦 ，呢個 唔係 我 兄弟 武二郎 咩 ？
武松 一聽 就 擘開 雙眼 喇 ，睇睇 嗰個人 就 話 ：哎呀 ，你 唔係 我 阿哥 ？
嗰 個人 即刻 叫 啲 人話 ： 快 啲 同 我 解開 佢 ， 佢 係 我 嘅 兄弟 嚟 啊 。
嗰個 着 鵝黃 衲襖 嘅 ，同埋 捱打 嘅 ，都 吃咗 一 驚 喎 ：
嗯？ 師父 ，點解 呢個人 會 係 你 嘅 兄弟 嚟 啊 ？
嗰個人 就 話 ：
佢呀 ，就係 我 時時 同 你哋 講起 嘅 嗰個 喺 景陽岡 上 打 虎 嘅 武松 啊 ！
我 都 唔知 點解 佢 而家 做咗 行者 嘅 。
嗰 兩 兄弟 聽咗 呀 ，連忙 解開 武松 ，攞 幾件 乾衣服 畀 佢 着返 ，扶住 佢 入去 大廳 裏 便 。
武松 正話 要 跪 低 行禮 ， 嗰 個人 又驚又喜 扶住 武松 話 ：
兄弟 你 酒 都 未 醒 啊 ，坐 一陣 先至 講 啦 。
其實 武松 見咗 嗰個人 啊 ，一 歡喜 上嚟 ，啲 酒 都 醒咗 五成 咯 。
佢 洗過 口面 ，食咗 啲 醒酒藥 就嚟 拜見 嗰個 人 ，傾下 分別 之後 嘅 情形 咯 喎 。
噉究竟 嗰個人 係 邊個 呢 ？
原來 佢 就係 宋江 宋公明 。
武行者 就 話 ：一直 都 以為 阿哥 喺 柴大官人 嗰處 ，點解 會 嚟到 呢度 啊 ？
兄弟 我 唔係 同 阿哥 你 夢中 相會 吖嘛 ？
宋江 就 話 喇 ：我 自從 同 你 喺 柴 大官人 屋企 分別 之後 ，我 仲 喺 嗰度 住咗 成 半年 。
又唔知 屋企 點 ，怕 父親 有 咩嘢事 啦 ，就 叫 我 細佬 宋清 返去 先 。
收尾 接到 屋企 有 信 嚟 話 ：
官司嗰件事 ，多得 朱 、雷 兩位 都 頭 幫忙 ，屋企 已經 冇事 喇 ，只係 要 緝捕 正身 啫 ；
已經 發出 咗 通緝 嘅 文書 喇 噉 。
呢件事 呢咁 就 已經 鬆翻啲 啦
呢處 嘅 孔太公 啊 ，屢次 三番 ，搵人 去 我 屋企 問 我 個 消息 。
收尾 見到 宋清 返嚟 喇 ，話 我 喺 柴大官人 嗰處 噉 。
因此呢就 特登 派人 去 柴大官人 嗰處 ，接咗 我 嚟 呢度 。
呢呢處 就係 白虎山 喇 。
呢間莊 係 孔太公 嘅 。
啱先 同 你 打交 嘅 嗰個 就係 孔太公 嘅 細仔 ，因為 佢 個人 好 性急 ，鍾意 同 人哋 爭執 嘅 ，到處 都 叫 佢 做 獨火星 孔亮 。
呢呢個 着 鵝黃 衲襖 嘅 ，就係 孔太公 嘅 大仔 ，人人 都 叫 佢 做 毛頭星 孔明 。
因為 佢哋 兩個 都 鍾意 學習 下 槍棒 武藝 ，我 誒 指點 佢哋 幾下 ，所以 佢哋 叫 我 做 師父 啦 ，哈哈哈哈 。
我 喺 呢處 住咗 成 半年 喇 。
我 而家 正 話 想 去 清風寨 行 一趟 ，呢 兩日 啱啱 想起程 嘅 。
我 喺 柴大官人 屋企 嘅 時候 ，就 聽 啲 人 講話 你 ，喺 景陽岡 打咗 老虎 ，又 聽 你 喺 陽穀縣 做咗 都頭 噉 話 ，收尾 又 話 你 鬥 殺咗 西門慶 。
再後呢 就 唔知 你 充軍 充咗 去 邊處 喇 。
係咯 ，你 點解 會 做咗 行者 啊吓 ？
武松 就 回答 佢 話 ：
小弟 自從 喺 柴大官人 屋企 同 阿哥 你 分別 之後 ，去到 景陽岡 ，打 咗 老虎 ，送 咗 去 陽穀縣 ，知縣 就 抬舉 我 做咗 個 都頭 。
後來 因為 阿嫂 不仁 ，同 西門慶 通姦 ，用 毒藥 嚟 毒死 咗 我 先兄 武大 ；
我 就 將 佢哋 兩個 都 殺咗 ，然後 我 就 去 本縣 自首 喇 轉咗 去 東平府 處理 。
收尾 得到 陳府尹 一力 救濟 ，將 我 刺配 去 咗 孟州 。
跟住 ，武松 呢 ，就 講 佢 去到 十字坡 ，點樣 遇見 張青 、孫二娘 ；
去到 孟州 又 點樣 會見 施恩 ，點樣 打咗 蔣門神 又 點樣 殺咗 張都監 一 十五 口 ，又 趯返 去 張青 屋企 ；
母夜叉 孫 二娘 呢 ，又 教 佢 做 個 頭陀 行者 ；
過蜈蚣嶺 試刀 ，殺咗 王道人 ；
又 喺 間 酒店 處 飲酒 醉 打咗 孔亮 噉 等等 將 啲 事情 啊 ，從頭到尾 講 畀 宋江 聽 。
孔明 、孔亮 兩個 聽咗 呀 ，嘿 又 驚奇 又 佩服 啊 ，跪低 就 拜 。
武松 慌忙 答禮 話 ： 先頭 多多 衝撞 ， 唔 好 怪 ， 唔 好 怪 啊 ！
孔明 、孔亮 就 話 喇 ：我 弟兄 兩個 真係 有眼不識泰山 ，萬望 恕罪 啊 ！
既然 兩位 咁 睇 得 起 我 武松 ， 唔 該 同 我 焙 返乾 度牒 、 書信 ， 同埋 啲 行李 衣服 ；
唔好 失咗 嗰 兩 把 戒刀 同埋 嗰 串 念珠 啊 。
呢啲 唔使 掛心 ，小弟 已經 叫 人 去 收拾 喇 ，整頓好 就 奉還 。
武行者 就 多謝 一番 啦 。
宋江 又 請咗 孔太公 出嚟 同 武松 見面 。
孔太公 就 擺酒 款待 呢啲 不在 話下 喇 。
當晚 ，宋江 又 請 武松 同埋 喺 床 瞓 ，傾講 下 呢年幾 以嚟 嘅 事 ，宋江 個 心 就 好 歡喜 。
第日 ，孔太公 又 叫 劏羊 殺豬 ，安排 宴席 咯喎 。
孔明 梗係 出嚟 陪 啦 。
孔亮 呢 ，雖然 捱咗 一餐 打 ，周身 酸痛 啊 ，亦都 頂硬上 ，一齊 嚟 招呼 武松 。
嗰日 ，村裏 便 有 幾家 街坊 親戚 ，亦都 嚟 探望 。
又 有 幾個 徒弟 ，亦都 嚟 拜見 。
宋江 個 心 更加 高興 。
當日 散咗 席 之後 ，宋江 問 武松 話 喇 ：
二哥 ，今後 你 想 去 邊處 安身 呢 ？
武松 就 話 喇 ：
尋晚 ，已經 對 阿哥 講過 啦 ，菜園子 張青 寫信 畀 我 ，叫 我 投奔 二龍山 寶珠寺 ，去 花和尚 魯智深 嗰處 入夥 。
佢 隨後 都 會 上山 。
噉 亦 好 。
我唔瞞你講啦 ，我屋企 近日 有信嚟 ，話 清風寨 知寨 小李 廣花榮 ，佢 知道 我 殺咗 閻婆惜 ，幾次 寄信嚟 畀 我 ，叫 我 點都 要 去 佢 個 寨 處 住下 。
呢處 離開 清風寨 冇 幾 遠 嘅啫 ，我 呢 兩日 ，正話 要 起程 去 㗎喇 。
因為 天氣 唔好 ，陰晴不定 我 未 起程 啫 。
過幾日 我 就 要 去 嗰處 行 一趟 ，不如 你 同埋 我 一齊 去 呢 好唔好 啊 ？
武松 就 話 喇 ：哎阿哥 ，我 真係 感激 你 個 好 情分 ，帶 協 兄弟 去 投奔 嗰處 住 一 段 時候 。
不過 武松 所犯 嘅 罪 咁 重 ，就算 遇到 大赦 都 唔會 得到 赦免 嘅 ，因此 我 就 下咗 決心 ，去 投奔 二龍山 落草 避難 。
而且 我 又 做咗 頭陀咯 ，難以 同 阿哥 你 一齊 去 啦 。
萬一 喺 路上 畀 人哋 懷疑 ，有 咩 三長兩短 ，就 會 連累 阿哥 你 。
就算 阿哥 同 兄弟 同死 同生 喇 ，噉 亦 會 連累 咗 花榮 嗰個 清風寨 㗎 。
阿哥 你 仲 係 由得 我 去 投奔 二龍山 罷喇 。
上天 如果 可憐 ，第日 唔死 受咗 招安 ，到時 再嚟 探訪 阿哥 你 啦 。
兄弟 你 既然 有心 歸順 朝廷 ，皇天 必定 保佑 嘅 。
你 要 去 二龍山 我 亦 唔 勸 你 咯 ，噉 ，你 喺度 陪 我 住 多 幾 日 先至 去 啦 。
噉佢哋兩個呢 ，喺 孔太公 間莊 處 一 住 就 住咗 十日 有多 。
宋江 同 武松 要 走 喇 ，孔太公 父子 邊度 肯 放 佢 走住 吖 。
又 留低 住咗 四五 日 添 ，宋江 啊 堅決 要 起程 喇 呢趟 ，孔太公 只有 安排 筵席 送行 喇 。
款待咗 一日 ，第日 ，攞出 新做 嘅 一套 行者 衣服 ，黑布 長袍 ；
與及 帶嚟嘅 度牒 、書信 、界箍 、念珠 、戒刀 、金銀 之類 嘅 嘢 ，交還 畀 武松 。
又 各 送 銀 五十 兩 作為 路費 。
宋江啊 推辭 唔肯 要 ，孔太公 父子 邊處 肯 㗎 ，就 攞嚟 包 喺 佢 個 包袱 裏 便 。
宋江 整頓咗 衣服 器械 ；
武松 呢 ，就 學 似 以前 噉 ，着返 行者 嘅 衣服 ，戴上 鐵界箍 ，掛起 人頭骨 嘅 念珠 ，掛返 兩把 戒刀 ，收拾好 包袱 ，扎 喺 條 腰 處 。
宋江 提起 朴刀 ，掛 把 腰刀 ，戴上 氈笠 ，就 辭別咗 孔太公 。
孔明 、孔亮 兩 兄弟 ，叫 個 莊客 挽住 行李 ，噉 就 一直 送咗 二十幾 里 路 。
宋江 呢 ，就 自己 孭 返 個 包袱 喇 ，佢 話 ：
唔使啲莊客 送 咁遠 喇 ，我 自己 同 武二郎 去得 喇 。
孔明 、孔亮 於是 就 辭別 咗 佢哋 兩個 ，自己 同 莊客 返 屋企 呢啲 不在 話下 喇 。
而家 就係 講下 宋江 同 武松 兩個 啊 ，佢 一路 行 一路 傾 啲 閒偈 ，行到 天 黑 ，唞咗 一 晚 。
第日 朝頭早 起身 呢 ，食完 早飯 又 行咗 四五十里 ，就 嚟到 一個 市鎮 ，呢處 叫做 瑞龍鎮 ，係 一個 三岔路口 嚟嘅 。
宋江 就 問 下 當地人 喇 ：
借問 ，我哋 想 去 二龍山 、清風鎮 ，唔知 混 邊 條 路 行 呢 ？
鎮上 嗰個人 就 回答 佢 話 ：
哦 ，呢 兩處 呀 ，唔同 路 㗎 喎 。
喺 呢處 要 去 二龍山 呢 ，就 向 西 便 嗰 條 路 行 ；
如果 要 去 清風鎮 ，就 行 東面 嗰 條 路 就 啱喇 ，呢 ，過咗 清風山 就係 喇 。
宋江 問 清楚 ，就 對 武松 話 ：兄弟 啊 ，我 同 你 今日 分手 ，就 喺 呢處 同 你 飲 幾杯 分別 啦 。
武行者 就 話 ：等 我 送 多 阿哥 你 一程 ，先至 返轉頭 行 都 唔 遲 。
唔好咯 ，自古 話 送君 千里 終須 一別 啊 。
兄弟 ，你 要 顧念 自己 嘅 前程 萬里 ，早啲 去 嗰處 ，吓 。
入咗夥之後 ，少 飲啲酒 ，唔好 發脾氣 。
如果 得到 朝廷 招安 ，你 就 要 勸 下 魯智深 、楊志 佢哋 一齊 投降 。
日後 去到 邊疆 ，一刀一槍 ，博得 個 封妻蔭子 ，日後 喺 青史 上 留返 個 好名聲 ，亦 不枉 都 為人 一世 吖 。
唉 我 自問 百無一能 咯 ，雖然 有 一個 忠心 啊 ，都 係 唔能夠 有 咩 進步 㗎 喇 。
兄弟啊 ，你 咁 英雄 一定 做得 一番 大事業 嘅 ，你 記住 愚兄 嘅 說話 啦 。
佢哋 兩個 喺 酒店 上 飲咗 幾杯 ，畀咗 酒錢 。
兩個人 出咗 酒店 行到 市鎮 嘅 盡頭 ，一個 三叉路口 ，武行者 跪低 拜咗 四拜 。
宋江 流起 眼淚 真係 唔忍 同佢 分別 ，佢 又 吩咐 武松 話 ：
兄弟 ，唔好 唔記得 我 個 說話 ，吓 ，千祈 要 飲 少啲 酒 ，唔好 發脾氣 。
保重 ， 保重 啊 ！
兩個人 分別咗 ，武行者 就 跟住 西便條路 去咗 咯 。
嗱 ，各位 聽眾 記住 咯喎 ，武行者 就 去咗 二龍山 投奔 魯智深 、楊志 入夥 喇 。
呢啲 不在 話下 喇 。
而家 單單 講下 宋江 。
佢 同 武松 分別 之後 啊 ，一 轉身 向住 東便 ，就 行去 清風山 啦 ，喺 路上 一味 掛住 武行者 。
又行咗幾日 ，呢 ，遠遠 就 望見 清風山 。
嗰座 清風山 呀 ，樹木 稠密 ，風景 非常之 好嘅 。
宋江 見到 個 心裏面 好 歡喜 ，一路 行 一路 睇 。
行下行下 ，哈 ，錯過咗 住宿 嘅 客店 添 ，佢 都 冇 諗到 今晚 要 住 邊處 㗎 喎 。
眼睇住天 就 黑喇 ，宋江 個 心慌喇 ，佢 諗 ：
如果 係 天時 熱 ，求其 喺 樹林 裏 便 過 一 夜 都 冇 問題 吖 ；
之而家 係 天 冷噃 ，風霜 凜冽 ，夜晚 咁 寒冷 ，好 難 捱 㗎 。
如果 仲 走 隻 咩嘢 毒蛇 虎豹 出嚟 噉 點 抵擋 啊 唔係 連 命 都 冇埋 ？
佢 急急腳 ，一味 向住 東面 小路 撞過去 。
約莫 行到 夜晚 一更 嘅 時分 ，個 心 啊 越 行 越 慌 ，都 睇唔見 路 咯 ，一下 𠽤到 一條 絆腳索 。
樹林 裏 便 唥唥聲 銅鈴 響 ，即刻 有 十四五 個 埋伏 喺度 嘅 小嘍啰 走出嚟 ，喎嗬 噉 嗌 一 聲 ，將 宋江 捉住 ，用 一條 麻繩 綁實 ；
搶咗佢嘅朴刀 、包袱 ，點起火把 ，將 宋江 啊 押上山 喇 。
宋江 啊 一味 叫苦 係啦 。
押到 山寨 喇 ，宋江 喺 火光 下 便 一 睇 ：
四周圍 都係 木柵欄 ，當中 一座 大廳 ，廳上面 放住 三把 虎皮 交椅 ，後便 呢 ，有 百零間 草屋 。
小嘍啰 將 宋江 啊 扎粽 咁 扎 啊 ，將 佢 綁 喺 條 柱 上 便 。
有 幾個 喺 廳 上面 嘅 小嘍啰 就 話 喇 ：
大王 啱啱 先至 瞓 ，唔好 去 報住 喇 。
等陣 大王 酒醒 喇 ， 先至 請 佢 哋 起身 ，劏 咗 呢 個 牛 子 攞 佢 個 心肝 做醒 酒湯 嚱， 我 哋 大家 得 餐食 啦 嘛 ， 有 新鮮 肉食 啊 好 滋味 啊 。
宋江 綁住 喺 條 柱 上 便 個 心 諗 嘞 ：
唉 ，我 條命 ，乜 咁 唔好㗎 ，只為 殺咗 個 噉嘅 女人 ，搞到 今日 咁 苦 。
點想到 呢一 札 骨頭 ，會 斷送 喺 呢處 嚟 呢 。
呢個 時候 ，啲 小嘍啰 點 起 燈火 咯 。
宋江 呢 已經 凍到 成身 都 痺晒 逳 都 唔 逳得 ，只有 用 雙眼 四周圍 噉 望下 ，耷低 個 頭 歎氣 啦 。
約莫 到咗 二三更 ，只見 大廳 後便 ，有 四五個 小嘍啰 行出嚟 話 ：大王 嚟喇 ！
即刻 就 將 大廳 嗰啲 燈燭 呀 ，摵得 光亮晒 。
宋江 偷眼 一 睇 ，只見 出嚟 嗰個 大王 啊 ，頭上 包住 一條 紅絹帕 ，身上 披住 一件 棗紅色 嘅 紵絲 衲襖 ，出到嚟 就 坐 喺 當中 個 虎皮 交椅 上 便 。
嗰個 大王 呀 ，生得 赤髮 黃鬚 ，臂長 腰闊 。
呢個 好漢 係 山東 萊州 人氏 ，姓 燕 名 順 ，綽號 錦毛虎 。
本來 係 販賣 羊馬 商人 出身 ，因為 蝕咗 本 ，留落 喺 綠林 裏 便 打劫 。
呢個 燕順 ，酒醒 起身 ，坐 喺 中間 把 交椅 上面 就 問 喇 ：
孩兒 們 啊 ， 喺 邊 處 捉 到 呢 個 牛 子 啊 ？
啲 小嘍啰 就 回答 話 喇 ：
我哋 正 喺 後山 埋伏 ，只 聽見 樹林 裏 便 銅鈴 唥唥 聲響 。
哈哈 ，原來 呢個 牛子 一個人 孭住 個 包袱 ，𠽤到 條 絆腳索 一跤 跌 喺 地 嚟 ，所以 就 捉咗 返嚟 ，獻畀 大王 做 醒酒湯 啊 。
燕順話喇 ：啱晒 ！快啲 同我 請埋 兩位 大王 出嚟 一齊 食 。
小嘍啰 去咗 冇幾耐 ，只見 喺 大廳 嘅 兩便 啊 ，有 兩個 好漢 行 出嚟 。
左便 一個 ，五短身材 ，一雙 光眼 ，着 一件 天青色 嘅 衲襖 。
呢個 好漢 ，係 兩淮 人士 ，姓 王 ，名 英 ，因為 佢 五短身材 ，江湖 上 叫 佢 做 矮腳虎 。
佢 原來 係 一個 開車 嘅 ，因為 有次 喺 半路 見 財 起意 啊 ，打劫 咗 啲 客人 ，收尾 又 拉 咗 去 坐監 ，畀 佢 越獄 走咗 ；
上咗清風山 ，同 燕順 就 霸佔住 呢座山頭 打家劫舍 。
噉 右便 呢個 呢 ，生得 白白淨淨 ，三牙 掩口 鬍鬚 ；
亦扎住頂絳紅頭巾 ，着 一件 銷金油綠衲襖 。
呢個 好漢 ，係 浙西 蘇州 人氏 ，姓 鄭 ，雙名 天壽 ，為因 佢 生得 白淨 俊俏 唄 ，人人 都 叫 佢 做 白面 郎君 。
佢 原來 係 打銀器 為生 ，因為 佢 自細 好學習 槍棒 啊 ，就 留落 喺 江湖 上 。
有次 經過 清風山 ，撞啱 王矮虎 ，同佢 鬥咗 五六十個 回合 ，不分勝敗 。
燕順 見到 佢 咁 好 武藝 唄 就 留 佢 喺 山上 便 坐 咗 第三 把 交椅 。
當時 三個 頭領 坐落喇 ，王矮虎 就 話 ：
孩兒們 ，而家 做 醒酒湯 就 啱喇 。
快啲逳手 ，攞 呢個 牛子 嘅 心肝 嚟 ，做 三份 醒酒 酸辣 湯 。
只見 有 個 小嘍啰 捧 咗 大 銅盆 水 出嚟 ，放 喺 宋江 面前 ；
又 有 個 小嘍啰 呢 ，捲起 衫袖 ，隻 手 就 揸住 一把 擸擸亮 嘅 挖心尖刀 。
嗰個 捧水 個 小嘍啰 呢 ，就 用 雙手 戽 啲 水 嚟 淋 宋江 個 心口 咯噃 。
做咩事呢 ？哈有名堂 。
原來 但凡 個人 心 啊 ，都 係 畀 啲 熱血 包住 㗎 嘛 ；
將 呢啲 冷水 潑 散 咗 啲 熱血 ，攞 心肝 出嚟 嘅 時候 啊 ，就 爽脆 好食 喇 噉 。
個 小嘍啰 將 啲 水 戽 下戽下 ，就 戽到 宋江 塊 面 。
宋江 歎 一口氣 話 ： 唉 ， 可惜 宋江 今日 死 喺 呢 度 嚟 啊 。
燕順 親耳 聽到 宋江 兩個字 就 喝住 小嘍啰 話 ：唔好 戽水住 ！
嗰個 傢伙 講 咩 宋江 嘩 ？
個 小嘍啰 就 回答 喇 ：
嗰個嘢話 ，乜 可惜 宋江 今日 死 喺 呢度 喎 。
燕順 企起身 ，佢 問 ：喂 ，你 識得 宋江 咩 ？
我就係 宋江 喇 。
燕順 行到 身邊 ，又 問 佢 ：你 係 邊處 嘅 宋江 啊 ？
我就係 濟州 鄆城縣 做 押司 嘅 宋江 。
嗬 ？莫非 你 就係 山東 及時雨 宋公明 ，殺咗 閻婆惜 ，逃咗 出嚟 喺 江湖 上 嘅 宋江 ？
你 點知 㗎 ？我 就係 宋三郎 啊 。
燕順 聽咗 大吃一驚 ，即刻 喺 小嘍啰 手上 搶過 把 尖刀 ，將 麻繩 都 割斷 咗 ；
又 將 自己 身上 披 嗰件 棗紅色 紵絲 衲襖 除咗 落嚟 ，褸 喺 宋江 嘅 身上 ；
攬住 佢 埋去 中間 嘅 虎皮 交椅 上面 坐落 ，嗌 王 矮 虎 、鄭 天壽 快啲 落嚟 。
三個人 跪低 就 拜 。
宋江 即刻 亦 跪低 答禮 佢 話 ：
三位壯士 ，點解 唔殺 小人 ，反而 行 咁重禮 咩嘢 意思 啊 ？
燕順就話 ：小弟 真係 要 用 把 尖刀 挖咗 自己 雙眼 啊 我 都 係 不識 好人 。
一時間 覺察 唔到 ，問 少 兩句 唧 爭啲 害死 咗 義士 添 。
如果唔係天意 ，使到 仁兄 自己 講出 自己嘅 姓名 嚟 呀 ，我哋 點 知道 吖 ？
小弟 喺 江湖 上 綠林 之中 ，行咗 十幾年 ，聞得 賢兄 仗義 疏財 ，濟困 扶危 嘅 大名 ；
只係 怨恨 緣份 淺薄 唔能夠 拜識 尊顏 ；
今日 個 天使 到 我哋 能夠 相會 ，哎 真係 稱心如意 咯 。
宋江 就 回答 話 ：
諒 我 宋江 有 何 德 何能 ，使到 足下 咁 掛心 錯愛 吖 ？
燕順 就 話 喇 ：仁兄 禮賢下士 ，結納 豪傑 ，名聞 寰海 ，邊個 唔 欽敬 啊 ？
梁山泊 近來 咁 興旺 ，四海 皆 聞 。
聽 人哋 講 ，呢啲 都 係 全 靠 仁兄 㗎 咋 。
啊係咯 ，唔知 仁兄 點解 會 嚟到 呢處 呢吓 ？
於是 宋江 就 將 救 晁蓋 嘅 事 ，殺 閻婆惜 嘅 事 ；
又 去 投奔 柴進 同 孔太公 嗰度 住咗 好 耐 ；
而家 呢 ，要 去 清風寨 搵 小李 廣花榮 等等 ，都 講晒 畀 佢哋 聽 。
三個 頭領 好 歡喜 啊 ，即刻 攞 套 衣服 ，畀 宋江 着咗 。
一面 又 叫 殺羊 劏馬 ，漏夜 擺酒 。
當晚呀 一直 飲到 五更 先至 散席 ，就 叫 小嘍啰 服侍 宋江 休息 嘞 。
