武松 啊 畀 四個人 捉住 ，拉咗 入 間 屋仔 ，眼睇住 要 畀 人 不明不白 噉 殺死 ，個 心 就 好 唔抵 㗎 。
嗰 四個 人 攞住 個 包袱 ，喺度 大聲 噉 嗌話 ：
大哥 ，大嫂 ，快啲 起身 咯 喂 ，我哋 捉到 隻 肥嘢 嚟 啊 。
只聽見 前面 有人 應喇 ：我嚟喇 ，你哋 唔好 逳手 ，等 我 自己 嚟 劏 。
冇幾耐 ，只見 兩個人 行入嚟 。
武松 睇 下 ， 前 便 係 一個 女人 ， 背後 係 一個 大漢 。
嗰 兩個 人 定 眼 睇住 武松 ，個 女人 就 話 喇 ：
哎呀 ，呢個 唔係 阿叔 武都頭 咩 ？
個大漢 就 話 ：快啲 解開 我 個 兄弟 ！
武松 一 睇 ，嘿呀 原來 嗰 大漢 唔係 邊個 噃 ，原來 係 菜園子 張青 ，呢個 女人 就係 母夜叉 孫二娘 。
嗰 四個人 就 吃咗 一驚 啦 ，喇喇聲 解開 條 繩 ，畀返 啲 衣服 過 武松 着 。
頭巾 呢 已經 掹爛咗 咯 ，就 攞 頂 氈笠 嚟 畀 佢 戴 啦 。
原來 呢個 張青 啊 ，佢 十字坡 酒店 作坊 呢 有 好幾 笪 嘅 ，所以 武松 就 唔 認得 。
張青 請 佢 出去 前面 鋪面 坐 ， 行過禮 ， 張青 就 問喇 ： 賢弟 乜 搞 到 噉 樣 啊 ？
武松 就 話 啦 ：哎 ，一言 難盡 啊 ！
自從 同 你 分別 之後 ，去到 牢城營 ，就 得到 施管營 個仔 叫做 金眼彪施恩 ，佢 同 我 一見如故 ，每日 都 好酒 好肉 嚟 請 我 。
點解 呢 ？為 因 佢 有 一座 酒肉店 啊 ，喺 城東 快活林 裏 便 ，好 搵錢 嘅 ；
但係 畀 一個 張 團練 帶嚟 嘅 蔣門神 嗰個 傢伙 ，倚勢 豪強 ，公然 白白 噉 搶咗去 。
施恩 將 呢件事 講 我 聽 ，我就 路見不平 ，醉 打咗 蔣門神 ，同 佢 搶返 快活林 。
所以 施恩 係 非常之 敬重 我 。
收尾 ， 嗰 個 張團練 買通 咗 張都監 ， 定 咗 計謀 ，攞 咗 我 去 做 親隨 ， 夾計 嚟 陷害 我 噃， 同 蔣門神 報仇 。
呢 ，嗰日 八月十五 夜晚 ，嗌話 有 賊 啊 氹 我 入去 裏 便 ，就 將 啲 金銀 酒器 預先 放 喺 我 箱籠 處 插 贓 ；
捉咗 我 解去 孟州府 ，冤戾 我 做 賊 ，屈打成招 就 韞 喺 監 嚟 。
好彩 施恩 上上下下 同 我 使 錢 所以 冇 受到 苦 。
又 得到 辦案 嗰個 葉孔目 ，仗義 疏財 ，唔肯 陷害 好人 。
又得到 監牢 裏 便 一個 康節級 ，佢 係 同 施恩 最好 嘅 。
兩個人 一力 幫忙 ，等 我 期限 滿咗 ，打咗 我 廿棍 就 充軍 去 恩州 。
尋晚 出咗 城 ，嗰個 張 都監 夾 定 計 ，要 蔣 門神 派 咗 兩個 徒弟 去 幫 押解 嘅 差人 ，要 喺 路 上面 嚟 整死 我 喎 。
去到 飛雲浦 靜僻 嘅 地方 ，佢哋 正 話 想 逳手 ，畀 我 兩腳 就 將 佢 嗰 兩個 徒弟 踢咗 落水 。
嗰 兩個 差人 呢 ，畀 我 追上去 一人 一刀 殺死咗 ，都 掉 喺 水 裏 便 嚟 。
我諗 ：我 呢啖 氣噉 仲 未 出得 㗎 ，所以 我 就 再 返去 孟州城 。
一更四點 ，我 入到去 馬棚 ，先 殺死咗 個 養馬 嘅 馬夫 ；
我 爬入 牆 ，喺 廚房 裏 便 就 殺咗 兩個 丫鬟 ；
直上 鸳鸯樓 上便 ，將 嗰個 張 都 監 、張團練 同 蔣 門神 三個 嘢 都 殺晒 ；
又 斬咗 兩個 親隨 。
落咗樓 ，將 佢 個 老婆 、仔女 、歌女 ，冚𠾴唥 都 殺死咗 。
我 漏夜 逃走 就 跳 城 出嚟 啦 。
行到五更 ，哎攰到我不得了 ，棍傷又發作咯喎 ，唔行得喇 。
就 走入 間 廟仔 裏 便 唞下 ，嘿嘿 ，點知 畀 呢 四 個 人 綁咗 嚟 ，哈哈哈哈哈哈哈哈 。
嗰 四個 夥記 就 跪 喺 地下 叩頭 話 ：
我哋 四個 都係 張大哥 嘅 夥記 嚟 ，因為 連氣 幾日 賭錢 賭 輸咗 ，去 樹林 裏 便 搵 啲 買賣 啦 。
見到 阿哥 喺 小路 嚟 ， 身上 面淋 淋漓 漓 都 係 血跡 ， 噉 就 喺 土地廟 裏 便 瞓 喎 ， 我 四個 又 唔 知 你 係 咩 嘢 人 咯 喎 。
事關 呢張 大哥 最近 就 吩咐過 ，話 要 捉 生嘅 ，所以 我哋 出去 呢 ，就 只係 帶住 撓鉤 套索 啫 ；
如果 張大哥 冇 吩咐過 呀 ，誒 都 怕 會 害咗 大哥 條命 㗎 ，哎 真係 有眼不識泰山 ，一時 冒犯咗 阿哥 你 ，真係 對唔住 啊 ，對唔住 啊 。
張青 兩 夫妻 就 笑住 話 喇 ：
我哋 因為 擔心 ，呢一排 我 只係 要 佢哋 捉 生 嘅 返嚟 。
你哋 呢 四個 傢伙 啊 ，如果 我 呢位 兄弟 唔係 咁 夠攰 ，咪 講話 你 四個 人 啊 ，你 四十個 都 唔 埋得 佢 身 啊 。
嗰 四個 夥記 一味 喺度 叩頭 係啦 。
武松 就 嗌 佢哋 起身 話 喇 ：
既然 你哋 冇 錢 去 賭 咯 ，嚟 ，我 賞 啲 畀 你哋 。
就 打開 個 包袱 攞 咗 十 兩 銀 ，交 畀 嗰 四 個 人 。
嗰 四個 夥記 就 拜謝 武松 啦 。
張青 見咗 咯 ，亦都 攞咗 幾 兩 銀 賞 畀 佢哋 四個 攞去 分 。
張青 就 話 ：賢弟 啊 ，你 都 唔知 我 幾 掛心 啊 。
我 只係 怕 你 唔知 會 有 啲 咩 嘢 事 可能 會 返轉嚟 嘅 ，所以 就 吩咐 呢 幾個 夥記 ，但凡 係 捉 啲 行貨 呢 一定 要 捉 生 嘅 。
不過 嗰 班 傢伙 哎 有時 唔 聽話 㗎 ， 所以 我 就 唔 畀 佢 哋 帶 刀 出去 啫 ， 只 係 准 佢 哋 帶 撓鉤 套索 嘅 啫 。
先頭 聽講話 捉到 人 返嚟 喎 ，我啊 疑心 喇 ，我即刻 吩咐 話 等 我 自己 嚟 噉 ，哈哈哈 ，點知 果然 係 賢弟 。
孫二娘 就 話 喇 ：只係 聽見 阿叔 話 打咗 蔣門神 ，又 係 醉咗 贏 佢 嘅 ，啲 來往 嘅 人 呀 邊 一個 唔 稱讚 吖 ？
有啲 喺 快活林 做 生意 嘅 客商 ，就 講到 呢處 啫 ，後來 嘅 事 就 唔知 喇 。
啊係喇 ，阿叔 你好攰 呢嚱 ，請 到 客房 裏 便 休息 下 先 啦 。
張青 就 帶 武松 去 客房 裏 便 瞓 。
佢 兩 公婆 ，即刻 去 廚房 準備 啲 好酒 好餸 ，等 武松 醒咗 嚟 痛飲 一餐 。
呢啲呢就暫時唔講佢喇 。
噉而家 講返 孟州 城 裏 便 張 都 監 屋企 啊 ，當晚 有 啲 人 呢 就 避開 咗 冇 死到 嘅 ，到到 五更 先至 敢 出嚟 。
啲人 就 叫醒 裏便 嘅 親隨 ，外便 當 更 嘅 軍卒 ，都 嚟 睇 下 ，就 嘈 起 上嚟 啦 。
你嘈 你嘅 事 啲 街坊 鄰舍 邊個 敢 出嚟 睇 吖 ？
一路 捱 到 天光 喇 ，就 嚟 孟州府 告狀 咯 喎 。
個 知府 聽講 咗 嘿呀 慌到 佢 不得了 ，即刻 派 人 落嚟 ，點點咗 殺死 嘅 人數 、兇手 出沒 嘅 地方 、填寫咗 圖樣 表格 ，就 返去 報告 畀 知府 話 喇 ：
呢 ，係 先 由 馬棚 入嚟 嘅 ，就 殺咗 養馬 嘅 馬夫 一人 ，有 除低 嘅 舊 衫 兩件 。
其次 ，就 到 廚房 ，殺死 兩個 丫鬟 ，喺 後門 旁邊 留落 行兇 嘅 卷口刀 一把 。
樓上 殺死 張都監 一 員 及 親隨 兩 人 。
另外 有 請到 嘅 客官 張 團練 同 蔣 門神 二人 。
白粉牆上 就 用 衣襟 蘸 血 ，寫咗 八個 大字 ：殺人者 打虎 武松 也 噉 。
樓下 就 殺死 夫人 一口 ，喺 外 便 就 殺死 玉蘭 及 奶媽 二人 ，兒女 三口 。
共計 殺死 男女 一十五名 ，擄掠 去 金銀酒器 六件 ，等等等等 。
知府 聽咗 ，就 派 人 守住 孟州 城 嘅 四道 城門 ；
點起咗 軍兵 同埋 緝捕人員 ，城裏 便 嘅 坊廂里 正啊 ，挨家挨戶 嚟到 搜查 兇手 武松 咯 喎 。
第日 ，飛雲浦 地面 嘅 保正 嚟到 報告 話 喇 ：
殺死 四個人 喇 ，見到 有 殺人 嘅 血跡 喺 飛雲浦橋 下 ，啲 屍首 都 喺 水 裏 便噉 。
知府 接咗 個 狀 ，即刻 又 派 本 縣 個 縣尉 落去 ；
一便 就 叫人 打撈起 四個 屍首 ，都 檢驗咗 咯 。
兩個 係 本府 嘅 差人 ，兩個 呢 就 自己 屋企 有 苦主 嘅 ，就 買咗 棺木 嚟 盛殮 咗 屍首 ，都 走嚟 告狀 催促 捉拿 兇手 償命 定 啦 。
喺 城裏 便 ， 閂 咗 三日 城門 ， 家家戶戶 逐一 搜查 ， 五家 一連 ， 十家 一保 啊 ， 邊處 唔 會 搜查 到 啊 ？
個 知府 就 簽發 咗 張 文書 ， 派 啲 官員 落去 該 管 嘅 地面 ， 各鄉 、 各保 、 各 都 、 各村 ， 都 要 逐家 嚟 搜捕 ， 緝拿 兇手 。
又 寫咗 武松 嘅 籍貫 、年歲 、相貌 、模樣 ，仲 畫咗 個 圖形 ，出 三千 貫 賞錢 。
如果 有人 得知 武松 下落 ，嚟到 告發 嘅 ，即刻 有 賞 ；
如果 有人 敢 藏匿 犯人 在家 食宿 嘅 呢 ，一經 查出 就 與 犯人 同罪 噉 。
又 將 呢份 公文 啊 ，發咗 去 鄰近 嘅 州府 ，一齊 嚟 緝捕 。
噉 武松 喺 張青 屋企 就 休息咗 三五日 ，打聽到 風聲 非常之 緊急 ，到處 都 話 有 差人 出城 嚟到 各 鄉村 緝捕 。
張青 知道 ，就 同 武松 話 喇 ：
二哥啊 ，唔係 我 怕事 ，唔留 你 住 啊 。
而家 官府 搜捕 得 非常之 緊急 ，逐家逐戶 噉 查 ，就係 怕 聽日 有 啲 咩 嘢 疏忽 ，就 會 埋怨 我哋 兩夫妻 啦 。
我 而家 諗到 有 個 安身 嘅 地方 畀 你 ，好好 嘅 ，先前 我 都 同 你 講過 嚟 㗎 喇 ，就係 唔知 你 個 心 肯 去 未 啫 。
武松 就 話 啦 ：我 呢幾日 亦都 諗咯 ，諗 呢件事 必定 會 爆發 出嚟 嘅 ，點 能夠 喺 呢處 安得身 㗎 ？
我 只有 一個 大佬 ，又 因為 阿嫂 不仁 害死咗 佢 ；
啱啱 能夠 嚟到 呢處 又 畀 人哋 噉樣 陷害 法 ，嘿 ！
我 祖家 親戚 都 冇 晒 嘞 。
而家 如果 阿哥 能夠 有 笪 咁 好 個 地方 叫 武松 去 咯 ，我 點 話 唔 肯 去 呢 ？
不過 唔知道 係 邊處 呢吓 ？
張青 就 話 ：係 青州 屬 下一座 二龍山 寶珠寺 ，花和尚 魯智深 ，同 一個 好漢 青畫獸 楊志 ，喺 嗰處 打家劫舍 ，稱霸 一方 。
呢 ，青州 啲 官軍 話 捉 賊 咋 ，唔 敢 正眼 睇 佢哋 㗎 。
除非 賢弟 你 去 嗰處 安身 啦 ，噉 就 可以 冇事 ；
如果 去 第二處 呀 ，終歸 會 畀 官府 捉到 嘅 。
佢 嗰度 時時 都有 信 嚟 嘍 我 去 入夥 ，我 係 因為 呢處 故土 難移 就 未曾 去 啫 。
嗱 ，我 寫 封 信 ，講 清楚 二哥 你 嘅 本事 ，噉 佢 睇 我 份 上 ，冇 話 唔 侵 你 入夥 嘅 。
武松 就 話 喇 ：大哥 講得 啱 ，我 亦都有心 㗎喇 ，只係 因為 時辰 未到 就 緣份 唔啱 啫 。
今日既然係殺咗人 ，事情暴露咗 又冇地方匿 ，你呢個辦法就最好咯 。
大哥 ，你 寫信 畀 我 去 ，我 今日 就 起行 。
張青 跟手 攞 張 紙 嚟 ，詳詳細細 噉 寫咗 封 信 就 交咗 畀 武松 ，又 安排 酒席 送行 嘞 。
只見 母夜叉 孫 二娘 指住 張青 話 ：哎呀 你噉樣 就 叫 阿叔 去 呀 ，前面 實 畀 人 捉到 都 得 啦 。
武松 就 話 喇 ：阿嫂 ，你 點解 話 我 噉樣 唔去得 呢 ？點解 會 畀 人 捉 呢 ？
孫二娘 就 話 喇 ：
阿叔啊 ，而家 官府 處處 都 發咗 文書 ，出 三千 貫 賞錢 嚟 捉 你 ；
仲 畫晒 你嘅 樣 ，寫明 籍貫 、年歲 ，到處 都 掛起晒 ；
而且 阿叔 你 個 面 ，而家 伶伶俐俐 刺咗 兩行 金印 嘅 ，你 行 出去 呀 ，點 都 呃 人 唔到 㗎 。
張青 就 話 喇 ：唓 ，噉 喺 塊 面 處 貼 兩個 膏藥 咪 得 咯 。
孫二娘 就 笑住 話 喇 ：
嘿嘿 ， 嘿嘿 ， 天下 間 只有 你 係 最 精 啊 ， 諗 埋 晒 啲 噉 樣 嘅 辦法 喎 ， 噉 樣 點樣 呃 得過 啲 差 人 嘅 啫 ？
嗱 ，我 有 個 辦法 ，只係 怕 阿叔 你 唔肯 唧 。
我既然 為咗 要 逃災避難 ，點會 話 唔肯 㗎 ？
不過 我 講出嚟 ，阿叔 你 唔好 嬲 噃 。
阿嫂 你 即管 講 啦 ，你 講 乜嘢 我 都 聽 你 嘅 。
嗱 ，兩年前 ，有 個 頭陀 喺 呢處 經過 ，就 畀 我 做低咗 ，要 嚟 做咗 幾日 包餡 。
之佢 有啲 嘢 我 留低 喺 處 噃 ：
留低 一個 鐵界箍 ，一身 衣服 ；
一件 黑布 長袍 ，一條 雜色 腰帶 ；
一本度牒 ，一串 一百零八 個 人 頂骨 嘅 念珠 ；
一個 沙魚皮 做嘅 刀鞘 ，插住 兩把 雪花 鑌鐵 打成 嘅 戒刀 。
呢 兩 把 刀 呀 ，周 時 喺 半夜 都 會 生生 聲響 㗎 ，阿叔 以前 你 都 見過 㗎 啦 。
而家 你 既然 要 走 難咯 ，除非 你 將 頭髮 剪咗 做 個 行者 ，噉 就 遮得住 塊 面 上 嘅 金印 喇 。
而且 又 有 呢本 度牒 做 護身符 添 ，年歲 、相貌 ，又 同 阿叔 你 相符 嘅 ，真係 好似 前世 注定 嘅 噉 啊 。
阿叔 你 又 認咗 佢 個 名 ，一路 去 ，邊個 敢 嚟 盤問 啦 ，你 話 噉樣 好唔好 吖 ？
張青 就 拍住手 噉 話 喇 ：嘿 二娘 講得啱 啊 ，哈哈哈 ，我 都 唔記得 有 呢一着 添 。
正是 緝捕 急如 星火 ，顛危 好似 風波 。若要 免除 災禍 ，且須 做個 頭陀 。
張青 就 話啦 二哥 ，你 話 點 吖嗱 ？
武松 就 話 啦 ：噉 亦 好 ，就係 怕 我 唔 似 個 出家人 噉樣 唧 。
張青話 ：嚟 ，等我 同你 打扮 一下 睇下 吖嗱 。
二娘啊 ，你 攞 啲 嘢 嚟 啦 。
孫 二娘 又 返入 房 攞 咗 個 包袱 出 嚟 打開 咗 ，攞 出 好多 衣服 就 畀 武松 着 咯 喎 。
武松 搦起嚟 睇下 就 話 喇 ：哈哈 ，就好似 專登 同 我 做 嘅 噉喎 。
佢 着 一件 黑長袍 ，攬咗 條 腰帶 ，將 頂氈笠除 咗 就 打散啲 頭髮 ，將 個 戒箍 嚟 箍住 ，掛起 串 念珠 。
張青 、孫二娘 見咗 ，都 喝彩 話 ：真係 前生 注定 啊 ！
武松 攞 面鏡 嚟 照 下 ，一 照 自己 都 哈哈大笑 起上嚟 。
張青 就 話 喇 ：二哥 ，你 點解 咁 好笑 啊 ？
武松 就 話 啦 ：我 睇見 自己 個樣 都 好笑 ，我 做 個 行者 都 得 個 喎 。
大哥 ，唔該 你 同 我 剪 啲 頭髮 啦 。
張青 攞起 把 鉸剪 ，就 幫 武松 將 前後 嘅 頭髮 都 剪咗 。
呢 ，有 詩 為 證 喎 ：
打虎 從來 有 李忠 ，武松 綽號 尚 懸空 。幸有 夜叉 能 說法 ，頓 教 行者 顯 神通 。
裝扮好之後 ，武松 見 事情 緊急 ，就 執拾 包袱 要 行 。
張青 又 話 ：二哥 ，你 聽 我 講 ，唔係 話 我 貪便宜 吓 ；
你 不如 將 嗰 啲 張都監 屋企 嘅 金銀 酒器 留 喺 呢 處 ， 我換 啲 零碎 銀兩 過你 ， 等 你 一路 有 得 使 吖 ， 噉 就 萬無一失 嘞 。
武松 話 ：大哥 你 諗得到 啊 ！
於是就攞晒啲金銀酒器出嚟交畀張青 ，就換咗包散碎嘅金銀 ，都入喺個錢袋裏便攬喺條腰處 。
武松 飽飽噉 食咗 一餐 酒飯 ，佢 喺 腰處 掛起 嗰 兩把 戒刀 ，準備 起程 。
孫二娘 就 攞出 嗰 本 度牒 ，用 個 袋仔 裝好 ，就 叫 武松 貼肉 掛 喺 胸前 。
武松 拜謝咗 佢哋 兩 夫妻 。
臨行喇 ，張青 又 吩咐 佢 話 ：
二哥啊 ，你 一路 要 小心 在意 ，凡事 都 唔好 恃 自己 叻 。
酒 要 少 飲啲 ，唔好 同 人哋 爭執 鬧事 ，要 有啲 做 出家人 嘅 模樣 至 得㗎 。
總之 咩嘢事 都 唔好 發脾氣 ，免得 畀 人哋 睇穿 。
如果 到咗 二龍山 就 寫 封信 返嚟 。
我 夫妻 兩個 喺 呢處 亦 唔係 長久 之計 ，怕 冇 幾耐 都 會 收拾埋 家私 上山 嚟 入夥 嘅 。
二哥 你 多多 保重 ，吓 ，同 我 問候 魯 、楊 兩位 頭領 啦 。
武松 辭別咗 佢哋 兩個 出咗 門口 ，拂起 兩堂 衫袖 ，大搖大擺 噉 就 行喇 。
呢個 時候 ，正係 十月 嘅 天氣 ，日 短 啊 ，轉眼 就 到 夜晚 。
行咗唔到 五十里 ，就 見到 前面 一座 高山 。
武行者 趁住 有 月光 ，一步步 行 上山 咯 喎 。
呢 個 時候 呀 ， 係 初 更 咁 上下 啦 。
武行者 企 喺 山頭 上面 一 睇 ，見到 個 月光 喺 東 便 上嚟 ，照到 山嶺 上一 草 一 木 ，銀光 閃閃 。
佢 正 睇緊 月色 嘅 時候 ，只 聽見 前面 個 樹林 裏 便 有人 笑 喎 。
武行者 就 諗嘞 ：咦 ，作怪喇 ，喺 一個 靜嚶嚶 嘅 高山 上 便 有 咩 嘢 人 喺度 笑 呢吓 ？
噉佢 行去 樹林 嗰便 睇下 啦 ，只見 喺 叢林 裏 便 ，傍山 有 座 庵堂 ，大約 有 十零 間 草屋 ，打開 住 兩道 窗門 。
見到 有 個 道士 啊 攬住 個 女人 ，喺 個 窗 前 賞月 嘻嘻哈哈 笑 喎 。
武行者 見咗 ，哼 ！真係 怒從心上起 ，惡向膽邊生 。
佢 諗 ：出家人 做埋 啲 噉嘢 都 得 嘅 ！
一下就 喺 腰裏 便 掹出 嗰 兩 把 雪白 嘅 戒刀 嚟 ，喺 月光 下 便 睇咗 一 睇 ，佢 話 ：
刀真係好刀 ，不過 到咗 我手 都 未曾 發市 。
好 ，等 我 將 呢個 道士 嚟 試下 刀 先 。
佢 除開 兩隻 衫袖 ， 喺 背脊 處 扎起 上 嚟 ， 揸 住 一把 刀 ， 將 另外 嗰 把 插 返 好 。
嚟到 庵堂 嗰處 敲 門 咯喎 ，個 道士 聽見 ，嘭聲 閂 返埋 道窗門 。
武行者 見到 佢 唔 開 門 唄 ，就 攞 塊 石頭 去 打 門 啦 。
呢個 時候 聽見 咿聲 開咗 道橫門 ，有 個 道童 行 出嚟 就 喝 佢 話 ：
喂 ，你 係 咩嘢 人 啊 ？
吖咁大膽啊半夜三更 ，大驚小怪 嚟 敲門 打戶 做咩 啊你 ！
武行者 碌 大 雙眼 大喝 一 聲 話 ：我 攞 你 個 道童 嚟 祭刀 ！
話猶未了 ，手一起 ，撐噉一聲 ，道童個人 頭 跌落 一便 ，𢴈 喺 地下 嚟 。
只見 庵堂 裏 便 嘅 道士 就 大叫 話 ：邊個 敢 殺 我 道童 ！啪噉 跳出嚟 。
嗰個 道士 啊 舞住 兩把 寶劍 ，撲過嚟 武行者 處 。
武松 哈哈大笑 話 ： 你 嚟 呀 啱 晒 喇 ， 我 雙手 都 唔 知幾痕 啊 。
佢 再 拔埋 嗰 把 戒刀 出嚟 ，舞起 一雙 戒刀 嚟 迎戰 個 道士 。
兩個人 ，就 喺 月明 之下 一來一往 ，一去一回 ，乒乒乓乓 打起上嚟 。
真係 兩口 劍 寒光 閃閃 啊 ，雙戒刀 冷氣 森森 。
當時 兩個 人鬥 咗 十幾個 回合 ， 武 行者 賣個 破綻 ， 等 嗰 個 道士 兩把 劍 斬入 嚟 嘅 時候 ， 武 行者 一 轉身 ， 睇 準 咗 ， 一 戒刀 過去 ， 嘿 ， 真 係 誒 都 冇 得 誒 。
嗰個 道士 嘅 頭殼 呀 ，即刻 就 碌 喺 一便 ，個 屍首 湴 倒 喺 石 上 嚟 。
武行者 大聲 嗌話 ：
庵 裏 便 嘅 女人 出 嚟 ， 我 唔 殺 你 ， 有 啲 事 要問 清楚 你 啫 。
嗰個 女人 就 行出嚟 跪低 就 拜啦 。
武行者 話 你 唔使 拜 我 ，你 講 ，呢處 係 咩嘢 地方 ？嗰個 道士 係 你 嘅 咩嘢 人 啊 ？
嗰個 女人 就 喊住 話 喇 ：
奴家 係 呢處 山腳下 便 張太公 屋企 嘅 女 ，呢個 庵堂 ，係 奴家 祖上 嘅 墳庵 嚟 嘅 。
呢個 道士 呀 都 唔知 係 邊處 人 ，有 一日 ，佢 嚟到 我哋 屋企 投宿 ，話 佢 自己 好 識 睇 風水 嘅 喎 。
我嘅爹娘 千不該萬不該 ，留佢喺屋企住 ，請佢嚟呢度山墳睇風水 ，畀佢花言巧語氹咗 ，又留佢住多幾日 。
嗰個嘢 ，有 一日 見咗 奴家 就 唔肯 離開 咯 。
住 咗 三兩個 月 ， 將 奴家 嘅 爹娘 哥嫂 都 害死 咗 ， 將 奴家 監硬 騙 咗 嚟 呢 個 墳 庵 裏 便 住 。
嗰個 道童 ，亦都 喺 第處 搶 返嚟 嘅 。
呢個 山 叫做 蜈蚣嶺 ，嗰個 道士 見到 呢條 嶺 好 風水 ，所以 佢 就 叫 自己 做 飛天 蜈蚣 王 道人 啊 。
你 仲有冇 親眷 啊 ？
親戚 有 幾 家 嘅 ，都 係 啲 務農 嘅 人 ，邊度 敢 同 佢 爭論 啦 ？
呢個 傢伙 有冇 啲 錢 喺 處 啊 ？
噉佢 都 積蓄到 有 一二百 兩 金銀 嘅 。
有啊 ，噉 你 快啲 執拾 啦 ，我 就 要 放火 燒 庵 㗎 喇 。
師父 ，你 要唔要 食 啲 酒肉 啊 ？
有誒攞啲嚟請我食啦 。
噉 請 師父 入 庵 裏 便 食 啦 。
哦 ，你 想 搵人 嚟 暗算 我 呀 ？
奴家 有 幾多個 頭 吖 ，敢 氹 師父 咩 ？
武行者 跟 嗰個 女人 入到 庵 ，見到 窗口 旁邊 張 枱 上 便 ，擺住 有 酒 有 肉 。
武行者 攞 隻 大碗 食咗 一輪 。
嗰個 女人 執拾 好啲 金銀財帛 喇 ，武行者 就 喺 裏 便 放起 火 嚟 咯噃 。
嗰個 女人 捧住 一包 金銀 ，獻畀 武行者 ，乞求 性命 啦 。
武 行者 就 話 ： 我 唔 要 你 嘅 ， 你 自己 攞 去 養 自己 啦 ， 快 啲 走 ， 快 啲 走 ！
嗰個 女人 拜謝咗 之後 ，自己 落山 就 扯咗 咯 。
武行者 將 兩個 屍首 ，都 擗埋 喺 火 裏 便 燒 。
插返好 兩把 戒刀 ，漏夜 過咗 嶺 ，一路 行去 青州 。
喺路上 又 行咗 十幾日 ，但凡 經 嗰啲 村坊 、路邊 嘅 店舖 ，市鎮 城鄉 ，果然 都有 榜文 掛晒 喺 處 ，要 嚟 捕獲 武松 。
不過 ，雖然 到處 都有 榜文 啊 ，之 武松 啊 已經 做咗 行者 嘞 ，一路 就 冇 人 盤問 佢 喎 。
所以 呢 呢 件 事 都 係 孫 二娘 叻 啊 。
當時呢 已經 係 十一月 ，天氣 就 好 冷 。
有一日 ，武行者 一路 佢 都 買 酒 買 肉食 㗎喇 ，只係 頂唔住 個 天 咁 冷 。
佢 上咗 一 座 土岡 ，望見 前面 又 有 一 座 高山 ，十分 險峻 。
武行者 落咗 土岡 行咗 三五里 路 ，就 見到 有 間 酒店 。
門口 呢 有 一道 清清 嘅 溪水 ，屋 後 呢 就 係 大山 。
佢 入到 間 酒店 坐落 就 嗌 喇 ：
主人家 ，打 兩角 酒 嚟 先 ，有肉 就 賣啲 嚟 食 啦 。
店主 人 行過嚟 話 喇 ：
師父 ，酒 呢 有 啲 白酒 ，肉 就 賣 晒 咯 喎 。
噉啊攞酒嚟頂冷啦 。
店主人 就 走去 打咗 兩 角酒 ，用 隻 大碗 噉 斟嚟 ，畀 武松 飲 ，又 攞咗 一 碟 熟菜 畀 佢 送酒 。
冇幾耐 ，飲晒 兩角酒 嘞 ，又 叫 再 打 兩角酒 嚟 。
店主人 又 打 咗 兩角 酒 ， 大碗 噉 斟 嚟 啦 。
武行者 係 一味 飲 ，其實 佢 先頭 過 個 土岡 嗰 陣 呢 ，已經 有 三四分 酒意 㗎 喇 。
而家 連氣 飲 咗 四角 酒 喎 ， 又 畀 啲 北風 一吹 ， 酒 又 湧 上 嚟 啦 。
武松 大聲 噉嗌話 ：主人家 ，你 真係 冇 嘢 賣 呀 ？
喂 ，你 自己 食 嗰啲 肉 ，讓 啲 畀 我 食 都 好 吖 ，一齊 畀 錢 你 就 係 啦 。
個 店 主人 就 笑住 話 喇 ：哈哈哈 ，都 未曾 見過 你 噉嘅 出家人 嘅 一味 要 飲酒 要 肉食 。
之去邊處搵畀你吖師父 ，對唔住 喇 。
我 又 唔 係 白食 你 嘅 ， 誒 點解 唔 賣 畀 我 啊 ？
我 都 同 你 講過 咯 ，就係 得 呢啲 白酒 咋嘛 冇 第樣 嘢 賣 呢 。
正喺度講緊 ，只見 外便 有 一條 大漢 ，帶住 三四個 人 入嚟 酒店 。
武行者 睇下 嗰個 大漢 ：
只見佢 頭戴 赤色 嘅 魚尾頭巾 ，身穿 綠色 嘅 戰袍 ；
生得 面圓 耳大 ，唇闊 口方 ；
七尺 以上 嘅 身材 ，二十四五歲 嘅 年紀 ，真係 相貌堂堂 啊 。
嗰條 大漢 帶住 幾個 人 入嚟 店裏 便 ，個 主人 就 笑容滿面 噉 迎接 佢 話 ：
大郎 請坐 啦 。
嗰個 大漢 話 喇 ：我 吩咐 你 嘅 安排 好啦 嘛 ？
哎 ，整掂晒喇 ，雞 同埋 肉 都 煮熟咗咯 ，就係 等 大郎 嚟 啫 ，嘿嘿嘿 。
我 嗰埕 青花甕 酒 喺 邊處 啊 ？
有 ， 有 ， 有 ， 喺 處 嚟 啊 。
嗰條大漢 就 帶住 啲人 ，就 喺 武行者 對席 上 首 坐落 。
店主人 呢 ，捧咗 一埕 青花 甕酒 嚟 ，開咗 泥頭 ，倒 喺 一個 大 白盆 裏 便 。
武行者 偷眼 一 睇 ，嘿呀 ，原來 係 一埕 藏咗 好耐 嘅 靚酒 ，嗰啲 風 將 酒 嘅 香味 吹過嚟 。
武行者 聞 嗰個 酒香味 ，嘩 ，香啊 ！喉嚨 痕 到 伸出 隻手 ，痕不得 衝過去 搶嚟 飲啊 。
只見 店主人 又 去 廚房 ，用 個 托盤 啊 捧咗 一對 熟雞 ，一大碟 瘦肉 出嚟 ，放 喺 嗰個 人 嘅 面前 ；
跟住 又 擺咗 幾味 餸 ，就 𢳂啲 酒 去 坐 熱 咯噃 。
武行者 睇下 自己 面前 ，就係 得 一碟 咁多 熟菜 ，嘿 ，唔嬲 就 假 咯 。
正是 眼飽 肚中 饑 啊 ，武行者 啲 酒 又 發作 啦 ，痕不得 一錘 就 打爛 嗰 張 枱 ，佢 大聲 噉 嗌話 ：主人家 你嚟 ！你 呢個 傢伙 真係 會 欺負 客人 喇 ！
個 店主人 就 即刻 走過 嚟 話 啦 ： 師父 你 唔 好 嬲 你 唔 好 嬲 ， 要 酒 飲 就 好好 噉 講 。
武行者 瞪大 雙眼 喝佢話 ：你 呢個 傢伙 真係 冇道理 ！
呢 啲 青花 甕 酒 同埋 雞肉 之類 ， 點解 唔 賣 畀 我 ？ 我 一樣 畀 錢 你 咋 嘛 ！
店主人 就 話 ：青花甕酒 同埋 啲 雞肉 啊 都係 個 大郎 屋企 自己 攞嚟 嘅 ，不過 佢 借 我 間 店 嚟 坐下 飲酒 嘅 啫 。
武行者 個 心 一味 恨 食 ，邊處 聽 佢 解釋 咁多 吖 ，猛噉 喝 佢 話 ：你 放屁 ，你 放屁 ！
店主人 就 話 喇 ：都 未曾 見過 你 噉嘅 出家人 ，咁 蠻 都有 嘅 。
老爺 點樣 蠻法 啊 ？我 白食 你 㗎 ！
我 都 未曾 見過 出家人 自己 叫 自己 做 老爺 嘅 真係 。
武 行者 聽 咗 ， 跳 起身 嚟 ， 叉開 五隻 手指 ， 對住 店主人 塊面 ， 啪 噉 一巴 ， 將 嗰 个 店主人 呀 打 到 舂 幾 舂 ， 撞 咗 過去 嗰 便 。
