何濤 呢 就 畀 阮氏 兄弟 捉咗 去 嘞 。
而家 講返 下 嗰個 捕盜 巡檢 ，佢 又 帶住 啲 官兵 ，一直 踎 喺 船 嚟 。
嘿嘿 ，佢 話 ：唉 何觀察 仲 話 啲 差人 唔中用 要 自己 去 探路 喎 ，呢吖 ，又 係 去咗 咁 耐 都 仲 唔見 返嚟 嘅 ，唉 。
呢個 時候 ，正係 初更 左右 ，滿天 星斗 。
嗰 啲 人 仲 好 滋 悠 喎 ， 今日 就 當遊河 係 啦 噉 ， 喺 船 上面 唞 涼 。
忽然之間 ，呼噉 一聲 刮起 一浸 怪風 ，吹到 啲人 呀 揞實 塊面 ，嚇到 心驚膽跳 。
哎呀 ，弊傢伙 ，啲 船纜 都 吹斷 晒 添 。
大家 一味 叫苦 連天 啦 。
嗰班 官軍 正在 亂糟糟 唔知 點好 嘅 時候 ，聽見 後 便 有 哨子 響 嘞 。
頂住 風 望過去 睇下 ，只見 喺 蘆花蕩 側 跟 ，忽然間 火光 閃閃 。
大家 一見 就 嗌喇 ：哎呀 死咯 ，呢勻 實 死 無疑 咯 ！
啲 官軍 呢 便 呀 ，大船 細船 約莫 有 四五十 隻 ，正在 畀 啲 大風 吹 到 你 撞 我 碰 ，啷嚟啷去 。
嗰啲 火光 呢 已經 嚟到 面前 嘞 。
原來 係 一 紮 艇 仔 ， 就 由 兩隻 挾住 ， 上 便 呀 滿滿 噉 堆 住 蘆葦 柴草 ， 嗶 嗶 啵 啵 噉 燒住 ， 趁住 順風 一直 噉 衝過 嚟 。
官軍 呢 四五十 隻 船 呢 就 湧埋 一堆 ，河 湧 又 窄 噃 ，想 避 都 冇 埞 避 㗎 。
水底下 呢 ，原來 仲 有人 推住 啲 火船 燒過嚟 嘅 。
燒到 大船 上面 啲 官軍 呀 ，人人 都 跳晒 上岸 去 逃命 嘞 。
點知 四周圍 冚 都係 啲 蘆葦 蕩 、爛湴塘 ，冇 旱路 嘅 ，豈知 岸上 啲 蘆葦 ，又 係 烚烚 聲 噉 燒起上嚟 。
嗰班 捉賊 嘅 官兵 呢趟 死咯 ，兩頭 都 冇 埞趯 ，風 又 緊時 火 又 猛 啊 ，嗰班 官兵 只有 鑽晒去 啲 爛湴塘 處 企 喺 度 係 啦 。
喺啲 火光 之中 ，只見 一隻 快艇 ，有 個人 喺 船尾 撐 船 。
船頭上 ，有 一個 道士 先生 坐喺度 ，隻手 呢 ，就 揸住 一把 擸擸亮 嘅 寶劍 。
佢 大聲 噉 喝話 ：唔好 畀 佢哋 走甩 一個 啊 ！
嗰班 官兵 慌到 攬埋 一嚿 僂 啦 。
道士 先生 話口 未 完 ， 蘆葦蕩 嘅 東岸 有 兩個 人 ， 帶住 四五個 打魚 佬 ， 手上 都 揸 住 擸 擸 亮 嘅 刀槍 行過 嚟 。
西岸 呢 ，又 有 兩個 人 ，亦 係 帶住 四五個 打魚佬 嘅 ，手上 ，亦 係 揸住 擸擸亮 嘅 飛魚鉤 行過嚟 。
東西 兩岸 ，四個 好漢 帶住 呢班 人 ，一齊 逳手 ，順住 咁 殺 。
冇 幾耐啫 ，就 將 好多 官兵 都 殺死 喺 啲 爛湴 嚟 喇 。
東岸 嗰 兩個 ，係 晁蓋 、阮小五 ；
西岸 嗰 兩個 呢 ，係 阮小二 、阮小七 ；
快艇 上面 嗰個 道士 先生 ，就係 使 法術 祭風 嘅 公孫勝 嘞 。
佢哋 殺晒 啲 官兵 ，只係 剩返 何觀察 一個 人 ，好似 紮粽 噉 ，紮埋 一嚿 掉 喺 船艙 嚟 。
阮小二 將 佢 扚咗 上岸 ，指住 佢 嚟 鬧 ：
你呢個嘢吖 ，係 濟州 一個 殘害 老百姓 嘅 蠢蟲 ！
我 本來 係 想將 你 碎屍萬段 嘅 ， 之而家 呢 ， 唔 殺 你 ， 你 返到 去 ， 就 同濟 州府 管事 嗰 隻 畜生 講 ：
我哋 石碣村 嘅 阮氏 三雄 ，東溪村 嘅 天王 晁蓋 ，都 唔係 好 蝦 㗎 ！
我 冇 去 你哋 濟州城 借 糧 ，佢 亦 咪 嚟 我哋 村 處 搵 死 ！
睇真下嚟啦 ，咪話 你 係 小小 一個 州尹 啊 ，亦咪 講話 係 蔡太師 派 個 親信 嚟 捉 我哋 啊 ，就算 係 蔡京 佢 親自 嚟 ，我 亦 要 督 佢 二三十 個 大窿 。
嗱 ，我哋 放咗 你 返去 你就 唔好再嚟 喇 吓 ！
你 返去 報 個 信 畀 你 嗰個 臭爛 官人 聽 ，叫 佢 唔好 嚟 搵 死 喇 ！
呢處 係冇路嘅 ，我 叫 個 兄弟 送 你 去 路口 啦 。
於是 阮小七 呢 ，就 用 一隻 快艇 將 何濤 一直 送到 去 大路口 ，就 喝佢話 ：
嗱 ，你 混 呢處 一直 去 ，冇 幾遠 就 有 路 㗎喇 。
不過 噉 喎 ， 其他 嘅 人 都 殺 晒 喇 ， 唔 通 就 噉 樣靚靚 溜溜 放 你 返 去 咩 ？ 盞 畀 你 嗰 個 州 尹 畜生 笑 嘅 啫 。
嚟啦 ，唔該 你 留低 兩隻耳仔 嚟 做 個 證據 啦 ！
阮小七 喺 身邊 掹出 一把 尖刀 ，誒 ，誒嘿 ！將 何 觀察 兩 隻 耳仔 就 割咗 落嚟 ，哎呀 ，鮮血 惦 流 啊 。
阮小七 插返 好把 刀 ，解開 條 腰帶 ，放咗 何 觀察 上岸 。
何濤 執返 條命仔 一仆一碌 ，搵路 趯 返去 濟州 ，呢啲 就 唔 講 佢 咁多 咯 。
而家 仲 係 講 下 晁蓋 、公孫勝 同 阮家 三 兄弟 ，帶住 十幾個 打魚 嘅 莊客 ，扒住 六七 隻 船 ，離開 咗 石碣村 湖泊 一直 去 李家 道口 。
去到 嗰處 ，搵着 吳用 同 劉唐 嘅 船隻 就 匯合 埋 一齊 。
吳用 問起 打官兵 嘅 事情 ，晁蓋 就 詳詳細細 噉 講咗 畀 佢哋 聽 。
吳用 佢哋 聽咗 呀 就 好 高興 啦 。
整頓 好啲 船隻 就 一齊 撐 去 旱地 忽律 朱貴 嗰 間 酒店 咯 喎 。
朱貴 見到 咁多人 嚟到 ，話 係 要 投奔 梁山泊 入夥 嘅 ，就 連忙 出嚟 迎接 嘞 。
吳用 就 將 啲 經過 都 講咗 畀 朱貴 聽 ，好 歡喜 啦 ，就 逐個逐個 都 相見 過 。
就請入去大廳坐落 ，即刻就叫酒保 按照規矩 ，安排酒席嚟款待大家 。
跟住 ，朱貴 就 向 住 對面 港口 啲 蘆葦林 ，射咗 一支 響箭 過去 。
響箭 一 到 唧 ，即刻 就 有 小嘍啰 棹 隻 艇仔 過嚟 。
朱貴 好快噉 寫好 一封信 ，詳詳細細噉 寫明 眾位 豪傑 入夥 嘅 姓名 人數 ，就 交畀 小嘍啰 帶去 山寨 報告 。
一便呢 ，又 劏羊 嚟 招待 各位 好漢 。
過咗一晚 ，第日 一早 起身 ，朱貴 就 嗌咗 隻 大船 嚟 ，請 各位 好漢 落船 ，就 帶埋 晁蓋 佢哋 坐嚟嘅 船隻 ，一齊 就 駛去 山寨 嘞 。
當佢哋嚟到一條河口 ，只聽見 岸上 沊沊撐沊沊撐 呀 鑼鼓齊鳴 。
晁蓋 一 睇 ，只見 七八個 小嘍啰 ，扒住 四隻 哨船 ，佢 一 見到 朱貴 就 敬咗個禮 ，又 扒返去 。
冇幾耐 ，一行人 就 嚟到 金沙灘 上岸 ，啲 家眷 同埋 嗰班 打魚 嘅 莊客 呢 ，就 留 喺度 等住 先 。
晁蓋 佢哋 各位 好漢 呢 ，就 由 幾十個 小嘍啰 帶住 上 關 。
王倫 就 率領 住 一班 頭領 出 關 嚟 迎接 。
晁蓋 佢哋 慌忙 行禮 。
王倫 就 答禮 話 ：
小可王倫 ，久聞 晁天王 大名 如雷貫耳 啊 ！
今日 好高興 得到 各位 光臨 草寨 啊 。
晁蓋 就 話 ： 晁 某 係 個 不 讀書 史 嘅 人 ， 非常 粗魯 嘅 。
今日 有 難 在身 ，甘心 喺 頭領 嘅 帳下 做 一名 小卒 ，如果 能夠 收留 ，就 感激不盡 咯 。
唔好噉講 唔好噉講 ，各位 請 到 小寨 先 ，再嚟 商量 啦 。
晁蓋 佢哋 一班人 ，就 跟住 兩個 頭領 上山 嘞 。
嚟到 聚義廳 ，王倫 就 再三 謙讓 ，請 晁蓋 一行人 行 上去 先 。
晁蓋 一行 七個人 ，喺 右便 一排 噉 企定 。
王倫 同 眾 頭領 呢 ，就 喺 左便 一排 噉 企定 。
一個個 都 行過 禮 ，然後 就 分開 賓主 對席 坐低 。
王倫 叫 企喺 階下 嘅 嗰班 小頭目 過嚟 敬過禮 ，就 吩咐 奏樂 嘞 。
又 吩咐 小頭目 ，去 山下 款待 跟 晁蓋 嚟 嗰 班 隨從 同埋 家眷 ，請 佢哋 喺 關下 嘅 賓館 休息 。
噉 當時 喺 山寨 上 便 呢 ，劏 咗 兩 隻 黃牛 、十 隻 羊 、五 隻 豬 ，敲鑼打鼓 大排筵席 喇 。
喺 飲酒 嘅 時候 ，晁蓋 就 將 事情 嘅 經過 同埋 想法 ，從頭至尾 都 講晒 畀 王倫 同 各位 頭領 聽 。
王倫 一 聽完 ，哎呀 當堂 嚇窒 ，個心 十五十六 。
唔敢 出聲 話 得 又 唔 敢 話唔得 ，就 只有 嗯嗯 呀呀 ，言不由衷 噉 應住 先 。
到咗 夜晚 ，散席 嘞 ，各位 頭領 就 送 晁蓋 佢哋 去 關 下 賓館 休息 。
晁蓋 又 好 歡喜 喎 ，佢 對 吳 用 嗰 六個 人 話 ：
我哋 犯咗 噉嘅 彌天大罪 ，去邊度 安身 好吖 ？
如果 唔 係 呢 位王 頭領 咁 錯愛 呀 ， 我 哋 真 係 無地 容身 喇 ， 呢 個 恩德 ， 一定 要 報答 啊 ！
哼哼 ， 哼哼 哼哼 哼哼 哼哼 ， 吳用 一味 冷笑 。
晁蓋 就 話 喇 ： 咦 ？ 先生 為 咩 嘢 一味 冷笑 呢 ？
有咩嘢事啊 ？講出嚟 我哋 一齊 商量 啦 。
兄長 你 性情 直率 ，老實 過頭 喇 ，你估 話 王倫 真係 肯 收留 我哋 咩 ？
兄長 你 就算 睇唔到 佢 個 心 ，之 淨係 睇下 佢 嘅 神色 動靜 就 得嘞 。
佢嘅 神色 點啊 ？
兄長 你 仲冇 睇見 咩 ？
初初 飲酒 嘅 時候 ，佢 同 兄長 傾偈 ，就 好似 講下 交情 。
跟住 兄長 你 一 講出 話 殺咗 咁多 官兵 同埋 捕盜 巡檢 ，又 放咗 何濤 ，又 講起 阮氏 三雄 嗰啲 英雄 豪傑 法 ，佢 個 神色 就 有啲 變 。
佢 把 口 ，雖然 係 噉 應住 先 ，之 睇 佢 嘅 動靜 呀 ，佢 個 心 係 唔 同意 嘅 。
如果 佢 真係 有心 收留 我哋 咯 ，早就 應該 商量 定 個 座位 次序 啦嘛 。
杜遷 、 宋萬 呢 兩個 係 個 粗人 嚟 ， 唔 懂 咩 嘢 事 㗎 ， 佢 哋 冇 睇 出 王 倫 嘅 心事 。
呢 ，只有 林沖 呢個 人 ，佢 係 京師 嘅 禁軍 教頭 ，係 大地頭 嘅 人 ，見過 大場面 ，乜嘢 都 知 。
而家 不得已 ，坐咗 第四位 。
先頭 ，王倫 噉樣 回答 兄長 我 啊 睇住 林沖 㗎 喇 ，佢 個 心 係 唔服 嘅 ，不歇 噉 用 雙眼 望實 王倫 。
佢 有 佢 自己 嘅 諗法 。
我 睇 佢 對 我哋 係 有心 ，係 想 幫 我哋 ，不過 係 唔 出得聲 嘅 啫 。
好 ，等 我 落下 嘴頭 ，使到 佢哋 山寨 內部 自己 火併 ，打起 上嚟 至 得 。
晁蓋 就 話 喇 ：噉 好 ，我哋 要 喺 呢處 安身 ，就 全靠 先生 你 嘅 妙策良謀 咯 。
當晚 七個人 就 上床 瞓覺 啦 。
第日天光 就 有人 嚟 通報 話 ，林教頭 嚟 探 你哋 啊噉 。
吳用 就 同 晁蓋 話 喇 ：呢 ，佢 嚟 探 我哋 就 中 我 嘅 計 喇 。
大家 即刻 出去 迎接 ，就 請 林沖 入嚟 賓館 裏 便 坐 。
吳用 行上前 多謝佢 話 ：尋晚 得到 咁 豐盛 嘅 款待 十分 多謝啊 。
林沖 就 話 ：小人 真係 對不起 ，雖然 有心 幫助 但係 不在其位 就 毫無 辦法 ，請 各位 原諒 。
吳用話 ：我哋 雖然 係 粗魯 冇 學識 啫 ，不過 人 非 草木 ，頭領 對 我哋 嘅 好意 我哋 係 知道 嘅 ，非常 感激 啊 。
晁蓋 再三 謙讓 ，請 林沖 上座 。
林沖 唔肯 ，點 都 要 晁蓋 喺 上首 便 坐 ，佢 自己 呢 ，就 喺 下首 便 坐落 。
吳用 佢哋 六個 人 就 一排 噉 坐 喺 處 。
晁蓋話 ：一向 聽聞 教頭 大名 ，想唔到 今日 能夠 相會 啊 。
林沖 話 ： 小人 往日 喺 東京 嘅 時候 ， 同 朋友 來往 ， 有 咩 嘢 需要 林沖 做 嘅 事 ， 從來 都 冇 失誤 過 。
今日 雖然 能夠 認識 各位 ，但係 仲 唔 能夠 遂 我 平生 之 願 啊 ，所以 專誠 嚟 請 各位 原諒 。
晁蓋話 ：教頭 對 我哋 咁 有心 ，我哋 好 感謝 。
吳用 就 同 佢 話 ： 小生 一向 都 聽聞 頭領 喺 東京 嘅 時候 ， 十分 豪傑 ， 唔 知為 咩 嘢 事同 高 俅 唔 啱 搞 到 畀 佢 陷害 呢 ？
收尾 ，聽講 頭領 喺 滄州 畀 火燒 咗 大軍 草料場 ，又 係 高俅 嘅 詭計 。
再後 ，唔知 係 邊一位 推薦 頭領 上山 嘅 呢 ？
講到 話 高俅 賊官 陷害 我 嘅 事 ，提起 我 都 周身 火滾 ，又 唔能夠 報 呢個 仇 。
唉 ，收尾 得到 柴大官人 舉薦 ，就 嚟 呢處 安身 。
柴大官人 ？係唔係 江湖上 人哋 講 嗰位 小旋風 柴進 啊 ？
冇錯 ，就係 佢 。
晁蓋 話 喇 ：
小可 成日 都 聽 人 講 ，話 柴 大官人 仗義 疏財 ，接納 四方 豪傑 ，又 聽講 話 係 大周 皇帝 嫡派 子孫 ，如果 能夠 同 佢 相會 一面 就 好 。
吳用 又 同 林沖 話 ：呢位 柴 大官人 係 個 名聞 海內 ，聲播 天下 嘅 人物 ，教頭 如果 唔係 武藝 超群 ，佢 點 肯 舉薦 上山 吖 ？
唔係 我 吳 用 當面 恭維 教頭 你 ，王倫 就 理應 讓 個 第一位 畀 教頭 坐 至 啱 嘅 。
呢個 係 天下 嘅 公論 ，而且 亦 唔 辜負 柴大官人 嘅 舉薦 啊 。
先生 過獎 ，小人 犯咗 大罪 去 投奔 柴 大官人 ，並非 ，佢 唔肯 留我 ，而係 怕 馱累 咗 佢 就 唔好 ，所以 小人 就 自願 上山 。
點知 搞到 今日 咁 冇意思 ！
小人 唔 係 話 嫌 座位 次序 低微 啊 ， 主要 嘅 係 王 倫 呢 個人 心術 不定 ， 說話 都 冇 句 真 ， 難以相處 啊 。
係咩 ？我 見 王頭領 待人接物 一團和氣 㗎 ，乜 佢 嘅 心地 咁 狹隘 嘅 咩 ？
我哋 山寨 今日 咁 好彩 ，得到 你哋 咁多位 豪傑 嚟到 相扶相助 ，真係 好似 錦上添花 ，旱苗 得雨 啊 。
不過 王倫 呢個人 ，心懷 妒忌 ，慌死 你哋 各位 豪傑 嚟咗 之後 會 壓低 佢 。
尋晚 黑 ，佢 聽見 兄長 講起 各位 殺死 官兵 嘅 事情 ，佢 就 有啲 唔對路 ，唔想 收留 各位 ，就係 因為 噉 佢 先至 請 你哋 各位 豪傑 嚟 關 下 呢處 住宿 啫 。
吳用 就 話 喇 ：既然 王頭領 係 噉嘅 ，我哋 就 唔好 等 佢 開聲 叫 我哋 扯 咯 ，不如 早啲 離開 呢度 去 投奔 第處 罷 啦 。
各位 豪傑 ，你哋 千祈 唔好 見外 ，林沖 我 自有 辦法 。
小人 就係 怕 各位 豪傑 想 離開 ，所以 特登 一早 就 嚟 講 畀 各位 聽 。
今日 睇下 佢 點樣 對待 各位 啦 。
如果 呢個 傢伙 啲 說話 講得 合情合理 ，唔係 好似 尋日 噉樣 ，就 乜事 都 冇 。
如果 呢個 傢伙 啲 說話 有 半句 唔妥唧 ，噉 就 一切 都 包 喺 我 林沖 身上 ！
晁蓋話 ：頭領 咁 錯愛 我哋 兄弟 都 非常 感激 啊 。
吳用 又 話 ：為咗 我哋 幾個 人 使到 頭領 同 啲 舊 兄弟 反面 添 。
誒 如果 留得嘅 就 留 ，唔 留得嘅 ，我哋 即刻 就 走 。
林沖 話 ：先生 你 錯 喇 。
古人 都有 話咯 ：惺惺惜惺惺 ，好漢 惜 好漢 。
諒佢噉樣 一個 傢伙 污糟邋遢 ，冇咩 嘢 用處 ！
你哋 各位 寬心 啦 。
講完 ，林沖 就 同 大家 告別 ，佢 話 ：等陣 再見 。
晁蓋 佢哋 一直 送 佢 出門口 ，林沖 就 返 上 山 。
過咗冇幾耐 ，有個 小嘍啰 走嚟 請 佢哋 話 山寨 上面 啲 頭領 ，請 各位 好漢 而家 去 山南水寨 宴會 啊噉 。
晁蓋話 ：你 去 回覆 畀 頭領 知 ，我哋 等 一陣 就 到 喇 。
小嘍啰 走了 之後 ，晁蓋 就 問 吳用 話 ：
先生 ，呢個 宴會 ，你 睇 會 點 呢 ？
哈哈哈哈哈哈 ，兄長 你 放心 啦 ，呢趟 會 有 份 做 山寨 之 主 喇 。
今日 ，林教頭 必定 有 火併 王倫 嘅 意思 。
如果 佢 等陣 一時 又 心灰意懶 ，小生 就 靠 三寸不爛之舌 ，講到 佢 唔 火併 都 唔得 。
兄長 同 各位 身邊 ，要 暗藏 好 武器 。
到 時 大家 睇 住 我 ， 我用 摸 鬍鬚 做 信號 ， 大家 一 見到 就 可以 逳 手 喇 。
晁蓋 佢哋 聽 吳 用 噉 講 唄 ，個 心 都 暗暗 歡喜 嘞 。
到咗辰牌 ，即係 上午 九點鐘 咁上下 ，王倫 又 派 人 嚟 催 請 咗 幾 次 。
晁蓋佢哋幾個人 ，人人 都 帶咗 家夥 ，收埋 喺 個 身處 ，裝束得 妥妥當當 齊齊整整 ，就 準備 去 飲 咯 喎 。
只見 宋萬 騎住 馬 ，親自 嚟到 賓館 請 。
小嘍啰 就 抬咗 七 頂 轎 嚟 ，噉 啊 七個 人 都 上咗 轎 ，咿誒咿誒 噉 一直 就 抬 到 去 南山 水寨 。
嗰處 非常之 好景致 。
佢哋 去到 間 水亭 前 便 落咗 轎 ，王倫 、杜遷 、林沖 、朱貴 都 出晒嚟 迎接 ，請 大家 入去 水亭 裏 便 分開 賓主 坐落 。
王倫 同 四個 頭領 ，即係 杜遷 、宋萬 、林沖 、朱貴 ，就 坐 喺 左邊 嘅 主位 上 便 。
晁蓋 同 六個 好漢 ，吳用 、公孫勝 、劉唐 、三阮 ，就 坐 喺 右邊 嘅 客席 。
小嘍啰 就 輪流 過嚟 敬咗 酒 。
飲過咗幾杯 ，食過咗幾味餸 ，晁蓋 就 同 王倫 傾偈 。
吖只要 一 提起 話 入夥 聚義 嘅 事 呢 ，王倫 就 講 第啲 嘢 嘞 ，嗯嗯呀呀 就 扠開 咗 唔 講 喎 。
吳用 就 望 下 林沖 啦 ，只見 林沖 打 側身 坐 喺 張 交椅 處 ，嗰 雙眼 呀 一味 盯住 王倫 。
呢個 宴會 一直 到咗 下午 ，王倫 就 叫 小嘍啰 攞 嘢 出嚟 。
幾個 小嘍啰 去咗 一陣 ，只見 有 個 人 捧住 個 大 托盤 返嚟 ，托盤 上 便 呢 放住 五 錠 大銀 。
王倫 就 起身 敬酒 ，佢 對 晁蓋 話 ：
呢次 承蒙 各位 豪傑 嚟到 呢處 聚義 ，誒弊 在 小小 一個 山寨 不過 係 一窪 之 水 啊 ，唔容得 落 咁多 真龍 呢 。
呢處 準備咗 一啲 薄禮 ，請 各位 笑納 ，勞煩 各位 另外 去 搵 個 大 嘅 山寨 歇馬 ，嘿嘿 到時 ，小人 一定 派人 親自 去 麾下 納降 啊 。
晁蓋 話 喇 ：小人 久聞 貴寨 招賢納士 ，所以 專誠 嚟 投奔 入夥 ，如果 唔能夠 相容 ，噉 我哋 扯 就係 喇 。
至於 所賜嘅 白銀 ，決唔敢 領 。
唔係話誇口 ，小人 多少 仲有 啲 使用 嘅 。
請 收返 起啲 厚禮 啦 ，我哋 告辭 嘞 。
王倫話 喇 ： 誒 ， 點解 唔 肯收 咁 客氣 啊 ？
唉 ，並非 係 敝山 唔肯 容納 各位 豪傑 ，確實 係 因為 糧食 又 少 時 房屋 又 缺 啊 ，恐怕 日後 誤咗 各位 就 唔好啦 ，故此 唔敢 留 大家 啫 。
話猶未了 ，只見 林沖 豎起 堂眼眉 ，瞪大 雙眼 ，坐喺 張 交椅 上 便 大聲 噉 喝話 ：
哼 ！以前 我 上山 嘅 時候 ，你 又 係 推搪 話 糧食 少 ，房屋 缺 。
今日 ，晁兄 同 各位 豪傑 嚟到 山寨 你 又 試 講埋 啲 噉 嘅 說話 出嚟 ，係 咩 嘢 意思 啊 ！
吳用 就 話 喇 ： 頭領 唔 好 嬲 ， 頭領 唔 好 嬲 。
呢啲 都係 我哋 嚟 錯咗 ，破壞咗 你哋 山寨 嘅 情分 添 。
今日 王頭領 以 禮 相待 ，打發 我哋 落山 ，仲 送埋 使用 添 ，並 冇 話 趕 我哋 扯 啊 。
請 頭領 唔好 嬲 咯 ，我哋 扯 就係 啦 。
林沖 話 ： 你 哋 唔 知 啊 ， 佢 係 一個 說話 好聽 行為 卑鄙 嘅 人 啊 ， 我 今日 點都 唔 放過 佢 㗎 喇 ！
王倫 就 喝 佢 話 ：你 ，你睇下 呢個 畜生 吖 ，又 唔係 飲醉酒 ，講 啲 噉嘅 說話 嚟 觸犯 我 ，真係 不分 上下 尊卑 啊 。
林沖 發 大火 ，佢 話 ：你 不過 係 一個 落第 嘅 窮鬼 書生 ，個 肚 裏 便 又 冇 料 ，你 點 做得 山寨 之 主 啊 ？
吳用 就 話 ：晁兄 啊 ，皆因 我哋 要 上山 嚟 入夥 搞到 佢哋 頭領 之間 傷咗 感情 添 ，我哋 仲係 快啲 準備 船隻 告辭 罷 啦 。
吳用 講完 ，晁蓋 佢哋 幾個人 就 企起身 ，要 行 出 間 水亭 嘞 喎 。
王倫 挽留 佢哋 話 ：噉誒 等 散咗席 先至 走 啦 。
林沖 忍唔住 嘞 ，佢 一腳 就 踢開咗 張 枱 ，一斜身 ，喺 衣襟 裏 便 掹出 一把 擸擸亮 嘅 刀 嚟 。
嘩 ！嚟咯 ，爆火 喇 呢趟 。
吳用 見到 時機 已 到 嘞 ，就 用 隻 手 摸 下 把 鬍鬚 。
呢個 信號 一 發出 ，晁蓋 、劉唐 就 行返 上去 ，詐 假意 攔住 王倫 話 ：唔好 火併 啊 ，唔好 火併 啊 ！
吳用 就 一手 掹住 林沖 話 ：頭領 唔好 亂嚟 啊 ！
公孫 勝仲 詐諦 勸 佢 一句話 ：唔好 為咗 我哋 傷咗 義氣 吖噉 。
阮小二 呢 ，就 去 傍住 杜遷 ；
阮小五 就 傍住 宋萬 ；
阮小七 就 傍住 朱貴 。
嚇到 啲 小嘍啰 呀 ，瞪大 雙眼 擘大 個 口 ，傻晒 。
林沖 捉住 王倫 就 鬧 佢 話 ：哼 ！你 係 一個 鄉下 嘅 窮鬼 書生 ，全靠 杜遷 你 先至 嚟得 呢處 嘅 啫 。
柴大官人 幫助 你 咁多 ，送 咁多 錢 畀 你 ，同 你 做 朋友 ，佢 舉薦 我 上山 ，你 都 仲 諸多 推搪 。
今日 各位 豪傑 特意 上山 嚟 聚義 ，你 又 要 打發 佢哋 落山 。
唔通 梁山泊 ，就係 你 一個人 嘅 ？
你 呢 個 妒忌 賢能 嘅 賊 種 ， 唔 將 嚟 殺 咗 仲有 咩 嘢 用 啊 ？ 你 草包 一個 亦 唔 做 得 山寨 之主 啊 ！
杜遷 、宋萬 、朱貴 ，本來 係 想 過嚟 勸 嘅 ，之 畀 呢 幾個 人 傍到 實實 ，仲 邊度 敢 逳 吖 ？
王倫 想 話 搵 埞趯 ，又 畀 晁蓋 、劉唐 攔住 。
王倫 知道 弊 傢伙 呢 趟 ， 就 大聲 嗌 話 ： 誒 我 啲 心腹 去 晒 邊度 啊 ？ 去 晒 邊度 啊 ？
冇錯 ，雖然 王倫 仲 有 幾個 死黨 ，本來 都 想過嚟 救 佢 嘅 。
不過 見到 林沖 嗰種 兇猛法 啊 就 冇 個 敢 埋嚟 咯 。
林沖 當時 揦實 王倫 又 鬧咗 一餐 添 ，然後 對 正 佢 心口 一刀 ，當堂 攞咗 佢 條命 ，噼啪 一聲 就 𢴈低 喺 地 嚟 。
晁蓋 佢哋 見 殺咗 王倫 嘞 ，個個 都 掹 把 刀 出嚟 揸住 喺 手 。
林沖 就 割 咗 王倫 個頭 殼 用 手 揸 住 ， 嚇到 杜遷 、 宋萬 、 朱貴 就 即刻 跪 低話 ： 誒 我 哋 願意 跟隨 大哥 ， 同 大哥 牽馬 啊 ！
晁蓋 佢哋 連忙 扶返起 佢哋 三個人 。
吳用 就 喺 血泊 裏頭 ，將 第一把 交椅 拉咗過嚟 要 請 林沖 坐 ，佢 話 ：
如果 有 邊個 唔服 ，就 以 王倫 為 例 ，今日 我哋 扶林 教頭 為 山寨 之 主 ！
林沖 就 大聲 話 喇 ：先生 ，你 噉 就 唔啱 喇 。
我 今日 只 係 為 咗 各位 豪傑 ， 以 義氣 為重 ， 火併 咗 呢 個 不仁不義 嘅 賊 種 ， 我 完全 冇 心想 謀 呢 個位 置 。
而家 ，吳兄 你 話 要 讓 呢個 第一位 畀 我 林沖 坐 喎 ，噉 豈唔係 盞 畀 天下 嘅 英雄 恥笑 我 ？
如果 各位 硬係 要 逼 我 ，我就 寧願 死 嘅啫 。
小弟 有 幾句 說話 ，唔知 各位 肯唔肯 聽 我 個 呢 ？
大家 就 話 喇 ：頭領 嘅 說話 邊個 敢 話 唔 聽 呢 ？請 講 啦 。
