而家 講 下 楊志 ，佢 押住 啲 生辰綱 ，逼 嗰啲 擔擔 嘅 軍佬 喺 大熱天 時 趕路 。
就係噉樣 ，行咗 十四五日 ，嗰 十四個人 呀 ，哎 冇 一個 話 唔嬲 楊志 嘅 。
梗係啦好辛苦㗎嘛 。
呢一日 ，係 六月初四 ，佢哋 喺 客店 嚟 ，又 喺 辰牌 嘅 時候 ，慢慢 至 起身 透火 煮飯 ，食完 朝飯 先至 起行 。
都未曾到中午 ，嘩嗨 你 睇 下一輪 紅日 當天 ，半絲雲 都冇 。
嗰日 呀 確係 熱得 交關 嘞 ，好似 掉咗 落 個 火爐 噉 。
當日 行 嘅 路 呢 ，冚 都 係 啲 偏僻 嘅 山路 嚟 ，崎嶇 難行 。
楊志 押住 嗰 十一個 軍佬 ，約莫 行咗 廿零里 。
嗰班 軍佬 啊 一 見到 有 樹蔭 呢 又 諗住 行過去 唞涼 咯 喎 。
楊志 用 支 藤條 猛咁 打 ，喝 佢哋 話 ：快啲 行啦 ，仲 唞涼 ？
又行咗一段路 ，到 中午 嘞 ，熱 到 呀 不得了 。
真係 石獅子 都 會 喘氣 啊 鐵人 都 會 流汗 咁 交關 。
嗰啲 石頭 呀 ，焫 腳 咁 熱 嘅 ，嗰班 軍佬 腳痛 嘞 ，行 唔逳 嘞 。
嗰班友 就 話 咯喎 ：哎呀 熱得 咁 交關 真係 熱死人 嚟 咯 。
快啲 行 ，過埋 前 便 個 山岡 先至 算啦 。
前便嗰個山岡 ，樹林 好密 ，生滿晒茅草 ，地勢 又 非常之 險峻 。
當時 ，佢哋 一行 十五 個 人 上咗 山岡 。
嗰班 軍佬 放低 啲 擔 ，十四 個人 就 個個 都 趯晒 去 啲 松樹 蔭 下 便 ，瞓低 就 幾 大 都 唔 行 。
楊志話 ：死咯 ，呢處 係 乜嘢 地方 啊 ，你哋 喺 呢處 唞涼 ？快啲 起身 走啊 ，走 ！
哎呀 你 就算 將 我哋 斬成 七八碌 都 好啦 我哋 點 都 唔 行 㗎 喇 。
楊志 嬲 起 上 嚟 ，攞 住 藤條 兜頭 兜面 就 鞭 過去 ， 之 打 得 呢 個 起身 嗰 個 又 瞓 返 低 ， 搞 到 楊志 就 冇 晒 符 。
嗰 兩個 虞候 同 老 都 管 呢 就 行到 氣㗾㗾 喎 ，真係 十個 風爐 都 吹得着 咁 交關 ，上到 嚟 山岡 呢 ，亦都 坐 喺 啲 樹蔭 下 便 猛咁 索氣 。
佢哋 見到 楊志 打 嗰班 軍佬 ，老都管 就 話 喇 ：
哎呀 ， 提轄 啊 ， 實在 係 熱到 行 唔 逳 咯 ， 唔 好 怪罪 佢 哋 喇 。
都管 ，你 都唔知道 ，呢處 叫做 黃泥岡 ，正係 啲 賊佬 出沒 嘅 地方 。
平時 太平 時節 ， 天光 白日 尚且 出 嚟 打劫 ， 何況 而家 呢 啲 時候 添 ， 邊個 咁 大膽 喺 呢 度 歇腳 啊 ？
兩個 虞候 聽見 楊志 噉樣 講 就 話 喇 ：
哈 我 都 聽 你 講過 好多 次 嘞 ，都唔怕 譖 嘅 ，一味 講埋 啲 噉 說話 嚟 嚇人 。
老都管就話 ：就等佢哋唞下罷啦 ，過咗中午 先至行好唔好呢 ？
楊志 就 話 ：乜 連 你 都 懵 起 上嚟 呀 ，噉 都 得 嘅 咩 ？
落 咗 呢 個 山岡 ， 仲有 七百里 路 係 冇 人煙 㗎 ， 呢 啲 係 乜嘢 地方 吖 ？ 喺 呢 度 唞 涼 ？
老都管就話 ：噉 我 自己 喺度 唞 一陣 ，你話 要 行 就 趕 佢哋 行 先 係 啦 。
楊志揸住藤條 ，就去喝 嗰班 軍佬 嘞 ：
你哋 行 唔 行啊 ？邊個 唔行 我 就 打佢 二十 鞭 ！
嗰班 軍佬 一齊 嘈起 上嚟 嘞 ，其中 有 個 話 ：
提轄呀 ，我哋 擔住 百幾斤 嘢 ，唔同 你 空手 行 噃 ，你 都 直情 唔 將 人 當 人 睇 嘅 哈 。
就算係 留守相公 親自 嚟 監押 喇 ，都 會 聽 我哋 講返 句 㗎 。
你 就 一啲 都 唔知 人 痛癢 ，淨係 會 鬧 人 。
真係 畀 你哋 激死 我 ，唔打 你哋 都 唔得 㗎 ！楊志 攞起 藤條 兜頭 就 鞭過去 。
老 都 管 喝住 佢 話 ：楊 提轄 ，你 咪 打住 ！你 聽 我 講吖 。
我 喺 東京 太師府 裏頭 做 奶工 ，太師 手下 啲 官軍 ，我 見過 成千成萬 喇 。
佢哋 見到 我 呀 ，都 要 作個 揖 敬個 禮 ，叫聲 我 㗎 。
唔係 我 話 你 啊 ，諒 你 不過 係 一個 犯咗 死罪 嘅 軍佬 ，嚱 ，相公 可憐 你 ，吓 ，抬舉 你 做 個 提轄 。
芝麻綠豆 咁 大個 官職 啫 ，使 整成 咁叻 嘅 ？
咪 講話 我 係 相公 屋企 嘅 都 管 啦 ，就算 我 係 個 鄉下 公 你 都 要 聽 我 勸 一句 啊 。
你 一味 咁 打佢哋 ，噉 你 當 佢哋 係 乜嘢 嚟 㗎 ？
都 管 ， 你 係 城市 裏 便 嘅 人 呀 ， 終之 無日 都 喺 相府 裏頭 。
路途上啲事 千難萬險 ，你邊處 知道得咁多 吖 ？
哈 ，四川 、兩廣 我 都 去過 ，幾時 見過 有人 學 似 你 噉 ，懶 緊張 㗎 ？
而家 唔同 太平時候 噃 都 管 。
楊提轄 ，你 講啲 噉嘅 說話 ，真係 要 割咗 你 條脷 就 啱喇 。
而家個 天下 點唔 太平 法 啊 ， 吓 ？ 你講 吖 你 講吖 ， 點唔 太平 法 吖 ？
楊志正 話 想 駁 佢 ，忽然間 ，見到 對面 叢林 裏 便 有 個人影 閃閃下 ，喺度 探頭探腦 裝緊 過嚟 ，佢 就 話 喇 ：
我 都 講過 嚟㗎啦 ，你 睇 ，嗰便 咪 有 賊 嚟緊 嘞 咩 ？
楊志 掉低 藤條 ，攞起 朴刀 大喝 一聲 ：
喂 ！你個嘢 真 大膽 ，居然 敢 嚟 偷睇 我 嘅 貨 係嘛 ？
楊志 追到 入去 叢林 ，只見 裏 便 一迾 擺住 七架 江州 車仔 ，即係 啲 獨輪 嘅 雞公車 嘞 。
有 七個 人 ，除晒衫 赤條條 噉 喺 樹蔭下 便 唞涼 。
有個 呢 ， 鬢邊 有 一 笪 好 大 嘅 硃砂痣 嘅 ， 隻 手仲 揸 住 一把 朴刀 。
佢哋 七 個 人 ，一 見到 楊志 行到嚟 面前 就 嗌咗 一 聲 話 哎呀 噉 ，噼哩啪喇 跳晒 起身 。
楊志 喝 佢哋 話 喇 ：你哋 係 乜嘢 人 啊 ？
嗰 七個人 就 問 返轉頭 ：你 又 係 乜嘢 人 啊 ？
你哋 係 唔係 賊 ？吓 ！
哈 你 都 調轉 嚟 問 嘅 真係 ，大佬 啊 ，我哋 都 係 啲 小本生意 嚟 咋 邊 有 錢 畀 你 㗎 。
哦 ，你哋 係 小本生意 ，噉 我啊 好 大本錢 咯 噃 。
噉 你 實在 係 咩 人 啊 大佬 ？
你哋 講 先 ，你哋 喺 邊度 嚟 嘅 ？
我哋 七個 弟兄 ，都係 濠州 嘅 ，運 啲 紅棗 去 東京 賣 。
我哋 都 聽見 人哋 講過 喇 ，話 喺 黃泥岡 呢處 呀 ，時時 都有 賊佬 打劫 嘅 。
我哋 先頭 一便 行 一便 諗 ：
我 哋 七個 人 ， 就 係 得 呢 幾車 紅棗 嘞 又 冇 其他 值錢 嘅 嘢 嘅 ， 睇 個樣 都 唔 怕 啩 噉 ， 咪 一 於 過岡咯 。
上到嚟 山岡 哎呀 熱到 頂唔順 ，就 喺 呢處 樹林 裏 便 唞下 涼 先 ，等 晏啲 涼返啲 至 行 啦 。
先頭 聽見 有人 上緊 嚟 山岡 ，我哋 怕 唔知 係咪 賊 呢噉 ，所以 就 叫 呢個 弟兄 出去 望下 咋嘛 。
哦 ，原來 係噉 係嘛 ？
我哋 大家 都 係 做生意 嘅 ，啱先 見 你哋 裝裝下 ，怕 係 啲 壞人 ，所以 我哋 追過嚟 睇下 啫 。
喂 ，呢位 客官 ，嗱攞 啲 紅棗 去 食 啦 。
唔要喇 ，多謝 。
楊志 揸 住 朴刀 行返過 嚟 自己 啲 貨擔 呢 便 ， 老 都 管 就 話 ： 喂 ， 既然 係 有 賊 ， 我 哋 走罷 啦 。
唔係唔係 ，我 初時 仲 估話 係 賊佬 添 ，原來 係 幾個 賣 紅棗 嘅 客商 啫 。
哎噉唔係 ，如果 好似 先頭 你 講嘅 咁 得人驚 ，嘿 佢哋 早就 冇命 喇 。
都 管 唔 好 嘈 喇 ， 冇 事 梗 係 好定 啦 。
好啦 ，你哋 唞下 先 ，等 一陣 陰啲 先至 行 啦 。
嗰班 軍佬 聽見 楊志 話 准 佢哋 唞下 涼 先至 行 ，嘿 ，噉 就 高興 返 喇 。
楊志 亦 都 行埋 一便 ，將 把 朴刀 插 喺 地下 ，坐 喺 樹蔭 下 便 唞 涼 。
過咗 一陣 ，遠遠 見到 有 個 男人 擔住 一擔 桶 ，唱住 歌仔 行緊 上嚟 山岡 喎 。
佢 唱 乜嘢 呢 ？佢 唱 話 ：赤日炎炎似火燒 ，野田 禾稻 都 半 枯焦 。農夫 心內 如 湯煮 ，公子 王孫 把 扇 搖 。
嗰個人 唱住 歌仔 ，上到嚟 山岡 嘞 ，就 喺 叢林 裏 便 放落 擔桶 ，坐 喺度 唞涼 咯 喎 。
嗰 班 軍 佬 見到 就 問 嗰 個人 話 喇 ： 喂 ， 你 擔桶 裏 便 係 啲 咩 嘢 嚟 㗎 ？
白酒啊 。
擔 去 邊 㗎 ？
哦 ，擔 去 村 賣 嘅 啫 嘛 。
賣 幾多 錢 一 桶 啊 ？
五貫錢 一 桶 。
嗰班 軍佬 就 商量 喇 ：喂喂 ，我哋 又 熱 又 頸渴 ，不如 買 啲 飲 下 解 下 暑氣 都 好啊 。
好定啦 。
噉就嚟啦嚟啦 ，夾錢啦嚟啦 。
楊志 睇見 就 過嚟 喝 佢哋 話 喇 ：你哋 又 做 乜嘢 啊 ？
冇 ，買啖酒 飲下 咋嘛 。
楊志 調轉 朴刀桿 就 打過去 ：你哋 冇 我 個 說話 就 立亂 咁 買 酒 飲 ，真 大膽 ！
哎呀 真係 好地地 ，你 又 嚟 扠𢰸檔 。
我哋 自己 夾 錢 嚟 買 啲 酒 飲 啫 ，關 你 咩 嘢 事 呢 ？你 又 嚟 打 ？
你哋 呢班 死佬 ，識得 乜嘢 啊 ！就係 識得 貪飲貪食 ，一啲 都 唔 知道 出門 嗰啲 艱難法 。
有幾多 好漢 ，就係 噉樣 畀 蒙汗藥 麻醉 咗 整低 㗎 喇 。
擔酒嗰個人 望住 楊志 冷笑話 ：哼哼 ，你呢個客官 你真係吖 ，好彩 我冇賣畀你飲咋 ，講啲噉嘅說話 喎嘿 ！
楊志佢哋 正 喺度 嘈緊 ，對面 叢林 裏頭 嗰班 賣 紅棗 嘅 客商 呢 ，都 攞住 把 朴刀 行過嚟 問 嘞 ：喂 你哋 喺度 嘈 乜嘢 啊 ？
擔酒嗰個人 就 話 喇 ：我 有 我擔住擔酒 去 村裏 便 賣 ，經過 呢處 熱 喇 ，就 喺度 唞下 涼 ，呢 ，呢班人 問 我 啊 ，想 買 啲 酒 飲 喎 。
我 都 未曾 賣 過 佢 唧 ， 呢 呢 個 客官 啊 ， 佢 話 我 啲 酒 裏頭 放 咗 啲 咩 咩 咩 蒙汗藥 喎 你 話 好笑 唔 好笑 吖 ？ 吖講 啲 噉 嘅 說話 出去 都 有 嘅 真 係 。
嗰 七個 客商 就 話 喇 ：哦 ，哈哈哈哈 ，我哋 仲 估 有 賊 嚟 添 ，原來 係 噉 係嘛 ，噉啊 講 一兩句 亦 冇 緊要 嘅 。
啊係喇 ，我哋 正係 想 飲返啲 酒 嚟 解下渴 ，既然 佢哋 疑心 咯 ，噉 賣 一桶 畀 我哋 飲 啦 。
唔賣啊唔賣啊 。
唓 你個 死佬 吖 ，我哋 又 冇 講過 你 ，你 橫掂 都係 擔 去 村 賣 㗎 咋嘛 咪 一樣 畀 錢 你 ，就 賣 啲 畀 我哋 啦 有 咩 所謂 呢 ？
你 又 慳返 唔使 擔 咁 遠 ，我哋 又 解咗 渴 ，噉 幾 好 呢 ，嚟啦 嚟啦 ，賣 桶 嚟啦 。
賣桶 畀 你 啊 無所謂 啊 ，不過 畀 佢哋 噉樣 講法 就 唔好 啦 ，又 冇 殼 𢳂 嚟 飲 㗎 噃 。
你呢個人呀真係認真過頭咯 ，就噉話幾聲又有乜緊要呢 ？得啦我哋自己有椰殼喺處 。
噉啊 有 兩個 客商 ，返去 雞公車 嗰度 ，攞咗 兩個 椰殼 嚟 ，有 個 捧咗 一大 紮 紅棗 嚟 添 。
七個人 ，就 企住 喺 桶邊 ，打開 桶蓋 ，輪流 𢳂酒 嚟 飲 ，用 紅棗 嚟 送酒 。
冇幾耐 ，一桶酒 就 飲到 清晒 。
嗰 七個 客商 就 話 喇 ：啊 係 喇 ，都 未曾 問 你 幾多 錢 添 。
我 一 嬲 都 唔 講價 嘅 ， 五貫 錢 一桶 ， 十貫 錢 一擔 。
好啦 ，你 話 五貫 就 五貫 啦 ，不過 畀 多 一 殼 嚟 都 得啩 ？
冇得畀多嘅 ，價錢 係 咁多 就 咁多㗎喇 。
有 一個 客商 ，攞 錢 畀 個 賣酒 嘅 ，另外 一個 客商 呢 ，走去 揭開 桶蓋 ，𢳂咗 一殼 ，攞起嚟 就 飲 。
嗰個 賣酒佬 想 去 搶返 佢 㗎 咯 喎 ，佢 揸住 嗰 半殼 酒 ，唥唥聲 就 趯 返 入去 叢林 裏 便 ，個 賣酒佬 唔係 去 追 咯 。
點知 呢便 有 一個 客商 ，喺 叢林 裏 便 行出嚟 ，隻手 呢 又 係 揸住 隻 椰殼 嘅 ，走到 嚟 個 桶 處 又 𢳂咗 一 殼 酒 。
個 賣酒佬 睇見 就 即刻 走返轉頭 ，一手 搶返 ，將 啲 酒 倒返落 個 桶 處 ，冚返 桶蓋 ，將 個 椰殼 㩧聲 就 掉咗 落 地下 ，鬧 嗰 班 人 話 ：
你哋 呢班人 啦 ，冇 啲 斯文 嘅 ，好眉好貌 都 咁 貪心 嘅 真係 吖 ！
好嘞 ，呢便 呢班 軍佬 睇見 人哋 飲得 咁 高興 ，心 都 痕晒 ，都 想 買嚟 飲 。
有個 同老 都 管 話 喇 ：你 老人家 幫 我哋 講聲 啦 ，嗱 ，嗰班 賣 紅棗 嘅 客商 買 咗 佢 一 桶 嚟 飲 咯 ，我哋 買埋 佢 呢 桶 飲 返 啖 ，潤 下 喉嚨 都 好 吖 。
實在係 又 熱 又 頸渴 ，好 難頂 啊 。
喺 呢個 山岡 嚟 ，又 冇 埞 搵 水 飲 嘅 ，你 老人家 做下 好心 啦 。
老 都 管 聽咗 ，自己 個 心 呢 亦 都 想 飲啲 嘅 ，於是 就 走嚟 同 楊志 話 喇 ：
楊提轄呀 ，嗰班 賣 紅棗 嘅 客商 已經 買咗 佢 一桶 酒 飲咯 ，而家 仲有 一桶 ，咪 求其 畀 佢哋 買啲 嚟 飲下 ，解下 暑氣 啦 。
喺 呢個 岡嚟 ，確實 係 冇 地方 搵 水 飲 嘅 。
楊志諗嘞 ：先頭 睇實 嗰班友 買咗 佢 嘅 酒 飲 ，嗰一桶 呢 ，亦 當面 睇住 佢 飲咗 半殼 ，睇嚟 都係 好酒 嚟嘅 。
唉 ，打咗 佢哋 半日 嘞 ，求其 畀 佢哋 買 啖 飲 下 啦 。
於是 楊志 就 話 ：既然 老 都 管 都 噉 講咯 ，你哋 就 買 啲 嚟 飲 ，飲完 就 起行 啦 。
嗰班 軍佬 聽見 楊志 話 肯嘞 ，即刻 就 夾齊 五貫 錢 ，嚟 買 酒 飲嘞 。
嗰 個 賣 酒 佬 話 ： 唔 賣 喇 唔 賣 喇 ， 我 啲 酒 呀 有 蒙汗藥 喺 裏頭 㗎 。
哎呀大佬 ，呵呵 仲 講 啲 噉 嘢 嚟 做乜吖 。
都話唔賣咯 ，唔好嚟纏我喇 。
嗰啲 賣 紅棗 嘅 客商 過嚟 勸 佢 話 ：
你呢個死佬吖 ，佢 講錯咗 說話 ，係 ，之 你又 認真過頭 喎 ，連累埋 我哋 都 畀 你 扽咗 幾句 添 。
唔關 佢哋 班人 事 㗎嘛 ，你 咪 買 啲 過 佢哋 飲 咯 。
好地地 我 搵 人 嚟 疑心 我 做 乜嘢 啊 ？
嗰個 賣 紅棗 嘅 客商 ，㧬開 個 賣酒佬 ，挽咗 桶 酒 去 畀 嗰班 軍佬 飲 。
嗰班 軍佬 打開咗 個 桶蓋 ，冇 殼 嚟 𢳂喇 ，又 講句 好話 ，問 嗰個 客商 借 椰殼 嚟 用下 。
嗰班 客商 借咗 椰殼 過 佢哋 ，又 話 喇 ：嗱 ，攞 啲 紅棗 去 送 酒 啦 。
嘿嘿 ，嘿誒噉點係啊誒 ，誒多謝晒咯喎 ，誒多謝晒喇 。
多 咩 嘢 謝 吖 ， 大家 都 係 一樣 出 嚟 搵 食 嘅 ， 爭 乜 在 嗰 百 零 粒 紅棗 呢 ？
嗰班 軍佬 講咗 幾聲 多謝 ，攞住 椰殼 𢳂咗 兩殼 先 ，請 老都管 飲 一殼 ，楊提轄 又 飲 一殼 。
楊志 唔肯 飲 。
老 都 管 飲咗 一 殼 先 ，兩 個 虞候 呢 ，每 人 亦 都 飲咗 一 殼 。
好喇 ，嗰班 軍佬 一擁而上 ，你 一啖 佢 一啖 ，兩三下 手勢 嗰桶 酒 就 當堂 飲晒 。
楊志 見到 大家 飲咗 都 冇事 啊 ，自己 本來 係 唔想 飲嘅 ，之一 來 天氣 熱 ，二 來 就 頸 渴 難頂 ，所以 亦都 攞起 殼酒 飲咗 一啖 ，食咗 幾粒 紅棗 。
嗰 個 賣 酒 佬 就 話 ： 呢 桶 酒 先頭 畀 嗰 個 客官 飲 咗 一殼 去 ， 少 咗 啲 酒 嘞 ， 噉 誒 要 少 你 哋 半貫 錢 啦 。
啲 軍佬 數夠 錢 畀 佢 ，個 賣酒佬 收咗 錢 ，擔住 擔 空 桶 啊 依舊 唱住 山歌 落 咗 山岡 扯 嘞 噃 。
嗰 七個 賣 紅棗 嘅 客商 ，企 喺 松樹 旁邊 ，指住 楊志 佢哋 十五 個 人 話 ：暈喇 ，暈喇暈喇 。
哈哈 只見 呢 十五個人 ，頭重腳輕 ，一個個 你 望 我 我 望 你 ，軟晒 都 碌 喺 地下 嚟 。
嗰 七個 客商 ，哼 ，喺 松樹林 裏 便 ，推咗 嗰 七架 雞公車 出嚟 ，將 車上 便啲 紅棗 呢 倒晒 喺 地 。
然後 又 將 呢 十一 擔 金珠寶貝 啊 都 裝晒 上 車 ，冚返好 ，講咗 句 話 嗨滾攪晒喇 ，就 一直 向住 黃泥岡 下便 推走咗 喇 。
楊志 一味 叫苦 啦 ，但係 佢 周身 軟 顂顂 唔起得身 嘞 。
十五個人 ，眼白白噉 睇實 嗰 七個人 將 啲 金珠寶貝 裝走晒 ，誒 就係 唔起得身 ，逳唔得手腳 啊 講唔得說話 。
大家 估 下 ，呢 七個 人 究竟 係 邊個 呢 ？
嘿 大家 實估中 嘅 ，就係 晁蓋 、吳用 、公孫勝 、劉唐 、阮家 三 兄弟 呢 七 個 吖 嘛 。
噉擔酒嗰個人呢 ，就係 白日鼠 白勝 。
噉佢哋 點樣 落藥 嘅 呢 ？
嗨好掯嘅 ，原來啊 ，擔酒 上岡 嘅 時候 ，兩桶 都係 好酒 嚟 。
七個 人 係 先 飲 咗 一桶 啦 ， 劉唐 就 掀起 第二桶 嘅 桶蓋 ， 又 𢳂 咗 半殼 嚟 飲 ， 係 故意 畀 佢 哋 睇 下 ，嗱 係 好 酒 嚟 㗎 ， 就 等 佢 哋 死心塌地 ， 唔 信 都 唔 得 。
然之後呢 ，吳用 就 喺 叢林 裏便 ，攞咗 啲 藥 出嚟 ，擠咗 喺 個 椰殼 裏便 ，裝成 係 走嚟 想𢳂 多佢 一 殼 酒 飲 。
佢 將 隻 殼 放 落 個 桶 處𢳂 酒 嘅 時候 ，嗰啲 藥 啊 已經 落 晒 啲 酒 處 嚟 㗎 喇 。
佢𢳂起咗半殼 ，詐假意要飲 ，噉白勝呢就一手搶返 ，將啲酒倒返落個桶處 ，呢條就係計喇 。
呢條 計仔 呀 ，係 吳 用 諗 嘅 ，就 叫做 智取 生辰綱 。
好嘞 ，而家 講返 下 楊志 啊 ，佢 因為 飲得 酒 少 ，所以 就 醒得 快 ，之 佢 爬返 起身 仲係 企 腳 唔 定 。
其他 嗰 十四 個 人 呢 ，一 個 個 都 係 口丫角 啊 流口水 ，軟顂顂 唔 逳得 。
楊志 呀 又 嬲 又 憂 啊 ， 佢 諗 嘞 ：
哼 ，畀 你哋 劫走 咗 啲 生辰綱 ，叫 我 點 返去 見 梁中書 呢 ？
呢一張領狀 ，亦冇辦法 交差 㗎 喇 撕咗 佢 算喇 。
嘿 ， 而家 ， 搞 到 我 有家難奔 有國難投 ， 去 邊處 好 呢 ？ 去 邊處 好 呢 ？
不如 ， 哎 ， 不如 就 喺 呢 度 死 咗 佢 罷 啦 ！
楊志正 話 想 喺 黃泥岡 跳崖 自盡 ，之 佢 猛然 一 醒悟 ，即刻 收住 腳步 ，佢 諗 ：
爹娘 生落咗 我 ，堂堂 一表 ，凜凜 一軀 ，自細 就 學會 十八般武藝 在身 ，唔通 噉樣 就 收檔 ？
與其 今日 自尋死路 ，不如 日後 等 佢 嚟 捉 我 嗰陣 先至 算罷喇 。唔死 ，唔死 ！
回轉身 ，再 睇下 嗰 十四 個 人 ，哈 ，嗰班 嘢 只係 會 瞪大 雙眼 望實 楊志 ，冇 一 個 掙扎 得起 身 。
楊志 指住 佢哋 鬧 佢哋 話 ：都係 你哋 呢班 傢伙 我 唔 聽 我 話 ，搞 單 噉 嘢 出嚟 連累埋 我 ！
佢 喺 樹頭 攞起 把 朴刀 ，掛返 起 腰刀 四圍 望望 ，冇 第樣 嘢 嘞 。
楊志 歎咗 一口氣 ，就 一直 落咗 山岡 。
嗰 十四個 人 呢 ， 哈哈 ， 一路 到 夜晚 二 更 先 至 得 醒 ， 一個個 躝 返 起身 ， 猛 咁 話 死 喇死 喇死 喇死 喇 。
老都管話喇 ：你哋 都 唔聽 楊提轄 嘅 說話 ，嘿好喇 呢勻 好喇 ，連 我 都 斷送 埋 咯 。
大家 就 話 喇 ：老爺 ，今日 已經 撞咗 大板 咯 ，不如 商量 下 ，睇下 有 乜 計 啦 。
你哋 有 咩 好 辦法 吖 ？
唉 ，老爺 ，錯呢 係 我哋 錯咯 。
如果 楊 提轄 喺度 ，我哋 點 都 講唔過 佢 㗎喇 。
不過噉啊 ，佢 而家 趯到 不知去向 噃 ，噉 我哋 就 好辦 喇 嗱 。
我哋 返去 見到 梁中書 相公 ，就 將 乜嘢 都 推晒 喺 佢 個 身上 。
話佢 一路 都 凌辱 大家 ，又 打 又 鬧 ，嗨 ，蝦 到 我哋 呀 連 大氣 都 唔 敢 唞 個 。
佢 呢 ， 就 串通 埋 啲 賊 佬 ， 用 蒙汗藥 麻醉 咗 我 哋 ， 將我 哋 綁實 就 劫 晒 金珠 寶貝 走 咯 ， 噉 唔 係 得 咯 。
老都管話 ：冇錯喎 ，一於 係噉話啦 。
啊 ，我哋 喺 呢度 等 到 天光 ，就 去 本地 嘅 官府 報 咗 案 先 ，就 留低 兩個 虞候 喺 度 ，催促 佢哋 捉 賊 。
我哋 呢 就 有 咁快 時 得 咁快 ，趕返去 北京 ，報告 畀 相公 知 ，等 佢 送 一封 文書 ，講畀 太師 知道 ，就 命令 濟州府 追捕 呢班 賊戶 就係 喇 。
等到 第日 天光 ，老都管 同埋 呢一班人 就 去到 濟州府 報案 ，呢啲 呢 就 唔 講 佢 住 喇 。
而家 講返 下 楊志 佢 揸住 把 朴刀 ，悶悶不樂 就 離開咗 黃泥岡 ，向住 南 便 行咗 幾個 時辰 就 行到 半夜 ，就 喺 一座 樹林 裏 便 歇腳 。
佢 諗 ：弊喇 ，冇晒 錢 ，又 舉目無親 呢 勻 點算好 呢 ？
等到 個 天 蒙蒙光 ，趁住 涼爽 佢 就 起行 。
又行咗 二十幾 里路 ，行得 佢 呀 都 唔知 幾 辛苦 。
嘿 ，啱喇 ，行過 一間 酒店 門口 ，楊志 諗 ：
搵啖酒飲下先 ，如果唔係呀 ，神仙 都 頂唔住 喇 呢趟 。
佢 行 入 間 酒店 ，搵 張 枱 坐落 ，憑 好 把 朴刀 。
灶頭旁邊 有 個 女人 問 佢 話 ：客官 係咪 要 食飯 啊 ？
楊志話 ：攞 兩角 酒 嚟 飲 先 ，借 啲 米 嚟 煮 飯 ，有 肉 就 切 啲 嚟 ，等陣 一齊 找 數 啦 。
嗰個 女人 就 叫咗 個 後生仔 ，斟酒 嚟 畀 楊志 。
佢 自己 就 一便 煮飯 一便 炒餸 ，整好 就 攞嚟 畀 楊志 食 。
楊志 食完 飯 飲完 酒 ，攞起 把 朴刀 一步 槛 出 店門 走 咯 喎 。
嗰個 女人 就 嗌 佢 話 喇 ：誒 ，你 啲 酒肉飯 錢 都 未曾 畀 嘅 噃 。
我 返轉頭 畀 你 ，賒住 先 啦 。楊志 講完 就 行 。
嗰個 斟酒 嘅 後生仔 ，追住 出嚟 拉住 楊志 ，畀 楊志 一拳 就 打低咗 佢 。
嗰個 女人 又 大聲 咁 嗌 啦 。
楊志啊唔理佢咁多喇 ，一味行 ，一陣間 ，就聽見 後便 有個人 追住嚟 喝佢話 ：
喂 ，你 個 傢伙 想 走 去 邊 啊 ？
楊志捩轉頭望下 ，見到 嗰個人 除 大赤肋 ，揸住 條棍 喇喇聲 追緊嚟 。
楊志話 ：哼 ！你 呢個 傢伙 當 衰 ，誒 走嚟 追 我 ？
佢 企定 腳 唔 行 ，等住 佢 嚟 。
再望下 ，只見 斟酒 嗰個 後生仔 ，攞住 支 丫叉 帶住 兩三個 莊客 ，都係 攞住 條 棍 嘅 ，飛快 噉 追嚟 。
楊志 又 諗 喇 ：做低 呢個 嘢 ，嗰班 傢伙 就 唔 敢 嚟 追 㗎 喇 。
於是就 舞起 把 朴刀 ，同 追嚟 嗰個 男人 打起 上嚟 咯喎 。
兩個 鬥咗 三二十 個 回合 ，嗰個人 啊 點 打得過 楊志 㗎 ，就 只能夠 擋下 格下 就 躲下 閃下 就係 嘞 。
嗰個 後生仔 同 幾個 莊客 ，正 話 想 一齊 湧上去 幫手 打 。
只見 呢個 人 啪聲 跳出 圈外 話 ：大家 都 唔好 逳手 ！
喂 ，你 呢個 舞朴刀 嘅 大漢 通 個 姓名 過嚟 ！
我行不更名 ，坐不改姓 ，青面獸 楊志 就係我 ！
哦 ，你 就係 東京 殿司 楊 制使 呀 ？
你 點 知道 我 係 楊制使 呢 ？
呢個人 掉低 咗 條棍 就 拜 ：嗨 小人 有眼不識 泰山 喇 。
楊志扶 返 佢 起身 話 ：足下 係 邊個 啊 ？
小人 ，本來 係 開封府 人士 ，係 八十萬 禁軍 都 教頭 林沖 嘅 徒弟 ，姓 曹 名 正 ，祖先 代代 都 係 做 劏豬 劏牛 嘅 。
小人 劏 牲畜 啊 好 拿手 嘅 ，挑筋 剔骨 ，開肚 剝皮 乾淨 企理 ，故此 人人 都 叫 我 做 操刀鬼 。
為因 本鄉 有 個 財主 ，出咗 五千 貫 畀 我 做 本錢 ，叫 小人 嚟 山東 呢度 做 生意 。
唉點知蝕晒本 ，唔返得鄉 ，收尾 就 喺 呢度 入贅咗 一家務農 嘅 人家 。
呢 ，啱先 喺 灶頭 嗰個 女人 就係 小人 個 老婆 喇 。
嗱 ，呢個 揸住 丫叉 嘅 ，係 小人 嘅 舅仔 。
先頭 ，小人 同 制使 交手 見 制使 嘅 手段 高強 ，同 小人 嘅 師父 林 教頭 一樣 嘅 ，所以 ，嘿嘿 抵擋 唔住 啊 。
啊 ，原來 你 係 林 教師 嘅 徒弟 啊 。
你個 師父 畀 高太尉 陷害 ，去咗 落草 咯 ，而家 喺 梁山泊 嚟 。
小人 亦都 聽見 人哋 講起 過 ，唔知 真 定 假 。
係咯 ，制使 ，請到 小人 屋企 唞下 先 呢 。
於是 楊志 就 跟住 曹正 返返去 酒店 嘞 。
