上次 講到 李忠 帶 魯智深 佢哋 上 桃花山 啦 。
噉上到山嘞 ，嚟到山寨前便 ，魯智深 、劉太公 就落咗轎 。
李忠亦 落咗 馬 嘞 ，佢 請 魯智深 佢哋 入去 山寨 ，嚟到 聚義廳 三個人 就 坐落 。
李忠 就 叫 人 請 周通 出嚟 嘞 。
周通一 出到嚟 ，一眼 就 見到 個和尚 坐喺 處 就 嬲 嘞 。
阿哥 ，你 唔同 我 報仇 不特止 ，反而 仲 請 佢 嚟 山寨 坐 喺 個 上位 嚟 ？
兄弟 ，你 識唔識得 呢個 和尚 係 邊個 啊 ？
我 如果 認得 佢 ，就 唔使 畀 佢 打一身 喇 。
哈哈哈哈 ，呢個 和尚 ，就係 我 平時 同 你 講 嘅 ，三拳 打死 鎮關西 嘅 就係 佢 喇 ！
哎呀 ！周通 嗌咗 一聲 ，摸摸 個 頭殼 ，跪低 就 拜 。
魯智深 答禮 話 ：唔好怪 我 衝撞 啊 唔好怪 我 衝撞 啊 ！
三個人 坐返落 ，劉太公 就 企 喺 佢哋 面前 。
魯智深話 ：周家兄弟 ，你 聽 我 幾句 說話 。
劉太公 佢 係 只有 得 呢 一粒 女 ，養老 送終 ，承祀 香火 ，都 係 靠 佢 嘅 。
你 如果 娶咗 佢 ，就 會 使到 老人家 無依無靠 ，佢 個 心 ，係 唔情願嘅 。
你 聽 我 嘅 說話 ，劉太公 呢 頭 親事 就 退咗 佢 ，另外 再 選 個 好 嘅 。
原來 落訂 嗰啲 黃金 同 紅錦 就 帶咗 返嚟 呢度 㗎 喇 ，你 意下 如何 吖 ？
我 聽 大哥 個 說話 ，兄弟 以後 再 唔 敢 上 劉家莊 嘅 大門 嘞 。
大丈夫 做事 ，一就一 ，二就二 ，唔好 反悔 喎 。
周通 攞住 支 箭 ，啪聲 拗斷 咗 ，當天 發誓 就 永不 反悔 。
劉太公 就 多謝咗 大家 ，送還 嗰啲 黃金 、紅錦 ，就 歡歡喜喜 落山 返 屋企 嘞 。
李忠 同 周通 ，就 叫 人 劏 牛 殺 馬 ，大排筵席 ，款待 咗 魯智深 幾日 。
又 帶 魯智深 去 山前 山後 睇下 景致 。
呢座桃花山 ，確係 險惡 ，到處 都係 懸崖峭壁 ，只係 得 一條路 上山 嘅 啫 ，四周圍 都係 長滿晒 亂草 嘅 。
魯智深 見到 都話 ，哎呀 ，呢個 地方 真係 險要 啊 ！
住咗幾日 ，魯智深 睇見 李忠 、周通 呢 兩個 人 都 唔係 個 慷慨 嘅 人物 ，孤孤寒寒 噉 ，就 一味 話 要 落山 要 扯 。
李忠 、周通 就 苦苦噉 留佢 ，佢 就 硬係 唔肯 。
佢 推託 話 ：我 而家 既然 出咗 家 ，我 就 點都 唔 落草 啦 。
噉啊 ，阿哥 既然 唔肯 落草 ，一定 要 走咯 ，噉就 等 我哋 聽日 落山 ，無論 撈到 多少 ，全部 送畀 阿哥 你 做 路費 係啦 。
第二日 ，喺 山寨 裏 便 就 殺 羊 劏 豬 ，安排 送行 酒席 咯 喎 。
酒席上面 ，擺滿晒 啲 金 同 銀 做嘅 杯盤碗碟 ，好架勢 。
佢哋 正 話 要 入席 唧 ，小嘍啰 走嚟 報告 話 ：
山下 便 有 兩架 車 ，有 十幾個 人 嚟緊 喇 。
李忠 、周通 得到 報告 ，即刻 就 點起 全部 嘍啰 ，只係 留返 兩個 喺度 服侍 魯智深 飲酒 。
佢 兩個 話 ：嗱 阿哥 ，你 自便 喇 ，一個人 喺度 飲住 幾杯 先 吓 。
我哋 兩個 落山 ，一攞到 財寶 返嚟 就 同 阿哥 你 送行 ！
講完 ，就 帶住 啲 嘍啰 落 山 。
佢哋 兩個 走咗 魯智深 就 諗嘞 ：
哼 ，呢 兩個 人 咁 孤寒 ，現成 擺住 咁多 金器 銀器 又 唔 搦嚟 送畀 我 ，要 等到 打劫 到 人 哋 嘅 先至 送畀 我 喎 。
噉唔係 將 條 官路 做人情 ，苦咗 人哋 嘅 啫 。
好 ，等 我 嚇下 呢 兩個 嘢 一 驚 至 得 。
嚟 ，你哋 兩個 過嚟 同 我 斟酒 ！
嗰 兩個 小嘍啰 就 過嚟 同 佢 斟酒 。
飲咗 兩杯 ，佢 一下 跳起身 ，噼啪噉 兩拳 ，就 打低咗 嗰 兩個 小嘍啰 。
解開 條 腰帶 ，將 佢哋 綁埋 一堆 ，又 用 啲 爛 布 枳實 佢 兩個 把 嘴 。
好喇 ，走去 攞返 自己 嘅 包袱 出嚟 ，打開 佢 ，將 唔緊要 啲 嘢 呢 冚𠾴 唥掉 低 唔要 ，就 將 酒席 上 嗰啲 金器 銀器 都 攞嚟 揼扁 佢 ，打埋 落 個 包裹 處 。
智真長老 嗰封信 呢 ，就 袋埋 喺 胸前 嘅 度牒袋 裏 便 。
執拾好喇 ，掛起 把 戒刀 ，攞住 支 禪杖 ，孭起 個 包裹 就 離開 山寨 咯 喎 。
行到去 後山 一睇 ，啲 地形 呀 都係 好 險峻 嘅 。
點呢 ？佢 諗嘞 ：我 如果 混前山 出去 ，梗 畀 嗰班 傢伙 撞見 嘅 。
嗯 ，不如 就 喺 呢處 啲 亂草 度 碌 落去 罷喇 。
於是佢就 將 把 戒刀 同 個 包裹 綁埋 一齊 ，掉咗 落去 先 ，將 支 禪杖 呢 亦都 飆埋 落去 。
縮起個身 ，向下便一碌 ，林林林林林噉 一直碌到 山腳底 ，咦 ，一啲事都冇喎 ，誒 。
佢 起返身 ，搵返到 個 包裹 ，掛起 把 戒刀 ，揸住 支 禪杖 ，放開 腳步 ，搵路 走人 喇 佢 。
而家 返轉頭 就 講下 李忠 同 周通 ，佢哋 落到嚟 山邊 正好 撞見 嗰班人 。
呢班人 亦都 係 帶住 兵器 嘅 。
李忠 、周通 就 挺住 槍 ，啲 小嘍囉 就 喎嗬噉 大聲 吶喊 ，向住 嗰班 人 大喝 一聲 話 ：
喂 ！你哋 班人 ，懂事 嘅 就 留下 買路錢 嚟 ！
嗰班 人 裏頭 ，哈 有 個人 就 唔信邪 喎 ，佢 攞住 把 朴刀 嚟 鬥 李忠 。
一來一往啊一去一回 ，鬥咗 十幾個 回合 不分勝負 。
周通 火 起嘞 ，行前 嚟 喝 一聲 ，所有 嘅 小嘍啰 一齊 衝上去 。
嗰班 過路 客人 就 頂唔住 啦 ，轉身 就 走 。
有啲 走得 摩嘅 就 畀 李忠 佢哋 殺死 咗 七八個 。
打贏咗喇 ，劫咗 兩 車 財物 ，就 唱住 凱歌 滋滋悠悠 返 上 山 咯 喎 。
一返到 山寨 ，打開 對 寨門 一 睇 ，咦 ？
見到 兩個 小嘍啰 喺 條 柱 邊 綁埋 一堆 ，酒席 上 嗰啲 金器 銀器 又 冚𠾴 唥 唔見晒 。
古怪喇 ，周通 就 即刻 解開 兩個 小嘍啰 ，問 佢哋 究竟 係 一 回 咩嘢 事 啊 魯智深 又 去咗 邊處 啊 噉 。
小嘍啰 話畀 佢哋 聽 ，魯智深 打低咗 佢哋 兩個 ，包走咗 啲 金器 銀器 ，就 扯咗 喇 。
周通話 ：哼 ，嗰個 賊 禿 唔係 個 好人 ，呢勻 領咗 佢 嘢 添 ，唔知 佢 混 邊度 走 嘅 呢吓 ？
於是就 四周圍 噉 去 搵 ，睇下 有 咩嘢 蹤跡 留低 啦 。
去到 後山 ，睇見 有 一笪 地方 呀 ，啲 亂草 碌到 平晒 碌 出 一 條 路 嚟 。
周通 睇咗 一下 就 話 喇 ：嗰個 禿驢 係 個 老賊 嚟 㗎 ，咁 險 嘅 山 ，哈 ，居然 就 喺 呢處 碌落去 喎 。
李忠 話喇 ：我哋 追上去 問 佢 攞返 啲 嘢 ，醜下 佢 至 得 。
算喇算喇 ，賊 去 閂門 ，去邊度 追佢 至得㗎 。
就算 追到 佢 ，唔通 真係 問 佢 要返 啲 嘢 咩 ？
如果一下 反起面上嚟 ，我 同 阿哥 你 都 打佢 唔過 嘅 ，而且 日後 見面 又 唔好 啦 。
都 不如 罷手 算 喇 日後 又 好 相見 ，你 話 係 唔係 吖 嗱 ？
好啦 ，我哋 而家 將 車 上面 嘅 包裹 打開 佢 ，將 啲 金銀 綢緞 分 為 三 份 ，我 同 你 各 佔 一 份 ，其餘 嗰 份 就 賞 畀 啲 小嘍啰 啦 。
賢弟 ，係 我 唔啱 ，帶咗 佢 上山 ，累 你 失咗 咁多 嘢 ，今日 我 呢一份 都 畀埋 你 喇 。
哎 阿哥 睇 你 吖 ， 我同 你 係 同生共死 嘅 ， 千祈 唔 好 噉 樣 計較 啊 ， 啊 。
自此之後呢 ，李忠 同 周通 兩個 啊 ，就 一直 仲 係 佔住 喺 桃花山 做 大王 ，打家劫舍 。
呢啲呢 ，就 暫時 唔去 講 佢 喇 。
而家 就 講返 魯智深 ，佢 離開咗 桃花山 ，放開 腳步 ，從 朝頭早 啊 一直 行到 下午 。
約莫 行咗 五六十里 路 喇 ，個 肚 呢 就 餓到 咕咕聲 ，一路 上 又 冇 埞 打尖 食飯 個 喎 。
哼 ， 今朝 早 ， 一味 顧住 走 人 ， 啲 多 嘢 都 未 食過 ， 嘿而家 都 唔 知去 邊度 好 。
佢 正 話 東 觀 西 望 嘅 時候 ，忽然間 ，聽到 遠遠 傳嚟 有 啲 叮叮聲 。
佢 諗嘞 ：好喇 呢趟 ，呢處 附近 ，唔係 有 寺院 就係 有 宮觀 喇 。
聽下 ，啲 風吹起 簷前 嗰 啲 鈴鈴 呢 。
好 ，等 我 去 嗰度 搵 啲 嘢食 下 先 。
噉魯智深 跟住 啲 叮叮聲 就 行過咗 幾個 山坡 。
見到 有座 大叢林 有條 山路 嘅 ，佢 順住 條 山路 行過去 。
行咗 唔夠 半里 路 唧 ，就 見到 前面 有 座 破爛 嘅 寺院 嘞 。
啲叮叮聲呢 ，就係 啲 風吹到 簷口 嗰啲 銅鈴 響 。
山門 上 便 ，有 一 塊 好 殘舊 嘅 朱紅 牌額 ，有 四 個 金字 都 朦晒 㗎 喇 ，寫住 瓦罐 之 寺 噉 。
又行咗幾十步 ，過咗一道石橋 ，就嚟到 呢間古寺 。
睇 個 樣 ，呢 間 古寺 都 有 好多 好多年 㗎 喇 。
入到去望下 ，哎呀 真係 破敗不堪 啊 。
呢處 又 崩 嗰處 又 塌 ，連 如來佛祖 觀音菩薩 呢啲 神像 都 生滿晒 野草 畀 啲 簕 纏住 。
魯智深啊 到底 做過 一輪 和尚 喎 ，佢 知道 下路數 嘞 。
佢 入到 間 寺 呢 ，先 不先 就 去 知客寮 。
點知 去到 一睇 ，嘿 ，知客寮 呀 連 大門 都 冇 咗 牆 亦 冧埋 。
佢 個 心 諗 ：咁 大 一 間 寺 ，乜 點解 破落 成 噉 嘅 ？
佢 一直 行 去 方丈 望 下 ，只見 滿地 都 係 雀屎 ，道門 處 有 一把 鎖 鎖到 實 一 實 ，把 鎖 上 便 呀 都 結晒 蜘蛛網 㗎 喇 。
魯智深 見 冇人 ，就 用 支 禪杖 喺 地下 猛咁 戙 大聲 嗌話 ：過往 僧人 嚟 投齋 啊噉 。
嗌咗 半日 ，應 都 冇 人 應 。
佢 又 走去 廚房 嗰度 睇下 ，哦 ，鑊頭 又 冇咗 ，灶頭 又 冧晒 。
魯智深啊索性解低個包裹 ，擠喺監齋使者個神像面前 就攞住支禪杖到處咁搵嘞 ，搵到去廚房後便一間屋仔 。
呢趟 搵到 喇 ，見到 幾個 老和尚 坐 響處 ，一個個 面黃 骨瘦 。
喂 ，你哋 幾個 和尚 吖 真係 冇 道理 ，由得 我 喺度 大聲 咁 嗌 都 冇 個人 應 一 聲 。
有個老和尚 ，猛咁耍手 ：哎 ，你唔好咁大聲啊 ，唔好咁大聲啊 。
我係個 ，我係個過路和尚 ，搵餐飯食 咋嘛 ，有咩嘢緊要啊 ？
唉 ，我哋 三日 喇 ，都 未曾 有 飯 落肚 啊 ，邊度 搵 飯 嚟 畀 你 食 吖 ？
我係喺五台山嚟嘅和尚 ，有粥 都 求其 畀 半碗 我 食下 吖 。
唉 你 係 喺 五台山 活佛 嗰度 嚟 嘅 ，我哋 又 好 應該 請 你 食 。
之無奈 我哋 寺裏 便 啲 和尚 都 走散晒 ，一粒 齋糧 都 冇 。
我哋 幾個 ，確實 係 餓咗 三日 㗎喇 。
亂講廿四 ，呢度 咁大 一間 寺院 唔信 就 冇 齋糧 。
我哋 呢度 確實 係 唔細 ，只因為 ，我哋 呢間 寺 ，四面八方 ，都 有人 嚟 朝拜 嘅 。
點知 就 畀 一個 雲遊 和尚 就 帶埋 一個 道士 ，嚟到 呢度 住持 ，將 寺院 裏頭 呀 乜嘢 都 毀壞 晒 。
佢 兩個 又 無所不為 ，將 呢處 啲 和尚 趕走 晒 。
我哋 幾個 ，皆因 老咯 ，行唔逳 ，只有 留喺 呢度 啦 ，所以 就 冇得 食 啦嘛 。
唓 ！誒 諒佢 一個 和尚 一個 道士 ，有 咩 咁 大 本事 啊 ？
點解 唔 去 官府 告 佢 呢 ？
師父 ， 你 唔 知 咩 ， 呢 度 離 衙門 咁 遠 ， 唉 ， 唉 ， 就算 係 官軍 嚟 嘞 ， 都 治 佢 唔 住 嘅 。
呢個 和尚 同 道士 呀 ，好使得㗎 ，都係 殺人 放火 嘅 人 嚟㗎 。
而家 佢哋 喺 邊度 嚟 啊 ？
呢 ，就 喺 方丈 後 便 嗰處 住 咋嘛 。
佢哋 叫做 咩嘢 名 啊 ？
嗰個 和尚 姓 崔 ，叫做 道成 ，綽號 生鐵佛 。
個 道人 呢 姓 丘 嘅 ，排行 小乙 ，綽號 就 叫 飛天夜叉 。
呢 兩個 人 呀 ，邊度 似 個 出家人 㗎 ，直情 呀 係 綠林 裏 便啲 大賊 一樣 ，不過 係 ，不過 係 借住 出家 個 樣 嚟 呃 人 啫 嘛 。
魯智深 正喺度 問緊 ，忽然間 就 聞到 一浸 香滁 喎 。
魯智深 攞起 支 禪杖 ，轉過 後 便 睇下 。
見到 有 個 泥灶 ，上面 有 一 鑊 嘢 ，冚住 個 草蓋 嘅 熱氣 騰騰 。
魯智深 掀起 個 蓋 一 睇 ，哦 ，原來 煮咗 一鑊 粟米粥 。
魯智深 就 鬧喇 ：
你 哋 幾個 老和尚 真 係 冇 道理 ， 一味 話 三日 冇 食飯 三日 冇 食飯 啊 噉 嗱， 而家 煮 咗 一 鑊 粥 喺 處 ， 出家人 點解 要講 大話 呃 我 啊 ！
嗰幾個 老和尚 ，見到 魯智深 搵到 嗰 鑊粥 咯 ，猛咁 叫苦 ，將 啲 碗 啊 碟 啊 缽頭 啊 飯殼 啊 水桶 啊 都 搶晒 喺 手 嚟 。
魯智深 就 肚餓喇 ，誒 想食 粥 又 冇 嘢𢳂 喎 ，冇晒 符 添 。
誒 ？喺 灶頭 旁邊 有 張 爛 枱仔 ，枱面 只係 有 多少 灰塵 唧 。
魯智深 見到 張枱仔 人 急智生 ，就 憑 起 支 禪杖 噃 喺 灶頭 旁邊 揦起 一紮 草 ，抹 一抹 枱面 啲 灰塵 ，雙手 扚起 隻 鑊 ，將 啲 粥 啊 倒落 張 枱 面 上面 喎 。
嗰 幾個 老和尚 喇喇聲 趯 過 嚟 搶 粥 食 ， 畀 魯智深 一掌 一個 一掌 一個 推開 晒 佢 哋 。
噉魯智深 自己 呢 ，就 用 雙手 去 捧 啲 粥 嚟 食 嘞 。
食 咗 幾 啖 ， 嗰 個 老和尚 就 話 喇 ： 哎 ， 哎呀 ， 哎呀 我 哋 真 係 三日 冇 食過 飯 㗎 喇 。
啱 啱 去 化緣 先至化 到 呢 啲 粟米 返 嚟 ， 求其 熬 啖 粥 食下 ， 你 又 嚟 食 晒 我 哋 嘅 。
魯智深 食咗 六七啖 ，聽見 老和尚 噉樣 講法 就 食唔落口 。
就喺呢個時候 ，聽見 外便 有人 唱歌仔 喎 。
魯智深 就 洗咗 手 ，攞起 支 禪杖 出嚟 睇下 啦 ，喺 啲 爛 牆窿 望 出去 。
見到 有 個 道人 ，頭 戴 黑巾 ，身 穿 布衫 就 束住 條 雜色 腰帶 ，着住 一對 麻鞋 就 擔住 一擔 嘢 。
一頭 呢 係 個 竹籃仔 ，露出 一啲 魚尾 ，仲有 一塊 蓮葉 放住 一啲 肉 。
另一頭 呢 ，擔住 一罂酒 ，亦都 係 畀 蓮葉 冚住 嘅 。
佢 一路 行 就 一便 唱住 支 歌仔 喎 。
嚱 ，你 估 支 歌仔 唱 啲 乜嘢 嘅 嗱 ？你 聽住 吓 。
你 在 東 時 就 我 在 西 ，你 無 男子 就 我 無 妻 。我 無 妻 時 猶 閒 可 ，你 無 夫 時 就 好 孤悽 。
嚱 你 話 ，做個 道士 唱埋 啲 噉樣 個 歌仔 喲 好人 都 有限 啦 。
嗰幾個 老和尚 ，趕住 行出嚟 ，猛咁 耍手 ，靜雞雞噉 啊 指畀 魯智深 睇 ：
呢個 道人 呢 就係 飛天 夜叉 丘小乙 喇 。
哦 ，乜 就係 佢 係嘛 ？
魯智深 攞住 支 禪杖 ，就 跟實 嗰個 道人 嘞 。
嗰個 道人 就 唔 知道 畀 人 跟住 佢 㗎 ，就 一路 行 入去 方丈 後 便 。
魯智深 跟 實佢 ，轉過 一埲 牆 就 入到 裏便 。
只見 喺 一樖 槐樹 下 便 啊 擺開 一張 枱 ，上面 放住 一啲 餸菜 ，三 隻 酒杯 啊 三 對 筷子 。
當中 坐住 一個 肥大 和尚 ，嗰個 樣呀 ，眼眉 似 漆刷 ，面口 烏卒卒 ，手瓜 起展 周身 橫肉 ，打出 個 黑𠵼𠵼 嘅 大肚腩 。
喺 佢 嘅 旁邊 呢 ， 有個 後生 女人 坐 喺 處 。
嗰個 道人 入到嚟 放低 擔嘢 就 行埋去 坐 咯 喎 。
魯智深 行 到 佢 哋 面前 一企 。
嗰個 和尚 吃咗 一驚 ，即刻 跳起身 話 ：師兄 請坐 ，吖 一齊 嚟 飲杯 呢 ！
魯智深 揸住 支 禪杖 ，質問 佢 話 ：
你 兩個 點解 搞到 間 寺 廢晒 啊 ？吓 ！
師兄 你 請坐 ，等 小僧 講 你 聽 。
你講 啦 ， 你講 啦 。
係噉嘅 ，起先呢 ，敝寺 係 非常之好嘅 ，田莊 又 廣 ，和尚啊 極多 。
呢 ，皆因 出便 啊 ，嗰 幾個 老和尚 啊 ，又 飲酒 又 無賴 ，攞 啲 錢 嚟 搞 女人 ，長老 都 管 佢哋 唔掂 。
收尾 佢哋 仲 將 長老 啊 排擠 咗 出去 添 。
故此啊搞到間寺都廢咗 ，啲和尚又散晒 ，田地都賣清光 。
呢 ，小僧 同埋 呢個 道人 啊 ，係 新近 嚟 住持 呢度 嘅 ，正話 要 整理 山門 重修 殿宇 呢 。
哦 ，噉 ，呢個 女人 係 邊個 ？佢 點解 喺度 飲酒 啊 ？
師兄 你 聽 我 講 ，呢個 娘子 呢吓 ，係 前面 條 村 王 有 金 個 女 嚟 。
當初呢 ，佢 個 父親 係 本寺 嘅 施主 檀越 嚟 嘅 ，而家 家產 就 冇 晒 喇 。
近來 日子 啊 好 狼狽 ，屋企 啲 親人 都 死 清光 ，丈夫 又 得咗 病 ，所以 就 嚟 呢處 借 米 啫 。
小僧 睇 在 施主 檀越 嘅 份上 ，請 佢 飲返 杯 酒 ，誒 其實 冇乜嘢 意思 㗎 吖 冇冇冇 咩 嘢 其他 意思 嘅 ，誒 師兄 你 千祈 唔好 聽 嗰 幾個 老畜生 亂 咁 噏 啊 。
魯智深 聽咗 佢 呢一番 說話 ，又 見 佢 咁 好禮 就 話 喇 ：
豈有此理 嗰 幾個 老和尚 喺度 撚化 我 ？攞起 支 禪杖 就 走返去 廚房 嘞喎 。
嗰幾個 老和尚 正 話 喺度 食緊 粥 ，魯智深 嬲爆爆 噉 嚟到 指住 佢哋 話 ：
原來 係 你哋 呢幾個 嘢 搞壞 咗 間 寺院 ，仲 喺 我 面前 講 大話 添 ，吓 ！
嗰幾個 老和尚 一齊 話 ：師兄 ，你 唔好 聽 佢 噏 啊 ，佢哋 而家 正係 收埋 個 女人 喺度 呢 。
佢哋 啱先 見到 你 ，帶住 戒刀 又 有 禪杖 ，佢哋 手頭 冇 傢伙 唔 敢 同 你 鬥 咋嘛 。
嗯 你 如果 唔信 啊 ，你 再 行入去 一次 睇下 ，睇下 佢哋 同 你 點 吖嗱 ，唉 師兄 你 諗下 。
佢 哋 飲酒 食肉 ， 我 哋 就 連粥 水 都 冇 得 食 ， 唉 先頭 ， 仲怕 師兄 你 ， 你 嚟 食 晒 我 哋 啲 粥 添 呢 。
啊 ，噉 又 係 噃 。
魯智深 就 揸住 支 禪杖 ，噔噔聲 又 返去 方丈 喇 。
哈 ，嗰道 門 閂埋 咗 喇 呢趟 。
魯智深 火滾喇 ，一腳 嘭聲 踢開 道門 ，衝入 去裏 便 一睇 。
嗰個 生鐵 佛崔道成 ，攞住 一把 刀 ，喺 裏 便 趕到嚟 槐樹 腳 ，要 同 魯智深 鬥過 喎 。
魯智深 一見到 佢 ，嘩 ，大叫 一聲 ，舞起 嗰支 禪杖 就 打過去 。
兩個人 鬥咗 十四五個 回合 。
嗰個 崔道成 鬥 魯智深 唔過 ，只能夠 格下擋下 就 閃下躲下 ，誒 再 打 兩下 添 抵擋唔住 想 鬆人 。
嗰個 丘道人 呢 ，睇見 生鐵佛頂魯智深 唔住 ，就 喺 後便 ，攞住 把 朴刀 ，大踏步 噉 趕過嚟 ，一刀 捅過去 。
魯智深 正喺度 鬥緊 ，忽然 聽見 後便 有 腳步聲 ，之又 唔敢 擰轉頭 睇㗎 。
佢 一眼 睄到 有 個人影 過緊 嚟 ，知道 有人 要 暗算 佢 ，就 大喝 一聲 話 ：着 ！
嗰個 生鐵佛崔道成就 心慌 ，估話 佢 會 一 禪杖 打過嚟 就 啪聲一下 跳出 圈外 。
魯智深 噉 先至 搵到 機會 擰轉身嚟 ，於是 三個人 就 好似 個 品字形 噉 對住 。
崔道成 同 丘道人 兩個 呀 打 魯智深 一個 ，又 打咗 十零個 回合 。
魯智深 呢 ，一來 就 因為 個 肚 裏頭 冇 得食 ；
二 來 因為 行咗 好 遠 路 ；
三來 頂唔住 佢哋 兩個 生力軍 ，就 只有 賣 個 破綻 拖住 禪杖 就 走 係 啦 。
嗰 兩個 嘢 揸住 把 刀 ，一直 追住 嚟 打 ，打到 出咗 山門 外 便 。
魯智深 又 同 佢哋 鬥 咗 十 個 回合 ，收住 禪杖 又 走 。
呢勻 嗰 兩個 嘢 追到 嗰座 石橋 嗰度 呢 ，就 坐 喺 欄杆 上 便唔再 追 。
魯智深 趯咗 好遠 ，唞 返 順條氣 佢 諗 ：
弊 ！我 個 包裹 仲 擠 喺 廚房 嗰 個 神像 前面 嚟 ，淨係 顧得 走 都 未 攞返嚟 添 。
喺路上 ，一分錢 水腳 都冇 ，加埋 個肚 又 餓 ，點好 呢呢趟 ？
你話返去又唔夠打 ，佢哋兩個搏我一個 ，盞送咗條命嘅啫 。
佢 順腳 向 住 前面 行 ， 行 一步 就 懶 一 步行 咗 幾里路 咁 上下 ， 見到 前面 有 一座 好 大 嘅 樹林 ， 都 係 赤 松樹 嚟 。
魯智深 見到 就 話 喇 ：嗯 ，呢座 樹林 好 得 人 驚 嘅 喎 。
睇睇下 ，只見 啲 樹影 裏 便 有 個人 喺度 探頭探腦 ，裝咗 裝 ，吐噉 略 督 口水 閃返入去 。
魯智深 就 話 ：我 估 呢個 衰公 實係 個 打腳骨 嘅 賊佬 定 嘞 。
正喺度等緊做生意 ，見到 我 係 個和尚 唔利事 ，就 略督 口水 行返入去 。
哼哼 ，嗰個 嘢 真係 晦氣 嚟 撞着 我 喎 。
啱喇 ，我 正係 一肚氣冇埞出 ，等我 剝咗 呢個 衰仔 件 衫 ，嚟 換 餐酒 飲 至得 。
於是就揸住支禪杖 一直嚟到 叢林外便 ，大喝一聲話 ：
喂 ！樹林 裏 便 嗰個 衰仔 快啲 出嚟 ！
嗰個人 喺 樹林 裏 便 聽見 ，騎騎 聲 笑起 上嚟 話 ：
嗨 我 都 係 夠 晦氣 㗎 啦 佢 仲 嚟 惹 我 添 吓 ， 就 攞 住 把 朴刀 ， 喺 叢林 裏 便 啪 聲 跳出 嚟 大喝一聲 話 ：
禿驢 ！係 你 自己 攞嚟 死 咋吓 ，唔係 我 去 搵 你 㗎 ！
魯智深 就 話 喇 ： 我 唔 打 到 你 趴 喺 處 你 都 唔 識 我 係 邊個 呢 ！ 舞起 條 禪杖 ， 就 對 住 嗰 個人 打 過去 。
嗰 個人 揸 住 把 刀 ， 正話 要 上前 嚟 同 魯智深 鬥過 ， 佢 突然 間 覺得 ， 呢 個 和尚 把 聲 好 熟 個 噃。
佢 就 話 喇 ：喂 和尚 啊 ，你 把 聲 好 熟 ，你 姓 咩 㗎 ？
我 同 你 鬥 三百 個 回合 先至 講 個 名 你 聽 啦 ！
嗰個人 聽見 噉話 就 嬲啦 ，舞住 把 朴刀 ，就嚟 同 魯智深 支 禪杖 打過 咯噃 。
兩個人 鬥咗 十幾個 回合 ，嗰個人 暗暗 喝彩 話 ：哈 ，呢個 莽和尚 好 厲害 啊 ！
又鬥咗 四五個 回合 ，嗰個人 話 ：停一停先 ，我 有 說話 講 ！
兩個人 都 跳出 咗 圈外 ，嗰個人 就 問 喇 ：你 究竟 姓 乜 名 乜 啊 ？你 把 聲 好 熟 呢 。
魯智深 就 講咗 個 名 畀 佢 聽 。
一 講完 ，嗰個人 掉咗 把刀 ，跪低 就 拜 。
噉究竟 呢個 人 係 邊個 呢 ？下次 再 講 喇 。
