魯智深 離開咗 五台山 去 東京 。
有一日 ，因為 經過 嘅 地方 ，山明水秀 ，風景 呀 實在 係 好 。
佢 一路 行 一路 睇嘢 ，不覺 天色 已經 好 晏 嘞 ，仲 搵 唔到 客店 。
噉 去邊處 過夜 好 呢 今晚 ？
佢 急急腳 ，又 趕咗 二三十里 路 。
過咗 一條 板橋 ，見到 前面 嘅 樹林 裏 便 有 一座 莊院 。
莊院 後 便 呢 ，重重疊疊 都 係 一座座 嘅 亂山 。
得喇 ，一於 去 間莊處 住 一 晚 先 。
魯智深 加快 腳步 ，一直 走去 嗰間 莊院 。
佢 趕到 去 嘅 時候 ， 見到 有 幾 啊 個 莊客 ， 匆匆忙忙 噉 喺 度 搬 嘢 喎 。
魯智深 嚟到 莊前 ，憑 好支 禪杖 ，同 個 莊客 打咗 個 問訊 ，即係 行咗 個 和尚 禮 。
個莊客話 ：和尚 ，你 咁晏 嚟到 我哋 莊 做咩 啊 ？
我 因為 行多咗 路 ，搵唔到 客店 喇 ，想 借 貴 莊 住 一 晚 ，聽朝 就 走 㗎 喇 。
我哋 莊 今晚 有事 啊 ，唔住得 。
求其 借 笪 地方 畀 我 住 一 晚 啦 ，聽朝 我 就 走 㗎 喇 。
叫 你 走 你就 快啲 走啦 ，唔好 喺度 搵嚟死 喇 你 。
噉啊真係怪哉喇 ，住一晚 有乜緊要呢 ？唔通 噉就係搵嚟死 ？
好走喇吓 ，仲唔走就捉住你綁起嚟 ！
魯智深 發火 ：你 呢個 鄉下佬 ，乜 咁 冇道理 㗎 ？
我 又 冇 噏過 啲 乜嘢 ，噉 就 要 嚟 綁 我 咯 ？
嘈起 上嚟 咯 喎 。
周圍 嗰啲 莊客 ，鬧埋 一份 嘅 又 有 勸 嘅 亦 有 。
嘈咗 一陣 ，魯智深 攞起 支 禪杖 正 話 想 發作 。
只見 喺 莊 裏頭 有 個 伯爺公 行 出嚟 。
呢個 伯爺公 大概 有 六十幾歲 啦 ，扶住 條 拐杖 。
佢 行出嚟 問 啲 莊客 話 ：你哋 喺度 嘈 乜嘢 啊 ？
呢 ，呢個 和尚 啊 佢 要 打 我哋 喎 。
魯智深 就 話 喇 ：小僧 係 五台山 嚟 嘅 和尚 ，要 去 東京 辦 一啲 事 。
今日 因為 搵唔到 客店 ，想 借 貴 莊 住 一晚 ，點知 嗰個 莊客 咁 無禮 ，話 要 綁起 我 喎 。
哦 ，既然 你 係 五台山 嚟 嘅 和尚 ，噉 跟我 入嚟 啦 。
魯智深 跟住 嗰個 伯爺公 行 入去 正廳 ，坐落 之後 個 伯爺公 就 話 ：
師父 ，你 唔好 見怪 啊 。
啲 莊客 唔 知道 師父 係 喺 五台山 呢個 活佛 嘅 聖地 嚟 嘅 ，當 係 一般 嘅 和尚 咯 。
老漢 我 從來 都 好 信佛 嘅 ，雖然 我 呢處 ，誒 ，今晚 有事 ，亦都 姑且 留 師父 你 住 一 晚 至 走 啦 。
哦 ，多謝 施主 。
魯智深 憑 好 支 禪杖 企 起身 打個 問訊 ：請問 貴 莊 高 姓 啊 ？
老漢 姓 劉 ，呢處 叫做 桃花村 ，啲 鄉里 都 叫 老漢 做 桃花莊 劉 太公 。
請問 師父 俗家 貴姓 啊 ？叫做 乜嘢 名 呢 ？
我嘅 師父 係 智真 長老 ，佢 同 我 改咗 個 名 。
因為 俗家 姓 魯 ，就 叫做 魯智深 。
哦 ， 師父 請 喺 處 食 餐 晚飯 ， 誒 唔 知 師父 食 唔 食 雜 嘅 呢 ？
誒我係百無禁忌 ，我乜嘢酒都啱 ，牛肉 狗肉 有我就食㗎喇 。
哦 ，噉好 ，噉好 。
既然 師父 唔 忌 腥 葷 ， 噉 就 叫 莊客 攞 啲 酒肉 嚟 先 啦 。
冇幾耐 ，莊客 開咗 枱 ，攞咗 一大碟 牛肉 ，三四 碟 菜蔬 ，一雙 筷子 放 喺 魯智深 面前 。
魯智深 解得 個 腰包 、肚包 ，埋位 嘞 。
個莊客 ，坐熱咗 一壺酒 ，攞 隻杯 嚟 ，斟酒 畀 魯智深 飲 咯喎 。
呢個 魯智深 啊 ，一啲 都 冇 客氣 吓 ，一陣間 咁 耐 咋 ，一壺 酒 、一大碟 牛肉 都 掃 清光 。
劉太公 坐 喺 對席 陪 佢 嘅 ，嘩 見到 咁 厲害 嘅 ，眼 都 擎晒 。
跟住 ，莊客 攞 飯 嚟 ，又 食晒 。
收咗枱之後 ，劉太公 就 同 魯智深 話 ：
今晚 ，求其 叫 師父 喺 外便 耳房 住 一 晚 ，誒 今晚 黑 如果 外便 有 咩嘢 熱鬧 ，就 唔好 出嚟 睇 嘞 。
請問 貴莊 今晚 有 乜嘢 事 呢 ？
呢啲 ，誒 呢啲 就 唔係 你哋 出家人 管得着 嘅 事 咯 。
太公 ，你 為咩嘢事 幹 個樣 有 啲 唔高興 噉 啊 ？
唔係 怪 小僧 嚟 騷擾 你 吖嘛 ？聽日 我 計 返 房錢 畀 你 就係 啦 。
乜 說話 呢 乜 說話 呢 ， 我 屋企 時常 都 施捨 畀 和尚 嘅 ， 爭 乜 在 師父 你 一個 吖 。
為因 我 屋企 今晚 ，我 小女 招 個 夫婿 返嚟 ，所以 好 煩惱 。
唔 關你事 ， 唔 關你事 。
魯智深 聽咗 就 哈哈大笑 ：男 大 當 婚 ，女 大 當 嫁 。
呢啲 係 人倫 嘅 大事 五常 之 禮 ，有 乜嘢 咁 煩惱 啊 ？
唉 師父 啊 你 唔知 㗎喇 ，呢頭 親事 ，唔係 我 情願 嘅 。
哈哈哈哈 ，太公 ，你 又 真係 傻 喇 ，既然 唔係 兩相情願 ，為咩 又 招着 個 女婿 返嚟 呢 ？
我 講 你 聽 啦 師父 ，老漢 只係 得 呢 一粒 女 ，今年 先至 十九 歲 。
呢處呀 有 座 山 ，叫做 桃花山 ，近來 山上面 有 兩個 大王 ，扎咗 個 山寨 ，聚集咗 六七百 人 ，打家劫舍 。
呢處 青州 嘅 官軍 想 去 剿 佢哋 ，搞 佢哋 唔掂 啊 。
前嗰排 ，嗰個 大王 嚟 老漢 呢處 要 收 啲 進貢 。
點知 畀佢 見到 老漢 個 女 ，就 掉落 二十 兩 黃金 一匹 紅錦 做 訂禮 ，擇咗 今晚 好 日子 ，晚頭 黑 ，要嚟 老漢 個 莊 處 入贅 喎 。
唉 ，點鬥得過 佢 吖 ，只有 將 個 女 畀 佢 係 啦 。
老漢 就 為咗 呢件事 煩惱 啫 ，唔關 師父 你 嘅 事 。
哦 ，原來 係 噉嘅 。
誒 ， 小僧 有個 辦法 ， 能夠 使到 呢 個 大王 回心轉意 ， 唔 娶 你 嘅 女 嘅 ， 點啊 ？
咩話 ？唉 ，佢 係 個 殺人 唔眨眼 嘅 魔王 ，你 又 點 能夠 使到 佢 回心轉意 㗎 ？
我 喺 五台山 智真 長老 嗰處 ，學會咗 說 因緣 ，就算 佢 係 鐵石心腸 ，我 都 勸得 佢 聽 嘅 。
嗱 ，今晚 黑 ，你 叫 個 女 去 第 處 匿埋 ，我 就 喺 你 個 女 間 房 處 說 因緣 ，勸 嗰 個 大王 回心轉意 。
好就係好咯 ，之 你 唔好 去 捋 老虎 鬚 噃 。
嚱 ！唔通 我 呢條 唔係 命 嚟 咩 ？你 聽 我 講 包 冇 錯 。
哎呀 ！如果 係噉 就 真係 好咯 ，我 屋企 有福 啊 遇到 你 呢個 活佛 下凡 嚟 搭救 我哋 啊 。
啊 係 嘞 ， 師父 ， 你仲食 唔 食飯 啊 ？
飯 就 唔 食 喇 ，有 酒 就 攞 啲 嚟 飲 下 添 啦 。
有 ， 有 。
劉太公 即刻 叫 莊客 攞咗 一隻 熟鵝 嚟 ，大碗 大碗噉 斟酒 畀 魯智深 ，等 佢 盡情 噉 飲咗 三二十碗 ，食晒 隻 熟鵝 嚟 送酒 。
好喇 ，飲完酒 食完鵝咯 ，魯智深 就 叫 莊客 同 佢 將 個 包裹 搦咗 入去 間 房 先 。
佢 自己 啊 攞起 支 禪杖 ，揸住 把 戒刀 問 劉太公 話 ：
你 個 女 匿埋 咗 未 啊 ？
匿 埋 喇 ， 匿 埋 喇 ， 老漢 已經 將個 女 送 咗 去 隔 籬個 莊處 匿 埋 喇 。
好 ，帶 我 去 間 新 抱房 啦 。
劉太公 就 將 佢 帶 到 去 房門口 ，指 一指 話 ：嗱 ，裏便 就係 喇 。
得喇 ，你哋 自己 去 匿埋 啦 。
噉劉太公 同班 莊客 ，就 喺 外便 安排 筵席 咯 喎 。
魯智深 入到 間 房 ， 將 房裏 便 啲 檯 檯 椅椅 都 搬 埋 一 便 ， 將把 戒刀 擠 喺 床 頭 ， 支 禪杖 啊 憑 喺 床 邊 。
落咗 堂蚊帳 ，自己 就 除光晒啲 衣服 ，赤條條 噉 就 上床 坐喺度 等 嘞 。
天黑嘞 ，劉太公 叫 莊客 點起 晒啲 燈燭 ，喺 打麥場 擺好 一張 枱 ，上便 擺住 香花 燈燭 。
一便 又 吩咐 莊客 準備好 酒肉 。
約莫 到咗 初更 時分 ，就 聽見 山邊 敲鑼打鼓 嘞 。
哎呀 嚟喇嚟喇 ，嗰個 劉太公 個 心 就 十五十六 。
嗰班 莊客 個個 都 提心吊膽 ，大家 都 行晒 出去 莊門 外 便 睇 。
只見 遠遠 四五十個 火把 照到 光棖棖 好似 日頭 噉 ，一班 人馬 𠽤 哩𡃈嘞 𠽤 哩𡃈嘞 飛奔 而 嚟 。
劉太公 見到 就 叫人 大開 莊門 ，出去 迎接 啦 。
到喇 ，只見 前遮後擁 ，啲 刀槍劍戟 呀 閃閃亮亮 ，都 扎住 啲 紅綢 綠綢 嘅 。
嗰啲 小嘍啰 呢 ，個個 都 喺 頭巾 上 便 亂 咁 插住 啲 野花 。
前便 呢 仲 打住 四五 對 紅 紗 燈籠 ，照住 嗰個 大王 。
只見 嗰個 大王 呀 ，頭戴 干紅 凹面巾 ，鬢邊 插住 一枝 絹花 ；
身穿 一件 金繡 綠 羅袍 ，腰束 一條 銷金 包肚 紅 搭膊 ；
着住 一雙 對 掩雲 跟 牛皮靴 ，騎住 一匹 高頭 捲毛 大白馬 。
呢個 大王 ，嚟到 莊前 落咗 馬 。
嗰班 小嘍啰 就 齊聲 恭喜 話 ：
帽仔光光 ，今夜 做個 新郎 ；衣衫窄窄 ，今夜 做個 嬌客 。
劉太公 慌慌忙忙 親自 捧住 一杯酒 ，跪喺 地下 嚟 迎接 。
嗰班 莊客 亦都 跟住 一齊 跪低 。
嗰 個 大王 行前 嚟 用 手扶 起 劉太公 話 ： 嘿嘿 ， 你 係 我 個 外父 ， 點解 要 跪 起 我 上 嚟 啊 ？
唔 好 噉 講 ， 唔 好 噉 講 ， 老漢 只不過 係 大王 你 管轄 下 嘅 人 啫 。
嘿嘿 ， 嘿嘿 嘿嘿 嘿嘿 。
嗰個 大王 已經 醉咗 七八成 㗎喇 ，佢 話 ：
我 做咗 你嘅 女婿 係 唔會 虧待 你 嘅 。
你個女 愛 嚟 配 我 最 啱 㗎 喇 ，嘿嘿嘿嘿嘿嘿 。
劉太公 敬咗 下馬酒 ，同 個 大王 嚟到 打麥場 ，佢 見到 啲 香花 燈燭 就 話啦 ：
咦 ，嘿外父 ，使乜 咁 隆重 嚟 迎接 啊 ？
喺呢度 又 飲咗 三杯 ，叫 小嘍啰 將 馬匹 喺 樖綠楊樹 綁好 佢 。
劉太公 帶住 大王 嚟到 間 廳 坐落 。
啲 小嘍啰 就 喺 大廳 前 便 ，敲鑼打鼓 嘀嘀噠噠 奏起 樂 咯 喎 。
個大王話 ：外父 ，我 個夫人 喺邊處 啊 ？
誒 ， 誒 佢 怕 醜 ， 唔 ， 唔 敢 出 嚟 啊 。
呵呵 ，噉嗱 ，誒嚟 ，攞酒嚟 ！等我 敬返 外父 一杯 。
嗰個 大王 敬咗 劉太公 一 杯 酒 就 話 ：
等我 去 同 夫人 見 下面 先 ，然後 再 嚟 飲酒 都 未 遲 吓 。
劉太公 一心 想 個 和尚 同 佢 說 因緣 ，勸 佢 㗎 嘛 ，就 話 ：
好 ，好 ，等 老漢 帶 大王 去 啦 。
佢 攞起 支 蠟燭 ，帶住 個 大王 轉咗 入去 屏風 背後 一直 去到 新房 門口 。
佢 指住 間 房 同 個 大王 話 ：
呢間 就係 喇 ，請 大王 入去 啦 。
講完 自己 攞住 支 蠟燭 走人 喇 ，事關 吉凶 如何 都 唔知 嘅 ，嘿嘿 行開 穩陣 啲 啊 。
嗰個 大王 ，㧬開 道房門 ，見到 裏頭 黑𠵼𠵼 嘅 ，佢 就 話 ：
嘿嘿 ，你 睇 我 個 外父 ，啊 真係 坑 㗎 ，間 房 裏 便 連 燈 都 唔 點 盞 ，由得 我 個 夫人 黑𠵼𠵼 噉 喺度 坐 喎 。
誒好啦 ，等我 聽日 叫個 小嘍啰 ，喺 山寨 托桶 靚油 嚟 畀佢 點 。
魯智深 坐喺 蚊帳 裏頭 ，聽住 佢 喺度 噏 ，揞住 個嘴 搏命 忍住 笑 呀 粒聲 唔出 。
嗰個 大王 一步一步 噉 摸 入 間 房 裏 便 。
娘子啊 ，娘子 ，乜 你 唔 出嚟 迎接 我 唧 。
嘿嘿嘿嘿 ，你 唔使 怕醜 ，我 聽日 呀 ，要 你 去 做 壓寨夫人 啊 。
佢 一便 娘子 ，娘子 咁 嗌 ，一便 就 摸嚟摸去 。
一摸摸到堂蚊帳 ，得喇 ，就掀起蚊帳 ，伸隻手入去 摸咯喎 ，一下就摸着 魯智深 個肚腩 。
點知 畀 魯智深 一手 揦住 佢 頂頭巾 出力 一扤 ，就 將 佢 個 頭 扤實 。
嗰個 大王 正 話 想 掙扎 ，魯智深 鬧咗 一 聲 ：死賊種 ！舉起 拳頭 喺 佢 個 耳仔 背後 抌咗 一 槌 。
嗰個 大王 就 嗌喇 ：哎 ，哎呀喂 ，你 點解 打 老公 吖 你 ！
打 老公 ？我 等 你 嚟 認識 下個 老婆 吖嗱 ！
出力 一拖 ，將 佢 成個 扤 喺 鋪床處 拳腳交加 ，打到 嗰個 大王 嗌 救命 。
劉太公 嚇到 傻晒 ，初初 只話 呢個 時候 ，喺 間 新房 處 說 因緣 勸 嗰個 大王 啦 ，點知 聽見 裏 便 嗌 救命 喎 。
劉太公 慌慌忙忙 ，攞住 支 蠟燭 ，帶住 啲 小嘍啰 急急 趕入去 睇下 究竟 出咗 咩 嘢事 啦 。
入到 房 一睇 ，哎呀 死咯 ，只見 一個 又肥又大 嘅 和尚 ，赤條條 一絲不掛 噉 ，喺 鋪床 前面 騎住 個 大王猛 咁 打 。
做頭嗰個 小嘍啰 大聲 嗌話 ：你哋 快啲 嚟 救 大王 啊 ！
嗰班 小嘍啰 一齊 揸住 槍槍棒棒 ，打入嚟 想 救 佢哋 個 大王 咯 喎 。
魯智深 見到 咁多 人 嚟 ，就 擗低 個 大王 ，喺 床邊 攞起 支 禪杖 ，打出去 嘞 。
班 小嘍啰 見 佢 來勢兇猛 ，喎嗬噉啊 走散晒 。
劉太公 一味 叫苦 係啦 。
就喺 打鬧緊 嘅 時候 ，嗰個 大王 躝下躝下 ，躝出咗 房門 ，趯到 去 門口 。
摸着佢嗰匹空馬 ，喺樹上面拗一支柳枝 ，啪聲跳上馬背 用條柳枝就鞭隻馬 ，嘻 ，隻馬跑唔走噃 。
大王 就 話 喇 哎呀 死啦 ，連 隻 馬 都 嚟 欺負 我 。
再睇下 ，原來 先頭 心慌 啊 ，連 韁繩 都 未曾 解開 。
哎呀 ，連忙 掹斷 佢 ，騎住 匹馬 飛跑 。
出咗莊門 就 鬧嘞 ：劉太公 你個死老鬼 ！你 定啲嚟吓 ，唔怕 你 會 飛去 ！
用 條 柳枝 拂 咗 隻 馬 幾 下 ，𠽤哩𡃈嘞 𠽤哩𡃈嘞噉 就 跑 上 山 嘞 。
嗰個 山大王 同 啲 小嘍嘍 走晒 ，劉太公 就 拉住 魯智深 話 ：
和尚啊 ，哎呀 ，呢趟 你噉就 害得 我一家 好慘啊 。
唔好怪 我 失禮 ，攞返 我啲 衣服 嚟 先 ，等 我 着返 件 衫 先至 講 。
莊客喇喇聲 入去 新房 ，攞返 啲 衣服 出嚟 畀 魯智深 着好 。
劉太公 就 話 ：哎呀 當初 ，我 只係 望 你 說 恩怨 ，勸佢 回心轉意 。
點知 你 落手 打咗 佢 一餐 喎 ，佢 實係 返去 山寨 ，班 齊 人馬 嚟 殺 我 全家 定 㗎 喇 。
太公 ，你 唔使 慌㗎 。
我 講 你 聽 ，我唔係 邊個 ，我 係 延安府 老 種 經略 相公 帳 前 提轄 官 。
因為 打死咗 人 ，所以 出家 做咗 和尚 唧 。
咪 講話 呢 兩個 嘢 啊 ，就算 係 一兩千 兵馬 嚟 我 亦 唔怕 佢 ！
你哋 大家 如果 唔信 ，即管 拎下 我 呢支 禪杖 睇下 。
有啲 莊客 真係 過去 搦 喎 ，冇 個 拎得逳 。
魯智深 一手 攞起 支 禪杖 ，就 好似 攞住 條 燈芯 噉 ，拂拂聲 噉 舞起 上嚟 。
嘩嗨 ，係使得噃 。
劉太公 話 ：師父 啊 ，噉 你 千祈 唔好 走 啊 ，要 救 我哋 一家 先至 好 啊 。
你 唔 使 慌 ， 我 死 都 唔 走 啊 。
誒噉就好咯噉就好咯 。
誒 ，你哋 快啲 攞 啲 酒 嚟 畀 師父 飲 。
不過 師父 ，你 唔好 飲到 陀陀擰 喎 。
我呀 ，一分 酒 ，只有 一分 本事 ；
十分酒呀 ，就 有 十分嘅 本事 ！
哦？ 噉就 最好啦 。
我呢處 有嘅 係 酒肉 ，師父 你 即管 飲到夠 食到夠 啦 。
好喇 ，而家 唔 講 魯智深 飲酒 食肉 住 ，講返 嗰個 桃花山 。
嗰個 大頭領 喺 山寨 裏頭 ，正 話 想 派人 去 探聽 一下 ，去咗 做 新 女婿 嗰個 二頭領 究竟 點 喇 而家 。
只見 幾個 小嘍啰 氣急敗壞 噉 趯返嚟 一味 嗌 ：弊喇弊喇 噉 。
大 頭領 就問 ： 咩 事 啊 ？ 乜 慌成 噉 啊 ？
哎呀 ，弊喇 ，二阿哥 畀 人哋 打傷 咗 喇 ！
大頭領 大吃一驚 ，正話 想 問清楚 究竟 係 咩嘢事 啦 ，就 聽見 有人 話 ，二阿哥 返嚟 喇 ！
大頭領 一 睇 ，只見 二頭領 ，嗰 頂 紅頭巾 冇咗 咯 ，身上 着 嗰件 綠袍 就 掹 到 爛晒 。
佢 一 落馬 ，就 喺 間 廳 前面 碌低 。
阿哥 ， 阿哥 ， 誒 你 救 下 我 ， 你 救 下 我 。
哎呀 ， 咩 事 啊 ？
誒 ， 誒 ， 兄弟 我 ， 落 咗 山 ， 去 到 劉家莊 ， 入到 去 嗰 間 新房 。
點知道 ，豈有此理吖 ，嗰個 老鬼 收起咗 個 女 ，咦 叫咗 個 肥和尚 匿埋 喺 佢 個 女 鋪床 處 。
我 ，我又冇提防 ，揦起 蚊帳 伸隻手入去 摸一摸 啦 。
畀嗰個嘢揪住 ，又拳又腳 打咗我 一大餐 ，哎喲 ，哎呀 打到我 成身 都 瘀晒 。
誒嗰個嘢 ，見到 大家 入嚟 救 我 ，就 放開手 ，攞起 條 禪杖 打 出去 。
我噉先至走甩身 ，撿返條命 咋 。
阿哥 ，你 要 同我 做 主 報仇 啊 ！
原來噉嘅 ，你 返去 房 休息 下吓 ，我 同 你 捉 嗰個 賊 和尚 嚟 。
人嚟 ，快啲 同我 備馬 ！
大頭領 上咗 馬 ，攞起 支槍 ，帶齊晒 啲 小嘍啰 ，喎嗬 一齊 吶喊 落山 嘞 。
再講下魯智深 ，佢 正 喺度 飲酒 呢 ，都 唔知 幾 過癮 。
有個 莊客 嚟 話 ：山上 嘅 大頭領 帶 齊 人馬 嚟喇 ！
你哋 唔使 驚 ，總之 我 打低嘅 ，你哋 就 將 佢 綁起嚟 ，解去 官府 請賞 啦 ！
攞 我 把 戒刀 嚟 ！
魯智深 除咗 件 長袍 ，將 衣服 束好 ，喺 腰間 掛起 把 戒刀 ，攞起 支 禪杖 。
只見 大頭領 喺 火把 叢 中 ，騎住 匹 馬 衝 到 莊 前 ，挺住 支 長槍 大聲 咁 喝 ：
嗰個 禿驢 喺 邊度 啊 ？快啲 出嚟 決 個 勝負 ！
魯智深 火滾 ：你個邋遢鬼 死賊種 ，叫你 認識下我 ！舞起 支禪杖 就 打過去 。
嗰個 大頭領 收住 支槍 ，大聲 噉 話 ：
和尚 ，你 唔好 逳手 ，你 把 聲 聽起上嚟 好 熟 嘅 ，你 報 個 名 嚟 ！
我唔係第個 ，老種 經略 相公 帳前 提轄 魯達 就係 我 。
而家 出咗 家 做 和尚 ，叫做 魯智深 。
嗰個 大頭領 哈哈大笑 ，即刻 落馬 掉低 支槍 ，跪低 就 拜 ：阿哥 ，你 別來無恙 吖嘛 ？
魯智深 以為 佢 用計仔 嚟 氹佢 ，啪聲 一跳 退後 幾步 ，將 支 禪杖 收住 ，定眼 一睇 。
喺啲 火把 光照住 ，認得 呢個 大頭領 啊唔係 邊個 ，原來 係 走江湖 打武 賣 膏藥 嘅 教頭 ，打虎 將 李忠 。
李忠行 完禮 起身 ，扶住 魯智深 問 ：
阿哥 ，你 點解 做咗 和尚 啊 ？
嚟 ，同 你 入去 先至 講 。
劉太公 見到 心 都 實晒 ， 呀 死 咯 死 咯 ， 呢 個 和尚 原來 係 同 佢 一路 嘅 喎 死 咯 。
入到屋 ，魯智深 着返件長袍 ，同 李忠 去 間廳 處 傾偈 聚下 舊 。
魯智深 坐喺 正面 ，叫 劉太公 出嚟 。
嗰個 伯父 呀 ，腳 都 軟晒 ，唔敢 行前嚟 。
魯智深 就 話 ：太公 ，你 唔使 怕 ，佢 係 我 嘅 兄弟 嚟 。
哎呀 ， 死 喇 ， 死 喇 ， 嗰 個 伯父 聽 講話 係 兄弟 添 ， 個心 就 越發 慌 啦 。
之又唔敢唔出嚟啊 ，只有 扤下扤下噉扤出嚟 。
李忠 坐 喺 第二位 ， 劉太公 坐 喺 第三位 。
魯智深 話 ： 我 自從 喺 渭 州 ， 三拳 打死 咗 鎮 關西 之後 呢 ， 我 就 趯 咗 去 代州 雁門 縣 ， 遇見 咗 我 搭救 過 嗰 個 金 老 喎 。
嗰個 伯爺公 ，原來 冇 返去 東京 ，就 跟埋 呢個 相識 喺 雁門縣 住 。
佢 個 女 呢 ，就 跟咗 本地 一個 財主 趙 員外 。
嗰個 趙 員外 相識咗 我 ，對 我 好 敬重 。
點知 官府 要 追捕 我 ，追得 好緊 。
趙員外 就 貼錢 送咗 我 去 五台山 智真長老 嗰處 ，落發 為 僧 。
我 誒 因為 兩次 飲醉酒 ，大鬧 僧堂 ，長老 就 寫咗 一封 信 交畀 我 ，叫 我 去 東京 大相國寺 ，投奔 智清 禪師 搵 個 職事僧 做下 。
行到 呢處 因為 夜喇 ，就 喺 呢度 投宿 ，冇 想到 同 你 見到 面 。
係喇 ，我 先頭 打 嗰個人 係 邊個 ？你 又 點解 會 喺 呢度 嚟 呢 ？
小弟 自從 嗰 日 同 阿哥 你 同埋 史進 三個 人 ， 喺 渭 州 酒樓 分散 之後 ， 第日 就 聽講 阿哥 你 打死 咗 鄭屠 。
我 走去 搵 史進 商量 啦 ，之 又 唔知 佢 去 咗 邊處 喎 。
收尾 小弟 聽到 話 啲 差人 到處 緝捕 ，我 亦 慌忙 離開 渭州 。
嗰日 ，我 喺 呢度 山下 便 經過 ，就 遇 啱 先頭 畀 阿哥 你 打 嗰個 人 。
佢 叫做 小霸王 周通 ，喺 桃花山 扎寨 做 頭領 嘅 。
當時 佢 帶 住 人馬 落山 嚟 同 我 打 ，嚱 畀 我贏 咗 佢 ， 佢 就 留 我 喺 山 嚟 做 寨主 ， 讓 咗 第一把 交椅 畀 小弟 坐 ， 所以 我 就 喺 呢 處 落草 嘞 。
既然 兄弟 你 喺 處 ，劉太公 呢 頭 親事 ，以後 就 唔好 再 提 。
佢 就係 得 呢 一粒 女 ，要 靠 佢 養老 嘅 ，如果 畀 你哋 攞咗 去 ，就 使到 佢 老人家 無依無靠 㗎 喇 。
劉太公 聽見 魯智深 噉 講 ，哎呀 個 心 安樂 晒 歡喜 到 不得了 ，即刻 擺 酒 款待 佢哋 兩位 。
啲 小嘍啰 呢 ，每人 兩個 饅頭 、兩件 肉 、一大碗 酒 ，等 佢哋 個個 都 食得 飽飽 。
然後 ，劉太公 將 原來 個 訂禮 嗰 廿 兩 黃金 同 一 匹 紅 錦 攞 返 出嚟 。
魯智深 對 李忠 話 ：兄弟 ，你 同 佢 收返 起啲 訂禮 ，嗱 ，呢件事 就 交晒 畀 你 喇 。
哦 ，冇 問題 冇問題 ，阿哥 ，你 請 去 我哋 小寨 住下 。
劉太公 ，你 亦 同埋 去 行一行 呢 。
於是 ，劉太公 就 叫 莊客 準備 一 頂 轎 ，抬 魯智深 ，帶 齊 禪杖 、戒刀 、行李 。
李忠 啊 上咗 馬 ，劉太公 亦 坐 一 頂 小轎 。
起行嘅時候 ，已經 天光大白喇 。
