話說 司馬炎 即位 之後 啊 ，即刻 就 大封 功臣 。
咩嘢 功臣 啊 ？擁護 自己 嘅 就係 功臣 咯 。
封何曾做晉丞相 ，司馬望做司徒 ，石苞做驃騎將軍 ，陳騫做車騎將軍 等等 ，尊稱父親司馬昭做文帝 。
噉 安葬咗 司馬昭 之後 ，有 一日 ，司馬炎 召 賈充 、裴秀 呢 兩個 老臣子 入 宮 嚟 問 佢哋 話 ：
聽講 曹操 曾經 講過 話 ，若果 天命 在 我 ，我就係 周文王 喇噉 。
是否 真 有 其事 呢 ？
賈充 聽 佢 噉樣 問法 ，明白 司馬炎 嘅 意思 咯 。
佢 回答 話 ：係真㗎 ，因為 曹操 嘅 家庭 世世代代 都 係 做 漢朝 嘅 官 。
佢 又 怕 人 話 佢 想 謀 朝 篡位 ，故此 就 講 句 噉 嘅 說話 啫 ，噉啊 明明 係 叫 曹丕 做 天子 噉 解 吖 嘛 。
噉 你 話 我 父王 比起 曹操 嚟 又 點 呢 ？
曹操嘅 功績 ，雖則 係 認真 偉大 ，不過 人人 都 係 怕 佢嘅 威勢 ，而 唔係 感激 佢嘅 恩德 嘅 。
等到 佢 個 仔 曹丕 繼承 佢 嘅 基業 之後 ，年年 嘅 差役 都 甚 重 ，奔波 勞累 ，未 有 一年 係 安寧 嘅 。
及至到咗 我哋 宣王 、景王 ，屢 建 大功 ，布恩施德 ，天下 歸心 好耐 咯 。
而 文王 並吞 西蜀 ，功 蓋 天下 ，曹操 又 點 可以 相比 呢 ？
哈哈哈哈哈哈 ，你哋 話嘞 ，曹丕 尚且 繼承 漢朝 嘅 大統 ，孤王 唔通 唔可以 繼承 魏國 嘅 大統 咩 ？吓 ？
司馬炎 既然 講到 白咯 ，賈充 、裴秀 當然 冇 話 唔 順水推舟 㗎 。
佢 兩個 立即 跪 喺 處 叩 幾個 頭話 ：
殿下 正係 應當 效法 曹丕 ，繼承 漢室 嘅 做法 ，築 一個 受禪台 ，向 天下 通告 ，登上 天子 嘅 寶座 啊 ！
嘿 司馬炎 滿心 歡喜 啊 。
第日 ，佢 帶住 劍 直 入 皇宮 。
呢一排呀 ，魏主 曹奐 都 冇 臨朝 ，總係 心神恍惚 就 坐立不安 。
當時 司馬炎 入到 後宮 ，曹奐 就 喇喇聲 起身 迎接 佢 ，請 佢 坐 。
司馬炎 坐落 就 問嘞 ：魏國 得到 天下 ，係 靠 邊個 嘅 力量 啊 ？
曹奐 話 喇 ：都係 晉王 你 父祖 所賜 啫 。
嘿嘿 ， 嘿嘿 嘿嘿 嘿嘿 嘿嘿 。
我 睇 陛下 你 ，文 不能 論道 ，武 不能 保國 ，點解 唔 讓位 畀 個 有才德 嘅 人 呢 ？
吓 ？ 誒 ， 誒 ， 當堂 驚到 曹奐擘 大個 嘴 ， 口唇 一味 震 就 乜嘢 都講 唔 出 。
當其時 黃門侍郎 張節 企 喺 曹奐 旁邊 ，佢 聽 司馬炎 竟然 開口 逼 曹奐 退位 ，就 大喝 一聲 話 ：
晉王 你 嘅 說話 錯咯 。
往日 ，魏武祖皇帝 ，東蕩西除 ，南征北戰 ，唔知 幾 艱難 先至 得到 呢一個 天下 。
當 今天 子 ，有 德 無 罪 ，點解 要 讓位 畀 人 啊 ？
司馬炎 發火 喇 ，佢 大聲 噉 話 ：
呢個 社稷 係 大漢 嘅 社稷 ，曹操 挾 天子 以 令 諸侯 ，自立 魏王 篡奪 漢室 。
我 父祖 三代 輔助 魏國 ，之所以 得到 天下 ，並非 係 曹氏 有 能力 ，實際上 乃係 我哋 司馬氏 嘅 力量 。
呢一點 係 四海皆知 嘅 。
唔通 我 今日 冇 資格 繼承 魏國 嘅 天下 咩 ？
你 ， 你 ， 你 你 你 你 要 做 呢種 事情 ， 就 係 篡奪 國家 嘅 奸賊 ！
嘿！ 我 同 漢室 報仇 有 何 不可 啊 ？
司馬炎 怒氣沖天 ，跟住 就 喝 武士 拉 張節 出去 ，夾生 打死 。
嚇到 曹奐 呀 ，跪喺 地 嚟 ，喊住 猛咁 懇求 司馬炎 收回 成命 。
司馬炎 唔睬 佢 ，企起身 捩頭 行咗 出去 。
曹奐 就 問賈 充同 裴秀話 嘞 ： 誒 ， 噉 點算 啊 ？ 噉 點算 啊 ？
賈充話 ：天數盡咯 ，陛下 ，陛下你唔好逆天啊 。
應當 按照 漢獻帝 嘅 做法 ，築 一個 受禪壇 ，禪位 畀 晉王 吖 。
噉樣做 ，上合 天心 下順 民意 ，陛下 你 就 擔保 平安 無事 㗎喇 。
事到如今 ，曹奐 唔肯 都要 肯㗎啦 ，就 叫 賈充 負責 去 起 一個 受禪壇 ，擇定 十二月 甲子日 ，舉行 禪位 典禮 。
到咗 呢一日 ，文武百官 都 嚟齊喇 ，排列晒 喺 壇下 。
曹奐 親自 捧住 傳國玉璽 企 喺 壇 上 便 ，然後 請 晉王 司馬炎 登壇 。
曹奐 將 個 玉璽 交咗 畀 司馬炎 ，佢 就 落壇 喇 ，換過 一 件 大臣 嘅 袍服 ，企 喺 百官 隊列 嘅 第一 名 嗰度 。
跟住 賈充 、裴秀 ，揸住 把 劍 ，一左一右 企 喺 曹奐 旁邊 ，叫 曹奐 跪低 向 司馬炎 再 拜 行禮 。
噉啊由賈充宣佈命令 ，賈充話 ：
自從 漢 建安 二十五 年 ，魏 受 漢禪 ，已經 四十五 年 ，今日 ，運數 永遠 結束 ，天命 在 晉 。
司馬氏 功德 ，無比 偉大 ，極 天際地 ，應當 登 皇帝 正位 ，以 繼承 魏國 大統 。
而家 ，封 你 做 陳留王 ，居住 喺 金墉城 內 ，立即 起程 。
以後 ，非 天子 宣召 不准 入 京 。
曹奐 淚流滿面 ，叩頭 謝恩 就 起程 走嘞 。
當日 ，文武百官 喺 壇下 三跪九叩 高呼 萬歲萬歲萬萬歲 ，慶賀 新皇帝 登基 。
呢一日 ，司馬炎 繼承 咗 魏國 大統 ，改 個 國名 做 晉 。
將 年號 改為 泰始 元年 ，即係 公元 二六五 年 啊 ，大赦 天下 。
於是呢 ，魏國 就 亡喇 。
噉大事 一定啊 ，晉帝 司馬炎 每日 都 喺 朝廷 之上 ，同班 大臣 商量 討伐 吳國 嘅 計策 嘞 。
噉啊司馬炎一登皇位就想吞埋東吳 ，噉東吳嗰便又點呢 ？
而家 就 講 下 吳 主孫 休 。
佢 聽聞 司馬炎 已經 篡奪 咗 魏國 ，知道 佢 實 會 嚟 攻打 吳國 嘅 ，憂心 到 不得了 。
憂憂下就憂出病嚟 ，而且 惡化得好快 ，冇幾耐 就 唔起得身嘞 。
呢一日 ，佢 知道 就 唔得喇 ，就 召 丞相 濮陽興 入 宮 ，叫 太子 孙𩅦 就 出嚟 對 濮陽興 行 過 禮 。
孫休個 嘴 逳逳 下 ， 想 講句 咩 嘢 ， 但 係 已經 講唔 出聲 嘞 ， 又拉住 濮陽興 隻 手臂 ， 又 用 手指 一指 孙 𩅦， 突然 雙眼 一瞇 埋 ， 噉 就 死 咗 咯 。
濮陽興啊即刻出嚟同一班大臣商量 ，想話立太子孙𩅦做皇帝 。
但係 左典軍 萬彧 話 ：孙𩅦 年紀 細小 ，唔能夠 執政 嘅 。
不如 接 烏程 侯孫皓 嚟 ，立 佢 仲 好 啦 。
左將軍 張布 亦都 話 ：係咯 ，孫皓 有 才學 ，做事 英明 果斷 ，係 做得 帝王 㗎 。
濮陽興 揸唔定 主意 ，就 入宮 去 稟奏 朱太后 啦 。
太后 話 喇 ：我 一個 寡婦 人家 ，點 識得 社稷 大事 呢 ？
丞相 你哋 斟酌 ，要 立 邊個 就 邊個 啦 。
好啦 ，於是 濮陽 興 等等 一班 大臣 ，就 去 接 孫皓 嚟 繼位 做 皇帝 。
孫皓 字 元宗 ，係 孫權 嘅 太子 孫和 嘅 仔 。
當年 七月 ，就 登基 做 皇帝 ，改 個 年號 做 元興元年 ，封 太子 孙𩅦 做 豫章王 ，追稱 佢 父親 宣和 做 文皇帝 ，母親 何氏 ，做 太后 ，就 加封 老將 丁奉 做 右大司馬 。
第年 呢 ，又 將 個 年號 改為 甘露 元年 ，即係 公元 二百 六十五 年 。
孫皓 呢個人 啊 ，一 做咗 皇帝 就 顯露出 佢 嗰種 兇暴 嘅 性格 。
而且 極之 沉迷 酒色 ，又 寵幸 中常侍 岑昏 呢個 大太監 。
濮陽興 、張布 兩個 老臣子 就 勸 佢 啦 ，哈 誰知 噉 就 激嬲咗 孫皓 ，一發火 就 殺咗 佢 兩個 ，而且 仲 滅 三族 添 。
哎呀 ，得了嘅 ？
從此 朝廷 之上 啊 ，啲 大臣 個個 都 合埋 把嘴 ，唔敢 再 嚟 勸諫 孫皓 嘞 。
過咗 一年 ，孫皓 又 將 年號 改做 寶鼎 元年 ，即係 公元 二六六 年 。
佢 任命 陸凱 、萬彧 就 分別 做左 丞相 、右丞相 。
當時 孫皓 住 喺 武昌 ，噉 揚州 一帶 嘅 百姓 呢 ，要 軛 水 運送 種種 物資 去 武昌 供應 孫皓 嘅 揮霍 ，真係 苦不堪言 咯 。
孫皓 此人 係 極之 奢侈 嘅 ，所以 做 皇帝 做咗 年 零 呢 ，就 搞到 國家 窮晒 。
老百姓 當然 更 貧困 啦 。
陸凱 忍唔住 ，就 上一道 表章 勸諫 孫皓 。
一 ，就 勸佢 將 京都 遷返 去 建業城 ，唔好 喺 武昌 。
二 ，勸佢 減輕 老百姓 勞役 ，與及 種種 苛捐雜稅 嘅 負擔 ，節省 開支 。
三 ，就勸佢 減少 宮女 ，精簡 官員 ，就 任用 賢德 嘅 人 等等 。
孫皓 睇完 奏章 ，唔使 問 阿貴 就 梗係 唔高興 啦 不過 呢 一次 呢 就 冇 殺 陸凱 。
孫皓 呢個 皇帝 呀 ，你 勸 佢 節省 開支 ，佢 又 下令 大興土木 ，要 起 一座 大 宮殿 叫做 昭明宮 ，命令 文武 官員 入 山 去 攞 木 啊 。
佢 又 曾經 搵過 一個 術士 叫做 尚廣 ，叫 佢 占卦 ，問下 奪取 天下 嘅 事情 。
尚廣啊 占咗 一支卦 就 稟奏 話 喇 ：
陛下 占 呢 支 卦 ，乃係 大吉 之 兆 啊 ，到 庚子 嗰 年 ，即係 仲有 十零 年 添 ，陛下 就 打起 羅傘 入 洛陽 咯 。
占咗 支 咁 好 嘅 卦 ，孫皓 㷫晒 喇 。
呢一日 ，佢 召 中書丞 華覈 嚟 ，佢話 ：
先帝 接納 咗 愛卿 你 嘅 意見 ， 分頭 派出 將帥 ， 喺 沿江 一帶 ， 駐扎 咗 幾百 營 嘅 兵馬 ， 由 老將 丁奉 嚟 做 總指揮 。
今日 ，朕 想 奪取 漢土 ，為 蜀主 報仇 雪恨 。
愛卿 你 認為 我軍 應當 先 打 邊笪 地方 為好 呢 ？
華覈 就 勸 佢 話 喇 ：而家 成都 失守 ，蜀國 滅亡 。
司馬炎 必定 想 吞併 埋 我哋 吳國 嘅 。
喺噉嘅情勢之下 ，陛下 應該 施行 德政 ，安定 民眾 ，呢個 先 係 上策 。
若果勉強起兵 ，正一係 好似 褸住 蓑衣 救火 ，盞燒傷 自己 嘅啫 。
請陛下考慮 。
孫皓 本來 一肚 高興 ，心 雄氣 壯 嘅 。
點知 畀 華覈 兜頭 潑 一盆 冷水 ，嘿 真係 可惱 喇 。
佢 發火 噉 斥責 話 ：
朕 正係 要 趁住 大好時機 ，恢復 舊業 ，你 就 講埋 啲 噉嘅 唔吉利嘅 說話 ，哼 ！
若果 唔 係 睇 在 你 係 個 老 臣子 ， 就要 將你 斬首 號令 啊 。
人嚟 ！將佢 趕出去 ！即刻 就 喝啲 武士 將 華覈 趕出 金殿 。
華覈 行咗 出去 ，仰天 長歎 噉 話 ：
唉 ！啊可惜 錦繡 江山 ，不久 就 屬於 他人 咯 。
從此之後呢 ，華覈 就 隱居 唔肯 出嚟 做事 。
孫皓 當然 係 唔理佢 啦 ，自己 想 點做 就 點做 。
佢 命令 鎮東 將軍 陸抗 ，率領 本部 兵馬 去 江口 駐扎 ，打算 進攻 襄陽 。
司馬炎 就 探聽到 呢個 消息 ，即刻 召集 一班 大臣 嚟 商量 對策 。
賈充啊 出班 稟奏 話嘞 ：
臣 聽聞 吳國 孫皓 不修德政 ，專行 無道 。
陛下 可以 命令 都督 羊祜 帶兵 迎敵 ，等到 吳國 內部 發生 變亂 ，到時 乘機 進攻 ，噉 掃平 東吳 就 易如反掌 啦 。
好辦法 ，好辦法 ！
司馬炎 非常高興 ， 立即 派個 使者 帶住 詔書 去 襄陽 ， 將呢 個 計劃 講 畀 羊祜 聽 。
羊祜 一 接到 命令 ，就 整頓 兵馬 準備 迎敵 嘞 。
羊祜 真係 有一套 ，自從 佢 鎮守 襄陽 之後 ，好 得到 軍民 嘅 擁戴 。
投降過嚟嘅 吳國 兵卒 呢 ，有些 係 想 返去 嘅 呢 ，亦都 聽從 佢哋 自便 。
佢 就 減少 駐防 同 巡邏 邊境 嘅 兵卒 ， 將減 落 嚟 嘅 人 啊 去 開 墾荒地 ， 耕種 咗 八百 幾頃 。
噉 喺 佢 初 初 上任 嘅 時候 啊 ， 軍隊 裏 便 啊連 一百日 嘅 糧食 都 唔 夠 嘅 。
哈之到咗年尾 ，軍隊 已經 儲備 咗 十年 嘅 糧食 喇 ！厲害啩 ？
羊祜 喺 軍隊 裏頭 啊 ，佢 好多 時 都係 着 便服 ，唔 着 盔甲 嘅 ，帳前 侍衛 亦 不過 十零 人 嘅 啫 ，佢 嘅 作風 就係 噉嘅 。
有一日 ，有個 將官 向 佢 稟告 話 ：
將軍 ，根據 探馬 嘅 報告 ，話 吳兵 都 好 鬆懈 嘞 。
我軍 趁 佢 冇 準備 去 襲擊 佢 ，必 獲 大勝 嘅 。
羊祜啊笑喇 ：哈哈哈哈哈哈哈哈 ，哈哈哈 ，你哋 大家 咁 睇 小陸 抗 呀 ？
唔得啊 ，此人 足智多謀啊 。
前 嗰 排 佢 奉 咗 吳 主 嘅 命令 攻佔 咗 西陵 ， 斬 咗 步 闡同 幾十個 將士 ， 我 去 救 都 救 唔 切 。
吳國 用 此人 掛帥 ，我哋 應當 堅守 就 啱嘞 。
一定要 等到 吳國 內部 有 變亂 先至 可以 逳手 。
如果 唔 睇 時勢 就 輕率 噉 進兵 ，必定 招致 失敗 。
噉啊眾將官 都 信服 羊祜 嘅 分析 ，一直 都係 堅守 疆界 就係 嘞 。
有一日 ，羊祜 帶埋 眾將官 一齊 去 打獵 。
吖咁啱呢一日啊 ，陸抗 亦 出嚟 打獵 。
羊祜 就 下令 嘞 ：我軍 一律 不准 過界 ！
因此 眾 將官 只係 喺 晉國 嘅 地方 呢一便 打獵 ，一步 都 冇 踏過 吳國 嘅 境界 。
陸抗 見到 噉嘅 情景 不禁 讚歎 起嚟 話 ：
羊 將軍 咁 有 紀律 ， 唔 犯 得 佢 㗎 。
到咗 挨晚 ，兩便 打獵 嘅 都 結束 喇 。
羊祜返 到 軍營 ， 叫 人查 清楚 ， 今天 打倒 嗰 啲 禽獸 啊 ， 凡 係 畀 吳國 嗰 便 嘅 人 打傷 先 嘅 ， 第朝 早就 派 人 一律 送返 畀 吳軍 。
吳軍啲人 就 梗係 歡喜 啊 ，就去 報告 陸抗 咯 喎 。
陸抗 叫 送還 禽獸 嘅 人 嚟 問 佢 話 ：你哋 主帥 飲唔飲得 酒 㗎 ？
啟稟將軍 ，有 靚酒 我哋 主帥 都 好 鐘意 飲 㗎 。
哦？ 哈哈哈 ，誒 我 有 啲 酒 ，藏咗 好耐 㗎 喇 ，而家 交畀 你 帶返去 畀 羊 都督 。
你就話呢啲酒 ，係 我陸某 親自 釀製 ，愛嚟 自己 飲嘅 。
而家 送 啲 畀 羊 都督 ，聊表 昨日 打獵 之 情 啊 。
多謝 將軍 ！噉 個 使者 帶住 陸抗 送 嘅 酒 就 去咗 嘞 。
左右啲人 就 問 陸抗 啦 ：將軍 ，你 送 啲 酒 畀 羊祜 ，誒 ，有 咩 嘢 意思 㗎 ？
哦 ，佢 既然 對 我哋 咁 好 ，我 又 點能夠 冇 啲 報答 嘅 呢 ？就係 噉 意思 啫 。
敵人 嚟 嘅 喎 乜 好似 老友 噉 嘅 ？
左右啲人 愕然 啊 。
而家 講下 嗰個 使者 佢 送完 禽獸 返到 吳軍 營寨 ，就 見 羊祜 。
將 陸抗 問 佢 嘅 說話 啊 ，同埋 送酒 嘅 事 就 詳詳細細 噉 稟告 畀 羊祜 知 。
羊祜 聽咗 就 笑喇 ：吓 ？哈哈哈哈哈哈哈哈 ，乜 佢 亦 知道 我 鐘意 飲酒 咩 ？
就叫人開個壺 ，斟啲酒出嚟飲下 。
有個 將官 叫做 陳元 就 勸 佢 話 喇 ：都督 你 唔好 飲住 ，啲 酒 裏 便 ，唔知 有冇 毒 嘅 噃 。
誒 ，陸抗 唔係 暗中 落毒 嗰種 人 ，唔使 疑心 嘅 。
講完 ，真係 攞起 啲 酒 就 飲 。
從此之後啊 ，雙方 都 經常 派 使者 就 互相 問候 ，有來有往 。
有一日 ，陸抗 派人 去 問候 羊祜 。
羊祜 又 問嘞 ：陸將軍 身體 好吖嘛 ？
回覆 羊 將軍 ， 我 哋 主帥 病 咗 幾日 ， 都 未 起 得 身 啊 。
哦？ 誒 我 估 陸 將軍 嘅 病 都 係 同 我 一樣 㗎 喇 。
我 埋 定啲 熟藥 喺 處 ，你 攞 啲 返 去 畀 陸將軍 食 啦 。
噉嗰個人 多謝 一聲 就 帶 啲 藥 返去 畀 陸抗 。
眾將官 異口同聲 噉話 ：羊祜 係 我哋 嘅 敵人 嚟 ，呢啲 藥 必定 唔係 好嘢 。
陸抗 話 喇 ：羊祜 冇 噉樣 害人 嘅 你哋 大家 唔使 多疑 。
陸抗 真係 照食 羊祜 送嚟 嘅 藥 ，哈哈 ，啲 藥 啊 確實 係 靈噃 。
第日 ，居然 啲 病 好返晒 添 。
噉就 眾 將官 紛紛 嚟 祝賀 啦 。
陸抗 對 大家 話 喇 ：
如果 佢 專門 講 德政 ，而 我哋 只係 一味 講 暴力 ，噉 佢 唔使 打 ，就 可以 制服 我哋 㗎喇 。
而家 只係 宜於 各 保 疆界 就 得嘞 ，唔好 去 追求 一啲 細微 嘅 利益 ，各位 明白 啦 嘛 ？
係 ，謹遵 都督 之 命 ！
噉眾將官 都 聽從 陸抗 嘅 命令 ，守住 邊界 同 晉軍 呢 ，相安無事 。
呢一日 ，吳 主孫 皓 派 個 使者 嚟到 前線 ，向 陸抗 傳達 佢 嘅 命令 。
使者話 ：天子 傳諭 將軍 ，要 從速 進兵 ，切不可 等 晉軍 打入嚟 先 。
陸抗 話 喇 ：你 返去 先 ，我 跟住 有 奏章 呈送 皇上 㗎 嘞 。
噉 個者 就 走 先 咯 喎 。
好快趣 ，陸抗 就 寫好 奏章 ，派 人 帶 去 建業 呈 畀 孫皓 。
陸抗 喺 奏章 裏 便 啊 ，好 詳細 噉 說明 目前 仲 未 到 攻打 晉國 嘅 時機 。
又勸 孫皓 施行 德政 ，懲罰 人 呢 要 慎重 ，應該 盡力 使到 國內 安定 ，而 唔 應該 一味 講求 暴力 噉 。
孫皓 睇完 陸抗 嘅 奏章 ，嬲到 佢 吹鬚碌眼 ，佢話 ：
朕 聽講 陸抗 喺 邊境 同 敵人 勾結 ，初時 都 仲 唔 信 ，而家 睇 啊 ，果然 係 喇 ！
孫皓 立即 派 使者 去 免咗 陸抗 嘅 兵權 ，降職 做 司馬 。
然後 任命 左 將軍 孫冀 ，去 取代 佢 ，統率 軍隊 。
朝廷上 嘅 文武百官 個個 都 怕晒 孫皓 嘅 ，事關 佢 一唔鐘意 就 要 殺人 嘅嘛 ，所以 冇 個 敢 勸 佢 。
就噉樣 ，喺 呢 幾年間 啊 ，孫皓 將 年號 又 改過 兩次 。
到 咗 鳳凰 元年 ， 即 係 公元 二七 二年 ， 佢 又 更加 任意 妄為 ， 猛 咁 征兵 拉夫 去 駐 扎 邊境 。
上上下下 就 冇 個 唔怨恨 嘅 。
丞相 萬 彧 、 將軍 留平 、 大司農 樓玄 三個 大臣 ， 見 孫皓 越 嚟 越 唔 似樣 ， 成個 無道 瘟君 ， 都 忍 唔 住 坦率 噉 苦苦 勸諫 佢 。
結果呢 ，三個 都 畀 孫皓 殺咗 。
噉喺 孫皓 做 皇帝 呢 咁多 年間 啊 ，就 殺咗 忠臣 四十幾 個人 。
佢 殺得 人 多 ，當然 啊 怕 人哋 謀 佢 啦 。
所以 出入 啊 ，都 帶住 鐵甲馬軍 五萬 人 嚟 做 護衛 嘅 。
所有 嘅 文武 官員 怕 佢 怕到 要死 ，但 亦 無可奈何 啦 。
而家 ，講下 羊祜 啊 ，佢 聽聞 陸抗 已經 免咗 兵權 ，孫皓 又 毫不 講 德政 。
見到 吳國 內部 有咗 可乘之機 ，就 寫咗 份 表章 ，派人 送去 京師 洛陽 ，請求 晉主 司馬炎 呀 下令 起兵 ，討伐 吳國 。
司馬炎 睇咗 表章 極之 歡喜 ，就 想起 兵 嘞喎 。
但係 賈充 、荀勖 、馮紞 三位 大臣 都 極力 反對 興兵 ，司馬炎 噉 就 決定 唔打嘞 。
羊祜 知道 朝廷 上 唔 同意 佢 攻打 吳國 嘅 請求 ，就 長歎 一 聲 話 ：
天下間 ，不如意事 常常 係 十有八九 。
唉 而家 上天 畀 過 你 喇 都 唔 去 攞 ，仲有 乜嘢 可惜 得過 噉 呢 ？唉 ！
到咗 晉國 鹹寧 四 年 ，即係 公元 二七八 年 ，羊祜 啊 上朝 請求 准 佢 辭職 ，回鄉 養病 。
司馬炎 就 問 佢 話 喇 ：愛卿 有 咩嘢 安邦 定國 嘅 計策 ，嚟 教導 下 孤王 呢 ？
陛下 ，孫皓 為人 殘暴 已經 到咗 極點 ，而家 唔使 打 都 可以 奪取到 東吳 㗎喇 。
若果 孫皓 不幸 死咗 ，東吳 立過 一位 賢德 嘅 人 做 君主 啊 ，到 嗰陣時 ，恐怕 東吳 就 唔係 陛下 所能夠 得到 㗎咯 。
啊係啊係啊 ，不如 愛卿 你 立即 帶兵 去 進攻 東吳 呢 ，點啊 ？
臣年 老 多病 ，唔能夠 擔當 呢個 責任 咯 ，請 陛下 另外 選派 一個 智勇兼備 嘅 人 就 得嘞 。
終於 ，羊祜 啊 辭咗 官 返去 家鄉 喇 。
