上次 講到 劉禪 派 人 去 鄧艾 嗰處 請求 投降 ，鄧艾 好 歡喜 接受 咗 。
劉禪 噉 就 放心 啦 。
跟住啊 ，劉禪 就 派 一位 大臣 就 叫做 蔣顯 ，帶咗 道 聖旨 去 命令 姜維 投降 魏軍 。
接住 又 派 尚書 李虎 ，將 全國 嘅 戶口冊 ，軍 兵馬匹 、錢糧 數目 等等 文件 就 送 去 畀 鄧艾 。
主要嘅 ，總計 有 戶口 ，二十八萬 ，男女 九十四萬 人 ，帶甲 將士 十萬二千 人 ，官吏 四萬 ，糧食 四十餘萬 ，金銀 各 二千斤 ，錦綺 彩絹 各 二十萬 匹 。
仲有 其餘 物資 ，通通 喺 倉庫 嚟 。
同時呢 ，擇定 十二月 初一日 ，君臣 出城 投降 噉 。
北地王 劉諶 一 聽到 呢個 消息 ，怒氣沖天 啊 ，撐聲 拔出 把 劍 ，行入去 後宮 。
佢 個 妻子 崔 夫人 見到 就 問 佢 喇 ：
大王 你 今日 面色 都 變晒 ，咩嘢事 啊 ？
魏軍 兵 臨 城下 ，父王 已經 請求 投降 。
聽日 ，君臣 一 出 城 去 投降 ，社稷 從此 消滅 ！
我 ， 我 ， 我 要死 咗 先 去 九泉之下 見 先帝 ， 我 唔 能夠 屈身 於 他人 啊 ！
崔夫人 話 喇 ：好啊好啊 ，死得啱啊 。
請 大王 准許 臣妾 先 死 ，然後 大王 先至 死啦 。
吓 ？你 為乜嘢 要死 ？
大王 你 為 父親 而 死 ，臣妾 為 丈夫 而 死 ，道理 係 一樣 嘅 ，夫 亡 妻 死 ，仲 使 乜 問 呢 ？
講完 ，崔夫人 對住 條 石柱 ，出力 一頭 噉 撞埋去 ，噉就 死咗咯 。
劉諶 跟住 啊 ，親手 殺咗 佢 三個 仔 。
又 將 佢 妻子 崔夫人 嘅 頭 割咗 落嚟 ，攞到 去 昭烈廟 ，即係 祖廟 啊 ，跪 喺 地下 ，對住 佢 阿爺 劉備 嘅 神位 就 喊得 好 傷心 。
佢 話 ：臣 ，冇 面 去 見 祖宗 基業 捨棄 畀 他人 。
故此 ，先 殺妻兒 ，斷絕 牽掛 ，然後 將 自己 一條性命 嚟 報答 祖先 。
阿爺 ，你 如果 有 靈 ，就 知道 你 阿孫 嘅 心 啊 ！
劉諶 大哭 一場 ，喊到 眼 都 流出 血 ，然後 就 自刎 身死 。
劉禪 知道 北地王 自刎 ，唉噉 歎 一口氣 ，擰擰頭 ，叫人 葬咗 佢 。
到咗 第日 ，魏軍 浩浩蕩蕩 嚟到 嘞 。
劉禪 率領 太子 同 所有 王子 ，與及 文武 大臣 六十幾人 ，將 自己 捩轉 手 綁住 。
後便 跟住 架 車 ，車上面 載住 埲 棺材 ，出去 北門 之外 十里 投降 。
綁住 自己 ， 又 有 架 車載 住 埲 棺材 噉 去 投降 啊 ， 呢 個 乃 係 古時 君王 戰敗 投降 嘅 一種 儀式 ， 叫做 面縛輿櫬 。
噉 當時 鄧艾 扶起 劉禪 ，親手 同佢 解開 條 繩 ，將 架 車 同 棺材 都 燒咗 。
然後啊 ，同 劉禪 一拍噉 坐車 入城 。
當時 成都 嘅 老百姓 ，都 喺 路邊 擺滿 香花 ，跪拜 歡迎 魏軍 入城 啊 。
鄧艾 呢 ，就 任命 劉禪 做 驃騎將軍 ，其餘 嘅 文武官員 都 各自 按照 原來 嘅 等級 高低 啊 ，任命 官職 。
封完官喇 ，鄧艾 請 劉禪 返去 宮殿 ，然後 出榜 安民 就 接收 倉庫 。
佢 又 派咗 兩名 大臣 ，張峻 同 張紹 啊 ，去 招安 各 郡 軍民 。
派人 去 說服 姜維 要 佢 投降 。
同時 呢 就 派 使者 去 洛陽 報捷 。
鄧艾 早就 聽聞 黃皓 呢個 大太監 為人 奸險 ，想 殺咗 佢 。
嚱但係黃皓啊 ，用咗 好多好多 金珠寶貝 去 收買 鄧艾 嗰啲 親信 ，幫 佢 講情 ，結果 呢 ，嚱居然 冇事 喎 。
噉蜀漢啊 ，到 呢個 時候 就 滅亡 喇 ，當時 係 公元 二百六十三 年 。
噉啊 從 劉備 喺 公元 二百二十一年 稱帝 ，建立 蜀漢 起 ，到 滅亡 嘅 時候 止 ，總共 係 四十二年 嘅 天下 。
唉 正所謂 ：昭烈 經營 良 不易 啊 ，一朝 功業 就 頓 成 灰 。
而家 講下 蔣顯 ，佢 奉咗 劉禪 嘅 命令 嚟到 劍閣 見 姜維 ，宣讀 聖旨 ，要 姜維 向 魏國 投降 。
姜維 真係 發夢 都 想唔到 啊 ，一時之間 ，震驚到 佢 連 說話 都 講唔出 聲 。
佢 部下 嗰 班 將官 聽到 呀嬲 到 咬牙切齒 ，碌眼 吹鬚 。
好多人 都 掹出 刀 嚟 斬落 嗰啲 石 處 高聲 大叫 ：
我哋 喺度 死戰 啊 ，點解 咁快 就 投降 先 呢 ？啊 ！
大家 哭喊 嘅 聲音 呀 ，喺 幾十里 咁 遠 都 聽得見 。
姜維 睇見 人心 思 漢 ，就 同 大家 話 喇 ：
各位 唔使 憂心 ，我 有 一條 計策 ，可以 光復 漢室 嘅 。
乜話 ？真係嘅 ？噉就好咯 。
於是 大家 都 紛紛 問 姜維 有 咩 好計 嘞 。
姜維 叫 大家 行埋嚟 ，細細聲噉 講 一條計策 出嚟 ，大家 即刻 就 精神返 。
跟住 ，姜維 叫 人 喺 劍閣 關 上 啊 到處 豎起 降旗 。
同時 又 派 使者 去 鐘會 嘅 大本營 ，話 姜維 要 帶埋 張翼 、廖化 、董厥 等等 將領 嚟 投降 噉 ，鐘會 嗰 種 歡喜法 就 唔 在 講咯 。
呢一日 ，姜維 佢哋 去到 魏營 見 鐘會 。
入到中軍帳 ，一 見面 鐘會 就 笑嘻嘻噉 話 ：
伯 約 你 點解 嚟得 咁 遲 啊 吓 ？
姜維 神情 嚴肅 ，流住 眼淚 噉 回答 話 ：
國家 嘅 全部 軍隊 ，都 喺 我 嘅 手 上 ，今日 嚟 將軍 呢處 ，都 仲係 太 快 過頭 啊 ！
嗯 ，姜維 雖然 係 嚟 投降 啫 ，之甚 有 骨氣 㗎 。
鐘 會 唔 敢 擺架子 ，立即 起身 離開 座位 ，同 姜維 互相 敬禮 ，將 姜維 當作 上賓 噉 接待 。
喺 傾偈 嘅 時候 ，姜維 對 鐘會 話 喇 ：
聽講 將軍 由 淮南 起兵 以嚟 ，所有 嘅 重大 決策 ，從來 冇 一次 失誤 。
司馬氏 之 所以 有 今日 咁 興盛 ，係 全靠 將軍 你 嘅 力量 。
我 佩服 到 極 ，故此 甘心情願 ，向 將軍 俯首 投降 啊 。
如果 好似 鄧艾 噉 ，我哋 一定 同佢 決一死戰 ，點肯 投降 佢 啊 ！
呢幾句說話 ，恭維到 鐘會 周身 鬆晒 啊 ，噉啊 越傾越啱橋 。
鐘 會 仲 拗斷 支 箭 嚟 發誓 ，同 姜維 結拜 做 兄弟 ，感情 就 非常 之 親密 。
佢 仍然 叫 姜維 照舊 帶兵 。
而家 講 下 鄧艾 。
鄧艾 喺 成都 就 封 師纂 做 益州 刺史 ，牽弘 、王頎 佢哋 就 管理 各 州郡 。
佢 喺 綿竹 ，起咗 一座 樓台 嚟 紀念 征服 西蜀 嘅 戰功 。
呢一日 ，佢 大排筵席 招待 原來 蜀國 嘅 官員 。
飲到 咁上下 ，鄧艾 已經 有 幾分 酒意 嘞 。
佢 指住 嗰 班 官員 話 ：
你 你 你 哋 好 彩遇 着 我 ， 哼 故此 有 今 今日 咋 。
嗯 若 若果 遇着 第二個 將軍 呀 ， 你 哋 冚𠾴唥 消滅 晒 都 得 喇 ， 吓 。
哈哈哈 ，哈哈哈哈哈哈哈哈哈 。
嗰班 官員 個個 都 企起身 拜謝 鄧艾 嘅 恩德 。
過咗幾日 ，蔣顯 返到嚟喇 ，話 姜維 已經 投降咗 鐘會 喇 噉 。
嗯 ！鄧艾 從此 就 痛恨 鐘會 喇 。
噉 而家 蜀國 已經 亡咗 嘞 ，下一步 應該 點 做 呢 ？
鄧艾 有 佢 一套 打算 ，佢 將 自己 嘅 打算 寫咗 封信 ，派人 送去 洛陽 畀 晉 公司 馬昭 。
封信 嘅 大意 就係 講 ：
蜀國 已經 平定 ，本應 跟住 去 討伐 東吳 嘅 。
不過 經過 征征服 蜀國 呢場 大戰 之後 ，將士 都 十分 疲勞 。
如果 馬上 又 要 去 打仗 ，就 唔 適宜 嘅 。
目前 ， 應 應當 留 兩萬名 隴右 兵 ， 兩萬名 蜀兵 ， 要 要 佢 哋 煮 鹽 、 煉鐵 、 建造 戰船 ， 為 順流而下 攻打 東吳 ， 作好 一 一切 準備 。
然後 派出 使者 去 吳國 ，對 佢哋 說 說明 利害 ，噉樣 做 ，唔使 打 就 可以 平平定 東 吳 㗎喇 。
而家 應該 好好地 對待 劉禪 ，畀 個 樣子 過 孫休 睇 下 。
而家 ，就唔好 送 劉禪 嚟 洛陽 住 ，等 佢 留 喺 成都 先 。
到咗 出年 冬天 ，再 送佢 去 洛陽 都 未 遲 。
因為 而家 霎然間 一下 就 將 劉劉禪 送咗 去 京師 ，東吳 就 會 起 疑心 ，就 會 影響 佢哋 歸順 。
而家 ，應該 封 劉禪 做 扶風王 ，賞賜 多啲 資財 畀 佢 ；
誒 封封 佢 嘅 仔 做 公侯 ，使 人人 都 睇得出 ，歸順 所 帶嚟 嘅 好處 。
噉樣做法 ，誒 就 可以 使到 東吳 嘅 人 啊 ，一方面 畏懼 我哋 嘅 威嚴 ，同同時 又 感激 我哋 嘅 恩德 ，就 會 望風 歸降 㗎 喇 。
司馬昭 睇完 鄧艾 呢 封 信 ，就 對 鄧艾 極之 懷疑 。
懷疑 佢 咩 呢 ？ 懷疑 鄧艾 自行其事 唔 服管 啊 。
於是 司馬昭 先 發咗 一 封 親筆信 畀 監軍 衛瓘 。
隨後 就 發佈 命令 ，加封 鄧艾 嘅 官 ，喺 命令 裏頭 就 大大 表彰 鄧艾 嘅 功績 ，封 佢 做 太尉 ，增加 食邑 二萬 戶 ；
又 封 鄧艾 兩個 仔 做 亭侯 ，每 人 食邑 一千 戶 。
鄧艾 接受 咗 封 贈 嘅 命令 之後 ，監軍 衛瓘 就 攞出 司馬昭 嘅 親筆 信 畀 鄧艾 。
封信 裏 便 話 ：鄧艾 所講 嘅 事 ，需要 稟奏 天子 之後 先至 能夠 決定 ，唔能夠 隨便 就 做噉 。
鄧艾 睇咗 就 話 喇 ：將將 在 外 ，君君 命 有 所 不 受 。
我 既然 奉旨 出征 ， 點解 又 要 阻 阻擋 我 嘅 行動 呢 ？
於是 鄧艾 就 寫咗 封信 ，叫 來 使 帶 返 去 洛陽 。
其實 呀 ， 當時 朝廷 上 啊 人人 都 私下 議論 話 ， 鄧艾想 謀反 㗎 喇 。
司馬昭 當然 越加 猜疑 顧忌 㗎啦 。
呢一日 ，使者 返嚟 ，呈上 鄧艾 嘅 書信 。
司馬昭 打開 一睇 ，封信 大意 呢 就係 話 ：
我 鄧艾 奉命 西征 ，已經 降服 劉禪 ，就 應當 權宜行事 ，安定 局面 。
如果 件件 事情 都 要 等 等待 朝廷 嘅 命令 ，就 會 因為 路途 阻隔 ，而 拖延 時間 。
誒根據 春秋 嘅 道理 ，大臣 出外 ，凡係 有利於 國家 社稷 嘅 事 ，自己 作主 做就係 嘞 。
而家 吳國仲 未曾 歸順 ，勢必要 同 蜀國 勾結 聯合 嘅 。
故此 我哋 唔應該 畀 常規 拘束住 手腳 ，致使 失去 大大 好時機 。
兵法 有話 ： 進 不 不求名 ， 退不避罪 。
我 鄧艾艾 決唔會 為咗 避 嫌疑 ，而 做出 有損 國家 嘅 事 。
誒 我 現時 正 按照 原來 嘅 計劃 去 做 ，並且 將 理由 說明 如上 。
嘩 ！呢 不得了 ！
司馬昭 睇完 信 ，吃咗一驚 ，連忙 同 賈充 商量 嘞 佢 話 ：
鄧艾 居功 驕傲 任意 行事 ，反叛 嘅 心 已經 外露 咯 ，如之奈何 啊 ？
賈充 諗咗 一下 就 話 喇 ：啊 ，主公 ，你 封 鐘 會 更 高 嘅 官爵 ，等 佢 嚟 鉗制 鄧艾 ，噉 好唔好 呢 ？
嗯 ，可以 ！
司馬昭 聽從 賈充 嘅 建議 ，就 派遣 使者 帶住 詔書 ，去 封 鐘會 做 司徒 ，進 封 縣 侯 ，增加 食邑 一萬 戶 ；
封佢 兩個 仔 為 亭侯 ，食邑 各 一千 戶 。
同時 就 命令 衛瓘 就 監督 兩路 軍馬 ， 又 寫 咗 封 親筆信 畀 衛 瓘 ， 叫 佢 同 鐘 會 啊 一齊 監視 鄧艾 ， 提防 鄧艾 叛變 。
鐘 會 受封 之後 呢 ，就 請 姜維 嚟 商量 嘞 。
佢 話 ：鄧艾 嘅 功勞 係 喺 我 之 上 ，又 封 咗 做 太尉 。
而家 司馬公 懷疑 鄧艾 有 謀反 嘅 意思 ，故此 任命 衛瓘 做 監軍 ，命令 我 嚟 鉗制 佢 ，伯約 你 有 何 高見 呢 ？
姜維 話 喇 ：我 聽聞 鄧艾 出身 微賤 ，細時 係 同人 看 牛 嘅 。
呢次 佢 僥倖 由 陰平 啲 小路 ，冒險 度過 懸崖 峭壁 ，立咗 呢個 大功 。
其實呀 ，呢啲 都 並非 咩嘢 良謀 ，不過 係 託賴 國家 嘅 洪福 啫 。
若果 將軍 你 唔係 同 我 喺 劍閣 相持不下 ，噉 鄧艾 又 點 能夠 得到 咁 大 嘅 成功 啊 ？
而家 鄧艾 要 封 劉禪 做 扶風王 ，乃係 為咗 籠絡 蜀國 嘅 民心 。
佢 想 謀反 嘅 意思 唔使 講 都 可以 睇得出嚟 啦 ，晉公 冇 懷疑 錯 佢 啊 。
係 ，冇錯冇錯 。
將軍 ，請 你 叫 左右 啲 人 行開 ，我 有 一件 秘密 嘅 事 要 講 畀 將軍 你 知 。
哦？ 你哋 出去 。
係 。
姜將軍 ，有 咩事 啊 ？請 講 。
姜維 見 周圍 冇 外人 喇 ，就 喺 衫袖 籠 攞出 一卷 嘢 出嚟 ，交畀 鐘會 。
打開 一 睇 ，啊 ！原來 係 張 地圖 。
姜維 話 喇 ：當年 ，諸葛武侯 出 草廬 嘅 時候 ，就係 將 呢幅 地圖 獻 畀 先帝 㗎 。
啊？
武侯話 ，益州 嘅 地方 沃野 千里 ，民 殷 國 富 ，可以 建立 霸業 ，先帝 因此 創立 成都 嘅 基業 。
而家 鄧艾 去到 呢 笪 地方 啊 ，有 乜 話 唔 狂 起上嚟 吖 ？
鐘 會 得到 呢一 張 地圖 歡喜 到 極 。
佢 一 便 睇 地圖 ， 一便 就 指住 逐度 噉 問 啲 山川 形勢 。
姜維 逐一逐二 講清楚 佢 聽 。
收尾 ，鐘 會 又 問 嘞 ：用 咩嘢 辦法 剷除 鄧艾 好 呢 ？
姜維話 ：不如噉啦 ，趁住 晉公 正係 疑忌 鄧艾 嘅 時候 ，將軍 你 上一份 表章 ，講明 鄧艾 企圖 謀反 嘅 表現 。
晉公 就 必定 命令 將軍 你 去 討伐 鄧艾 嘅 ，噉 一舉 就 可以 捉到 佢 嘞 。
鐘會 聽 佢 嘅 ， 立即 派 人 送 表章 去 洛陽 ， 話 鄧艾 專權 ， 胡作 非為 ， 買好 西 蜀 嘅 人 好 快 就 會 作 反 喇 噉 。
朝廷 上 啲 文武 官員 知道咗 呢個 消息 ，大為 震驚 啦 。
鐘會 啊 佢 又 派 人 喺 半路 截 咗 鄧艾 呈送 朝廷 嘅 表 文 ， 然後 就 按照 鄧 艾 嘅 筆法 ， 改寫 過 ， 裏頭 啊 增加 咗 好多 傲慢 嘅 說話 。
噉 一嚟 呢 ，就 更加 證明 鐘會 嘅 報告 係 真實 㗎 喇 。
司馬昭 收到 鄧艾 嘅 表章 ，呢 就係 畀 鐘會 改過 㗎 喇 。
一睇 ，嬲到 鬍鬚 都 豎起 ，立即 派人 去 鐘會處 ，命令 佢 捉 鄧艾 。
又 派 賈充 帶 三萬 兵 入 斜谷 ；
司馬昭 本人 呢 ，就 同埋 魏主 曹奐 啊 御駕 親征 。
西曹掾邵悌 就 勸 司馬昭 話 喇 ：
鐘 會 嘅 兵 ， 多成 鄧艾 六倍 ， 就 噉 命令 鐘會 去 捉 鄧艾 就 得 啦 ， 又 何必 明公 你 自己 去 呢 ？
司馬昭 笑喇 ：哈 ，哈哈哈哈哈哈哈 ，你 以前 同 我 講過 啲 說話 唔記得 咗 喇 ？
你 同 我 講過 ，鐘 會 日後 必定 會 作反 嘅 。
我 而家 呢次 出征 ，並非 為咗 鄧艾 ，其實 係 為咗 鐘會 啫 ，啊 ？哈哈哈哈哈哈哈 。
邵悌亦笑喇 ：嘿嘿嘿嘿 ，嘿嘿嘿 ，我係怕 明公 唔記得咗 ，故此 特登 問下啫 。
而家 明公 既然 有 噉嘅 意思 ，就 應該 保守 秘密 ，唔好 洩漏 啊 。
司馬昭 好 同意 邵悌 嘅 意見 ，就 率領 大軍 起程 。
當時 賈充 啊 亦 懷疑到 鐘 會 可能 叛變 ，就 靜靜 同 司馬昭 講 。
司馬昭 話 喇 ：誒 ，如果 派 你 去 ，唔通 亦 懷疑 你 咩 ？
唔使講咁多 ，我 到咗 長安 有 分數 㗎喇 。
司馬昭 親自 帶兵 去到 長安 呢個 消息 ，鐘會 知道咗 就 連忙 去 請 姜維 嚟 ，一齊 研究 點樣 去 捉 鄧艾 咯 喎 。
姜維話 ：噉樣吖 ，先 命令 監軍 衛瓘 去 逮捕 鄧艾 ，鄧艾 若果 殺咗 衛瓘 呢 ，噉 佢 嘅 背叛 就係 真 㗎 喇 。
到時 將軍 你 起兵 去 討伐 佢 就 啱啦 。
冇錯 ！於是 鐘會 就 命令 衛瓘 帶 幾十 人 去 成都 ，逮捕 鄧艾 父子 。
衛瓘 手下 啲 人 呢 ， 就 勸衛 瓘 唔 好 去 。
佢哋 話 ：呢個 係 鐘司徒 等 鄧征西 殺咗 將軍 你 ，用 呢個 嚟 證實 佢 謀反 咋 。
將軍 你 千祈千祈 唔好 去 啊 ！
衛瓘 話 喇 ：我 知 ，我 有 計 嘅 。
衛瓘 有 咩 計 呢 ？
原來 佢 啊 ，喺 出發 之前 ，先不先 就 發出 二三十份 檄文 。
喺檄文裏便就講明 ：奉旨逮捕 鄧艾 ，其餘人等 一概 唔追究 。
早日嚟歸順嘅 ，加官進爵 ；膽敢唔投降嘅 呢就滅三族 ！
發出咗檄文之後 ，跟住 呢佢 準備 兩架 囚車 就 漏夜 趕去 成都 。
噉啊究竟啊 ，捉唔捉到 鄧艾 呢 ？就且聽下 回分解 。
