話說 江油城 嘅 守將 馬邈 吖 ，雖然 佢 知道 東川 失守 啊 ，之 佢 都係 冇 幾 緊張 㗎 喎 。
呢呢一日 佢 操練完 人馬 返 屋企 ，換過 衣服 ，就 同埋 老婆 一齊 就 圍住 火爐 飲酒 ，歎 其 世界 咯喎 。
飲得 幾杯 佢 老婆 就 問 喇 ：
成日 都 聽見 話 邊境 軍情 緊急 ，之 將軍 你好似 一啲 都 唔 擔心 噉 嘅 ，點解 呢 ？
哦 ，一切 嘅 大事 自然 有 姜伯約 管 ，關 我 乜嘢 事 吖 ？
雖然 係啫 ，不過 將軍 你 所守衛 嘅 城池 唔係 唔重要 㗎 噃 。
嘿！ 當 今天子 ，一味 聽晒 黃皓 嘅 說話 ，沉迷 酒色 ，我 睇 呀 ，好快 就 大禍 臨頭 㗎 喇 。
魏兵 如果 打到嚟 ，唔係 投降 咯 ，使乜 憂心 ！
馬邈噉樣一講 ，嬲到 佢 老婆 呸噉一聲 ，用口水嚟 吐 佢 塊面 啊 。
佢 老婆 話 喇 ：你 係 個 男子漢 ，點知 早就 懷住 不忠不義 之 心 。
嘿 ，枉你 受 國家 嘅 爵祿 ，我 同埋 你 喺 一齊 都 冇 面 啊 。
一番話 講到 馬邈 滿面 羞慚 ，擘大個口 得個窿 。
突然間 ，有 個 家人 慌慌張張 噉 走入嚟 報告 話 ：
大人啊大人啊 ，弊喇弊喇 ，魏將 鄧艾 都 唔知 佢 喺 邊處 嚟 嘅 ，帶住 二千 幾 人 ，一湧 就 入晒 城 喇 。
當堂 嚇到 馬邈 呀 手揗腳震 ，就 慌忙 出去 投降 啦 。
佢 喺 公堂 外 便 跪低 ，趴咗 喺 地 ，流住 眼淚 噉 話 ：
小將 有心 投降 好耐 㗎 ，而家 小將 願意 帶埋 城內 居民 與及 本部 人馬 ，全部 投降 將軍 啊 。
鄧艾 接受 咗 佢 嘅 投降 ，收編 咗 江油 嘅 軍隊 就 任用 馬邈 做 嚮導官 。
突然間 ，有人 嚟 報告 話 馬邈夫人 啊 吊頸 死咗 噉 。
鄧艾 就 問 佢 係 咩嘢 原因 啦 ，馬邈 就 唔敢 講 大話 ，唯有 如實 講 畀 鄧艾 聽 。
鄧艾 聽咗 ，覺得 馬夫人 啊 確係 賢德 ，好感動 。
就 命令 同 馬夫人 舉行 隆重 嘅 葬禮 ，仲 親自 去 祭 佢 添 。
噉誒鄧艾佔領咗江油城之後啊 ，就 通知 陰平小路 嘅 各 支 軍隊 ，都 嚟 江油城 集合 ，然後 一齊 去 進攻 涪城 。
佢 手下 有 個 將官 叫做 田續 ，佢 話 喇 ：
我軍 冒險 嚟到 ，大家 都 疲倦 非常 ，應該 休息 幾日 然後 先至 進兵 好啊 。
鄧艾 就 發火 鬧 佢 話 喇 ： 哼 ！ 兵貴神速 ， 你 竟然 胡言亂語 ， 擾亂 軍心 咁 咁 大膽 ！
鄧艾 就 喝 刀斧手 ，捉 田續 出去 殺頭 。
好彩 得到 班 將官 苦苦 求情 ，噉 鄧艾 先至 饒恕 咗 佢 咋 。
鄧艾 就 馬不停蹄 ，即刻 帶兵 趕去 涪城 。
城內 嗰啲 官吏 軍民 啊 哎呀 ，真係 以為 魏軍 係 從天而降 㗎 ，慌晒 啊 全部 投降 嘞 。
噉 魏軍 節節 勝利 蜀軍 連連 失敗 嘅 消息 ，由 邊境 啊 飛 報 入去 成都 。
劉禪 聽咗 呀 就 慌忙 嗌 黃皓 嚟 問下 究竟 係 點 啦 。
黃皓 就 話 喇 ：陛下 ，呢啲 不過 係 謠傳 啫 ，神仙 誒 ，實 唔會 呃 陛下 㗎 嘛 。
劉禪 信心 唔過 啊 ，想 召 嗰個 神婆 嚟 再 問 下 。
嘿 ，嗰個 神婆 呀 早就 不知 去向 咯 。
呢 個 時候 ， 遠遠近近 各地 嘅 告急 文書 ， 好似 雪片 噉 飛 嚟 ， 來來往往 嘅 使者 接連 不絕 啊 。
劉禪 問 神 就 問唔到 嘞 ，唯有 登殿 臨朝 問下 嗰班 大臣 係 啦 。
嗰班 大臣 就 個個 你 望 我 我 望 你 ，粒聲 唔出 。
過咗 好耐 喇 ，郤 正 先至 出班 啟奏 話 ：
事態 危急 ，陛下 快啲 請 武侯 嘅 仔 諸葛瞻 嚟 ，商量 退兵 之 策 啦 陛下 。
原來 諸葛亮 有 個 仔 ，叫做 諸葛瞻 ，字 思遠 。
母親 係 黃氏 ，就係 黃承彥 個 女 嘞 。
講 呢位 黃氏 夫人 嘅 相貌 呢 ，就 確係 唔敢 恭維 喇 ，係 非常之 醜陋 。
不過 呢個 人 啊 極 有 才學 ，哎 真係 上 通 天文 就 下 知 地理 ，但凡 韜略 遁甲 各種 學問 無所不曉 嘅 。
當年 孔明 喺 南陽 嘅 時候 呢 ，就 係 知道 佢 個 為人 賢德 ，就 去 求婚 娶 佢 做 妻子 嘅 。
孔明 咁 好學問 呀 ，黃氏 夫人 就 畀 過 佢 唔少 幫助 㗎 喇 。
噉孔明 逝世 之後 冇 幾 耐 呢 黃氏 夫人 亦 死咗 。
佢 臨終 嘅 囑咐 啊 ，就係 勉勵 諸葛瞻 ，對 國家 一定 要 盡忠 盡孝 。
諸葛瞻 自細 就 好 聰明 ， 後主 劉禪 呢 將個 女 嫁 畀 佢 ， 噉 諸葛瞻 呢 就 做 咗 駙馬 都尉 嘅 官職 。
收尾 又 繼承 咗 父親 武鄉侯 嘅 爵位 。
到咗 蜀漢 景耀 四 年 啊 ，即係 公元 二百 六十一 年嘞 ，佢 升任 行軍 護衛 將軍 。
當時 佢 見到 黃皓 把持 朝政 ，故此 就 托病 呢 一直 就 唔 出嚟 做事 。
噉 今日 啊 ，劉禪 就 聽從 郤正 嘅 建議 ，連氣 落咗 三道 聖旨 ，就 召 諸葛瞻 嚟到 金殿 。
劉禪 流住 眼淚 噉 對 諸葛 瞻 話 ：
而家 ，鄧艾 嘅 軍隊 ，已經 佔領咗 培城 ，成都 非常 危險 啊 。
愛卿 你 要 睇 在 先君 嘅 份上 ，救 朕 嘅 性命 至好 啊 。
見到 國家 處於 咁 危急 嘅 境地 ，諸葛瞻 亦都 流起 眼淚 嚟 ，佢 回答 劉禪 話 喇 ：
臣父子 得到 先帝 厚恩 ，陛下 殊遇 ，就算 係 肝腦塗地 都 報答不了 。
請陛下 將 全部 成都 嘅 兵力 ，交畀 臣 率領 ，去 同 魏軍 決 一 死戰 ！
劉禪 立即 撥 成都 軍馬 七萬 就 交畀 諸葛 瞻 。
諸葛瞻 接收 咗 軍隊 ，就 召集 全體 將官 嚟 問 佢哋 話 ：
邊個 敢 做 先鋒 啊 ？
話口 未遠 ， 只見 一個 少年 將軍 行出 嚟 話 ： 父親 既然 掛帥 ， 孩子 願 做 先鋒 ！
大家 一 睇 ，原來 呢個 係 諸葛瞻 嘅 大仔 諸葛尚 啊 。
阿尚 當年 係 一 十九 歲 ，平時 佢 就 博覽 兵書 ，精通 武藝 。
諸葛瞻 好 歡喜 ，就 任命 諸葛尚 做 先鋒 。
呢一日呢 ，諸葛瞻 嘅 大軍 離開 成都 出發 去 迎擊 魏軍 。
而家 講返 鄧艾 。
佢 接受咗 馬邈 投降 之後 啊 ，馬邈 為咗 表示 忠心 ，仲 獻咗 一本 地理 圖 畀 佢 嘅 。
呢本地理圖 呀 巴閉 咯 ，喺 上便 呀 ，將 涪城 到 成都 三百六十 里 嘅 山川 道路 ，闊窄 險峻 嘅 情況 ，一一 二二 寫得 明明白白 。
鄧艾 睇完 就 話 喇 哎吖吖吖吖 ，若果 我 只係 ，守住 涪涪城 ，而 蜀軍 佔據住 前 便 險險 要 嘅 山地 ，我 仲 點 能 成功 啊 ？
如果 拖延 時日 ，姜維 嘅 兵馬 一 到 ，我軍 就 危險 喇 。
於是 鄧艾 就 立即 叫 師纂 同 鄧忠 嚟 ，吩咐 佢哋 話 喇 ：
你哋 帶 一支 軍軍隊 ，日夜 兼程 直直 去 綿竹 ，頂住 蜀兵 ，我 跟住 尾 就 嚟 㗎喇 。
你哋嘅 行行動 ，千祈唔能夠 遲緩怠慢啊 ，若果 畀 敵人 佔據 咗 險要 先 呢 ，我 就 殺咗 你 兩個 ！
得令 ！師纂 、鄧忠 接受 咗 命令 ，立即 點兵 出發 。
呢一日 ，佢哋 將近 去到 綿竹 ，就 同 蜀兵 遭遇 嘞 。
當時 雙方 各自 佈成 陣勢 。
師纂 、鄧忠 喺 門旗 之 下 勒馬 企定 。
只見 蜀軍 擺好 一個 八陣 ，噔噔噔 三通 鼓罷 ，門旗 分開 。
幾十元 將官 就 速 湧 住 一架 四輪車 出黎 ，車 上面 端端正正 坐住 一個 人 ，
魚線關根 ，身披 鶴草 ，
車旁邊 展開 一面 黃旗 ，上面 寫著 ，看 城上 諸葛 母 後 咁
哎吖吖
屠身飆冷汗 ，咩 原來 孔明 仲 未 死 ，咁 我哋 冇 命 囉 ，快快 撤退 ，撤退 ！
師纂 、鄧忠 急急 就 指揮 全軍 就 掉頭 撤退 。
蜀兵 就 趁勢 掩殺 過嚟 ，打到 魏兵 打敗 啊。
蜀兵 染 殺咗 二十幾裏 ，就 遇到 鄧艾 嘅 元兵 黎 接應 ，於是 雙方 就 各自 收兵
贊好刑債 ，鄧艾 就 叫 師纂 鄧忠 黎 責問 佢哋 話 喇 ：
你 兩個 不不戰而退 ，點解 呀 ？
稟告 父親 ，皆係 我哋 見到 蜀兵 係 由 諸葛孔明 率領 嘅 ，故此 叮返 黎啫
就算係 孔明 翻生 ，我 亦 實洗乜 怕 佢 啊
你哋 隨便 退兵 ，朝之 殺 殺敗 ，迎 當 斬首 ，以 正 軍法
鄧艾想 殺 佢 哋 兩個 ， 仲 將官 都 虎虎 勸諫 ， 咁 鄧艾先 要 冇 殺 佢 哋
鄧艾 跟住 叫 人 去 偵察 下 究竟 係 點樣 一回事 ，
咁就 收尾 返黎 報告 話
蜀軍 係 由 孔明 個 仔 諸葛瞻 做 元帥 ，孔明 個 孫 諸葛上 做 先鋒 ，
車上面 坐住 嗰個 孔明 係 木頭 做 個 遺像 黎 啫
咁鄧艾 了解咗 情況 ，就 對 師纂 鄧中 話 ，
成功 失敗 在此 一舉 ，你 似 你兩個 仲 唔 能 取勝 ，就 必定 要 斬首
又 帶住 一萬 人馬 去 同 蜀兵 打過 ，
誰知 諸葛 尚好 洗得 ，抖手 精神 劈 馬 單槍 ，打敗 咗 師纂 鄧中
諸葛瞻 跟住 指揮 兩翼 兵馬 衝出黎 ，直撞入 魏軍 陣內 ，左衝右突 來來去去 ，衝殺咗 幾十次 ，殺到 魏兵 零兵 大敗 ，死傷 無數
鄧 中 扶 了 傷 ，捕住 馬鞍 逃跑 ，
諸葛瞻 率領 兵馬 跟住 咪掩殺 ，一直 追殺咗 二十幾 裏 先 打裸 收兵 ，紮起 營寨 頂住 魏軍
呢一仗 ，師纂 同 鄧中遊 試 打敗 咗 返去 見 鄧艾 ，
鄧艾 見到 佢 兩個 周身 血 都 扶咗 傷 ，唔忍心 再 紮避 佢哋 ，就 叫 佢哋 去 休息 算
鄧艾 就 同 中將 官 商量 話 ，
諸葛瞻 學到 佢 父親 嘅 本事 ，兩場 仗 殺殺咗 我 萬幾 人馬 ，
如果 而家 唔 及早 打低 佢 ，日後 必 為 大患
監軍 優 本 就 獻計 話 ，
將軍 ，不如 寫 封 信 去 試探 下 ，招降 佢 都 好
鄧艾 聽 佢 ，立即 寫 封 信 ，派 個 試者 帶 去 屬 軍營寨 ，
守門 將官 帶試者 入 去 中軍 將 ， 將 書信 呈 上去 給 諸葛瞻 ，
諸葛瞻 查 開信 都 睇 ，原來 鄧艾 喺 封信 裏 話
你 父親 諸葛亮 ， 都 係 算 得 近代 賢才 ， 幫助 劉備 建成 霸業 ，
不過 六出奇山 都 唔能 成功 ，呢啲 唔係 佢 智力 不足 ，而乃 係 天數
而家 劉禪 係 個 溫君 ，皇氣 已經 盡 ，
我 鄧艾 喺 奉天子之命 來 討伐 屬國 ，已經 佔據 咗 大部分 國土 ，成都 危在旦夕
你 不如 應天順人 ，早日 揮航 吧 ，
我 一定 稟奏 天子 ，封 你 做 狼爺王 ，等 你 國光 中 耀祖 ，我 講得到 ，做得到
嘩 ！諸葛瞻 睇完 ，嬲到 佢 𠻘𠻘𠻘 三下兩下 撕爛 封信 ，叫 武士 啊 拉 咗 個 使者 出去 殺頭 。
然後 叫 使者 嘅 隨從 啊 攞 個 人頭 返 去 見 鄧艾 。
嘿 又 撕 信 又 斬 使者 ，鄧艾 真係 佛 都有 火 啦 ，即刻 就 要 出去 同 諸葛瞻 打過 。
監軍 丘 本 就 勸 他 話 喇 ：
將軍 唔好 同 佢 硬打 ，應當 用 奇兵 嚟 打贏 佢 至係 啊 。
鄧艾 冷靜 返落 嚟 ， 接受 咗 丘 本 嘅 意見 ， 就 命令 天水 太守 王頎 、 隴西 太守 牽弘 ， 喺 後 便 就 埋伏 定 兩支 軍隊 。
鄧艾 自己 呢 ，就 帶 一支 人馬 去 同 蜀軍 交鋒 。
呢個 時候 諸葛 瞻 正 係 想 嘍打 ，聽到 鄧艾 帶 兵 搵到 上門 唄 ，啱啦 ，即刻 就 率領 人馬 ，直 殺入 魏軍 陣 內 。
鄧艾 打得 幾打 ，輸咗 喇 ，就 走人 。
諸葛瞻啊 追住 掩殺 過去 。
正係 殺得 高興 ，忽然 西便 伏兵 一齊 殺出嚟 ，就 蜀兵 反勝 為 敗 喎 一直 退返 入去 綿竹城 。
鄧艾 就 指揮 魏兵 ，喎嗬噉 一齊 大聲 吶喊 ，將 綿竹城 啊 圍到 鐵桶 咁 實 。
諸葛瞻 被困 喺 綿竹城 ，見到 形勢 咁 危急 嘞 ，就 派人 突圍 出去 ，帶信 去 東吳 求救 啦 。
吳主孫休啊 ，佢 接到 諸葛瞻 嘅 告急信 ，就 同埋 一班 大臣 商量 。
佢 認為 蜀國 有 危險 啊 就 不能 坐視不救 ，立即 任命 老將 丁奉 做 主帥 ，丁封 、孫異 做 副將 ，帶 五萬 人馬 去 救 蜀國 。
丁奉 領咗 旨 就 點齊 人馬 出發 。
佢 派 丁封 、孫異 帶 二萬 兵 ，向 沔中 進發 ，自己 啊 帶 三萬 兵 向 壽春 進發 ，就 分兵 三路 去 援救 嘞 。
而家 講下 諸葛瞻 ，他 等咗 好多 日 ，仲 唔見 有 救兵 嚟 ，就 同 眾 將官 話嘞 ：一味 死守 唔係 好 辦法 。
呢一日啊 ，佢 留低 個仔 諸葛尚 同 尚書 張遵 守 城 。
自己 就 披掛上馬 ，帶領 三軍 ，大開 三門 殺出去 。
鄧艾 見到 蜀兵 出戰 ，即刻 就 撤兵 。
諸葛瞻 就 搏命 咁 追殺 咯 喎 。
忽然間 ，轟噉 一聲 炮響 ，四面八方 魏軍 包圍 過嚟 ，將 諸葛瞻 困 喺 戰陣 中心 。
諸葛瞻 身先士卒 ，帶領 人馬 左衝右突 ，死咗 幾百 魏兵 。
鄧艾 見到 諸葛瞻 咁 勇猛 嘅 ，就 命令 魏軍 啊 用 箭 嚟 射 佢 ，嘩 射到 啲 蜀兵 呀 四圍 咁 趯 ，散晒 。
諸葛瞻 中咗 箭 ，跌咗 落 馬 ，佢 大聲 噉 叫啊 ：
我 冇 晒 力 喇 ，我 要 一 死 報國 ！捩手 一 劍 ，就 自刎 而 死 。
諸葛 尚 喺 城樓 上 便 ，見到 父親 戰死 就 悲憤交加 ，立即 披掛 上馬 。
張遵 就 勸 佢 話 啦 ：小將軍 你 唔好 出去 啊 ！
嘿！ 我 父子 祖孫 ，受到 國家 嘅 大恩大德 ，今日 ，我 父親 戰死 ，我 留 喺 人世 仲 有 乜 用 啊 ？
講完 ，縱馬 殺出去 ，結果 呢 ，亦係 戰死 喺 戰陣 之中 。
鄧艾 見到 諸葛瞻 父子 啊 確係 一片 忠心 為國 ，佢 亦 好 感動 ，吩咐 將 佢哋 父子 葬埋 一齊 。
鄧艾 就 揸緊 戰機 ，乘虛 攻打 綿竹 。
守城 嘅 張遵 、黃崇 、李球 噉 三個 將領 就 各 帶 一支 軍隊 出城 嚟 迎戰 。
因為 蜀兵 少 啊 ，魏兵 多 ，結果 三個人 呢 亦都 戰死 。
噉 鄧艾 就 佔領咗 綿竹 喇 。
慰勞完 軍隊 ，鄧艾 即刻 就 帶兵 去 攻 成都 咯喎 。
而家 講下 後主 劉禪 喇 ，佢 喺 成都 就 聽聞 鄧艾 已經 佔領 咗 綿竹 ，諸葛瞻 父子 陣亡 就 嚇到 佢 面 都 青 ，急急 召 文武百官 嚟 商量 。
都未曾 開口 講說話 ，有個 侍臣 就 氣急敗壞 噉嚟 講嘞 ：
啟奏 陛下 ， 城外 嘅 百姓 ， 拖男帶女 ， 一便 走 一 便 喊 人人 都 去 逃命 啊 ！
啊 ， 啊 ， 誒 ， 逃命 呀 ？ 劉禪 就 慌 到手 揗 腳 震 。
跟住 又 接到 哨馬 嘅 報告 ，話 魏兵 已經 逼近 成都 嘞噉 。
好多 大臣 都 認為 目前 兵微 將寡 ，係 唔夠 魏軍 打 嘅 ，不如 趁早 放棄 成都 ，趯 去 南中 七 郡 喇 。
因為 嗰處 地勢 險要 就 容易 防守 ，又 可以 借 啲 蠻兵 嚟 助戰 ，噉 啊 等 將來 有 力量 再 嚟 收復 失地 啦 噉 。
但係 光祿大夫 譙周 就 反對 呢個 意見 ，佢 話 喇 ：
噉唔好㗎 ，南蠻 素來 都係 反 我哋 嘅 。
平時 ，朝廷 又 冇 乜嘢 好處 畀 佢哋 。
而家 ，去 投奔 佢哋 呀 ，實 畀 佢哋 害 咗 都 得 咯 ，嗰度 唔 去 得 㗎 。
有個 大臣 又 稟奏 話 嘞 ：蜀 、吳 係 訂立咗 同盟 嘅 ，而家 情勢 危急 ，噉 不如 去 投靠 吳國 啦 。
譙周話嘞 ：自古以來 ，都冇 話 寄居 異國 而 做 皇帝 嘅 。
以 臣 嘅 估計 呢 ， 魏國 係 能夠 併吞 吳國 ， 吳國 就 唔 能夠 併吞 魏國 咯 。
若果 陛下 向 吳國 稱臣 ，係 一個 恥辱 。
噉 若果 將來 吳國 畀 魏國 併吞 咗 ， 到 時 ， 陛下 又 要 再 向 魏國 稱臣 ， 噉 就要 兩次 蒙受 恥辱 咯 噃。
當今之計 ，不如 唔好 投靠 吳國 ，而 索性 投降 魏國 。
魏國 必定會 將 土地 封 畀 陛下 ， 噉 樣 一 嚟 ， 上 能夠 保存 宗廟 ， 下 能夠 保護 黎民 ， 請 陛下 考慮 下 。
劉禪 聽咗 都 唔知 點算好 啊 ，諗唔掂 ，就 宣佈 退朝 返 入去 後宮 。
第日 ，文武百官 為咗 投降 定 唔 投降 魏國 呢件事 爭論 得 好 厲害 。
譙周 見到 形勢 越嚟越 危急 嘞 ，又 試 勸 劉禪 快啲 揸定 主意 投降 咯 喎 。
當 劉禪 正 話 想 聽從 譙周 嘅 說話 ，決定 投降 嘅 時候 ，忽然間 ，喺 屏風 後 便 有 個人 行 出嚟 ，大聲 噉 鬧 譙周 話 ：
吖吖呸 ！你 係 個 讀壞書 嘅 人 ，苟且偷生 。
有咩嘢 資格 喺度 亂咁 議論 社稷 大事 啊 ！
自古以來 ，邊處 有 投降 人哋 嘅 天子 㗎 ！
劉禪 一 睇 ，哦 ，係 佢 個 第五仔 ，北地王 劉諶 啊 。
原來 劉禪 生咗 七個 仔 ，大仔 劉璿 ，二仔 劉瑤 ，三仔 劉琮 ，四仔 啊 劉瓚 ，五仔 劉諶 ，就係 今日 出嚟 鬧譙 周 呢個 北地王 嘞 ，六仔 劉恂 ，七仔 劉璩 。
噉喺 七個 仔 當中 呢 ，唯獨 劉諶 自細 聰明 ，英雄 敏銳 ，其餘 嗰 六個 仔 就 個個 都係 腍腍 善善 冇乜 作為 嘅 。
當時 劉禪 見 佢 行出嚟 鬧譙 周 就 話 佢 喇 ：
唉 而家 咁多 大臣 都 商量過 ，話 應該 投降 。
唯有 你 一個人 恃住 血氣之勇 話唔好 投降 ，唔通 你 想 滿城 流血 咩 ？
劉諶 話嘞 ：父王 ，往日 先帝 在生 嘅 時候 ，譙周 從來 都 未曾 參與過 國家 政務 。
而家 佢 竟然 議論 起 大事 嚟 ，胡言亂語 ，極之 冇 道理 ！
根據 臣兒 嘅 切實 估計 ，成都 之內 仲有 幾萬 兵 ，而 姜維 嘅 軍隊 呢 ，完完整整 全部 喺 劍閣 嚟 。
若果 佢 一 聽聞 魏兵 侵犯 京師 ，必定 會 嚟 救應 嘅 。
噉樣 ，內外夾攻 就 可以 獲得 勝利 。
父王 啊 ， 你點 可以 聽 呢 個 讀 壞書 嘅 人 嘅 說話 ， 隨隨便便 噉 就 放棄 咗 先帝 嘅 基業 呢 ？
你 一個 細佬哥 點 識得 天時 吖 ？呢個 乃 係 天數 嚟 啊 。
父王啊 ！就算係勢窮力盡 ，眼睇住失敗喇 ，亦應當係父子君臣背城一戰 ，一齊為國家社稷而死 ，喺九泉之下去見先帝就係啦 。
為 乜嘢 要 投降 呢 ？ 為 乜嘢 要 投降 呢 父王 ！
細佬哥 唔懂事 你 返入去 啦 ！
父王 呀 ！先帝 咁 艱難 ，先至 創立咗 基業 ，今日 一旦 就 要 拋棄 佢 ，我 ，我 ，我 寧死 都 唔願 忍受 呢個 恥辱 啊 ！
劉禪唔聽 ，叫啲侍臣 將劉諶㧬咗出去 。
跟住 就 吩咐 譙周 寫 降書 ，然後 就 派 私署 侍中 張紹 、駙馬都尉 鄧良 同埋 譙周 一齊 ，帶住 玉璽 就 去 雒城 魏軍 嘅 大本營 ，請求 投降 嘞 。
當其時啊 ，鄧艾 就 喺 雒城 ，日日 都 派 幾百 名 鐵甲馬軍 去 成都 偵察 嘅 。
呢 一日 ， 見到 喺 城樓 之上 高高 噉 豎起 一面 降旗 ， 就 返去 報告 鄧艾 ， 鄧艾 就 高興 到 不得了 啊 。
過咗冇幾耐 ，劉禪 嘅 使者 張紹 佢哋 幾 個人 到喇 。
鄧艾 叫 人 出去 迎接 佢哋 ，入到嚟 ，張紹 佢哋 三個人 喺 台階 之下 ，對 鄧艾 跪拜 行禮 ，呈上 降書 玉璽 。
鄧艾 打開 降書 一睇 ，當堂 就 笑到 見牙唔見眼 啊 ，受落咗 個 玉璽 就 吩咐 擺酒 ，好好噉 款待 張紹 、譙周 、鄧良 三個人 。
然後 ，鄧艾 就 寫咗 封 回信 ，交畀 佢哋 三個 帶 返 去 成都 ，事關 啊 要 安定 民心 至得 㗎 嘛 ，係咪 呢 ？
劉禪 收到 鄧艾 嘅 覆信 ，又 聽咗 張紹 佢哋 嘅 報告 啊 ，都係 話 鄧艾 好 通情達理 ，善意 相待 嘅 噉 ，於是 劉禪 就 放心 喇 。
