話說 蜀兵 啊 連 氣 輸咗 兩場 ，軍心 動搖 喇 。
嗰日 姜維 同 眾 將官 話 ：勝敗 係 兵家 常事 ，而家 雖然 損兵 折將 ，之 唔使 憂心 。
總之 ，成功 失敗 在此 一舉 ！
你哋 要 始終 唔好 動搖 ，如果 有人 話 要 退 嘅 ，必 斬 ！
張翼 就 建議 話 喇 ：大將軍 ，而家 魏兵 ，都 嚟晒 呢度 ，祁山寨 必定 空虛 。
大將軍 ，你 就 整頓 兵馬 同 鄧艾 交鋒 ，攻打 洮陽 ，侯河 。
我呀 帶 一支 軍隊 去 打 祁山 ，奪取到 祁山 九寨 就 向 長安 進兵 。
呢條 乃係 上計 啊 ！
好 ！姜維 聽 張翼 嘅 ，就 命令 佢 帶領 後軍 ，直取 祁山 。
姜維 自己 呢 ，就 帶兵 去 侯河 ，向 鄧艾 挑戰 。
噉啊 鄧艾 就 率領 軍隊 出嚟 迎戰 嘞 。
當日 ， 兩陣 對圓 ， 姜維同 鄧艾 惡戰 一場 ， 打 咗 幾十個 回合 啊 不分 勝敗 ， 就 各自 收兵 回營 啦 。
到咗 第日 ，姜維 又 試 帶兵 嚟 挑戰 。
哈鄧艾 今日 唔 出兵 嘞喎 ，按兵不動 。
姜維 就 吩咐 啲 兵卒 ，放聲 嚟 辱罵 啦 。
咦 ？做乜 姜維 猛 要 嘍打 呢喂 ，鄧艾 諗 喇 ：
嗯 ，蜀蜀軍 ，畀 我 大殺 一陣 ，不不但 話唔退 ，仲 連 氣 兩日 嚟 挑戰 添 ，點點解 呢 ？
嗯 ， 嗯 ， 嗯 ， 係 啊 ！ 姜姜維實 係 分 咗 兵 ， 去 偷襲 祁 祁山寨 定 喇 。
嗯 ，留留 喺度 守寨 嘅 將官 師纂 ，兵 又 少 ，又冇 智謀 ，必必定 失敗 嘅 。
唔得 ，非非 我 親自 去 救 不可 ！
鄧艾 諗到 呢度 ，就 叫 佢 個仔 鄧忠 嚟 吩咐 佢 話 ：
你 畀 心機 守守住 呢處 ，任任 佢 姜維 點樣 辱罵 挑戰 ，都都 唔好 出戰 。
我我 今晚 就 帶 兵 去 祁山 救 應 。
喺 當晚 二更 ，姜維 正 喺 中軍 帳 裏頭 諗緊 計策 ，突然 聽見 寨外 喊殺 連天 鼓角 齊鳴 。
守寨嘅 軍士 又 入嚟 報告 話 ，鄧艾 帶咗 三千 精兵 嚟 夜戰 喇噉 。
嗰班 將官 個個 都 話 要 出去 打過 。
姜維 又 唔畀 大家 去 ，要 大家 唔好 輕舉妄動 。
乜 今晚 鄧艾 要 嚟 夜戰 咩 ？嘿 唔係 啊 。
鄧艾 佢 不過 帶兵 嚟到 蜀軍 營寨 前 便 偵察 咗 一輪 ，轉 個 彎 就 混路 去 救 祁山 嘞 。
而 鄧忠 呢 ，亦 返咗 入 城 喇 。
姜維 真係 經驗 老到 呀 ，佢 諗一諗 就 話 ：
哼 ！鄧艾 裝成 要 夜戰 噉樣 ，其實 呀 ，佢 九成 係 去咗 救 祁山寨 。
於是 姜維 就 叫 傅僉 嚟 吩咐 佢 話 ：你 要 堅守 呢個 營寨 ，敵人 嚟到 千祈 唔好 同 佢 打 ！
囑咐完 ，姜維 就 帶住 三千 兵 ，十萬火急 趕去 援助 張翼 嘞 。
而家 講 下 張翼 ，呢個 時候 啊 ，佢 正 喺 祁山 嚟 猛攻 魏軍 營寨 。
守寨 將官 師纂 確係 兵少 ，果然 支持唔住 ，眼睇住 呀 就快 畀 蜀軍 攻破 。
忽然 鄧艾 嘅 人馬 趕到嚟 ，衝殺咗 一陣 ，打到 蜀兵 大敗 。
將 張翼 啊 隔 喺 山 後 ，切斷 咗 佢 個 歸路 。
張翼 正在 又慌又急 ，忽然 聽到 吶喊聲 ，鼓角聲 呀 震天動地 。
只見 魏兵 呀 林林 聲 退後 喎 咩 嘢 事 呢 吓 ？
左右啲人 報告 話 喇 ：大將軍 姜伯約 殺到喇 ！
嘿噉就得法喇 ，衝吖 ！張翼 立即 精神百倍 ，趁勢 帶住 人馬 進行 反擊 。
噉啊 兩便 夾攻 啊 ，打到 鄧艾 就 輸咗 呢 一 仗 ，喇喇聲 退返 上 祁山寨 ，堅守 不出 。
你 估唔出嚟 就 得㗎喇 。
姜維 就 下令 拉開 人馬 ，四面八方 噉 啊 強攻 祁山寨 。
話分兩頭 ，而家 講下 後主 劉禪 佢 喺 成都 ，一味 聽晒 信 晒 太監 黃皓 個 說話 ，又 沉迷 酒色 ，對 朝政 啊 根本 理 都 懶理 嘞 。
成都 有 個 大臣 叫做 劉琰 ，佢 個 老婆 生得 好 靚 嘅 。
有一次 因為 入宮 去 朝見 皇后 ，之後 呢 ，就 留 喺 宮內 ，過咗 成個月 先至 出嚟 。
吖劉琰 就 懷疑 佢 老婆 同 後主 私通 ，個心 就 好唔忿 。
有一日 ，佢 嬲起上嚟 叫咗 五百 名 兵卒 ，排好 隊 。
然後 叫人 將 佢 老婆 綁住 拉出嚟 ，嗌 啲 兵卒 ，用 鞋底 嚟 𢴈 佢 老婆 塊 面 ，𢴈咗 幾十下 。
陰公咯 ，打到 個 老婆 呀 死過 返生 幾次 咁多 啊 。
呢件事呢 ，好快 就 傳到 去 後主 嗰處 。
後主 就 嬲 到 跳起 ，立即 下令 有關 嘅 官員 判 劉琰 嘅 罪 。
噉嗰個 官員 判 劉琰 咩嘢 罪 呢 ？死罪 ！
判詞 亦 係 夠晒 滑稽 喎 ， 判詞 話 ：
卒 ，非 撻 妻 之 人 ，面 非 受刑 之 地 ：合 當 棄 市 。
即 係 話 ， 兵卒 就 唔 係 要 嚟 打 老婆 嘅 人 ， 塊面 亦 唔 係 受刑 嘅 地方 吖 ， 你 打 囉 柚 就 係 啦 ， 點解 用 鞋底 嚟 𢴈 面珠 墩 呢 ？ 應該 押 去 街市 殺頭 。
於是乎 劉琰 做咗 刀下之鬼 。
不過 從此之後 呢 ，就 唔 畀 啲 命婦 ，即係 受過 皇帝 封號 嘅 女人 入 朝 喇 。
劉禪 正一 係 個 二世祖 ，佢 越嚟越 荒淫無道 ，搞到 好多 文武官員 呀 都 離心離德 。
整整 下 ， 啲 好人 走 下 一個 又 一個 ； 而 小人 呢 ， 一日 多過 一日 ， 猛 咁 得到 提拔 。
呢 ，當時 有 個 右將軍 叫做 閻宇 啊 。
佢 就 半點 功勞 都 冇 嘅 ，皆因 識 托 黃皓 大腳 啊 ，就 得到 好 高 嘅 爵位 。
噉啊 此人 仲 不安於位 噃 ，唔滿足 於 享受 榮華富貴 噃 佢 仲 要 有 權力 。
而且 要 擁有 兵權 添 哈噉 就 弊弊 冇 咁 弊 嘞 。
閻宇 見到 姜維 統率 大軍 打到 去 祁山 ， 就 𠼮 黃 皓 去 稟奏 後主 。
話 姜維 打咗 咁耐 都 冇 戰果 ，請 後主 派 閻宇 去 取代 姜維 啦噉 。
後主劉禪 乜 都 係 聽 黃皓 噏 嘅 啫 ，喂 真係 派 個 使者 ，帶住 一道 聖旨 去 召 姜維 返嚟 噃 。
當時 姜維 正在 祁山 攻打 緊 魏軍 營寨 。
突然間 一日 嚟 三道 聖旨 ，係 要 召 佢 班 師 ，
有 乜 修 呢 皇帝 嘅 聖旨 喎 要 你點 就點 㗎 喇 。
姜維 只有 遵命 係啦 。
佢 傳令 攻打 洮陽 嘅 兵馬 先 退 ，其次 呢 ，佢 同 張翼 就 好 有 秩序 噉 撤退 。
鄧艾 喺 寨 裏頭 ，嗰 一 晚 呀 ，只 聽見 蜀軍 鼓角 喧天 ，㗾㗾聲 都 唔知 係 咩 嘢 用意 。
到 咗 第二 朝早 蒙蒙 光 嘅 時候 ， 探子 嚟 報告 話 蜀 兵 全部 撤退 喇 噉 ， 淨 係 得 返個 空寨唧 。
嗯 ？鄧艾 懷疑 姜維 係 唔係 又 使 咩 詭計 喎 就 唔敢 跟住 去 追擊 。
呢啲呢就放落唔講喇 。
而家 講下 姜維 ，佢 返到嚟 漢中 駐扎 好 兵馬 ，自己 呢 就 跟住 使者 入 成都 見 劉禪 。
哈但係嗰個劉禪呢 ，連氣十日 都冇臨朝 。
即係冇出嚟 金殿 接見 大臣 冇 辦公 啊 佢 。
姜維 個 心 就 好 思疑 啦 ：
嗱 ，一日之間 就 落 三道 聖旨 召 我班 師 回朝 。
而家 我 返到嚟 喇 ，連氣 十日 都 唔 嚟 接見 我 做 乜嘢 至 得 㗎 。
呢一日 ，姜維 行到 東華門 遇見 秘書郎 郤正 。
姜維 就 問 佢 話 喇 ：
皇上 召 我 班師 ，大人 知唔知道 係 為 乜嘢 緣故 啊 ？
嘿嘿 ， 嘿嘿 嘿嘿 嘿嘿 ， 哎 ， 大將軍 乜 你 仲 唔 知道 咩 ？
黃皓 想 使到 閻宇 撈 個 立功 嘅 好 機會 ，故此 稟奏 朝廷 ，落 聖旨 召 將軍 你 回 朝 ，然後 派 閻宇 去 代 你 。
之而家聽聞 鄧艾 極善於 用兵 ，所以 又唔提 呢件事 咯 。
吓 ？豈有此理 ！我 事 必要 殺咗 呢個 壞鬼 太監 ！
大將軍啊 ，你 繼承 諸葛武侯 嘅 事業 ，責任 重大 ，唔好 亂嚟 啊 。
萬一天子 容 你 唔落 ，就 反為 不美 咯 。
係 ，大人 講得啱 。
又過咗一日 ，劉禪 同 黃皓 喺 後花園 飲宴 ，姜維 就 帶住 幾個人 直筆 入去 。
黃皓 好知 聲嘅 ，事關 早就 有人 報畀佢 聽嘅 啦嘛 ，佢 就 急忙 匿埋 喺 個 假山 旁邊 就 避開 下 先 。
姜維 嚟到 嘞 ，對 劉禪 跪拜 行禮 ，然後 佢 流住 眼淚 噉 稟奏 話 ：
臣 ， 正 係 將鄧 崖 困 喺 祁山 ， 而主上 連氣 下 咗 三道 聖旨 ， 召臣 回朝 。
唔知道 主上 係 乜嘢 意思 呢 ？
誒 ， 誒 ， 哎 ， 劉禪 唔 出聲 。
主上 ，黃皓 此人 ，奸巧 專權 ，乃係 漢靈帝 時候 十常侍 一樣 嘅 人物 。
請主上 ， 近 嘅 以 張 讓 為 鑒 戒 ， 遠 嘅 就 以 趙 高 為 鑒 戒 。
及早 殺咗 此人 ，噉 朝廷 自然 清平 ，中原 先至 可以 恢復 啊 。
劉禪 話 喇 ：嘿 ，嘿嘿嘿嘿嘿嘿 ，嘿哎 ，黃皓 不過 係 一個 幫 朕 走走趯趯 嘅 小臣 。
縱使 佢 要 專權 ，亦 做唔出 乜嘢 事 嘅 。
嘿嘿 ，呢往日 董允 啊 ，終之 無日 ，一提起 黃皓唧 ，佢 就 要 咬牙切齒 ，做乜 至得 㗎 ！
佢 噉樣 ，朕 好唔鍾意 㗎 ！
誒 ，哎愛卿 你 又 何必 理 黃皓 咁多 呢 ？不必 介意 嘅 。
主上 ，今日 唔殺 黃皓 ，噉 大禍 ，就要 臨頭 喇 ！
誒 ，正所謂 愛之 欲 其 生 ，惡之 欲 其 死 。
愛卿 你 點解 連 一個 宦官 都 容唔落 吖 ？
人嚟 ，叫 黃皓 出嚟 ！
劉禪 叫個 小太監 去 假山 旁邊 ，嗌 黃 皓 出 嚟 ， 叫 黃 皓 向 姜維 叩頭 伏罪 。
黃皓 跪喺 處 喊住 噉 對 姜維 話 ：
我 不過 係 從 朝 到 黑 ，侍奉 主上 啫 ，國家 嘅 事務 一啲 都 唔 敢 參與 嘅 。
將軍 千祈 唔好 聽 啲 外人 亂噏 ，就 想 殺 我 啊 。
我條命 就 喺 將軍 手上 咯 ，請 將軍 你 可憐 下 啦 。
講完 ，好似 舂米 噉 猛 咁 叩頭 ，喊到 一勺 眼淚 一筒 鼻涕 。
嘿 ，姜維 唂到 成肚氣 ，憤憤然 噉 行返出嚟 ，即刻 就 去 搵 郤正 ，將 呢件事 講畀 佢 聽 。
郤正話喇 ：哎呀呀呀 將軍啊 你 大禍臨頭喇 。
將軍 你 一 有 危難 ，噉 國家 跟住 就 會 滅亡 咯 ，唉 ！
哦 ，噉 ，請 大人 教 我 一個 ，保國安身 嘅 辦法 。
嗯 ， 嗯 ， 啊 係 喇 ， 陝西 有 一 笪 地方 叫做 沓 中 ， 呢 笪 地方 係 極其 肥沃 嘅 。
將軍 你 不如 學下 諸葛 武侯 當年 屯田 罷 啦 。
將軍 你 稟奏 天子 ，請求 去 沓中 屯田 噉 好 唔好 呢 ？
嗱 ，第一 ，種到 啲 麥 ，就 可以 使 軍隊 取得 給養 。
第二 ，可以 控制 隴右 各個 郡 。
第三 ，魏國 就 唔 敢 嚟 侵犯 漢中 。
第四 ，將軍 喺 外 便 掌握 兵權 ，人哋 唔能夠 謀害 你 ，噉 就 可以 避禍 喇 。
呢個 乃係 保國 安身 嘅 辦法 ，將軍 你 快啲 噉樣 做 啦 。
哎呀呀 多謝 大人 指教 ，真係 金石良言 啊 。
第日 ，姜維 就 上表 畀 劉禪 ，請求 去 沓中 屯田 ，效法 當年 諸葛 武侯 做 嘅 事 。
劉禪 批准咗 佢 。
噉 姜維 返到 漢中 ，召集 部下 嘅 將官 嚟 對 佢哋 話 ：
我 屢次 出師 北伐 ，每次 都係 因為 糧食 不足 ，唔能夠 成功 。
而家 我要 帶 八萬 兵 去 沓中 種 麥 屯田 ，求取 日後 軍事 上 嘅 進展 。
各位 長期 征戰 好 辛苦 喇 ，而家 暫時 收縮 防線 ，積蓄 糧食 ，退守 漢中 。
魏軍 如果 要 嚟 侵犯 嘅 話 ，噉 佢哋 千里 運糧 爬山 涉水 ，當然 係 非常之 疲乏 。
疲乏 就要 退 ，到時 ，我軍 乘虛 追擊 ，就 冇 話 唔贏 嘅 。
係 ！謹遵 大將軍 將令 ！
於是 姜維 就 命令 胡濟 鎮守 漢壽城 ；
王 含 鎮守 樂城 ；
蔣斌 鎮守 漢城 ；
蔣舒 、傅僉 共同 把守 關隘 。
部署完畢嘞 ，姜維 就 帶住 八萬 兵士 ，去到 沓中 種 麥 ，作 個 長久 打算 嘞 。
花開 兩朵 就 各表 一枝 ，而家 講下 鄧艾 。
鄧艾 佢 聽聞 姜維 喺 沓中 屯田 ，一路 噉 安咗 四十幾個 兵營 ，連綿不絕 好似 長蛇 噉 嘅 氣勢 。
嗯 ？姜維 噉 啊 行動 厲害 喎 。
鄧艾 就 立即 派 啲 偵察人員 去 相 咗 地形 ，畫咗 幅 地圖 ，上 表 報告 司馬昭 。
司馬昭 一 接到 報告 ，可惱 啊 佢 話 ：
姜維 屢次 侵犯 中原 ，到 而家 仲 唔能夠 剿滅 佢 ，呀 真係 我 嘅 心腹 大患 啊 ！
賈充 諗到 條屎計 噃 ，佢 話 ：
姜維 得到 孔明 嘅 傳授 ，學晒 孔明 嘅 本事 ，一時之間 好 難 打得退 佢 㗎 。
事 必 要 搵到 一個 智勇雙全 嘅 人 去 暗殺 佢 ，呢 ，噉 就 唔使 興師動眾 咁 勞苦 啦嘛 。
從事 中郎 荀勖 唔同意 ，佢 話 ：唔係啊 。
目前 蜀主 劉禪 沉迷 酒色 ，寵信 黃皓 ，所有 嘅 大臣 都有 避禍 之心 。
姜維 而家 去 沓中 屯田 ，不過 係 想 避禍 咋嘛 。
若果 派 個 大將 帶兵 去 討伐 佢 ，冇 話 唔贏 嘅 ，又 何必 用 刺客 去 暗殺 姜維 呢 ？
呵呵呵呵呵呵呵 ，好極喇 ！司馬昭 高興 喇 佢 話 ：噉 講 就 最啱 。
我要 去 討伐 蜀國 ，噉 邊個 做 主帥 好 呢 ？
荀勖話 ：鄧艾 係 當代 嘅 良才 ，若果 能夠 用 鐘會 做 副將 ，就 大事 必成 啊 。
冇錯 ，你 噉 講 就 合晒 我 意思 ！
於是 司馬昭 就 叫 鐘會 嚟 問 佢 話 喇 ：
我 想 派 你 做 主帥 ，去 討伐 東吳 ，你 願 去 嗎 ？
主公 你 嘅 意思 ，唔係 想 去 討伐 東吳 啊 ，其實 ，要 去 討伐 西蜀 就 真 。
吓 ？ 哦 ！ 哈哈哈哈 哈哈哈哈 ， 你 ， 你 真 係 會 摸 我 嘅 心思 喇吓 。
哈哈哈哈哈 ，誒 ，不過 你 去 攻打 蜀國 ，準備 用 乜嘢 辦法 呢 ？
我啊估計主公係要討伐蜀國㗎喇 ，故此早就畫咗一幅圖喺度 ，請主公你過目 。
鐘 會 講完 ，就 喺 衫袖 籠 裏 便 扲出 一 張 地圖 嚟 ，呈畀 司馬昭 。
司馬昭 打開 一 睇 ，嘩 真係 好嘢 啊 ！
喺 地圖 上 便 ，詳詳細細噉 標明 沿途 安營扎寨 、存放 糧草 個 地點 。
由邊處 進兵 ，由邊處 退兵 ，一一二二 好有計劃嘅 。
司馬昭 睇咗 歡喜 到 極 ，佢 話 ：你 真係 良將 啊 ！
愛卿 ，你 同 鄧艾 合兵 去 攻打 蜀國 啦 ，好唔好 啊 ？
主公 ，蜀國 道路 縱橫 ，唔係 一路 兵馬 就 打得 入去 。
主公 命令 鄧艾 同 我 分兵 ，各自 進攻 就好嘞 。
好！
於是 司馬昭 就 任命 鐘會 ，做 鎮西 將軍 ，假 節鉞 ，都督 關中 人馬 。
青州 、徐州 、兗州 、豫州 、荊州 、揚州 各地 軍隊 歸 佢 調遣 。
同時 又 派 使者 帶住 節 ，去 任命 鄧艾 做 征西 將軍 。
都督 關外 隴上 人馬 ，要 佢 約定 日期 ，出兵 去 討伐 蜀國 。
到咗 第日 ，司馬昭 喺 朝廷 之上 正式 提出嚟 ，同 文武百官 商量 攻打 蜀國 嘅 事情 。
有個 前將軍 叫 鄧敦 ，佢 反對 出兵 。
佢 話 ：姜維 屢次 興兵 嚟 侵犯 中原 ，我軍 傷亡 極多 ，目前 淨係 防守 都 仲係 難以 自保 。
點解 仲要 深入 山川 危險 嘅 地方 ，自取 禍亂 呢 ？
哼 ！司馬昭 發惡喇 ：我 正係 要 興仁義之師 ，去 討伐 無道之主 ，你 居然 大膽 嚟 反對 我 ？
人 嚟 ！將 佢 推出去 斬 ！
冇幾耐 ，刀斧手 用 個 托盤 裝住 鄧敦 血淋淋 嘅 人頭 ，呈上嚟 台階 下 便 。
哎呀 嚇到 文武百官 就 個個 面無人色 。
司馬昭話喇 ：我 自從 征東 以嚟 ，休息咗 六年 ，訓練 兵馬 ，製造 衣甲 ，樣樣 都 準備妥當 。
我呀 ，想去 討伐 吳 、蜀 好耐 㗎喇 。
我 而家 決定 先 去 平定 西蜀 ，然後 順流 而下 ，水陸 並進 ，去 併吞 東吳 。
噉樣做 ，就係 滅虢取虞之道 啊 。
據我嘅估計 ，西蜀 嘅 將士 守 成都 嘅 ，八九萬人 ；
守邊境嘅 ，不過 四五萬 ；
姜維 帶咗 去 屯田 嘅 呢 ，亦 不過 六七萬 。
而家 我 已經 命令 鄧艾 率領 關外 隴右 嘅 兵馬 十幾萬 人 ， 將姜維 纏住 喺 沓 中 ， 使 佢 唔 顧得東 便 。
另外 ，我 又 命令 鐘 會 率領 關中 嘅 精兵 二 三十 萬 ，直抵 駱谷 ，分 三 路 去 攻打 漢中 。
蜀主 劉禪 昏庸 無道 ，一 攻破 佢 嘅 邊關 ，佢哋 內部 就 震動 喇 ，實滅亡 都 得㗎喇 ！
哼哼哼哼哼哼哈哈哈哈哈哈哈 。
啊晉公 神機妙算 ，無人 能 及 啊 ！於是 人人 都 服 喇 。
而家 講 下 鐘會 ，佢 接咗 鎮西 將軍 嘅 大印 ，就 起兵 去 攻打 蜀國 啦 。
鐘 會 就 怕 洩露 軍機 ，佢 又 以 攻打 東吳 為 名 ，命令 青州 、兗州 、豫州 、荊州 、揚州 等等 五處 地方 ，各地 都 建造 大戰船 。
又 派咗 唐咨 去 登州 、萊州 呢啲 近海 嘅 地方 ，征用 出海 嘅 船隻 。
呢鐘 會 呢 一步棋 啊 ，連 司馬昭 都 諗唔明白 佢 嘅 用意 啊 。
噉佢 又 召鐘 會 嚟 問 嘞 ：
你 由 陸路 去 攻打 西蜀 啫 ，為乜嘢 要 造船 啊吓 ？
鐘 會 就 回答 話 ：
噉嘅 ，西蜀 若果 聽聞 我軍 大舉 進攻 ，必定 會 向 東吳 求救 。
故此 我 首先 造成 一個 聲勢 ，擺出 進攻 東吳 嘅 姿態 ，噉 東吳 就 唔 敢 亂逳 嘞 。
一年之內 西蜀 攻破 咯 ，船 又 做好 咯 ，到時 就 進攻 東吳 ，噉 唔係 一切 都 順晒 嘞咩 ？
啊好極喇好極喇 ，司馬昭 非常 歡喜 啊 ，噉就 擇日 出師 。
當時 係 魏國 景元 四年 ，即係 公元 二六三 年 ，七月 初三 ，鐘會 出師 嘞 。
司馬昭 呀 一直 送到 城外 十里 先至 返轉頭 啊 。
有個 西曹掾 ，叫做 邵悌 ，佢 靜靜噉 對 司馬昭 話 ：
而家 主公 就 派 鐘會 率領 十萬 雄兵 ，去 討伐 蜀國 吖 。
不過 ， 我 覺得 鐘 會 嘅 為 人 志 大 心 高 ， 唔 好 畀 佢 獨掌大權 好 啊 主公 。
咦 ？邵悌 呢 條 意見 辣喇 。
噉啊究竟司馬昭有冇聽佢話 ，唔畀鐘會執掌大權呢 ？噉就等下次先至講喇 。
