話說 司馬昭 就 派 賈充 啊 ，帶 人 去 殺死咗 魏主 曹髦 之後 呢 ，就 去 大殿 召集 大臣 嚟 舉行 會議 研究 善後 咯 喎 。
那個時候啊 ，所有 嘅 大臣 都 到齊 。
但係 唯獨 是 呢 ，尚書 僕射 陳泰 就 冇 到 喎 。
呢個 相當於 宰相 咁 高 職務 嘅 官員 唔到 呀 ，事情 就 冇 咁 好 辦 嘅 咯 喎 。
於是 司馬昭 呢 ，就 叫 陳泰 個 舅父 ，尚書 荀顗 啊 去 召 佢 嚟 。
陳泰 唔嚟 唔得嘞 ，就 披麻戴孝 上殿 ，喺 曹髦 個 靈位 前 便 啊 喊住 叩頭 。
司馬昭 亦 詐喊 啊 ，噉 佢 問 陳泰 嘞 ：
今日 嘅 事 ，點樣 嚟 處置 好 呢 ？
陳泰 話 喇 ：只有 殺咗 賈充 ，噉 先至 稍為 可以 向 天下 謝罪 啊 。
噉啊 ，誒 ，嗯 ，噉 ，仲有 冇 其他 輕啲 嘅 辦法 呢 ？
重過嘅就有 ，輕啲嘅就唔知喇 。
噉啦 ，成濟 佢 大逆不道 ，將 佢 凌遲 處死 ，滅 佢 三族 啦 。
成濟 啊點 都 估 唔 到 會 噉 樣 嚟 待 佢 㗎 。
佢 以為 呢趟 立咗 大功 㗎嘛 ，起碼 都 官 升 幾 級 ，賞 王經 千 兩 㗎 啦 哈 ！
誰知 要 一刀 一刀 噉 嚟 割 死 自己 喎 仲要滅 三族 添 噉 得 了 嘅 ！
佢 當堂 嬲 起上嚟 ，破口大罵 司馬昭 ：
我 有 乜嘢 罪 啊 ，係 賈充 傳 你 嘅 命令 叫 我 殺 皇帝 㗎 咋 。
司馬昭 立即 叫人 割咗 佢 條脷 ，等 佢 有口 都 講唔出 嘢 啊 。
成濟啊到死都𦧲𦧲聲噉叫冤屈 。
佢 細佬 成倅 呢 ，亦 拉咗 去 街市 斬 頭 ，三族 都 滅晒 。
司馬昭 呢 ，又 派 人 去 逮捕 王經 全家 就 韞 喺 監獄 。
當時 王經 啊 ，已經 畀 廷尉 捉咗 去 先 。
而家 見到 綁 佢 老母 嚟 ，哎 ，王經 就 跪 喺 老母 面前 叩頭 痛哭 。
佢 話 ：孩兒 不孝 累及 慈母 咯 ！
誰知 佢 母親 放聲 大笑 噉 話 ：
一個人 ，邊個 唔死 嘅 呢 ？就係 怕死 不得其所 咋嘛 。
今日 因為 噉樣 而 死 ，又 有 乜嘢 遺憾 啊 ？
第 日 ， 王經 全家 都 拉 晒 去 東市 問斬 ， 王經 兩 母子 啊 含笑 受刑 啊 。
滿城 嘅 百姓 見到 呀 ，冇 個 唔 為 佢哋 流眼淚 㗎 。
好喇 ，最後 輪到 要 處理 埋 被 殺死 咗 個 皇帝 曹髦 咯噃 。
太傅 司馬孚 就 建議 按照 王禮 嚟到 葬 曹髦 。
王啊 ，係 比 帝 低 一級 ，噉 司馬昭 就 同意 嘞 。
之後呢 ，賈充 佢哋 就 勸 司馬昭 索性 接受 魏國 嘅 禪讓 ，自己 嚟 登上 天子 位 。
但係 司馬昭 話 ：呵呵呵呵呵呵呵呵 ，誒唔得嘅 。
古時 文王 三分 天下 有 其 二 啊 ，仲 係 服侍 殷朝 。
故此 聖人 稱讚 佢 嘅 行為 係 至高無上 嘅 美德 。
當初 魏武帝 唔肯 受 漢朝 嘅 禪讓 ，欸 亦即係 我 而家 唔肯 受 魏朝 嘅 禪讓 一式 喇 。
吓 ？哈哈哈哈哈哈哈哈 。
賈充佢哋 聽咗 明喇 ，知道 司馬昭啊 ，係 有意 將 個 皇帝位 ，留返嚟 畀 佢 個仔 司馬炎啊 ，所以 呢 ，就 冇再 勸 司馬昭 做 皇帝 咯 。
喺 呢 一年 嘅 六月 ，即係 殺咗 曹髦 兩 個 月 之後 啊 ，司馬昭 就 立 常道鄉公 ，曹璜 做 皇帝 ，就 將 個 年號 改為 景元 元年 ，亦即係 公元 二六零 年 喇 。
曹璜 又 將 自己 嘅 名 ，改做 曹奐 。
噉佢 係 曹操 嘅 孫 ，燕王 曹宇 嘅 仔 嚟 。
曹奐 登位 之後 ，封 司馬昭 做 相國 、晉公 ，賜 錢 十萬 、絹 一萬 匹 。
其他 嘅 文武百官 呢 就 各有 封賞 ，呢啲 都 不在 話下 喇 。
噉 魏國 發生 咗 咁 大 嘅 變故 啊 ，自不然 就 有 間諜 就 報到 去 成都 嘞 。
姜維 一 聽聞 司馬昭 殺咗 曹髦 ，立咗 曹奐 ，嘿佢 好 高興 噉 話 ：
我 呢次 去 討伐 魏國 ，又 有 名堂 喇 ！
就 立即 寫信 去 東吳 ， 約 東吳 起兵 去 討伐 司馬昭 ， 事關 佢 殺 皇帝 有罪 吖 嘛 。
同時 呢 ， 佢 得到 後主 劉禪 同意 ， 起兵 十五萬 ， 幾千 架車 ， 車上 便 都 裝住 晒 板 箱 嘅 ， 就 任命 廖化 、 張翼 做 先鋒 ：
廖化 就 取 子午谷 ；
張翼 就 取 駱谷 ；
姜維 自己 啊 取 斜谷 ，全部 啊 喺 出 祁山 之前 會合 。
噉 三路 兵馬 一齊 出發 ，殺奔 祁山 而去 嘞 。
當時 鄧艾 啊 ，係 喺 祁山寨 訓練緊 兵馬 。
佢 接到 報告 話 蜀兵 三路 殺到 ，就 召集 眾 將官 嚟 商量 對策 喇 。
鄧艾嘅 手下 有 個 參軍 ，叫做 王瓘 啊 。
佢 話 ： 我 有 一條 計 ， 之 唔 能夠 就 噉 講出 嚟 ， 而家 寫 咗 喺 度 ， 請 將軍 過目 。
哦？ 誒咯攞攞嚟 睇睇下 。
嗯 ， 嗯 嗯 ， 哦 ， 呵呵 呵呵 ， 啊 哈哈 ， 你 呢 條計 ， 誒 雖然 係 妙 啊 ， 誒 就 係 怕 瞞 瞞 唔 過姜維唧 。
將軍 ，我 情願 捨命 前去 ！
好 ！誒 你 有 咁 堅強 嘅 意志 ，就 必 能 成功 ！
於是 鄧艾 就 撥 五千 兵 ，交畀 王瓘 。
王瓘 率領 住 人馬 就 漏夜 由 斜谷 迎 上去 。
冇幾耐 ，就 遇見 蜀軍 嘅 前哨 。
王瓘 大聲噉話 ：我 係 魏國 降兵 ，請 你哋 去 報告 主帥 啦 ！
啲 哨兵 喇喇聲 去 報告 姜維 。
姜維 就 吩咐 攔住 來 將嘅 人馬 ，只係 准 為首 嘅 將官 嚟 見 佢 唧噉 。
王瓘嚟到中軍帳 ，拜見 姜維 ，佢 話 ：小將 係 王經 嘅 侄 王瓘 。
最近 ，司馬昭 殺害 君主 ，將 叔父 滿門 抄斬 ，小將 痛恨 入骨 ！
今日 ，好彩 得 將軍 嚟 興師 問罪 。
故此 特意 率領 本部 軍兵 五千人 嚟到 投降 ，聽從 將軍 調遣 ，剿除 奸黨 ，為 叔父 報仇 雪恨 啊 ！
姜維 好高興啊 ，佢 話 ：
好極喇 ，你既然 誠心 嚟 投降 ，我 當然 亦 誠心 嚟 待 你 。
我 軍隊 裏 便 最 擔心 嘅 就係 糧草 唧 。
我 有 幾千 架 糧車 ， 而家 就 停放 喺 川口 ， 你 就 去將 啲 糧車 押運 去 祁山 啦 。
我 呀 趕住 去 打 祁山寨 。
王瓘 歡喜 到 不得了 ，以為 姜維 中計 喇 就 一啖 應承 嘞噃 ，接受咗 押運 糧車 嘅 任務 。
點知 跟住 姜維 又 話 ：
你 去 運糧 唔 使用 五千 人 咁多 ，帶 三千 人 就 夠 嘞 。
留低 二千人 ，幫 我 帶路 去 打 祁山寨 啦 。
啊 ，遵命 ，遵命 ！
王瓘 怕 姜維 疑心 啊 ，就 帶咗 三千 人 出發 。
姜維 吩咐 傅僉 ，帶 嗰 二千 魏兵 啊 ，隨軍 聽候 調用 。
過咗冇幾耐 ，夏侯霸 趕到嚟喇 。
佢 同 姜 維 話 ： 都督 點解 咁 相信 王 瓘 講 嘅 說話 啊 ？
我 一向 喺 魏國 ，雖然 唔係 樣樣 事情 都 清楚 啊 。
但係 ，我 從未 聽講過 王經 有 個 侄 叫做 王瓘 㗎 喎 。
其中 可能 有 詭計 ，請 都督 你 考慮 。
姜維 放聲 大笑 喇 ： 哈哈哈哈 哈哈哈哈 ， 我 早就 知道 王 瓘 係 詐降 㗎 喇 ， 故此 分 薄 佢 嘅 兵力 ， 將計就計 咋 嘛 。
哦 ？請 都督 你 講出嚟 聽下 。
嗱 ，司馬昭 係 個 奸雄 ，同 曹操 一模一樣 嘅 。
佢既然 殺咗 王經 滅佢 三族 ，又 點會 留返 王經嘅 親侄 ，喺 關外 帶兵 嘅 呢 ？
故此 ，佢 一嚟 我 就 知道 佢 係 假嘅 。
夏侯將軍 ，你 所 諗嘅 同 我 不謀而合 啊 ！哈哈哈哈哈哈 。
於是 姜維 就 唔 出 斜谷 嘞 ，派 咗 啲 兵 喺 路 上 埋伏 ，睺實 王 瓘 嘅 奸細 。
果然 ，唔到 十日 唧 ，啲 伏兵 就 捉到 王瓘 派 去 送信 畀 鄧艾 嘅 奸細 ，就 拉嚟 見 姜維 嘞 。
姜維 審問咗 佢 ，抄出 封 密信 。
噉信裏頭呢 ，原來 約定 喺 八月二十日 啊 ，由 小路 運糧 去 大寨 ，叫 鄧艾 派 兵 去 壇山 嘅 山谷 裏 便 接應 噉 。
姜維 將 呢嗰 送信 嘅 人 殺咗 ，又 按照 信 中 嘅 意思 改寫過 ，將 八月二十 呢 ，改為 八月十五 。
約鄧艾 親自 帶 大隊 人馬 ，喺 壇山 山谷 接應 。
就 派咗 個 醒目 嘅 小軍 ，扮做 魏兵 去 鄧艾 處 送 信 咯 喎 。
另一方面 呢 ，就 叫人 將 現有 幾百架 糧車 ，裝住嘅 糧食 呀 卸晒落嚟 ，另外 裝上 乾柴 茅草 等等 引火嘅 材料 ，就 用 青布 嚟 冚到 實 。
命令 傅僉 ，帶住 嗰 二千 魏兵 ，就 打起 運糧 嘅 旗號 ，押 啲 糧車 出發 。
姜維 同 夏侯霸 ，各人 帶 一支 軍隊 去 山谷 裏頭 埋伏 。
又 命令 蔣舒 出 斜谷 ，廖化 、張翼 啊 各自 進兵 ，去 攻打 祁山 。
嗱， 噉 姜維 呢頭 呢 ， 就 部署 妥當 晒 喇 。
而家 講下 鄧艾 ，佢 一 接到 王瓘 嘅 來信 嗨 好高興啊 ，急急 就 寫咗 回信 交畀 來人 帶返 扯 。
到咗八月十五 ，鄧艾 真係 親自 率領 五萬 精兵 ，直去 壇山 嘅 山谷 咯噃 。
佢 又 派出 偵察人員 ，遠遠 噉 上去 高頂 嚟到 瞭望 。
啊 ， 果然 見到 無數 咁 多 糧車 啊 ， 一架 接 一架 噉 ， 喺 啲 山路 處行 緊 嚟 喇 。
鄧艾 就 勒定 馬 ，仔細噉 觀察 。
冇錯冇錯 ，都係 魏兵 。
噉啊 左右 啲 人 話 ：已經 天黑 喇 ，快啲 去 接應 王瓘 出 谷 啦 。
鄧艾 話 喇 ：唔好 ，前前 便 山勢 險峻 ，若若果 有 伏兵 ，急起 上嚟 就 好好 難 後退 㗎 ，誒 就就 喺 呢處 等 就 啱喇 。
正喺度講緊 ，忽然 前便 有 兩個人 騎馬 𠽤𠽤聲 跑過嚟 ，就 報告 話 ：
王將軍 因為 將啲 糧車 運 過 界 ，後 便 有人馬 追 佢 ，要 快啲 去 接應 啊 ！
知道喇 。
鄧艾 大吃一驚 ，就 急急 催促 兵馬 前進 。
當時 正係 初更 ，個月 就 好 光 ，只 聽見 山 後 喊 殺 連天 。
鄧艾 就 估話 王 瓘 喺 山後 同蜀兵 打緊 喎 ， 就 帶兵 加快腳步 趕去 啦 。
行行下 ，忽然 喺 樹林 後便 ，一彪 軍馬 撞出嚟 。
為首嘅 將軍 乃係 傅僉 ，佢 縱馬 大喝 一聲 ：
鄧艾匹夫 ！你 中咗 我哋 主帥 之計 喇 你 快啲 下馬 受死 ！
嘩弊 傢伙 弊 傢伙 ， 嚇到 鄧艾 大吃一驚 呀 一 勒馬 頭向 後 就 跑 。
呢個 時候 ，啲 車 就 含含聲 燒着晒 ，呢啲 火 呀 係 信號 嚟 啊 ！
火光 一起 ，兩邊 兩便 埋伏 嘅 蜀兵 喎 嗬 殺 啊 噉 啊 一齊 衝出嚟 ，殺到 魏兵 七零八落 。
呢勻 就 真係 苦過 滴滴 咯 ，只 聽聞 四面 都 大聲 咁 嗌 啊 ：
捉住 鄧艾 嘅 賞 黃金 千 兩 ，封 萬戶侯 ！
捉住 鄧艾 嘅 ，賞 黃金 千 兩 ，封 萬戶侯 啊 ！
嚇到 鄧艾 丟盔棄甲 ，連 馬 都 唔 要 咯 ，換咗 件 兵卒 嘅 衣服 ，兼埋 喺 啲 步兵 裏 便 ，翻山越嶺 噉 逃命 。
姜維 、夏侯霸 佢哋 一味 睺實 騎馬 為首 嘅 將軍 啫 ，咪 到處 咁 搵 。
冇想到 鄧艾 搖身一變 ，嚟個 金蟬脫殼 ，就 步行 趯甩 咗 喎 。
噉捉唔到鄧艾咯 ，姜維 就 帶住 得勝 嘅 軍隊 ，去 接 王瓘 嘅 糧車 嘞 。
而家 講返下 王瓘 ，佢 已經 秘密噉 同 鄧艾 約好咗 ，就 預先 收拾好 糧草 車仗 ，準備妥當 ，就係 等 八月 二十日 嗰日 逳手 嘞喎 。
點知 呢一日 ，佢 個 心腹人 面 都 青晒 噉 趯嚟 話 佢 聽 ：弊喇 弊喇 ，事情 呀 已經 洩漏 咗 喇 。
鄧將軍 打咗 大敗仗 ，而家 生死 都 唔知 啊 ！
哎呀 ！王瓘 驚啊 ，快啲 派人 再去 探聽 消息 。
回報話 有 三路兵馬 ，包圍住 殺緊過嚟 ，背後 又 見 塵土 沖天 ，四便 都 冇 路 走 啊噉 。
王瓘 就 把 心 一橫 啊 ，喝啲 兵 立即 放火 ，燒晒 啲 糧車 。
霎眼之間 火光 衝天 啊 燒到 噼噼啪啪 。
王瓘 高聲 大叫 嘞 ：形勢 危急 ，你哋 要 死戰 啊 ，大家 跟 我 嚟 ！
就 帶領 人馬 向 住 西 便 突圍 。
姜維 佢哋 三路 人馬 喺 後 便 猛追 。
初時 啊 ， 姜維 就 估話 王 瓘 搏命衝 ， 無非 係 想 衝返 去 魏國 啫 ， 誰知 王 瓘 又 反而 殺 咗 入 去 漢中 喎 。
王瓘 因為 兵 少 ，怕 追兵 追上嚟 ，就 將 棧道 同埋 沿途 嘅 關隘 啊 ，冚𠾴唥 放火 燒晒 佢 。
噉姜維 就 怕 漢中 有 咩 三長兩短 ，就唔去 追 鄧艾 喇 ，漏夜 帶 兵 混 小路 去 追殺 王瓘 。
王瓘 呢 就 畀 蜀兵 四面 包圍 攻擊 ，結果 啊 ，就 投水 而 死 。
其餘嘅 兵卒 呢 ，全部 畀 姜維 坑咗 。
呢一仗 ，姜維 雖然 打贏咗 鄧艾 ，不過 呢 ，亦 損失 咗 好多 糧食 同 車輛 ，又 毀壞 咗 棧道 。
噉 呢場 仗 一 結束 啊 ，就 帶兵 返去 漢中 。
鄧艾啊 帶住 部下 嘅 殘兵敗將 逃跑 返去 祁山寨 。
然後呢 就 上表 請罪 ，請求 將 自己 貶職 。
司馬昭 接到 表章 ，佢 見到 鄧艾 歷來 都有 大功 ，就 唔忍心 貶 佢 。
不但唔貶啊 ，而且 仲 重重噉 賞賜 佢 添 。
而 鄧艾 呢 ，將 賞賜 畀 佢 嘅 財物 ，全部 攞出嚟 ，分晒 畀 被害 嘅 將士 家屬 。
司馬昭 為咗 防備 蜀兵 又 試 再 嚟 侵犯 啊 ，所以 呢 ，又 增加 五萬 人馬 ，撥 畀 鄧艾 嚟 指揮 加強 防禦 啊 。
真係 光陰 似箭 日月 如梭 ，自從 上一次 姜維 將計就計 殺敗 咗 鄧艾 之後 呢 ，又 過咗 兩年 幾 嘞 。
到咗 蜀漢 景耀 五 年 ，即係 公元 二六二 年 啊 ，姜維 已經 修理 好 啲 棧道 ，儲備 咗 足夠 嘅 糧草 ，做 咗 大量 嘅 軍器 ；
而且又 喺 漢中 嘅 水路 調撥 好 船隻 ：噉 北伐 中原 嘅 準備 工作 做好 嘞 。
於是 姜維 就 上表 稟奏 劉禪 ，請求 同意 出兵 去 攻打 魏國 。
佢 喺 表章 裏 便 話 ：
臣 屢次 出戰 ，雖然 未曾 獲得 好大 嘅 戰績 ，不過 已經 挫折 魏軍 嘅 心膽 。
目前 兵士 休息咗 好 長 時間 ，唔 打仗 啲 兵 就 會 懶 ，一 懶 就 會 病 。
況且 而家 ，全軍 將士 都 渴望 打仗 為 國家 效力 。
臣 如果 唔 得到 勝利 ，甘願 受 死罪 ！
劉禪 睇咗 姜維 嘅 表章 個 心 就 好 猶豫 ，決定 唔 落 。
譙周 出班 啟奏 話嘞 ：臣 夜晚 觀察 天文 ，見到 西蜀 分野 ，將星 暗淡 ，唔夠 光亮 。
而家 大將軍 又 想 出師 ，睇嚟 呢次 出兵 係 極之 不利 㗎 。
請 主上 下一道 聖旨 制止 佢 啦 。
劉禪 考慮 咗 一下 就 話 喇 ：嗯 即管 睇下 呢次 出兵 之後 點 先 ，如果 真係 失利 ，到時 先至 攔阻 佢 都 未 遲 嘅 。
劉禪 終於 同意 起兵 。
譙周 見到 苦苦 勸諫 劉禪 都 唔聽 佢 嘅 ，冇 辦法 啦 ，返到 屋企 成日 咁 唞 大氣 ，從此 啊 ，就 推 話 有 病 唔 上 朝 嘞 。
而家 講 下 姜維 ，佢 喺 出兵 之前 就 問 廖化 ：
我 呢次 出師 誓 要 恢復 中原 啊 ，你 話 ，我哋 應當 首先 奪取 邊處 為好 呢 ？
廖化話 ：大將軍 ，連年 征戰 ，軍民 不寧 。
兼且 魏國 有 鄧艾 喺 處 ，此人 足智多謀 絕非 等閒之輩 啊 。
大將軍 勉強 要 做啲 難以 做得到 嘅 事 ，對 呢件事 我 唔敢 講 咩嘢 意見 。
姜維 好嬲啊 ，佢 話 ：
往日 丞相 六出 祁山 ，都係 為咗 國家 嘅 利益 。
我而家 八次 去 討伐 魏國 ，唔通 係 為咗 自己 嘅 私利 咩 ？
我而家 決定 先 去 奪取 洮陽 ，如果 有人 反對 我 嘅 ，必 斬 ！
姜維 唔 用 廖化 喇 呢 趟 ，就 留低 廖化 喺度 守衛 漢中 。
自己啊 帶領 眾 將官 點起 三十萬 人馬 ，直取 洮陽 而去 。
鄧艾 接到 姜維 帶兵 直取 洮陽 嘅 消息 ，就 同 司馬望 商量 研究 啦 。
司馬望話 ：姜維 好多計㗎 ，莫非 佢 打洮陽 係 虛嘅 ，誒實際上 ，要嚟 打我哋 祁山 ？
鄧艾 話嘞 ：呢呢次呀 ，姜維 實實在係 要 打 洮陽 㗎 。
哦 ？鄧公 你 點知 啊 ？
嗱 ，過過去 ，姜姜維 打親 都係 打 我 我哋 有 糧食 嘅 地方 ，洮陽 係 冇 糧 嘅 。
誒噉 姜維 呢 ，諗住 我 呀 只係 死守 祁山 ，就就 唔 守 洮陽 ，故此 就 直直 取 洮陽 喇 。
如果 佢 得到 呢座 城 ，用嚟 囤積 糧草 ，聯合 羌羌人 ，就 可以 作 長久 之計 喇 。
如果噉樣 ，如之奈何 呢 ？
我我我已經諗好嘞 ，我哋 將 呢處 所有 嘅 兵 ，分分 為 兩路 ，去 救 洮陽 。
離開 洮陽 二十五 里 嘅 地方 ，有 一 座 小 城 叫做 侯河 ，乃係 洮陽 咽喉 之 地 。
司馬公 ，你 帶 一支 軍隊 ，喺 洮陽 埋伏 ，偃旗息鼓 ，大開 四門 ，要 如此如此 。
我啊 帶 一支 軍隊 ，喺 侯河 埋伏 ，噉噉 就 必獲 大勝 嘅 。
籌劃妥當之後 ，鄧艾 、司馬望 就 各自 按照 計策 行動 。
只係 留低 偏將 師纂 就 守衛 祁山寨 。
而家 講下 姜維 ，佢 命令 夏侯霸 做 前部 先鋒 ，先 帶 一支 軍隊 直取 洮陽 。
呢一日 ，夏侯霸 帶 兵 前進 ，就快嚟到 洮陽城 嘞 。
乜 離 遠望見 城上 一 支 旗 都 冇 ，四面 城門 呀 打開 晒 。
嗯 ？奇怪喇 ，夏侯霸 個 心 就 好 思疑 啊 。
佢 唔敢 入城 住 ，就 問 部下 啲 將官 話 ：唔通 有 乜嘢 詭計 ，啊 ？
啲 將官話 ：明擺喺處 ，係 座 空城 吖嘛 。
只係 有些少 百姓 唧 ，實係 聽到 大將軍 帶 兵 嚟到 ，就 嚇到 拋棄 城池 走人 定 啦 。
夏侯霸 仲 係 唔 信 啊 ，親自 騎馬 去到 城南 睇下 。
哦 ，只見 城 後 有 無數 老百姓 ，都 係 向住 西北方 逃跑 嘅 。
夏侯霸 高興 到極 喇 ， 係 喎 係 喎 ， 果然 係 座 空城 噃！ 就 立即 指揮 軍隊 入 城 。
佢 自己 就 帶頭 衝進去 ，大軍 呢 就 跟住 佢 後便 前進 。
誰 知道 啱啱 嚟到 瓮城 旁邊 ，忽然 一 聲 炮響 ，城 上 就 鼓角 齊 鳴 ，輯聲 下 豎起 晒 旗幟 ，扯起 吊橋 。
夏侯霸 大吃一驚 喇 哎呀 ，誤中 奸計 喇 ！
慌忙 要 退走 個 時候 ，城 上 啲 箭 啊 石頭 啊 好似 落 雨 咁 落 。
可憐 夏侯霸 同 五百 名 兵卒 啊 ，全部 死於 城下 啊 。
跟住 司馬望 就 帶兵 喺 城內 殺出嚟 。
主將 已經 陣亡 咯 ，蛇 無 頭 而 不 行 啊 ，蜀兵 就 畀 魏軍 打 到 四散 逃跑 。
噉啊好彩 姜維 呢 帶住 接應 嘅 人馬 趕到嚟 嘞 ，就 殺退 咗 司馬望 ，噉 先至 唔使 全軍 盡墨 呀 。
姜維 嚟到 呢 ，就 喺 離城 冇 幾 遠 嘅 地方 扎寨 。
佢 知道咗 夏侯霸 畀 魏軍 射死 梗係 好 傷心 啦 。
當晚 二更 ，鄧艾 喺 侯河城 內 ，靜靜噉 帶住 一支 軍隊 嚟 偷襲 蜀寨 。
黑麻麻蜀軍 就 冇 防備 ，一下 受到 襲擊 啊 當堂 大亂 起嚟 ，姜維 就 撳 都 撳唔住 啊 。
呢個 時候 ，城 上 鼓角 喧天 ，司馬望 啊 帶 兵 殺出嚟 嘞 。
噉啊 兩便 夾 攻打 到 蜀兵 大敗 。
姜維 左 衝 右 突 就 死 打爛 打 先至 甩身 ，帶 兵 退後 二十 幾 里 重新 安營 。
哎呀 唔 妥 啊 唔 妥 啊 ， 蜀兵 連氣輸 咗 兩場 ， 軍心 動搖 啊 。
噉究竟 呢次 姜維 第八次 北伐 中原 啊 結果 如何 呢 ，且 聽 下回 分解 。
