話說 司馬昭 就 逼住 魏主 曹髦 ，要 佢 御駕 親征 ，去 討伐 諸葛誕 。
曹髦 平日 亦 好 怕 司馬昭 嘅 ， 就 只有 聽 佢 話 啦 。
噉 於是 曹髦 就 下 一 道 聖旨 ：
出動 兩 都 所有 嘅 軍兵 ，共計 二十六萬 ，任命 鎮南 將軍 王基 做 正 先鋒 ，安東 將軍 陳騫 做 副 先鋒 ，監軍 石苞 做 左 軍 ，兗州 刺史 州泰 做 右 軍 就 保護 車駕 ，擇 咗 個 吉日 就 大軍 浩浩蕩蕩 啊 殺 奔 淮南 而去 嘞 。
東吳 嘅 先鋒 朱異 啊 就 率領 人馬 嚟 迎敵 。
當日 ，兩軍 相遇 。
魏軍 之中 呢 就 王基 出馬 。
朱異 上前 迎戰 就 打 咗 三個 回合 ， 朱異 打輸 就 走 嘞 。
跟住 又 唐咨 出馬 ，打咗 唔到 三個 回合 ，亦都 大敗 而 走 。
王基 就 指揮 軍隊 掩殺 過去 ，打到 吳兵 走 夾 冇 唞 啊 一直 退咗 五廿里 。
吳軍 打輸咗 ，扎好寨 之後 呢 就 立即 向 壽春城 報告 。
諸葛誕 一 接到 報告 就 親自 帶領 本部 嘅 精銳 軍兵 ，會合 文欽 同 佢 兩個 仔 ，文鴦 同 文虎 啊 ，幾萬 雄兵 ，就嚟 同 司馬昭 決 一 勝負 嘞 。
而家 講 下 司馬昭 ，佢 聽聞 諸葛 誕 會合 吳 兵 前 嚟 決戰 唄 ，就 叫咗 散騎長史 裴秀 、黃門侍郎 鍾會 ，一齊 嚟到 商量 破敵 嘅 計策 。
鐘 會話 喇 ：吳 兵 之 所以 幫助 諸葛 誕 呢 ，其實 係 為咗 利 啫 。
我哋 以利 嚟到 氹佢 ，就必定 打贏佢 嘅 。
司馬昭 覺得 鐘 會 講得 有 道理 啊 ，就 聽 佢 嘅 。
於是 首先 命令 石苞 同埋 州泰 ，各 帶 一支 軍隊 去 石頭城 埋伏 。
王基 同 陳騫 呢 ，就 率領 精兵 在 後 。
又 派 偏將 成倅 ，帶 幾萬 人馬 去到 誘敵 。
同時又 命令 陳俊 帶領 一隊 車隊 ，與及 牛馬驢騾 等等 牲畜 就 裝滿 慰勞 軍隊 嘅 物資 ，夾雜 喺 軍隊 之內 。
吩咐佢哋 ，如果 敵人 嚟喇 ，就 放棄 啲 物資 噉 。
呢一日 ，諸葛誕 就 命令 東吳 將領 朱異 在 左 ，就 文欽 在 右 ，對 魏軍 進行 攻擊 。
佢 見到 啲 魏軍 陣內 人馬 不整 啊 以為 好 機會 啦 ，立即 指揮 軍隊 殺過去 。
成倅 見 佢 一嚟 就 撤退 咯噃 ，諸葛誕 唔係 帶兵 猛追 咯 。
嘩 嗨 好 嘢 啊 好 嘢 啊 ， 只見 啲 牛馬 驢騾 軍用物資 遍地 都 係 啊 。
啲 兵卒 顧住 撈嘢 發財 仲 邊度 有心 打 呢 ？
忽然間 ，轟噉 一聲 炮響 ，左 有 石苞 又 有 州泰 兩 路 兵馬 殺出嚟 。
諸葛誕 大吃一驚 啊 正話 急急 想 退兵 嘅 時候 ，王基 、陳騫 所 率領 嘅 精兵 殺到 嘞 。
冇得頂吖 ，諸葛誕 咪 輸到 貼地 。
司馬昭 又 親自 帶兵 嚟到 接應 添 。
噉 諸葛誕 就 唯有 帶住 一隊 殘兵敗卒 ，趯入 壽春城 ，閉門 堅守 嘞 。
司馬昭 即刻 下令 四面 圍城 ，合力 猛攻 。
噉啲 東吳 兵 又 去咗 邊處 呢 ？
原來 啲 東吳 兵 啊 就 退咗 去 安豐 駐扎 。
安豐 嘅 郡城 係 喺 今日 安徽省 霍邱 縣 西南 。
而 魏主 曹髦 個 車 駕 駐 喺 項城 嚟 。
項城 係 喺 今日 河南省 東部 ，就 靠近 安豐 。
呢一日 ，鐘會 又 對 司馬昭 話嘞 ：
而家 諸葛誕 雖然 打敗咗 一場 ，不過 壽春城 裏 便 仲 有 好多 糧草 ，更兼 有 吳兵 駐扎 喺 安豐 嚟 作為 犄角 之 勢 。
而家 我軍 四面 圍攻 ，如果 逼得 佢哋 唔緊 ，佢哋 就 堅守 ；逼得急喇 ，佢哋 實會 死戰 嘅 。
到時 吳兵仲 可能 趁勢 夾攻 添 ，噉樣 對 我軍 係 毫無 益處 嘅 。
不如 我哋 三面 嚟 攻佢 ，留返 南門 大路 畀 賊兵 退走 。
一走我哋就打佢 ，噉我軍就可以獲得全勝咯 。
而 吳兵 呢 ，佢哋 喺 咁 遠 嚟到 ，糧草 必定 接濟 唔 上 嘅 。
我哋 派 一 支 部隊 ，輕裝 前進 包抄 佢哋 背後 ，噉 都 唔 使 打 ，吳兵 自己 就 冧 喇 。
哎呀呀 好極好極 ，你 真係 我 嘅 張子房 啊 ！
司馬昭 歡喜 到 拍下 鐘會 嘅 背脊 ，大讚 佢 係 自己 嘅 開國 功臣 ，就 好似 漢 高祖 劉邦 當年 得到 張良 一樣 啊 。
於是 司馬昭 就 下令 畀 王基 ，將 圍困 南門 嘅 兵 撤走 。
東吳 嘅 兵馬 就 駐扎 喺 安豐 吖 ，呢一日 ，孫綝 叫 朱異 嚟 鬧 佢 話 ：
區區 一個 壽春城 都 救佢 唔到 ，仲 點樣 去 併吞 中原 啊 ？吓 ？如果 再 打 唔贏 就 殺咗 你 ！
哎呀 ，真係 大石 砸死 蟹 啊 。
朱異 冇 法子 啦 ，就 返去 營寨 同 啲 將領 商量 。
於詮就話 ：而家 壽春城 嘅 南門 係 冇 圍到 嘅 ，我 呀 帶 一支 軍隊 由 南門 入去 ，協助 諸葛 誕 守城 。
朱將軍 你 向 魏軍 挑戰 啦 ，我 就 由 城內 殺出嚟 。
噉樣 兩路 夾攻 ，魏軍 就 可以 擊破 嘞 。
好 ， 就 係 噉 做 啦 ！ 朱 異同 意 於 詮 嘅 建議 。
噉 全懌 、全端 、文欽 佢哋 三個 亦都 願意 入 城 。
於是 就 同埋 於詮 一齊 ，帶住 一萬 人馬 由 南門 入 壽春城 嘞 。
噉因為 當時 圍困 壽春城 嘅 魏軍 啊 就 未 得到 命令 ，唔敢 隨便 同 啲 吳兵 打 。
所以 任啲 吳兵 入城 啦 ，然後 呢 就 立即 去 報告 畀 司馬昭 聽 。
司馬昭話喇 ：哼 ！佢哋 噉樣 做 ，係 想 同 朱異 內外 夾攻 ，嚟 擊破 我軍 啊 。
於是 司馬昭 叫 王基 、陳騫 嚟到 吩咐 佢哋 話 ：
你哋 帶 五千 兵 ，去 截斷 朱異 嘅 來路 ，喺 背後 打 佢 ！
噉 兩個 接受咗 命令 就 去 喇 。
朱異 仲 烏瀡瀡 喎 ，唔 知道 司馬昭 早 有 防備 喎 。
當佢 帶住 兵馬 嚟緊 嘅 時候 ，忽然間 聽見 背後 喊殺 連天 。
吖 原來 左 有 王基 右 有 陳騫 兩路 人馬 殺嚟 ，結果 吳 兵 大敗 嘞 。
朱異 又 輸咗 呢 一 仗 就 返去 見 孫綝 。
孫綝 就 嬲 到 不得了 啊 佢 話 ：
你 打親 都 輸 ，要 你 有 咩嘢 用 啊 ！
人 嚟 ！將 佢 推出去 斬 ！
噉就真係 喝啲 武士拉朱異 出去 殺咗 。
跟住 ，孫綝 又 叫咗 全端 個 仔 全禕 嚟 ，就 對 佢 話 ：
如果 打唔退 魏兵 ，你 父子 就 咪 返嚟 見 我 ！
孫綝 噏咗 幾句 交帶 落 部下 嘅 將領 ，自己 就 趯咗 返去 建業 嘞 。
鐘會 見到 孫綝 走 咗 ， 知道 壽春城 呀 再 冇 救兵 嚟 㗎 喇 ， 就 向 司馬昭 建議 ， 加緊 圍攻 啦 噉 ， 司馬昭 同意 咗 就 下令 攻城 。
當時 全禕 就 帶住 人馬 想 進入 壽春 ，佢 見到 魏兵 咁 強大 諗一諗 ，唉 ！進退無路 喇 ，就 索性 投降 司馬昭 。
司馬昭 好 高興 啊 ，升 佢 嘅 官 ，封 佢 做 偏將軍 。
全禕 當然 好感激嘞 ，就 寫信 畀 佢 父親 全端 ，叔父 全懌 ，說明 孫綝 啊 此人 不仁不義 ，就 不如 投降 魏國 仲 好噉 。
寫好 封信 就 用 箭 將 封信 射入 去 壽春城 。
全懌 收到 全禕 呢 封 信 ，就 同 全端 帶住 幾千 人 ，開門 出嚟 投降 司馬昭 。
形勢 係 咁 惡劣 ，諸葛誕 憂愁 到 極 啊 。
佢 手下 有 兩個 謀士 ，一個 就 叫做 蔣班 一個 叫做 焦彝 。
呢一日 ，呢兩個 謀士 向 諸葛誕 建議 話嘞 ：
而家 壽春城 內 糧 少 兵 多 ，唔能夠 守得 好耐 嘅 。
應該 率領 人馬 同 魏兵 決 一 死戰 啊 。
諸葛誕 一聽 就 發火 喇 佢 話 ：
我要守 ，你哋 又 要 打 ，係唔係 想 變心 啊 ？再講 就 殺咗 你 ！
兩個人 行咗 出嚟 仰天 長歎 噉 話 ：唉 ！諸葛誕 就快 滅亡 㗎 咯 。
我哋 不如 及早 投降 ，免至 一死 啊 。
當晚 ，二更時分 ，蔣班 、焦彝 兩個人 擒過 城牆 就 出去 投降 魏軍 。
司馬昭 好高興 ，重用 佢哋 。
噉 從此 呢 ，城內 雖然 有 唔少 人 願意 打 ，但係 都 唔敢 出聲 嘞 。
諸葛誕 佢 見到 魏軍 啊 四周圍 噉 築起 啲 土堤 嚟到 防備 淮水 。
噉佢 一心 盼望 發大水 啊 ，沖冧 啲 土堤 ，佢 就 好 趁勢 帶兵 去 打 魏軍 喇噉 。
誰 知道 由 秋天 一直 到 冬天 ，一滴 雨 都 冇 落過 。
噉淮河 就 冇 水漲 啊 ，嘿 ，靠天 又 冇 行 咯 喎 。
弊喇 ，眼睇住 糧盡 嘞 ，文欽 喺 小城 裏頭 同 兩個 仔 文鴦 、文虎 堅守 。
只見啲兵士餓下餓下碌低一個 ，餓下餓下又碌低一個 ，嘿唔得掂㗎呢一日 ，就只有嚟報告司馬誕話 ：
而家 糧食 都 冇 晒 咯 ，軍士 都 餓 壞 喇 。
不如 將 北方 嘅 兵 全部 放出 城 ，節省 一啲 糧食 啦 。
諸葛誕 好嬲 ，佢 話 ：
你叫我放晒啲北方兵 ，想謀我係嘛 ！
立即 叫 刀斧手 拉文欽 出去 殺咗 。
文鴦 同 文虎 見到 父親 被 殺 ，嘿 ！反啊反啊 ！
就 拔出 短刀 殺死咗 幾十人 ，飛身 跑上 城頭 啪聲 下 跳落 城 ，越過 護城河 就 趯去 魏軍 營寨 投降 。
文鴦 嚟 投降 呀 ？ 哼 ！ 司馬昭 想 殺 咗 佢 喎 ， 點解 啊 ？
事關 當日 文鴦 單人 匹馬 喺 樂嘉城 ，就 打到 魏軍 趴 喺 處 吖 ，司馬昭 想 殺咗 佢 嚟 報仇 啊 。
鐘 會 就 勸 佢 話 喇 ：
大將軍 ， 當日 嘅 事 罪 在 文 欽 ， 而家 文欽 已經 死 咗 嘞 ， 呢 件 事 就算 了 喇 。
今日 佢 兩個 仔 因為 處境 惡劣 而 嚟到 投降 ，噉 如果 殺咗 降將 ，只有 使到 城內 嘅 人 更加 堅決 守城 嘅 咋 。
嗯 ，噉 又 係 ，司馬昭 聽 鐘會 嘅 。
就叫 文鴦 、文虎 入嚟 中軍帳 ，好言好語 噉 安慰 佢 兩個 一番 ，又 賞賜 駿馬 錦衣 畀 佢哋 ，升 佢哋 做 偏將軍 ，封 關內侯 。
文鴦 、文虎 啊 感激到極咯 ，就 騎 上 馬 沊沊𡃈 繞住 城 大聲 噉 嗌話 ：
我 兩個人 都 得到 大將軍 赦罪 賜爵 ，你哋 快快 投降 喇 ！
呢一招 厲害啊 ，城內 嗰啲 人 聽咗 呀 人人 都 靜靜 商量 話 ：
喂 ， 喂 ， 你 睇 下 你 睇 下 ， 文鴦 係 司馬 嘅 仇人 嚟 噃， 投降 咗 過去 呀 尚且 重用 ， 噉 何況 我 哋 呢 ？ 吓 。
於是 都 想 投降 嘞 。
諸葛誕 知道咗 好嬲啊 ，日日夜夜 都 親自 去 巡城 。
有唔啱嘅就殺 ！用殺嚟鎮壓住大家 。
鐘 會 知道 城內 嘅 人心 已經 變咗 喇 。
呢一日 ，佢 對 司馬昭 話 ：
大將軍 ，趁 呢個 時候 攻城 就 啱喇 。
司馬昭 好 歡喜 ，就 激勵 三軍 四面 雲集 一齊 攻打 。
壽春城 內 有 一 名 守將 叫做 曾宣 ，佢 獻咗 北門 ，放 魏兵 入 城 。
諸葛誕 聽講 魏兵 已經 衝入嚟 喇 就 慌忙 帶住 手下 幾百 人 ，混 城內 嘅 小路 衝出去 。
走 到 吊橋 邊 ， 撞 正 胡奮 啊 ， 胡奮 手起刀落 ， 當堂 將 諸葛 誕斬死 跌 咗 落馬 。
噉 跟隨 諸葛誕 嗰 幾百 人 呢 就 全部 做咗 俘虜 ，個個 都 綁起晒 。
王基 帶兵 殺到 西門 ，遇着 東吳 嘅 將領 於詮 。
王基 就 喝 佢 話 喇 ：你 快啲 投降 ！
於詮好嬲啊佢話 ：呸 ！我接受命令出兵 ，為人救難 ，今日救人救唔到 ，又去投降他人 ？
呢啲噉嘅事 ，凡係 有節義嘅人 都 做唔出嘅 ！
於詮一手除咗件頭盔 ，咣聲下掉咗落地 ，佢大聲噉話 ：
人生在世 ，能夠 死喺 戰場 係 幸運 啊 ！
佢 揮舞 大刀 ，死戰 三十幾個 回合 ，終於 人困馬乏 ，喺 亂軍 之中 畀 人 殺死 咗 咯 。
噉啊司馬昭進入壽春城之後啊 ，就將 諸葛誕 一家老小 ，都 殺清光 。
噉 仲唔止 ，仲要 滅咗 佢 三族 。
跟住 ，一班 武士 ，將 俘虜 到 嘅 諸葛誕 嗰 幾百 名 部下 兵卒 啊 ，綁 到 嚟 喇 。
司馬昭 問 ：你哋 投唔投降 ！
呢班 兵卒 大聲 噉 話 ：我哋 情願 同 諸葛公 一齊 死 ，幾 大 都 唔 投降 你 ！
嗯 ！ 司馬昭 好 嬲 啊 ， 喝 啲 武士 將呢 班 兵卒 拉晒 出去 城外 逐個 噉 問 佢 哋 ：
投降嘅免死 ，投唔投降 ？
哈 ，真係 冇 個 話 投降 嘅 。
唔投降 就 殺 ！一直 殺到 最後 一個 ，哈 ，始終 冇 一個 肯 投降 。
呢件事啊 司馬昭 亦都 好 感動 ，就 吩咐 將 佢哋 埋葬 好 ，噉 呢處 呢 就 唔多 講 喇 。
噉因為啲東吳兵呢 ，大半 都 投降咗 過嚟 魏軍 。
裴秀 就 對 司馬昭 話 喇 ：大將軍 呀 ，啲 吳兵 嘅 家屬 ，都 係 喺 東南 江淮 一帶 。
而家 如果 收留 佢哋 以後 日子 一 長 呀 ，實會 變心 㗎 噃 ，不如 坑咗 佢哋 罷啦 。
各位 ， 乜嘢 叫做 坑 啊 ？
所謂 坑 啊 ，就係 對 喪失 戰鬥力 嘅 降兵 ，集體 屠殺 之後 埋 喺 一堆 就 叫做 坑 。
鐘 會 唔 同意 啊 ，佢 話 ：噉 唔好 。
兵法 都有 講 ：用兵 打仗 ，能夠 少 殺人 少 破壞 ，能夠 完完整整 噉 取得 敵國 嘅 土地 同 人民 ，係 最為 有利 㗎 。
要殺 ，就 殺咗 嗰啲 元兇 首惡 就夠嘞 。
所以 今日 若果 坑 晒啲 降兵 ，係 不仁 啊 。
不如 放佢哋 返去 江南 ，嚟 顯示 我哋 魏國 嘅 寬大 仲 好啦 。
嗯 ，好 ，真係 妙極喇 ！
司馬昭 好 同意 啊 ，就 將 啲 吳兵 全部 釋放 ，等 佢哋 返去 本國 。
唐咨 因為 怕 孫綝 ，唔敢 返 東吳 啊 ，亦 走嚟 投降 魏軍 。
司馬昭 一樣 歡迎 ，對 佢哋 都 加以 重用 ，將 佢哋 安排 喺 三河 一帶 嘅 地方 。
噉淮南 已經 平定 啦 ，司馬昭 正 話 想 退兵 班師 回朝 。
呢日 ，佢 忽然 接到 報告 話 ，西蜀 姜維 帶 兵 嚟 奪取 長城 ，攔截 糧草 噉 。
司馬昭 大吃一驚呀 ，慌忙 同 啲 文武官員 ，商量 點樣 去 打退 蜀兵 。
呢啲呢 ，就 暫時 放落 唔講 佢 住 。
而家 先 講下 西蜀 嗰 便 ，當時 蜀漢 延熙 二十 年 啊 ，即係 公元 二五七 年 。
姜 維 佢 喺 漢中 就 挑選 咗 兩名 西川 將官 ， 一個 係 蔣舒 ， 一個 係 傅僉 ， 日日 咁 操練 人馬 。
蔣舒同傅僉都係好勇敢嘅 ，姜維係非常喜歡佢哋 。
呢一日 ，姜維 接到 報告 話 淮南 諸葛 誕 就 起兵 討伐 司馬昭 ，東吳 孫綝 就 出兵 幫 佢 。
司馬昭 出動 兩 都 全部 兵馬 ，帶埋 魏太后 同 魏主 一齊 去咗 出征 噉 。
姜維 真係 高興 啊 ：我 呢趟 大事 可以 成功 喇 ！
姜維 就 立刻 寫 份 表章 ，向 後主 劉禪 稟奏 ，請求 准許 興兵 去 討伐 魏國 。
中散大夫譙周 ，佢 聽講 姜維 又 要 出兵 ，就 歎咗 一口氣 話 ：
唉 ！近來 主上 沉迷 酒色 ，信任 太監 黃皓 ，唔理 國事 ，一味 噉 掛住 尋歡作樂 。
伯約 屢次 要 興兵 去 討伐 魏國 ，亦 太過 唔顧 啲 軍士 勞累 咯 。
唉噉樣搞法 ，國家 就 要 亡喇 。
於是 譙周 就 作咗 一篇 仇國論 就 寄畀 姜維 。
呢篇 仇國論 啊 講嚟講去 就 無非 一個 觀點 ，就係 講 而家 西蜀 國家 好 弱小 切不可 興兵 噉 。
姜維 睇咗 ，十分 唔高興 啊 。
佢 話 ：呢啲 正一 係 書呆子 嘅 論調 ！一手 就 將 仇國論 掉咗 落地 。
姜維 唔理 佢 ，就 率領 軍隊 啊又 去 奪取 中原 嘞 。
佢 問 傅僉 話 ：照 你 睇 ，我哋 先 去 打邊度 好 呢 ？
傅僉 話 喇 ：魏軍 嘅 糧草 ，都 係 儲存 喺 長城 嚟 。
我哋 應該 直取 駱谷 ，度過 沈嶺 直到 長城 ，先 燒 魏軍 糧草 ，然後 直取 秦川 ，噉樣 奪取 中原 就 容易 咯 。
駱谷 ，就喺 今日 陝西省 周至縣 西南 。
駱谷呀 ，有 四百幾里 長 ，係 關中 同 漢中 之間 嘅 交通 要道 嚟 。
姜維 聽 傅僉 噉 講 就 話 喇 ：傅公 你 嘅 見解 同 我 所 諗 嘅 完全 一樣 啊 。
於是 立刻 就 率領 大軍 ，直取 駱谷 ，度過 沈嶺 就 向住 長城 而去 嘞 。
而家 講下 魏國 長城 嘅 鎮守 將軍 司馬望 ，佢 係 司馬昭 嘅 同族 嘅 大佬 。
城內 糧草 就 好多 ，之 人馬 就 少啲 。
司馬望 一 探 聽到 話 蜀兵 殺到 唄 ，就 急急 同埋 佢 部下 兩 員 將官 ，王真 同埋 李鵬 啊 ，帶 兵 出去 城外 二十 里 嘅 地方 安營 。
第日 ，蜀兵 嚟到 嘞 ，司馬望 帶住 兩名 將官 出陣 。
蜀軍 呢便 呢 ，姜維 親自 出馬 ，佢 指住 司馬 望 話 ：
而家 司馬昭 將 皇上 接咗 喺 軍隊 裏 便 ，實係 好似 當年 李傕 、郭汜 噉 ，有 謀 朝 篡位 之 心 啊 。
我 今日 奉咗 朝廷 嘅 命令 ，前嚟 問罪 ，你 好快啲 投降 嘞 。
若果 執迷不悟 我 就 殺咗 你 全家 ！
吖吖呸 ！你 幾次三番 侵犯 上國 ，真係 豈有此理 ！
精 嘅 就 快快 退兵 ， 否則 要 殺 到 你 片甲不留 啊 ！
司馬望嘅 說話 都 未 講完 ，喺 佢 後便 嘅 王真 就 已經 挺槍出馬 。
蜀軍 嗰便 呢 ，傅僉 出馬 嚟 迎戰 。
兩個 打咗 唔到 十個 回合 ，傅僉 賣 個 破綻 ，王真 一槍 刺過去 。
點知傅 僉 輕輕 一閃 ， 順手 一 揦， 將王 真 生擒活捉 挾住 喺 馬上 。
唔打喇 ，回陣 咯 喎 。
李鵬 見到 啊嬲 到 火烚烚 ，舞起 大刀 縱馬 追上去 想 救 王真 。
傅僉 知道 ， 佢 特 登 放慢 啲 ， 等 李鵬 將近 跑 到 嚟 喇 ， 噉 啊 出力 將王 真掉 咗 落地 ， 靜靜 攞 出 支 鐵 簡 揸 住 喺 手 嚟 。
李鵬 就 追到嚟 喇 ，以為 傅僉 冇 防備 噃 ，咪 舉起 把 大刀 正話 要 劈落去 。
誰知 傅僉 聽見 腦後 風聲 一響 ，將 個身 一扭 ，對準 李鵬 嘅 面門 啊 一 簡㩧 過去 。
咦 ！將 李鵬 打到 眼核 都 爆咗 出嚟 ，跌咗 落 馬 當堂 冇命 。
王真 呢 ，就 畀 蜀軍 亂槍 㓤 死 嘞 。
姜維 見到 傅僉 連 殺 兩 員 魏 將 ，就 指揮 兵馬 衝鋒 。
司馬望 頂唔住 喇 ，只有 放棄 營寨 趯 返 入 城 ，閂實 道 城門 唔 敢 出 。
姜維 下令 ，吩咐 啲 軍士 今晚 休息 一晚 先 ，養足 精神 ，聽日 就 務必 打入 城 噉 。
到咗 第日 朝早 ，個天 仲 係 蒙蒙光 。
蜀兵 就 奮勇爭先 就 㗾㗾聲 湧到 城下 ，用 火箭 啊 火炮 啊 噉 捹入去 城內 。
霎時間 城上 嘅 草屋 呀 一下 就 燒着 晒 ，魏兵 就 亂 起嚟 咯 。
姜維 又 叫 人 運咗 好多 乾柴 嚟 ，堆滿 喺 城牆 下 便 一齊 放火 。
嘩 ！大火 沖天 啊 ！
冇 幾耐 眼 睇住 就 要 攻破 城池 嘞 ，啲 魏兵 喺 城 內 呀 嘩嘩聲 咁 喊 ，周圍 十幾 里 都 聽得見 啊 。
姜維 正在 指揮 攻城 ，忽然間 聽見 背後 響起 一片 吶喊聲 。
姜維勒馬擰轉頭睇下 ，只見 一支 魏兵 啊 搖旗 吶喊 ，浩浩蕩蕩 噉 衝緊嚟 。
姜維 就 下令 將 後隊 作為 前隊 。
自己 橫槍 勒馬 企 喺 門 旗下 便 等 呢 支魏 軍 。
過咗一陣 ，嚟到嘞 。
只見 魏軍 陣內 啊 ，有 一員 小將 大概 係 二十零歲 啦 ，生得 非常之 英俊 嘅 ，全副 盔甲 ，挺 槍 縱馬 衝出嚟 ，大聲 噉 嗌 ：認得 鄧將軍 嘛 ？
姜維 個 心 諗 ：哼 ，呢個 實 係 鄧艾 定 喇 ，就 挺 槍 躍馬 迎上去 打過 咯 喎 。
兩個 人 抖擻精神 打 咗 三四十個 回合 啊 不分勝負 。
嗰個 小將軍 嘅 槍法 呀 毫無 破綻 啊 。
姜維 諗嘞 ：嗯 ，唔使 呢條計 呀 ，點贏得 佢 吖 。
走 ！姜維 將 馬韁 一勒 ，撥轉 馬 就 向住 左便 嘅 山路 跑過去 。
嗰位 小將 拍馬 追上去 。
姜維 掛起 支 鋼槍 ，拈 弓 搭 箭 𠻘噉 一 箭 射過去 。
嗰個 小將軍 眼利 啊 ，弓弦 一 響 唧 ，佢 就 將 個 身 向前 一 伏 ，閃過 支 箭 。
噉 姜維 擰轉頭 想 睇下 有冇 射中 啦 ，小將軍 已經 衝到 喇 ，看 槍 ！一槍 就 㓤過嚟 。
姜維將 個 身一閃 ， 嗰 支槍 就 喺 小 掩 旁邊 㨃 咗 過去 ， 畀 姜維 出力 噉 挾住 。
嗰個 小將軍 精啊 ，索性 掉咗 支 槍 ，勒轉 馬頭 就 跑返去 本陣 喇 。
嘿！ 可惜啊 ，可惜啊 ！
姜維 再 撥轉 馬 追 上去 ，一直 追到 魏軍 陣門 前 便 。
突然間 ，有 一員 大將 提刀 縱馬 出嚟 大聲 噉 話 ：姜姜姜維 匹夫 ！咪 追 我 個 仔 啊 ，鄧鄧艾 在 此 ！
哎呀 ！姜維 不禁 吃咗 一驚 。
啊 原來 嗰個 小將 係 鄧艾 個 仔 鄧忠 啊 ！姜維 個 心 都 覺得 好 驚奇 啊 。
佢 當時 係 想 同 鄧艾 打過 嘅 ，只係 怕 佢 匹馬 攰 ，就 指 一指 鄧艾 話 ：
我 今日 算係 認識 你 兩 父子 喇 。
大家 各自 收兵 先 ，聽日 決戰 啦 ！
鄧艾 見到 今日 戰場 不利 ，噉 亦都 勒住 馬 回答 話嘞 ：
既既然係噉 ，就 各自 收收兵 啦 ！
暗算 嘅 ， 就 唔 係 男人 大丈夫 啊 ！
噉 於是 雙方 都 退後 。
鄧艾 就 挨住 渭水 扎寨 。
姜維 呢 ，就 跨住 兩個 山 安營 。
噉究竟 兩軍 對壘 誰 勝 誰 敗 呢 ？就且 聽 下回 分解 。
