今日 講下 毋丘儉 佢 係 駐扎 喺 項城 吖 ，佢 又 不時 噉 派 人 去 樂嘉城 探聽 消息 。
佢 又 硬係 怕 有 兵 嚟 啊 。
呢一日 ，佢 又 請 文欽 嚟 商量 呢件事 。
文欽話喇 ：都督唔使擔心 ，我同埋拙子文鴦去 ，只要 五千兵 ，就可以保住 樂嘉城 。
毋丘儉 高興 非常 ，就 派佢哋 去 。
噉啊文欽父子 帶領 五千 人馬 ，上下 去到 樂嘉 嘅 時候 呢 ，前軍 就 嚟 報告 話 嘞 ：
樂嘉城 嘅 西便 啊 ，都 係 魏兵 ，大約 有 萬幾 人 。
仲話 遠遠 望見 中軍 豎起 一面 錦繡 嘅 帥字旗 ，而且 附近 嘅 旗幟 呢 ，符號 等等 都係 顯示 主將 啊 係 個 地位 顯貴 嘅 人物 ，睇嚟 司馬師 必定 喺度 。
現時 魏軍 呢 都 仲 未曾 完全 安好 營寨 噉 。
當其時 文鴦 正在 企喺 佢 父親 側跟 ，腰間 就 掛住 一條 鋼鞭 。
文鴦 今年 係 十八歲 ，生得 身長 八尺 能夠 一手 使 槍 一手 使 鞭 ，武藝 十分 高強 。
佢 一 聽到 呢個 消息 就 同 父親 話 ：
父親 ，趁 魏軍 未曾 安好 營寨 ，我哋 分兵 兩路 一左一右 去 襲擊 佢 ，必定 可以 獲得 全勝 嘅 。
嗯 ，噉 我哋 幾時 去 好 呢 ？
今晚 黃昏 ，父親 你 帶 二千五百 人 ，由 城南 殺去 ，孩兒 就 帶 二千五百 人 由 城北 殺去 ，三更 時分 ，喺 魏營 會合 啦 ！
文欽 聽 佢 嘅 ，當晚 就 分兵 兩路 出發 。
司馬師 呢 ，係 呢一日 帶兵 嚟到 樂嘉 。
佢 就 安好 營寨 等 鄧艾 嚟 ，但係 呢 ，到咗 夜晚 鄧艾 嘅 兵馬 仲 未 到 。
司馬師隻眼 下便 嗰個 肉瘤 啊 就 啱啱 割咗 冇 幾 耐 吖 ，傷口 好 痛 ，佢 就 喺 中軍 帳 內 瞓低 休息 。
安排咗 幾百個 鐵甲衛兵 沊沊𡃈噉 圍住 嚟 保衛 佢 。
到咗 三更 時分 ，忽然 聽見 寨內 㗾㗾聲 嘈起 上嚟 ，人馬 大亂 。
司馬師 急急 問 下 咩嘢事 啦 。
有人 就 嚟 報告 話 喇有 一支 軍隊 由寨北 衝殺 入 嚟 ， 為 首個 將官 勇 不可 當啊 。
咩話 ？哎呀 ！哎呀 ！
司馬師 大吃一驚 ，個心 好似 畀 火燒 噉 。
突然間隻眼珠 喺 個肉瘤 嘅 傷口 處 突咗出嚟 ，流到 成地 都係 血 ，痛到 佢 真係 難頂 啊 ，成身 都 震晒 流冷汗 喇 。
但係 司馬師 又 唔 敢 聲張 喎 ，點解 呢 ？怕 影響 軍心 吖 嘛 。
於是就 咬實 被頭 死忍 ，嘩 ，被頭 都 畀 佢 咬到 爛晒 。
噉喺寨北 殺入嚟 嘅 兵馬 就係 文鴦 。
佢 就 嚟到 先 ，斬開 寨門 就 一擁而入 ，喺 寨內 橫衝直撞 ，所到之處 冇人 敢 擋 。
邊個 敢 頂一下 唧 ，文鴦 就 槍刺 鞭打 ，嚟 一個 殺 一個 就 嚟 兩個 殺 一雙 。
文鴦 一味 盼望 父親 嘅 兵 到 啊 作為 外應 ，之 一直 都 唔 見嚟 。
佢 有 好幾次 衝殺 到 去 中軍 ，不過 每次 都 畀 亂箭 射 返轉頭 。
就係噉樣 ，文鴦 一直 殺到 天光 大白 。
只聽見 北便 鼓角 喧天 ，奇怪 喇 ，文鴦 同 佢 啲 部下 話嘞 ：
父親 唔 喺 南便 接應 ，反而 由 北便 嚟 點解 呢吓 ？
文鴦 縱馬 上前 一 睇 ，只見 有 支 軍隊 好似 狂風驟雨 噉 撲過嚟 啊 ，為首 一員 大將 乃係 鄧艾 。
鄧艾 躍馬 橫刀 大聲 噉 叫 ：反賊 咪 走 ！
文鴦 好嬲 ，挺槍 迎上去 。
兩個 打咗 成 五十個 回合 ，不分 勝敗 。
正喺度打緊 ，魏兵 就 好似 潮水 噉 湧嚟 嘞 前後 夾攻 。
文鴦 部下 嘅 兵卒 ，畀 魏兵 呀 打到 散晒 各自 逃生 ，只係 剩返 文鴦 單人 匹馬 。
佢 衝開 啲 魏兵 就 向住 南方 猛跑 。
喺 佢 後便 呢 ，有 幾百 名 魏軍 將官 ，抖擻 精神 就 鞭 衡 匹 馬 搏命 追 緊 嚟 。
當 文鴦 就嚟 跑到 樂嘉橋 嘅 時候 ，魏將 已經 追上嚟 。
文鴦 突然間 勒轉 馬頭 ，大喝 一聲 直衝 入 魏將 嘅 陣內 。
鋼鞭 一起 啊 ，魏將 紛紛 落馬 ，喇喇聲 後退 。
好喇 ，文鴦 殺退咗 魏將 又 試 慢慢 行 咯喎 。
噉嗰班 魏 將 走埋 一齊 話 ：呢個 傢伙 仲 想 打退 我哋 呀 ？我哋 一齊 追 佢 啦 ！
追 ！於是 成百名 魏將 ，再次 去 追 文鴦 。
文鴦 發火 喇 ，佢 話 ：你班 鼠輩 嫌 命長 定 喇 ！
舞起鋼鞭 ，撥轉 馬頭 再一次 殺入 魏將 嘅 人堆 裏 便 。
一鞭一個 一鞭一個 打死 幾個人 ，噉 又 勒轉 馬 慢慢 行 。
啲 魏 將 連 氣 追 上去 四五 次 ，次次 都 畀 文鴦 一個人 殺退 咗 。
嘿！ 呢 有 詩 為 證 啊 ：
長坂 當年 獨 拒 曹 ，子龍 從此 顯 英豪 。樂嘉 城 內 爭 鋒 處 ，又 見 文鴦 膽氣 高 。
各位 又 會 問 嘞 ，點解 今晚 唔見 文欽 嘅 兵 到 嘅 呢 ？
原來 文欽 今晚 蕩失咗 路 啊 ，行咗 入去 個 山谷 ，足足 行咗 成 半晚 。
等到 佢 搵到 路 出嚟 嗰 陣 呢 ，都 上下 天光 咯 。
文鴦 嘅 人馬 又 不知 去向 喎 ，只係 見到 啲 魏兵 大勝 。
文欽 唔敢 打咯 ，立即 退兵 ，魏軍 就 趁勢 追殺 。
文欽 就 唯有 率領 人馬 向住 壽春 撤退 啦 。
而家 講下 魏國 有 個 殿中 校尉 ，姓 尹 名 大目 。
係 喇 ， 誒 講到 殿 中 校尉 呢 個 武官 嘅 官職 呢 ， 我 又 想 喺 處 囉嗦 幾句 。
呢個 校尉 嘅 校 字 啊 作為 官職 ，廣州話 係 應該 讀 校音 ，但係 而家 我哋 通常 呢 都 將 呢個 字 讀成 教音 。
可惜 近 呢 二三十 年 嚟 啊 我哋 廣東 呢 就 冇 出版過 一本 廣州音 注音 嘅 字典 ，或者 出版過 啊 之 市面 上 呢 甚少 見 。
所以 我哋 好多人 都 查唔到 呢個 字 啊 應該 讀成 校音 嘅 根據 ，只能夠 跟住 流行 嘅 讀法 ，誒 讀成 個 ，教字 喇 。
我 呢 查過 國內 出版 嘅 辭源 同埋 辭海 ， 與 及 海外 出版 嘅 幾本 有 廣州 音 注音 嘅 字典 ， 嗰 啲 註明 校字 啊 作為 官職 呢 ， 係 將 之下 尉 之上 嘅 武官 。
呢個 字 應該 讀 校音 ，而唔係 讀 教音 。
噉 我 諗住 我 而家 係 講緊 三國 吖 係 講 古代 嘅 官職 。
噉 我 又 想 向 聽眾 啊 介紹 呢個 字 嘅 本來 正確 嘅 讀音 ，所以 我 又 讀 校尉 ，比如 殿中 校尉 、司隸 校尉 等等 。
噉 如果 講到 現代 嘅 官職 ，好似 少校 中校 上校 噉 呢 ，我 都 仲係 跟 流行 嘅 讀法 讀 個 教音 嘅 。
好喇 ，噉 啊 而家 講返 正文 吓 。
呢個 殿 中 校尉 尹 大目 啊 ，乃係 曹爽 嘅 心腹 。
因為 當日 曹爽 畀 司馬懿 謀殺咗 ，故此 就 改為 跟咗 司馬師 嘅 啫 。
佢 個 心 呢 ， 係 時時 都 想 殺 咗 司馬師 嚟 為 曹爽 報仇 。
佢 平日 同 文欽 嘅 交情 係 非常之 深厚 。
噉 而家 佢 見到 司馬師 嘅 眼瘤 發作 ，唔 逳動 得 嘞 ，嗯 佢 諗到 條 計策 喇 ，就 入去 中軍帳 見 司馬師 對 佢 話 ：
啟稟大將軍 ，文欽 本來 唔係 想 作反 嘅 ，呢次 皆因 係 毋丘儉 逼 佢 ，先至 跟住 作反 嘅 啫 。
等我 去 說 佢 啦 ，佢 必定 會 嚟 投降 嘅 。
司馬師 接受咗 佢 嘅 建議 就 叫佢 去 。
於是 尹大 目着 好盔甲 ，騎馬 去 追 文欽 嘞 。
眼睇住 追上 喇 ，尹 大目 高聲 大叫 ：
文刺史 ，係 我 尹大目 啊 ！請 你 留步 啊 ！
文欽 回頭 一 睇 ，只見 尹大 目 除咗 頂頭盔 ，擠 喺 馬鞍橋 前 便 。
佢 噉嘅 意思 呢 即係話 ，我 對 你 毫無 惡意 㗎 你 睇 ，我 都 不作 防備 喇 噉 。
尹大目 又 大聲 噉 話 喇 ：
文刺史啊 ！你 點解 唔再 忍耐 多 幾 日 啊 ，唔好 走 喇 ！
尹大目噉樣講 ，為因佢知道司馬師就要死嘞 ，所以特登想嚟留住文欽 。
唉可惜 文欽 一啲 都 唔明白 佢 呢句 說話 嘅 含意 ，就 好惡 噉 大聲 痛罵 佢 ，仲 想 開弓 嚟 射 佢 添 。
尹大目 冇晒 辦法 啦 ，只有 喊住 返 扯 係 啦 。
文欽 啊 收聚 人馬 就 趯到 去 壽春 嘅 時候 啊 ，壽春 已經 畀 諸葛 誕 奪取 咗 嘞 。
噉就 想 返去 項城 ，誰知 胡遵 、王基 、鄧艾 三路 兵馬 一齊 到 。
文欽 見到 形勢 危急 ，就 走去 投奔 東吳 孫峻 。
而家 講 下 毋丘儉 ，佢 喺 項城 聽聞 壽春 失守 ，文欽 打咗 敗仗 ，而家 城外 魏軍 三路 兵 到 。
於是就 出動 城內 全部 人馬 ，出城 去 迎戰 嘞 。
一出到去就遇到鄧艾 。
毋丘儉 命令 葛雍 出馬 同 鄧艾 交鋒 。
都唔使 一個 回合 唧 ，鄧艾 一刀 就 攞 佢 命 ，跟住 就 揮兵 殺過去 。
毋丘儉 同 鄧艾 死打 ，頂住 佢 。
呢個 時候 胡遵 、王基 就 帶 兵 四便 夾攻 ，打到 江淮 兵 大亂 。
毋丘儉 打唔過 ，就 帶住 十幾個 人 ，騎住 馬 奪路 逃跑 。
佢 一路 趯 到 去 慎縣 城下 。
慎 縣 嘅 縣令 呢 就 叫做 宋白 啊 ， 佢 打開 咗 城門 接 咗 毋丘儉 入 城 ， 又 擺酒 嚟 款待 佢 。
毋丘儉趯得咁辛苦 ，見宋白咁好招呼唄 ，放心啦 ，咪開懷痛飲咯 ，飲到大醉 。
哈 ，點知 畀 宋白 派 人 殺咗 佢 ，將 佢個人頭 獻咗 畀 魏兵 。
於是呢 ，淮南 噉 就 平定 咗 嘞 。
而家 講 下 司馬師 ，佢 個 病 越嚟越重 。
嗰日 就 叫 諸葛誕 入嚟 中軍帳 ，賜 個 大印 畀佢 ，加封 佢 做 鎮東大將軍 ，都督 揚州 各路 軍馬 。
同時 呢 ，下令 班師 返去 許昌 。
司馬師 嗰隻眼 呀 一直 都 痛得 好 厲害 ，止唔住 痛 ，而且 晚晚 都 眼花花 好似 見到 李豐 、張緝 、夏侯玄 三個人 企 喺 佢 面前 。
司馬師 心神恍惚 ，噉啊 自己 知道 係 咁大喇 ，就 派人 去 洛陽 接 司馬昭 嚟 。
司馬昭 喊住 噉 跪 喺 床 前面 請安 。
司馬師話 ：我而家嘅權勢 ，好重啊 ，雖然 想卸膊 都唔得 。
你 ，你繼承 我 嘅 職位 啊 ，吓 ，凡係 大事 啊 ，都 千祈 唔好 隨便 託付 畀 他人 啊 ！
否則呀 ，就會 自取 滅族 之 禍 㗎 ！
講完 ，就 將 個 大印 交畀 司馬昭 ，眼淚 惦 流 啊 。
司馬昭仲 想 問 佢 啲 嘢 ，只 聽見 司馬師 啊啊噉 大叫 一 聲 ，隻 眼 核爆 出嚟 噉 就 一命嗚呼 死咗 嘞 。
當時呢 係 正元 二年 ，即係 公元 二五五年 二月 ，佢 死 嘅 時候 係 四十八歲 。
大哥 死咗 司馬昭 就 舉哀 發喪 ，派人 去 申奏 魏主 曹髦 。
曹髦 就 派 個 使者 帶住 詔書 嚟到 許昌 ，命令 司馬昭 將軍隊 駐扎 喺 許昌 嚟 ，防範 東吳 嘅 入侵 ，人 呢 亦 暫時 留 喺 度 。
司馬昭 個 心 十五十六 ，猶豫不決 。
鐘 會 就 勸 佢 話 喇 ：
大將軍 啱啱 逝世 人心 未定 ，將軍 你 若果 留守 喺 許昌 ，噉 萬一 朝廷 上 有 乜嘢 變故 就 悔之莫及 㗎喇 。
係啊！ 司馬昭 聽 佢 勸 ，立即 起兵 返去 ，就 駐扎 喺 洛水 嘅 南岸 。
曹髦 知道咗 ，好 驚慌 啊 。
事關 司馬昭 連 佢 呢個 皇帝 嘅 命令 都 唔 聽 咯噃 。
太尉 王肅 就 話 喇 ：
稟奏陛下 ，司馬昭 既然 繼承 佢 嘅 兄長 掌握 大權 ，陛下 應該 封 佢 嘅 官爵 ，等 佢 安心 啊 。
於是 曹髦 就 派 王肅 做 使者 ，帶住 聖旨 去 見 司馬昭 ，封 佢 做 大將軍 、錄 尚書 事 。
噉司馬昭 就 入朝 謝恩 嘞 。
從此 之後 呢 ， 朝廷 內外 大小 嘅 事情 啊 ，冚𠾴唥 都 由 司馬昭 做 主管 晒 。
而家 講返 下 西蜀 嗰 便 。
西蜀 嘅 間諜 探聽到 魏國 人事 嘅 變動 ，就 向 成都 報告 。
姜維 考慮 一番 之後 呢 ，就 向 後主 劉禪 稟奏 ：
認為 司馬師 新近 逝世 ，司馬昭 初次 掌握 國內 軍政 大權 ，就 必定 唔敢 隨便 離開 洛陽 嘅 。
所以 請求 後主 啊 ，同意 佢 再次 去 攻打 魏國 。
劉禪 同意 嘞 。
於是 姜維 就 去 漢中 整頓 人馬 準備 興師 。
征西 大將軍 張翼 呢 就 勸 佢 話 ：
我哋 蜀國 ，土地 唔多 ，錢糧 甚少 ，係 唔適宜 於 進行 遠征 。
不如 據險 堅守 ，體恤 軍隊 愛護 民眾 ，呢個 先至 係 保國 之計 啊 姜將軍 。
唔係噉講 ，往日 丞相 未 出茅廬 ，已 定 三分天下 ，都 仲係 要 六出祁山 ，要去 奪取 中原 。
不幸 半路 病死 ，以至 功業 未成 唧 。
今日 ，我 既然 接受咗 丞相 個 遺命 ，自必然 應當 盡忠報國 ，繼承 丞相 嘅 遺志 。
噉樣 ，我 即使 係 死 亦 無 恨 啊 。
今日 魏國 係 有隙可乘 ， 唔 喺 呢 個 時候 去 打 佢 就 更待何時 呢 ？
夏侯霸 話 喇 ：姜將軍 講得 啱 ，我哋 用 一支 精兵 ，由 枹罕 直出 。
若果能夠奪取到 南安噉 各棍 都 可以 掃平 嘞 。
張翼 話 ：既然 要 出兵 呢 ，必定 要 快 。
過去 所以 唔能夠 取勝 ，皆因 我哋 軍隊 行動 得 太過 遲緩 嘞 。
兵法 話 攻其無備 出其不意 。
而家 我哋 若果 火速 進兵 ，使到 魏軍 提防 唔切 呢 ，就 必定 可以 獲得 全勝 嘅 。
於是 姜維 就 帶 五萬 兵 ，向住 枹罕 進發 。
枹罕 係 古代 一個 縣 ，喺 街亭 以 西 。
舊址 喺 今日 甘肅省 臨夏市 西南 。
噉啊當大軍嚟到洮水嘅時候 ，魏國 守衛 邊境 嘅 軍士 啊 ，就 立即 報告 畀 雍州 刺史 王經 ，同 征西 將軍 陳泰 知 。
王 經 點 起 馬步兵 七萬 人 嚟到 迎敵 。
姜維 接到 呢個 消息 ，就 吩咐 張翼 如此如此 ，又 吩咐 夏侯霸 如此如此 。
噉 兩個 接受咗 命令 就 去嘞 。
呢一日 ，姜維 親自 指揮 大軍 ，背靠 洮水 排開 陣勢 。
兩 軍 相對 ， 王經 帶 住 幾個 牙將 跟 尾 出馬 嚟 到 質問 姜維話 ：
魏國 同 吳國 、蜀國 ，已經 造成 鼎足之勢 ，你 仲要 屢次 興兵 嚟 侵犯 ，為咩事 啊 ！
姜維話 ：司馬師 無緣無故 推翻 君主 ，即使 係 友好 鄰邦 尚且 要嚟 問罪 啊 ，何況 我哋 係 仇敵 之 國 呢 ？
王經 擰轉頭 對 嗰 幾個 牙將 話 ：
蜀軍 背靠 洮水 擺陣 ，一 輸 就 要 喺 水浸 死 㗎 嘞 。
姜維 此人 十分 勇猛 ，你哋 四個 一齊 去 打佢 。
佢 若果 一 後退 呢 ，就 立即 追擊 。
得令 ！噉 四個 牙將 分 左右 衝 上去 同 姜維 交戰 。
姜維 同 佢哋 打咗 幾個 回合 ，撥轉 馬 向住 本陣 就 走 。
王經 立即 指揮 兵馬 一齊 追殺 過去 。
姜維 帶住 軍隊 向住 洮水 猛走 。
當就嚟走到洮水岸邊嘅時候 ，姜維 大聲 對 全軍 將士 話 ：
好危急喇 ！大家 要 努力啊 ！
於是 眾位 將官 一齊 奮力 殺返 轉頭 ，殺到 魏兵 大敗 喇 呢趟 。
張翼 、夏侯霸 就 兩路 人馬 ，好似 從天而降 噉 ，一下 兜篤 將軍 就 喺 魏軍 嘅 背後 包抄 過嚟 ，就 將 魏軍 包圍 喺 中間 。
姜維 耀武揚威 啊 殺入 魏軍 之 中 ，左 衝 右 突 ，殺到 魏兵 一 敗塗地 亂晒 大龍 。
自相踐踏 死咗 成大半 ，仲有 逼咗 落 洮水 嘅 浸死 嘅 無數 咁多 。
王經 帶住 百幾個 敗兵 ，騎馬 拼命 衝出 重圍 ，一直 就 奔向 街亭 以西 嘅 狄道城 。
入咗 城 喇 ，就 閉門 死守 嘞 。
狄道城 乃係 隴西郡 嘅 郡城 ，係 喺 今日 甘肅省 臨洮縣 以南 。
呢一 戰 姜維 就 大獲全勝 ，慰勞 賞賜 完 軍隊 之後 呢 ，姜維 又 要 進兵 攻打 狄道城 咯 喎 。
張翼 就 勸佢 話 喇 ：
將軍 打咗 大勝仗 ，威名 大震 ，可以 收手 喇 。
如果 而家 仲要 進兵 ，萬一 唔如意 就 變成 畫蛇添足 㗎喇 。
唔係啊 ，往日 打敗咗 都 尚且 要 進取 ，縱橫 中原 。
何況 今日 洮水 一戰 ，打到 魏軍 膽戰心驚 ，我 估計 狄道城 一打 就 可以 到手 。
張將軍 ，你 唔好 喪失 信心 啊 。
張翼 再三再四 噉 勸 姜維 唔好 繼續 打 ，姜維 唔聽 ，就 出兵 去 攻打 狄道城 嘞 。
而家 講下 雍州 刺史 陳泰 ，佢 正 係 想 起兵 去 同 王經 報 兵敗 之 仇 。
呢一日 ，兗州 刺史 鄧艾 率領 軍隊 嚟到 。
陳 泰 迎接 咗 鄧艾 ， 互相 行過禮 ， 鄧艾 就 話 喇 ：
奉咗 大大將軍 嘅 命令 ，特意 前嚟 協助 將軍 破敵 啊 。
陳泰 當然 高興 啦 ，就 向 鄧艾 請教 擊退 蜀兵 嘅 計策 。
鄧艾 話 喇 ：姜維 喺 洮洮水 得勝 之後 ，若果 佢 集結 羌羌兵 ，向 東 便 進軍 ，攻打 關隴 ，傳傳 檄 四郡 ，噉 就係 我我軍 嘅 大患 咯 。
但係 而家 佢 呢 ，並冇 噉噉樣 做 ，反而 要 去 攻打 狄狄道城 。
狄道城 墻 堅固 ， 係 好 難攻 ， 姜姜維 ， 就 盞 佢 勞 兵 費力 嘅 啫 。
我我哋 而家 ，喺 項嶺 擺開 軍隊 ，然後 進進兵 去 打 佢 ，噉 蜀蜀兵 必敗 無疑 啊 。
啊 ，高見 ，高見啊 ！
於是就 先 派出 二十 隊 兵 ，每 一 隊 五十 人 ，帶齊 旗幟 、戰鼓 、號角 、烽火 之類 ，日頭 啊 隱蔽 ，夜晚 行軍 ，靜靜 去到 狄道城 東南方 嘅 高山 深谷 之中 ，埋伏 好 。
就準備 喺 大軍 嚟 嘅 時候 ，一齊 擂鼓 吹號 嚟到 響應 。
夜晚 呢 ，就 點火 放炮 嚟到 嚇 蜀軍 。
嗰 二十 隊 兵 出發 之後 ，陳泰 、鄧艾 就 各人 率領 二萬 兵 跟住 前進 嘞 。
而家 講下 姜維 ，佢 圍困住 狄道城 ，命令 啲 兵士 由 四面八方 猛攻 。
之 連 氣 攻打 咗 幾 日 都 打 佢 唔 落 ，個 心 就 好 愁悶 冇 晒 辦法 。
呢一日 黃昏 嘅 時候 ，流星 探馬 三番五次 接住嚟 報告 話 ，有 兩路 兵 嚟 ，旗 上面 寫住 一路 係 征西 將軍 陳泰 ，一路 係 兗州 刺史 鄧艾 噉 。
姜維 吃咗 一驚 ，就 請 夏侯霸 嚟 商量 對策 。
夏侯霸 話 喇 ：我 以前 曾經 同 將軍 你 講過 ，鄧艾 此人 自 細 就 深明 兵法 ，熟悉 地理 。
而家 佢 帶兵 嚟到 係 個 勁敵 嚟 啊 。
姜維仲 係 有啲 睇 鄧艾 唔起 佢 話 ：
佢哋 嘅 兵馬 喺 咁 遠 嚟到 ，我哋 唔好 畀 機會 佢 喘息 ，立即 打 佢 ！
於是 姜維 就 留低 張翼 繼續 攻城 ，命令 夏侯霸 去 迎擊 陳泰 ，自己 就 去 迎擊 鄧艾 。
行咗唔到 五里 路 ，忽然 聽見 東南方 轟噉 一聲 炮響 ，跟住 就 鼓角 震地 火光 沖天 。
姜維 縱馬 四便 睇下 ，嘩嗨 ！只見 周圍 都係 魏兵 嘅 旗號 。
弊 ！中咗 鄧艾 嘅 詭計 添 。
姜維 立即 傳令 夏侯霸 同 張翼 ，放棄 狄道城 撤退 ！
於是 蜀兵 就 喇喇聲 全部 撤退 返去 漢中 。
姜維 帶兵 親自 斷後 ，只 聽見 後 便 呀 沊沊沊 鼓聲 不絕 。
當姜維退 返入 劍閣 嘅 時候 呢 ， 佢 先 至 探 明白 原來 二十幾 處 嘅 火光 啊 鼓聲 啊 等等 啊 ， 嘿 都 係 呃 人架 ， 係 疑兵 嚟 咋 ， 但 係 知道 都 遲 喇 。
噉啊 姜維 收咗 兵 駐扎 喺 鍾提 。
後主 因為 姜維 喺 洮西 大捷 ，就 下 聖旨 封 姜維 做 大將軍 。
姜維 接受 咗 新職 ，上表 謝恩 呢啲 都 不在 話下 喇 。
噉啊話說 魏兵 啊 都 駐扎 喺 狄道城 外 ，王經 就 出嚟 迎接 陳泰 、鄧艾 入 城 。
多謝佢哋 解圍 就 安排 筵席 款待 佢哋 ，同時 又 大賞 三軍 。
陳泰 就 將 鄧艾 喺 呢場 戰役 嘅 功勞 啊 寫 一 份 表章 ，稟奏 畀 魏主 曹髦 知道 。
曹髦 就 封 鄧艾 做 安西將軍 ，假節 ，領 護 東羌 校尉 ，嚟 同 陳泰 一齊 啊 ，駐兵 喺 雍州 、涼州 等 地 。
呢一日 ，鄧艾 上表 謝恩 之後 ，陳泰 擺酒 嚟 祝賀 鄧艾 。
飲飲下酒 ，陳泰 同 鄧艾 話 喇 ：
姜維 搞到 漏夜 逃跑 ，兵力 就 已經 冇晒 喇 ，睇嚟 唔敢 再 出兵 㗎 喇 。
嘿嘿 ，我 諗 ，蜀兵 仲 係 會 再再 嚟 㗎 ，誒 有 五五 個 原因 。
點呢 ？
鄧艾 確係 使得 。
噉究竟 鄧艾 講咗 邊 五個 原因 呢 ？就且 聽下 回分解 。
