姜維 領咗 後主 嘅 敕令 ，同 夏侯霸 就 一齊 返去 漢中 商量 出兵 嘞 。
姜維 嘅 部署 係 噉嘅 ：
首先 ，就 派 使者 去 同 羌人 訂立 盟約 ，然後 起兵 出 西平 ，逼近 雍州 。
同時呢 ，先 喺 麴山 之下 築起 兩座 城堡 就 派 兵 駐守 ，作為 犄角 之勢 就 互相 呼應 。
糧草 就 運到 去 川口 ， 依照 諸葛丞相 往日 嘅 辦法 按 次序 進兵 。
噉就喺當年秋天八月 ，姜維 首先 派 句安 、李歆 兩員 將官 ，率領 一萬五千 名 兵 ，就去 麴山 之前 就 修建 兩座 城堡 。
由句安呢 ，就 守衛 東城 ，李歆 就 守衛 西城 。
雍州 刺史 郭淮 一 接到 蜀兵 嚟 進攻 嘅 情報 ， 一方面 就 立即 報告 洛陽 ； 一方面 呢 ， 就 派 副將 陳 泰帶 五萬 人馬 ， 去 同 蜀 兵 交戰 。
句安 、李歆 就 各 帶 一支 軍隊 出嚟 迎敵 啦 ，之 因為 兵 少 頂唔順 嘞 ，就 退返 入 城 。
陳泰 就 命令 將 城堡 四面 圍困 猛攻 ，又 派兵 切斷 咗 蜀軍 漢中 嘅 糧道 ，嘿噉 就 弊傢伙 喇 ！
句安 、李歆 嘅 城堡 呢 ，裏 便 就 缺糧 啦 。
冇幾耐 ，郭淮 就 親自 帶兵 嚟到 ，觀察咗 一輪 地形 。
嗯 ，郭淮 個 心 就 好 歡喜 。
他 返到 營寨 同 陳泰 話嘞 ：
呢 座 城堡 呀 ， 地勢 咁 高 ， 裏 便 就 必定 水 少 嘅 ， 一定 要出 嚟 城外 打 水 嘅 。
我哋 如果 截斷 佢哋 上游 嘅 水源 ，啲 蜀兵 呀 ，實 渴死 都 得 喇 。
就派 一隊 兵士 啊 ，去 築 一道 土圍堰 切斷 上游 啲 水 ，噉 城 裏 便 就 果然 冇 水 嘞 。
冇 水 就 唔 得掂 㗎 ，李歆 就 帶 兵 出 城 打 水 咯 喎 。
但係 雍州 兵 就 圍困 到 鐵桶 咁 實 。
李歆 佢哋 搏命 打 都 衝唔出 ，就 唯有 又 退返 入 城 喇 。
句安 守 嗰個 城堡 裏頭 亦都 斷咗 水 ，就 約埋 李歆 帶 兵 出 城 ，會合 埋 一齊 大戰 一輪 。
但 係 結果 呢 ， 又 打敗 咗 就 趯 返入 城 。 唉 ， 啲 兵 就 渴得 好 淒涼 啊 。
句安 同 李歆 話 喇 ：
姜都督 嘅 兵 而家 仲 未 嚟 ，唔知 咩嘢 原因 呢 ？
李歆 話 ：噉啦 ，我 搏命 殺出重圍 去 求救 啦 ！
噉 於是 李歆 就 帶領 幾十個 馬軍 ，打開 城門 衝殺 出去 。
雍州兵 見到 有人 想 突圍 唄 就 四面 咁 包圍 。
李歆 呀 唔 要命 噉 死 衝猛 衝 ，終歸 畀 佢 衝出 重圍 。
但係呢 ，跟隨 佢 嗰啲 馬軍 都 戰死 晒 喇 ，就 剩返 佢 啊 單槍匹馬 ，身負重傷 ，趯甩 身 。
當晚 ，呼呼聲 翻起 大北風 ，陰雲密布 ，個天 落起 大雪 ，嗨得法喇 。
城內 啲 蜀兵 呢 就 化開 啲 雪水 嚟 煮 嘢食 ，噉 就 救咗 一下 急 。
而家 講下 李歆 啊 佢 衝出咗 重圍 ，由 西山 啲 小路 就 行咗 兩日 ，噉 先至 遇着 姜維 嘅 人馬 。
李歆 落咗 馬 就 跪低 伏喺 地 處 報告 話 ：
麴山 兩個 城堡 ，都 畀 魏兵 ，圍困 啊 ，斷咗 水源 ，極之 危急 啊 ！
姜維話 ：我 唔係 嚟遲 啊 ，皆因 要 等 羌兵 等咗 好耐 都 未 到 ，因此 誤咗 時間 唧 。
你 返去 養好 傷 先 。於是 就 派 人 送 李歆 返去 西川 醫治 。
姜維 同 夏侯霸 商量 ，佢 話 ：
羌兵 未 到 ，魏兵 圍困 麴山 形勢 極之 危急 。
夏侯將軍 你 有 何 高見 啊 ？
夏侯霸 就 話 喇 ：
若果等得羌兵嚟 ，麴山 兩座城堡 都 陷落咯 。
我 估計 雍州 嘅 兵 必定 全部 都 嚟 晒 攻打 麴山 ，雍州城 實 係 防守 空虛 。
姜將軍 ，你 帶兵 去 牛頭山 ，兜到 去 雍州 後 便 。
郭淮 、陳泰 就 必定 要 回兵 去 救 雍州 嘅 ，噉 麴山 就 可以 解圍 喇 。
啊係呀 ，呢條 計策 最好 嘞 。
於是 姜維 就 帶兵 去 牛頭山 。
而家 講下 陳泰 佢 見 李歆 突圍 走咗 ，就 同 郭淮 話 喇 ：
李歆 一定 係 去向 姜維 告急 嘅 。
姜維 佢 估計 我軍 都 嚟晒 麴山 ，實 會 迂迴 去 牛頭山 襲擊 我軍 嘅 背後 。
請 將軍 率領 一支 軍隊 去 奪取 洮水 ，切斷 蜀 軍 糧道 。
我 就 分 一半 兵 ，直 去 牛頭山 打佢 。
佢 一 知道 糧道 已經 被 切斷 ，自然 就 要 退兵 㗎喇 。
好辦法啊 ！郭淮 又 聽 佢 嘅 ，就 率領 一支 軍隊 去 偷襲 洮水 。
洮水 就 喺 甘肅省 臨潭縣 嘅 西南部 嚟 。
噉陳泰呢 就 帶 另一部份 軍隊 啊 直 去 牛頭山 嘞 。
而家 講下 姜維 嘅 兵馬 ，佢 嚟到 牛頭山 就 忽然 聽見 前軍 嘈起嚟 ，話 有 魏兵 喺 前 便 截住 去路 噉 。
姜維 就 慌忙 親自 跑到 前 便 睇下 。
陳泰 見到 姜維 嚟到 就 大聲 話 ：
姜維 你 聽住 ！你 想 去 偷襲 我 雍州 咩 ？
我 已經 等咗 你 好耐 喇 ！
嘿！ 賊 將 看 槍 ！
姜維 好嬲 ，挺槍 縱馬 直取 陳泰 。
陳泰 就 舞起 大刀 迎上嚟 。
打咗唔到 三個 回合 ，陳泰 就 打敗 走嘞 。
姜維 指揮 兵馬 掩殺 過去 ，雍州 兵 就 退返 轉去 就 佔領住 山頭 。
姜維 收咗 兵 ，就 喺 牛頭山 下 便 就 扎落 營寨 。
噉 從 第日 開始 ，姜維 就 每日 都 派 人 去 挑戰 日日 咁 打 ，吖 總係 不分 勝敗 。
呢一日 ，夏侯霸 同 姜維 話喇 ：呢處 並非 久留 之地 啊 。
連日 交戰 都 不分 勝敗 ，不過 係 佢哋 想 拖住 我軍 ，實有 其他 嘅 陰謀 詭計 嘅 。
不如 暫時 退兵 再作 打算 罷啦 。
正喺度商量緊 ，突然 接到 報告 話 郭淮 帶領 一支 軍隊 去 打咗 洮水 ，截斷 咗 糧道 喇 噉 嘩 ！姜維 驚啊 。
急忙 命令 夏侯霸 撤退 先 ，佢 自己 啊 親自 斷後 。
陳泰 就 分兵 五路 追住 嚟 啊 。
姜維 獨自 頂住 五路 總口 ，擋住 魏兵 。
陳泰 就 指揮 人馬 上山 猛咁 射箭 掟 石 落嚟 ，嘿 好似 落雨 咁 落 ，姜維 連忙 退去 洮水 。
當 去到 洮水 嘅 時候 ，郭淮 就 帶 兵 殺嚟 嘞 。
姜維 率領 住 一支 軍馬 往來 衝殺 ， 魏兵 死死 噉 封住 佢 嘅 去路 ， 圍到 呀 好似 鐵桶 咁 密實 。
姜維 搏命 噉 衝殺咗 出去 ，就 損失咗 大半 人馬 ，飛奔 上陽平關 。
哈點知道 ，前便 又 有 一支 軍隊 殺到 喇 ，為首 一員 大將 啊 縱馬 橫刀 而出 。
只見 呢個 人 呀 ，生得 圓面 大耳 ，嘴闊 口唇厚 ，左眼 下 便 生咗 個 黑色 嘅 瘤 ，瘤上 便 呢 仲 長咗 幾十 條 黑毛 。
呢個 係 邊個 啊 ？乃 係 司馬懿 嘅 大仔 ，驃騎將軍 司馬師 啊 。
姜維 就 發大火咯 ：嘿 ！黃毛小子 ，膽敢 擋 我 條路 ！就 拍馬 挺槍 ，對住 司馬師 就 㓤過去 。
司馬師 舞起 大刀 上前 迎戰 。
三個 回合 唧 ，姜維 就 殺敗 司馬師 。
噉姜維 就 甩身 啦 ，向住 陽平關 就 飛奔 而去 。
城上 啲 人 就 急急 開門 放 姜維 入嚟 啦 。
司馬師 畀 姜維 走甩咗 ，佢 亦 跟住 要 嚟 搶攻 陽平關 喎 。
司馬師 點解 會 帶兵 嚟到 呢處 攔截 姜維 嘅 呢 ？
噉嘅 ，原來 姜維 打 雍州 嘅 時候 啊 ，郭淮 就 派 人 飛馬 入 朝 告急 吖 。
魏主 就 同 司馬懿 商量 妥當 。
噉 司馬懿 呢 ，就 派 佢 個 長子 司馬師 帶 五萬 兵 去 雍州 助戰 。
司馬師 一 聽聞 郭淮 已經 打退 蜀兵 ，佢 又 諗住 蜀兵 勢弱 ，於是 就 喺 半路 伏擊 。
噉 而家 佢 追住 姜維 啊 ，要 搶攻 陽平關 。
點知道 兩便 埋伏 定嘅 連弩 萬箭齊發 。
呢啲 連弩 呢 就 乃係 諸葛亮 教落 姜維 嘅 。
一弩 就 射 十支箭 ，威力 啊 極大 啊 。
而且 用 嘅 呢 都 係 藥箭 嚟 添 。
司馬師 嘅 前軍 啊 啱啱 撲上去 攻城 ，畀 連弩 一射 嗨 慘 咯 連 人 帶 馬 射死 嘅 不計其數 。
司馬師 好彩 執返 條命 就 趯返 轉頭 ，噉 就 收兵 回朝 嘞 。
而家 講返 下麴山城 內 嘅 蜀 將 句安 ，佢 見到 援兵 都 仲 唔嚟 ，頂唔住 嘞 ，就 打開 城門 投降咗 魏國 。
呢場 戰役 ，姜維 就 損失 咗 成 幾萬 人馬 ，率領住 敗兵 返到 漢中 駐扎 。
司馬師 呢 就 返咗 去 洛陽 喇 。
眨下眼 ，又到咗 魏國 嘉平 三年 ，即係 公元 二五一年 嘅 秋天 八月 。
司馬懿 得咗 病 ，病勢 就 漸漸 沉重 。
呢一日 ，佢 叫咗 兩個 仔 嚟到 病床 前 便 囑咐 佢哋 話 ：
我侍奉魏國 ，好多年咯 ，做官做到太傅 ，唉做臣子 ，地位就已經到頂㗎喇 。
好多人 都 猜疑 我 想 謀朝篡位 ，誒 我 個 心 都有 啲 怕 㗎 。
誒我死咗之後呢 ，你兩個 ，要好好地噉治理國家 ，認真 要小心啊 ，小心啊 ！
講完 ，司馬懿 就 斷氣 死咗嘞 ，佢 死 嘅 時候 係 七十二 歲 。
噉司馬師 、司馬昭 啊 ，就啟奏 魏主 曹芳 啦 。
曹芳啊 當然 下令 同 司馬懿 舉行 最 隆重 嘅 葬禮 ，封贈 極其 優厚 。
又 封 司馬師 做 大將軍 ，總領 尚書 機密 大事 ；封 司馬昭 做 驃騎上將軍 。
噉呢啲 暫時 就 放落 唔講住 喇 。
而家 講下 吳主孫 權啊 ， 佢 先 不 先 就 有 個 太子 叫做 孫登 ， 係 徐夫人 生 嘅 。
不過 喺 吳國 赤烏 四年 誒 即 係 公元 二四 一年 ， 就 死 咗 咯 。
於是 孫權 就 立 第二仔 孫和 做 太子 ，孫和 係 王夫人 生 。
佢 呢 ，同 全公主 不和 喎 就 畀 公主 喺 孫權 面前 猛 講 佢 壞話 ，噉 孫權 就 廢 咗 佢 。
孫 和 就 梗係 好 怨恨 定 啦 噉 悒下悒下 就 病死咗 。
於是 孫權 又 立 第三仔 孫亮 做 太子 ，呢個 孫亮 係 潘夫人 生 嘅 。
當其時 陸遜 、諸葛瑾 都 已經 逝世 ，東吳 嘅 一切 大小事務 啊 ，都 係 由 諸葛恪 管晒 。
大家 都 記得 啦 諸葛恪 就係 諸葛瑾 嘅 仔 喇 。
噉 啊 到 咗 太元 元年 啊 即 係 公元 二 五一 年 ， 秋天 八月 初一 。
呢一日呀 ，忽然間啊 翻起 大風 ，江海 波濤洶湧 平地 水深 八尺 。
噉 孫權 祖先 陵墓 所 種 嘅 松樹 啊 柏樹 啊 噉 呢 ，冚𠾴唥 都 連根拔起 就 飛 咗 上天 ， 一直 飛 到 建業 城南 門外 便 ， 就 倒 轉頭 豎 喺 條 大路 處 。
孫權 因為 噉樣 驚咗 驚啊 得咗 病 。
到咗 第二年 四月 ，病勢 危急 喇 ，就 召 太傅 諸葛恪 、大司馬 呂岱 嚟 到 病床 前 便 囑咐 後事 ，囑咐完 就 死 嘞 。
孫權 在位 二十四年 ，死嘅時候 係 七十一歲 。
嗱 各位 ，曹操 、劉備 、孫權 呢 三個人 到 而家 都 死晒 嘞 。
曹操 死得 最早 ，死嘅 時候 係 六廿六 歲 。
曹操 死咗 四年 之後 就 劉備 死嘞 ，劉備 死嘅 時候 係 六廿三歲 。
劉備 死後 二十八 年 孫權 先至 死 。
好喇 ，噉 啊 閒話 休提 言歸正傳 啊 。
話說 孫權 逝世 之後 ，諸葛恪 就 立 孫亮 做 皇帝 ，大赦 天下 ，將 年號 改為 建興 元年 ，即係 公元 二五二 年 啊 ；
尊稱 孫權 為 大皇帝 ，就 葬喺 蔣陵 。
魏國 嘅 間諜 探聽到 呢個 消息 ，就 向 洛陽 報告 嘞 。
司馬師 一 聽聞 孫權 已經 死咗 唄 ，就 同 眾位 大臣 商議 要 起兵 討伐 吳國 。
尚書傅嘏 呢 就 話 喇 ：
東吳 有 長江 之 險 ，先帝 屢次 起兵 去 討伐 佢 ，都 唔能夠 成功 ，不如 各 守 邊疆 呢個 先至 係 上策 啊 。
司馬師 就 話 ：天道 三十 年 一 變 ，點 能夠 永遠 係 鼎足三分 㗎 ？我 係 要 去 攻打 吳國 㗎 ！
司馬昭 就 附和 佢 大哥 個 意見 ，佢 話 ：
目前 孫權 剛剛 死 咗 ， 孫亮 年輕 懦弱 ， 呢 個 正 係 可乘之機 啊 ！
係 噉 話 啦 於是 就 任命 征南 大將軍 王昶 ， 帶兵 十萬 去 攻 南郡 ；
征東 將軍 將軍 胡遵 ， 帶兵 十萬 去 攻 東興 ；
鎮南都督毋丘儉 ，帶兵 十萬 去 攻 武昌 ：噉就 三路 進發 。
司馬師 又 委派 細佬 司馬昭 做 大都督 ，總領 三路 軍馬 。
噉喺 呢 一年 嘅 冬天 十二月 啊 ，司馬昭 統率 三路 大兵 嚟到 東吳 嘅 邊界 閘住 人馬 。
呢一日 ，司馬昭 召集 王昶 、胡遵 、毋丘儉 嚟到 中軍 帳 舉行 會議 。
佢 話 ：東吳 最 緊要 嘅 地方 就係 東興郡 。
而家 佢哋 築起 一條 大堤 ，左右 又 築起 兩座 城 嚟到 防禦 巢湖 後 便 嘅 攻擊 ，諸位 務必要 小心 在意 啊 。
噉 研究咗 一輪 情況 之後 ，司馬昭 就 命令 王昶 、毋丘儉 各 帶 一萬 兵 ，分別 喺 左右 兩側 ，就 囑咐 佢哋 先 唔好 進攻 。
等到 奪取咗 東興郡 之後啊 ，到時 一齊 進兵噉 。
王昶 、毋丘儉 兩個 接受咗 命令 就 去咗 咯 。
然後呢 ，司馬昭 又 命令 胡遵 做 先鋒 ，總領 三路 兵馬 。
首先 去 搭起 浮橋 ，奪取 東興 大堤 。
佢 話 ：若果 攻佔 左右 兩座 城 ，就係 大功 噉 。
於是 胡遵 就 帶兵 去 搭 浮橋 嘞 。
而家 講 下 東吳 呢一便 。
太傅 諸葛恪 聽聞 魏兵 分 三路 殺嚟 ，就 召集 文武 官員 嚟 商量 啦 。
平北 將軍 丁奉 話 ：
東興 乃係 東吳 最 緊要 嘅 地方 ，如果 失手 ，噉 南郡 、武昌 就 危險 咯 。
諸葛恪 話 喇 ：冇錯 ，呢個 睇法 同 我 嘅 意見 相合 ，就 勞煩 丁將軍 你 帶 三千 水兵 ，由 大江 水路 去 。
我 隨後 就 會 命令 呂據 、唐咨 、留贊 三位 將軍 ，各 帶 一萬 名 馬步兵 分 三路 嚟 接應 。
到時 一聽見 連珠炮 響 ，就 一齊 進兵 啦 。
我 親自 率領 大軍 跟住 就嚟 㗎喇 。
噉 丁奉 接受 咗 命令 ， 立即 率領 三千名 水兵 ， 分 作 三十隻 戰船 ， 向東 興 出發 喇 。
而家 講 下 胡遵 嘞 ，佢 渡過 咗 浮橋 ，將軍隊 駐扎 喺 大堤 上 便 。
跟住 就 派 桓嘉 同 韓綜 帶 兵 去 攻打 兩座 城 。
左城 呢 ，係 吳 將全 端 把守 ；
右城 呢 ，係 吳 將 留略 把守 。
呢 兩座 城 又 高 又 險 非常 堅固 ，一時之間 要 攻陷 佢 就 唔係 咁 容易 嘅 。
全端 同 留略 兩個 守將 啊 見到 魏兵 人多勢眾 唄 就 唔敢 出去 迎戰 ，只係 一味 死守 。
胡遵 係 喺 徐塘 嗰處 安營 嘅 。
呢一日 ，個天 冷到 非常 又 落緊 鵝毛大雪 。
胡遵正 係 同埋 一班 將領 大排筵席 飲酒 聚會 喎 ，飲飲下 ，接到 報告 話 水上 有 三十 隻 戰船 嚟到 啊噉 。
胡遵 就 行 出去 營寨 望下 啦 ，見到 啲 戰船 就嚟 泊岸 嘞 。
每隻船 大約 係 百零人 度 啦 ，哼哼 ，一轉身 行返入 中軍帳 對 嗰班 將領 話 ：
不過 係 三千 人 咋嘛 ，使乜 怕 吖 ！
於是 呢 只係 吩咐 部下 一個 將官 啊 ，去 繼續 探聽 監視 一下 就算 嘞 ，仍然 同 大家 飲酒 。
而家 講下 丁奉 ，佢 命令 啲 戰船 一字 噉 喺 岸邊 拋錨 。
佢 對 部下 啲 將官 話 ：大將 夫 立 功名 取 富貴 ，正在 今日 啊 ！
跟住 就 命令 全部 軍士 除咗 盔甲 ，唔用 長槍 亦 唔用 大戟 ，每人 只係 帶 把 短刀 。
嚱嚱 ！啲 魏兵 見到 噉樣 呀 ，人人 都 攬住 個 肚腩 笑啊 ，噉啊 一啲 都 不作準備 。
過咗 一陣 ，忽然間 聽見 轟轟轟 連珠炮 響咗 三聲 。
丁奉 掹出 把 刀 ，奮勇 當先 啪噉 就 跳咗 上岸 。
所有 個 軍士 都 拔出 短刀 ，跟住 丁奉 登陸 嘞 。
衝啊噉就 殺入去 魏軍 營寨 ，將 魏軍呀 殺個 措手不及 。
眼睇住 東吳 兵 殺到 嘞 ，韓綜 一個 箭步 ，衝到 中軍 帳 前 將 插喺 處 嘅 大戟 掹起 。
正話 想 迎戰 ，點知 丁奉 呀 快 似 旋風 啊 幾步 衝到 埋身 ，手起刀落 ，將 韓綜 斬死 。
桓嘉 就 由 左便 轉出嚟 ，舉起 支槍 對住 丁奉 就 㓤過去 。
嘿！ 丁奉 一下 就 挾住 支 槍桿 。
咪搞 ，桓嘉 連 槍 都 唔 要 就 走 喇 。
丁奉 就 一刀 飛過去 ，斬 正桓嘉 嘅 左膊 ，哎呀 桓嘉 當堂 僂低 。
丁奉 趕上 兩步 ，就 用 搶過嚟 嘅 槍 刺死 佢 。
呢 三千 名 吳 兵 嘩 厲害 咯 ，喺 魏 軍 營寨 呀 左 衝 右 突 啊 。
胡遵 就 急急 上馬 奪路 而 走 。
啲 魏兵 就 紛紛 逃命 啦 噉 一齊 趯 上 道 浮橋 。
誰知 浮橋 已經 斷咗 個 喇 結果 啊 大半 人 跌晒 落水 浸死 。
其餘嘅 呢 ，喺 雪地 上 被 殺死 嘅 就 不計其數 嘞 。
噉 魏軍 嘅 馬匹 啊 物資 等等 ，全部 畀 吳兵 繳獲 。
司馬昭 、王昶 、毋丘儉 佢哋 接到 東興 兵敗 嘅 消息 ，就 連忙 撤兵 退走 。
而家 講下 諸葛恪 佢 帶兵 嚟到 東興 ，慰勞 獎賞 有功 嘅 將士 慶賀 一番 。
佢 就 認為 司馬昭 呢次 啊 打咗 敗仗 ，撤退 返去 北方 ，正係 進取 中原 嘅 大好 時機 啊 。
就 一便 派人 送信 去 蜀國 ，請求 姜維 進兵 攻打 魏國 嘅 北部 ，應承 話 成功 之後 就 平分 天下 。
一便呢就 出動 大軍 二十萬 ，去 討伐 中原 。
臨出發嘅時候啊 ，忽然 見到 有 一道 白氣 ，呼噉 由 地下 沖起 ，將軍隊 都 遮住晒 對面 唔見人 咁 交關 。
蔣延 就 話 喇 ：哎呀 ！呢啲 氣 啊 乃係 白虹 嚟 啊 ，係 兵敗 嘅 兆頭 ，請 太傅 班師 回朝 啦 ，唔好 去 攻打 魏國 咯 。
哼 ！ 諸葛 恪好 嬲 啊 ： 嘿 ！ 你講 啲 噉 嘅 不利 嘅 說話 影響 我 嘅 軍心 ， 就 喝 刀斧手 拉 蔣延去 殺頭 。
好彩 得到 大家 求情 ，諸葛恪 就 免 佢 一死 ，將 佢 貶咗 做 平民百姓 。
噉啊 仍然 按照 原定 計劃 啊 帶兵 出發 。
丁奉 向 佢 建議 話 喇 ：
魏國 以 新城 為 總隘口 ，如果 首先 奪取到 呢座 城池 呢 ，司馬師 就 嚇破膽 喇 。
諸葛恪 十分 同意 ，就 催促 兵馬 直到 新城 。
新城 嘅 郡城 呢 就 喺 今日 湖北省 房縣 。
鎮守 新城 嘅 衙門 將軍 張特 啊 ，見到 東吳 大軍 壓境 嘞 ，就 閉門 堅守 。
諸葛恪 指揮 人馬 ，將 城池 四面 圍實 。
呢個 緊急情況 呢 ，早就 有 流星馬 向 洛陽 報告 嘞 。
主簿虞松 對 司馬師 話 ：
目前 諸葛恪 圍困 新城 ，我哋 唔好 同佢 打住 。
吳兵 喺 咁遠 嚟到 ，佢哋 人多 糧少 ，糧食 一盡 自然 就 要 走 嘅 。
等到 佢哋 要 走 嘅 時候 然後 嚟 打 佢 ，必 獲 全勝 嘅 。
而家 就係 擔心 蜀兵 嚟 侵犯 邊境 唧 ，要 提防 至得 。
司馬師 同意 虞松 呢個 判斷 ，就 命令 司馬昭 帶 一支 軍隊 ，去 協助 郭淮 防備 姜維 。
另外 派 毋丘儉 、胡遵 去 頂住 東吳 嘅 兵馬 。
噉啊 諸葛恪 連 氣 幾個月 啊 ，猛攻 新城 ，總係 打佢 唔落 。
呢一日 就 對 所有 嘅 將官 下令 喇 ：全力 攻城 ，怠慢者 斬 ！
於是眾將官 就 搏命咁 攻打 ，吖係 得噃 ，新城 嘅 東北角 啊 ，就快 畀佢 突破 喇 。
張特 喺 城內 諗到 一條 計 啊 。
佢 派咗 一個 好 會講 說話 嘅 人 ，帶齊 全城 嘅 戶口冊 去到 吳軍 營寨 求見 諸葛恪 ，噉 就 對 佢 話 ：
啟稟將軍 ，我哋 魏國 有 一條 噉嘅 法例 啊 ：
若果 遇到 敵人 圍困 城池 ，守城 嘅 將領 堅守 一百日 ，仲 未 有 救兵 到 ，然後 出城 投降 敵人 嘅 呢 ，就 唔使 連累 家族 受罪 。
而家 將軍 圍城 已經 九十 幾日 喇 ， 乞求 將軍 再 寬容 幾日 添 ， 噉 我 哋 主將 就 率領 全城 嘅 軍民 出 城 投降 㗎 喇 。
而家 將 全城 嘅 戶口冊 呈上 畀 將軍 先 。
吖 係 合情理 喎 。
諸葛恪 信晒 ，就 命令 收兵 停止 攻城 。
哈哈 ，噉就 上大當 喇 ！
原來 張特 係 用 援兵 之 計 啊 ，呃 諸葛恪 收咗 兵 先 ，就 喇喇聲 出動 全城 軍民 ，拆 咗 城內 一啲 房屋 ，將 城牆 破壞 嘅 地方 呀 修理 返好 。
呢一日 ，張特行 上 城樓 大聲 噉 鬧 啊 ：
你哋 吳狗 聽住 ，我 城內 仲 有 半年 嘅 糧食 啊 ，點肯 投降 你哋 吳狗 吖 ！同 你 點 打 都 無妨 啊 ！
嘩激死諸葛恪咯 ，佢 立即 指揮 兵馬 攻城 。
城上 亂箭 射落嚟 。
諸葛 恪 嘅 額頭 上面 中 咗 一箭 ， 成個 𢴈 咗 落馬 ， 噉 大家 救 咗 佢 回 營 啦 。
箭傷 又 發炎 噃 。
當時 天氣 炎熱 ，好多 兵士 都 病咗 ，全軍 嘅 士氣 低落 都 唔想 打 喇 。
過咗 一排 ，諸葛恪 嘅 箭 傷 好返啲 嘞 ，又 要 催促 兵馬 攻城 嘞 喎 。
噉啊究竟 呢場仗 勝敗 如何 呢 ？就且 聽 下回 分解 。
