話說 公孫淵 啊 ，佢 第一次 就 派咗 兩個 官員 去 見 司馬懿 ，請求 投降 ，就 畀 司馬懿 殺咗 吖 。
跟住 公孫淵 呀 又 派 個 大臣 ，叫做 衛演 ，去 魏軍 營寨 就 再次 請求 投降 。
當時 司馬懿 喺 中軍 帳 高高在上 噉 坐正 喺 處 。
眾將官 喺 兩便 排好 隊 ，企得 齊齊整整 。
嗰種 威嚴法 呀 膽小啲 嘅 見到 都 會 嚇到 腳軟 喇 。
衛演 呢 遠遠 就 跪低 用 膝頭 哥 跪住 噉 行 入去 。
佢 向 司馬懿 稟告 話 ：請 太尉 暫息 雷霆 之 怒 。
立即 就 送 世子 公孫修 嚟 到 做人質 先 ，然後 ，我哋 君臣 就 自己 綁住 嚟 投降 太尉 㗎 喇 。
哼 ！軍事上 ，最主要 嘅 有 五點 ：
能打就打 ，唔能夠打就守 ，唔能夠守就走 ，唔能夠走就投降 ，唔能夠投降 ，就死 ！
何必 送 個 仔 嚟 做人質 啊 ！
我唔殺你 ，你 返去 講畀 公孫淵 聽 啦 。
人 嚟 ！將 佢 趕 出去 ！
走 ！
衛演 抱頭鼠竄 一撲一碌噉 趯返去 ，講畀 公孫淵 聽話 唔得掂 啊噉 。
公孫淵 就 驚到 及及震 啊 ，就 同 個 仔 靜靜 商量 好 ，挑選咗 一千 人馬 喺 當晚 二更 時分 啊 ，開咗 南門 就 向住 東南方 偷走 。
好嘢喎 ，冇人 知覺 噃 。
公孫淵 個 心 偷笑 喇 ，點 知道 行 咗 唔到 十里 遠 ，忽然間 聽見 山 上面 轟噉 一 聲 炮 響 。
跟住 就 沊沊沊沊沊沊 ，咕咕咕 ，鼓角 齊鳴 ，一支 兵馬 殺出嚟 攔住 去路 。
當中 就係 司馬懿 啊 ，左 有 司馬師 ，右 有 司馬昭 。
佢 兩個 大聲 噉 喝 ：反賊 咪 走 ！
嘩 ！弊咯弊咯 ，公孫淵 一撥 馬頭 想 搵 埞 趯 。
仲點 走得甩 吖 ，胡遵 嘅 兵馬 早就 嚟到喇 。
左 有 夏侯霸 、夏侯威 ，右 有 張虎 、樂綝 ，四便 都 圍到 鐵桶 咁 實 。
就算 你 公孫淵 變 隻 雀仔 都 飛唔出去 喇 。
噉 公孫淵 兩 父子 啊 ，就 唯有 落馬 投降 嘞 。
司馬懿 騎 喺 馬 上 ，對 佢 嗰班 將官 話 ：
前幾晚 ，我 見到 一粒 大星 落 喺 呢處 ，今晚 呀 ，應驗晒喇 ！
係 ， 係 ， 太尉 真 係 神機妙算 啊 ！ 眾 將官 就 異口同聲 ， 祝賀 司馬懿 嘞 。
司馬懿 下令 ，斬咗 公孫淵 父子 。
哎佢 父子 兩人 呀 ，打 對面 跪 響處 受刑 。
跟住呢 ，司馬懿 帶領 大軍 去 襄平 。
噉啊佢 都 未到 唧 ，胡遵 嘅 軍隊 早 就 入咗 城 喇 。
當時 城 裏 便 嗰啲 黎民百姓 ，都 焚起 香 ，跪 喺 路邊 迎接 佢哋 入 城 。
入咗 城 喇 ，司馬懿 去到 衙門 ，坐喺 大堂 ，下令 將 公孫淵 宗族 ，與及 同謀 嘅 官員 等等 啊 全部 處斬 ，總共 殺咗 七十幾 人 啦 。
然後 呢 就 出榜 安民 。
收尾 有人 講畀 司馬懿 聽 ，話 當初 賈范 同倫 直 啊 ，都係 苦苦 勸諫 公孫淵 唔好 作反 ，都 畀 公孫淵 殺咗 喇 噉 。
司馬懿 就 下令 為 佢哋 修建 墳墓 ，同時 封贈 佢哋 嘅 子孫 。
司馬懿 又 下令 將 倉庫 裏 便 嘅 財物 ，攞晒 出嚟 賞賜 慰勞 三軍 ，然後 就 班師 返去 洛陽 喇 。
正所謂 光陰 似箭 日月 如梭 ，轉眼間 ，又 過咗 好幾年 喇 。
有一晚 ，正係 三更時分 ，魏主 曹睿 又 喺 皇宮 裏 便 仲 未曾 瞓 。
忽然間 ，呼 ，一浸 陰風 ，吹到 眼燈 都 熄咗 。
咦呀 ！曹睿 只見 毛皇后 帶住 幾十個 宮女 太監 ，一字 喊 一字 行埋身 跟 要 曹睿 償命 噃 。
嚇咗一嚇 ，曹睿 從此 得咗病 。
過咗 一排 呢 ，啲 病 啊 非止 唔見好 啊 ，仲 越嚟越 重 添 。
於是 曹睿 呢 ，就 任命 侍中 光祿大夫 劉放 、孫資 呢 兩個 大臣 ，掌管 樞密院 啊 一切 事務 。
又 宣召 燕王 曹宇 嚟 ，要 封 佢 做 大將軍 ，輔助 太子 曹芳 攝政 。
呢個 燕王 曹宇 啊 ，乃係 文帝 即係 曹丕 嘅 仔 。
點知 曹宇 呢 個 人 呢 ， 又 溫和 恭儉 ， 唔 肯 擔當 呢 個 咁 重 嘅 責任 ， 堅決 推辭 就 唔 接受 任命 。
噉冇辦法啦 ，曹睿 就 搵 劉放 同 孫資 嚟 問 佢哋 話 ：
喺 朕 嘅 宗族 之 內 ，邊個 可以 任用 呢吓 ？
佢 呢 兩個 人 啊 一向 都 深受 曹 真 嘅 恩惠 嘅 ， 噉 就 保奏 話 喇 ：
陛下 ，睇嚟 唯有 曹子丹 嘅 仔 曹爽 可以 擔得起 啊 。
嗯 ，好啦 。
誒 ，陛下 ，若果 用 曹爽 做 大將軍 ，噉 就要 燕王 離開 京師 返 去 佢 自己 嘅 王國 好 咯 。
曹睿 一 諗 冇 錯 ，同意 喇 。
噉劉放 、孫資 就 請 曹睿 寫 一 封 詔書 ，然後 帶住 去 見 燕王 話 ：
有天子 親手 寫 嘅 詔書 ，命令 燕王 返國 ，限 即日起 行 。
以後 ，若果 冇 天子 命令 不許 入朝 。
唉 燕王 就 流住 眼淚 離開 京師 許昌 就 返 扯 。
於是 曹睿 呢 ，就 封 曹爽 做 大將軍 ，整個 朝政 就 由 佢 總管 嘞 。
又過 咗 一段 時候 ， 曹 睿 嘅 病情 漸漸 漸漸 危急 ， 就 派 咗 一名 特使 揸 住節 ， 去 召 司馬懿 回朝 。
司馬懿 一 接到 聖旨 就 喇喇聲 趕返去 許昌 ，入宮 去 見 曹睿 。
曹睿 話 喇 ：啊 ，朕 就係 怕 見唔到 愛卿 啊 ，而家 見到 面 咯 ，朕 死 而 無 恨 咯 。
陛下 ，臣 喺 路途 之 上 ，聽聞 陛下 龍體 不安 ，恨不得 生出 對翼 ，立即 飛到 皇宮 。
今日 ，能夠 見到 龍顏 ，係 臣 ，嘅 榮幸 啊 。
跟住 曹睿 就 宣召 太子 曹芳 ，大將軍 曹爽 ，侍中 劉放 、孫資 等 人 就 嚟到 佢 嘅 龍床 前 便 。
曹睿 揸住 司馬懿 隻 手 話 喇 ：
往日呀 ，劉玄德 喺 白帝城 ，病危 嘅 時候 ，將 佢 嗰個 未成年 嘅 仔 劉禪 ，託孤 於 諸葛孔明 。
噉孔明呢 ，因此而竭盡忠誠 ，至死方休 。
啊 一個 偏邦 小國 尚且 如此 ，何況 我哋 泱泱 大國 呢 ？
朕嘅仔 曹芳 ，今年 先至 八歲 ，佢 仲冇 能力 掌管 國家 社稷 。
希望 ，太尉 你 ，與及 宗兄 ，各位 元勛 舊臣 ，竭力 輔助 佢 。
唔好 辜負 朕 ，一片 期望 之 心啊 。
啊 ，誒 阿芳 ，你 嚟 ，你 嚟 。
仲達 同 朕 ，係 親如一體 ，你 以後 ，要 敬重 佢 啊 。
曹睿 就 叫 司馬懿 拖 曹芳 行 近埋 去 。
哈曹芳 就 攬實 司馬懿 條 頸 唔肯 鬆手 喎 。
曹睿 就 話 喇 ：太尉 啊 ，你 唔好 忘記 細佬哥 ，今日 相戀 之 情 啊 吓 。
講完 ，啲 眼淚 成串成串 咁 流 。
司馬懿 跪 喺 處 流住 眼淚 咁 叩頭 啊 。
曹睿 呢陣時 已經 開始 昏迷 ，唔會 講嘢 嘞 ，淨係 識得 用 隻 手指 下 太子 ，過咗 一陣 就 斷氣 。
曹睿 總共 在位 十三年 ，死嘅 時候 係 三十六歲 。
當時 係 魏國 景 初 三年 ，即係 公元 二 三 九 年 ，正月 下旬 。
曹睿 死咗嘞 ，噉 司馬懿 同 曹爽 呢 ，就 扶持 太子 曹芳 登上 皇帝 位 。
呢個 曹芳 ，別字 蘭卿 ，佢 唔係 曹睿 嘅 親生仔 嚟喎 ，不過 係 好 秘密 噉 攞返嚟 皇宮 養大 嘅 啫 ，噉啊 冇人 知道 佢 嘅 來歷 嘅 。
曹芳 做咗 皇帝 ，就 尊稱 曹睿 為 明帝 ，安葬 喺 高平陵 ；
尊稱 郭王 後 為 皇太后 ；
年號 呢 就 改為 正始 元年 。
呢啲 就 唔囉嗦 咁多 喇 。
司馬懿 同 曹爽 一齊 輔助 曹芳 執政 吖 。
曹爽 對 司馬懿 就 十分 恭敬 謹慎 嘅 ，一切 大事 啊 ，事事 都 必定 先 向 司馬懿 報告 個 噃 。
曹爽 就 字 昭伯 ，佢 自細 就 喺 皇宮 出入 。
曹睿 見 曹爽 為人 謹慎 所以 係 非常 之 喜愛 佢 嘅 。
曹爽嘅 門下 ，有 五百 名 賓客 。
其中 有 五個 人 ，都 係 華而不實 嘅 人 咯 ：
一個 係 何晏 ；
一個 係 鄧颺 ；
一個 係 李勝 ；
一個 係 丁謐 ；
仲有 一個 係 畢軌 。
另外 仲有 一個 叫做 桓範 啊 ，官職 係 大司農 。
桓範誒 頗 有 智謀 嘅 ，好多人 都 叫佢 做 智囊 。
噉呢幾個人呢 ，都係 好得到 曹爽 信任 㗎 。
有一日 ，何晏 就 對 曹爽 話 ：
主公呀 ，你嘅 大權呀 ，唔好 分畀 別人 啊 ，否則 ，恐怕 有 後患 嘅 。
曹爽 就 話 啦 ：
不過 噉 噃 ，司馬公 係 同 我 一齊 接受 先帝 託孤 嘅 命令 ，將 佢 擗 埋 一 便 ，怕 唔 多 好 喎 。
嘿嘿嘿嘿嘿嘿嘿 ，往日 ，主公 嘅 先君 同 仲達 一齊 去 攻打 蜀兵 嘅 時候 ，受盡 此人 嘅 氣 啊 ，因此 激到 死咗 。
嘿嘿 ，主公 ，乜 你 噉 都 唔明白 㗎 ？
嘩何晏呢個傢伙吖 ，攞返 往日 曹爽 個 老豆 曹真 ，同 司馬懿 之間 嘅 一啲 不和 嚟到 挑撥 曹爽 。
曹爽 受落晒 ，即刻 就 搵埋 一班 大臣 商量 妥當 。
嗰日 就 上朝 稟奏 魏主 曹芳 話 喇 ：
啟稟陛下 ，司馬懿 功高德重 ，應該 升任為 太傅 啊 。
曹芳 係 個 細佬哥 ，識 咩嘢 吖 ，升唔係升咯 。
即噉樣 一嚟啊 ，從此之後 兵權 就 全部 落喺 曹爽 嘅 手上 。
曹爽 又 任命 佢 個 細佬 曹羲 做 中領軍 ，曹訓 做 武衛將軍 ，曹彥 做 散騎常侍 ，各人 率領 三千 名 御林軍 就 可以 任意 出入 禁宮 嘅 。
同時 呢 ， 又 任用 何晏 、 鄧颺 、 丁謐 做 尚書 ， 畢軌 做 司隸校 尉 ， 李勝 做 河南 尹 。
噉呢 五個 人 呢 ，就 日日夜夜 都 同埋 曹爽 一齊 㗎 喇 。
而 曹爽 有 咩嘢 事 啊 ，都 搵 佢哋 嚟 商量 嘅 。
曹爽啊攬晒大權 ，噉 佢 門下 嘅 賓客 當然 係 一日 多過 一日 定啦 。
噉 司馬懿 又 點 呢 ？
司馬懿 心知肚明 啊 ，話 升 自己 嘅 官職 喎 ，實際上 係 削 自己 嘅 兵權 啫 。
好吖 ，於是 就 以 病 為 藉口 ，根本 唔 出嚟 理事 。
噉佢 兩個 仔 司馬師 、司馬昭 呢 ，乾脆 退咗 職 ，閒居 在家 。
曹爽 就 唔同 咯 ，佢 每日 都 同埋 何晏 一班人 飲酒 作樂 。
但凡 佢 用 嘅 衣服 啊 器皿 啊 ， 都 係 同 皇帝 冇 乜 兩樣 嘅 。
各地 進貢 畀 朝廷 嘅 珍貴 禮物 呢 ，曹爽 飲 頭 淡湯 ，都係 將 最上等 嘅 執 起嚟 自己 要咗 先 。
剩落嚟嘅 ，然後 先至 送入 皇宮 。
美女 佳人 就 充滿 府院 。
有個 黃門官 就 叫做 張當 ，就 搏命 咁 托 曹爽 大腳 嘅 。
哈呢個嘢竟然 私自 挑選 咗 七八個 先帝 曹睿 嘅 侍妾 ，送咗 畀 曹爽 喎 呢件事 離譜 喇 。
曹爽啊 選咗 能歌善舞 嘅 良家 女子 三四十 人 ，作為 佢 嘅 家樂 。
所謂 家樂 啊 ，用 而家 個 說話 嚟 講呢 即係 家庭 歌舞團 啊 。
佢 仲 大興土木 ，起 好多 高樓 畫閣 ，製造 金銀器皿 。
有 成 幾百名 巧手 嘅 工匠 ，為 咗 佢 嘅 享受 呀 ，日夜 不停 噉 工作 。
而家 講下 何晏 呢個 傢伙 ，佢 又 聽聞 管輅 深明 易理 ，好識 睇相 算命 ，就 請 佢 嚟 傾下 ，占下 卦 嘞喎 。
嗱 各位 ，大家 記得啦 ，管輅 喺 好多 年 前 呢 就 曾經 同 曹操 睇過 相 ，占過 卦 就 好 靈 嘅 。
噉 管 輅 嚟 到 嘅 時候 啊 ， 鄧颺 亦 都 在座 ， 鄧颺 就 問喇 ：
先生 自稱 深明 易經 嘅 道理 ， 但 係 聽 你 講起 話 嚟 ， 都 冇 見 你 引用 易經 裏 便 嘅 說話 㗎 噃 ， 點解 呢 ？
管輅話 ：深明 易經 道理 嘅 人 ，就 唔 講 易經 嘅 喇 。
哈何晏呀 大讚 管輅 好嘢 ，話 佢 講得透徹 ，認真 到家 。
噉啊佢同管輅話喇 ：
先生 ，你 同 我 ，占 支卦 ，啊 ，睇下 我 嘅 官職 做 唔 做得到 三公 呢 ？誒 ，嘿嘿 ，嘿嘿嘿嘿 ，啊 ，啊 。
係喇 ，誒 ，我 連氣 幾次 啊 ，都 發夢 有 幾十隻 烏蠅 ，嚟 摟 我 個 鼻哥 嘅 ，嘿嘿誒 ，係 乜嘢 兆頭 呢 嚱 ？
大人 ，古時候 嗰 啲 有 才 有 德 嘅 大臣 輔助 天子 ，都 係 因為 佢 自己 和 惠 謙恭 ，所以 非常 幸福 。
而家 大人 嘅 地位 尊貴 ，勢力 又 大 ， 但 係 畏懼 大人 嘅 威嚴 嘅 人 呢 就 多 ，感激 大人 恩德 嘅 人 就 少 。
噉樣呢 ，就 絕非 小心 求福 之道 咯 。
而且 個 鼻 啊 ，係 山 也 ；山高 而 不 危 ，噉 先至 能夠 長久 富貴 吖 。
而家 啲 烏蠅 係 因為 聞到 啲 臭味 所以 摟埋嚟 噃 。
地位 高 而 唔穩陣 ，唔好 話 唔得 人 怕 啊 。
希望 大人 以後 多啲 接受 別人 嘅 意見 ，以 補助 自己 嘅 不足 。
唔合乎禮法嘅事 ，就 掂 都 唔好 掂 。
噉樣呢 ，三公 嘅 職位 就 可以 做到 ，烏蠅 亦 可以 趕走 嘞 。
鄧颺 聽咗 唔 高興 ，嬲喇 ，佢 話 ：正一 老生常談 ！
老生者 見 不生 ，常談者 見 不談 啊 。
管輅 噏咗 一句 衫袖 一拂 走咗 嘞 。
何晏 同 鄧颺 兩個 呀 ，笑到 咔咔聲 啊 ：
嘻嘻嘻嘻哈 ，哈哈哈哈哎呀 ，呢個人呀 真係 癲㗎 癲㗎 ！哈哈哈哈哈哈 。
管輅 返到 屋企 ，將 先頭 同 何晏 佢哋 睇相 嘅 事 ，講畀 佢 舅父 聽 ，嚇到 佢 舅父 乜嘢 噉 ：
哎呀 ！何 、鄧 兩個人 ，而家 架勢 到 咁 交關 ，你 為乜嘢事 要 得罪 佢哋 啊 ，吓 ？
舅父 ，我 同 兩個 死人 講嘢 啫 ，有 乜 好 怕 ？
啊 ？死人 ？你 噉 講 係 咩 嘢 意思 啊 ？
舅父 ，鄧颺 此人 行起 路 嚟 筋 不束 骨 ，脈 不制 肉 ，成 個人 好似 散 咗 噉 嘅 ；企 喺 處 呢 ，企都 企 唔 定 ，十足 冇 手 冇 腳 噉 ：佢 呢 個 相 乃 係 鬼 躁 之 相 。
而何晏呢 ，魂不守舍 血無血色 ，精神浮躁 ，容顏乾枯 ：乃係 個 鬼幽之相 。
佢 呢 兩個 人 ，好快 就 有 殺身之禍 㗎 喇 使乜 怕 佢哋 唧 。
哎 你呀 ，正 癲佬 啊 ！
舅舅 就 將 管輅 大鬧 一餐 就 走咗 喇 。
時間 過得 好快 ，曹芳 登位 做 皇帝 就 不經不覺 已經 十年 嘞 。
到咗 正始 十年 ，曹芳 又 將 個 年號 改為 嘉平 元年 ，即係 公元 二四九 年 。
呢咁多年嚟啊 ，一向 都係 曹爽 專政 。
曹爽 就 好 鍾 意 同埋 何晏 啊 、 鄧颺 啊 佢 哋 呢 班 人 出去 打獵 ， 佢 細佬 曹羲 就 勸 佢 話 喇 ：
兄長 你 威權 咁 重 ，又 好 出去 打獵 ，萬一 畀 人 暗算 就 悔之不及 㗎喇 。
曹爽 就 鬧 佢 喇 ：哼 ！我 兵權 在手 ，何懼之有 吖 ！
大司農 桓范 亦都 勸過 曹爽 ，吖佢 硬係 唔聽 。
曹爽 好耐冇去 理過 司馬懿 ，就 唔知道 司馬懿嘅 近況 ，亦 唔知 佢 嘅 虛實 。
咁啱 魏主 曹芳 呢 又 委任 李勝 做 荊州 刺史 。
李勝 係 曹爽 最 信任 嗰 幾個 人 中 嘅 一個 吖嘛 。
所以就叫 李勝 去 搵 司馬懿 辭行 ，順便 探聽 下 消息 虛實
李勝啊 直情 去到 司馬懿 嘅 公館 。
守門官 就 立刻 入去 報告 啦 。
司馬懿 聽見 話 李勝 嚟 辭行 唄 ，就 同 佢 兩個 仔 話喇 ：
哼 ！曹爽 使佢嚟 ，係 想 探聽 我 係 真病 定 假病 啊 。
於是 司馬懿 除咗 頂帽 ，打散 頭髮 ，喺 張 床 上 便 冚住 張 被 坐 響度 。
旁邊 呢 ，仲要 兩個 婢女 扶住 。
噉 搞掂晒 喇 ，然後 先至 吩咐 請 李勝 入嚟 。
李勝 一直 嚟到 床前 叩頭 行禮 佢 話 ：
一直冇見太傅 ，想唔到 病得 咁緊要 。
而家 天子 任命 下官 為 荊州 刺史 ，特意 前嚟 向 太傅 辭行 啊 。
司馬懿 詐作 聽唔真 ：哦 ，哦哦 ，誒 ，並州 誒 近住 北方 啊 ，誒 ，誒好好地 準備啲 衣服 行裝 ，啊 ，啊嗰度 好冷 㗎 。
係 荊州 刺史 啫 ，唔係 並州 啊 太傅 。
吓 ？哦 ，哦哦哈哈哈哈哈哈 ，啊 你 ，誒 ，喺 ，啱啱 喺 並州 嚟 咩 ？
唔係 ，漢 上 荊州 啊 。
哦哦哦 ！哈哈哈哈哈 ，哦誒 你 喺 荊州 嚟 啊 哈哈哈哈 。
哎呀 乜 太傅 病 成 噉樣 啊 。
左右啲侍從 就 同 李勝 話 喇 ：太傅 耳聾 啊 。
哦 ，唔該 攞 紙筆 畀 我 啦 。
侍從 攞咗 紙筆 嚟 ，李勝 就 將 說話 寫 喺 張 紙 處 ，呈畀 司馬懿 睇 。
司馬懿 睇咗 就 笑喇 ：哦 哈哈哈哈哈哈哈 ，哎呀 ，誒 我 病到 呀 耳 都 聾咗 咯 。
啊 ，呢次 出門 誒 一路 保重 啊 ，誒 保重 啊 。
講完 ，用 隻 手指 下個 口 ，婢女 就 攞 湯 嚟 捧住 畀 司馬懿 飲 嘞 喎 。
司馬懿 哄 個 嘴 埋 去 飲 ，飲到 滴滴哚哚 ，成 封 衣襟 都 畀 啲 湯 整 濕 晒 。
誒 ， 誒 ， 哎 ， 誒 我 又 老 ， 又 病 得 厲害 ， 唔 使 幾耐 ， 誒 就 死 㗎 喇 。
兩個 仔 唔 中用 ，希望 先生 教 下 佢哋 吖 ，啊 。
誒 ， 誒 ， 誒 先生 見到 曹 大將軍 ， 誒 請 佢 ， 千祈 誒 照顧 我 兩個 仔至 好 啊 ， 啊 ， 誒 ， 哎 。
講完 ，司馬懿 就 瞓 喺 床 上 猛 咁 喘氣 ，聲 都 啞埋 。
李勝 辭別 咗 司馬懿 返去 見 曹爽 ，一五一十 將 司馬懿 嘅 病情 就 講畀 曹爽 知 。
曹爽 聽到 就 歡喜 到 加 零 一 佢 話 ：呢個 老嘢 如果 死咗 啊 ，我 就 唔使 憂 喇 ！
司馬懿 見 李勝 扯咗 ，就 起身 同 佢 兩個 仔 話 ：
李勝 呢次 返去 報告咗 消息 ，曹爽 就 實唔會 再 顧忌 我 㗎 喇 。
好 ！等佢 出城 打獵 嗰陣 就 炮製佢 ！
過咗無耐 ，有一日 曹爽 就 請 魏主 曹芳 ，去 拜謁 高平陵 ，祭祀 先帝 。
當日 ，大小 官員 都 跟住 御駕 出城 啦 。
曹爽 同埋 三個 細佬 ，與 及 心腹人 何晏 等等 啊 帶住 御林軍 護駕 ，一路 行去 嘞喎 。
大司農桓范 就 攔住 馬頭 勸 曹爽 話 ：
主公 統率 禁兵 ，唔好 幾 兄弟 都 一齊 出城 啊 ，萬一 城內 有 乜嘢 變故 ，如之奈何 啊 ？
邊個 敢 作反 啊 ，以後 唔好 亂噏 啊 ！
曹爽 喝走咗 桓范 啊 一於 照去 。
而家 講下 司馬懿 ， 當日 佢 見到 曹爽 出 城 ， 啱 晒 喇 ， 立即 去 到 省 中 ， 即 係 皇宮 禁地 啊 ， 任命 司徒 高柔 ， 執行 大將軍 職務 ， 又 將節 鉞 交 畀 佢 表示 加重 佢 嘅 權力 ， 叫 佢 先 去 佔領 曹 爽 嘅 兵營 ；
又 任命 太僕 王觀 ，執行 中 領軍 職務 ，佔領 曹羲 嘅 兵營 。
跟 住 司馬懿 帶領 住 一班 老 臣子 ，入去 後宮 稟奏 郭太后 。
話 曹爽 已經 辜負 咗 先帝 對 佢 託孤 嘅 恩德 ， 奸邪 亂國 ， 按照 佢 嘅 罪行 ， 就 應當 撤職 噉 。
郭太后 好慌啊 ，佢 話 ：天子 出咗 外 噃 ，噉 點算 呢 ？
臣 已經 有 表章 稟奏 天子 ，亦都 安排好 殺奸臣 嘅 計劃 ，太后 唔使 憂心 嘅 。
郭太后 怕晒 司馬懿 啊 唯有 岌頭 係 啦 。
於是 司馬懿 急忙 吩咐 太尉 蔣濟 、尚書令 司馬孚 ，一齊 嚟 寫好 份 表章 ，就 派 個 黃門官 帶住 出城 ，直接 向 皇帝 稟奏 。
司馬懿 自己 親自 率領 一支 大軍 ，佔領住 武器 倉庫 。
司馬懿 嘅 行動 啊 已經 有人 去 報告 曹爽 屋企 。
曹爽 個 老婆 劉氏 啊 ，急忙 出嚟 大廳 ，叫 嗰個 守府官 嚟 問 佢 ：
而家 主公 出咗 去 ，仲 達 起兵 係 乜嘢 意思 呢 ？
有個 守門將官 叫做 潘舉 佢 話 ：夫人 唔使 驚嘅 ，等 小將 去 睇下 啦 。
於是 潘舉 帶住 幾十名 弓箭手 ，上去 門樓 上面 監視住 。
佢 見到 司馬懿 帶住 人馬 正 話 要 經過 屋前 便 ，即刻 就 下令 亂箭 射落去 ，就 封鎖住 條 路 ，噉 啊 司馬懿 唔 過得 噃 。
偏將 孫謙 喺 後 便 就 大聲 噉 叫 ：太傅 係 為咗 國家 大事 ，唔好 射箭 喇 ！
噉啊 連氣 制止咗 三次 啊 ，潘舉 噉 先至 下令 唔好 射 。
司馬昭喇喇聲 ，保護住 父親 司馬懿 通過咗 曹府 門前 ，帶兵 出城 ，駐扎 喺 洛河 岸邊 就 守住 道 浮橋 。
嗱 各位 ，究竟 司馬懿 發動 政變 能否 成功 呢 ？就且 聽 下回 分解 喇 。
