孔明 寫完 遺表 之後 啊 ，佢 又 囑咐 楊儀 話 喇 ：我 死咗 之後 啊 ，唔好 發喪 ，做 一個 大龕 。
將 我 嘅 屍體 ，放 喺 個 龕 裏 便 ，坐好 。
將 七粒米 ，放喺 我 嘅 口 裏頭 ，腳下 呢 ，點 一眼 明燈 。
軍隊 裏 便 ，務必要 安靜 如常 ，千祈 唔好 舉哀 ，唔好 哭喪 。
噉樣呢 ，將星 ，就唔會 跌嘞 。
同時 ，我 嘅 陰魂 ，亦 會 震住 佢 嘅 。
司馬懿 ，見到 將星 ，仲 喺 天上 ，冇 跌落嚟 ，佢 就 必定 好 驚懷 嘅 。
我軍 撤退 嘅 時候 ，應該 要 ，後寨 行先 ，然後 ，逐營 、逐營噉 ，慢慢 撤退 啦 。
如果 司馬懿 嚟 追 呢 ，你 就 要 ，指揮 軍隊 ，回過頭嚟 ，佈成 陣勢 。
等佢 追到嚟 喇 ，就 將 我 ，預先 用 木頭 ，雕刻好嘅 人像 ，安喺 架 車 上 ，推出去 陣前 。
同時 ，叫 大小將士 ，分列 喺 左右 。
司馬懿 一 見到 呢 ，實 嚇走 佢 嘅 。
楊儀 逐一逐兒 記住 孔明 嘅 祝福
當晚 ，孔明 叫 人 扶住 佢 ，行 出去 帳外 。
佢 擔 高頭 ，睇住 北斗星 ，然後 指住 遠遠 一粒 星 話 ：
呢一粒 ，就係 我嘅 將星 喇 。
大家 跟住 佢 手指 望過去 ，見到 嗰粒 星 呢 ，顏色 昏暗 ，搖搖欲墜 噉 。
孔明 叫人 攞咗 把 劍 嚟 ，揸住 ，用 劍 指住 嗰粒 星 ，念咗 陣 咒語 。
念完咒 就 返 入 中軍帳 ，一 返到 入去 已經 不省人事 。
大家 慌 到 手忙腳亂 。
喺 呢個 時候 ，尚書 李福 神色 匆匆 噉 ，又 試 趕 返嚟 。
佢 見到 孔明 暈咗 呀 都 唔會 講 說話 喇 ，即刻 就 喊起 上嚟 話 ：哎呀 ，我 誤咗 國家 大事 咯 誤咗 國家 大事 咯 ！
過咗一陣 ，孔明 醒返嘞 ，擘開眼 四圍 咁 望 ，見到 李福 企 喺 床前 便 。
孔明 就 話 ： 誒 ， 誒 ， 我 ， 已經 知道 ， 李公 你 返 嚟 嘅 意思 喇 。
真係 對唔住 丞相 ，下官 奉咗 皇上 嘅 命令 ，問 丞相 百年 歸老 之後 ，邊個 可以 繼任 丞相 嘅 職務 ？
先頭 因為 過於 匆忙 ，一下 唔記得 問 啊 ，故此 又 返嚟 啫 。
我 死咗 之後 ，可以 繼任 丞相 嘅 呢 ，誒 就係 ，蔣琬 喇 。
噉 蔣琬 之後 ，邊個 可以 繼任 吖 ？
誒 ，費禕 ，可以 繼任 嘅 。
費禕 之後 ，又 邊個 繼任 啊 ？吓 ，丞相 。
孔明 冇 回答 。
丞相 ，邊個 啊 ？
丞相 ！ 丞相 ！
大家 行近嚟 睇下 ，孔明 已經 氣絕 喇 。
當時 ，係 建興 十二 年 ，即係 公元 二 三 四 年 ，秋天 ，八月 二十三 日 ，享年 五十四 歲 。
後嚟 大詩人 元微之 寫咗 首詩 紀念 孔明 ，首詩 係 噉嘅 ：
撥亂扶危主 ，殷勤受託孤 。英才過管樂 ，妙策勝孫吳 。凜凜出師表 ，堂堂八陣圖 。如公全盛德 ，應嘆古今無 ！
當天 晚上 ，天 愁 地 慘 ，月色 無光 ，孔明 氣絕 歸天 嘞 。
姜維 、楊儀 佢哋 遵照 孔明 生前 嘅 命令 ，唔 舉哀 亦 唔 發喪 。
依照 孔明 吩咐 落 嘅 辦法 ， 將 遺體 斂 好 ， 安置 喺 個 龕 裏 便 ， 派 咗 心腹 將士 三百 人 嚟 守衛 。
跟住 就 發佈 秘密 命令 ，派 魏延 斷後 。
各處 營寨 就 按照 次序 逐個 撤退 。
而家 講下 司馬懿 ，呢一晚 ，佢 觀察 天文 ，見到 有粒 好大 嘅 星 ，赤色 ，光芒 有角 嘅 ，由 東北方 就 向住 西南方 飛咗 落去 ，跌 喺 蜀軍 營寨 嗰度 。
落咗 三次 又 起返 ，隱隱約約 有 聲 嘅 。
哦司馬懿又驚又喜啊 ：孔明死咗喇 ！立即下令 ，出動大兵進攻 。
軍隊 剛剛 出咗 寨門 ，司馬懿 突然間 諗起 ：嗯 ！孔明 此人 ，好 識得 六丁六甲 嘅 法術 。
佢 見 我 咁耐 唔出戰 ，唔通 佢 出術 詐死 ，嚟 氹 我 出擊 ？
我 而家 去 追 佢 ，實中 佢 計 嘅 ，咪喇 ！
司馬懿噉樣一諗 ，就勒轉馬頭 收兵回營 ，淨係派咗 夏侯霸 就帶 幾十個 馬軍 ，靜靜 去 五丈原 探聽下 消息 。
話分 兩頭 ， 而家 講下 魏延 啊 ， 嗰 晚 佢 就 發 咗 個 夢 ， 夢見 自己 頭上 突然 間生 咗 兩隻 角出 嚟 噃， 瞓 醒 之後 個心 覺得 好 稀奇 喇 。
第日 ，行軍司馬 趙直 嚟到 魏延 嘅 營寨 。
魏延 就 請 佢 入去 坐落 ，問 佢 ：我 一向 都 知道 足下 深明 易理 ，好 識 占卦 。
有件事 想 請教 下 ， 昨晚 ， 昨晚 我 發夢 個頭 ， 生 咗 兩隻 角 ， 唔 知 呢 個 夢 預兆 係 吉 係 凶 呢 ？
勞煩 足下 同 我 詳一詳 個 夢 呢 。
哦 ，頭生角 係嘛 ？
誒 ，嗯 ，嗯 ，啊 ，呢個 係 大吉大利 嘅 兆頭 嚟 噃 ，嗱 ，麒麟 嘅 頭 上 有 角 吖 ，龍 嘅 頭 上 亦 有 角 㗎 。
呢個 ，乃係 飛黃騰達 嘅 跡象 嚟啊 魏將軍 。
飛黃騰達 ？ 飛黃騰達 ？
哈哈哈哈哈哈 ，如果 趙公 你 嘅 說話 應驗咗 ，我 就 要 重重噉 答謝 你 啊 。
又傾咗 一陣 偈 ，趙直 就 告辭 走嘞 。
佢 行咗 冇 幾 遠 唧 ，就 遇到 尚書 費禕 。
費禕 問 佢 去 邊處 嚟 啊噉 ，趙直 話 喇 ：
啱啱 去過 魏延 嘅 營寨 嚟 ，佢 發夢 自己 頭上 生咗 兩隻 角 ，問 我 噉 嘅 夢 係 預兆 吉 呢 定 凶 呢 噉 。
呢 個 夢 呀 ， 本來 ， 唔 係 吉兆 嚟 啊 ， 但 係 我 又 怕 照直 講 ， 佢 又 會 嬲 我 啊 ， 因此 我 就 用 麒麟 啊 、 龍 啊 噉 嚟 解 畀 佢 聽 咯 。
費禕 就 問 喇 ：足下 點 知道 唔係 吉兆 呢 ？
唉 ， 角字 呢 個 字形 啊 ， 係 刀 字頭 下 便 一個 用字 吖 嘛 ， 頭上 用刀 就 真 係 凶到極 啊 。
啊 ，足下 你 千祈 唔好 同人哋 講 啊吓 。
噉就梗係啦 。趙直 講完 就 走嘞 。
費禕 跟住 行去 魏延 嘅 營寨 ，叫 左右 啲 人 行開 ，佢 話 ：
魏將軍 ，昨晚 三更 ，丞相 已經 去世 喇 。
吓 ？哦 ！
丞相 臨終 嘅 時候 再三 囑咐 ，叫 魏 將軍 你 斷後 ，抵擋住 司馬懿 。
要 我軍 慢慢噉 撤退 ，唔好 舉哀 ，唔好 發喪 。
魏將軍 ，而家 兵符 已經 帶咗嚟 喇 ，請 將軍 立即 起兵 啦 。
嗯 ，而家 係 邊個 代理 丞相 嘅 職務 啊 ？
丞相 將 一切 嘅 大事 ，全部 交晒 畀 楊儀 ，用兵 嘅 方法 都 傳授 咗 畀 姜維 。
而家 我 帶嚟嘅 兵符 ，就係 楊儀 嘅 命令 嚟 㗎 。
魏延 就 話 喇 ：丞相 雖然 死咗 唧 ，仲有 我 響處 啊 。
楊儀 不過 係 一名 長史 ， 點 能夠 擔當 呢 個 咁 重 嘅 責任 呢 ？ 要 佢 護送 靈柩 返去 西川 安葬 噉 就 啱 。
我要 親自 統率 大軍 ，進攻 司馬懿 ，務必要 成功 ！
點能夠 話 因為 冇咗 丞相 一個人 ，就 荒廢 咗 國家 大事 呢 ？
不過 魏將軍 ，丞相 臨終 嘅 時候 命令 ，要 我軍 暫時 撤退 先 ，我哋 唔能夠 違背 命令 㗎 。
哼 ！當時 呀 ，丞相 如果 肯 聽 我 嘅 計策 ，奪取 咗 長安 好耐 好耐 都 得咯 ！
我 而家 官任 前 將軍 、征西 大將軍 、南鄭 侯 ，要 我 同 一名 長史 斷後 都 得 嘅 ，我 唔 做 ！
誒魏將軍 你嘅 說話 ，雖然 好有道理 ，但係 ，唔好 輕舉妄動 啊 ，噉樣 會 令 敵人 恥笑 啊 。
不如 等 我 去 見 下 楊儀 ，同 佢 講明 利害 ，叫 佢 將 兵權 讓 畀 將軍 你 ，噉 好唔好 吖 ？
好啊 ，你 快啲 去 啦 。魏延 聽 費禕 話 嘞噃 。
費禕 一 辭別 咗 魏延 ，立即 就 急急 去到 大本營 見 楊儀 ，將 魏延 先頭 嘅 說話 講晒 畀 佢 聽 。
楊儀 就 話 喇 ： 丞相 臨死 嗰 陣 ， 曾經 秘密 噉 囑咐 我話 ， 魏延 必定會 變心 嘅 噉 。
先頭 我 請 你 帶 兵符 去 啊 ，實際上 係 想 試下 佢 嘅 心 啫 。
而家 睇嚟 ，果然 應晒 丞相 嘅 說話 喇 。
唔緊要 ，我 派伯 約斷 後 就係喇 。
於是 楊儀 帶 兵 護送 孔明 嘅 靈柩 行 先 ，由 姜維 斷 後 。
就 按照 孔明 臨終 時候 嘅 命令 ，慢慢 噉 撤退 。
而家 講返 魏延 啊 ，佢 喺 營寨 猛 等 ，哈 等極 都 唔見 費禕 返嚟 回覆 嘅 呢 ，個 心 就 好 思疑 嘞 ，就 叫 馬岱 啊 ，帶住 十幾個 人 去 探聽 消息 。
馬岱 返嚟 回報 話 ：後軍 由 姜維 率領 ，前軍 已經 大半 退咗 入去 山谷 裏頭 喇 。
咩話 ？豈有此理 ！楊儀 呢個 衰公 呃 我 咁 大膽 ，我 要 殺咗 佢 ！
馬將軍 ，你 肯唔肯 幫 我 手 ？
我 一向 都 好嬲 楊儀 嘅 ，我 一定 幫助 魏將軍 你 去 攻佢 。
好 ！魏延 非常 歡喜 ，立即 拔寨 ，率領 本部 兵馬 就 向 住 南方 進發 。
話分兩頭 ，而家 講返 下 夏侯霸 ，佢 奉 司馬懿 之 命 帶兵 去到 五丈原 探聽 消息 。
去到 一睇 ，人影 都 冇 個 喇 ，就 急急 返去 報告 司馬懿 話 ：蜀兵 呀 已經 冚𠾴唥 撤退 晒 喇 。
吓 ？ 誒 ， 孔明真 係 死 咗 喇 ， 快 啲 去 追 ， 快 啲 去 追 ！
都督 唔好 自己 去 追 啊 ，派 個 偏將 去 啦 。
唔得 ，呢次 非 我 親自 去 不可 ！
司馬懿 就 帶兵 ，同 兩個 仔 一齊 殺奔 五丈原 。
去到喇 ，搖旗吶喊 ，殺入去 蜀軍 營寨 ，果然 一個人都冇 。
司馬懿 同 佢 兩個 仔 講 ：你哋 快啲 催促 人馬 趕住 嚟 ，我 帶 一支 軍隊 去 先 ！
孩兒 得令 ！於是 司馬師 、司馬昭 喺 後 便 催促 軍隊 。
司馬懿 親自 帶隊 行 先 ，一路 追到 一座 山 腳下 便 。
係喇 ，蜀兵 就 喺 前便 冇 幾 遠 喇 ，就 出力 咁 追 咯 喎 。
突然之間 ，山 後 轟噉 一 聲 炮響 吶喊 連天 。
只見啲蜀兵 一下就 回旗 返鼓 霎聲 下 向後轉 ，面對 追緊嚟 嘅 魏軍 。
樹影之下 ，飄出 一面 中軍 大旗 ，上便 寫住 一行 大字 ：漢丞相 、武鄉侯 諸葛亮 ！
咦呀 ！司馬懿 當堂 大驚失色 ，佢 定眼 一睇 ，只見 中軍 幾十 員 上將 擁住 一架 四輪車 行出嚟 。
車上便 ，孔明 端端正正 坐喺度 ，頭 戴 綸巾 ，身 穿 鶴氅 ，腰 纜 黑 腰帶 ，手 執 鵝毛扇 。
哎呀 ！孔明 冇 死 ，我 輕 入 重地 中 晒 佢 計 喇 ！退兵 ，退兵啊 ！
司馬懿 急急 勒馬 返轉頭 就 走 。
姜維 喺 後 便 大叫 ：賊將 咪 走 你 中咗 我 丞相 嘅 計 喇 ！
嚇到 啲 魏兵 魂飛魄散 啊 ， 丟盔棄甲 ， 拋槍 掉 刀 ， 走 喇 ！ 救命 呀 ！ 各走 各路 ， 結果 人 踩 人 死 咗 都 唔 知 幾多 啊 。
司馬懿 搏命 噉 狂奔 咗 五 廿 幾 里 。
喺 佢 後便 ，兩 員 魏 將 追上 佢 ，出力 拉住 馬籠頭 大聲 噉 話 ：都督 唔使 驚 啊 唔使 驚 啊 ！
司馬懿 摸下 個頭 殼 ： 誒 ， 誒 ， 誒 ， 我仲有 冇 頭啊 ？
都督 唔使 怕 ，蜀兵 去咗 好遠 喇 。
司馬懿 喘咗 一大輪 氣 個 心 先至 慢慢 定返啲 。
佢 擘 大 雙眼 ，睇真下 ，哦 ，原來 嗰 兩 員 魏將 係 夏侯霸 同 夏侯惠 。
哎噉就騎住馬就慢慢行 ，混小路行返去營寨 。
然後 叫 眾 將官 啊 ，帶 兵 分散 去 各處 探聽 消息 。
過咗 兩日 ，有啲 當地 嘅 鄉下人 嚟 話畀 司馬懿 聽 ：
啲 蜀兵 一 退咗 入 山谷 裏 便 ，就 豎起 白旗 ，啲 哭聲 震天動地 呀 。
孔明 真係 死咗 㗎喇 ，淨係 留低 姜維 帶 一千 兵 斷 後 咋 。
前日 ，車上面 嗰個 孔明 呀 ，係 木頭人 嚟 㗎 咋 。
司馬懿 聽咗 就 話喇 ：啊 ，佢 生前 嘅 計謀 ，我 仲 可以 料得到 幾成 。
點知 佢 死後 仲 咁 厲害 嘅 ，我 料 佢 唔到 喇 ！
故此啊 ，後嚟 西蜀 啲 人 啊 就 有 句 噉 嘅 說話 ：死 諸葛 都 能夠 嚇走 活生生 嘅 司馬懿 噉 。
噉司馬懿 知道咗 孔明 逝世 嘅 確實 消息 呢 ，就 帶兵 再次 去 追擊 。
佢 一路 追 到 去 赤岸坡 ，見到 蜀兵 已經 去咗 好遠 喇 ，追唔到 嘞 ，就 帶兵 返轉頭 啦 。
佢 對 大家 話 ：孔明 死咗 啊 ，我哋 都 可以 高枕無憂 咯 ！於是 就 下令 班師 回朝 。
司馬懿 一路之上 ，見到 孔明 安營扎寨 啲 地方 呀 ，前後左右 齊齊整整 ，好 有 法度 嘅 。
司馬懿 都 不禁 連聲 稱讚 話 ：孔明 係 個 天下 奇才 啊 ！
司馬懿 一直 帶兵 返到 長安 ，就 將 啲 將領 都 分別 調去 鎮守 各處 隘口 。
然後 自己 呢 ，就 返去 洛陽 見 皇帝 曹睿 喇 。
呢啲呢就唔多講喇 。
話 分 兩頭 而家 講返 楊儀 同 姜維 ，佢哋 帶 兵 排 成 陣勢 ，慢慢 咁 退 入 棧閣道口 。
然後 就 換過 戴孝嘅 衣服 ，豎起 白幡 舉哀 發喪 ，唉 一時之間 呀 ，哭聲 震天 。
啲 蜀兵 一便 喊 ，一便 撞 頭 𨂽 腳 ，沉痛 哀傷 到 極 。
仲有啲呀 ，喊死咗 啊 。
啲 蜀 兵 嘅 前 隊 啱 啱 返 到 棧 閣 道口 ， 忽然 見到 前 便 火光沖天 ， 喎 嗬 噉 吶喊 一聲 有 一彪 軍馬 衝出 嚟 攔住 去路 。
楊儀 一 聽聞 話 前 便條 路 有 兵 攔截 唄 ，連忙 派 人 打聽 。
返嚟報告話 ，係 魏延 燒斷咗 棧道 ，帶兵 喺 處 攔路 噉 。
楊儀 大吃一驚 話 ：丞相 在生 嘅 時候 ，就 料到 此人 日後 必定 會 作反 ，誰知 今日 果然 係 噉 。
而家 佢 切斷咗 我哋 嘅 歸路 ，噉 點好呢 ？
費禕 就 話 喇 ：哼 ！此人 實係 捏造 罪名 ，稟奏 天子 先 ，誣告 我哋 造反 ，跟住 就 燒斷 棧道 唔 畀 我哋 返去 。
我話 ，我哋 亦 應當 立即 寫份 表章 稟奏 天子 ，講清楚 魏延 反叛 嘅 情形 ，然後 想辦法 嚟 消滅 佢 啦 。
姜維 話 喇 ：係喇 ，呢處 附近 有 一條 小路 ，叫做 槎山 ，雖然 比較 崎嶇 險峻 ，但係 可以 屈到去 棧道 之後 嘅 。
好 喇 ， 商量 妥 對策 喇 ， 於是 一便 寫表去 稟奏 劉禪 ， 一邊 就 率領 人馬 向 住 槎 山 小路 進發 。
而家 講 下 後主 劉禪 啊 ，佢 喺 成都 近日 就 硬係 瞓唔安樂 ，食 無味道 ，做乜 都 覺得 唔 歸位 。
呢一晚 ，佢 發咗 個 夢 ，夢見 成都 嘅 錦屏山 冧聲 啊 成座 崩塌咗 。
噉一下就扎醒啦 ，醒咗就瞓唔返 ，坐喺度等天光 ，就召集 文武百官 上朝 嚟 幫佢 詳夢 。
譙周 出班 啟奏 話 喇 ：陛下 ，臣 昨晚 觀察 天文 ，見到 有 粒 星 ，赤色 嘅 ，光芒 有 角 ，由 東北 跌 咗 去 西南 便 。
噉係 預兆丞相 ，有 極 兇險 嘅 事 啊 。
昨晚 陛下 又 夢見 山崩 ，正係 應晒 呢個 兆頭 喇 。
劉禪 聽見 譙周 噉樣 講 啊 更加 慌 啦 。
正喺 呢個 時候 ，黃門官 嚟 啟奏 話 李福 返嚟 喇噉 ，劉禪 馬上 召 佢 上 殿 問 消息 。
李福 舂 下 舂 下 噉 入 到 嚟 ， 跪 咗 喺 地 ， 流住 眼淚 噉 樣 ， 稟奏 話 丞相 已經 逝世 。
並且 將 丞相 臨終 所 講 嘅 說話 ，詳詳細細 噉 複述 咗 一遍 。
劉禪 一字 聽 就 一字 喊 ，聽完 喇 ，放聲 痛哭 。
佢 話 ：哎 呢次 係 上天 要 我 死 啊 ！
嘩 ，當堂 喊到 呀碌 低 喺 龍床 之上 。
啲 侍臣 就 扶 佢 返 入 後宮 啦 。
吳太后 聽聞 呢個 消息 亦都 放聲 大哭 。
孔明 嘅 逝世 呀 ，無論 係 文武百官 ，抑或 係 黎民百姓 ，都 哀傷 到 極 。
後主劉禪 呢 因為 悲哀 過度 啊 ，連 氣 好幾日 都 唔 能夠 登殿 臨朝 。
呢一日 ，突然 有 使者 送 魏延 嘅 表章 嚟 ，話 楊儀 造反 噉 。
哎呀嘩 ，弊喇弊喇 ，嚇到 成班 大臣 慌晒 ，即刻 就 入宮 啟奏 劉禪 啦 。
當時 吳太后 亦都 在場 嘅 。
劉禪 好 驚 啊 ，就 叫 侍臣 讀 魏延 嘅 表章 嚟 聽 。
表章 嘅 大意 呢 就係 噉嘅 ：
征西 大將軍 、 南鄭侯 ， 臣 魏延 啟奏 陛下 ：
楊儀 擅自 掌握 兵權 ，帶兵 造反 ，劫持 丞相 靈柩 。
並且 ，仲 想 帶領 敵人 入境 。
故此 臣 首先 燒斷 棧道 ，用兵 把守 。
劉禪 聽 完 表章 就 話 ： 魏延 係 個 勇將 嚟 吖 ， 完全 可以 打得過 楊 儀 佢 哋 㗎 ， 為 咩 嘢 事要 燒絕 棧道 呢 嚱？
吳太后 話 喇 ：啊 ，係喇係喇 ，以前 聽 先帝 講過 ，話 孔明 ，見到 魏延 腦後 有 反骨 ，好多時 想 殺咗 佢 㗎喇 。
因為 見到 佢 打仗 仲係 勇敢 ，所以 姑且 用住 佢 唧噉 話 。
而家 佢 稟奏 話 楊儀 佢哋 造反 ，睇嚟 ，都 唔 信得過 嘅 。
楊儀 係 個 文人 ，丞相 委派 佢 做 長史 嘅 職務 ，噉 佢 呢個 人 必定 係 有用 嘅 。
今日 如果 信咗 魏延 一面之詞 呀 ，楊儀 佢哋 就 實 會 投奔 魏國 㗎 喇 。
呢件事務 必要 深思熟慮 至 好 ，千祈 唔好 莽撞 啊 。
噉 呢班 大臣 正 喺度 商量緊 ，黃門官 又 嚟 報告 話 長史 楊儀 有 緊急 表章 送到 。
侍臣 拆開嚟 讀畀 劉禪 聽 ，表章 係 噉嘅 ：
長史 、綏軍將軍 ，臣 楊儀 啟奏 陛下 ：
丞相 臨終 ，將 大事 委託 畀 臣 ，一切 依照 舊制 ，並無 變更 ，命令 魏延 斷後 ，姜維 協助 佢 。
但係 魏延 唔 遵守 丞相 遺言 ，擅自 率領 本部 人馬 先 入 關中 ，放火 燒斷 棧道 ，企圖 劫走 丞相 靈車 圖謀 不軌 。
哈哈好喇 ，魏延 又 有 表章 嚟 ，楊儀 又 有 表章 嚟 ，各 講 各 嘅 是非 ，情況 認真 複雜 啊 。
究竟 點樣 判斷 呢 ？噉 欲知 後事 如何 就 且 聽 下回 分解 。
