孔明 佢 又 派 魏延 同 馬岱 ，帶 兵 渡過 渭水 去 進攻 北原 啦 。
佢 又 命令 吳班 、吳懿 ，就 帶 兵 坐 木排 去 放火 燒 浮橋 ；
命令 王平 、張嶷 ，率領 前隊 ；
姜維 、馬忠 就 率領 中隊 ；
廖化 、張翼 呢 就 率領 後隊 ：兵分 三路 ，去 進攻 渭水 嘅 旱營 。
當日 嘅 中午 ，蜀軍 人馬 出發 嘞 ，噉啊 全部 渡過 渭水 ，列成 陣勢 慢慢 噉 前進 。
而家 先 講下 魏延 同 馬岱 啊 ，當 佢哋 將近 嚟到 北原 嘅 時候 呢 ，天色 已經 好 晏 喇 。
孫禮 一 發現 蜀兵 嚟到 嘞 ，就 放棄 營寨 走 咯 喎 。
咦 ？魏延 見到 噉樣 嘅 知道 人哋 有 準備 喇 ，急急 想 退兵 。
點知道 四周圍 ，突然間 喊殺 連天 ，左 有 司馬懿 右 有 郭淮 兩路 兵 衝殺 過嚟 。
魏延 同 馬岱 就 奮力 衝殺 出去 。
但係 蜀兵 呢 ，好多 都 跌咗 落水 ，情況 十分 危急 。
好彩 吳懿 嘅 軍隊 殺到嚟 啊 ，救咗 呢班 敗兵 ，返過 對岸 頂住 。
吳班 呢 就 分咗 一半 兵 ，撐啲 木排 順水 落去 燒 浮橋 啦 ，點知道 畀 張虎 同 樂綝 呀 ，喺 岸上 用 箭 猛 咁 射住 。
噉啊 結果 吳班 啊 中咗 箭 ，跌落 水 死咗 。
其餘嗰啲兵士 好彩 會 游水 啊 沊沊聲 跳水 逃命 ，啲 木排 呢 就 冚𠾴唥 畀 魏兵 搶晒去 。
呢陣時 ，王平 、張嶷 ，都 仲 唔 知道 攻打 北原 嘅 蜀兵 已經 失敗 噃 。
佢哋 咪 按照 計劃 ，一直 撲到 去 魏軍 營寨 咯 。
當時 呢 大概 係 晚上 二更 咁上下 啦 ，只 聽見 四圍 都 響起 吶喊聲 。
王平 同 張嶷 就 話 喇 ：我哋 嘅 人馬 進攻 北原 ，未知 勝負 。
渭南 嘅 魏營 就 喺 眼前 嘞 ，點解 一個 魏兵 都 唔 見 嘅 呢 ？
莫非 司馬懿 知道咗 ，預先 有咗 準備 ？
我哋 仲係 睇見 浮橋 嗰便 起火 先至 好 進兵 啊 。
噉 兩個人 就 傳令 落去 ，停止 前進 等下 先 。
過咗一陣 ，喺 後便 有 個 報馬飛 跑嚟到 話 ，丞相 有 令 ，請 將軍 趕快 退兵 啊 ，北原 同 浮橋 都 輸晒 喇 ！
吓 ？ 王平 、 張嶷 大吃一驚 ， 急急 就 退兵 啦 。
點知 又 畀 啲 魏兵 抄到 去 背後 ，轟噉 一 聲 炮 響 ，一齊 噉 殺過嚟 ，霎時間 呀 火光 沖天 。
王平 、張嶷 就 指揮 人馬 ，迎上去 混戰 一場 ，結果 就 唔夠打 ，衝咗出嚟 就 損失咗 大半 人馬 。
孔明 返到 大本營 ，啲 殘兵敗將 呢 就 陸陸續續 返嚟 嘞 。
呢一仗呀 ，大概 損失咗 萬幾 人馬度 啦 ，唉 ，孔明 個 心 真係 悒 啊 。
過咗 兩日 ，費禕 由 成都 嚟 見 孔明 。
啱 晒 喇 ， 孔明 請 佢 入 到 中軍帳 ， 孔明 話 ： 我 有 一封信 ， 正 係 想 麻煩 費公 你 送 去 東吳 啊 ， 唔 知肯 唔 肯去 呢 ？
丞相 有 命 下官 點 敢 推辭 啊 。
噉好極喇 ，噉就 勞煩 費公行 一趟 啦 。
孔明 立即 寫好 封信 交畀 費禕 送去 。
噉啊 費禕 一路 去到 建業城 ，見到 吳 主 孫權 就 呈上 孔明 嘅 信 。
孫權 打開 一睇 ，封信 嘅 大意 呢 就 喺 噉嘅 ：
現在 已經 統率 大軍 ，駐扎 喺 祁山 。
希望 陛下 遵守 盟約 ，起兵 北征 ，共取 中原 ，平分 天下 噉 。
孫權 睇完 信 非常 高興 ，佢 對 費禕 話 喇 ：
朕 想 興兵 好耐 嘅 喇 ，就係 未能夠 同 孔明 會合 唧 。
今日 ，既然 有 信 嚟嘞 ，朕 決定 立即 親自 出征 ，入 居 巢 門 ，去 奪取 魏國 新城 ；
我 再 命令 陸遜 、諸葛瑾 ，喺 江夏 、沔口 駐兵 ，奪取 襄陽 ；
命令 孫韶 、張承 ，由 廣陵 出兵 ，去 奪取 淮陽 等 地 。
三路 一起 進兵 ，總共 三十萬 大軍 ，定期 慶施
啊 ， 多謝 陛下 多謝 陛下 ！ 如果 係 噉 樣 ， 中原 唔 使 幾耐 就 可以 攻破 咯 。
費禕 再三 拜謝 啦 ，孫權 吩咐 擺酒 ，宴請 費禕 。
喺 飲宴 嘅 時候 ，孫權 問 嘞 ：而家 丞相 喺 軍隊 處 ，係 用 邊個 嚟 當 先 破敵 啊 ？
係 以 魏延為 首 啊 。
哦 ？哈哈哈哈哈哈 ，此人 勇 則 有餘 ，不過 心術 不正 。
若果 有朝一日 孔明 唔在咯 ，佢 實會 作亂 㗎 ，唔通 孔明 睇唔到 咩 ？
陛下 嘅 說話 極之 正確 ， 臣 返去 之後 ， 必 定將 陛下 嘅 說話 轉告 孔明 。
宴會 完咗 喇 ，費禕 辭別 咗 孫權 就 起程 返去 祁山 。
佢 返到去 ，見到 孔明 ，就 詳詳細細 噉 向 孔明 報告 。
話孫權啊準備出動大軍三十萬 ，要 御駕親征 ，兵分 三路 進攻 魏國 噉 。
孔明 好高興 ，又 問 佢 孫權 仲 有 咩 說話 講 啊噉 。
費禕 就 將 孫權 對 魏延 嘅 睇法 ，講 畀 孔明 聽 。
孔明 就 話 喇 ：啊 ！孫權 ，真係 一位 聰明 嘅 君主 啊 ！
嗯 我 對 呢個 人 ，我 唔係 睇唔到 ，我 只係 睇在 佢 勇敢 難得 ，故此 就 用 佢 啫 。
丞相呀 ，你 仲係 早啲 將佢 處理 為宜 噃 。
我 有 辦法 㗎喇 。
噉好 ，下官 告辭 。費禕 辭別 咗 孔明 就 返去 成都 嘞 。
有一日 ，孔明 正在 同 眾 將官 商量 作戰 計劃 。
守門官 就嚟到 報告 話 ，有 個 魏國 將官 嚟到 投降 噉 。
孔明 就 叫 佢 入嚟 問下 。
嗰個人 話 喇 ：小將 乃係 魏國 偏將軍 鄭文 ，最近 ，同 秦朗 一齊 帶領 軍隊 ，聽候 司馬懿 嘅 調遣 。
點 知道 司馬懿 此人 ， 非常 偏心 ， 為 咗 私人交情 ， 竟然 升 秦朗 做 前 將軍 ， 而 對 小將 我 呢 ， 直情 都 唔 放在 眼 內 。
因此 小將 個 心 就 忿忿不平 ，特意 前嚟 投降 丞相 啊 ，敬請 丞相 准予 錄用 啊 ！
鄭文 說話 未完 ，兵士 嚟 報告 話 ，秦朗 帶咗 支 軍隊 喺 營寨 外 便 ，單單 要 向 鄭文 挑戰 噉 。
孔明 就 問 鄭文喇 ：此人 嘅 武藝 ，比起 你 嚟 點 呢 ？
丞相 ，等 小將 即刻 去 斬咗 佢 ！
好極喇 ，你 若果 殺咗 秦朗 先 ，我 噉 就 唔會 懷疑 你 喇 。
鄭文好 高興 噉樣 提刀 上馬 ，出營 去 同 秦朗 交鋒 。
孔明 亦都 親自 出營 去 觀戰 喎 。
噉 兩陣 對 圓 ，只見 秦朗 挺起 長槍 就 破口大罵 ：
嘿！ 鄭文反賊！ 你 偷咗 我 嘅 戰馬 ，投降 敵人 ，你 快快 還畀 我 ！鬧咗 幾句 就 挺槍 殺過嚟 。
鄭文 拍 馬舞刀 迎上去 ， 僅僅 打 咗 一個 回合 唧 ， 就將 秦朗 一刀斬 死 。
魏軍 呀 當然 紛紛 逃跑 定 嘅 啦 。
噉 鄭文得勝 啊 收兵 回營 ，提住 秦朗 嘅 首級 去 見 孔明 咯 喎 。
誰知 孔明 一見到 佢 ，立即 變咗 臉色 ，喝 刀斧手 拉 鄭文 出去 斬首 。
鄭文 就 大嗌 啦 小將 無罪 啊 小將 無罪 啊 ！
哼哼 ， 我 認得 秦朗 ， 你 先頭 斬 嘅 ， 唔 係 秦朗 ， 你 咁 大膽 呃 我 ？
啊 誒 ， 哎 小將 該死 小將 該死 ， 嗰 個人 ， 實在 係 秦 朗 嘅 細 佬 秦 明 咋 。
哼哼 ，司馬懿 叫 你 嚟 詐降 ，想 裏 應 外 合 ，諗 就 諗得 好嘞 ，之 點 瞞得過 我 呢 ？
你 如果 唔 老實 講 ，我 即刻 就 殺咗 你 ！
誒 ， 誒 丞相 開恩 ， 丞相 開恩 啊 ！ 誒 小將 實在 係 奉命 嚟 詐降 㗎 ， 丞相 千祈 唔 好 殺 我 啊 。
好啦 ，你既然 想生 ，你就 寫 一封信 畀 司馬懿 ，叫佢 嚟 劫營 ，你 寫咗 我就 唔殺你 。
若果捉到司馬懿嘞 ，就算係 你嘅功勞 ，我仲要重用你添 。
鄭文 就 唯有 按照 孔明 嘅 意思 ，寫咗 封信 ，又 孔明 睇過 喇 ，啱嘞 ，就 叫 人 將 鄭文 監禁 起嚟 先 。
左右啲人 問 ：丞相 ，你 點 識穿 此人 詐降 嘅 呢 ？
司馬懿 唔會 隨便 任用 人 嘅 。
若果 用得 秦朗 做 前將軍 ，必定 係 武藝 高強 。
但係 先頭 呢 ，同 鄭文 打咗 不過 一個 回合 ，就 畀 鄭文 殺咗 嘞 。
噉 此人 實唔係 秦朗 啦 ，所以 我 就 知道 佢 係 詐降 喇 。
係喎 ，大家 都 好 佩服 啊 。
跟住 孔明 啊 挑選咗 一個 會 講 說話 、又 有 膽量 嘅 軍士 ，細細聲 噉 吩咐 佢 如此 如此噉 。
然後呢 ，就 派佢 去 魏軍 營寨 ，送信 去 畀 司馬懿 。
司馬懿 睇完 鄭文封 信 ，就 問 送信 個 軍士 嘞 ：你 係 咩嘢 人 啊 ？
小人 係 中原人 ，流落 喺 西蜀 嘅 。
鄭文 同 小人 係 同鄉 啊 ，而家 孔明 因為 鄭文 有 功 ，用咗 佢 做 先鋒 。
鄭文託 小人 嚟 送信 ，約定 喺 聽日 晚上 ，以 舉火 為 號 ，希望 都督 出動 大軍 去 劫寨 。
到時 ，鄭文 會 喺 營內 接應 嘅 喇 。
嗯 ，噉 係嘛 ？
司馬懿 反反覆覆 噉 盤問 呢個 軍士 ，又 將 封信 仔細 噉 睇咗 好幾次 ，係 真嘅 噃 。
就 叫 人 攞 酒菜 嚟 款待 個 軍士 ， 吩咐 佢 話 ：
當日 二更 為期 ，我 親自 嚟 劫寨 。
事情 若果 成功咯 ，我 必定 重用 你 。
多謝 都督 ！
軍士 辭別 咗 司馬懿 ，就 返到 本寨 ，將 送信 嘅 經過 報告 畀 孔明 知 。
孔明 知道 司馬懿 中計 喇 ，就 手揸 寶劍 ，腳踏 七星 ，向 天 禱告 ，施行 一番 法術 。
然後 又 叫 王平 同 張嶷 嚟 ，吩咐 佢哋 ，如此 如此 ；
又叫 馬忠 同 馬岱 嚟 ，吩咐 佢哋 如此如此 ；
最後 又 叫咗 魏延 嚟 ，吩咐 佢 ，如此 如此 。
噉 部署 好喇 ，孔明 啊 帶住 幾十 人 ，上去 一座 高高 嘅 山崗 ，坐住 喺 處 指揮 軍隊 。
而家 講 下 司馬懿 啊 ，佢 收到 鄭文 封信 之後 ，佢 真係 要 帶埋 司馬師 、司馬昭 率領 大軍 去 劫寨 噃 。
司馬師 就 勸 佢 話 喇 ：父親 ，你 點解 淨係 憑住 一封 信 ，就 要 親自 深入 重地 呢 ？
如果 有 咩嘢 危險 點算 啊 ？不如 派 另外 一位 將官 去 ，父親 你 做 後 應 就 得 啦 嘛 。
有道理喎 ！司馬懿 聽 個 仔 嘅 ，就 派 秦朗 帶 一萬 兵 去 劫 蜀 軍營寨 ，自己 就 帶 兵 接應 。
到咗 第日 夜晚 ，初更 時分 ，風 清 月 朗 。
哎 ！咁好天氣 ，遊河 就啱啫 ，劫寨 就唔妥個喎 。
哈哈 ，點知到咗 二更 咁上下 ，忽然間 陰雲四合 ，滿天黑氣 ，對面 都 唔見 人 ，嗨呀 ！得法喇 ！
司馬懿 好 歡喜噉 話 ：天公 助 我 成功 喇 ！
於是就 人 銜 枚 馬勒口 ，長驅直進 。
秦朗 一馬當先 ，帶住 一萬 人馬 就 直殺入 蜀軍 營寨 ，咦 ？人影 都 冇 個 嘅 ？
秦朗 知道 中計 喇 ，連忙 下令 退兵 。
但係 霎時間 ，四便 火把 齊 明 ，喎嗬 殺啊 ！噉 左 有 王平 、張嶷 ，右 有 馬岱 、馬忠 ，兩路 兵馬 殺嚟 嘞 。
秦朗 就 搏命 咁 打 都 衝唔出去 。
好喇 ，司馬懿 喺 後 便 嚟 ，隔 遠 就 望見 蜀軍 營寨 火光 沖天 ，嗬嗬聲 噉 吶喊 ，又 唔 知道 自己 嘅 人馬 贏 定 輸 喎 。
一味 催促 ，行快啲 行快啲 去 接應 。
行行 下 ， 突然 殺 啊 噉 一聲 吶喊 ， 景景 轟轟 火炮 揋 過 嚟 。
魏延 同 姜維 一 左 一 右 ，分 兩路 殺出 ，打到 魏兵 大敗 就 死傷無數 ，見 路 就 趯 啊 。
呢個 時候 ，秦朗 嗰 一萬 兵 呢 ，全部 畀 蜀軍 圍住 。
嗰啲 箭 呀 亂 咁 射過去 ，卒之 呢 秦朗 就 死於 亂軍 之 中 。
司馬懿 大敗 一場 ，帶住 啲 殘兵 敗卒 就 趯 返去 營寨 。
三更 過後 又 好返 天 咯喎 ，孔明 喺 山上 吩咐 打攞 收兵 。
咦喂 ，乜 咁 奇㗎 ，個 天 一時 壞 一時 好 嘅 ？
原來啊 ，二更 嗰陣 烏雲密布 係 孔明 用 法術 變 㗎 。
而家 打完 仗 喇 ，收兵 喇 ，孔明 又 驅使 六丁六甲 去 掃 乾淨 啲 烏雲 啦 嘛 。
孔明 得勝 回營 ，就 下令 殺咗 鄭文 ，又 同 大家 商量 去 奪取 渭南 嘅 計策 。
噉喺呢段期間啊 ，孔明 每日 都 派兵 去 挑戰 ，之 魏軍 呢 ，硬係 唔出嚟 打 。
噉啊 睇嚟 司馬懿 下咗 決心 ，就係 要 拖垮 你 蜀軍 嘞 。
有一日 ，孔明 坐住 架 四輪車 ，嚟到 祁山 前 便 以及 渭水 東西 觀察 地形 。
佢 行 到 一個 山谷 ， 山谷 嘅 形狀 呢 就 十足 個 葫蘆 噉 樣 嘅 ， 噉 啊 山谷 裏頭 啊 ， 可以 容納 到 成千 幾 人 嘅 。
另外 兩座 山 又 圍住 一個 谷 ，大概 可以 容納得 四五百 人 度 啦 。
後便 ，兩山 環抱 ，谷口 啊 極之窄 ，只能夠 一個人 騎馬 通過 嘅 啫 。
孔明 睇咗 個 心 就 好 高興 ，就 問 個 嚮導 官話 喇 ：
呢處 叫做 咩嘢 地名 啊吓 ？
稟告 丞相 ， 呢 處 叫做 上方 谷 ， 又 叫做 葫蘆 谷 啊 。
孔明 睇 完 地形 ， 返到 中軍帳 ， 叫 咗 兩個 裨將 嚟 ， 一個 叫做 杜睿 ， 一個 叫做 胡忠 ， 交 咗 個 秘密 命令 過 佢 哋 。
噉又 下令 召集 隨軍 嘅 工匠 一千多人 ，將 佢哋 帶到 葫蘆谷 裏 便 ，安營 住落嚟 ，在 喺處 製造 木牛流馬 ，準備 應用 。
又 命令 馬岱 啊 ，率領 五百 名 兵士 守住 谷口 。
孔明 吩咐 馬岱 話 喇 ：所有 嘅 工匠 都 唔 准 佢哋 離開 山谷 ，外人 亦 一個 都 唔 准 入去 。
我 會 不時 噉嚟 視察 嘅 ，捉 司馬懿 嘅 計策 ，就 在 此 一舉 喇 ，切不可 走漏 消息 啊 。
遵命 ！馬岱 接受 咗 命令 就 去 。
杜睿同 胡忠 兩個 呢 ， 就 喺 葫蘆 谷 裏 便 監督 啲 工匠 ， 依照 規定 嘅 方法 嚟 到 施工 。
孔明 日日 都 親自 嚟 視察 指點 㗎 。
過咗 一段 時候 ，有 一日 ，長史 楊儀 嚟 稟告 孔明 話 ：
丞相呀 ，而家 我哋 的 軍糧 都 喺 劍閣 嚟 ，人夫 牛馬 搬運 不便 ，噉 點算好呢 ？
孔明 話 喇 ：哈哈哈哈哈 ，我 已經 籌劃 咗 好耐 嘅 喇 。
以前 所積存 嘅 木料 同埋 喺 西川 買落 嘅 大木頭 ，而家 我 叫 人 用嚟 製造 木牛流馬 。
呢啲 木牛流馬 呢 ，搬運 糧食 係 極之 便利 。
最好嘅就係呢啲牛馬 ，都唔使飲水 亦唔使食嘢 ，可以日夜不停噉搬運㗎 。
大家 聽到 都 非常 驚奇 啦 覺得 古往今來 ， 咪 講話 見過 啊 ， 連聽 都 未 聽過 啊 。
人人 都 問 孔明 究竟 啲 木牛流馬 係 點 做 嘅 噉 。
孔明 就 話畀 大家 聽 ：而家 正 係 做緊 ，仲 未能 做好 ，第日 就 有得 睇 喇 。
而家 呢 我 畫 個 圖樣 ，開 個 尺寸 畀 大家 睇 下 先 。
孔明 就 畫出嚟 畀 大家 睇 。
大家 睇咗 呀 冇 個 唔 拜服 啊 ，都 話 丞相 真係 個 神仙 嚟 㗎 。
好 ，過咗 幾日 ，木牛流馬 都 做好晒 喇 ，嘩 直情 好似 真嘅 一樣 ，上山下嶺 ，極之 方便 。
三軍 將士 見到 人人 都 歡喜 到 跳起 上嚟 。
孔明 就 命令 右將軍 高翔 ，帶 一千 兵 ，駕駛住 木牛流馬 ，由 劍閣 呀 直到 祁山 大本營 ，來來往往 噉 搬運 糧草 供給 蜀兵 ，嘿 ！妥晒咯 。
而家 講 下 司馬懿 ，呢 一輪 呢佢 正 係 憂愁緊 。
呢 一日 ， 佢 得到 報告 話 蜀 兵用 木牛流馬 嚟 到 搬運 糧草 ， 人 又 唔 辛苦 啲 牛馬 仲 唔 使 食 嘢 嘅 添 噉 。
哎佢真係愁上加愁嘞 ，佢話 ：
我 之所以 堅守 不出 ，就係 為咗 佢哋 嘅 糧草 接濟 唔上 ，想 等 佢哋 自己 亂起上嚟 啫 。
而家 孔明 用 呢個 辦法 ，實係 個 久遠 之計 ，唔會 退兵 嘅 嘞噃 。
嘖嘖嘖嘖嘖嘖 ，唉 ，點算好呢 ？
司馬懿 緊 皺眉頭 諗咗 一輪 ，然後 就 叫 張虎 同 樂綝 嚟 嘞 ，吩咐 佢哋 話 ：
你 兩個 每人 帶 五百 兵 ，由 斜谷 小路 抄 出去 ，等 蜀兵 趕 木牛流馬 過 喇 ，等佢哋 過盡 之後 ，就 一齊 殺 出去 搶 ！
唔使搶咁多 ，搶到 三五匹 就 返嚟 啦 。
兩個 接受咗 命令 ，每人 帶住 五百 兵 ，扮成 蜀兵 噉樣 ，趁住 夜晚 黑 ，偷偷噉 混 小路 行 就 埋伏 喺 山谷 裏 便 。
第日 ，果然 見到 高翔 帶 兵 趕住 啲 木牛流馬 嚟 嘞噃 。
上下 過晒 嘅 時候 ，張虎 、樂綝 指揮 人馬 ，一齊 殺出嚟 。
啲 蜀兵 毫無 防備 啊 就 賴 低 幾 匹 木牛流馬 走咗 嘞 。
張虎 、樂綝 好 高興 啦 ，叫 啲 兵仔 趕咗 呢 幾 匹 木牛流馬 回 營 去 見 司馬懿 。
司馬懿 一 睇 ，哦 ？果然 會 行 會走 ，生 嘅 噉嘅 喎 。
歡喜 到 佢 不得了 ，佢 話 喇 ：呢趟 呀 ，你 會 用時 ，我 都 會 用咯 ，哈哈哈哈哈哈哈哈 ！
就 召集 咗 百 幾名 巧手 嘅 工匠 嚟 ， 當堂 將 木牛流馬 拆開 ， 量 好 晒 啲 尺寸 長短 厚薄 ， 然後 就 照板 煮 碗 ， 照樣做 。
噉 就 唔 使 半個 月 ， 做 咗 二千 幾隻 ， 哈 確係 使得 喎 ， 同埋 孔明 做 嗰 啲 一樣 會 行會 走 嘅 。
於是 司馬懿 就 命令 鎮遠 將軍 岑威 啊 ，帶 一千 兵 ，駕駛 木牛流馬 ，去 隴西 搬運 糧草 。
成功噃 魏軍 嘅 將士 呀 人人 高興 啊 。
而家 再 講下 高翔 ，佢 又 返去 見到 孔明 ，就 話 遇到 魏軍 嘅 伏兵 ，畀 佢哋 搶咗 五六匹 木牛流馬 去咗 噉 。
孔明 就 話 喇 ：我 正係 想 佢 搶 呢 。
呢 ，大家 睇住嚟啦 ，我 嘥咗 幾隻 木牛流馬 ，但係 唔使 幾耐 啊 ，就 會 得到 好多 糧食 返嚟 㗎喇 。
大家 都 問 啦 ：丞相 噉 講 係 咩 嘢 意思 啊 ？
司馬懿 搶咗 我 嘅 木牛流馬 返去 ，實會 仿效 我 嘅 尺寸 同 方法 嚟 做嘅 。
呵呵呵呵 ，到 其時 呀 ，我 又 有 計策 唧 。
過咗 好幾日 ，探子 嚟 報告 話 喇 ：
魏兵 亦 做咗 一 大批 木牛流馬 ，去 隴西 搬運 糧草 啊噉 。
孔明 高興 ， 佢 話 ： 嗯 ， 不出 我 嘅 所料 啊 ！
孔明 即刻 叫 王平 嚟 吩咐 佢 話 ：
你 帶 一千人 ，扮做 魏軍 ，漏夜 偷過 北原 。
冒認做巡糧軍 ，一直 去到 運糧 嘅 地方 ，將 護糧 嘅 魏兵 殺散 ，然後 就 趕啲 木牛流馬 返嚟 。
你 要 直過 北原 ，嗰處 必定 有 魏兵 嚟 追 嘅 。
噉 你哋 呢 ，就 將 木牛流馬 口裏 便 嗰 條 脷 啊 扭轉 佢 ，牛馬 就 行唔逳 㗎 喇 ，你哋 就 擗低 啲 牛馬 退走 。
嗰啲 魏兵 追到嚟 ，佢哋 實 搞唔掂 啲 牛馬 嘅 ，事關 拉又拉唔逳 ，抬又抬唔起 㗎嘛 ，到時 我 會 派兵 嚟 㗎 喇 。
噉 你哋 呢 就 返轉頭 ，將 牛馬 條 脷 扭 返正 ，啲 牛馬 噉 又 會 行 㗎 喇 。
你哋 就 趕晒 啲 牛馬 返嚟 ，啲 魏兵 見到 實係 疑神疑鬼 嘅 ，嗯 你哋 去 啦 。
王平 接受 咗 命令 就 帶兵 去 。
孔明 跟住 又 叫 張嶷 嚟 吩咐 佢 話 ：
你 帶 五百 人 ， 都 扮成 六丁 六甲 神兵 噉 樣 ， 都 係 鬼頭 獸身 ， 用 五彩 顏色 畫花塊面 ， 總之 化妝 成 各種各樣 怪異 嘅 樣 就 係 喇 。
你哋 一隻 手 揸 繡旗 ，一隻 手 揸 寶劍 ，個 身 都 孭住 個 葫蘆 ，裏 便 裝住 火藥 ，喺 山邊 埋伏 好 。
等 木牛流馬 過 嘅 時候 呢 ，就 點着 煙火 一齊 湧出嚟 ，趕住 啲 木牛流馬 行 。
啲 魏兵 見到 ，必定 會 以為 係 鬼神 ，就 唔敢 嚟 追 㗎 喇 。
張嶷 接受 咗 命令 ，帶兵 去 咗 咯 。
孔明 又 叫 魏延 同 姜維 嚟 ，吩咐 佢哋 話 ：
你 兩位 帶 一萬 兵 ， 去 北原 寨口 接應 木牛流馬 ， 準備 交戰 。
孔明 又 命令 廖化 、張翼 ，帶 五千 兵 去 切斷 司馬懿 嘅 來路 。
命令 馬忠 、馬岱 ，帶 二千 兵 去 渭南 挑戰 。
噉啊六個將軍 ，各人 都 遵照 命令 出發 嘞 。
而家 講下 魏將 岑威 ，佢 奉命 帶住 一千 兵 ，趕住 一隊 木牛流馬 就 裝滿 糧食 ，由 隴西 返嚟 。
一路行行下 ，忽然 有 報告 話 前便 有 一隊 人馬 巡糧 噃噉 。
岑威 再 派 人 去 探聽 清楚 ，果然 係 魏兵 ，就 放心 前進 啦 。
噉 遇到 巡糧軍 就 合埋 一齊 行 咯 喎 。
突然之間 ，隊伍 裏頭 喊殺 連天 ，大聲 嗌 ：蜀軍 大將 王平 喺 處 ！
魏兵 措手不及 ，被 啲 蜀兵 呀 殺死咗 成 大半 。
岑威仲 想 死 頂 啊 ，畀 王平 一刀 斬 咗 ，其餘 嘅 魏兵 呢 就 散晒 。
王平 就 指揮 兵士 ，趕啲 木牛流馬 返嚟 咯 喎 。
好喇 ，嗰頭 啲 敗兵 呢 ，飛奔 去到 北原 嘅 魏軍 營寨 報告 。
郭淮 一 聽 軍糧 被 劫 ，得了 ？急忙 帶 兵 嚟 救 啦 。
王平 叫 嗰啲 兵 將 牛馬 條 脷 扭轉 佢 ，然後 擗低 喺 路 上 ，且 戰 且 走 。
郭淮 追返 啲 牛馬 就 滿意 嘞 ，叫 唔好 追 蜀兵 喇 ，趕 啲 牛馬 返 去 啦 噉 。
之點 趕得逳 呢 ？佢哋 唔識 呢個 機關 㗎 嘛 。
郭淮 就 冇 晒 修 又 唔知 點解 噃 。
正在無可奈何嘅時候 ，忽然間 鼓角 喧天 吶喊四起 ，原來 係 魏延 、姜維 兩路 兵 殺嚟 。
噉 同時 王平 又 帶 兵 殺 返 轉頭 ，三路 夾攻 ，殺到 郭淮 大敗 而 走 啊 。
王平 叫 啲 兵士 扭返 正 牛馬 嗰 條 脷 ，噉 啊 趕 啲 牛馬 行 喇 。
郭淮 遠遠 望見 ，豈有此理 乜 我 趕 就 唔 行 你 趕 就 行 嘅 ，正話 想 回兵 再 去 追 。
只見山後 ，嗚嗚嗚 煙雲 突起 ，有隊 神兵 湧出嚟 ，一個個 手執 旗劍 古靈精怪 ，簇擁住 啲 木牛牛馬 ，一浸風噉 走咗咯 。
郭淮 就 嚇到 驚晒 佢 話 ：哦 實係 有啲 鬼神 幫 佢 㗎 ！
啲 魏軍 見到 ，咪 拘 ，個個 都 嚇到 失魂 ，唔敢 追咯 。
噉 司馬懿 佢 聽聞 北原 打敗 咗 仗 ，就 急急 親自 帶兵 嚟 救 。
行到半路 ，轟噉一聲炮響 ，兩路兵馬 喺啲險要地方 衝殺出嚟 。
軍旗 上面 啊 ，大個 字 寫住 ：漢將 張翼 、廖化 ！
嘩 ！不得了 ！
司馬懿 見到 大吃一驚 。
啲 魏兵 呀 ，慌到 各自 逃生 。
噉司馬懿 畀 張翼 同 廖化 殺到 大敗 ，匹馬單槍 就 向住 一座 樹林 逃跑 。
張翼 呢個 時候 呢 ，又 要 收住 後軍 。
廖化 快馬 加鞭 就 追住 司馬懿 。
近喇 ！就嚟 追到喇 ！追到喇 ！
司馬懿 好 慌啊 ，佢 喺 樖 大樹 側 跟 ，轉來轉去 ，要 閃開 廖化 。
廖化 左 一刀 ，右 一刀 ，猛咁 劈過去 ，誰知 一下 就 劈歪了 ，一刀 就 劈 正 喺 樖樹 上 ，食實 把 刀 。
廖化 出力 噉 掹 ，撬 咗 幾下 先至 掹甩 把 刀 。
之司馬懿 呢趁 呢個 機會 ，已經 趯咗 出 樹林 。
廖化 跟住 追出去 ，嘿 都 唔知 趯咗 去邊處 喇 。
一撇眼 ，喺 樹林 嘅 東便 ，咦 ？咩嘢 閃閃亮 嘅 呢喂 ？
行過去 睇真下 ，哦 ，原來 係 一 頂 金 頭盔 ，係 司馬懿 跌 嘅 定 喇 。
廖化 執起 個 金盔 ，綁住 喺 個 馬鞍 處 一勒 隻 馬 ，向住 東 便 就 猛追 過去 。
嘿嘿 ，廖化 上當 咯 。
原來 司馬懿 啊 ，特登 將 頂 金頭盔 擗低 喺 樹林 嘅 東便 ，而 自己 呢 ，就 向 西便 逃跑咗 。
廖化 追咗 一輪 就 毫無 蹤跡 ，一路 跑到去 山谷 出口 ，遇見 姜維 ，就 一齊 回營 嘞 。
張嶷 早就 將 繳獲 返嚟 嘅 魏軍 木牛流馬 ，趕晒 返嚟 營寨 點 交 清楚 。
嘩好 嘢 啊 ！ 總共 得到 呀 萬幾 石 糧食 啊 ！
廖化 返到 嚟 ， 向 孔明 獻上 金盔 ， 孔明 記 咗 佢 一個 頭功 。
魏延 個 心 就 好唔 高興 啊 ，一味 口出 怨言 ，但係 孔明 呢 就 詐作 冇 聽見 。
孔明 呀 ， 係 忍得 住 㗎 。
