今日 我哋 講 防守 鹵城 嘅 蜀兵 啊 ，就 喺 城外 擺 好 陣勢 ，準備 迎擊 魏軍 啦 。
好喇 ，嗰啲 西涼人 馬 㗾㗾聲 嚟到 咯 喎 。
佢哋 日夜 兼程 ，趕 喉 趕 命 噉 行 ，行到 佢哋 呀 人 困 馬 乏 。
行到喇 ，以為 可以 安營休息 啊瞓返一覺都好吖 。
點知道 腳踭 都 未曾 企穩 唧 ，蜀兵 就 喊 殺 連天 ，人人 奮勇 個個 爭先 ，好似 餓虎 撲食 噉 一湧 上前 ，衝殺 過去 。
雍涼 兵馬 頂唔住 喲𠻘𠻘聲 向後退 。
蜀兵 奮起 威風 乘勝 掩殺 嘩 殺到 雍涼 兵馬 ，屍 橫遍 野 就 血流 成 河 。
打到 呢場 大勝仗 ，孔明 就 下令 收兵 回城 ，然後 舉行 盛大 嘅 勞軍 ，人人 都 興高采烈 。
點知道 李嚴 喺 永安城 ，派 人 送 信 嚟 告急 噃 。
嚇咗 孔明 一 驚 ，即刻 拆開 封信 嚟 睇下 。
封信 又 話 ：近來 聽聞 東吳 派 人 去 洛陽 ，同 魏國 聯合 ，魏國 叫 東吳 攻打 我哋 蜀國 ，好彩 東吳 仲 未 起兵 。
而家 我 探聽到 呢個 消息 ，希望 丞相 早作 打算 。
孔明 睇完 個 心 就 好 驚奇 ，就 召集 眾 將官 嚟 對 佢哋 話 ：
如果 東吳 興兵 嚟 侵犯 ，我 就 必須 盡快 趕返去 啊 。
孔明 立即 傳令 ，叫 祁山 大本營 嘅 人馬 ，暫時 退返 去 西川 。
話畀佢哋聽 ，唔使擔心嘅 ，因為 司馬懿 知道 我 喺 呢處 駐扎 兵馬 ，就 實唔敢嚟追 嘅噉 。
王平 、 張嶷 、 吳班 、 吳懿 一 接到 孔明 呢 個 命令 ， 就 分兵 兩路 ， 好 有 秩序 噉 慢慢 退返 去 西川 嘞 。
張郃 見到 蜀兵 撤退 ，就 怕 有 咩嘢 計謀 就 唔敢 去 追 ，就 帶兵 去 見 司馬懿 話 ：
而家 蜀兵 撤退 嘞 ，唔知 咩嘢 意思 呢 ？
嗯 ，孔明 詭計 極多 ，唔好 亂逳 啊 ，不如 堅守 ，等 佢哋 冇晒 糧草 喇 ，自然 就 會 退走 㗎 喇 。
司馬懿 手下 有 個 大將 叫做 魏平 佢 又 唔 信 邪 喎 。
佢 話 ：祁山 大本營 嘅 蜀兵 已經 撤走 晒 喇 ，我軍 正 係 應該 乘勢 追擊 㗎 。
都督 卻 係 按兵不動 ，怕 蜀軍 好似 怕 老虎 噉 ，盞 畀 天下人 恥笑 啫 ！
任你點講都好啊 ，司馬懿 堅決 唔聽 就係 唔追 。
而家 再 講 下 孔明 ，當 佢 一 知道 祁山 嘅 大軍 啊 ，已經 安全 噉 撤退 返去 嘞 。
就叫 楊儀 同 馬忠 嚟到 中軍 帳 ，交帶 佢哋 一個 秘密 命令 。
叫佢哋 先 帶 一萬 名 弓箭手 ，去 劍閣 木門道 ，分 做 兩 笪 地方 埋伏 。
若果 魏兵 追到嚟 ，只要 聽見 號炮 一 響 ，就 即刻 碌啲 木頭 大石 落去 ，截斷 魏兵 嘅 去路 ，然後 兩頭 一齊 射 佢 。
楊儀 、馬忠 接受 咗 命令 就 帶兵 去 喇 。
接住 孔明 又 命令 魏延 同 關興 ，帶兵 斷後 。
城牆 上 四面 都 要 插滿 旗幟 ，城內 呢 就 堆滿 柴草 點着 佢 ，唂 啲 煙 出嚟 。
然後 城內 嘅 軍隊 啊 ，全部 向住 劍閣 木門道 撤退 。
魏軍 嘅 巡哨軍 ，即係 偵察兵 嘞 ，就 走嚟 報告 司馬懿 聽話 ：
蜀兵 嘅 大隊 人馬 已經 退走 嘞 ，但係 唔 知道 城內 仲 有 幾多 兵 唧 。
司馬懿 親自 去 睇 下 ，嗯 ，見到 城牆 上 插滿 旗 ，城內 有 啲 煙 唂 出嚟 。
司馬懿 見到 就 笑喇 ：啊 呢個 係 空城 嚟 啊 。
即刻 就 派人 入去 探下 哈 ，果然 係 空城 一座 。
司馬懿 高興 喇 佢 話 ：諸葛亮 已經 撤退 喇 ，邊個 將軍 敢 去 追 佢 ！
先鋒 張郃 就 話 喇 ：我 去 ！
張將軍 ，你 嘅 性情 急躁 ，唔好 去 啊 。
都督 ，你 出關 嘅 時候 ，任命 我 做 先鋒 ，今日 正係 立功 嘅 時候 又 唔肯 用 我 ，點解 啊 ？
蜀兵 撤退 喇 ，喺 啲 險要 地方 一定 會 有 埋伏 嘅 ，故此 需要 十分 仔細 先至 好 去 追 佢 㗎 。
呢層 我 知道 ，都督 你 不必 憂慮 。
張將軍 ，係 你 自己 要 去 ，你 唔好 後悔 喎 。
大丈夫 舍身 報國 ，萬死 無恨 ！
既然 張將軍 你 堅決 要 去 ，噉 就 帶 五千 兵 行 先 啦 。
我 另外 派 魏平 ，帶 二萬 馬步兵 跟住 後 便 行 ，提防 蜀兵 有 埋伏 。
然後 ，我 自己 帶 三千 兵 隨後 策應 。
得吖令 ！張郃 接受 咗 命令 ，就 帶兵 火急 向前 猛追 。
行咗卅幾里 ，忽然 背後 喎嗬噉 一聲 吶喊 ，喺 樹林 裏頭 呀 衝出 一彪 軍隊 。
為首 一員 大將 橫刀勒馬 就 大聲 噉 嗌 ：張郃 賊將 你 帶兵 想 去 邊度 啊 ！
張 郃 捩 轉頭 一望 ， 哦 ， 原來 係 魏延 呀 ， 呢 個 係 老 敵手 死對頭 啊 ！
張郃 發起 火嚟 ，即刻 回馬交鋒 。
哈 ，打咗 唔夠 十個 回合 ，魏延 就 詐敗 走人 喇 。
張郃 又 追咗 卅幾里 ，嗯 ？佢 一 諗起 司馬懿 嘅 說話 就 勒定 馬 ，擰轉 頭 四圍 噉 觀察 一番 。
一啲 都 冇 到 伏兵 啊 ，於是 一鞭 隻 馬 又 試𡃈𡃈聲 向前 猛追 。
啱啱 追過咗 一個 山坡 ，突然間 喎嗬噉 吶喊 連天 ，一彪 軍隊 衝出嚟 。
為首 一員 大將 乃係 關興 啊 ，佢 勒 馬 橫刀 大喝 一聲 話 ：張郃 你 唔好 追 喇 ，有 我 喺處 啊 ！
張郃 拍 馬 上前 就 直取 關興 ，打咗 唔到 十個 回合 ，關興 撥 馬 就 走 。
張郃 跟住 尾 追佢 ，一 追 就 追到 去 一座 大樹林 。
張郃 都 好 穩陣 㗎 吓 ，佢 又 派出 啲 士兵 四周圍 噉 偵察 ，冇 發現 埋伏 喇 於是 就 放心 又 追 。
點知道 魏延 呢 ，一下 就 屈到 去 佢 前 便 攔住 ，噉 張郃 又 同 佢 打咗 十幾個 回合 。
哈哈 魏延 又 打敗咗 逃走 喎 。
豈有此理想捉弄我係嘛 ？畀我捉到你就將你斬成肉醬 ！
張郃 嬲 起 上嚟 就 縱馬 追 過去 。
吖 誰知 又 畀 關興 屈 到 去 前 便 截住 條 路 。
張郃 發 大火 喇 ，大喝 一聲 鼠輩 你咪 走 ！就 拍馬 交鋒 打咗 十個 回合 。
啲 蜀兵 打敗 咯 ，掉低 晒 啲 袍甲 、雜物 等等 ，滿地 都 係 啊 。
嘩嗨 ，有 嘢 執哦 ，啲 魏軍 咪 紛紛 落馬 就 搶住 去 執咯 。
就係噉樣 ，魏延 同 關興 兩個 啊 ，輪流 嚟 同 張郃 打 。
張郃 奮起 威風 窮追 不捨 啊 。
好喇 ，眼睇住 就快 天黑喇 ，張郃 一直 追到去 木門道口 ，喺 呢個時候 魏延 勒 轉馬 ，高聲 大叫 ：
張郃 你 呢個 逆賊 ！你嚟嚟嚟 我 同 你 大戰 一百個 回合 ！
嘿 真係 激到 張郃 呀 頭殼 出煙 啊 ，挺槍 驟馬 就 直取 魏延 。
魏延 舞起 大刀 迎上 嚟 咣 咣 咣 打 咗 唔 到 十個 回合 ， 哈哈 魏延 又 大敗 喇 。
掉低鐵甲頭盔 ，伏喺隻馬處 帶住 一隊 敗兵 向住 木門 道 飛跑 。
張郃 殺得 性起 ，已經 火遮眼 喇 ，見到 魏延 大敗 逃跑 以為 佢 真係 打輸 喎 ，就 放馬 猛追 上去 。
呢陣時 個 天 已經 好 黑 㗎 嘞 。
突然之間 ，轟 一聲 炮響 ，山上 便 霎時 火光 沖天 。
啲 大石 啊 木頭 啊 零零林林 噉 碌 落嚟 ，眨下眼 就 塞死咗 條 去路 。
張郃 一下 就 醒悟過嚟 喇 ，驚 喇 ，哎呀 ，我 中計 喇 ！
一勒 轉隻馬 想 趯返 轉頭 ，弊 ！原來 後便條 歸路 亦 已經 畀 啲 木頭 亂石 塞死 埋喇 。
就係得返中間一橛空地 ，兩邊 兩便 都係 峭壁 ，張郃 進退 都冇路 咯 呢勻 。
忽然間 ，㩧噉 一聲 梆子 響 ，兩便 萬箭齊發 ，將 張郃 同 百幾個 部下 將士 呀 ，一齊 射死 。
噉 張 郃 死咗 之後 呢 ，後 便 大隊 魏兵 就 趕到嚟 。
睇見 條 路 塞斷咗 就 知道 張郃 實 係 中計 嘞 ，急急 勒馬 退返 轉頭 啦 。
突然 聽見 山頭 上 有 個人 大聲 噉 話 ：諸葛丞相 喺度 啊 ！
啲 魏兵 擔 高頭 一望 ，只見 孔明 企 喺 火光 之中 就 指住 下 便 噉 話 ：
我 今日 打獵 ，本來 想 射 隻 馬 嘅 ，誰知 射錯咗 隻 獐 。
你哋 大家 唔使 慌 ，安心 返去 啦 。
你哋 返去 講畀 仲達 聽 ，佢 遲早 實畀 我 捉住 嘅 。
孔明 停止 攻擊 ，噉啲 魏兵 就 趯 返 去 ，將 詳細 嘅 經過 報告 畀 司馬懿 聽 。
唉司馬懿 好 悲傷 啊 ，佢 话 ：唉 ，哎哎哎 ，張郃 陣亡 ，係 我 嘅 錯 啊 ！
過咗幾日 ，司馬懿 就 收兵 返 洛陽 。
魏主曹睿 知道 張郃 死咗 ，當然 亦 好 難過 啦 ，就 派人 收咗 佢 嘅 屍 ，隆重噉 將 佢 安葬好 ，呢啲 都 唔多 講 喇 。
而家 講下 孔明 佢 返到 漢中 ，就 想 去 成都 拜見 後主 劉禪 啦 。
李嚴 知道 呢個 消息 呀 ，就 喺 劉禪 面前 搞鬼 嘞 喎 佢 话 ：
陛下 ，臣 本來 已經 準備好 軍糧 㗎喇 ，就快要 運去 前線 交畀 丞相 㗎喇 。
唔知 丞相 為咩嘢事 ，突然 又 要 班師 返嚟 呢 ？
劉禪 聽講 覺得 十分 奇怪 啦 ，就 派 尚書 費禕 去 漢中 見 孔明 ，就 問 孔明 班師 嘅 原因 喎 。
孔明 聽 費禕 噉樣 一問 ，大吃一驚 啊 佢 話 ：
哦 係 李嚴 發出 告急 文書 ， 話 東吳 就 快 興兵 侵犯 西川 嘞 ， 因此 我 先至 班師 返 嚟 咋 嘛 。
費禕 就 話 喇 ：哦 ，噉 呀 。
不過噉噃 ，李嚴 向 主上 稟奏 ，話 軍糧 已經 辦妥 㗎喇 。
但 係 丞相 你 無緣無故 忽然 班師 回國 噉 ， 故此 主上 叫 下官 嚟 問下 丞相 啫 。
哎呀 原來 噉㗎 ！孔明 可惱喇 ，就 派人 去 查清楚 。
嘿！ 原來 係 李嚴 啊 ，因為 搞唔掂 啲 軍糧 ，就 怕 孔明 處分 佢 。
故此 一方面 呢 就 發 一封 告急 文書 ，使到 孔明 班師 回國 。
另一方面 呢 ，又 喺 後主 面前 顛倒 是非 ，想 遮掩 自己 嘅 錯誤 。
佢啊真係 聰明過頭咯 ，居然 搞到 孔明 頭上 嚟 呀 。
孔明 發火 啊 ，佢 話 ：李嚴 呢個 傢伙 ，為 咗 自己 嘅 緣故 誤晒 國家 大事 喇 。
立即 就 派人 去 召 李嚴 嚟 要 殺 佢 。
費禕 就 勸 佢 話 喇 ：請 丞相 念在 先帝 託孤 嘅 一番 心意 ，故且 寬恕 佢 一次 咁多 啦 。
噉 ，好啦 ，孔明 聽 佢 勸 就算 嘞 。
然後 費禕 寫咗 一份 奏章 ，呈送 畀 後主 劉禪 。
劉禪 一 睇 ，嘿 嬲得 好 緊要 啊 ，即時 喝 武士 拉 李嚴 出去 要 殺 佢 頭 。
好在 得到 參軍 蔣琬 講情 保奏 ，先至 免咗 一死 。
但係 劉禪 呢 仲 係 罷咗 李嚴 官職 ，罰 佢 去 梓潼 郡 做 老百姓 。
噉啊孔明 返到 成都 之後 呢 ，就 任用 李嚴 個仔 李峯 做 長史 喎 。
各位 ，講到 呢度 呢 ，真係 冇法子 唔讚 孔明 兩句 嘅 。
一 ，就係 佢 任人唯賢 ；二 就係 唔記仇 。
嗱 ，李嚴明明 想 害 自己 㗎 ，噉 皇上 處分 咗 佢 就 算 喇 ，事 就 算了 喇 。
李嚴 個仔 有 本事 ，照樣 重用 佢 。
無 他 ，一心 為 國家 啫 。
噉樣 做事 得 人心服 咯 ，係嘛 ？
好 喇 ， 閑 話 休提 就 講返 孔明 就 喺 成都 啊 ， 佢 就 儲備 糧草 訓練 軍隊 ， 整治 軍器 就 愛惜 將士 。
佢 計劃 喺 三年 之後 ，再次 舉行 北伐 。
噉東西 兩川 嘅 軍民 人等 呢 都 好 擁護 佢 。
正所謂 光陰 似箭 日月 如梭 ，轉下眼 呢 不經不覺 又 過咗 三年 嘞 。
即係到咗蜀漢建興十二年 ，即係公元二三四年啊 ，春天二月 。
呢一日 ，孔明 上朝 稟奏 後主 劉禪 話 ：
臣 整頓 訓練 軍隊 已經 三年 ，而家 糧草 豐足 ，軍器 完備 ，人 強 馬 壯 ，可以 討伐 魏國 。
呢 一次 ，若果 唔能夠 掃清 奸黨 光復 中原 ，臣 就 發誓 唔 返嚟 見 陛下 ！
劉禪 就 話 喇 ：相父 啊 ，目前 已經 形成 鼎足三分 嘅 局勢 咯 ，吳國 、魏國 都 冇 嚟 侵犯 。
相父 點解 仲要 出征 ，唔 安安樂樂 享下 太平 之 福 呢 ？
臣 ，受到 先帝 知遇 之 恩 ，平時 ，即使 係 睡夢 之 中 亦 唔會 忘記 點樣 去 討伐 魏國 ，竭力 盡忠 ，為 陛下 收復 中原 ，重興 漢室 。
呢個 就係 臣 嘅 唯一 願望 啊 。
孔明 說話 未完 ，忽然 有 個 人 出班 啟奏 話 ：請 丞相 千祈 唔好 興兵 啊 ！
大家 一 睇 ，原來 係 太史 譙 周 。
譙 周佢 又 好識 天文 嘅 ，而家 佢 見到 孔明 又 想 出師 北伐 ，所以 就 出班 向 劉禪 稟奏 話 ：
臣 既然 職掌 司天台 ，但凡 見到 禍福 之事 ，都 不可 不奏 啊 。
近來 ，有 幾萬 隻 雀鳥 ，由 南方 飛嚟 ，舂 晒 落 漢水 死咗 ，呢個 乃 係 不祥 之 兆 嚟㗎 。
臣 又 觀測 天象 ，見到 奎星 運行 於 太白 之 分 ，盛氣 正在 北方 ，所以 不利於 討伐 魏國 。
同時 ，成都 嘅 民眾 ，好多 都 聽見 啲 柏樹 喺 晚上 啼哭 嘅 。
而家 ，既然 有 呢幾樣 不祥 嘅 事情 出現 ，所以 ，丞相 只係 宜於 謹守 ，而 不可 妄動 啊 ！
孔明 唔同意 啊 ，佢 話 ：
我 接受咗 先帝 託孤 嘅 重任 ，就 應當 竭力 去 討伐 逆賊 。
又點能 因為 啲 虛妄 嘅 事情 ，而 荒廢 國家 嘅 大事 呢 ？
孔明 既然 堅持 要 北伐 呀 ，劉禪 終歸 亦 同意 嘞 。
呢一日 ，孔明 準備好 太牢 ，即係 豬 、牛 、羊 啊 ，係 古時 拜祭 天地 社稷 ，最 隆重 嘅 祭品 嘞 ，就 去到 太廟 拜祭 先帝 劉備 。
孔明 對住 劉備 嘅 神位 ，三跪九叩 ，心情 激動 ，佢 稟告 話 ：
臣 ，諸葛亮 ，五出祁山 ，未得 一寸 土地 ，罪責 唔輕 。
今日 ，臣 又 試率領 三軍 ，再 出 祁山 ，誓 要 竭力 盡心 ，剿滅 漢賊 ，收復 中原 。
鞠躬盡瘁 ，死而後已 ！
祭完 ， 就 上 朝向 後主 辭行 ， 跟 住 趕到 漢中 。
呢一日 ，孔明 正在 同 眾 將官 舉行 會議 商量 出兵 嘅 事情 ，忽然 得到 報告 話 關興 病死 咗 噉 。
孔明 當堂 放聲 大哭 ，喊到 暈咗 ，過咗 好耐 先至 醒返 。
大家 都 勸佢 唔好 咁 傷心 喇 ，人 死 不能 復生 ，丞相 要 多多 保重 啊噉 。
孔明 話 ：唉 ！可憐 忠義 嘅 人 ，個 天 都 唔 畀 長壽 佢 嘅 。
啊 ，我 呢次 出師 ，又 少咗 一員 大將 咯 。
噉孔明 同 大家 商量 策劃 妥當 之後 啊 ，就 率領 三十四萬 蜀兵 ，分 五路 前進 。
任命 姜維 、魏延 做 先鋒 ，五路 兵馬 一律 到 祁山 會合 。
同時 命令 李恢 先 運糧草 ，去到 斜谷 路口 等候 。
話 分 兩頭 ，而家 講下 魏國 。
因為 喺 舊年 啊 ，有 條 青龍 喺 摩坡 個 井 裏頭 飛出嚟 ，故此 魏主 曹睿 呢 ，就 由 呢 一年 起 ，將 年號 改為 青龍元年 。
所以 蜀漢 建興 十二 年 孔明 六出 祁山 嘅 時候 呢 ，就係 青龍 二 年 嘞 。
呢一日 ，魏主 曹睿 聽見 侍臣 稟奏 話 ，蜀兵 三十幾萬人 ，分 五路 再 出 祁山 噉 就 嚇咗 一大驚 ，急急 召 司馬懿 入 宮 商量 。
曹睿 話 喇 ：有 成 三年 咁 耐 ，蜀軍 都 冇 嚟 入侵 嘞 。
而家 諸葛亮 又 出 祁山 嘞噃 ，如之奈何 呢 ？
臣 夜 觀 天象 ，見到 中原 旺氣 正盛 ；奎星 犯 太白 ，不利於 西川 嘅 。
而家 ，孔明 自以為 才智 過人 就 逆天行事 ，噉 佢 就 自取 敗亡 咯 。
臣 託 陛下 洪福 ，一定 能夠 擊敗 佢 ！
臣 想 保舉 四個人 一齊 去 啊 。
好吖 ，愛卿 想 保舉 邊 幾個 人 呢 ？
夏侯淵 有 四個 仔 ：
大仔 叫做 阿霸 ，字 仲權 ；
二仔 阿威 ，字 季權 ；
三仔 阿惠 ，字 稚權 ；
四仔 阿和 ，字義權 。
阿霸 阿威 兩個 弓馬 熟練 ，阿惠 同 阿和 呢 就 通曉 兵法 。
佢 四 兄弟 時常 都 想 有 機會 ，同 父親 報仇 雪恨 嘅 。
臣 今日 想 保舉 夏侯霸 、夏侯威 ，做 左右 先鋒 ，夏侯惠 、夏侯和 做 行軍 司馬 ，一同 參贊 軍機 去 擊退 蜀兵 。
誒不過噉噃 ，以前 夏侯楙 駙馬 違誤 軍機 損失咗 好多人馬 ，到而家 ，都 仲 流亡 在外 唔敢 返嚟 。
嗯 佢 呢 四 兄弟 ，會 唔會 同 夏侯楙 咁上下 㗎 ，如果 係 就 唔好 咯 。
陛下 請 放心 ，呢 四個人 ，絕非 夏侯楙 可比 啊 。
噉就好啦 ，曹睿 同意 佢 嘅 請求 ，就 任命 司馬懿 做 大都督 。
但凡 一切 將士 啊 ，任由 司馬懿 量才 任用 ；各處 嘅 兵馬 ，一律 聽從 司馬懿 調遣 。
曹睿仲 親手 寫咗 張 詔書 交畀 司馬懿 。
詔書嘅 內容 呢 ，實際 係 軍事上 嘅 指示 嚟 。
大意就係話 ：你 去到 渭河 沿岸 就 宜於 堅守 ，唔好 同 蜀兵 交鋒 。
蜀軍 不得志 嘞 ，必定 詐作 撤退 嘅 ，到時 你 千萬 唔好 去 追 。
等到 蜀軍 糧盡 嘞 ，自然 就會 退走 嘅 。
到時 乘虛而攻佢 ，取勝 就唔難 。
噉樣做 ，我軍 亦 可以 減輕 疲勞 之 苦 。
司馬懿 接受 咗 詔書 ，叩頭 謝恩 就 辭別 咗 曹睿 ，即日 就 離開 洛陽 出發 。
司馬懿 去到 長安 ，佢 聚集 起 各處 軍馬 總共 四十萬 人 ，都 去到 渭水 岸邊 扎寨 。
佢 撥出 五萬 兵 ，喺 渭水 之 上 啊 搭起 九 座 浮橋 ，就 命令 先鋒 夏侯霸 、夏侯威 就 過咗 去 渭水 對岸 安營 。
同時又喺大營嘅後便嘅東原啊 ，築起一座城就以防不測 。
有一日 ，司馬懿 正在 同 眾 將官 商量 事情 ，郭淮 、孫禮 就 嚟到 求見 。
司馬懿 請 佢哋 入到 中軍帳 ，行過 禮 ，郭淮 就 話 喇 ：
目前 蜀兵 喺 祁山 嚟 ，若果 佢哋 渡過 渭水 進入 高原 ，接連 北山 ，切斷 隴西 嘅 通道 ，噉 就 好 危險 㗎 。
係 ，郭將軍 你 講得 好啱 ，就 請 郭將軍 你 總督 隴西 軍馬 ，喺 北原 安營扎寨 ，築好 防禦工事 ，按兵不動 。
一直 等到 蜀軍 糧盡 喇 ，然後 先至 發起 進攻 。
郭淮 、孫禮 接受 咗 命令 就 帶兵 去 安營 。
噉話說 孔明 呢次 六出 祁山 啊 ，佢 係 按照 左 、右 、中 、前 、後 ，噉 扎落 五個 大營寨 。
同時呢 ，由 斜谷 一直 到 劍閣 ，又 扎落咗 十四 個 大營寨 。
將軍 馬 分開 喺度 駐扎 作為 長久 之計 。
每一日 ，孔明 都 派人 出去 巡哨 。
呢一日 得到 消息 ，話 郭淮 、孫禮 ，率領 隴西 嘅 軍隊 ，喺 北原 安營 噉 。
孔明 對 眾 將官 話 喇 ：魏兵 之 所以 喺 北原 安營 啊 ，就係 怕 我 搶佔 咗 呢條 路 ，切斷 隴西 嘅 通道 啊 。
我而家 ，要 詐作 進攻 北原 ，而 暗中 去 奪取 渭水河岸 。
要馬上派人扎百幾隻木排 ，啊 ，上便裝滿乾草 ，挑選 五千 名 熟練 嘅 水手 做 駕駛 。
我 喺 晚上 進攻 北原 ，噉 司馬懿 就 必定 帶兵 去 救 嘅 。
當 魏兵 一 打敗 ，我 就 將 後軍 渡過咗去 對岸 先 。
然後 命令 前軍 坐 木排 ，順水 去 放火 燒斷 魏軍 嘅 浮橋 ，然後 去 攻擊 佢哋 嘅 背後 。
我就 親自 帶 一支 軍隊 去 攻打 前營 嘅 大門 。
如果 奪取到 渭水 南岸 ，噉 進兵 就 唔 難 喇 。
孔明 交帶咗 任務 ，眾 將官 接受咗 命令 就 分頭 行動 嘞 。
魏軍 嘅 偵察人員 呢 ，探聽到 蜀軍 嘅 動靜 就 飛報 司馬懿 。
司馬懿 即刻 召集 眾 將官 嚟 對 佢哋 話 ：
孔明 噉樣 部署 ，其中 係 有 計謀 㗎 。
佢 係 表面上 嚟 奪取 北原 ，實際上 ，係 順水 嚟 燒 我 嘅 浮橋 ，擾亂 我 嘅 後方 ，而 進攻 我 嘅 前方 啊 。
於是 司馬懿 立即 傳令 夏侯霸 、夏侯威 ，若果 聽見 北原 響起 吶喊聲 ，就 帶兵 去到 渭水 南山 裏 便 ，等 蜀兵 一 到 就 打 佢 。
又 命令 張虎 、樂綝 ，帶領 二千 名 弓箭手 ，埋伏 喺 渭水 浮橋 北岸 。
吩咐佢哋 ：當 蜀兵 坐 木排 順水 嚟到 ，就 一齊 射佢 ，唔好 畀 佢哋 接近 浮橋 。
又 傳令 郭淮 、孫禮 ：
孔明 喺 北原 要 偷渡 渭水 ，你哋 嘅 兵營 新新 建立 ，人馬 唔多 ，就 應該 將 全部 人馬 ，埋伏 喺 半路 嚟 。
若果 蜀兵 喺 午後 渡河 ，到咗 黃昏 時候 必定 會 嚟 攻 你 嘅 。
到時 ，你 就 詐敗 逃走 ，蜀兵 實 追 ，你哋 就 用 箭 嚟 射 佢 ，我 會 水陸 並進 。
如果 蜀兵 大隊 進攻 ，就 聽從 我 嘅 指揮 ，進行 還擊 喇 。
好喇 ，司馬懿 對 各路 人馬 都 下完 命令 。
又 吩咐 佢 兩個 仔 司馬師 、司馬昭 ，帶 一支 軍隊 去 接應 前營 。
而司馬懿 自己 呢 ，就 帶 一支 軍隊 去 救 北原 。
噉究竟 雙方 勝負 如何 啊 ，就且 聽 下回 分解 。
