我哋啊 講到 孔明 佢 用 逐日 增加 灶頭 嘅 辦法 ，就 開始 帶兵 撤退 吖 。
噉啊 講下 司馬懿 呢 ，佢 又 計住 時間 喎 ，諗住 苟安 去 成都 放 謠言 就 做妥咗 㗎喇 。
噉 啊 當蜀兵 一 撤退 嘅 時候 呢 就 準備 出動 大兵 掩殺 過去 嘅 。
呢一日 ，探馬 嚟 報告 話 蜀軍 營寨 空晒 喇 ，人馬 都 走咗 喇噉 。
司馬懿 呀 素來 都 知道 ，孔明 係 計仔 多 ，唔敢 隨便 派兵 去 追擊 啊 。
所以 佢 啊 親自 帶住 百幾個 馬軍 ，先 不 先 去到 蜀兵 營寨 到處 噉 睇過 先 。
又叫啲兵士啊數清楚啲灶頭數目 ，然後就返扯喇 。
第日 ，又 派 啲 兵士 追 去 嗰個 營處 ，查點 灶頭 個 數目 噃 。
咪返嚟報告話 ，呢個 營 嘅 灶頭 ，多過 昨日 成倍 啊噉 。
司馬懿 就 同 大家 講 喇 ：嗯 ，我 都 料到 孔明 好多 計謀 嘅 ，而家 果然 添兵 加灶 。
呵呵 ， 我 如果 去 追 佢 呀 ， 實 中 佢 嘅 計 㗎 。
嗯 我 都 不如 退兵 先 ，以後 再 作 打算 罷啦 。
所以 司馬懿 呢 亦 都 收兵 ，唔 追 喇 。
於是 孔明 啊 ，一兵一卒 都 冇 損失 到 安安全全 噉 就 撤退 返到 去 成都 。
過後 ，西川 邊界 嘅 土人 就 嚟 報告 畀 司馬懿 。
話孔明退兵嗰陣呀 ，冇見佢增加過兵噃 ，只係一味噉掘多啲灶頭啫噉 。
司馬懿 聽咗 就 長嘆 一聲 話 ：
唉 ，孔明 學咗 虞詡 嘅 辦法 ，畀 佢 呃到 我 咯 。
孔明 嘅 謀略 ，我 確係 唔 及 佢 啊 ！
於是 司馬懿 率領 大軍 返去 洛陽 喇 。
司馬懿 講 嘅 所謂 虞詡 嘅 辦法 又 係 點 嘅 呢 ？
呢個 虞詡 啊 ，係 東漢 時候 嘅 武都 太守 。
噉 有 一次 佢 就 帶 兵 同 羌兵 打仗 啊 ，羌兵 呢 就 喺 陳倉 ，崤谷 就 攔截 虞詡 。
虞詡 就 用 每日 增加 灶頭 嘅 計策 ，迷惑 對方 ，噉 使到 兵 唔敢 追 佢 ，最後 呢 ，就 打敗 咗 羌兵 。
今日 孔明 用 嘅 就係 呢個 辦法 。
正是 棋逢敵手 難 相勝 啊 ，將 遇 良才 就 不敢 驕 哈哈 ，噉 呢次 呢 就 畀 佢 呃到 司馬懿 。
噉孔明 返到 成都 ，即刻 就 入宮 去 見 後主 劉禪 嘞 。
佢 話 ：老臣 出咗 祁山 ，正係 要 奪取 長安 嘅 時候 ，忽然 接到 陛下 嘅 聖旨 ，召 老臣 回朝 ，唔知 有 咩 嘢 大事 呢 ？
誒 ，誒誒 ，誒噉嘅 ，呢 因為 ，誒因為 ，朕 好耐 好耐都冇見 丞相 面 喇 ，個心 啊 好 想念 你 。
誒係咯 ，誒故此 就 請 你 返嚟 見 下面 唧 係 冇 咩 其他 事 嘅 ，嘿嘿嘿 誒冇 咩 其他 事 嘅 。
呢個 並非 係 陛下 嘅 本心 ，實係 有 奸臣 喺 陛下 面前 講咗 壞話 ，話 老臣 不忠 定 喇 。
誒 ，誒誒 ，劉禪 聽 孔明 噉 講 啊 當堂 口窒 ，唔 出聲 嘞 。
陛下 ，老臣 受 先帝 厚德 深恩 ，誓死 都要 報答 。
而家 ，若果 內 有 奸邪 ，老臣 又 點 能夠 去 討伐 逆賊 呢 ？
誒 ，誒 ，誒 朕 因為 誤聽 宦官 嘅 說話 ，一下 就 召咗 丞相 返嚟 。
誒 今日 丞相 噉樣 一 講 ，使到 朕 茅塞頓開 ，朕 真係 好 後悔 啊 。
劉禪 講 清楚 原因 嘞 。
孔明 就 辭別咗 佢 ，出到嚟 ，立即 叫 啲 太監 嚟 查問 究竟 。
噉先至知道啊 原來 係 苟安 呢個 傢伙 散播 謠言 。
豈有此理啦 急急 就 派人 去 捉佢 。
之苟安呀 ，早就 去咗 投奔 魏國 喇 捉唔到 喇 。
孔明 又 將 聽信 謠言 ，亂咁 向 後主 稟奏 嘅 太監 殺咗 。
噉 其餘 嗰啲 呢 ，冚𠾴唥 趕晒 出 皇宮 。
同時啊 ，又 好 嚴厲 噉 批評咗 蔣琬 同 費禕 ，批評 佢哋 平時 唔 能夠 察覺 奸邪 規勸 天子 啊 。
噉佢 兩個 當然 一味 噉 岌頭 認錯 啦 。
搞掂咗 呢件事 之後 ，孔明 就 辭別 劉禪 ，再 返去 漢中 。
一方面呢 ，就 發出 檄文 ，命令 李嚴 供應 糧草 ，照常 運送 到 前線 。
另一方面 呢 ，就 召集 文武官員 嚟到 會議 ，研究 再次 出師 嘅 事情 。
楊儀 就 話 喇 ：丞相 ，前 幾次 出兵 ，已經 使到 軍力 疲乏 ，糧草 又 供應 唔 上 。
以下 官 嘅 愚見 呢 ， 呢 次 不如 將兵 馬 分為 兩班 ， 誒 ， 誒 每班 以 三個 月 為期 。
比如 ，誒 我 軍 二十萬 兵 ，就 只係 帶 十萬 人 出 祁山 ，就 住 夠 三個月 喇 ，就 用 另外 嗰 十萬 人 去 替 佢哋 返嚟 。
噉如是者 輪流 出去 ，噉如果 噉做 呢 ，兵力 就 唔使 疲乏 。
然後 慢慢噉 ，一步一步 向前推進 ，中原 就 可以 到手 喇 丞相 。
孔明 好高興 啊 佢 話 ：你 噉 講 合晒 我 心意 。
我哋 北伐 中原 ，並非 一朝一夕 之事 ，正係 需要 呢種 長久之計 啊 。
於是 孔明 就 下令 ，將 全軍 分為 兩班 ，以 一百日 為期 ，輪流 出 祁山 。
違反 期限 嘅 呢 ，就 按 軍法 處置 。
到 咗 蜀 漢建興 九年 ， 即 係 魏太和 五年 ， 亦 即 係 公元 二三 一年 啊 ， 春天 二月 ， 孔明 啊 再次 出師 攻打 魏國 。
噉 呢次 呢 ，就係 孔明 五出 祁山 嘞 噃 。
魏主 曹睿 聽聞 孔明 又 試嚟 進攻 ，就 急忙 召 司馬懿 嚟 商量 對策 。
當時 曹真 呢 就 已經 死咗 啦 。
司馬懿啊 向 曹睿 表示 ，願意 竭盡 佢 自己 嘅 力量啊 ，擔起 迎擊 蜀兵 嘅 重任 。
曹睿 就 好 歡喜 ，舉行 宴會 嚟到 款待 佢 。
噉呢個 就係 極大 嘅 恩寵 咯 係嘛 皇帝 請 飲 噃 。
到咗 第日 ，邊境 就 送嚟 告急文書 ，話 蜀兵 大舉 進犯 嘞 。
曹睿 就 命令 司馬懿 立即 出兵 去 抵敵 。
司馬懿 出發 嗰 日 呢 ，曹睿 親自 送到 佢 出城 外 啊 。
司馬懿 去到 長安 之後 ，會 齊 各路 人馬 ，就 同 眾 將官 商量 擊敗 蜀兵 嘅 策略 。
張郃 話 喇 ：都督 ，末將 願意 帶 一支 軍隊 去 守衛 雍城 、郿城 ，抵抗 蜀兵 。
司馬懿 話 喇 ：我 嘅 前軍 ，唔能夠 獨力 抵擋住 孔明 咁 強大 嘅 軍隊 。
如果 仲要 將 兵力 分為 一前一後 ，就 更 唔係 勝算 咯 。
不如 留 一部分 兵力 ，守衛 上邽 ，其餘 嘅 全部 調去 祁山 前線 。
張 將軍 。
都督 。
你 願唔願意 做 先鋒 呢 ？
哎呀 ！ 都督 啊 ， 末將 一向 以 忠義 為懷 ， 總 係 希望 盡心 報國 ， 可惜 ， 可惜 未曾 遇到 知己 啊 。
今日 ， 都督 肯將 呢 個 咁 重 嘅 責任 交 畀 我 ， 我萬死 不得 辭 ！
司馬懿 十分 高興 ，就 任命 張郃 做 先鋒 ，總督 大軍 。
同時 又 命令 郭淮 就 守衛 隴西 各 郡 。
其餘 各 將官 呢 ，就 分路 進兵 。
司馬懿 正 話 部署 完畢 ，前軍 嘅 偵察 人員 就 返嚟 報告 話 ：
稟告 都督 ，孔明 率領 大軍 向 祁山 進發 ，前部 先鋒 王平 、張嶷 直出 陳倉 ，過 劍閣 ，由 散關 向 住 斜谷 嚟緊 喇 。
知道喇 ！張將軍 。
都督 。
而家 孔明 佢 長驅直進 ，必定 會 收割 隴西 一帶 嘅 小麥 ，嚟 補充 軍糧 嘅 。
張將軍 你 就 去 鎮守 祁山 。
我啊 同 郭淮 巡查 天水 各 郡 ，防止 蜀 兵 嚟 割 麥 啊 。
得令 ！
張郃 就 根據 司馬懿 嘅 命令 ，帶咗 四萬 兵 去 鎮守 祁山 。
司馬懿 自己 呢 ，就 率領 大軍 去 隴西 嘞 。
而家 講下 孔明 ，佢 帶兵 嚟到 祁山 地區 ，安好 營寨 喇 。
見到 渭水 岸邊 一帶 啊 都有 魏軍 駐扎 防守 ，佢 就 對 眾 將官 話 喇 ：呢啲 實係 司馬懿 嘅 人馬 。
目前 ，我軍 糧草 缺乏 ，雖然 屢次 派人 去 催促 李嚴 運 米 嚟到 應急 ，但係 一直 都 未 到 。
我 估計 隴上 一帶 啲 麥 已經 熟喇 ，我哋 暗中 帶兵 去 收割 咗 佢 啦 。
於是 孔明 就 留低 張平 、張嶷 、吳班 、吳懿 ，四個 將官 守衛 祁山 兵營 。
孔明啊 親自 帶住 姜維 、魏延 噉 等等 一班 將官 ，直奔 鹵城 。
鹵城 太守 呢一向 都 知道 孔明 厲害 嘅 喇 ，明知 冇得 頂 嘅 ，所以 慌忙 開城 投降 。
孔明 慰問 佢 一番 ，然後 就 問 佢 ：呢個 時候 ，邊處 啲 麥 熟 呢 ？
回覆丞相 ，隴上 一帶 啲 麥 已經 熟喇 。
孔明 就 留低 張翼 同 馬忠 守衛 鹵城 ，自己 就 率領 人馬 去 隴上 。
行到咁上下 ，前鋒部隊 啊 返嚟 報告 話 ：司馬懿 帶兵 嚟咗 呢處 啊 ！
孔明 吃咗 一驚 呀 ：啊 ！此人 預先 就 估計到 我要 嚟 割麥 咯喎 ，好 ！
孔明 馬上 洗個身 ，換過 衣服 ，叫人 推咗 三架 一模一樣 嘅 四輪車 嚟 。
噉呢啲車呢 ，係 孔明 啊 喺 漢中 嘅 時候 就 預先 做落 㗎 喇 。
噉 當時 孔明 就 命令 姜維 帶 一千 兵 護 車 ，五百 兵 擂鼓 ，就 埋伏 喺 上邽城 之 後 。
又 命令 馬岱 喺 左便 ，魏延 就 喺 右便 ，亦都 各 帶 一千 兵 護 車 就 五百 兵 擂鼓 。
另外 每一架車 就 用 二十四 個 人 ，都 係 着 黑色 衣服 ，打 大 赤腳 ，手 執 七星 黑 幡 ，喺 左右 兩便 推 車 。
噉 姜維 、馬岱 、魏延 、接受咗 命令 ，就 帶齊 兵馬 推車 出發 咯 喎 。
跟住 孔明 又 傳令 落去 ，叫 三萬 兵士 都 帶齊 鐮刀 、麻繩 準備 割麥 。
然後呢 ，選咗 二十四個 精壯 兵士 ，個個 都 着住 黑色 衣服 ，披頭散髮 ，打 大赤腳 ，手執 寶劍 ，簇擁住 個 四輪車 就 做 推車 侍者 喎 。
又叫 阿關興 ，打扮成 個 天蓬元帥 噉樣 ，噉啊 手執 七星黑幡 ，喺 架 車 嘅 前 便 步行 引路 。
孔明 自己 呢 ，就 端端正正 坐 喺 架 車 上 便 ，一直 就 向住 魏軍 營寨 而 去 嘞 。
魏軍 嘅 偵察人員 見到 孔明 關興 呢 班 人 咦呀 ！
嚇到 周身 起晒 雞皮 ，喂喂喂 ，係 人 定係 鬼 啊 喂 ，就 飛快 噉 趯 返去 報告 司馬懿 。
有噉嘅事咩 ？司馬懿 要 親自 出營 嚟 睇過 。
係噃 ，只見 孔明 ，戴住 頂 簪冠 ，着住 件 鶴氅 ，手搖 鵝毛扇 ，端端正正 坐喺 四輪車 上 。
左右 兩便 二十四 個人 ，披頭散髮 ，揸住 寶劍 。
噉前便 仲 有 個人 手 執 黑幡 ，嘩嗨 ！好似 天神 一樣 嘅 。
司馬懿 見到 就 話 喇 ：哈 ，呢啲 又 係 孔明 作怪 ！
佢 立即 派出 二千 人馬 ，佢 話 喇 ：
你哋 快啲 衝上去 ，連 車 帶 人 ，冚𠾴唥 同 我 捉返嚟 ！
嗰班士兵 一 聲 得令 就 搏命 噉 衝過去 猛追 啦 。
孔明 見到 魏兵 衝過嚟 ，就 吩咐 架 車 調頭 ，向住 蜀軍 營寨 嗰便 慢慢噉 行喎 。
嗰班 魏兵 鞭 衡 隻 馬 ，𠽤哩 𡃈嘞 飛快 噉 追上去 。
咦呀 ，只見 陰風 陣陣 冷霧 漫漫 ，出盡力 追咗 一輪 ，哈 追極 都 追唔上 。
啲士兵 呀 驚 喇 都 勒住 馬 話 ：奇怪 喇 喂 ，我哋 搏命 咁 追咗 成 三十 里 㗎 啦 ，一味 見 佢 喺 前 便 ，就係 追唔到 嘅 點解 啊 喂 。
孔明 見到 魏兵 唔 追 嚟 ， 好 吖 ， 又 叫 架車 調 轉頭 ， 對住 魏兵 ， 停 咗 車 喺 度 等 。
嗰班 魏兵 啊 猶豫 咗 好 耐 個 心 十五十六 ，收尾 忍唔住 又 放馬 追過嚟 。
哦 你 嚟 追 喇 係嘛 ，孔明 又 叫 架 車 調轉頭 慢慢 行 。
嗰班 魏兵 又 追咗 二十 里 ，哈 成日 都 見 佢 喺 前便 ，就 硬係 追唔上 。
噉就 成班 魏兵 都 傻晒 喇 。
孔明 吩咐 將 架 車 調轉頭 ，對住 魏兵 ，噉啊 推 架 車 打倒 褪行 噃 。
哈噉啊真係畀佢激親嚟喇 ，班魏兵 個心 就唔抵㗎 正話 想再追上去 。
喺 呢個 時候 ，司馬懿 帶住 一支 軍隊 喺 後便 趕到 嚟 喇 。
佢 話 ：同 我 傳令 落去 ，孔明 此人 ，識得 八門遁甲 ，能夠 驅使 六丁六甲 之 神 㗎 。
佢 而家 搞 㗎 ，就係 六甲天書 裏 便 嘅 縮地法 啊 。
大家 唔好 追 喇 ！
一 得到 命令 ，班 魏 兵 就 勒 轉 馬頭 準備 回營 啦 。
點知 喺 左手便 ，沊沊聲 擂響 戰鼓 ，一彪 人馬 殺過嚟 。
司馬懿 立即 指揮 軍隊 去 迎戰 喇 。
誒 ？只見 蜀軍 裏頭 ，又 係 有 二十四 個 人 ，披頭散髮 ，揸住 寶劍 着住 黑衫 打 大赤腳 ，擁住 一架 四輪車 出嚟 嘅 。
車上便 ，伶伶俐俐 孔明 坐正喺度 ，頭戴 簪冠 身穿 鶴氅 ，手搖 鵝毛扇 嘅 。
嘩 ！司馬懿 大吃一驚 ：
乜剛才架車上有個孔明 ，追咗五十里 ，追極都追唔到 。
點解 呢處 又 有 個 孔明 㗎 ？古怪 ，古怪啊 ！
佢 話 口 未 完 ，右手 便 又 響起 戰鼓聲 ，一彪 軍馬 殺過嚟 。
有架 四輪車 ，嚱嚱 ，上便 亦 有 個 孔明 坐 響處 嘅 。
左右 兩旁 亦 有 二十四 個 人 ，都 係 着住 黑衫 ，打 大 赤腳 ，披頭散發 揸住 寶劍 ，擁住 架 車 行過嚟 。
嗯 ！司馬懿 個 心 啊 驚疑 到 極 喇 。
佢 又 對 大家 話 ：呢啲 呀 實 係 神兵 嚟 㗎 ！
司馬懿 都 係 噉 講 啊 ， 啲 兵卒 仔 就 更加 唔 使講 啦 當堂 軍心 大亂 ， 唔 敢 交戰 啊 擰 轉頭 就 瘟 咁 趯 。
趯趯下 ，忽然間 戰鼓聲 震天動地 ，又 有 一彪 軍隊 殺嚟 。
當先 一架 四輪車 ，孔明 端端正正 坐 響處 ，前後左右 推 車侍者 ，同埋 前便 見到 嘅 一模一樣 。
哎呀 嚇到 啲 魏兵 毛骨悚然 啊 。
司馬懿 亦 搞唔清 佢 究竟 係 人 係 鬼 ，又 唔知 佢 究竟 有 幾多 蜀兵 噃 ，個 心 好 驚 啊 。
急急 帶兵 跑返去 上邽城 ，閂實 城門 唔敢 出嚟 咯 。
就 喺 呢 個 時候 啊 ， 孔明 呢 ， 早就 命令 三萬 精兵 ， 將 隴上 一帶 啲 小麥 呀 收割 得 乾乾淨淨 ， 全部 運 咗 去 鹵城 脫粒 曬乾 喇 都 。
司馬懿 就 踎 喺 上邽城 ，足足 有 三日 唔敢 出 城 。
噉啊 收尾 見到 蜀兵 退走咗 ，先至 敢 派 支 小部隊 啊 出去 偵察 下 。
喺 半路 ，捉到 個 蜀兵 ，就 押佢 返去 見 司馬懿 。
司馬懿 就 審問 佢 啦 ，嗰個 蜀兵 就 回答 話 喇 ：
誒 小小 小小 小卒 係 ， 係 割麥 嘅 ， 誒 因為 匹馬 走 甩 咗 ， 所 ， 所以 啊 畀 ， 畀 你 哋 捉 到 啫 。
以前 ，嗰啲 係 乜嘢 神兵 嚟㗎 ？
誒 ， 誒 嗰 嗰 ， 嗰 三路 伏兵 誒 都 唔 係 孔明 嚟 啊 ， 誒 ， 誒 不過 係 姜維 、 嗯 馬岱 同同同 魏延 咋 嘛 。
嗯 每 一路 伏兵 誒 只係 有 一千 兵 護車 ，五百 兵 擂鼓 。
誒 誒 誒 ， 誒 淨 係 ， 最先 嚟 引 你 哋 追 嗰 架 車上 便 嗰 個 啊 誒 誒 先 至 係 孔明 咋 。
將佢 帶出去 ，放佢走 ！
誒誒誒 多謝 將軍 ，誒 多謝 將軍 。
唉 ！孔明 真係 有 神出鬼沒 嘅 本事 啊 ！
司馬懿 呀 ， 確係 唔 到 佢 唔 服 啊 。
過咗 兩日 ，副都督 郭淮 嚟到 見 司馬懿 ，佢 話 ：
我 聽聞 蜀 兵 人數 唔多 ，而家 喺 鹵城 打 麥 ，去 攻 佢 就 啱喇 。
唔得啊 ，我 講 你 聽吖 。
於是 司馬懿 啊 將 前 幾日 點樣 追 孔明 等等 嘅 事 ，講晒 畀 郭淮 聽 。
郭淮 笑嘞 ：都督 ，孔明 只係 呃得 一時 啫 ，而家 已經 識穿晒 佢 咯 ，仲 怕 咩嘢 呢 ？
等我 帶 一支 兵 去 攻佢 背後 ，都督 你 就 帶 一支 兵 去 攻佢 前方 。
噉就 實 可以 攻破 鹵城 ，生擒 孔明 嘅 ！
終歸 司馬懿 接納 咗 郭淮 嘅 建議 ，就 分兵 兩路 去 打 鹵城 喇 。
而家 講 下 孔明 ，佢 帶住 人馬 喺 鹵城 晒 麥 吖 。
呢一日 ，佢 忽然間 ，召集 眾 將官 嚟 發佈 命令 。
佢 話 ：今晚 ，敵人 實 會 嚟 攻城 㗎 。
我 睇 鹵城 東西 兩便 嘅 麥田 之內 啊 ，都 可以 埋伏 兵馬 。
邊位 將軍 願 去 一趟 啊 ？
姜維 、魏延 、馬忠 、馬岱 都 一齊 話 願 去 。
孔明 好 滿意 ，就 命令 姜維 、魏延 各 帶 二千 兵 ，埋伏 喺 東南 同 西北 兩 片 麥田 裏 便 。
馬岱 、馬忠 啊 各 帶 二千 兵 ，埋伏 喺 西南 同 東北 兩 片 麥田 裏 便 。
吩咐佢哋 一聽見 炮響 ，就 喺 四個角 一齊 殺出嚟 噉 。
噉 姜維 佢哋 四個人 啊 接受咗 命令 呢 ，就 帶兵 去 嘞 。
孔明 自己 帶住 百幾人 ，帶齊 火炮 出城 ，隱蔽 喺 麥田 裏頭 等住 魏兵 嚟 。
噉司馬懿呢 ，佢 帶領 人馬 直到 鹵城 。
當時 正 係 黃昏 時候 啊 ，都 上下 天 黑 喇 ，佢 就 對 啲 將官 話 ：
如果 而家 攻城 ，城內 就 必 有 準備 ，我哋 今晚 喺 天黑 之後 ，就 發起 攻擊 。
呢個 城 呀 ，城牆 又 矮 ，壕塹 又 淺 ，一 攻 就 破 㗎 喇 。
噉司馬懿啊 將 兵馬 擺 喺 城外 先 。
到咗一更時分 ，郭淮 亦都 帶兵 到嘞 。
兩路 兵馬 一 會合 ，沊沊沊沊 擂響 戰鼓 ，喎嗬噉 就 將 鹵城 包圍 到 鐵桶 咁 實 。
但係 城牆 上 嘅 蜀兵 啊 ，猛 咁 射箭 掟 石頭 嗶嗶啪啪 落雨 咁 落 ，魏兵 就 唔 敢 衝 上去 。
忽然之間 ，就 喺 魏軍 當中 ，轟轟轟轟轟 連氣 響起 號炮聲 。
嚇到啲 魏軍 都 驚慌 起上嚟 ，黑麻麻 㗎 又 唔 知道 邊處 有 兵 殺嚟 噃 。
郭淮 就 連忙 派人 去 麥田 搜索 。
點知道 四個 角上 ，火光 沖天 ，四路 蜀兵 殺啊噉 一齊 衝殺過嚟 。
跟住 鹵城 呀 打開 四道 城門 ，城內 嘅 兵 啊 㗾噉 又 殺出嚟 裏 應 外 合 ，大殺 咗 一陣 ，殺到 魏兵 死傷 嘅 不計其數 啊 。
司馬懿 急急 帶住 敗兵 ，拼死 衝出 重圍 ，就 佔住 一個 山頭 。
郭淮 呢 ，亦都 帶住 敗兵 ，跑到 去 山 後 閘住 。
孔明 贏咗 呢一仗 就 返入 鹵城 ，命令 姜維 佢哋 四個 將軍 啊 ，喺 四個 角 安營 駐扎 。
過咗幾日 ，郭淮 就 同 司馬懿 商量 話 ：
我軍 同 蜀兵 相持咗 咁 耐 ，冇 辦法 能夠 打退 佢哋 。
目前 ，又 畀 佢哋 殺 贏咗 一場 ，傷亡 咗 三千 幾 人 。
若果唔早啲想辦法呀 ，日後就更難打退佢哋咯 。
郭將軍 你 認為 應該 點 做好 呢 ？
我係噉樣諗嘅 ，請 都督 發 一封 檄文 ，調 雍州 、涼州 嘅 人馬 ，合力 嚟到 參戰 。
我 帶 一支 軍隊 去 襲擊 劍閣 ，截斷 孔明 歸路 ，使到 佢 糧草 嘅 運輸 唔通 ，噉 蜀軍 必定 慌亂 嘅 。
到其時 ，我軍 就 趁勢 發起 攻擊 ，實可以 殲滅 佢哋 嘅 。
誒 ，得噃 ！司馬懿 聽 佢 嘅 。
即時 發 一 封 檄文 ，飛馬 送去 雍州 、涼州 調撥 人馬
好快趣 ，大將 孫禮 ，率領 雍州 、涼州 各 郡 人馬 嚟到 。
司馬懿 就 命令 孫禮 ，約埋 郭淮 去 襲擊 劍閣 。
而家 講返 孔明 ，佢 喺 鹵城 同 魏軍 相持 咗 好 耐 ，總 唔 見 魏兵 出戰 。
嗰日 佢 就 叫 姜維 、馬岱 入 城 ，命令 佢哋 話 ：
目前 魏兵 據守 山上 嘅 險要 地方 ，唔同 我軍 交戰 。
一來呢 ，佢哋 係 估計 我軍 食完 啲 麥 就 冇 糧 喇 。
二來啊 ，佢哋 必定 會 派兵 去 襲擊 劍閣 ，想 切斷 我軍 嘅 運糧 道路 。
你 兩位 各 帶 一萬 兵 ，先 去 守住 險要 隘口 。
噉 魏兵 見到 有 準備 ，自然 就 要 退走 㗎喇 。
噉 姜維 、馬岱 就 帶 兵 出發 咯 喎 。
過咗冇耐 ，有一日 ，長史 楊儀 啊 嚟到 報告 孔明 話 ：
以前 ，丞相 規定 軍隊 一百日 換 一班 ，而家 已經 到 期限 喇 ，漢中 嘅 兵馬 已經 出 咗 西川口 。
前路 公文 已經 到咗 喇 ，就係 等 交班 。
而家 有 八萬 兵 喺 處 ，其中 四萬 係 應該 換班 嘅 。
哦 ，既然 有 規定 在先 ，就 按照 執行 ，該 換班 嘅 就 快啲 起行 啦 。
命令 一 傳 落去 啊 ，啲 將士 都 紛紛 收拾 準備 起程 嘞 噃 。
正喺 呢個 時候 ，有 個 緊急 報告 嚟到 話 大將 孫禮 ，率領 雍 、涼 兩 州 人馬 二十萬 人 前 嚟 助戰 ，去 襲擊 劍閣 。
司馬懿 親自 帶兵 嚟 攻 鹵城 喇噉 ，嚇到 啲 蜀兵 呀 個個 都 慌晒 。
楊儀 就 同 孔明 話 喇 ：丞相 啊 ，呢次 魏兵 嚟 得 好 突然 。
丞相 最好 將 換班 嘅 軍隊 留低嚟 同 敵人 作戰 先 ，等 換防 嘅 兵 嚟到 之後 ，再 替換 佢哋 返去 啦 。
孔明 話 ：噉唔得 ，我 用兵 命 將 就 以 信 為 本 。
既然 有 規定 在 先 ，又 點 能夠 失信 呢 ？
而且 呢班 應該 返去 嘅 兵士 ，人人 都 準備 起程 㗎喇 。
佢哋 嘅 父母 妻子 ，都 喺 屋企 憑住 門口 日日 咁 等 。
我哋 而家 就算 有 大難臨頭 ，亦 決唔 應該 留低 佢哋 嘅 。
孔明 講完 ，立即 傳令 叫 應該 換防 返去 嘅 士兵 ，當日 就 起程 。
命令 一 落 ，全體 兵士 感動 到 不得了 。
佢哋 大聲 噉 嗌 ：丞相 噉樣 對待 我哋 真係 恩深似海 啊 ！
我哋 情願 唔 返 屋企 ，拼咗 呢條 命 都 要 殺退 魏兵 嚟 報答 丞相 啊 ！
哦孔明 亦 極之 感動 啊 ，佢 話 喇 ：
你哋 都 應該 返 屋企 嘅 喇 ，點 好 仲 留低 喺 處 呢 ？
但係 所有 嘅 兵士 ，人人 都 要 出戰 唔願 返 屋企 。
噉孔明就話喇 ：好啦 ，你哋 既然 要 同我 出戰 ，噉就 出城 去 安營 。
等 魏兵 一嚟到 ，唔好 畀 時間 佢哋 喘氣 休息 ，馬上 向 佢哋 進行 攻擊 。
呢個 就係 以逸待勞 嘅 辦法 喇 。
噉 所有 嘅 兵士 ，都 聽從 命令 ，各 執 兵器 ，高高興興 氣勢昂昂 噉 出城 ，擺好 陣勢 ，就 等 魏軍 嚟 喇 。
