話說陳式 ，佢 就 唔聽 孔明 要 佢 停止 前進 嘅 命令 ，亦 唔聽 鄧芝 對 佢 嘅 再三 勸諫 ，自己 就 帶住 五千 人馬 ，直出 箕谷 。
噉啊鄧芝就唯有啊飛報孔明啦 。
陳式佢 帶住 兵 行咗 幾里 路 唧 ，忽然之間 ，轟噉 一聲 炮響 ，四面 魏軍 嘅 伏兵 一齊 衝出嚟 。
陳式 急急 想 退走 啊 已經 嚟唔切 咯 。
大隊 大隊 嘅 魏 兵 啊 塞滿 晒 喺 谷口 ， 圍到 好似 鐵桶 咁 實啊 。
陳式 左衝右突 冇辦法 甩得身 。
睇白 呢趟 冇命 㗎喇 ，突然 又 響起 一陣 吶喊聲 ，只見 魏延 帶住 一彪 軍馬 殺入嚟 嘿好彩 數好彩數 ，噉 就 救返 陳式 出 險 。
呢個 時候 呀 ，陳式 嗰 五千 兵 ，只係 剩返 四五百 負咗 傷 嘅 人馬 咋 。
魏兵 啊 仲 喺 後便 追緊 嚟 。
又 好彩 得到 杜瓊 、 張嶷 帶兵 嚟 到 接應 ， 噉 樣 然後 呢 魏兵 先至 退走 啊 。
真係唔到黃河就心不死 ，係要輸到佢周身孱喇 噉 陳式 、魏延 呢 ，而家 噉 就 信服 孔明 料事如神 確有 先見之明 喇 。
而家 講下 鄧芝 佢 又 返去 回覆 孔明 ，話 魏延 、陳式 如此 如此 無禮 噉 。
孔明 笑喎 ，佢 話 ：
哈哈哈哈哈哈 ，魏延 向來 就 有 一副 反相 ，我 知道 佢 平時 個 心 都有 唔服 唔服 噉 㗎 喇 。
我 就 睇 在 佢 勇敢 呢 一 點 上頭 而 用 佢 個 啫 。
佢 呢個 人 ，日後 時間 一 長 呀 ，實 會 搞出 禍害 嚟 㗎 。
正喺度 談論緊 ，流星馬 嚟到 報告 話 陳式 損失 咗 四千 幾 人 ，而家 只係 剩返 四五百 名 帶傷 嘅 人馬 ，駐扎 喺 山谷 嚟噉 。
孔明 一 聽咗 ，一方面 呀 派 鄧芝 再 去 一趟 箕谷 ，安慰 陳式 就 防止 佢 變心 。
另一方面 呢 ， 就 叫 馬岱 、 王平 嚟 吩咐 佢 哋 話 ：
斜谷 如果 有 魏兵 喺度 守衛 ，噉 你 兩位 就 帶領 本部 兵馬 ，翻過 個 山嶺 ，晝伏夜行 ，一直 出到 祁山 嘅 右側 。
以 舉火 為 號 ，同 馬岱 、王平 會合 ，一齊 去 劫 曹真 嘅 營寨 。
我係 從 山谷 裏 便 ，由 三 便 發起 進攻 。
噉樣呢 ，就 可以 破得 魏兵 嘞 。
於是 佢 四個人 接受咗 命令 啊 就 分頭 帶兵 出發 喇 。
孔明 跟住 又 叫 關興 同 廖化 嚟 吩咐 佢 兩個 話 ：如此 如此噉 。
兩個人 接受 咗 秘密 嘅 命令 ，又 帶兵 出發 啦 。
佈置妥當之後 ，孔明 啊 親自 帶領 精兵 ，急行軍 向前進 。
行行 下 ， 又 叫 吳班 、 吳懿 嚟 ， 就 交 帶 佢 哋 一個 秘密 嘅 命令 。
噉佢 兩個 亦 帶 兵 行 先 喇 。
而家 講下 曹真 ，佢 個 心 呢 ，就 點都唔 信 蜀兵 會 嚟 嘅 。
故此 就 懶懶散散 ，由得 啲 士兵 休息 鐘意 點 就 點 。
佢 一味 等到 十日 過咗 冇事 喇 ，嚱 就 要 醜 下 司馬懿 嘞 喎 。
係噉樣 ，不經不覺 呢 ，就 過咗 七日 嘞 。
呢一日 ，佢 得到 報告 話 山谷 裏 便 發現 有些少 蜀兵 出嚟 噉 。
曹真 就 派 副將 秦良 ，帶 五千 兵 去 偵察 ，就 唔准 蜀兵 行近 邊界 。
秦良 奉命 帶兵 啱 啱 去 到 谷口 ， 呵呵 ， 見到 蜀兵 退走 喇 ， 秦良 就 急急 帶兵 追住 過去 。
點知 行咗 五六十里 嘞 ，又 唔見咗 蜀兵 嘞 噃 奇怪 啦 個 心 就 好 思疑 ，就 吩咐 軍士 啊 落馬 原地 休息 先 。
過咗一陣 ，探馬 就嚟 報告 話 ：報 ！前面 發現 有 蜀兵 埋伏 啊 。
秦良 連忙 上馬 一睇 ，嘩嗨 ！只見 山 裏頭 呀 沙塵 滾滾 ，嗯 ，蜀軍 嚟喇 。
急急 命令 啲 兵士 打醒 十二分 精神 要 作好 準備 。
冇幾耐 ，四面八方 喊殺 連天 。
前面 就 吳班 、吳懿 帶兵 殺出嚟 ，背後 啊 關興 、廖化 帶兵 殺過嚟 。
左右 兩邊 都 係 山 就 無 路 可 走 㗎 嘩 點算 啊 點算啊 ！
呢個 時候 ，山上 個 蜀軍 就 大聲 噉 嗌 喇 ：
落馬 投降 嘅 免 死 ， 落馬 投降 嘅 免 死 啊 ！
嘿呀啲 魏兵 呀 ，大半 都 投降 喇 ，條命 要緊 吖嘛 。
秦良仲 喺度 搏命 啊 ，收尾 呢 ，又 畀 廖化 殺死咗 。
孔明 將 投降 過嚟 嘅 魏兵 ，押解 去 後軍 。
噉啊除咗魏兵嘅衣甲 ，愛嚟 畀 五千名 蜀兵 着住 就 扮作 魏兵 。
由 關興 、廖化 、吳班 、吳懿 就 帶領 住 ，直奔 曹真 嘅 營寨 。
噉啊 先 不先 呢 ，就 派咗 個 報馬 入 寨 去 報告 話 喇 ：
稟告 都督 ，只有 些少 蜀兵 ，冚𠾴唥 都 趕走 晒 喇 。
曹真 就 好 歡喜 嘞喎 ，事關 冇 蜀兵 嚟 就 贏咗 司馬懿 嘅 啦嘛 。
過咗一陣 ，司馬懿 派咗 個 心腹人 嚟 見 曹真 ，就 對 曹真 話 ：都督 用 個 埋伏計 殺咗 四千幾 蜀兵 。
司馬 都督 吩咐 向 將軍 致意 ，唔好 計較 輸賭 嘅 事 ，務必要 用心 提防 。
曹真話喇 ：我 呢度 呀 一個 蜀兵 都 冇 噃 ，哈哈哈哈哈哈哈哈 ，就 打發 個 來人 返去 。
冇幾耐 ，又 報告 話 秦良 帶兵 返嚟 喇噉 。
曹真 就 行 出 中軍 帳 呀 親自 去 迎接 。
點知道啱啱行到營寨 ，衛兵 就嚟 報告 話 大營 前後 起火 啊噉 。
曹真 急急 撲去 寨 後 睇下 係 咩嘢事 啦 。
關興 、廖化 、吳班 、吳懿 就 已經 指揮 蜀兵 啊 ，喺 營寨 前面 殺入嚟 嘞 。
馬岱 、王平 呢 ，就 由 後 便 殺嚟 。
同時 張翼 、馬忠 亦都 帶兵 殺到 。
魏軍 就 毫無 思想 準備 㗎嘛 措手不及 ，頂 都 冇得 頂啊 ，就 散晒 各自 逃生 嘞 。
眾將官 保護住 曹真 ，衝開 條 血路 就 向住 東 便 逃跑 。
喺 後面 呀 ，啲 蜀兵 搏命 咁 追住嚟 。
曹真 正在 狂奔猛跑 啊 ，忽然 聽見 吶喊 連天 ，有 一彪 人馬 殺到 。
哎呀死咯死咯 ，嚇到 曹真 啊 膽戰心驚 。
誒唔使咁慌 ，原來 係 司馬懿 嚟到 啫 。
司馬懿 大戰 一場 ，啲 蜀兵 噉 先至 退返 轉頭 咋 。
曹真 呢下 ，雖然 甩身 冇事 嘞 ，之 真係 醜到 無地自容 咯 想 搵 個 窿 鑽 落 地下 嚟 啊 。
司馬懿 對 佢 話 ：諸葛良 佔據 咗 祁山 嘅 有利 地勢 ，我哋 都 唔好 喺 呢處 駐扎 咁耐 咯 ，不如 去 渭水 岸邊 安營 再 作 打算 罷 啦 。
好嘅 好嘅 。
誒 ，係咯 ，仲達 ，你 又 點 知道 ，誒 我 會 有 呢場 大敗 嘅 呢吓 ？
我 聽見 子丹 你 話 一個 蜀兵 都 冇 ，我 就 諗 ，孔明 實 會 暗中 嚟 劫寨 嘅 喇 。
故此 就 帶兵 嚟 接應 啦 ，果然 係 中咗 佢 計 。
我哋 唔好 再 講 咩嘢 輸賭 嘅 事 喇 ，大家 同心 報國 就係 咯 。
係 ，係嘅 ，係嘅 。
曹真 個 心 啊 極其 不安 ，又 激氣 時 又 翳氣 ，結果 就 搞出 病 嚟 ，瞓低 就 唔 起得 身 添 。
當其時 ，魏軍 就 去到 渭水 岸邊 一帶 駐扎 。
司馬懿 怕 軍心 唔穩定 啊 ，就 唔敢 畀 曹真 帶兵 指揮 。
而家 返轉頭 講下 孔明 ，佢 指揮 大軍 啊 再 出 祁山 。
各位 聽眾 ，呢次 啊 ，係 第四次 ，係 孔明 四出 祁山 。
佢 慰問 軍隊 之後 ，魏延 、陳式 、杜瓊 、張嶷 都 入嚟 中軍帳 ，跪 喺度 請罪 啊 。
孔明 問 喇 ：究竟 係 邊個 使到 軍隊 蒙受 咁大 嘅 損失 啊 ？
魏延話 ：稟告 丞相 ，係 陳式 佢 不聽 號令 ，擅自 進入 谷口 以致 大敗 啊 。
陳式 就 即刻 頂佢 話 ：呢啲 都 係 魏延 教 末將 噉 做 個 咋 請 丞相 明察 ！
佢 救 咗 你 ， 你 又 反咬 佢 一口 ？
哼 ！你 違反 命令 ，唔使 花言巧語 喇 。
刀斧手 ！
在 ！
將佢推出去 ，斬 ！
係 ！走 ！
一陣間 ，就 將 陳式 嘅 首級 掛 喺 中軍 帳 前 示眾 。
各位呀 ，魏延 呢次 都 罪大 㗎 ，之 孔明 呢 亦 唔 殺 佢 住 ，係 想 留住 佢 ，日後 仲 要 用 佢 吖 嘛 。
噉孔明 斬咗 陳式 之後 ，正係 同 大家 商量緊 進兵 嘅 事情 。
探子 啊 嚟 報告 話 曹真 病 到 唔起得身 ，之 而家 仲 喺 營寨 處 醫緊 噉 。
孔明 高興 喇 ，佢 同 大家 話 ：
曹真 如果 係 小病 呢 ，實會 返去 長安 嘅 。
而家 魏兵仲 唔 撤走 啊 ，必定 係 因為 曹真 病重 ，就 特登 留 喺 軍隊 處 ，使 大家 安心 嘅 啫 。
好 ！等 我 寫 封 信 ，叫 秦良 嘅 降兵 帶 去 畀 曹真 。
哈哈哈哈 ，曹真 如果 睇咗 呀 ，佢 實死 無疑 啊 ！
跟住 孔明 就 叫咗 班 降兵 嚟 ，對 佢哋 話 ：
你哋 都 係 魏軍 ，父母 妻子 ，多數 都 喺 中原 嘅 ，噉 長期 留 喺 蜀國 就 唔好 嘞 ，而家 我 放 你哋 返 屋企 好 唔好 吖 ？
啊 ，誒噉 啊 求之不得 喇 求之不得 啊 ，多謝 丞相 大恩 大德 喇 ！
你哋嘅 曹大都督 同 我 有 約 ，而家 我 有 一封 信 ，你哋 同 我 帶返去 送畀佢 啦 ，噉 你哋 一定 會 得到 重賞 嘅 。
噉嗰啲 降兵 攞咗 信 ，喇喇聲 就 趯返去 魏軍 營寨 ，將 孔明 嘅 書信 就 呈上去 畀 曹真 。
曹真 接咗 信 就 勉強 喺 床 上面 坐起身 ，拆開 嚟 睇 啦 。
孔明 呢 封 信 呀 寫得 真係 好嘢 啊 ，啲 說話 就 非常之 犀利 嘅 。
佢 喺 信 內 ，諷刺 曹真 啊 佢 身為 大將 ，不識 進退 ；
又唔識天文地理 ，仲 喺度 幫助 謀 朝 篡位 嘅 反賊 。
結果呢 ，走殘兵 於 斜谷 ，就 遭 淋雨 於 陳倉 ；
輸到 通山 咁 掉盔甲 ，遍地 棄 刀槍 嘅 ；
都督啊 心驚膽裂啊 ，將軍 就 鼠竄 狼忙 ！
試問 你 呢個 大都督 啊 ，仲有 何 面目 返去 見 關中 父老 就 再 入 相府 聽堂 吖 ！
哎呀 ！曹真 睇完 ，恨氣 填胸 ，激到 翻晒眼白 就 唔曉 出聲 ，到咗 夜晚 ，就 一命嗚呼 咯 。
司馬懿 呀 就 用兵車 裝住 曹真 嘅 屍體 ，派人 送返 去 洛陽 安葬 。
魏主 曹睿 聽聞 曹真 死咗 唄 ，就 即刻 落 聖旨 ，催促 司馬懿 出戰 。
噉司馬懿 提早 一日 ，派人 去 下 戰書 ，親自 統率 大軍 噉啊 準備 嚟 同 孔明 交戰 嘞 。
孔明 一 收到 司馬懿 送嚟 嘅 戰書 就 同 大家 話 ：
曹真啊 ，實死咗咯 ！哈哈哈哈哈哈哈哈 ，攞起 支筆 ，喺 戰書 上 便 批咗 來日 交鋒 四個 大字 ，交返畀 司馬懿 嘅 使者 帶返去 。
當晚 ，孔明 叫 姜維 嚟 ，話 佢 聽 ，如此如此 。
又叫 關興 嚟 吩咐 佢 ，如此 如此噉 。
好喇 ，到咗 第日 一早 ，孔明 出動 祁山 嘅 全部 人馬 ，嚟到 渭水 岸邊 。
呢處呀 ，一便 係 河 ，一便 係 山 ，中間 係 一片 平原 曠野 ，確係 一個 極之 理想 嘅 戰場 啊 。
兩軍 相逢 喇 ，彼此 都 用 弓箭 射住 陣角 。
咚咚咚咚咚咚咚咚咚咚咚咚咚 ，咚咚咚咚咚咚咚咚咚咚咚咚 ，咚咚咚咚咚咚咚三通鼓罷 ，魏陣當中門旗一開 ，司馬懿出馬 。
眾將官 跟住 喺 佢 後 便 魚貫 而出 。
喺 蜀陣 呢便 呢 ，只見 孔明 端端正正 坐 喺 架 四輪車 上 便 ，手 搖 鵝毛扇 。
司馬懿 首先 開聲 話 喇 ：我 主上 ，效法 堯舜 ，相傳 二帝 ，坐鎮 中原 。
到目前 ，之所以 容許 你哋 蜀吳 兩國 喺 處 ，皆因 我主上 寬慈仁厚 ，恐怕 傷害 百姓 啊 。
你 ，諸葛亮 ！不過 係 南陽 一個 耕田佬 ，不識 天數 ，竟然 妄想 侵犯 中原 ，理應 消滅 。
如果而家 ，你 肯 洗心革面 ，幡然改過 ，趁早 帶兵 返去 ，各守 疆界 以 成 鼎足之勢 ，免致 生靈塗炭 ，噉 你哋 仲 可以 保全 性命 嘅 ，你 諗清楚 啦 ！
哈哈哈哈哈哈哈哈哈哈哈哈 ，我 諸葛亮 接受 先帝 託孤 嘅 重任 ，當然 要 傾心竭力 ，嚟 討伐 逆賊 啊 。
你哋 曹氏 呀 ，不久 就 要 畀 漢朝 殲滅 。
你嘅 祖祖輩輩 都 係 漢朝 臣子 ，世世代代 都 係 食 漢朝 嘅 俸祿 。
而 你 ，不但 不思報效 ，反而 去 幫助 叛逆 ，你 真係 不識羞恥 啊 ！
嗯 啊 ！ 孔明 ， 我而家 要 同 你 一決雌雄 啊 ！
你 如果 得勝 ，我 就 發誓 唔 做 大將 。
你 如果 失敗 ，就 快啲 返鄉下 耕田 ，我 唔 殺 你 就係 啦 ！
係咩 ？
噉 你 想 鬥將 定 鬥兵 ，抑或 鬥陣法 呢 ？
先 鬥陣法 ！
好吖 ，你 佈 個 陣 我 睇下 先 。
司馬懿 一 轉身 ，返去 中軍 帳 ，攞起 一面 黃旗 拂拂拂噉 揮舞 咗 幾下 。
左右兩支 軍隊 熠 ， 熠 ， 熠 ， 熠 ， 熠熠 熠熠 ， 移動 咗 一輪 ， 排成 一個 陣勢 。
司馬懿 再次 上馬 出陣 ，佢 問 孔明 話 喇 ：孔明 ，你 識唔識 我 呢個 陣 啊 ？
哈哈哈哈哈哈哈 ，呢啲 噉嘅 陣 呀 ，我 軍隊 裏頭 嘅 末將 亦都 會 佈 啦 。
你呢個 係 混元一氣陣 啊 。
噉 ，你 又 佈 個 陣 我 睇下 。
好吖 ！孔明 轉身 入陣 ，將 鵝毛扇 輕輕 一擪 ，噉 就 再次 出到 陣前 。
佢 問 司馬懿 話 ：你 識唔識 我 呢個 陣 啊 ？
哼 ！區區 一個 八卦陣 ，噉 都 唔識 咩 ！
識還識喎 ，你 敢唔敢 打 我 個陣 呢 ？
既然 識得 ，當然 敢 打 ！
你 即管 嚟 打 啦 。
我 打 就 打 ！
司馬懿 返入 本陣 ，叫 戴陵 、張虎 、樂綝 三個人 嚟 ，吩咐 佢哋 話 喇 ：
而家 ，孔明 所佈 呢個 陣 ，係 分成 休 、生 、傷 、杜 、景 、死 、驚 、開 ，噉 八個 門 嘅 。
你 三個 呢 ，要 由 正東方 ，生門 打入去 ，向住 西南方 休門 殺出嚟 ，然後 ，再 由 正北方 開門 殺入去 ，噉 呢個 陣 就 破 㗎 喇 。
係 。
你哋 要 小心 ，在意 ！
得令 ！
於是 戴陵 在 中 、張虎 在 前 、樂綝 在 後 就 各 帶 三十 馬軍 ，由 生門 打入去 。
喎嗬殺啊 ！兩軍 同時 吶喊 助威 。
好喇 ，佢哋 三個人 殺咗 入去 八卦陣 。
只見嗰個陣呀 ，好似 一座座城 相連噉嘅 ，衝嚟衝去 衝唔出嘅 喎 ，弊傢伙喇 ！
三個人 慌忙 帶住 馬軍 就 轉過 陣腳 ，向住 西南方 衝出去 啦 。
點知 又 畀 蜀軍 用 箭 射住 ，亦 衝唔出 。
呢個 時候 ，只見 陣 裏頭 重重疊疊 都有 門戶 嘅 。
哈衝得 兩衝 ，都 分唔清 東西南北 嘞 。
佢 三個人 想 互相 照顧 下 都 唔得 喇 ，就 唯有 各人 自己 好似 盲頭烏蠅 噉 亂撞 一通 。
嘩嗨 ！四周圍 都係 愁雲漠漠 啊 慘霧蒙蒙 。
殺啊噉吶喊聲 一起 ，佢 三個人 ，同 帶住 嗰 幾十個 馬軍 一個個 都 畀 蜀兵 生擒活捉 ，用 繩 綁到 實實 就 押到 去 中軍帳 。
孔明 喺 帳內 端端正正 噉 坐 響處 。
衛兵 將 帶 戴陵 、張虎 、樂綝 ，同埋 嗰 九十 個 馬軍 押 到 嚟 帳 下 。
孔明 笑住 話 喇 ：我 而家 捉到 你哋 嚟 ，何足為奇 呢 ？嚱 ？
我要 放 你哋 返去 ，你哋 見到 司馬懿 就 叫 佢 再 讀 兵書 ，重新 研究 下啲 戰例 。
嗰陣時 再嚟 決 個 雌雄 都 未 遲 嘅 。
誒不過噉 ，雖然 呢次 饒恕咗 你哋 條命 啊 ，但係 你哋嘅 盔甲 、兵器 、戰馬 就要 留低 嘞噃 。
於是 孔明 叫 人 將 佢哋 嘅 衣服 剝 咗 。
噉啊 有人 問 喇 ，剝幾多 啊 ？剝光 豬 啊 ？哈哈哈哈 噉啊 書 裏 便 冇 講 喎 。
我啊諗 ，總會 留返 多少 啩 如果 唔係 咁 難睇 啊 真係 死咗 好過 喇嚱 。
噉 都 仲 唔止 ，孔明 仲 用 啲 墨 啊 ，搽 花 佢哋 塊 面 ，畫到 古靈精怪 ，然後 叫 佢哋 步行 出陣 。
哈哈 ，呢班 騎 呢怪 一 露面 ，哎呀 司馬懿 見到 當堂 激爆 ：
啊！ 搞成 噉嘅 衰樣 ，挫盡 銳氣 ，我哋 仲有 乜嘢 面目 返去 見 中原 嘅 大臣 啊 ！
司馬懿 立即 指揮 三軍 ，拼死 掠陣 。
司馬懿 揸住 把 劍 ，帶住 百幾個 勇將 ，督促 軍隊 向前 衝殺 。
當 兩軍 啱啱 接觸 嘅 時候 ，突然間 ，喺 魏軍 嘅 陣後 鼓角 齊 鳴 喊殺 連天 。
只見 關興 帶住 一彪 人馬 ，由 西南方 殺嚟 。
司馬懿 仲好 定啊 ，即時 分出 後軍 去 頂住 關興 。
同時 一直 不停 噉 催促 軍馬 ，向前 廝殺 。
過咗 一陣間 ，魏兵 忽然間 大亂 起嚟 ，乜事 ？
原來 姜維 帶住 一彪兵馬 靜悄悄 噉 殺到 。
蜀軍 就 變咗 三路 夾攻 嘞 ，噉 就 唔到 司馬懿 唔 驚咯 佢 急忙 下令 退兵 。
蜀兵 四面八方 發起 衝鋒 ，包圍住 殺過嚟 。
司馬懿 率領 三軍 向住 南方 搏死命噉 突圍 出去 。
呢一仗 呀 魏兵 輸得 幾 慘 啊 ，十成 就 傷咗 六七成 。
司馬懿 領過 嘢嘞 ，就 退返 到 渭河 南岸 一帶 安營 ，堅守 不出 。
而家 講 下 孔明 佢 打咗 一 場 大勝仗 ，就 收兵 返去 祁山 。
呢一日 ，鎮守 永安城 嘅 李嚴 啊 ，就 派咗 一位 都尉 叫做 苟安 ，解糧 嚟到 前線 。
苟安 呢個 人 呢 就 好酒 貪杯 ，喺 路上 懶懶漫漫 ，結果 就 違反 咗 期限 足足 十日 咁 長 。
今日 佢 就 終於 嚟到 嘞 。
孔明 一見 就 嬲到 變咗 面色 ，佢 話 ：吖吖呸 ！軍隊 以 糧食 為 頭等大事 ，誤咗 三日 就 要 問 斬 。
你 而家 誤咗 十日 ，仲有 咩 說話 講 ！
孔明 跟住 叫 刀斧手 推 苟安 出去 斬首 。
長史 楊儀 即刻 勸 孔明 話 喇 ：
丞相呀 ，苟安 乃係 李嚴 部下 嘅 人 ，而且 ，大部分 嘅 錢糧 ，都 係 靠 西川 供給 。
如果 今日 殺咗 佢 ，日後 恐怕 就 冇人 敢 送 糧 嚟 㗎喇 。
孔明 壓 一壓 心頭 怒火 ，就 叫 武士 解開咗 苟安 ，打 佢 八十 軍棍 然後 放 佢 走 。
嘿 ，苟安 一世 人 都 未 試過 捱打 咁 慘 嘅 ，就 懷恨在心 。
當晚 ，佢 帶住 五六個 心腹人 ，騎馬 直奔 魏軍 營寨 就 一於 投降 。
司馬懿 叫 佢 入嚟 。
苟安 叩過頭 ，就 將 前便 嘅 事 啊 講晒 畀 司馬懿 聽 。
司馬懿 話 喇 ：雖然 你 係 噉 話 啦 ，之 孔明 份 人 詭計 極 多 ，你 嘅 說話 我 難以 相信 。
不過噉 ，你 倘若 能夠 為 我 做 一件事 ，立個功勞 ，我 到時 就 稟奏 天子 ，保 你 做 上將 啦 ！
咩嘢事 都好 ，末將 都 極之 願意 為 都督 效力 嘅 。
好容易嘅事唧 ，嗱 ，你 返到 成都 ，就 到處 去 散播 流言 。
話孔明 埋怨 皇上 ，冇幾耐 ，佢 就會 自稱 皇帝 嘅 喇噉 ，使到 你哋 主上 啊 召 孔明 回朝 。
做得到嘅時候 ，就係 你嘅 大功勞 喇 。
苟安 應承 晒 ，佢 又 趕返去 成都 ，搵着 啲 太監 ，就 散播 謠言 。
話孔明啊 ，恃住 有功勞啊 ，冇幾耐呢 就會 篡奪 皇位㗎喇噉 。
啲 太監 聽講 就 好 慌 啦 喇喇聲 入 宮 去 稟奏 後主 劉禪 咯噃 。
劉禪 當時 亦都 好驚喇 ，佢 話 ：吖 如果 真係 噉樣 ，如之奈何 啊 ？
啲太監 就 話 喇 ：請 陛下 快啲 落道 聖旨 ，召佢 返嚟 成都 ，削咗 佢 嘅 兵權 啦 。
否則呀 ，第日 佢 作反 起上嚟 就 弊 嘅 喇 。
劉禪 同意 喇 ，嗰日 佢 登殿 臨朝 立即 下道 聖旨 ，宣召 孔明 班師 回朝 。
蔣琬 出班 稟奏 話 喇 ：陛下 ，丞相 自從 出師 以嚟 ，屢屢 建立 大功 ，點解 要 宣召 佢 返嚟 呢 ？
誒 ， 誒 ， 朕 有 好多 機密 嘅 事情 ， 必須 同 丞相 當面 商量 嘅 。
所以 ，誒 ，就 ，誒就 要 召佢 返嚟 喇 。
劉禪 就 派 個 使者 ，帶住 聖旨 一路 去到 祁山 營寨 。
孔明 接咗 聖旨 之後 佢 仰天 長嘆 啊 ：唉 ！主上 年紀 輕 ，哎 ，實係 有 奸臣 喺 佢 身邊 咯 。
我 正係 要 擊破 魏兵 建立 功勳 ，為咩 偏偏 喺 呢個 時候 要 召 我 返去 呢 ？
嗯 我 如果 唔 返去 ，就係 欺君 喇 。
之若果 奉旨 退兵 噉 日後 ，哎 ，日後 就 好難 有 咁好 嘅 機會 咯 。
姜維 問 喇 ：請問 丞相 ，若果 我哋 大軍 一 撤退 ，司馬懿 乘機 掩殺 噉 點 做好 啊 ？
大家 聽住 ，我 而家 退兵 ，要 分 五路 嚟 退 。
今日 先退 呢 個營 ， 比如 講 ， 呢 個 營有 一千 兵 嘅 ， 噉 就 掘 兩千個 灶頭 ， 聽日 就 掘 三千個 灶頭 ， 後 日 就 掘 四千個 。
總之 每日 退兵 ，都 要 添灶 先至 起行 。
楊儀 就 問嘞 ：往時 孫臏 擊敗 龐涓 ，係 用 添兵 減灶 個 辦法 取勝 嘅 。
而家 丞相 退兵 ，誒 又 點解 要 添灶 呢 ？
司馬懿 極善於 用兵 ，一見 我 撤退 就 必定 追趕 。
但係 佢 會 懷疑 我 有 伏兵 啊 ，噉 就 實 會 喺 舊營 裏 便 呢 數 下 啲 灶頭 數目 嘅 。
佢 一見 我哋 每日 都 增加咗 灶頭 ，啲 兵 又 唔 知道 究竟 退 定 冇 退 ，就 疑心 喇 ，唔敢 追 嘞 。
我哋 慢慢噉 退走 ，就 唔會 有 損失 啦嘛 。
噉究竟 孔明 呢一條 計啊 ，呃唔呃得到 司馬懿 呢 ？且 聽 下回 分解 。
