話說 孔明 佢 佈置 好 圈套 ，就 引誘 啲 魏軍 嚟 追 。
魏軍 中計 喇 。
呢一日 ，張郃 、戴陵 佢哋 就 帶兵 追住 嚟 ，勢如 暴風驟雨 啊 。
馬忠 、張嶷 、吳懿 、吳班 噉 四名 將領 一 撞正 就 出馬 交鋒 。
張郃 嗰 肚氣 呀 都 唔知 唂埋 幾耐 㗎 喇 ，立即 指揮 人馬 直 衝 上嚟 追殺 。
馬忠佢 就 帶住 蜀兵 且戰且走 。
魏軍 就 一路 猛追 ，大約 啊 追咗 有 二十 幾 里路 啦 。
當時 正 係 六月 天時 ，熱到呀 好似 個 火盆 噉 ，人馬 嗰啲 汗 都 好似 潑水 咁 潑啊 。
噉 仲 係 噉 一路 追 ，足足 追咗 成 五十里 有多 喇 ，走到 啲 魏兵 呢個個 都 氣喘如牛 ，曉曉聲 。
孔明 喺 山上 睇到 實 ，係 時候 喇 。
就叫人 喺 山頂 將 紅旗 一拂 啊 ，關興 就 立即 帶兵 殺出嚟 。
噉 馬 忠 佢 哋 四位 將軍 一齊 帶兵 殺返 轉頭 嘞 。
張郃 、戴陵 啊 死 打爛 打 ，硬係 唔 退 。
突然間 ，又 聽見 吶喊 連天 ，又 有 兩路 兵馬 殺出嚟 。
乃係 王平 同 張翼 ，就 搏命 噉 追殺 ，切斷 咗 魏軍 嘅 後路 。
張郃 就 大聲 噉 對 部下 嘅 軍官 話 ：你哋 到 而家 仲 唔 決 一死戰 ，更 待 何時 啊 ！
噉啲 魏兵 啊 唔 要命 噉 猛衝猛打 ，但係 始終 都 唔能夠 突圍 噃 。
打打下 ，突然 背後 鼓角 喧天 ，司馬懿 親自 率領 一隊 精兵 殺到 喇 。
司馬懿 指揮 眾 將官 啊 ，將 王平 同 張翼 一下 就 圍住 喺 戰陣 中心 。
王平 大聲 疾呼 ：丞相 料事如神 ，樣樣 都 計算 定 喇 ，必定 有 好計 嘅 ！
我哋 要 同 魏軍 決 一 死戰 喇 ！
立即 分兵 兩路 ，王平 帶 一支 軍隊 截住 張郃 。
戴陵 ，張翼 帶 一支 軍隊 出力 頂住 司馬懿 ，兩頭 就 唔 要命 咁 打 。
喊 殺 連天 啊 ， 戰鬥 认真 激烈 啊 ！
而家 又 講 下 姜維 同 廖化 喇 ，佢 喺 山 上 一直 都 觀察住 情形 。
咦 ？眼見 魏兵 势大 就 蜀兵 危險 ，漸漸 漸漸 抵擋 唔住 喇 。
姜維 就 同 廖化 話 ：好 危急 喇 ，快啲 打開 錦囊 睇下 啦 ！
噉 兩個 拆開 孔明 留 低 嘅 錦囊 一睇 ， 裏面 寫住 話 ：
若果 司馬懿 帶兵 嚟 圍攻 王平 、張翼 ，情形 危急 ，你 兩人 就 分兵 兩支 ，去 偷襲 司馬懿 嘅 大本營 。
司馬懿 必定 急退 ，你哋 就 乘亂 攻佢 ，雖然 奪唔到 營寨 ，亦可 獲 全勝 。
誒 ，好啊 ！
姜維 、廖化 即刻 兵分 兩路 ，直筆 去 襲擊 司馬懿 嘅 大本營 嘞 。
原來 司馬懿 此人 啊 ，亦係 老謀深算 啊度度 都 落住 個 囉柚 吊頸 嘅 吓 。
佢 又 怕 中咗 孔明 嘅 計 吖 ，沿路 不停 噉 派 人 探聽 同 傳報 消息 。
當佢 正在 指揮 人馬 圍攻 王平 、張翼 嘅 時候 啊 ，忽然間 流星馬 飛報 ，話 蜀兵 兩路 去咗 襲擊 大本營 啊噉 。
當堂 嚇到 司馬懿 大驚失色 ，佢 對 眾 將官 話 喇 ：我 睇 白孔明 有 詭計 嘅 ，你哋 唔信 ，夾硬 要 嚟 追 ，追追追 ，而家 就 誤咗 大事 喇 ！
快 啲 傳令 落 去 ， 全軍 撤退 ， 全軍 撤退 ！
局勢 急轉直下 ，魏軍 啊 人心惶惶 亂走 亂趯 。
張翼 跟住 後面 掩殺 過去 ，打到 魏兵 呀 狼狽 逃跑 。
張郃 、戴陵 睇見 形勢 惡劣 喇 ，亦都 帶兵 落荒 而 走 ，嗨 蜀兵 大勝 啊 。
司馬懿 呢一場 呢 就 輸得 佢 慘 咯 。
及至 撲返 大本營 嘅 時候 啊 ，蜀兵 就 已經 退 咗 嘞 。
司馬懿 收拾 幾路 殘兵 敗將 ，叫 齊 班 將官 嚟 鬧 佢哋 話 ：
哼 ，你哋 唔識 兵法 ，只係 恃住 血氣之勇 ，夾硬 要 出戰 ，結果 打咗 呢場 大敗仗 。
從 今 之 後 ，切 不准 輕舉妄動 ，再 唔 遵守 軍法 從事 ！哼 ！
嗰 班 將軍 呀 滿面 羞慚 ， 畀 司馬懿 省 到 擸 擸 亮 ， 係 係 係 噉 欸 行返 出去 。
而家 講 下 孔明 啊 ，佢 收返 得勝 嘅 人馬 入 寨 ，就 慶祝 勝利 。
呢一日 ，佢 正係 想起 兵 繼續 前進 。
點知道 成都 有 使者 嚟 報告 ，話 張苞 呀 傷重 病死 喇 ！
哎吖 ！吖吖吖吖吖吖 ，哎哎哎 。
孔明 一 聽 ，放聲 痛哭 ，突然間 口吐 鮮血 ，暈咗 跌 喺 地 嚟 。
不得了啊 ！大家 連忙 救返醒 佢 。
嗨 ， 噉 啊 從此 之後 呢 ， 孔明 就 有 咗 病 唔 起得身 。
過咗 十零日 ，孔明 就 叫 董厥 、樊建 佢哋 入嚟 中軍帳 內 就 吩咐 佢哋 話 ：
誒 ，我 ，覺得 ，昏昏沉沉 ，唔理得事 。
誒不如暫時返去漢中養病 ，以後再想個好辦法啦 。
呢個 消息 ，你哋 千祈 唔好 洩露 出去 ，啊 。
事關 司馬懿 如果 知道咗 ，實會 嚟 攻擊㗎 。
於是就 傳令 落去 ，當晚 暗中 拔寨 起行 ，撤退 返去 漢中 。
孔明 走咗 五日 之後 ，司馬懿 先至 知道 。
佢 就 不禁 長 歎 一聲 話 喇 ： 啊 ！ 孔明 啊 ， 真 係 有 神出鬼沒 嘅 計謀 ， 我 唔 及 佢 啊 ， 嗨 ， 唔 及 佢 啊 ！
司馬懿 於是 留低 各 將官 ，分兵 把守 各處 隘口 ，自己 就 班師 返去 嘞 。
而家 講下 孔明 佢 率領 大軍 ，撤退 返到 漢中 。
噉啊 軍隊 呢 就 留喺 漢中 駐扎 ，自己 就 返去 成都 養病 。
返到 成都 嗰 日 啊 ，朝上 嘅 文武百官 都 出城 嚟 迎接 ，一直 送 佢 去到 相府 。
後主 劉禪 呢 ， 佢 親自 嚟 到 相府 探病 ， 又 派 咗 御醫 嚟 同 佢 醫治 。
噉過咗 一段 時期 呢 ，孔明 嘅 病情 漸漸 好轉 嘞 ，呢啲 暫時 放落 唔 講 佢 住 。
噉啊到咗魏太和元年啊 ，即係 蜀漢 建興 八年 ，亦即係 公元 二三零年 ，七月 嘅 時候 。
魏國 都督 曹真 就 病 好嘞 ，佢 啊 上表 畀 魏主 曹睿 話 ：
蜀兵 屢次 嚟 侵犯 邊界 ，若果 唔 剿滅 蜀兵 必 為 後患 。
現時 正 係 秋涼 季節 ，正 係 用兵 時候 。
臣 願意 同 司馬懿 啊 一同 率領 大軍 ，直取 漢中 消滅 奸黨 。
曹睿 睇完 表章 滿心 歡喜 ，佢 就 問 侍中 劉曄 話 喇 ：
子丹 勸 朕 討伐 蜀國 ，好唔好 呢吓 ？
主上 ，大將軍 嘅 意見 好啱㗎 。
如果 唔趁住 而家 去 消滅 佢哋 ，噉 日後 就 必 成 大患 㗎喇 。
請 主上 進行 討伐 啦 。
嗯 。曹睿 岌岌頭 同意 嘞 。
劉曄 離開 皇宮 返到 屋企 。
噉啊 成班 大臣 就 聞到 多少 風聲 㗎 ，就 走去 劉曄 屋企 探 消息 。
佢哋 問 劉曄 話 喇 ：聽聞 主上 同 劉公 你 商量 興兵 討伐 蜀國 嘅 事 噃 。
誒究竟 呢件事 點啊 ？吓 ？
劉曄 就 回答 話 喇 ：冇 呢件事 噃 。蜀國 有 山川 之 險 ，唔係 咁 容易 打 嘅 。
你話 要 去 攻打 蜀國 呀 ，盞 白白 消耗 軍力 嘅 啫 對 國家 毫無 益處 嘅 。
哦 ，嗰班 大臣 就 冇 嘢 好 講 嘞 ，就 告辭 返 扯 。
韓 暨 聽 劉曄 噉樣 講法 個 心 就 好 唔 舒服 。
第日 就 去到 皇宮 見 曹睿 佢 話 ：
稟奏陛下 ，昨日 聽講 劉曄 勸 陛下 討伐 蜀國 。
但係 佢 轉下便 同 眾位 大臣 講 呢 ，又 話 唔好 出兵 去 討伐 喇 噉 。
劉曄噉樣做係欺騙陛下 ，陛下 點解 唔 召佢嚟 問佢呢 ？
哦 ， 噉 呀 。 曹睿 即時 召劉曄入 宮 嚟 問 佢 話 ：
你 本來 係 勸 朕 討伐 蜀國 嘅 ，而家 又 話 唔好 嘞 究竟 點解 呢 ？
稟奏陛下 ，臣 仔細 考慮過 之後 ，覺得 蜀國 ，係 唔 打得過 嘅 。
吓 ？哦 ！哈哈哈哈哈哈哈哈哈哈 ，曹睿 不過 哈哈大笑 。
過咗一陣 ，楊暨 辭別 咗 曹睿 離開 皇宮 嘞 。
楊 暨 一 走咗 ，劉曄 就 對 曹睿 話 喇 ：
臣 昨日 勸 陛下 討伐 蜀國 ， 乃 係 國家 大事 ， 點 能夠 隨便 洩 露出 去 畀 人 知 嘅 呢 ？
軍事上嘅嘢 要 講究 詭譎 欺詐 ，事情 未 到 公開 嘅 時候 ，千祈 要 保守 秘密 先至 好啊 陛下 ！
啊冇錯冇錯 ，愛卿 你 講得啱 啊 ！
從此之後呀 ，曹睿 對 楊暨 就 更加 敬重 嘞 。
過咗 十日 度 ，司馬懿 嚟到 朝見 曹睿 。
曹睿 就 將 曹真 上表 ，勸佢 討伐 蜀國 嘅 事 逐一逐二 噉 ，講畀 司馬懿 聽 。
司馬懿 話 喇 ：臣 估計 東吳 唔 敢 動兵 嘅 ，目前 去 討伐 西蜀 正係 時候 。
於是 曹睿 就 落咗 決心 ，任命 曹真 做 大司馬 、征西 大都督 ，司馬懿 呢 就 做 大將軍 、征西 副都督 ，劉曄 做 軍師 。
噉佢哋 三個人 擇咗 個 吉日 ，率領 四十萬 大軍 出發 去 攻打 蜀國 嘞 。
佢哋 進兵 嘅 路線 啊 ，係 經由 長安 ，直奔 劍閣 ，然後 去 奪取 漢中 。
噉 其餘 郭淮 啊 、孫禮 等等 各部 兵馬 呢 就 分別 出發 。
孔明 佢 經過 咗 一段 時期 嘅 治療 休養 呢 ， 呢 個 時候 佢 個 病 早就 好返 晒 。
佢 正係 日日 噉 操練 人馬 ，演習 八陣法 ，近來 已經 學得 極之 熟練 ，咪 準備 又 試 去 攻打 中原 咯 喎 。
呢一日 ，孔明 接到 漢中 送嚟 嘅 消息 ，話 魏軍 大舉 進犯 ，噉 就 叫 張嶷 、王平 嚟 吩咐 話 ：
你 兩位 先 帶 一千 兵 去 守住 陳倉古道 ，頂住 魏軍 ，然後 ，我 再 率領 大軍 嚟到 接應 。
丞相啊 ，報告 話 魏軍 四十萬 人 ，號稱 八十萬 ，聲勢 極大 噃 。
點解 只係 畀 一千 兵 去 守住 隘口 咋 ？倘若 魏兵 大隊 人馬 殺到 ，噉 點樣 抵敵得住 啊 ？
我 本來 係 想 畀 多啲 兵 嘅 ，但係 ，我 又 怕 啲 兵士 辛苦 啊 。
丞相噉 ，張嶷 同 王平 啊 你 睇 我 我 睇 你 ，都 唔 敢 去 。
孔明 就 話 喇 ：如果 有 咩嘢 失算 ，唔關 你哋 事 ，唔問 你哋嘅 罪 ，啊 ，不必 多講 喇 ，快啲 出發 啦 。
丞相啊丞相 ，如果 你 想 殺 我哋 兩個人 ，唔該 丞相 你 喺度 殺咗 我哋 先 罷喇 ，我哋 實在 係 唔敢 去 呢 ！
哈哈哈哈 哈哈哈哈 ， 乜 你 哋 咁 傻 嘅 呢 ？ 我 叫 得 你 哋 去 咯 ， 自然 係 有 緣故 嘅 。
好啦 ，等 我 講埋 你哋 聽 啦 。
我 昨晚 睇過 天文 ，呢個 月 內 必定 係 大雨 淋漓 嘅 。
魏軍 雖然 話 有 四十萬 咁多 ，佢哋 邊處 敢 深入 山區 險峻 嘅 地方 呢 。
因此 我哋 唔使 好多 兵 去 嘅 ，決唔會 有事 嘅 ！
我呢 ，將 大軍 擺 喺 漢中 嚟 安安穩穩 住 一個月 先 。
等到 魏軍 撤退 喇 ，到 其時 ，我 就 以 大軍 掩殺 追擊 。
噉樣 以逸待勞 ，我 十萬 人馬 ，就 可以 打贏 佢 魏軍 四十萬 啦嘛 。
哦！ 原來 噉 係嘛 。佢 兩個 聽完 噉 就 放心 喇 ，歡歡喜喜 ，辭別 孔明 帶 兵 前去 。
跟住 ，孔明 就 統率 大軍 去到 漢中 駐扎 。
傳令 各個 關隘 ， 準備 好 乾柴 、 草料 、 米糧 ， 要 足夠 一個月 人馬 嘅 使用 ， 就 防備 秋雨 連綿 啊 。
大軍 就 寬限 一個月 ，喺 當地 駐防 ，預先 發給 衣服 糧食 ，聽候 出征 ！
噉而家 講 下 曹真 、司馬懿 啊 ，佢哋 兩個 一齊 率領 大軍 ，一直 去到 陳倉城 。
咦呀 ，乜 一間 完整 嘅 房屋 都 唔 見 㗎 ？
搵咗啲 當地人 嚟 問下 ，都 話 係 孔明 撤退 嘅 時候 放火 燒毀晒 嘅 噉 。
曹真 就 想 由 陳倉道 進兵 咯 喎 。
司馬懿 就 勸 佢 話 喇 ：唔好 進兵 住 啊 ！我 晚上 睇過 天文 ，睇嚟 ，呢個 月 內 必 有 大雨 。
若果 我軍 深入 重地 嘅話 ，場場 打勝仗 就 由 自可 喎 ，如果 有 咩嘢 三長兩短 ，人馬 受苦 ，嗬 ，到時 要 退 就 難 喇 。
目前 ，就 喺 城內 搭 啲 草棚 駐扎 避 下 風雨 先 啦 。
曹真 聽 佢 嘅 ，就 照 司馬懿 講 嘅 辦 。
真係嘅喎 都 未到 半個月 啊 ，吧吧聲 落起 大雨 ，一落 就 冇 停 ，個 天 呀 好似 穿咗 噉 。
陳倉城 外 啊 平地 水深 三尺 啊 ，啲 物資 裝備 冚𠾴 唥 濕 到 淰 ，想 瞓覺 都 難 啊 ，日夜 都 冇 陣 安樂 。
呢場 大雨 呀 ，連 氣 落足 三十 日 ，搞到 馬 都 冇 草料 食 ，呢 隻 死 啊 嗰 隻 死 ，冧抌 咁 死 。
啲 兵士 又 硬硬聲 怨聲 不絕 。
呢個 消息 ，傳到 去 洛陽 喇 ，魏主 曹睿 就 吩咐 叫 和尚 道士 打醮 ，求 個 天 出 返 日頭 ，嘿 個 天 又 唔 聽話 喎 ，誒 冇 修 喇 噉 就 。
噉 啊 有 一位 黃門 侍郎 叫做 王肅 啊 ， 佢 就 上 一份 表章 。
請 曹睿 根據 目前 天時 不利 嘅 原因 ，下一道 聖旨 就 命令 曹真 、司馬懿 退兵 。
曹睿 睇咗 王肅 嘅 表章 ，知道 係 有啲 道理 ，但係 個心 呢 ，仲有啲 猶豫 。
跟住 楊阜 同 華歆 亦都 上表 勸佢 。
於是 曹睿 就 落咗 道 聖旨 ，派 個 使者 去 通知 曹真 同 司馬懿 ，班 兵 回 朝 。
話分兩頭 ，而家 講 喺 陳倉城 內 ，曹真 同 司馬懿 商量 話 喇 ：
而家 連 氣 陰雨 三十日 喎 ，軍 無 戰心 ，人人 都 想 返 扯 ，哎 ，噉 點 先至 禁得住 呢嚱 ？
司馬懿 話 ：不如 收兵 先 啦 。
嗯 ，噉 都 好 ，之 如果 孔明 追嚟 ，噉 點 打退 佢 呢 ？
我哋 要 埋伏 定 兩 支 軍隊 斷後 ，噉 先至 好 退兵 啊 。
當佢 兩個 正喺度 商量緊 嘅 時候 ，呢頭 洛陽 使者 帶住 聖旨 嚟到 叫 佢哋 班兵 回朝 嘞 ，嘿噉 就 啱晒 啦 。
於是 佢 兩個 ，就 將 大軍 前隊 作 後隊 ，後隊 作 前隊 就 慢慢 退兵 。
而家 講下 孔明 ，佢 計住 一個月 嘅 秋雨 就 快 落完 嘞 ，當時 個 天 都 仲 未 晴 噃 。
佢 自己 帶 一支 軍隊 駐扎 喺 城固縣 ，即 喺 今日 陝西省 西南部 嚟 嘅 。
又 命令 大軍 全部 開去 赤坡 駐扎 。
呢一日 ，孔明 升帳 ，召集 眾將官 嚟 商議 ，佢 話 ：
我 估計 魏兵 必定 退走 ，魏主 亦 必定 會 命令 曹真 、司馬懿 班 兵 回 朝 嘅 。
所以呢 ，我軍 如果 追佢 ，佢哋 實有 準備 ，不如 就 任佢哋 走 ，以後 再 作 打算 啦 。
孔明 啱啱 講完 ，就 接到 王平 派 人 送嚟 嘅 報告 話 ，魏兵 已經 開始 撤退 喇 噉 。
孔明 就 吩咐 送信 嚟 嘅 人 返去 話畀 王平 聽 ，千祈 唔好 追擊 ，我 自然 有 破 魏兵 嘅 計策 㗎 喇 噉 。
點解啊 ？眾將官 聽聞 孔明 話 唔好 追擊 魏兵 噃 ，都 一齊 入嚟 中軍 帳 啊 請問 孔明 話 ：
魏兵 因為 苦於 陰雨 ，駐扎 唔落 喇 因此 要 退兵 啫 。
我軍 應該 乘機 追擊 佢 哋 先 至 係 㗎 ， 丞相 點解 唔 追 啊 ？ 點解 唔 追 啊 ？
司馬懿 極善於 用兵 ，而 家 大軍 撤退 就 必 有 埋伏 嘅 。
我哋 若果 去 追 佢 ，就 正中 其 計 咯 ，所以 就 不如 任 佢哋 走 。
而我哋呢 ，分兵 由 斜谷 出去 直取 祁山 ，噉 就 使到 魏兵 提防 不及 喇 。
請問 丞相 ，去 奪取 長安 ，本來 另外 仲有 唔少 途徑 嘅 。
但係 丞相 每次 都係 ，首先 去 佔據 祁山 ，點解 呢 丞相 ？
祁山 ，乃係 長安 嘅 頭部 啊 。
隴西 各個 郡 若果 有 兵 嚟 ，必定 要 經過 呢處 嘅 。
更兼佢 前臨 渭水 後靠 斜谷 ，左出右入 ，可以 埋伏 兵馬 ，乃係 用武之地 。
故此 我 總係 要 首先 奪取 祁山 ，噉 就 得到 地利 啦嘛 。
孔明 噉 一 講 ，大家 都 服晒 嘞 。
於是 孔明 啊 ，就 命令 魏延 、張嶷 、杜瓊 、陳式 就 出 箕谷 ；馬岱 、王平 、張翼 、馬忠 就 出 斜谷 。
兩路 大軍 ，都 喺 祁山 會合 。
調撥 好喇 ，孔明 就 親自 率領 大軍 ，任命 關兄 、廖化 做 先鋒 ，隨後 進發 。
而家 講下 曹真 同 司馬懿 佢 兩個 ，喺 後便 監督 人馬 撤退 。
佢哋 派 咗 一 支 軍隊 啊 進入 陳倉古道 偵察 下 ，噉 就 返嚟 報告 話 蜀兵 冇 追 嚟 噃噉 。
好 啦 ， 又 繼續 行 咗 十 零日 ， 原來 預先 部署 喺 後 便 埋伏 嘅 眾 將官 啊 ， 都 帶兵 撤返 嚟 嘞 ， 佢 哋 都 話 蜀 兵 毫無 音訊 喎 噉 。
曹真 就 話 喇 ：哈哈 ，連連 秋雨 ，棧道 斷絕 啊 ，蜀軍 又 點 知道 我哋 退兵 㗎 。
司馬懿 話 喇 唔係 㗎 ，蜀兵 呀 ，跟住 就 會 出動 㗎喇 。
你 點 知道 呢 ？
連日 都 好天 ，蜀兵 之所以 唔嚟 追擊 ，係 估計到 我哋 有 伏兵 ，所以 就 由得 我哋 撤退 返去 。
等到 我軍 走晒 喇 ，佢 就 要 去 奪取 祁山 㗎 喇 。
唔會啩 ？
乜子丹 你 仲唔信 呀 ？
嗱， 噉 啦 ， 我 料定 孔明 ， 必定 由 箕 谷 、 斜谷 出兵 嚟 嘅 。
我啊 同 你 各人 把守 一個 谷口 ，以 十日 為期 ，如果 冇 蜀兵 嚟 呢 ，我 就 面 搽 胭脂水粉 ，身 穿 婦人 衣服 ，嚟到 軍營 向 你 服罪 ！
好啊好啊 ！若果 有 蜀兵 嚟 ，我 啊 將 皇上 所賜 嘅 玉帶 一條 ，御馬 一匹 ，送咗 畀 仲達 你 ！
當真 ？
當真 。
果然 ！
果然 。
好好好 ！噉 我哋 就 一言為定 ！
於是就 分兵 兩路 ：曹真 帶 一支兵 駐扎 喺 祁山 之 西 ，斜谷口 ；
司馬懿 帶 一 支 兵 ，駐扎 喺 祁山 之 東 ，箕谷口 。
噉 兩個 都 各自 安好 營寨 喇 。
而家 就 先 講下 司馬懿 ，佢 呢 ，首先 就 帶咗 一支 兵馬 ，埋伏 喺 山谷 裏頭 。
其餘嘅 人馬 呢 ，就 安排 佢哋 分別 喺 啲 緊要 路口 安營 。
司馬懿 部署 好 之後 ，自己 就 換咗 一套 兵仔 嘅 衣服 夾雜 喺 啲 士兵 裏頭 ，到 各個 兵營 噉 視察 噃 。
佢 行到 有 個 兵營 ，聽到 有 個 偏將 喺度 怨天怨地 噉 話 ：
哎 ！真係 吖 ，啲 大雨 淋 咗 咁 耐 喇 ，都 唔 願 返去 。
而家 又 要 踎 喺 呢度 嚟 ，哼 ！因為 要 輸賭 認叻 咋嘛 就 一味 辛苦 咗 大家 係 啦 。
司馬懿 聽咗 唔出聲住 ，佢 返到去 大本營 ，立即 升帳 ，叫齊 所有 個 軍官 嚟 。
然後 就 點咗 嗰個 講怪話 嘅 軍官 出嚟 ，司馬懿 就 鬧 佢 話 喇 ：
朝廷 養兵 千日 ，用在 一時 。點解 你 咁 大膽 ，口出 怨言 ，擾亂 軍心 啊 ？
嗰個 軍官 唔肯 認噃 ，嚱到 你 唔認 嘅 咩 ！
司馬懿 叫 佢 嘅 同事 出嚟 對證 ，噉 嗰個 軍官 就 冇法子 抵賴 嘞 。
司馬懿 話 ： 我 唔 係 為 咗 輸 賭 啊 ， 我 係 為 咗 要 打贏 蜀 軍 ， 使到 你 哋 人人 都 立功 回朝 ！
而 你 呢 ？竟然 胡言亂語 ，怨天怨地 ，自取其罪 ！
司馬懿 就 命令 刀斧手 ，將 嗰個 軍官 拉咗 出去 斬首 ！
過咗一陣 ，刀斧手 將 個 首級 獻上 嚟 喇 嘩嗨 ！嗰班 將官 個個 見咗 呀 震動到 極 啊 。
司馬懿 就 話 喇 ：眾位 將官 ，你哋 人人 都 要 盡心盡力 ，防範 蜀兵 。
一聽到 我 中軍炮 響 ，就 四面 一齊 進兵 啦 ！
眾將官 接受 咗 命令 就 各自 回營 喇 。
而家 講 下 魏延 、張嶷 、陳式 、杜瓊 佢哋 四個人 ，帶住 二萬 兵 啊 正在 向 箕谷 進發 。
喺行軍路上 ，參謀 鄧芝 忽然 趕到嚟 對 佢哋 四個人 話 ：
丞相 有 令 ，如果 出箕谷 ，恐怕 有 魏兵 埋伏 啊 ，要 各位 停止 前進 。
陳式 就 話嘞 ：我 真係 唔明白嘞 ，丞相 用兵 ，點解 咁多 疑 嘅 呢 ？
照我睇呀 ，啲 魏兵 連 氣 畀 大雨 淋 咗 咁 耐 ，衣服 袍甲 都 爛晒 咯 ，個個 都 急住 返 扯 嘞 ，邊處 仲 有 埋伏 㗎 。
如果 我哋 急行軍 ，趕住 追上去 ，必定 可以 打個 大勝仗 嘅 ，點解 一下 又 叫 停止 前進 呢 ？
鄧芝 話 喇 ：丞相 嘅 計謀 從來 都 冇 話 唔中 ，冇 話 唔成功 嘅 。
你 點 敢 咁 大膽 違反 命令 啊 ？
陳式笑嘞 ：嘻嘻嘻嘻嘻嘻嘻嘻 ，丞相 如果 啲 計謀 咁 使得 ，就 不至 街亭 失守 啦 。
魏延 諗 起 孔明 以前 唔 肯用 佢 嘅 計劃 ， 噉 亦 都 柴 埋 一份 。
佢 亦 笑起嚟 話 喇 ：哼哼哼哼 ，丞相 若果 早 聽 我 講 啊 ，直情 由 子午谷 殺 出去 ，呢個 時候 呀 ，莫 講 話 長安 喇 ，連 洛陽 都 得手 咯 。
而家 係 都 要 出 祁山 ，有 咩 嘢 益處 呢 ？
好吖 ，既然 下令 進兵 唔係 進兵咯 ，忽然間 又 下令 叫 停止 前進 喎 ，真係 號令 不明 啊 ！哈哈哈哈 。
陳式 又 話嘞 ：我 有 五千 兵 ，我 就 直出 箕谷 ，先 到 祁山 安營扎寨 ，到時 ，睇下 丞相 佢 醜 唔 醜 至 得 ！
噉搞 都 得嘅 咩 ，鄧芝 再三 勸 佢 唔好 啊 。
陳式 畫咗 耳仔 上 墻 啊 ，一味 唔聽 ，自己 就 帶 五千 兵 出去 箕谷 喇 。
鄧芝 攔阻 唔住 就 唯有 飛報 孔明 啦 。
各位 ，魏延 、陳式 啊唔 聽 孔明 將 令 ，究竟 後事 如何 呢 ？且 聽 下回 分解 。
