今日 講下 司馬懿 ， 佢 正在 同 魏主曹 睿 就 分析 緊同 蜀 兵 作戰 嘅 策略 。
侍臣 就嚟 稟奏 話 喇 ：主上 ，曹都督 派 人 嚟 奏報 軍情 啊 。
司馬懿 就 話 喇 ：陛下 ，請 你 派人 去 告誡 曹真 ，叫佢 但凡 追趕 蜀兵 ，必定 要 摸清楚 蜀軍 虛實 。
切不可 深入重地 ，免致 中 諸葛亮 之計 啊 ！
曹睿 聽 司馬懿 嘅 ，立即 寫 一道 詔書 。
派太常卿 韓 暨 去 告誡 曹真 ，吩咐 佢 切不可 交戰 ，務必要 堅守 。
等到 蜀軍 撤退 喇 ，先至 發起 攻擊 。
噉因為 呢件事 係 極其 重要嘅 ，就 派 韓暨 就噉 去 都 唔得 ，仲要 韓暨 啊 揸住 支 節 去 添 。
節就係 一種 憑證啊 代表 天子 嘅 權威 。
韓 暨 出發 嘅 時候 ，司馬懿 一直 送 佢 出去 城外 。
司馬懿 就 叮囑 佢 話 ：我 將 呢件 功勞 讓畀 曹都督 。
大人 你 見到 曹都督 嘅 時候 啊 ，就 唔好 講 係 我 嘅 意見 ，只係 講 呢個 係 皇上 嘅 旨意 ，吩咐 以 堅守 為 上 噉 就 得 喇 。
第日 負責 追擊 嘅 人選 ，一定要 挑選 膽大心細 嘅 人 ，千祈千祈 唔好 派 啲 性急 暴躁 嘅 人 去 追 啊 。
囑咐完嘞 ，韓暨 就 告辭 起程 。
呢一日 ，曹真正 喺 中軍帳 同 一班 將官 商量 事情 ，韓暨 揸住 節 ，帶 聖旨 到 嘞 。
曹真 立即 大開 轅門 ，出寨 去 迎接 啦 ，接咗 詔書 ，款待 韓暨 一番 噉 呢啲 不在 話下 。
噉 韓 暨 走咗 之後 ，曹真 就 同 郭淮 、孫禮 研究 。
郭淮 就 話 ：嘿嘿 ，嘿嘿嘿嘿嘿嘿 ，呢個 ，係 司馬懿 嘅 意見 嚟 啊 。
曹真話喇 ：哦 ？佢 呢個 意見 點 呢 ？
佢嘅 意見 ，睇透晒 諸葛亮 用兵 嘅 方法 。
日後呀 ，能夠 抵敵 蜀軍 嘅 ，就係 司馬懿 喇 。
嗯 ， 如果 蜀兵 唔 退 ， 又 如之奈何 呢 ？
噉啦 ，都督 你 派 人 去 暗中 通知 王雙 ，叫 佢 帶 兵 去 啲 小路 巡查 ，噉 蜀軍 自然 就 唔 敢 喺 啲 小路 運 糧 㗎 喇 。
等到 蜀軍 糧盡 退兵 ，我軍 趁勢 追擊 就 可以 大獲全勝 㗎喇 。
孫禮話 ：我 係 去 祁山 假扮 運糧兵 ，車上 便 ，裝實啲 乾柴 茅草 ，撈啲 硫磺 硝石 落去 ，同時 叫人 通報 話 隴西 運糧 到喇 。
噉 蜀軍 冇 糧 ，必定 嚟 搶 嘅 ，等 佢哋 入到 營 ，我哋 就 放火 燒 車 。
外便 仲 埋伏 定 兵馬 打 佢 ，噉 就 實贏 嘅 ！
啊 ！呢條 計策 妙極 ，妙極啊 ！哈哈哈哈哈哈哈哈 ！
曹真 即刻 命令 孫禮 就 按照 呢個 計劃 執行 。
又 派人 去 通知 王雙 ，叫佢 帶兵 喺 啲 小路 巡查 。
郭淮 呢 ，就 帶兵 去 負責 箕谷 、街亭 呢一線 嘅 防務 ，通令 各路 軍馬 ，把守 險要 ，嚴加 防備 。
曹真啊 ，仲 任命 張遼 個 仔 張虎 做 先鋒 ，樂進 個 仔 樂綝 做 副先鋒 ，共同 負責 守衛 頭營 ，就 唔准 出戰 。
話分兩頭 ，而家 講下 孔明 喺 祁山 嘅 營寨 啊 ，每 日 都 派 人 出去 挑戰 ，但係 魏兵 堅守 不出 。
呢一日 ，孔明 同 姜維 佢哋 幾位 將領 ，一齊 商量 對策 。
孔明 話 ：魏兵 所以 堅守 不出 ，係 料到 我軍 冇 糧食 啊 。
而家 陳倉 運輸 唔通 ，而 其他 嘅 小路 又 崎嶇 難行 。
我 計咗 一下 ，隨軍 嘅 糧草 已經 唔夠 一個月 用 喇 。
各位 ，我哋 如之奈何 呢 ？
大家 正 喺度 躊躇緊 ，探子 嚟 報告 話 ：
啟稟丞相 ，隴西 魏軍 運糧 嚟到 祁山 西 便 ，有 幾千 車 咁多 ，運糧官 係 孫禮 。
孫禮 ？孔明 就 問 大家 有 邊個 了解 呢個 人 。
有個 魏國人 話 喇 ：呢個 人 呀 ，都 幾 勇敢 㗎 。
有一次 跟住 魏主 曹睿 去 大石山 打獵 ，突然 酷起 一隻 老虎 出嚟 ，嗰隻 老虎呀 ，直撲過去 曹睿 面前 。
孫禮 跳落馬 ，竟然 用 把 劍 就 斬死咗 隻 老虎 。
從此之後呢 ，就 封咗 做 上將軍 喇 。
佢 係 曹真 嘅 心腹人 嚟 㗎 。
孔明 諗 一諗 就 笑喇 ：哈哈哈哈哈哈 ，魏軍 諗住 我 冇 糧 ，就 用 呢條 計 啊 。
佢哋 車 上面 裝 嘅 實係 啲 茅草 啊 等等 引火 嘅 材料 。
哼哼 ，我 平生 專用 火攻 ，佢 居然 想 用 條 噉嘅 計 嚟 呃 我 啊 。
嗯 ，佢 若果 見到 我軍 去 劫 糧車 呢 ，就 實嚟 劫 我哋 嘅 營寨 嘅 嘞 。
好啦 ，我哋 就 將 計 就 計 啦 。
於是 孔明 就 命令 馬岱 ：
你 帶 三千 兵 ，直 去 魏 兵 放 糧食 嘅 地方 ，唔好 入 營 ，就 喺 上風頭 放 火 。
如果 燒着咗啲 車 嘞 ，魏兵 就 必定 嚟 圍攻 我哋 營寨 㗎 喇 。
於是 孔明 又 派 馬忠 、張嶷 ，各 帶 五千 兵 喺 營 外 圍住 ，到時 內外 夾攻 。
噉 三個人 接受咗 命令 就 帶兵 出發 嘞 。
接住 孔明 又 命令 關興 、張苞 ，佢 話 ：
魏兵 嘅 頭營 ，係 扎喺 路口 ，四通八達 。
今晚 如果 祁山 西側 火 起 ，魏兵 就 必定 嚟 劫 我哋 營寨 嘅 。
你 兩個 啊 去 埋伏 喺 魏 軍營 寨 嘅 左右兩 便 ， 等 佢 哋 兵馬 一出 寨 ， 你 兩個 就 去 劫營 啦 。
得令 ！
接住 孔明 又 命令 吳班 同 吳懿 ：
你 兩個 各 帶 一支 軍隊 ，埋伏 喺 營 外 ，等到 魏軍 嚟到 就 截斷 佢哋 嘅 歸路 。
得令 ！
好喇 ，孔明 部署完畢 ，就 上去 祁山 搵 笪 高高 嘅 地方 坐定 喺 處 ，觀察 情況 。
魏軍嘅探子 ，探聽到 蜀兵 要 嚟 劫糧 就 慌忙 去 報告 孫禮 。
孫禮 又 派 人 飛報 曹真 。
曹真 立即 派人 去 頭營 ，吩咐 張虎 同 樂綝 ，講 佢哋 聽 ：今晚 夜 ，西山 火 起 嘅 時候 ，蜀兵 必定 嚟 救應 嘅 。
你哋 就 出兵 攻擊 ，如此如此噉 。
張虎 、樂綝 接受咗 命令 ，就 立即 準備 ，又 派 人 上去 哨樓 啊 ，專門 睺實 信號 火 。
而家 講 下 孫禮 ，佢 將軍隊 埋伏 喺 祁山 西側 啊 等住 蜀兵 嚟 嘞 噃 。
當晚 到咗 二更 時分 ，馬岱 就 帶住 三千 人馬 嚟喇 ，人 銜 枚 馬 勒口 。
佢哋 一嚟到 祁山 西側 ，就 見到 好多 好多 貨車 ，密枳枳 ，一架 拍住 一架 成隊 成隊 噉 ，車上 便 都 插住 旗仔 。
當時 正係 呼呼聲 吹緊 西南風 ，馬岱 就 吩咐 啲 兵士 啊 去 南便 放火 。
霎時之間 ，啲 貨車 燒着晒 ，含含聲 火光 沖天 。
孫 禮 喺 外 便 見到 寨 內 起火 就 以 為 蜀 兵 中計 啦 ， 急忙 帶兵 就 冚 過去 咯 喎 ， 嘩 ！ 點 知 喺 佢 後 便 ， 突然 鼓角 喧天 。
有 兩路 蜀兵 殺嚟 ，哈 原來 係 馬忠 、張嶷 嘅 人馬 ，一下 就 將 魏軍 圍住 喺 中間 。
孫禮 就 嚇到 面 都 青 啊 ！
啊 ，噉 都 仲 唔止 ，喺 火光 掩映 之下 ，又 有 一彪 軍馬 旋風 噉 捲殺 過嚟 ，原來 係 馬岱 啊 ！
內外夾攻 就 打到 魏兵 大敗 。
風猛 火大 人馬 亂飚亂撞 ，魏軍 死傷 咗 好多人 啊 。
噉啊孫禮 帶住 啲 殘兵敗卒 ，冒煙 突火 就 狼狽 逃跑 。
噉 張 虎 同 樂綝 兩個 呢 ，佢 喺 營內 一 聽見 話 祁山 西側 起 火 喇 噉 。
即時 就 大開 寨門 ，率領 全部 人馬 就 殺去 蜀軍 營寨 嘞 。
一去到 ，弊 ！一個人 都 冇 嘅 ，急急 收兵 退走 。
誰知 退路 已經 畀 吳班 、吳懿 嗰 兩路 人馬 截住 嘞 。
張虎 、樂綝 就 死打爛打 ，唔知 幾 辛苦 先至 衝出 重圍 就 趯返去 自己 營寨 。
唉 ！一 返到去 ，只見 土城 上 便啲 箭 啡啡 聲噉 射過嚟 。
原來 自己 嘅 大本營 呀 ，都 畀 關興 同 張苞 偷襲 咗 咯 。
張虎 同樂 綝 輸到 貼 地 ， 唯有 帶住 一群 殘兵 ， 趯 去 曹 真 嘅 營寨 嘞 。
去到 營門 ，又 見到 一支 敗軍 飛奔 嚟到 。
原來 係 孫禮 ，輸 到 佢 焦頭爛額 啊 真係 同病相憐 喇 。
就 一齊 入去 見 曹真 ，每人 都 報告咗 自己 中計 嘅 經過 。
曹真 聽咗 之後 哎呀 咪 搵嘅 搞喇 ，一於 堅守 營寨 唔敢 出戰 喇 。
噉 蜀軍 嗰 幾 路 兵 都 得勝 。
孔明 跟住 又 派人 通知 魏延 ，命令 佢 如此如此 。
同時又 命令 全軍 拔寨 撤退 。
楊儀 就 唔明白 嘞 ，忍唔住 就 問 孔明 話 ：
丞相 啊 ， 我 哋 正 係 打 咗 大 勝仗 吖 ， 挫盡魏 兵 嘅 銳氣 咯 ， 點解 反而 要 撤退 呢 ？
我哋 軍隊 缺糧 ，就 利 在 急戰 。
而家 佢哋 堅守 不出 ，我軍 就 畀 佢 擊中 弱點 咯 。
佢哋 目前 雖然 暫時 打咗 敗仗 ，但係 洛陽 必定 有 補充 嚟 嘅 。
仲有啊 ，若果 佢哋 用 一支 輕騎兵 ，突然 襲擊 我軍 嘅 運糧 道路 ，到 嗰陣 呀 ，真係 想返 都 唔 返得 㗎 喇 。
而家 趁住 魏兵 剛剛 打 咗 敗仗 怕 咗 我 哋 嘅 時候 ， 我 哋 出其不意 ， 乘機 退走 就 啱 㗎 喇 。
唉 我 最 擔心 嘅 就係 魏延 嗰 支 軍隊 ，佢 喺 陳倉道口 頂住 王雙 ，一下 就 唔甩得身 。
不過 我 亦 已經 派人 教 佢 一條 計策 ，叫 佢 斬咗 王雙 ，等 啲 魏兵 唔 敢 嚟 追 。
當晚 ，孔明 只係 留 少數 人 喺 寨內 打更 ，又 由 後隊 行 先 ，人馬 就 開始 撤退 。
一夜之間 全部 退走 ，只係 剩低 一座 空營 。
而家 講 下 曹真 啦 ，佢 打咗 敗仗 一直 都 喺度 愁悶 。
呢一日 ，張郃 帶兵 嚟到 ，佢 一見到 曹真 就 話喇 ：
末將 奉咗 聖旨 ，前嚟 聽候 都督 差遣 啊 ！
好極 咯 。 誒 你 嚟 嘅 時候 ， 有 冇 向仲達 辭行 啊 ？ 佢 有 咩 嘢 說話 講呢 ？
仲達 吩咐 話 ，如果 係 我軍 打贏咗 仗 呢 ，蜀兵 必定 唔會 走 咁快 嘅 。
如果 我軍 打敗 ，噉 蜀兵 就 即刻 走人 㗎 喇 噉 。
誒 呢次 我 軍 失利 之後 ，曹都督 有冇 派 人 去 探聽 過 蜀兵 嘅 消息 啊 ？
未噃 。
而家 即刻 派 人 去 啦 。
曹真 立即 派人 去 探聽 動靜 。
哎果然係 一個 空營 ，淨係 插住 幾十支 旗 ，啲 兵 呢 ，已經 走咗 兩日 喇 。
哎 ！曹真 猛咁 抌 大髀 啊 後悔 不及 咯 。
而家 要 講返轉頭 ，講下 魏延 啊 。
佢 係 接受咗 孔明 嘅 秘密 命令 ，喺 當晚 二更 ，拔寨 起程 就 急行軍 趕返去 漢中 。
魏軍 嘅 探子 偵察到 情況 ，立即 就 去 報告 王雙 嘞 。
王 雙點 齊 兵馬 ，追 啊 ！追到 二十幾里 ，眼睇住 就快 追到嘞 ，見到 魏延 嘅 旗號 就 喺 前便 。
王 雙 大聲 噉 喝過去 ：魏延 你 咪 走 啊 ！
啲 蜀兵 當 佢 冇 嚟 ，根本 唔 睬 佢 ，照 行 。
王雙 嬲 起 上 嚟 一鞭 隻 馬 就要 追上去 ， 就 喺 呢 個 時候 ， 後 便 啲 魏兵 大聲 噉 嗌：
城外 嘅 營寨 燒起嚟 喇 ，怕係 中咗 敵人 嘅 奸計 喇 ！
王雙 急急 勒 轉馬 ， 嘩 ！ 只見 一片 大火 沖天 啊 ， 慌忙 下令 ： 退兵 ！ 退兵 ！
行到 一個 山坡 左近 ，突然間 ，一員 大將 喺 樹林 裏 便 縱馬 衝出嚟 大喝 一聲 ：魏延 喺度 啊 ！
王雙 大吃一驚 措手不及 ，就 畀 魏延 一刀 改矮咗 幾寸 一命嗚呼 咯 。
啲 魏兵 啊 怕 有 埋伏 ，而且 見到 主帥 已經 被 斬 咯 ，㗾噉 就 散晒 。
魏延 呢 ，佢 手下 只係 得 三十 個 馬軍 啫 ，非常 鎮定 噉 ，向住 漢中 慢慢 噉 行 。
真係 孔明 妙計 啊 鬼神 莫測 㗎 。
原來 魏延 啊 ，佢 接受 咗 孔明 嘅 秘密 命令 ，留低 三十 名 馬軍 ，埋伏 喺 王雙 嘅 營寨 旁邊 。
睇住 王 雙 點 齊 人馬 去 追趕 蜀 軍 嘅 時候 ，就 走去 王 雙 嘅 營寨 放火 。
等 王 雙 趕回 營 喇 ，就 出其不意 突然 衝出嚟 殺咗 佢 。
噉 魏延 斬咗 王雙 ，帶兵 返到 漢中 回覆 孔明 ，交割咗 人馬 。
孔明 大排筵席 ，同 眾 將官 啊 慶祝 勝利 呢啲 不在話下 喇 。
噉 魏軍 嗰 頭 嘅 張郃 就 追唔到 蜀兵 ，唯有 收兵 回營 啦 。
呢一日 ，曹真 得到 郝昭 嘅 報告 ，話 王雙 被 斬 噉 ，唉 ，心痛 到 極 啊 ！
從此 就 得咗 病 ，冇 幾 耐 就 返咗 去 洛陽 。
佢 臨走 之 時 啊 ，就 任命 郭淮 、孫禮 、張郃 嚟 守衛 長安 一 帶 各處 關隘 要道 。
花開 兩朵 各表 一枝 ，而家 講下 東吳 呢 一便 嘞 。
呢一日 ，吳王 孫權 登殿 臨朝 ，佢 接到 間諜 呈送 嚟 嘅 報告 ，話 諸葛亮 呀 兩次 出兵 北伐 ，打到 魏國 都督 曹真 就 損兵折將 噉 。
嗯 ？呢個 消息 認真 令人 興奮 噃 。
於是 文武百官 ，都 紛紛 向 孫權 建議 ，乘機 起兵 去 攻打 魏國 ，奪取 中原 噉 。
孫權 仲 係 猶疑 不決 。
張昭稟奏話喇 ：近日 ，喺 武昌 嘅 東山 有 鳳凰 出現 ；
喺 大江 之 中 ，有 幾次 見到 黃龍 ，呢啲 都 係 大吉 之 兆 啊 。
主公 嘅 品德 才智 ，完全 可以 同 堯 、舜 、文 、武 相比 嘅 。
主公 ，應該 先 登 皇帝 之 位 ，然後 興兵 啊 。
文武百官 一齊 擁護 張昭 呢個 意見 。
孫權 噉啊 揸定 主意 喇 ，擇咗 個 吉日 ，就係 四月 ，丙寅日 ，喺 武昌 南郊 ，築起 個 壇 拜祭 天地 ，正式 登上 皇帝位 。
嗰日 ，孫權 登壇 舉行過 典禮 ，做咗 皇帝 之後 呢 ，就 將 黃武 八年 啊 改為 黃龍 元年 ，即係 公元 二二九年 。
尊稱 佢 父親 孫堅 ，做 武烈皇帝 ；母親 吳氏 ，做 武烈皇后 ；兄長 孫策 ，做 長沙 桓王 。
同時 冊立 個 仔孫 登 做 皇太子 。
任命 諸葛瑾 嘅 長子 諸葛恪 ，做 太子 左輔 ；
張昭 嘅 次子 張休 ，做 太子 右弼 。
噉啊 講起 呢個 諸葛恪 呀 有 段 古 嘅 。
諸葛恪 字 元遜 ，生得 身長 七尺 ，極之 聰明 ，好 有 急才 就 善於 應對 。
孫權 呢 就 非常之 喜歡 佢 。
當 諸葛恪 啊 仲 係 個 六歲 細佬 哥 嗰 陣 啊 ，有 一日 ，孫權 就 舉行 宴會 。
佢 父親 諸葛瑾 就 帶埋 佢 去 參加 宴會 喎 。
飲飲下酒 ，孫權 見到 諸葛瑾 塊面 咁 長 嘅 ，就 同佢 開玩笑 喎 。
叫人 拉咗 匹 驢仔 嚟 ，用 支 粉筆 ，喺 隻 驢仔 塊 面 上 呢 寫咗 四 個 大 字 ，諸葛 子瑜 噉 。
子瑜 就係 諸葛瑾 嘅 別字 咯 。
所有嘅賓客 ，望下 諸葛瑾 ，又 望下 隻 驢仔 。
嘻嘻 ，嘻嘻嘻 ，越 睇 就 越 似 喎 ，噉 越 睇 就 越 好笑 ，笑到 諸葛瑾 啊 面紅耳赤 ，誒 但係 又 唔能夠 發脾氣 㗎 。
唯有 尷尷尬尬 ，就 陪住 孫權 同 大家 傻笑 嚱嚱嚱噉 係啦 。
哈點 不知 諸葛 恪 呢 個 細路 仔 呢 ， 粒聲 唔 出 ， 幾步 就 行到 隻 驢 仔前 便 ， 用支 粉筆 加多 兩個 字落 去 。
大家 一 睇 ，哦 ！變咗 諸葛子瑜 之 驢 喇 。
聰明啊 好嘢啊 ！
孫權 真係 高興 啊 ，擪 佢 埋嚟 身邊 ，搣 下 佢 面 豬仔 ，摸 下 佢 頭殼 ，又 將 呢 匹 驢仔 送咗 畀 佢 。
孫權 自細 就 喜歡 諸葛恪 嘅 ，故此 呢 ，就 叫 佢 嚟 輔助 太子 。
張昭 一直 都 係 孫權 身邊 嘅 大臣 ，位置 直情 喺 三宮 之上 。
故此呢 ，亦 用 佢 個 仔 張 休 啊 做 太子 右弼 ，同 諸葛 恪 一齊 輔助 太子 。
同時啊 ，孫權 仲 任命 顧雍 做 丞相 ，陸遜 做 上將軍 ，輔助 太子 嚟 鎮守 武昌 。
噉 孫權 喺 登位 大典 結束 之後 ，就 返去 建業城 嘞 。
建業城 即係 今日 嘅 南京市 啊 。
噉啊既然 做咗 皇帝 喇 ，孫權 同 嗰班 文武大臣 又 試嚟 議論 去 攻打 魏國 嘅 事 咯喎 。
張昭 稟奏 話 喇 ： 陛下 剛剛 登上 寶座 ， 暫時 唔 好 起兵 啊 。
當前 要 做嘅 呢 ，就係 修文偃武 ，設立 多啲 學校 ，培育 人才 安定 民心 。
同時呢 ，請 主上 派 個 使者 去 西川 ，同 蜀國 訂立 同盟 ，將來 同 佢 平分 天下 。
總之 一切 都 慢慢 嚟 做 就 啱㗎喇 。
孫權 諗落 亦係喎 ，就 聽佢 嘅 ，即刻 派 個 使者 去 西川 。
噉 孫權 嘅 使者 ，拜見 咗 後主 劉禪 之後 呢 ，就 將 吳 蜀 訂立 同盟 嘅 建議 ，詳詳細細 噉 稟奏 一番 。
劉禪 聽咗 就 同埋 班 大臣 商量 喇 。
嗰班 大臣 個個 都 話 ，孫權 呀 擅自 稱帝 ，係 大逆不道 啊 ，唔應該 同佢 訂立 同盟 㗎 噉 。
蔣琬 就 話 喇 ：不如 派 人 去 問 下 諸葛 丞相 吖噉 。
係喎 ，呢件事 係 要 孔明 至 揸得 主意 㗎 喇 。
劉禪 就 派 個 使者 ，趕去 漢中 問 孔明 。
孔明 就 答覆 話 ：仲係 應該 同 東吳 結成 同盟 好啊 。
我哋 可以 派 使者 帶備 禮物 去 東吳 ，祝賀 蜀 吳 同盟 。
同時 請 東吳 派 陸遜 出兵 ， 去 攻打 魏國 ， 噉 樣 呢 ， 魏國 必定會 叫 司馬懿 帶兵 嚟 迎戰 嘅 。
司馬懿 一 帶 兵 去咗 南 便 抗拒 東吳 ，我 就 再 出 祁山 ，噉樣 長安 就 可以 攻 落嚟 喇 。
劉禪 依從 孔明 嘅 建議 ，就 命令 太尉 陳震 ，帶 齊啲 名馬 、玉帶 、金珠寶貝 等等 禮物 ，去 吳國 祝賀 蜀吳 同盟 。
孫權 收咗 國書 好 歡喜 啊 ，款待 陳震 一番 就 打發 佢 返去 蜀國 。
然後呢 ，孫權 就 搵 陸遜 嚟 ，將 蜀國 約 東吳 興兵 去 攻打 魏國 嘅 事 講 佢 聽 。
陸遜 就 話 ：主上 ，呢啲 不過 係 孔明 怕咗 司馬懿 所以 搞出嚟 嘅 計謀 唧 。
不過噉 ，既然 同 西蜀 訂立 咗 同盟 咯 ，唔 應承 佢哋 就 唔好 啊。
我哋 可以 作出 起兵 噉嘅 姿態 ，同 西蜀 遙遙 呼應 。
等到 孔明 同 魏國 交戰 喇 ，打得 緊張 嘞 ，到時 我哋 就 可以 乘機 奪取 中原 啦嘛 。
孫權 同意 嘞 。於是 陸遜 啊 即刻 下令 ：要 荆襄 各地 加緊 訓練 兵馬 ，準備 興師 ！
而家 講下 陳震 佢 去完 東吳 返到 漢中 ，就 將 結果 報告 孔明 。
當時 孔明 仲 係 擔心 陳倉 難以 進攻 ，就 派 人 去 探聽 下 情況 先 。
返嚟報告話 ，郝昭 喺 陳倉城 病得 好 交關 啊噉 。
哎呀 ！噉就 大事 成功 咯 。
孔明 就 叫 魏延 、姜維 嚟 吩咐 佢哋 話 ：你 兩位 各 帶 五千 兵 ，日夜 兼程 直奔 陳倉 。
如果 見到 起火咯 ，就 一齊 出力 攻城 啦 。
請問 丞相 ，幾時 出發 啊 ？
三日之內 ，你哋 都 要 準備妥當 ，啊 ，唔使 嚟 向 我 辭行 喇 ，一 準備好 就 起程 啦 。
遵命 ！噉 兩個 去咗 咯 喎 。
跟住 孔明 又 叫 關興 同 張苞 嚟 ，細細聲 吩咐 佢哋 如此如此 。
好 ，噉 兩個 接受咗 秘密 命令 就 走啦 。
而家 講 下 魏軍 嗰 便 嘅 郭淮 啊 ，佢 聽聞 郝昭 病重 ，就 同 張郃 商量 話 喇 ：
郝昭 病重 啊 ，你 趕快 去 頂替 佢 先 。
我 跟手 寫 份 表章 申奏 朝廷 ，然後 再 作 定奪 啦 。
噉 張 郃 帶住 三千 人馬 ，十萬 火急 就 趕去 頂替 郝 昭 嘞 。
郝昭 當時 已經 病危 喇 ，當晚 ，佢 正 喺度 硬硬聲 呻吟緊 ，忽然 聽到 報告 話 蜀軍 兵臨城下 噉 。
郝昭 急急 叫 人 上 城 守衛 。
呢陣時呀 ，各道 城門 都 起火 燒着咗 ，城 裏頭 立立亂 。
郝昭 一 聽 ，個 心 一 驚 ，條 氣 一 頂 ，當堂 死咗 。
噉 蜀兵 一 湧 入 城 喇 ，呢 支 蜀兵 喺 邊度 嚟 㗎 ？
嘿嘿唔知呢 ，唔止 你哋 唔知啊 連 魏延 姜維 都 唔知啊 。
噉啊當魏延 、姜維 帶兵 嚟到 陳倉城下 嘅 時候 ，見到 呢座 陳倉城 呀 ，一面 旗 都 唔見 ，連 個 打更 嘅 人 都 唔見 噃 。
咦喂 ，係咪 有 埋伏 㗎 ？
兩個人 都 覺得 十分 奇怪 就 唔敢 攻城 。
正喺度 思疑緊 ，忽然 聽見 城樓 上 轟噉 一聲 炮響 ，城牆 上 霎聲 下 ，一齊 豎起 晒 啲 旗幟 。
只見 有 個人 ，頭戴 綸巾 ，身穿 道袍 手搖 鵝毛扇 ，喺 城樓 出現 。
佢 大聲 噉 話 ：魏將軍 ，姜將軍 ，你 兩位 嚟 遲咗 咯 ！
魏延 同 姜維 定眼 一 睇 ，哈 原來 係 孔明 啊 ！
即時 滾 鞍 落馬 ，跪 喺 地 嚟 話 丞相 真係 神計 啊 ！
孔明 吩咐 打開 城門 ，放 佢哋 入 城 ，然後 對 佢哋 兩個 話 喇 ：
當時 我 探聽到 郝超 病重 ，就 命令 你 兩位 三日 之內 準備妥當 ，就 帶兵 出發 ，奪取 陳倉城 吖 。
哈哈哈哈 ，呢個 係 做出嚟 畀 大家 睇 嘅 啫 。
其實呢 ，我 命令 關興 同 張苞 ，詐作 話 檢查 軍隊 靜靜 離開咗 漢中 。
我就匿埋喺軍隊裏頭 ，馬不停蹄 急行軍 直到 陳倉城下 ，使到 敵人 冇時間 調兵 。
同時 我 早就 安排咗 一班 間諜 ，隱藏 喺 城內 放火 吶喊 ，擾亂 人心 ，使到 魏兵 呀 心慌意亂 。
兵 無 主將 必定 亂 嘅 ，我 就 乘機 攻城 ，攞 佢 就 易如反掌 啦 。
兵法 有 話 ：出其不意 ，攻 其 無備 就係 噉解 喇 。
魏延 、姜維 聽咗 呀 佩服 到 極 啊 ！
噉 跟住 孔明 對 魏延 、姜維 話 ：你 兩位 唔好 休息 嘞 ，立即 帶兵 去 襲擊 散關 啦 。
守關嘅人 若果 見到 我哋 嘅 兵 到 ，必定 會 嚇走 嘅 。
不過 如果 去得 遲 一啲 呢 ，大隊 魏兵 就 會 趕到 ，噉 就 難攻 㗎喇 。
於是 魏延 、姜維 啊 ，立即 辭別 咗 孔明 ，帶兵 直奔 散關 。
散關 又 叫做 大散關 ，就 喺 今日 陝西省 寶雞市 西南方 嘅 大散嶺 上 便 。
佢 喺 正 秦嶺 嘅 咽喉 ， 控制 住 四川 同 陝西 嘅 交通 孔道 ， 乃 係 古代 軍事 必爭之地 啊 。
噉 啊 當 佢 哋 去 到 嘅 時候 呢 ， 守關 啲 人 呀 果然 趯 走 晒 嘞 。
佢 兩個 入咗 關 ，啱啱 想話 除開 盔甲 唞下 唧 ，嘩嗨 ，遠遠 望見 關外 塵頭 大起 ，大隊 魏兵 嚟緊 喇 。
噉 欲知 後事 如何 啊 ，就且 聽 下回 分解 。
