諸葛亮 佢 舉行 宴會 ，請 啲 將官 嚟 一便 飲酒 ，一便就 商量 出兵 嘅 事 吖 。
忽然間 一浸 大風 ，將 大廳 前面 一樖 松樹 吹斷咗 。
孔明啊 隨即 占咗 個 卦 ，佢 話 ：哎呀 ，呢浸 風 預兆 損失 一員 大將 啊 ！
人人 都 唔 信 喎 。
點知 飲飲下酒 ，守門官 入嚟 稟報 話 ：鎮南 將軍 趙雲 嘅 大仔 趙統 、二仔 趙廣 嚟 拜見 丞相 。
孔明 當堂 面色 都 變晒 ，砰噉 跌咗 杯酒 落地 ：哎呀 ，子龍 冇咗 咯 ！
跟 住 趙雲 兩個 仔入 到 嚟 ， 一 見到 孔明 就 跪 低 叩頭 行禮 喊住 話 ： 我 哋 父親 ， 喺 昨晚 三 更 病重 死 咗 喇 。
哎呀呀 呀呀 ， 子龍 啊 子龍 ， 你 一 逝世 ， 國家 損失 咗 一條 棟樑 ， 我 就 少 咗 一隻 手臂 啊 ！
啲 將官 人人 都 流起 眼淚 嚟 啊 。
孔明 就 叫 趙雲 兩個 仔 ，立即 去 成都 朝見 皇上 報喪 。
後主 劉禪 一 聽講 趙雲 病死 ， 就 放聲 痛哭 話 ： 哎 ， 朕 細 個 嗰 陣 ， 如果 唔 係 得子 龍 呀 ， 早就 死 喺 亂軍 之中 嘅 咯 。
劉禪 立即 下一道 詔書 ，追封 趙雲 做 大將軍 、順平侯 ，將佢 安葬 喺 成都 錦屏山 嘅 東便 ，仲 為 佢 起咗 一間 廟堂 ，四季 祭奠 。
哎 ，正是 常山 有 虎將 ，智勇 匹 關 張 。漢水 功勳 在 ，當陽 姓 字 彰 。兩番 扶 幼 主 ，一念 答 先皇 。青史 書 忠烈 ，應 流 百世 芳 。
噉後主劉禪啊 ，就為咗 紀念 趙雲 往日 嘅 功勞 ，所以 將 佢 嘅 葬禮 辦得 非常之 隆重 。
又 封 趙統 做 虎賁中郎 ，趙廣 做 牙門將 ，叫 佢哋 為 父親 守 墳 。
噉佢 兩 兄弟 拜謝咗 後主 劉禪 ，就 辭別 返去 。
到 咗 呢 一年 嘅 冬天 ， 有 一日 ， 後主 劉禪 接到 報告 ， 話 諸葛丞相 啊 已經 部署 好 兵馬 ， 好 快 就 出師 討伐 魏國 喇 噉 。
劉禪 就 同 在朝 嘅 大臣 研究 呢件事 。
呢班 大臣 呀 ，好多 都 唔 贊成 出兵 嘅 。
所以 劉禪 呢 就 猶猶疑疑 下 唔 到 決心 。
呢一日 ，孔明 就 派 楊儀 送 出 師表 嚟 畀 劉禪 。
呢個 出師表 就係 歷史上 有名 嘅 後 出師表 嘞 。
劉禪 打開 表章 一 睇 ，大意 就係 話 ：
討伐 曹魏 逆賊 ，復興 漢室 ，係勢所必然嘅 。
目前 正係 再次 北伐 嘅 大好 時機 。
雖然 從軍事力量上嚟講 係 敵強我弱 ，但係 北伐 不但 係 為咗 實現 先帝 劉備 嘅 遺志 ，同時 亦係 為咗 保衛 蜀國 自身 嘅 安全 。
而家 朝廷 上 有 一啲 大臣 ，舉出 種種 理由 好似 勝利 冇 把握 啊 ，太過 冒險 啊 等等 ，而 主張 長期 偏安 長期 等待 ，呢啲 意見 都 係 唔啱 嘅 。
希望 皇上 唔好 為咗 呢啲 不同意見 就 動搖 咗 北伐 嘅 意志 。
孔明 仲 喺 表章 嘅 最後 ，表示 不計 成敗 利鈍 ，都 要 盡忠 為國 ，要 鞠躬 盡瘁 ，死而後已 。
劉禪 睇咗 表章 好 高興 ，終歸 打消咗 顧慮 ，立即 下一道 詔書 ，同意 孔明 出師 北伐 。
孔明 接受 咗 劉禪 嘅 命令 ，就 喺 呢 一年 啊 就係 公元 二二八年 ，冬天 嘅 吉日 ，點起 三十萬 雄兵 ，任命 魏延 總督 前部 先鋒 ，就 直奔 陳倉 道口 而去 。
噉 魏國 嘅 間諜 ，探聽到 諸葛亮 啊 又 試 興兵 北伐 嘅 消息 ，立即 就 向 洛陽 報告 啦 。
司馬懿 將 呢個 消息 向 魏主 曹睿 稟奏 。
呢一日 ，曹睿 登殿 臨朝 呀 召集 文武百官 嚟 商量 對策 。
大將軍 曹真 ，出班 稟奏 話 ：
臣 稟奏 陛下 ， 臣 以前 守衛 隴西 ， 功微罪 大 不勝 惶恐 啊 。
今日 ，請 陛下 准許 臣 率領 大軍 ，去 生擒 諸葛亮 。
同時 ，臣 最近 得咗 一 員 大將 ，姓 王 名 雙 ，字 子全 ，係 隴西 狄 道 人 。
此人 使 一口 六十斤 大刀 ，騎 千里 征 宛馬 ，能夠 開 兩石 力 嘅 鐵胎 弓 ，暗藏 三個 流星錘 ，百發百中 ，有 萬夫不當之勇 ，臣 保舉 此人 做 先鋒 。
曹睿 聽咗 好 歡喜 ，就 宣召 王雙 上 殿 。
曹睿 一 睇 ，嘩嗨 ！只見 王雙生 得 身長 九尺 ，面 黑 睛 黃 ，熊腰虎背 好 威風 呀 。
曹睿 笑喇 ：朕 得到 呢一個 大將 ，仲 使 乜 愁 呢 ？哈哈哈哈哈哈哈哈哈哈 ！
就 賜 畀 佢 錦袍 金甲 ， 封 佢 做 虎威 將軍 ， 前部 大 先鋒 。
任命 曹真 啊 做 大都督 。
噉 曹真 叩頭 謝恩 就 離開 金殿 ，返去 作出征 嘅 準備 。
噉準備好喇 ，就 率領 十五萬 精兵 ，會合 郭淮 、張郃 ，分 幾路 人馬 就 把守 隘口 。
而家 講 蜀軍 嘅 先頭部隊 啊 ，去 陳倉 偵察 返嚟 就 報告 孔明 話 ：
陳倉道口 已經 築起 一座 城 ，由 大將 郝昭 把守 ，防守 非常 嚴密 。
不如 放棄 陳倉 唔好 打 喇 ，改為 由 太白嶺 小路 出 祁山 啦 ，行 呢 條 路 係 極之 方便 。
孔明話 ：陳倉 嘅 正北方 就係 街亭 ，必定 要 奪取到 呢個 城 ，先至 可以 進兵 㗎 。
於是 孔明 就 命令 魏延 ，帶兵 去 四面 圍攻 。
魏延 連氣 攻打咗 好幾日 都 攻唔破 ，就 返嚟 稟告 孔明 話 呢個 城 呀 好 難 打 。
孔明 發火嘞 ，想 斬咗 魏延 。
正喺 呢個 時候 ，有 個人 行 出嚟 話 ：啟稟 丞相 ，我 跟隨 丞相 多年 ，未曾 報效 。
雖然 能力 淺薄 ，但係 我 願 去 陳倉城 內 ，說服 郝昭 前 嚟 投降 ，唔 使用 一刀一箭 㗎 。
大家 睇下 ，講說話 呢個 人 原來 係 私人 武裝 嘅 首領 叫做 靳祥 。
孔明 就 問 佢 ：噉 你 想 點樣 同 佢 講 呢 ？
郝昭 同 我 係 同鄉 ，自細 就 係 好朋友 。
我 去到 嘅 時候 同 佢 講 明利害 ，佢 實 會 嚟 投降 嘅 。
孔明 即刻 就 叫 佢 去 。
靳祥 騎住 匹 馬 ，飛快 噉 跑到 去 城下 大聲 噉 嗌上去 話 ，郝 將軍 嘅 老 朋友 嚟 搵 佢 啊 噉 。
城頭 上 嘅 兵 聽到 ，就 去 報告 郝昭 。
郝昭 吩咐 打開 城門 ，放佢 入嚟 見面 。
見咗面 彼此 行過嚟 ，郝昭 就 問 喇 ：老朋友 ，因咩事 嚟到 呢處 啊 ？
誒 ，我 而家 喺 西蜀 諸葛亮 帳下 參贊 軍機 ，佢 待 我 好似 上賓 噉 啊 。
今日 佢 特意 叫 我 嚟 見 將軍 你 ，有 幾句 說話 想 對 將軍 講 。
哼 ！諸葛亮 係 我哋 魏國 嘅 仇敵 。
我 為 魏國 做事 ，你 為 蜀國 做事 ，各 為 其 主 ！
往日 為 兄弟 ，今日 為 仇敵 ，你 不必 多講 ，請 你 即刻 出城 啦 ！
靳祥仲 想 講 嘅 ，但係 郝昭 已經 一 轉身 ，噔噔噔 行 上 城樓 。
啲 魏兵 就 催 靳祥 上馬 ，趕咗 佢 出 城外 。
靳祥 擰轉頭 望望 ，只見 郝昭 喺 城樓 上 憑住 欄杆 企 響 處 。
靳祥 就 勒定 馬 ，大聲 噉 對 郝昭 話 喇 ：郝賢弟 ，你 點解 咁 薄情 㗎 ？
靳兄 ，魏國 嘅 法度 你 係 知 嘅 。我 身受 國恩 ，只能 以 死 相報 ！
兄長 你 無謂 多講 喇 ，請 你 返去 講 畀 諸葛亮 聽 ，叫 佢 快啲 嚟 攻城 啦 我 唔怕 嘅 ！
冇辦法 ，靳祥 唯有 走人 係啦 。
返到去 講畀 孔明 聽 ，佢 話 ：郝昭 都 未 等 我 開口 ，就 阻住 唔 畀 我 講 。
孔明 話 ： 你 再 去 見 佢 ， 將 利害關係 講 掂 佢 啦 。
於是 靳祥 啊 又 試 騎馬 去到 城下 ，請 郝昭 出嚟 見面 。
郝昭行 出嚟 城樓 ，靳祥 大聲 噉 話 ：郝賢弟 ，你 聽 我 嘅 忠言 啦 ，你 據守 一座 孤城 ，點 敵得住 十萬 大軍 啊 ？
今日 唔 及早 投降 呀 ，後悔 就 遲 咯 ！
況且 你 唔歸順 大漢 ，反而 為 北魏 奸賊 做事 ，噉 就 太過 唔知 天命 、唔分 清濁 好醜 咯 ，唔該 郝賢弟 你 諗真啲 吖 。
郝昭嬲喇 ，佢 彎弓搭箭 ，指住 靳祥 喝佢 話 ：
我 話咗 噉 就 噉喇 ，你 不必 多 講 ，快啲 走 ，我 唔 射 你 ！
靳祥 返去 見 孔明 ，講 佢 聽 郝昭 係 噉噉噉 ，孔明 可 惱嘢 喇 佢 話 ：
呢個 傢伙 真係 豈有此理 ，佢 蝦 我 冇 攻城 嘅 工具 係 嘛 ？
跟住 孔明 就 搵咗 個 當地人 嚟 問 佢 ：陳倉城 裏 便 ，有 幾多 人馬 呢 ？
誒 ， 的確 數目 就 唔 知 喇 ， 大概 ， 大概 有 三千 人度 啦 。
哈哈哈哈 ，諒佢 小小 一個 城池 ，點 抵擋得住 我 啊 ？好 ，等 佢哋 救兵 嚟 之前 火速 攻佢 ！
孔明 就 下令 安裝好 一百架 雲梯 ，每 一架 雲梯 就 可以 企得 十幾人 ，周圍 用 啲 木板 遮住 。
啲 兵士 呢 就 帶住 短 梯 軟索 ，聽見 擂響 戰鼓 就 一齊 上 城 。
郝昭 喺 城樓 上面 ，望見 啲 蜀兵 裝 起 雲梯 ，由 四面 噉 逼近 嚟 。
佢 立即 命令 三千 兵士 ，人人 都 揸住 火箭 ，分佈 喺 四面 ，等 雲梯 要 靠埋 城牆 喇 ，就 用 火箭 一齊 嚟 射 。
孔明 呢趟 又 估計 錯 咯 ，佢 即 估 城內 冇 準備 嘅 ，故此 啊 使用 雲梯 ，就 命令 三軍 吶喊 攻城 。
點知道 城 上 啲 火箭 呀 一齊 射落嚟 ，燒着 晒 啲 雲梯 ，噉 雲梯 上面 啲 兵士 好多 燒傷 燒死
而且 城 上 啊 猛咁 掟 石頭 同埋 射箭 ，落雨 咁 落 ，打 到 蜀兵 退 都 退唔切 。
孔明 好 嬲 啊 ， 佢 諗 ： 你燒 我 嘅 雲梯 ， 我 又 有 衝車 唧 。 於是 漏夜 安排 好 衝車 。
第日 ，又 試 由 四面 鼓噪 吶喊 噉 進攻 咯 喎 。
郝昭此人 係 有辦法嘅 ，佢 急急 命令 運 啲 石頭 嚟 ，鑿穿 個 眼 用 條 繩 嚟 綁住 ，飛嚿 石 去 打 啲 衝車 。
結果啲 衝車 都 畀 飛石 打到 爛晒 ，唔得嘞 。
孔明 又 派 人 去 搬 泥 嚟 填平 條 護城河 。
準備 又 派 廖化 帶 三千 兵 ，喺 夜晚 黑 掘 條 地道 入去 城 裏 便 。
哈哈 ，郝昭 又 喺 城內 啊 ，再 掘 一條 壕溝 嚟 截住 。
噉孔明 呢條計 又唔成喇 ，如是者 日日夜夜 噉攻城 ，連氣 廿幾日 喇 ，孔明 仲係 諗唔到 更好 嘅 辦法 攻得破 佢 。
郝昭 係 得 喎 吓 ，呢次 呀 ，畀 佢 扭到 孔明 都 冇 計 。
呢一日 ，孔明 正 喺度 愁悶緊 ，探子 就 嚟 報告 話 ：敵人 嘅 救兵 到喇 ，由 東 便 嚟 嘅 ，旗 上面 寫住 魏 先鋒 大將 王 雙 。
孔明 就 問 喇 ：邊位 將軍 去 迎戰 啊 ？
魏延 話 ：我 去 ！
你係 先鋒大將 ，唔好 隨便 出陣 啊 。
邊位 將軍 去 呢 ？
裨將 謝雄 應聲 而 出 ，孔明 就 叫 佢 帶 三千 人馬 去 。
跟住 孔明 又 問嘞 ：邊位 仲 想去 啊 ？
裨將 龔起 回答 話 要 去 ，孔明 亦 叫 佢 帶 三千 人馬 去 迎敵 。
孔明 怕 郝昭 啊 ，帶 兵 喺 城內 衝出嚟 接應 ，就 吩咐 人馬 退後 二十 里 扎寨 。
話說 謝雄 佢 帶兵 去 迎敵 ，喺 路上 遇 正王雙 就 打起上嚟 。
但係 打咗 唔到 三個 回合 ，就 畀 王雙 斬死 咗 噉 蜀兵 大敗 而 走 。
王雙 大刀 一揮 喎嗬 殺 啊噉 ，就 率領 軍隊 追殺 過去 ，就 啱啱 龔起 嚟到 嘞 ，又 打咗 三個 回合 ，結果 龔起 呢 亦 畀 王雙 斬死 。
啲 敗兵 就 趯 返去 報告 孔明 ， 孔明 大吃一驚 啊 ， 連忙 命令 廖化 、 王平 、 張嶷 三個 出去 迎敵 。
兩陣 對圓 ，張嶷 首先 出馬 ，王平 、廖化 就 壓住 陣角 。
王雙 縱馬 上前 ，同 張嶷 交戰 ，打咗 幾個 回合 就 不分 勝負 。
王雙虛 晃 一刀 詐敗 就 走 ，張嶷 喺 後 便 咪 追上去 咯 。
王平 見到 咦 情形 唔對路 ，連忙 大聲 噉 嗌 ：唔好 追 ，唔好 追 ！
張嶷 急急 回馬 ， 王 雙 嘅 流星錘 已經 打到 嚟 咯 ， 打正張 嶷 嘅 背 梅 哎呀 ！ 痛到 張嶷 就 伏 喺 馬鞍 處 啊 。
王雙勒 轉 馬 嚟 追 ，王平 、廖化 上前 截住 就 救 咗 張嶷 回陣 。
王 雙揮 兵 大殺 一陣 就 殺到 蜀 兵 損傷 好 大 。
張嶷 捱咗 一錘 ，嘔咗 幾啖 血 ，就 返去 見 孔明 話 ：王雙 好 厲害 啊 打佢 唔過 。
而家 佢 仲 將 二萬 兵 駐扎 喺 陳倉 城 外 ，四圍 豎起 柵欄 築起 城牆 ，挖 深啲 壕溝 ，防守 好 嚴 啊 。
孔明 見 損失咗 兩個 將官 ，張嶷 又 受咗傷 ，就 同 姜維 商量 話 ：
陳倉路口 呢條路 唔行得 嘞 ，仲有 咩 其他 辦法 好 諗 呢 ？
丞相 ，睇嚟 ，陳倉 城池 堅固 ，郝昭 守衛 又 嚴密 ，佢 又 得到 王雙 嚟 幫 佢 ，一時之間 ，係 攻唔破 㗎 喇 。
不如 派 一 員 大將 ，依 山 傍水 ，扎落 營寨 喺度 堅守 。
同時 再 派 一 員 大將 ，守住 要道 ，防備 街亭 嗰 便 嘅 敵兵 攻過嚟 。
然後 ，將 大軍 轉移 過去 襲擊 祁山 。
我誒 如此如此噉 用計 ，噉就 可以 擊敗 曹真 嘞 。
好啊 ！姜維 呢條 計策 係 得嘅 。
孔明 接受 咗 佢 嘅 建議 ，立即 命令 王平 、李恢 ，各 帶 一支 人馬 把守 通向 街亭 嘅 小路 ；
魏延 就 帶 一支 軍隊 把守 陳倉口 。
任命 馬岱 做 先鋒 ，關興 、張苞 做 前後 救應 使 ，就 混 小路 出 斜谷 ，向住 祁山 進發 喇 。
而家 講 下 曹真 ，佢 係 諗住 前次 畀 司馬懿 撈晒 功勞 吖 ，故此 呢次 佢 啊 自告奮勇 ，帶兵 嚟 迎敵 諸葛亮 。
佢 就 調 咗 郭 淮 、 孫禮 一 東一西 把守 關隘 。
佢 聽到 陳倉 告急 ，即時 就 派 王雙 去 救 。
及至 聽聞 王雙 斬 將 立功 ，嘿 非常之 高興 喇 。
就 命令 中 護軍 大將 費耀 啊 ，暫時 代理 前部 總督 。
各將官 就 分別 嚴密 守衛 各處 隘口 。
有一日 ，守門官 嚟 報告 話 喺 山谷 裏頭 ，捉到 個 蜀軍 奸細 啊噉 。
曹真啊 叫人 押佢 入嚟 審佢 。
嗰個人 押到 入嚟 ，跪喺 地下 佢 話 ：
都督大人 ，小人 唔係 奸細 啊 ，係 有機密嘅事情 要嚟 見 都督 。
因為 誤會 畀 伏路軍 捉住 唧 ，請 大人 吩咐 左右 啲 人 退開 。
嗯 ，好啦 。
曹真 就 吩咐 解開 佢啲 繩 ，叫 左右 啲 人 行開 ，噉 嗰個 人 就 話 喇 ：
小人 ，係 姜伯約 將軍 嘅 心腹人 啊 ，奉咗 姜將軍 命令 嚟 送 密信 嘅 。
信 呢 ？
喺處 。嗰個人 就 喺 貼身衣服 裏 便 ，扲出 封信 呈上 畀 曹真 。
曹真 拆開嚟 睇下 ，封信 嘅 大意 係 話 ：
我 姜維 ，係 一心 忠於 魏國 ，皆因 誤中 諸葛亮 嘅 詭計 ，不得已 而 投降 蜀國 嘅 啫 。
呢次 都督 你 帶 兵 嚟到 ，如果 遇到 蜀軍 ，就 請 你 詐敗 。
我 就 喺 蜀軍 後方 以 放火 為 號 ，先 燒 蜀軍 糧草 。
噉 都督 你 就 率領 大軍 回師 掩殺 ，我 帶兵 接應 ，噉 就 實 捉到 諸葛亮 。
我噉樣做 ，唔敢話 係 立功報國 ，無非 係 贖罪 唧 。
如果 都督 同意 就 請 給予 回音 啦 。
曹真 睇咗 姜維 封信 歡喜 到 極 咯 ：好啊 ，天助 我 成功 啊 ！
即時 就 叫 人 攞 啲 金銀 出嚟 ，打賞 帶信 嗰個 人 ，吩咐 佢 返去 話畀 姜維 聽 ，一於 依期 會合 。講完 就 打發 佢 返去 。
跟住 曹真 啊 ，就 嗌 費耀 嚟 商量 話 喇 ：
姜維 送 封 密信 嚟 ，約 我 如此如此 噃 。
都督 ，諸葛亮 同 姜維 都係 詭計多端 。
姜維噉樣做 ，唔知 係唔係 諸葛亮 叫佢 噉做 嘅 噃 ，哼哼 ，恐怕 其中 有 詐 喎 。
誒 ，姜維 ，本來 係 魏國 人 吖 嘛 ，不得已 先至 投降 蜀國 嘅 啫 ，又 有 咩 嘢 好 懷疑 啊 ！
噉啦 ，都督 你 唔好 隨便 出動 ，只係 守住 大本營 ，等 我 帶 一支 軍隊 去 接應 姜維 。
如果 成功 喇 ，功勞 全部 係 都督 嘅 。
如果 其中 確有 奸計 ，就 由 我 嚟 頂住 啦 ！
啊 ，噉 好極喇 ，好極喇 ！
曹真 滿心 歡喜 ，就 叫 費耀 帶 五萬 兵 ，向 斜谷 進發 。
費耀行 咗 兩三 站 路 就 暫時 停止 前進 ，派 少數 部隊 向 前面 偵察 。
當日 申時 ，即係 下午 四點鐘 咁上下 ，偵察部隊 啊 返嚟 報告 話 ，斜谷 條 路 有 蜀兵 嚟緊 喇 噉 。
費耀 即時 下令 前進 ！
但係呢 ，蜀軍 都 未曾 交戰 就 退走 咯喎 。
費耀啊 帶兵 追住 去 ，追追下 ，哈蜀軍 又 嚟喇 。
咪正話擺開陣勢唧 ，蜀軍 又 退嘞 。
如是者 三次 ，就 一直 拖 到 第二日 申時 咁上下 。
唉 ，噉 都 幾 慘 啊 ！
啲 魏軍 一日一夜 ，唔敢 合埋眼 休息 一陣 ，事關係 怕 蜀兵 嚟 偷襲 㗎嘛 。
噉啊到咗呢一陣嘞 ，魏兵 正 話 想 就地 休息 煮飯 食 先 。
忽然間 ，四面 吶喊聲 啊 震天動地 ，鼓角 齊鳴 。
蜀兵 漫山遍野 湧過嚟 ，費耀 連忙 整頓好 軍隊 ，擺開 陣勢 。
只見 蜀軍 方面 啊 門 旗 打開 ，推出 一架 四輪車 ，孔明 呀 坐 正 響處 。
佢 派 個人 出陣 高聲 大叫 話 ，請 魏軍 主將 答話 噉 。
費耀 見到 係 孔明 親自 嚟到 唄 ，嘿 個 心 歡喜 喇 。
佢 就 吩咐 左右 啲 人 話 ：如果 蜀兵 掩殺 過嚟 ，我軍 立即 退走 。
若果 見到 山 後 起火 ，即時 回軍 殺返轉頭 ，到時 自然 會 有 兵馬 嚟 接應 嘅 。
吩咐完 ，費耀 縱馬 出陣 ，大聲噉話 ：諸葛亮 你 敗軍之將 ，今日 你 仲 敢 嚟 呀 ？
孔明 話 喇 ：你 去 叫 曹真 出嚟 答話 啦 ！
呸 ！曹都督 乃係 金枝玉葉 ，咁 容易 同 你啲 反賊 見面 嘅 咩 ？
孔明 嬲嘞 ，將 鵝毛扇 一擪 ，左 有 馬岱 又 有 張嶷 ，兩路 兵馬 瀡瀡 聲噉 衝出嚟 。
蜀兵 一 衝 ，魏軍 就 退 ，走咗 三十 里 咁上下 。
哦？ 望見 蜀兵 背後 起火 燒着 嚟 喇 ，而且 吶喊 連天 添 ，哼 費耀 以為 係 信號 火 喎 ，即刻 就 下令 回軍 ，殺返 轉頭 。
魏軍 一 殺 返轉頭 唧 ，蜀兵 就 退 咯 喎 。
費耀揸住把大刀 ，一馬當先 跟住 吶喊聲 嘅 方向 追過去 ，就嚟 追到 起火 嘅地方 喇 。
喺 前 便 嘅 山路 上 ，沊沊 聲 擂響 戰鼓 ， 呼呼 聲 吹響 號角 。
喎嗬殺啊 ！殺啊 ！噉啊 左 有關 興 又 有 張苞 ，兩 支 軍隊 衝殺 出嚟 。
山上 便 呀 ，箭 同埋 石 好似 落雨 噉 飛落嚟 ，嘩 弊咯 ！魏兵 大敗 啊 ！
費耀 知道 中計 嘞 ，急急 退兵 向住 山谷 裡頭 走 。
已經 辛苦 咗 一日 一夜 有 多 喇 ， 人困馬乏 。
畀 關興 帶住 一 支 生力軍 就 好似 猛虎 下山 噉 ，喺 後 便 猛 咁 追殺 。
打到啲魏兵自相踐踏 ，㧬咗 落山坑 跌死 嘅 都 唔知 幾多 。
費耀啊搏死命咁跑 ，去到 山坡口 撞正 一彪人馬 。
當頭 一名 大將 就係 姜維 ，激到 費耀 呀 肚 都 爆 啊 佢 破口大罵 ：
姜維 反賊 ！我 ，我中咗 你 嘅 奸計 啊 ！
哈哈哈哈 哈哈哈哈 ！ 我 本來 係 想 捉 曹 真 嘅 ， 點知 呀 呃 咗 你 嚟 ， 快 啲 下馬 投降 啦 免 你 一死 ！
嘿！ 費耀 一 拍 隻 馬 ，向住 山谷 奪路 就 走 。
走咗冇幾遠 ，就 見到 谷口 火光 沖天 嘞 ，後 便 追兵 又 到 。
費耀無路可走啦 ，就自刎死咗 ，噉啊其餘嘅兵卒就全部投降 。
孔明 漏夜 揮兵 前進 直出 祁山 之前 ，扎落 營寨 。
打完 呢場 勝仗 ，孔明 重重噉 賞賜 姜維 。
姜維 話 喇 ：哎 ，呢次 殺唔到 曹真 真係 遺憾 啊 ！
孔明 亦都 話 喇 ：係 呢 ，呢次 可惜 大計 小用 喇 ！
曹真 知道 費耀 犧牲 咗 好 後悔 好 後悔 啊 ！ 就 同 郭淮 商量 點樣 打退 蜀兵 。
孫禮 同 辛毗 又 連忙 寫咗 告急 表章 ，申奏 魏主 曹睿 ，話 蜀兵 又 出 祁山 喇 ，曹真 損兵 折將 形勢 危急 啊 ！
曹睿 就 好慌 ，立即 召 司馬懿 入 宮 嚟 問 佢 話 ：
曹真 損兵 折將 ，蜀兵 又 出 祁山 嘞 ，愛卿 有 咩嘢 好計策 能夠 擊退 蜀兵 呢 ？
陛下 請 放心 啦 ， 臣 已經 有 擊退 諸葛亮 嘅 計策 ， 亦 唔 使 魏 軍 大動干戈 ， 蜀兵 自 自然 然 就要 退走 嘅 。
哦 ？ 係 點 㗎 ？ 你講 ！ 你講 ！
臣 曾經 稟奏過 陛下 ，話 孔明 必定 會 混 陳倉 出兵 ，故此 就 派 郝昭 去 把守 。
而家 ，果然 係 噉樣 啊 。
孔明 若果 混 陳倉 進兵 呢 ，佢 運糧 就 十分 方便 。
今日 好彩 有 郝昭 同 王雙 喺 度 鎮守 ，佢 就 唔 敢 由 呢條 路 運 糧 喇 。
噉由 其他啲 小路 搬運 就 極之 艱難 嘅 。
臣 預料 蜀軍 隨軍 嘅 糧食 ，只夠 一個月 ，所以 ，佢哋 利在 速戰 。
因此 我軍 呢 ，就 應該 長期 堅守 。
請陛下 落道聖旨 ，命令 曹真 堅守 各路 關隘 ，唔好 出戰 。
噉樣 不出 一個月 ，蜀兵 自然 就 要 退走 嘅 。
到其時 ，趁勢 發起 攻擊 ，就 可以 生擒 諸葛亮 喇 。
哎呀 ，好極喇好極喇 ，愛卿 既然 有 先見之明 ，噉 不如 你 自己 帶 一支 軍隊 去 打佢 唔好 咩 ？
陛下 ，臣 並非 錫身 怕死 啊 ，而係 要 保留 呢一支 兵馬 ，嚟 防備 東吳 陸遜 啫 。
睇嚟 ，孫權 佢 冇 幾耐 必定 會 自行 稱帝 。
佢 一 稱帝 ，實怕 陛下 起兵 去 討伐 佢 ，噉 佢 就 必定 嚟 入侵 我國 先 。
故此 ，臣 留定 一支 軍隊 喺度 等住 唧 。
正喺度講緊 ，使臣 嚟 稟奏 話 喇 ：曹都督 派 人 嚟 報告 軍情 啊 。
噉究竟 後事 如何 呢 ？且 聽 下回 分解 。
