話說 司馬懿 擊敗 馬謖 ，奪取 咗 街亭 同埋 列柳城 之後 呢 ，就 叫 張郃 嚟 同 佢 話 ：
曹真 同 郭淮 ，怕 我 一個人 得晒 大功 ，所以 走嚟 想 攞 列柳城 。
哈哈 ，我 唔係 想 自己 獨得 大功 ，呢啲 不過 都係 僥倖 嘅 啫 。
我諗 ，魏延 、王平 、馬謖 、高翔 呢班人 ，必定 趯返去 據守 陽平關 嘅 。
如果 我 去 攻打 陽平關 呢 ，諸葛亮 實 會 跟住 喺 後 便 掩殺 ，噉 就 中 佢 嘅 計 咯 。
兵法 有話 ：歸師 勿 掩 ，窮寇 莫 追 。
誒 ，張將軍 。
都督 。
你 由 小路 去 包抄 箕谷 方面 嘅 退兵 。
我 自己 呀 帶兵 去 打 斜谷 嘅 蜀軍 。
如果 敵軍 敗走 ，就 唔好 同 佢哋 硬打 喇 ，喺 中途 截擊 就 啱 。
噉 蜀軍 嘅 輜重物資 ，我哋 就 可以 全部 繳獲 喇 。
得令 ！張郃 接受 咗 命令 ，帶咗 一半 人馬 就 出發 。
跟住 司馬懿 下令 啊 ，直取 斜谷 ，攻打 西城 ！
事關 西城 啊 ，雖然 係 山區 裏 便 一個 小小 嘅 縣城 。
不過 佢 係 蜀軍 存放 糧食 嘅 地方 ，而且 又 正當 南安 、天水 、安定 三個 郡城 嘅 交通 要道 。
如果 奪取到 西城 呀 ，噉 呢 三個 郡 就 有 希望 收復 嘞 。
於是 司馬懿 啊 留 申 耽 、申 儀 就 守 列柳城 ，自己 率領 大軍 就 向 斜谷 進發 。
西城 ， 係 三國 時候 嘅 一個 縣城 ， 係 喺 今日 陝西省 安康 縣 嘅 西北 。
好喇 而家 我哋 回過頭 嚟 講下 孔明 ，佢 自從 派咗 馬謖 佢哋 去 守 街亭 之後 呢 ，個 心 一直 都 十五十六 。
呢一日 ，王平 啊 派人 送 營寨 嘅 地形圖 嚟 嘞 ，孔明 打開 嚟 一 睇 ，哎呀 ！啪噉 一拍 張 枱 ：馬謖 無知 害 咗 我軍 咯 ！
噉 左右 啲 人 就 問 啦 ：丞相 為 咩嘢事 咁 驚 啊 ？
我 睇 王平 送嚟 呢張 地形圖 ，放棄 要道 佔山 扎寨 。
嘿 ，若果 魏軍 大舉 而嚟 ，四面 包圍 切斷 打水 嘅 道路 。
唔使 兩日 ，軍隊 自己 就 亂起上嚟 喇 。
若果 街亭 失守 ，我哋 點 返去 啊 ？
長史楊儀 就 建議 話喇 ：我 雖然 才疏學淺 ，如果 丞相 同意 ，就 等 我 去 替 馬謖 返嚟 啦 。
好啊 ！孔明 就 即刻 將 安營 嘅 辦法 ，逐一逐二 同 楊儀 交帶 。
好喇 ，等到 楊儀 正話 要 出發 嘅 時候 ，探馬 就 飛奔 嚟到 報告 話 ：報 ！啟稟 丞相 ，街亭 、列柳城 失守 啊 ！
哎呀 ！ 孔明 𨂽 起腳 嚟 啊 ： 啊 ！ 大勢已去 咯 ， 哎 ， 都 係 我 嘅 錯 啊 。
孔明 立刻 叫 關興 、 張苞 嚟 吩咐 佢 哋 話 嘞 ：
你 兩個 ，各 帶 三千 精兵 ，混 武功山 嘅 小路 行 。
如果 遇到 魏兵 ，唔好 同佢 大打 ，只係 鼓噪 吶喊 作為 疑兵 嚇 佢哋 就得喇 。
魏兵 如果 退走 ，亦 唔好 追 ，等 魏軍 全部 退走 嘞 ，你哋 就 帶 軍隊 去 陽平關 啦 。
得令 ！
跟住 ，孔明 又 命令 張翼 帶 兵 先 去 修理 劍閣 嘅 道路 ，準備 返 漢中 嘅 時候 呢 有得用 。
噉啊劍閣喺邊處呢 ？就喺而家四川省嘅北部啊 ，喺劍閣嘅北方有個劍門關 ，係非常之險要嘅 。
孔明 又 秘密 噉樣 傳令 落去 ，叫 大軍 靜靜 收拾好 行裝 ，準備 起程 。
又 派 馬岱 、姜維 斷 後 ，命令 佢哋 預先 埋伏 喺 山谷 裏 便 ，等 三軍 撤退 完畢 先至 收兵 。
又 派 心腹 人員 ，分頭 去 天水 、南安 、安定 三個 郡 ，通知 官吏 軍民 全部 撤退 返去 漢中 。
同時 又 派 心腹 人員 啊 ，去 冀城 接 姜維 嘅 母親 送 去 漢中 。
好喇 ，孔明 部署 妥當 嘞 ，自己 就 先 帶 五千 兵 ，撤退 去 西城縣 搬運 糧草 咯 喎 。
去到 西城 之後 ，點 知道 一陣間 咁 耐 唧 ，就 連 氣 有 十幾次 飛馬 嚟 報告 。
話 司馬懿 親自 率領 大軍 十五萬 ，向住 西城 蜂擁而嚟 喇噉 。
各位 ， 大家 都 聽到 㗎 啦 ， 孔明 已經 將 啲 將軍 啊 士兵 啊 派 晒 出去 㗎 嘞 喎 。
而家 佢 個 身邊 呀 一個 大將 都 冇 嘞 ，只有 一班 文官 。
佢 帶住 嗰 五千 兵 呢 ，已經 分咗 一半 出嚟 去咗 運 糧草 嘞 ，只係 剩返 二千五百 人 喺 城 內 啫 。
嘩 ！弊弊弊咯 ，嗰班 文官 聽到 呢個 消息 呀 ，當堂 嚇到 面青 眼定 口唇黑 。
孔明 又 立即 行 上 城樓 望 下 ，係啊 ，果然 見到 塵土 沖天 。
魏兵 就 分成 兩路 ，向住 西城縣 殺緊 嚟喇 。
孔明 眉頭 一皺 ，計 上 心頭 ，佢 傳令 落去 啊 ，將軍隊 嘅 旗幟 冚𠾴 唥 都 收起嚟 。
各個 軍士 都 隱蔽 喺 城 上 嘅 崗棚 裏頭 ，唔准 露面 。
如果 邊個 隨便 出入 ，行來行去 ，或者 高聲大氣 講嘢 嘅 一律 斬首 ！
又吩咐 將 四道 城門 打開 晒佢 ，每 一道 城門 呢 ，都 用 二十 個 軍士 換咗 服裝 ，扮成 老百姓 噉樣 喺度 灑水 掃地 。
如果 魏兵 嚟 嘅 時候 ，唔准 擅自 行動 。
孔明 吩咐 大家 總之 要 鎮定 ，一切 有 我 噉 。
安排好喇 ，孔明 就 打扮 一番 ，褸住 件 鶴氅 ，戴返 頂 綸巾 ，然後 搵 兩個 細路 跟住 ，捧住 一架 古琴 ，行 上去 城樓 喺 欄杆 後面 坐落 。
焚起 一爐香 ，叮叮噔噔 就 彈起 琴 嚟嘞 。
而家 講 下 司馬懿 ，佢 嘅 前軍 偵察 人員 就 嚟到 西城 ，哎呀 ！見到 噉 嘅 樣 ，奇怪 ，冇 個 敢 入 城 ，喇喇聲 返轉頭 報告 司馬懿 。
司馬懿 笑下 ，唔信啊 。佢 命令 三軍 停止 行進 ，自己 飛馬 上前 嚟到 西城 睇 。
哦 ，乜 原來 真嘅 噃 。
果然 見到 孔明 呀 坐 響 城樓 之 上 ，笑容 滿面 噉 ，面前 就 焚住 一 爐 香 ，好 滋 悠 噉 喺度 彈琴 噃 。
孔明 嘅 左手 便 有 個 細佬哥 ，捧住 一把 寶劍 ，右手 便 亦 有 個 細佬哥 揸住 支 塵拂 。
喺 城門口 呢 ，有 十零廿 個 老百姓 喺度 掃地 。
噉佢哋 見到 司馬懿 大軍 嚟到 啊 眼尾 都 唔 睄 一下 ，當 佢 冇 嚟 。
司馬懿 睇咗 一陣 個 心 就 奇怪 到 極 ，立即 飛馬 跑返去 中軍 。
傳令落去 ，後軍 作 前軍 前軍作 後軍 ，向住 北山 條路 撤退 ！
司馬昭 忍唔住 就 問 喇 ：父親 ，可能 諸葛亮 係 因為 冇 兵 ，故此 整成 噉樣 咋喎 ，點解 父親 要 下令 退兵 呢 ？
哈哈哈哈哈 ，諸葛亮 一生 謹慎 ，唔會 搵 啲 咁 危險 嘢 做 嘅 。
你 睇下 ，佢 而家 大開 城門 ，哼哼 ，城內 必定 有 埋伏 。
我軍 一 入去 呀 就 中 佢 嘅 計 喇 ，你哋 點 知道 咁多 吖 ，快啲 撤退 ！
於是 兩路 兵馬 冚𠾴唥 退走 晒 。
孔明 見到 魏軍 退咗 好 遠 喇 ，哈哈 ，佢 拍起手嚟 笑啊 。
嗰班 文官 呀 ，哎 抹咗 成額 汗 ，佢哋 問 孔明 話 嘞 ：
司馬懿 係 魏國 名將 ，而家 統率 十五萬 精兵 嚟到 ，一見到 丞相 就 要 急急 撤退 嘞 點解 呢吓 ？
孔明 話 ：此人 諗住 我 一生 謹慎 ，必定 唔會 做 啲 危險事 嘅 。
佢 見到 噉嘅 樣 ，就 懷疑 有 伏兵 所以 就 撤退 啦 。
唉 ，我 唔係 有心 做啲 危險事 啊 ，而係 萬不得已 先至 做 一次 啫 。
司馬懿 實 係 帶兵 混 北山 嘅 小路 行 嘅 ， 我 已經 命令 關興 、 張 苞 喺 嗰 度 等 住 佢 㗎 喇 。
哦！ 丞相 嘅 計策 ，真係 鬼神 莫測 啊 ！
若果 係 我哋 呀 ，實 係 棄城 而 走 嘅 咯 。
我嘅兵馬 只係 得 二千五百 人 ，如果 棄城 而 走 ，實 走唔遠嘅 。
嗰陣 想 唔畀 司馬懿 捉住 都 幾 難 咯 。
哈哈哈哈哈 ，我 如果 係 司馬懿 呀 ，就 實唔 退兵 㗎 。
孔明 跟住 下令 ，叫 西城 嘅 百姓 啊 跟隨 大軍 一齊 入 漢中 。
佢 判斷 司馬懿 必定 會 再 嚟 嘅 ，於是 孔明 就 離開 西城 ，向 漢中 撤退 。
天水 、安定 、南安 三個 郡 嘅 官吏 軍民 ，亦都 陸續 跟住 嚟 嘞 。
哈哈 ，諸葛亮 呢個 空城計 就 擺得 妙 啊 ，呢 有 詩 為 證 啊 ：
瑤琴 三尺 勝 雄師 ，諸葛 西城 退 敵 時 。十五萬 人 回馬 處 ，土人 指點 到 今 疑 。
而家 講 下 司馬懿 ，佢 帶住 人馬 就 由 武功山 嘅 小路 行 。
行行下 ，忽然 喺 山坡 後 便 喊殺 連天 ，鼓聲 震地 。
司馬懿 對 佢 兩個 仔話 喇 ： 你 哋 睇 你 哋 睇 ， 我 如果 唔 走 呀 ， 實中 諸葛亮 嘅 詭計 喇 。
前便 係 咩嘢 軍隊 啊 ？擔 高頭 一 睇 ，當頭 一面 大 旗 ，上 便 寫住 ：右 護衛 使 虎冀 將軍 張苞 。
嘩 ！走啊 ！啲 魏兵 丟 槍 棄 甲 猛咁 走 。
又行咗一站路左右 ，前面 山谷 ，又 響起咗 吶喊聲 同 戰鼓聲 。
一面 大旗 畀 啲 風 呀 吹到 拂拂聲 。
定眼一睇 ，上面 寫住 左 護衛 使 龍驤 將軍 關興 。
喺 山谷 裏頭 有 迴聲 㗎 嘛 ，聽起上嚟 呀 ，都 唔 知道 究竟 蜀軍 有 幾多 。
更兼 魏軍 啊 心疑 ，停 多 陣 都 唔 敢 啊 ，唯有 放棄 晒 啲 輜重物資 就 飛快 咁 趯 。
關興 、張苞 都 遵守 孔明 嘅 命令 ，唔再 追襲 喇 ，一味 繳獲 軍器 糧草 就 收兵 回營 嘞 。
司馬懿 見到 山谷 裏頭 都有 蜀兵 嘅 ，唔敢 行 出去 大路 喇 ，就 返去 街亭 啦 。
呢個 時候 ，曹真 聽見 孔明 退兵 ，急急 帶兵 去 追 。
誰 知道 轟噉 喺 山 背後 一 聲 炮 響 ，蜀 兵 呀 漫山遍野 噉 殺嚟 。
為首 兩 員 大將 ，乃係 姜維 同 馬岱 。
曹真 面青 喇 ，急急 退兵 嘅 時候 ，先鋒 陳造 已經 畀 馬岱 殺 咗 嘞 ，真係 偷雞 唔到 蝕 揸米 。
曹真 帶住 人馬 一撲一碌 啊噉 趯返扯 ，蜀兵 呢 ，就 漏夜 趕路 返去 漢中 。
趙雲 同 鄧芝 啊 ，係 帶兵 埋伏 喺 箕谷 條 路 嚟 嘅 。
佢哋 聽聞 孔明 傳令 撤軍 ，趙雲 就 對 鄧芝 話 喇 ：
魏軍 知道 我哋 退兵 ，必定 會 嚟 追 嘅 。
我 而家 先 帶 一支 軍隊 ，埋伏 喺 後便 。
鄧將軍 你 就 打住 我嘅 旗號 ，帶兵 慢慢 噉 撤退 ，我 自然 會 一步步 噉 護送 嘅 。
兩個 商量 好 呢 就 照做 咯 喎 。
而家 講下 郭淮 ，佢 係 率領 兵馬 再 返去 箕谷 。
佢 吩咐 先鋒 蘇顒 話 喇 ：趙雲 呀 ，英勇 無敵 ，你 要 小心 提防 至好 啊 。
佢嘅 軍隊 如果 撤退 ，實係 有 詭計 㗎 。
蘇顒 就 唔 當 一件事 喎 ，佢 話 ：都督 如果 你 能夠 接應 呀 ，末將 一定 生擒 趙雲 啊 ！
於是 蘇顒 率領 前鋒部隊 三千人 ，直奔 箕谷 。
追啊追啊 ，眼睇住 追上 蜀兵 嘞 。
突然間 只見 山坡 後便 ，閃出 一面 紅旗 ，上面 繡住 兩個 白色 大字 ，趙雲 噉 。
哎呀 蘇顒 急急 收兵 退走 。
行咗冇幾多里路 ，喎嗬噉吶喊連天 ，一彪軍馬撞出嚟 。
為首 一員 大將 挺槍 躍馬 ，大喝 一聲 話 ：你 識得 趙子龍 嘛 ！
呀 ，誒 ，乜 ，乜呢度又有個趙子龍嘅 ？
蘇顒 措手不及 ，畀 趙雲 一槍 就 刺死 跌咗 落 馬 。
啲 魏兵 啊 當堂 潰散 晒 咯 。
噉趙雲啊 ，一路 噉 向住 漢中 方向 前進 。
行行下 ，後便 又 有 支 軍隊 追嚟 嘞 。
乃係 郭淮 嘅 部下 將官 萬政 啊 。
趙雲 見 魏兵 追得 咁 緊 ，好 ！於是 勒馬 挺槍 ，企正 喺 路口 等住 同 來將 打過 。
呢個 時候 ，蜀軍 呢 已經 去咗 卅幾里 嘞 ，萬政 帶兵 追到嚟 ，哎呀 乜係 趙雲 呀 ，唔敢 前進 喇 。
趙雲啊 一直 等到 日落 西山 ，黃昏 時候 ，佢 先至 撥轉 馬頭 慢慢 慢慢噉 行 。
郭淮啊 帶兵 趕到嚟 ，萬政 又 報告 佢 聽 ，話 趙雲呀 ，仲係 學似 當年 一樣 咁 英勇啊 ，所以 唔敢 靠近 佢 啊噉 。
郭淮 唔聽 啊 ，只係 命令 急行軍 ，一於 追 ！
冇辦法啦 ，萬政啊 只有 率領 幾百名 精壯 馬軍 ，飛快噉 追住 去咯喎 。
追到去 一座 大叢林 ，忽然 聽見 背後 有人 大喝 一聲 ：趙子龍 喺處 ！
嘩 ，失驚無神 畀 趙雲 噉樣 一喝 呀 ，驚到 魏兵 跌落 馬 嘅 成百幾人 。
其餘嗰啲呢 ，搏命 鞭 隻 馬 走咯 。
萬政啊 身為 將軍 ，頂硬上啦 ，勉強 上前 同 趙雲 交鋒 。
隔遠 就 畀 趙雲 一箭 射中 頭盔 上面 嘅 紅纓 ，嚇到 成個 跌咗 落 條 山坑 水處 。
趙雲 用 支槍 指住 佢 話 ：我 唔 殺 你 ，留返 你條命 返去 ，快啲 去 叫 郭淮 自己 嚟 啦 ！
係 ， 係 ， 係 。 萬政 執返 條命 啊 飛跑 返 轉頭 。
噉呢 ，魏兵 就 一直 都 唔敢 再 追嚟 嘞 。
趙雲 護送 住人 馬 輜重 返去 漢中 ，一路上 呀 ，一啲 物資 都 冇 失到 。
而 曹真 、郭淮 呢 ，重新 佔領 天水 、安定 、南安 噉 三個 郡 就 作為 自己 功勞 喇 。
而家 再 講 下 司馬懿 ，佢 分兵 幾路 就 步步 前進 。
而 呢個 時候 呢 蜀兵 已經 全部 撤退 返到 漢中 。
司馬懿 自己 帶住 一支 軍隊 ，再次 去到 西城 。
佢 搵到 一啲 留喺度 冇 走 嘅 居民 ，又 搵到 一啲 住 喺 山旮旯 裏頭 嘅 人 嚟 問 。
佢哋 都 話 孔明 當時 啊 ，確確實實 只有 二千五百 兵 喺 城內 嘅 啫 。
武將 呀 一個 都 唔 喺度 ，只有 幾個 文官 ，乜嘢 埋伏 都 冇 嘅 噉 。
武功山 一帶 啲 百姓 呢 ， 又講 畀 司馬懿 聽 ， 話 關興 、 張苞 呀 ， 每人 只有 三千 兵 ， 帶住 通山 咁 轉 ， 大聲 噉 吶喊 追來 跑 去 ， 冇 第 啲 其他 軍隊 㗎 喇 ， 唔 敢 打 㗎 噉 。
司馬懿 了解到 呢啲 情形 之後 ，不禁 長歎 一聲 話 ：唉 ！我 真係 唔及 孔明 啊 。
不過 無論如何 點話 都好啦 ，總之 已經 收復 返 西北 咁多 地方 嘞 。
司馬懿 就 去 各處 安撫 官民 ，然後 就 班師 返去 長安 ，朝見 魏主 曹睿 。
曹睿 好 高興 啊 ， 佢 話 ： 今日 收復 隴西 咁 多 郡 ， 都 係 愛卿 嘅 功勞 啊 ！
多謝 主上 ！不過 蜀兵 而家 都 喺 晒 漢中 未曾 剿滅 。
臣 願 率領 大軍 ，盡力 作戰 ，奪取 西川 嚟 報答 陛下 。
曹睿 就 更加 高興 嘞 ，就 同意 司馬懿 起兵 去 嘞 噃 。
點知 有 個 大臣 行 出嚟 稟奏 話 ：
唔使 司馬 都督 興兵 ，臣 有 一條 計策 ，完全 可以 定 蜀 降 吳 㗎 。
呢個 獻計 嘅 人 係 邊個 呢 ？原來 係 尚書 孫資 啊 。
曹睿 就 問 佢 ：愛卿 有 咩嘢 妙計 呢 ？
稟奏陛下 ，想當年 ，太祖武皇帝 降伏 張魯 嘅 時候 啊 ，開始 係 好 艱難 ，後嚟 先至 獲得 成功 。
太祖 經常 都 對 嗰班 大臣 話 ：南鄭 嗰啲 地方 真係 個 天然 牢獄 ，險惡 非常 啊噉 。
其中嘅斜谷道 ，五百里 崎嶇 石路 ，行 一步 都 困難 ，唔係 用武之地 。
若果 出動 全國 嘅 軍隊 去 討伐 西蜀 ，噉 恐怕 東吳 又 會 興兵 入寇 㗎 喇 。
以臣嘅愚見 ，不如 將 現有嘅 兵馬 ，分別 由 幾位 大將 率領 ，據守 險要 養精蓄銳 。
噉樣 ，唔使 幾年 ，我哋 中國 日漸 強盛 ，吳蜀 兩國 必定 會 自傷 殘害 嘅 。
到其時 再嚟 收拾 佢哋 ，豈唔係 穩操勝算 ？
請陛下考慮 。
曹睿 就 問 司馬懿 ：呢個 意見 點 啊 ？
司馬懿 話 ：孫尚書 所 講 嘅 ，極之 正確 啊 ！
曹睿信 晒 司馬懿 ，岌頭 嘞 。就 叫 司馬懿 分派 啲 將領 ，把守 各地 險要 地方 ，留低 郭淮 、張郃 嚟 鎮守 長安 。
然後呢 ，大賞 三軍 ，御駕 返去 洛陽 ，呢啲 就 放落 唔講 喇 。
而家 就 講下 孔明 ，佢 返到 漢中 之後 ，點 一點 人馬 ，見 少咗 趙雲 、鄧芝 。
唉 個 心 啊 非常之 憂慮 ，就 命令 關興 同 張苞 ，各 帶 一 支 軍隊 回頭 去 接應 。
關 、張 兩個 小將軍 ，正 話 要 起程 ，守門官 就 喇喇聲 嚟 報告 話 ：
趙雲 、鄧芝 兩位 將軍 帶隊 返到 喇 ，一人 一馬 都 冇 損失 ，輜重物資 亦 一件 都 冇 遺失 噉 。
哦！ 孔明 心上 一嚿 大石 放低晒 ，歡歡喜喜 ，親自 率領 眾 將官 出去 轅門 外 便 迎接 。
趙雲 一見到 孔明 帶住 咁多人 出嚟 歡迎 ，慌忙 滾鞍 落馬 ，快步 上前 跪 喺 孔明 面前 ，成個人 伏 喺 地 噉 話 ：
敗軍之將 ，點 敢 勞煩 丞相 遠接 啊 ！
孔明 即刻 扶起 趙雲 ：老將軍 請起 ！
係我冇眼力 ，不識賢愚 ，以至 搞到噉樣 啊 。
係喇 ，各處 都 損兵折將 ，唯獨 子龍 你 一人 一馬 都 冇 損失 ，點解 呢 ？
鄧芝 就 話嘞 ：啟稟 丞相 ，係 末將 帶兵 行先 ，子龍 獨自 斷後 ，斬將 立功 敵人 喪膽 。
因此 軍用 物資 等等 一件 都 冇 遺棄 啊 。
啊！ 真係 個 將軍 啊 ！
於是 孔明 叫 人 攞 黃金 五十 斤 嚟 ，要 送 畀 趙雲 。
又攞 一萬 匹 絹 要 嚟 賞賜 畀 趙雲 部下 嘅 兵士 。
趙雲 唔肯 收 啊 ，佢 話 ：三軍 並無 半點 功勞 ，我哋 各人 都係 有罪 。
若果 反而 受獎 ，就係 丞相 賞罰 不明 嘞 。
請 丞相 將 啲 獎品 暫時 寄存 喺 倉庫 ，等到 今年 冬天 ，再 賞賜 畀 啲 兵士 都 未 遲 啊 。
啊！ 先帝 在生 嘅 時候 ，時常 都 稱讚 子龍 嘅 好 品德 ，冇錯 ，冇錯啊 ！
孔明 對 趙雲 呀 倍加 欽敬 。
過咗 兩日 ，守門官 報告 話 馬謖 、王平 、魏延 、高翔 返到 。
孔明 首先 叫 王平 入嚟 中軍 帳 責罵 佢 ：
王平 ，我 派 你 同 馬謖 一齊 去 把守 街亭 。
佢 有 錯 ，你 點解 唔 勸 佢 ，以致 搞到 失敗 呢 ？
啟稟丞相 ，末將 再三 提出 ，要 喺 交通要道 構築 土城 ，安營 把守 。
馬參軍 非常 唔高興 ，佢 唔肯 聽 。
故此 末 將 自己 帶咗 五千 人馬 ，喺 離山 十里 嘅 地方 扎寨 。
嗰日 ，魏兵 突然 嚟到 ，將 山頭 四面 圍實 。
末將 帶兵 去 衝殺 十幾次 都 冇 辦法 衝得入去 。
第日 ，軍隊 已經 土崩瓦解 ，投降 嘅 人 無數 咁多 ，末將 孤軍 難守 ，故此 去 搵 魏文長 求救 。
喺 半路 中途 ，又 畀 魏兵 困 喺 山谷 之 中 ，末將 拼命 噉 殺返出嚟 。
及至 回營 嘅 時候 ，先至 發現 營寨 早就 畀 魏兵 佔領 咗 嘞 。
噉末 將就 去 投奔 列柳城 啦 ，喺 路上 遇着 高翔 ，就 分兵 三路 去 劫 魏軍 營寨 ，希望 重新 收復 街亭 。
去到嘅時候 ，見到 街亭 並無 一兵一卒 ，因此 就 好 懷疑 嘞 。
末將 行上 高坡 遼望 ，見到 魏延 、高翔 畀 魏兵 圍住 。
末將 就 立即 殺入 重圍 ， 救 返 佢 兩個 出 嚟 ， 就 同馬 參軍 合埋 一齊 。
末將 恐怕 陽平 關 有 危險 ，故此 就 急急 趕返嚟 守住 。
並非末將唔勸諫參軍㗎 ，丞相如果唔信 ，可以問下各部將官 。
孔明 聽 王平 講完 經過 ，就 叫 佢 出去 ，然後 又 叫 馬謖 入嚟 。
馬謖 知道 罪大 啊 ，將 自己 綁住 ，一入嚟 就 跪低 。
孔明 呀 面色 都 變咗 啊 ，佢 話 ：
馬謖 ，你 自細 飽讀 兵書 ，熟悉 戰法 。
而且 我 再三 叮嚀 告誡 你 ，話 街亭 係 我 嘅 根本 。
你係 用 全家 嘅 性命 做 保證 ，領咗 呢個 咁 重要 嘅 責任 㗎 。
你 如果 早啲 聽下 王平 嘅 說話 ，又 點 會 有 呢場 大禍 呢 ？
今日 損兵折將 ，失地 陷城 ，都係 你 嘅 錯 啊 。
若果 唔 按照 軍法 從事 ，就 唔能夠 服眾 。
你 今日 犯咗 法 ，你唔好 怨 我 。
你 ， 你 死 咗 之後 ， 你 嘅 家人 老小 ， 我會 按 月 供給 佢 哋 ， 你 不必 掛心 。
刀斧手 。
有 ！
將 馬謖 推出去 ，斬 ！
係 ！
丞相 ， 丞相 ， 你 一向 都當 我 係 仔 噉 ， 我 亦 一向 將 丞相 ， 你 當作 父親 噉 尊敬 。
我嘅死罪 ，係 無可逃避 㗎喇 。
但願 丞相 照顧 我 嘅 仔 ，噉 我 雖 死於 九泉 之下 ，亦 冇 遺憾 咯 ！
孔明 一便 抹 眼淚 一便 話 ：
我 同 你 ，就 好似 兄弟 一樣 。
你嘅仔 ，就即係 我嘅仔 ，你唔使 囑咐 咁多 。
推出去 。
刀斧手 推 咗 馬謖 出去 轅門 外 便 ，就 快要 斬 喇 。
就喺呢個時候 ，參軍 蔣琬 ，啱啱 由 成都 嚟 ，見 啲 刀斧手 要 斬 馬謖 ，大吃一驚 。
佢 大叫 話 ：刀下 留人 ，刀下留人 ！
究竟 馬謖 性命 如何 呢 ，就 且 聽 下回 分解 。
