孟達 射傷咗 徐晃 之後 ，正話 想 帶兵 啊 衝出 城 去 追殺 。
點知道 司馬懿 呀 率領 大兵 嚟到 喇 。
孟達 就 唯有 閂實 城門 一於 堅守 係 啦 。
噉啊 徐晃 又 畀 孟達 一箭 射中咗 額頭 ，當時 畀人 救到 回營 ，請咗 醫生 嚟 ，掹出 支箭 ，包扎好 。
但係 當晚 呢 ，就 死咗 嘞 ，當時 佢 係 五廿九 歲 。
司馬懿 叫人 將 徐晃 嘅 靈柩 啊 送返去 洛陽 安葬 ，噉 呢啲 呢 ，就 唔多講 喇 。
第日 ，孟達 上 城樓 四圍 視察 ，只見 魏兵 將 城池 呀 圍困 得 好似 鐵桶 噉 啊 。
唉 孟達 真係 坐立不安 喇 。
正喺度憂心緊 ，忽然 見到 有 兩路 兵馬 由外 便 殺入嚟 ，旗上 便 ，大個字 寫住 申耽 、申儀 。
孟達 一見 好喇 ，仲 估 話 救兵 到 咯喎 ，就 連忙 率領 本部 兵馬 ，大開 城門 殺出去 接應 啦 。
一見面 ，申耽 、申儀 大喝一聲話 ：反賊 你咪走 ，快快受死啊 ！
哎呀 ，弊 ！孟達 立即 撥轉 馬頭 想 退返 入城 。
點知 城 上 亂箭 噉 射落嚟 噃 ，李輔 、鄧賢 兩個 喺 城 上 大嗌 ：我哋 已經 獻咗 城 啊 ！
慘喇 ，眾叛親離 ，孟達 奪路 就 走 ，申耽 就 追住 過嚟 。
孟達 當時 人困馬乏 ， 一下 措手不及 就 畀 申 耽一 槍刺 咗 落馬 ， 申耽 跟 手割 咗 佢 個人 頭 。
噉 主將 已經 死嘞 ，其餘 嘅 將士 全部 投降 啦 。
李輔 、鄧賢 啊 ，大開 城門 ，歡迎 司馬懿 入城 。
司馬懿 一 方面 安民 勞軍 ，一 方面 啊 ，就 派 人 將 得勝 嘅 消息 ，稟奏 畀 魏主 曹睿 。
曹睿 就 歡喜 到 極 咯 ，命令 將 孟達 嘅 首級 ，攞 去 洛陽 嘅 街市 嚟 示眾 。
晉升申耽 、申儀 嘅 官職 ，命令 佢哋 跟隨 司馬懿 出征 ，又 任命 李輔 、鄧賢 鎮守 新城 同 上庸 。
而家 講 下 司馬懿 ，噉 佢 平定 咗 孟達 啊 ，就 率領 大軍 去到 長安 城外 扎落 營寨 ，然後 就 入城 去 拜見 曹睿 。
曹睿 見到 佢 就 好 歡喜 噉 話 喇 ：當時 ，朕 一時 不明 是非 ，誤中 反間之計 ，後悔 都 嚟唔及 咯 。
呢次 孟達 作反 ，如果 唔係 愛卿 你哋 撲滅 咗 佢 呀 ，兩個 京都 都 危險 啊 ！
臣 聽咗 申儀 嘅 告密 ，話 孟達 造反 。
本來 想 先行 稟奏 陛下 ，但係 考慮到 一來一回 ，阻延 時間 ，故此 唔等 聖旨 就 趕緊 出兵 。
若果 等得 聖旨 嚟 ，就會 中咗 諸葛亮 嘅 詭計 喇 。
講完 ，司馬懿 將 孔明 回覆 孟達 嘅 書信 ，呈 畀 曹睿 睇 。
曹睿 一 睇完 就 好 高興 噉 話 ：愛卿 嘅 學識 呀 真係 勝過 孫 、吳 啊 ！
於是 曹睿 就 將 一對 金鉞斧 賜畀 司馬懿 ，準 佢 以後 遇到 機密 大事 啊 ，唔使 稟奏 ，便宜 行事 。
曹睿 接住 就 命令 司馬懿 ， 帶兵 出關 去 擊退 蜀兵 。
噉司馬懿 就 稟奏 話 喇 ：臣 保舉 一個 大將 作為 先鋒 。
好啊 ，愛卿 要 保舉 邊個 呢 ？
右將軍 張郃 ，可以 勝任 。
吖 冇 錯 喇 冇 錯 喇 ， 朕 正 係 想 用 佢 啊 。
曹睿 於是 任命 張郃 做 前部 先鋒 ，跟隨 司馬懿 一齊 出發 去 打 蜀兵 。
同時啊 ，又 命令 辛毗 、孫禮 兩個 ，帶 五萬 人馬 去 協助 曹真 。
而家 講 下 司馬懿 ，佢 率領 二十萬 大軍 ，就 出關 扎 落 營寨 。
呢一日 ，佢 請 先鋒 張郃 嚟到 中軍 帳 商量 。
佢 話 ：諸葛亮 此人 平生 謹慎 ，從來 做事 都 唔會 冒失 嘅 。
如果 由 我 嚟 指揮 呢 ，我 就 必定 從 子午谷 直取 長安 ，嚱 ，噉 早 就 得手 喇 。
不過 諸葛亮 並非 無謀之輩 ，佢 就係 怕 失算 ，唔肯 冒險 就係 喇 。
而家 ，佢 必定 帶領 軍隊 由 斜谷 出去 ，要 奪取 郿城 。
若果佢 要 取 郿城 呢 ，必定 會 兵分 兩路 ，派 一 支 軍隊 去 攻取 箕谷 嘅 。
我 已經 發出咗 檄文 ，命令 曹真 固守 郿城 ，蜀兵 嚟到 就 唔好 同佢哋 打 。
我 又 命令 孫禮 、辛毗 ，截住 箕谷 路口 ，若果 有 蜀兵 嚟 就 出奇兵 打 佢 。
噉 ， 都督 認為 應該 喺 邊 處 進兵 呢 ？
喺 秦嶺 之 西 ，有 一 笪 地方 叫做 街亭 。
附近 有 一個 城 ，叫做 列柳城 ，呢 兩 個 地方 都 係 漢中 嘅 咽喉 啊 。
諸葛亮 欺負 曹真 冇準備 ，實喺 嗰度 進兵 。
噉 我 同 你 ，直取 街亭 ，噉 就 距離 陽平 關 唔 遠 喇 。
諸葛亮 若果 知道 我 切斷 佢 街亭 要路 ，絕咗 佢 糧道 ，噉 隴西 一帶 地方 就 守唔住 嘅 ，必定 有 咁快 得 咁快 ，要 退返去 漢中 㗎 喇 。
佢 若果 撤退 返去 呢 ，我 就 帶兵 喺 小路 截擊 ，可以 獲得 全勝 。
若果佢唔返去 ，我就 將 各處 小路 ，都 全部 塞死 ，派兵 喺度 把守 。
呵 一個月 冇 糧食 ，蜀兵 冚𠾴 唥 都 要 餓死 啊 ，諸葛亮 必定 畀 我 捉住 嘅 ！
啊 ！都督 真係 神機妙算 啊 ！
哈哈哈哈哈哈哈 ，雖然 係 噉唧 ，之 諸葛亮 唔同 孟達 啊 。
將軍 你 做 先鋒 ，一步 都 唔好 亂行 。
你 通知 各 將官 ，要 派出 偵察部隊 ，順住 山 嘅 西路 沿路 搜索 ，冇 伏兵 喇 先至 好 前進 ，事關 稍 有所 忽 ，必定 中 諸葛亮 之 計 㗎 。
遵命 ！張郃 接受 咗 命令 帶兵 出發 喇 。
誒各位 ，噉 上面 講嘅 司馬懿 佢 命令 曹真 固守 郿城 啊 。
郿城 係 古時 嘅 一個 縣 ，即係 今日 陝西省 眉縣 。
噉啊 秦嶺 以西 嘅 街亭 呢 ，亦 係 古時 嘅 地方 喇 。
街亭 嘅 舊址 啊 就 喺 而家 甘肅省 秦安縣 嘅 東北 。
好喇 ，而家 講下 孔明 ，佢 係 喺 祁山 嘅 營寨 處 。
呢一日 ，派去 新城 嘅 探子 返嚟 報告 話 ：
啟稟丞相 ，司馬懿 加急行軍 ，八日 就 去到 新城 。
孟達 措手不及 ， 又 畀 申耽 、 申儀 、 李輔 、 鄧賢 做 咗 內應 ， 噉 孟達 就 畀 亂軍 殺死 。
而家 司馬懿 撤兵 去到 長安 ，見咗 魏主 曹睿 之後 ，就 同 張郃 帶兵 出關 ，嚟 抗拒 我軍 啊 。
孔明 聽咗 啊 大 吃一驚 啊 ，哎呀 ！孟達 做事 唔得 機密 當然 要 死 啦 。
嗯 ，而家 司馬懿 出關 ，必定 要 嚟 奪取 街亭 ，切斷 我軍 咽喉 之路 嘅 。
各位 將軍 ，邊位 敢 帶兵 去 守 街亭 啊 ？
孔明 說話 未完 ，參軍 馬謖 就 話 喇 ：啟稟 丞相 ，末將 願 帶 一彪 人馬 ，前去 鎮守 街亭 。
街亭 嘅 地方 雖然 係 細 ，之 關係 極大 。
倘若 街亭 失守 我哋 全軍 都有 覆滅 嘅 危險 啊 。
馬將軍 ，你 雖則 係 深通 謀略 ，不過 街亭 嗰處 既 冇 城池 又 無 險阻 ，係 極之 難守 㗎喎 。
丞相 ，末將 自 細 熟讀 兵書 ，頗 知 兵法 ，唔通 一個 街亭 都 守 唔住 咩 ？
司馬懿 並非 等閒之輩 ，更兼 有 北魏 名將 張郃 做 先鋒 ，怕 你 抵敵 唔住 啊 。
丞相 ，莫 講話 司馬懿 同 張郃 啦 ，就算 係 曹睿 親自 嚟 啊 都 冇 咩嘢 好 怕 嘅 。
若果 有 錯失 ，請 丞相 殺咗 我 全家 ！
馬將軍 ，軍中 無 戲言 啊 。
願 立軍 令狀 ！
好！
於是 馬謖 攞起 支筆 沙沙聲 ，當堂 寫咗 張 軍令狀 呈畀 孔明 。
孔明 話 ：我 交 二萬五千 名 精兵 畀 你 ，另外 再 撥 一員 上將 協助 你 一齊 去 啦 。
王平 將軍 。
末將在 ！
我 知道 你 平生 謹慎 ， 故此 特意 將呢 個 重要 任務 託付 畀 你 ， 你 務必 要 小心謹慎 固守 呢 個 地方 。
營寨 要 扎 喺 交通 要道 ，使到 賊兵 唔 能夠 偷過 。
安好 營寨 之後 ，就 將 營地 嘅 圖形 畫出嚟 送嚟 畀 我 睇 。
凡事 要 商量 妥當 先至 好做 ，唔好 隨便 。
如果 你 防守 嘅 地方 安全 冇 危險 ，就係 奪取 長安 嘅 頭功 。
你 要 認真 注意 ， 認真 注意 啊 。
噉馬謖 、王平 ，辭別咗 孔明 就 帶兵 出發 。
佢 兩個 走咗 之後 ，孔明 喺度 諗 ：怕 佢 兩個 有 失算 ，所以 又 叫 高翔 嚟 命令 佢 話 ：
喺 街亭 嘅 東北方 有 座 城 ，叫做 列柳城 ，誒 嗰 處 附近 都 係 荒山野嶺 。
而家 我 交 一萬 兵馬 畀 你 ， 你 帶兵 去 嗰 度 駐 扎 啦 ， 街亭 一有 危險 ， 你 就 帶兵 去 救 佢 。
遵命 ！
高翔 帶兵 去咗 之後 ，孔明 又 諗嘞 ：
嗯 ，高翔 唔係 張郃 嘅 對手 噃 ，必定 要 有 一員 大將 喺 街亭 嘅 右側 駐兵 ，噉 先至 頂得 張郃 住 㗎 。
於是 孔明 又 叫 魏延 率領 佢 嘅 本部 兵馬 去 街亭 嘅 右側 駐扎 。
魏延 就 話 喇 ：我 係 前部 先鋒 ，應該 當 先 破 敵 至 係 ，為 咩嘢 將 我 擺 喺 一個 安閒 嘅 位置 啊 ？
魏將軍 ，前鋒 破敵 ，乃係 下級 將官 嘅 事情 嚟嘅 。
而家 派 你 去 接應 街亭 ，喺 正陽平關 嘅 交通 要道 ，守衛 漢中 咽喉 ，呢個 乃 係 極為 重要 嘅 責任 ，點 話得 係 安閒 啊 ？
魏將軍 ，你 千祈 唔好 當作 等閒 誤咗 大事 ，要 認真 小心 在意 至好 啊 。
嘿呀 ，魏延 噉 就 歡喜 喇 ，佢 接受 咗 命令 就 帶兵 出發 。
噉啊到咗而家呢 ，孔明 先至 安心啲 。
但係呢 ，佢 仲係 未曾 完全 放心 㗎 。
佢 再 叫咗 趙雲 、鄧芝 嚟 ，命令 佢哋 話 ：
呢次 司馬懿 出兵 ，與 往日 不同 啊 ，你 兩位 各 帶 一支 軍隊 直 出 箕谷 作為 疑兵 。
如果 遇到 魏軍 ，或 打 或唔打 ，都 由 你 兩位 根據 情勢 決定 就係喇 。
總之呢 ，係 要 使到 魏軍 心驚 得嘞 。
我 親自 率領 大軍 ， 由 斜谷 出去 直取 郿 城 。
若果 得到 郿城 ，長安 就 可以 攻破 咯 。
得吖令 ！趙雲 、鄧芝 接受 咗 命令 就 帶兵 出發 。
跟住啊 ，孔明 命令 姜維 做 先鋒 ，帶兵 出 斜谷 。
斜谷 ，係 陝西 終南山 嘅 一個 山谷 名 。
南 便 嘅 谷口 就 叫做 褒 ， 褒谷 ； 北 便 嘅 谷口 啊 叫做 斜 ， 斜谷 。
好 喇 ， 而家講 返馬謖 同 王平 。
佢 兩個 帶兵 嚟到 街亭 睇咗 地形 之後 呢 ，哈哈馬謖 就 笑喇 佢 話 ：
哎 ， 丞相 使 乜 咁 擔心 呢 ， 呢 啲 噉 嘅 偏僻 山區 ， 魏兵 點敢 嚟 啊 ？
王平 話 喇 ：雖然 魏兵 唔 敢 嚟 啫 ，我哋 都係 喺 呢 五 條 路 嘅 總 路口 安營 為 好 噃 。
再叫啲兵士斬啲樹 ，喺營房周圍搭好柵欄 ，噉守起上嚟就有利得多 ，而且亦係長遠之計 。
誒 ，喺 正路口 邊度 係 安營 嘅 地方 呢 ？
王將軍 ，你 嚟 睇 ，呢度 旁邊 有 座 山 ，同 四面 都 係 唔相連 嘅 係嘛 ？
而且 樹木 茂盛 ，真係 天賜 嘅 險要 地方 嚟 啊 ，喺 山 上面 駐兵 就 啱喇 。
馬將軍 你 錯喇 ，若果 我哋 喺 正路口 駐兵 ，安好 營寨 築好 城牆 。
賊兵 就算 有 十萬 咁多 啊 ，亦 唔 能夠 通過 。
之 如果 放棄 咗 呢條 交通要道 ， 喺 山上 駐兵 ， 噉 萬一 魏兵 突然 而 嚟 ， 將座 山 四面 圍實 ， 噉 有 咩 嘢 辦法 保得住 啊 ？
哈哈 ， 哈哈 ， 哈哈哈 哈哈哈 哈哈哈 ， 你 真 係 女人 嘅 見識 ， 兵法 講 ： 居高臨下 勢如破竹 。
魏兵 唔 嚟 就算 佢 好 彩 ， 若然 魏兵 嚟 到 呀 ， 我 就 叫 佢 片甲不留 啊 ！
不過 馬 將軍 ，我 長期 跟隨 丞相 行軍 打仗 ，每 到 一個 地方 丞相 都 用心 指教 。
而家 睇 呢座 山 乃係 絕地 嚟 啊 ，點解 噉 話 呢 ？
若果 魏兵 切斷 我軍 打水 嘅 道路 ，噉 兵士 就 不戰 自亂 啊 。
你唔好亂講 ，孫子 話 置之死地而後生 吖嘛 。
若果 魏兵 切斷 我哋 打水 嘅 道路 ，噉 我哋 蜀兵 仲 會 話 唔死戰 嘅 咩 ，嗰陣 呀 ，就 直情 一以當百 啦嘛 。
我 平時 熟讀 兵書 ，連 丞相 樣樣 事情 都 尚且 要 問 我 ，你 點解 唔 聽 我 講 ，要 攔阻 我 呢 ？
誒 ， 若果 馬 將軍 必定 要 喺 山上 便 安營 嘞 ， 噉 就 請 馬 將軍 分 一部分 兵馬 畀 我 ， 等 我 去 西 便 山腳 扎 一個 小寨 ， 作為 犄角之勢 ， 倘若 魏兵 嚟 到 嘞 ， 亦 可以 互相 照應 吖 。
王平 嘅 建議 啊 馬謖 根本 唔 肯 聽 。
正 喺 度 爭論 緊 ， 呢 處 山區 嘅 居民 百姓 啊 忽然間 成群 結隊 噉 飛奔 而 嚟 ， 話 魏兵 殺 到 嚟 喇 噉 。
王平 就 想 辭別 馬謖 走 喇 。
馬 謖 就 話 ： 好 啦 好 啦 ， 你 既然 唔 聽 我 嘅 命令 ， 我 就 撥 五千 兵 畀 你 ， 你 自己 去 安營 啦 。
不過 我 言明 在先 ，等 我 擊敗咗 魏兵 之後 ，喺 丞相 嘅 面前 ，你 就 半點 功勞 都 分唔到 喇 ！
王平 唔 爭辯 喇 ， 帶 咗 五千 兵 就 去 到 離山 十里 遠 嘅 地方 扎 好 營寨 。
然後呢 ，就 將 安營扎寨 嘅 情形 啊 ，畫咗 一 張 圖 ，漏夜 派 人 送去 稟告 孔明 。
話 馬 謖 佢 自己 啊 ， 堅持 要 喺 一座 孤立 嘅 山頭 上面 扎寨 駐兵 噉 。
而家 講下 司馬懿 ，佢 喺 城 裏 便 坐鎮 就 叫 第二仔 司馬昭 呢 ，去 前方 探路 ，吩咐 佢 話 ：
若果 街亭 有 兵馬 喺度 守衛 ，就 按兵不動 喇噉 。
司馬昭 奉命 去 偵察 咗 一番 ，返嚟 同 佢 父親 話 喇 ：街亭 有 兵 把守 啊 父親 。
啊 ！ 孔明 ， 真 係 個 神仙 啊 ， 我 唔 及 佢 啊 。
嘻嘻 嘻嘻 ， 嘻嘻 ， 父親 點解 要滅 自己 嘅 志氣 呢 ？ 照 孩兒 睇 嚟 ， 街亭 好容易 打 㗎 咋 。
你 點 敢 咁 大口氣 呢 ？
孩兒 親自 去 偵察到 ，喺 街亭 當路 個 地方 呀 ，都 冇 蜀兵 嘅 營寨 。
原來 蜀兵 全部 都 駐扎 喺 一座 山頭 上 便 嚟 ，故此 ，知道 實 可以 攻破 佢 嘅 ！
吓 ？哎呀呀呀 ，若果 蜀兵 真係 駐扎 喺 山上 便 ，噉 就係 天公 幫助 我 成功 喇 ！
司馬懿 喇喇聲 換過 衣服 ，帶住 百幾人 騎馬 親自 去 睇下 。
當晚 ，天清月朗 ，司馬懿 佢哋 一直 去到 山下 ，周圍 噉 巡視 咗 一遍 然後 就 返扯 。
馬謖 喺 山上 睇住 司馬懿 嘅 動靜 喎 ，佢 忍唔住 哈哈大笑 話 ：
佢 如果 要 返 條 命 呢 就 唔好 嚟 圍山 ，哈哈哈哈哈哈 。
大家 聽 我 號令 ， 若果 魏兵 嚟 到 ， 一見 我 喺 山頂 上面 揮動 紅旗 ， 就 四 便 一齊 衝落 去 ！
得令 ！馬謖 仲 以為 得法 噃 。
噉 司馬懿 返到 營寨 之後 ， 派 人 去 打聽 下 係 邊個 帶兵 把守 街亭 ， 噉 探聽到 係 馬良 嘅 細 佬 馬 謖 。
司馬懿 笑喇 ，佢 話 ：哈哈哈哈哈哈 ，徒有虛名 ，不過 係 庸才 一個 唧 。
孔明 用 個 噉 嘅 人 ，啊 ！點 會 唔 誤事 㗎 ！
司馬懿 又 問 個 探子 ，喺 街亭 左右 附近 啊 有冇 其他 嘅 駐軍 。
探子 話 離 山 十里 ，王平 喺度 安營 噉 。
於是 司馬懿 就 命令 張郃 帶 一支 軍隊 ，去 頂住 王平 嘅 來路 。
又 命令 申耽 、申儀 ，帶 兩路 兵 嚟 圍 山 。
首先 呢 就 切斷 蜀軍 打水 嘅 道路 ，等 蜀軍 自己 亂起上嚟 ，然後 趁勢 發起 攻擊 。
噉當晚啊 ，司馬懿 就 將 人馬 調度 好晒 。
第日 個 天 一光 ，張郃 帶住 軍隊 就 先 去 街亭 背後 包抄 。
跟住 司馬懿 大軍 出動 ，一擁而進 將 個 山頭 四面 圍實 。
喺 山上 望落去 呀 嘩 嗨 ，啲 魏兵 漫山遍野 旗幟 招展 隊伍 嚴整 。
啲 蜀兵 見到 都 嚇到 窒晒 ，膽 都 寒 啊 ，唔敢 落山 喇 。
噉馬謖 呢個 司令官 呀 ，一味 噉 叫人 拂 支 紅旗 。
嘿 ！ 點 知 嗰 班 將官 你推我讓 步步 向 後 褪 就 冇 個 敢 逳 身 。
嬲到 馬謖 吹鬚碌眼 ，拔出 把 劍 ，親自 斬咗 兩個 將官 。
噉啲人 就 驚喇 ，知道 唔去 唔得喇 就 唯有 硬住頭皮 衝落山 ，去 迎擊 魏軍 啦 。
魏兵 人 多 氣壯 ，衝唔逳 啊 ，啲 蜀兵 瀡瀡聲 又 退返 上山 。
弊喇 ，馬謖 見到 唔係 路 喇啲 形勢 都 同 自己 原來 嘅 設想 ，完全 唔同 嘅 。
咪 喇 ， 即刻 下令 ， 叫 啲 軍士 守硬 營寨 大門 ， 等 外 便 嘅 兵馬 嚟 接應 。
而家 講下 王平 ，佢 一見 魏兵 發起 進攻 ，就 帶兵 殺嚟 接應 ，一下 就 遇 正 張郃 。
奮戰 咗 幾十個 回合 ， 唉 王平 啊 兵微將寡 ， 頂 唔 住 就 唯有 退走 啦 。
好咯 魏兵 圍 山 喇 ，由 辰時 一直 困 到 戌時 。
噉 用 而家 嘅 說話 嚟 講 呢 ，即係 由 上午 七點 零鐘 到 晚上 八九點 。
山上 便 冇 水 嘅 ，嘿 ，乜嘢 冇 都 容易 頂 喎 冇水 就 冇得 頂 。
成日 咁長 一滴水 都冇 ，啲 軍士 冇 水 飲 ，又 煮唔到 飯 食 當堂 大亂 ，噉 一直 嘈 到 半夜 。
山南 嗰 便 嘅 蜀兵 啊 大 開 寨門 ，落山 去 投降 魏軍 咯 ，馬謖 啊 禁 都 禁唔住 。
司馬懿 仲 派 人 通山 咁 放火 喎 。
山上 嘅 蜀兵 呀 越發 亂 啦 。
馬 謖 見到 大勢已去 喇 ， 諗 住 守 唔 住 㗎 喇 ， 唯有 帶住 啲 殘兵 ， 由西 便 殺 落山 逃跑 咯 喎 。
司馬懿 下令 ，放開 條 大路 由 得 馬謖 佢哋 過去 先 。
然後 命令 張郃 帶 兵 喺 佢 後便 掩殺 ，張郃 一直 追殺 咗 卅幾里 。
忽然間 ，前便 鼓角 齊鳴 ，一彪 人馬 衝出嚟 ，放過咗 馬謖 ，就 攔住 張郃 。
一睇 ，嘩嗨 ，原來 係 大將 魏延 啊 ！
魏延縱 馬揮刀 直取 張 郃 ， 張 郃 就 唔 打 喇 ， 一 揮手 全軍 行後轉 。
魏延 就 指揮 人馬 追上去 ，噉 又 搶返 街亭 。
魏延越 追越 起勁 啊 一直 追到 五廿幾里 。
喎嗬 ！殺啊 ！一聲 吶喊 ，兩便 伏兵 一齊 湧出嚟 ，左便 司馬懿 ，右便 司馬昭 ，屈咗 去 魏延 背後 一下 就 將 魏延 困住 喺 中心 ，張郃 殺 返 轉頭 喇 。
三路兵夾埋一齊 ，嗨死得人多咯呢趟 ，魏延就左衝右突 都冇辦法甩身 ，人馬就損失咗成大半 。
正係 危急萬分 嘅 時候 ，突然 有 一彪 軍馬 殺入嚟 ，原來 係 王平 啊 。
魏延 就 精神 喇 ！佢 話 ：我 有 命 喇 ！
兩個人 將 兵馬 聯合 一齊 ，大殺 一輪 ，噉 先至 殺退 咗 啲 魏兵 。
魏延 、王平 佢 兩個 衝出 重圍 ，慌忙 就 趯返 去 營寨 啦 。
哈 ，誰知 營寨 裏頭 都 換晒 魏兵 嘅 旗幟 咯 。
一聲吶喊 ，申耽 、申儀 就 喺 營 裏頭 殺出嚟 。
弊 ！走 ！王平 、魏延 就 飛奔 去 列柳城 投奔 高翔 。
噉 呢個 時候 呢 ，高翔 已經 聞知 街亭 失守 嘞 ，就 出動 列柳城 嘅 全部 兵馬 前去 救應 ，喺 半路 就 撞到 魏延 、王平 兩個 。
魏延 、王平 就 將 街亭 失守 嘅 經過 講 畀 高翔 聽 。
高翔 話 喇 ：不如 今晚 去 劫寨 ，收復 街亭 啦 。
好啊 ！噉 當時 佢哋 三個人 啊 ，就 喺 山坡 下 便 商量 妥當 。
一直 等啊等啊等到 個 天 就 嚟 黑喇 ，分兵 三路 出發 去 劫寨 咯 喎 。
魏延 就 帶兵 行頭 ，佢 去到 街亭 ，咦 ？奇怪 ，一個人 都 唔見 嘅 。
個心 就 好 思疑 喇 ，咪住 ！立即 下令 停止 前進 ，暫時 叫 兵馬 伏 喺 路口 等 下 先 。
等咗一陣 ，高翔 帶兵 到喇 。
噉 兩個人 就 講啦 ，啲 魏兵 喺 邊度 呢噉 ，噉 確係 蒙查查 ，講嚟講去 都 冇 結果 嘅 ，而且 又 唔見 王平 嘅 兵馬 嚟 噃 。
突然之間 ，轟噉 一聲 炮響 ，火光 沖天 鼓聲 震地 。
四面八方 啲 魏兵 呀 ，好似 喺 地底 鑽出嚟 嘅 噉 一下 就 將 魏延 、高翔 啊 包圍 喺 戰陣 中心 。
佢 兩個 搏命 噉 衝 都 衝唔出 重圍 啊 ，危險 喇 ！
忽然間 喎嗬噉啲 吶喊聲 好似 行雷 噉 噃 。
有 一彪人馬 殺入嚟 ，原來 係 王平 ，佢 而家 先至 嚟到 哈嚟 得啱喇 。
救出咗 魏延 、高翔 兩個 ，就 直奔 列柳城 。
噉 及至 趯到 去 城下 嘅 時候 ，嘩 ！只見 城邊 有 一 支 軍隊 殺 過 嚟 。
軍旗 上 便 幾個 大字 寫住 ，魏 都督 郭淮 噉 。
咦喂 ，郭淮 唔係 同 曹真 喺 渭河 西岸 嘅 咩 ？咪 點解 又 走咗嚟 呢處 呢 ？唔明 啊 呢 。
原來 郭淮 啊 ，佢 同 曹真 商量 ，就 怕 司馬懿 撈晒 全功 ，故此 就 分 郭淮 帶 兵 嚟 打 街亭 想 撈返 啲 剩水 。
中途 聽聞 司馬懿 同 張郃 啊 ，已經 攻取 咗 街亭 咯 ，就 轉 咗 去 襲擊 列柳城 啦 。
而家 就 遇着 魏延 佢哋 三個 ，就 大殺 一場 ，蜀兵 死傷 咗 好多 。
魏延 就 諗住 陽平關 啊 如果 畀 魏兵 偷襲 就 不得了 。
慌忙 同 王平 、高翔 ，衝開 條 路 ，急急 就 返去 陽平關 。
噉 郭淮 見 魏延 佢哋 走咗 啊 ，就 打鑼 收兵 唔 追 嘞 。
佢 對 啲 部下 講 ：我 雖然 得唔到 街亭 唧 ，之 得咗 列柳城 噃 亦係 大功 啊 ！
於是就 帶兵 直到 城下 叫門 嘞 。
誰 不知 轟噉 城上 一聲 炮響 ，霎聲 下 豎起 晒 旗幟 。
當頭 一面 大旗 ，上便 寫住 平西 都督 司馬懿 噉 幾個 大字 ，跟住 司馬懿 喺 城樓 出現 嘞 。
佢 挨住 欄杆 ，哈哈大笑 ：郭將軍 ，點解 嚟得 咁 遲 啊 ，哈哈哈哈哈哈哈哈 。
哎呀 ！仲達 神機妙算 ，我 唔及 啊 我 唔及 啊 ！
郭淮 入咗 城 ，同 司馬懿 見咗 面 ，彼此 行過 禮 。
司馬懿 就 話嘞 ：而家 街亭 一 畀 我軍 攻陷 ，諸葛亮 必定 走人 嘅 。
將軍 你 快啲 同 曹 都督 ，漏夜 追擊 啦 。
郭淮 聽 佢 話 ，立即 告辭 帶 兵 趕 返 去 。
誒 各位 ， 我 哋 上面 講 嘅 就 係 ， 馬 謖 拒諫 失街亭 。
街亭 一 失 ，孔明 就 慘咯 搞到 要 擺 空城計 。
