話說 孔明 用 激將法 啊 ，話 老將 黃忠 啊 未必 勝得過 夏侯淵 噉 ，黃忠 就 唔服氣 啊 。
佢 話 ：古時候 ，廉頗 將軍 已經 八十歲 ，仲 可以 食 一斗米 、十斤肉 。
各國 諸侯 ，睇見 佢 咁 英勇 個個 都 怕晒 佢 ，唔敢 嚟 侵犯 趙國 嘅 境界 。
何況 我 黃忠 ，今日 都 未 到 七十歲 呢 ！
軍師 話 我 老係 嘛 ？好 ！我 而家 唔 用 副將 ，只係 帶 本部 三千 人馬 ，立斬 夏侯淵 首級 ，獻 於 軍師 麾下 ！
孔明 唔肯 應承 。
黃忠 就 再三再四 要求 去 。
收尾孔明就話 ：既然 老將軍 一定要去咯 ，噉好啦 ，我 派 法正 嚟 協助 你 。
凡事 你哋 都 要 商量 好 先至 做吓 ，我 隨後 調撥 人馬 嚟 接應 你 。
黃忠 昂昂然 接受咗 任務 ，同埋 法正 率領 本部 兵馬 出發 嘞 。
黃忠 走咗 之後 ，孔明 啊 同 劉備 話 ：
哈哈哈 ，呢位 老將軍 ，你 唔用 說話 嚟 激佢 ，佢 雖然 肯去 啊 亦 唔能夠 成功 㗎 ，哈哈哈 。
而家 佢 去咗 喇 ，我哋 就 要 撥 人馬 去 接應 佢 至 得 。
冇錯冇錯 ，軍師 你 嘅 激將法 使得 啊 ！
跟住 孔明 就 吩咐 趙雲 ，帶 一支 人馬 ，由 小路 出 奇兵 去 接應 黃忠 。
黃忠 如果 得勝 呢 ， 就 不必 出戰 ； 如果 黃忠 打敗 嘞 ， 就 立即 去 支援 佢 。
另外啊 ，又 派 劉封 同 孟達 ，帶 三千 兵馬 ，喺 啲 山嶺 險要 嘅 地方 ，插 多 啲 旗幟 作為 疑兵 。
一來 ，壯下 自己 嘅 聲威 ，二來 就 嚇下 敵人 。
噉 趙雲 佢哋 呢 就 各自 帶兵 去 。
然後 ， 孔明 又 派 人 去 下 辨 ， 將 計策 講 畀 馬超 聽 ， 吩咐 佢 噉 做 噉 做 噉 做 。
又 派 嚴顏 去 巴西 閬中 鎮守 關隘 ，替 張飛 同 魏延 返嚟 一齊 去 攻打 漢中 。
噉呢處呢 ，就 暫時 放落 唔講 佢 住 。
而家 先 講下 張郃 同 夏侯尚 啊 ，佢哋 失咗 天蕩山 就 逃跑 去 定軍山 見 夏侯淵 。
將 情況 向 佢 報告 咗 ，話 聽聞 劉備 啊 親自 帶兵 嚟 ，要 嚟 奪取 漢中 。
快啲 去 稟奏 魏王 ，請 佢 早日 派 精兵 猛將 嚟 接應 啦噉 。
夏侯淵 就 派人 去 漢中 報告 曹洪 。
曹洪 立即 日夜 趕路 ，返去 許昌 當面 稟告 曹操 。
嘩 ，噉 就 嚇驚 曹操 喇 。
佢 喇喇聲 召集 文武 官員 ，商量 出兵 去 救 漢中 嘞噃 。
長史劉曄 建議 話 ：漢中 如果 失手 ，就 會 中原 震動 咯 。大王 要 不 辭勞苦 ，親自 帶兵 去 至好 啊 。
曹操 就 話 喇 ：唉 ，我 好 悔恨 當時 唔 聽 你 講 ，至 有 搞到 今日 噉樣 啊 。
好喇 ，後悔 都 冇用 咯 ，曹操 連忙 下令 ，起兵 四十萬 親征 。
當時 係 建安 二十三 年 七月 。
曹操 兵 分 三路 進發 ： 前部 先鋒 夏侯惇 ， 曹操 自己 啊 統率 中軍 ， 由 曹休 押後 。
噉啊 前 中 後 三軍 陸續 起行 。
曹操 而家 做 咗 魏 王 嘅 嘞 喎 ， 王爺 出征 就 唔 同 舊時 喇 ， 啊 所謂 今時 唔 同 往日 啊 一個 酸梅 兩個 核 啊 。
只見佢 玉帶 錦衣 ，騎 金鞍 白馬 ，一隊 武士 手執 大紅 羅 銷 金 傘蓋 ，左右 啊 金瓜 銀 鉞 ，鐙 棒 戈 矛 ，打起 日月 龍鳳 旌旗 ，呢啲 係 儀仗隊 嚟 吓 。
另外呢 ，護駕 龍虎 官軍 二萬五千名 ，分為 五隊 ，每隊 五千人 ，分為 青 、黃 、赤 、白 、黑 噉 五色 。
旗幡甲馬 都係 按照 五色 分開 嘅 ，嘩 ，真係 光輝燦爛 ，極其 雄壯 啊 ！
睇佢 出兵 呀 就 好睇過 出會 喇 。
當 大軍 出咗 潼關 ，即係 喺 今日 陝西省 潼關縣 嘅 境內 。
呢個 地方 呢 ，係 陝西 、山西 、河南 三 省 嘅 交通 要沖 。
曹操 望見 前便 一簇 樹林 ，極其 茂盛 ，噉 就 問 佢 啲 近身 侍從 嘞 ：呢度 係 邊處 嚟 啊 ？
稟告 大王 ， 嗰 度 係 藍田 啊 。
啲 樹林 裏 便 係 蔡邕 嘅 住宅 ，而家 蔡邕 個 女 蔡琰 同 佢 丈夫 董祀 喺度 住 啊 。
藍田 呢 ，就 喺 陝西省 渭河 平原 嘅 南邊 嚟 。
曹操 素來 同 蔡邕 係 好 朋友 。
蔡邕 有 個 女 叫做 蔡琰 ，字 文姬 ，就 蔡文姬 ，嫁 畀 衛仲道 做 老婆 嘅 。
噉啊收尾呢 ，畀 北方 匈奴 擄 咗 去 噃 ，就 同 左 賢王 結咗 婚 ，生咗 兩個 仔 。
佢 啊 寫 咗 長詩 胡笳十八拍 ， 傳下 傳下 傳入 中原 ， 傳到 曹操 嗰 處 。
曹操 非常 憐憫 佢 嘅 遭遇 ，就 派人 帶住 金銀 去 北方 贖 佢 返嚟 。
左賢王 因為 害怕 曹操 嘅 強大 勢力 ，卒之 就 送 蔡文姬 返去 漢邦 。
曹操 呢 ，又 親自 主持 ，將 蔡文姬 許配 畀 董祀 做 老婆 。
噉 呢段 故事 呢 ，大戲 都有 得 做 㗎 喇 就 叫做 文姬 歸 漢 。亦 有 出 話劇 叫做 蔡 文姬 ，故事 亦都 大同小異 咯 。
噉啊 當日 曹操 嘅 人馬 經過 蔡家莊 啊 ，佢 諗起 蔡邕 嘅 往事 ，就 想 見下 佢 個 女 。
就叫兵馬行先 ，佢 只係 帶住 近身 嘅 侍從 百零人 ，一齊 騎馬 嚟到 蔡家莊 。
當時 董祀 喺 外便 做官 ，只有 蔡文姬 喺 屋企 。
文姬 聽到 曹操 親自 嚟 到 唄 ， 連忙 出 嚟 迎接 啦 ， 就 請 曹操 入 咗 大廳 ， 坐落 行過禮 ， 然後 恭恭敬敬 噉 企 喺 曹操 旁邊 。
曹操 無意中 啊 睇見 牆壁 上 便 ，掛住 一張 碑文 嘅 條幅 ，就 起身 行埋 去 睇 下 。
順便 問 下 蔡文姬 呢幅 碑文 嘅 來歷 。
蔡文姬 就 一五一十 噉 講畀 曹操 聽 。
原來 呢個 係 曹娥碑 嘅 碑文 嚟 。
曹娥 係 個 孝女 。
以前 喺 漢和帝 在位 嘅 時候 啊 即係 離開 曹操 而家 睇見 呢幅 字 百零年 嘅 時候 啦 ，噉 喺 上虞 呢 笪 地方 有 一 個 巫師 ，即係 拜神 公 ，叫做 曹旴 噃 。
佢 係 識 跳神 嘅 。
有 一年 五月初五 ，佢 飲醉咗 酒 ，喺 隻 船 處 跳起舞嚟 ，點知 嘣聲 跌咗 落水 就 浸死咗 。
佢 個 女 曹娥 啊 ，當時 只有 十四 歲 。
喺 江邊 呀 好 淒涼 噉 喊咗 七日 七夜 ，就 跳咗 落水 ，噉 當然 亦係 浸死 咗 嘞 。
但係 過咗 五日 之後 呢 ，曹娥 孭住 父親 嘅 屍體 浮出 水面 噃 。
噉佢啲街坊啊 將 佢 葬咗 喺 江邊 嚟 。
上虞 嘅 縣官 將 呢件事 ，稟奏 畀 朝廷 知道 ，表彰 曹娥 係 個 孝女 。
縣官 仲 叫 一個 讀書人 叫做 邯鄲淳 啊 ，就 作 一篇 文章 ，要 刻 個 石碑 嚟 紀念 呢件事 。
邯鄲 淳 嗰陣 只有 十三歲 咋吓 ，真係 個 天才 啊 。
文 不 加點 ，一個 字 都 唔 使 改 嘅 一揮而就 。
於是就 刻咗 石碑 ，立喺 墳墓 旁邊 ，當時 啲 人 呢 都 非常 讚賞 咯 。
噉啊 蔡文姬 嘅 父親 蔡邕 呀 聽講 呢件事 ，就 特登 去 睇下 。
去到 嘅 時候 呢 已經 天 黑 嘞 ，碑 上面 嘅 字 睇 就 睇唔見 㗎 嘞 。
蔡邕 就 用 手 摸啊 ，逐個逐個 字 噉 摸啲 碑文 ，哈 噉 佢 全篇 都 讀咗 一次 。
讀完呢 ，就 攞咗 筆墨 ，喺 石碑 背後 寫咗 八個 大字 。
噉 啊 收尾 啲 人 呢 ， 亦 都將 呢 八個 大字 啊 ， 刻 埋 喺 碑 上 便 。
噉 曹操 聽 蔡文姬 講完 喇 ，噉 啊 睇下 碑文 後 便 呢 八個 字 係 咩 字 呢 噉 。
呢 八個 字 啊 ，就係 ，黃絹 幼婦 ，外孫 齏臼 。
咩 叫 齏 臼 啊 ？ 齏 呢 ， 就 即 係 有 辛辣味 道 嘅 蔬菜 好似 蔥 啊 、 蒜 啊 、 薑 啊 、 韭菜 啊 等等 ， 臼 就 係 舂 坎 啊 。
噉 曹操 就 問 蔡文姬 嘞 ：你 知唔知道 係 咩嘢 意思 啊 ？
文姬 話 ：雖然 呢啲 係 先父 嘅 遺筆 ，我 都 唔 知道 係 咩嘢 意思 㗎 。
曹操 又 問 佢 嗰 班 謀士 喇 ：哈哈 你哋 知 唔知 啊 ？
吖 人人 都 話 唔識 喎 。
有 個人 行 出嚟 話 喇 ：我 知 佢 意思 。
曹操 一 睇 ，原來 係 主簿 楊修 。
啊 ，你 唔好 講出嚟住 ，等 我 自己 諗下 先 。
曹操 坐咗 一陣 ，就 同 蔡文姬 告辭 ，帶住 大家 離開 蔡家莊 。
佢哋 上馬 行咗 三里 路度 啦 ，曹操 一下 諗到 咯 喎 。
佢 同 楊 修 話 喇 ： 哈哈哈 哈哈 ， 嚟 ， 你 而家 講出 嚟 聽 下 啦 。
大王 ，呢啲 不過 係 謎語 噉嘅 啫 。
黃絹 係 有 顏色 嘅 絲 ，色 字 旁邊 加 個 絲字 ，就 係 絕字 啦 。
幼婦 呢 ，少女 吖 嘛 ，女 字 旁邊 一個 笑 字 就 係 個 妙 字 嘞 。
外孫 係 女 嘅 仔 ，女字邊 一個 子 係 個 好字 。
至於 齏臼 ， 乃 係 承受 五 辛 嘅 器具 ， 受字邊 一個 辛字 係 辤 字 。
夾埋 ，就係 絕妙好詞 四個字 喇 大王 。
冇 錯 喇 ！ 我 都 係 噉 諗 㗎 ， 我 都 係 噉 諗 㗎 ， 哈哈哈 哈哈哈 。
噉 啊 人人 都 猛 讚 楊 修好 嘢 ， 話 佢 才學 好 啊 ， 頭腦 快捷 啊 。
噉 經過 多日 行軍 ，曹操 嘅 大軍 就 嚟到 南鄭 。
曹洪 迎接 咗 曹操 入城 就 將張 郃 打敗仗 嘅 事 向 曹操 報告 咗 。
曹操 話 ：唉 呢啲 唔好 怪 張郃 ，勝敗 乃 兵家 常事 啊 。
曹洪 又 話 喇 ：而家 劉備 派 黃忠 攻打 定軍山 。
夏侯淵 知道 大王 親自 帶兵 嚟 ，所以 ，一直 喺度 堅守 ，並 冇 出去 交戰 。
若果 唔 出戰 ，即係 話 自己 懦弱 啊 ，噉 唔得 ！
曹操 要 立即 派人 攞住 符節 去 定軍山 ，命令 夏侯淵 進兵 。
劉曄 就 提醒 佢 話 喇 ：夏侯 將軍 嘅 性情 ，過於 剛直 ，怕 佢 容易 中 敵人 嘅 奸計 噃 。
於是 曹操 另外 再 親筆 同 夏侯淵 寫咗 封信 ，派 個 使者 送去 定軍山 。
夏侯淵 收到 信 打開 一 睇 ，封 信 係 噉 話 嘅 ：
凡係 作為 一個 將領 ，應該 剛柔相濟 ，唔好 淨係 恃住 自己 勇敢 。
若果 淨係 靠 勇敢 啊 ，不過 係 一夫之敵 唧 。
我 而家 ，駐扎 大軍 喺 南鄭 嚟 ，好 想 睇下 你 嘅 妙才 ，你 唔好 失禮 呢 兩 個 字 就 得 喇 。
夏侯淵 睇完 信 好高興 ，就 打發 使者 返去 。
然後 同 張郃 商量 話 ：而家 魏王 親自 率領 大軍 ，駐扎 喺 南鄭 ，討伐 劉備 。
我 同 你 一直 咁耐 都 守住 呢處 ，點 能夠 建功立業 㗎 。
聽日 ，我 就 出擊 ，務必要 生擒 黃忠 返嚟 ！
張郃 話 喇 ：黃忠 此人 有 勇 有 謀 ，況且 又 有 法正 協助 佢 啊 ，千萬 不能 輕敵 啊 。
呢處 山勢 險要 ，一於 堅守 就 啱喇 夏侯將軍 。
嗯 ！如果 畀 人哋 立咗 功勞 ，我 同 你 仲有 乜嘢 面目 去 見 魏王 啊 ！
你 留喺度 守山 ，我 去 出戰 ！
眾將官 ！
有 ！
邊個 敢 出去 誘敵 ？
夏侯尚話喇 ：小將 願去 ！
好！ 你 去 誘敵 ，同 黃忠 交戰 你 只 準 打 輸 ，唔 準 打 贏 。
我 自有 妙計 啊 ，你 過嚟 ，嗱 ，如此如此 ！
得令 ！
夏侯尚 接受 咗 命令 ，帶住 三千 兵馬 落山 。
黃忠 同 法正 啊 一直 都 喺 定軍山口 扎營 駐兵 。
屢次 去 挑戰 ，夏侯淵 總係 死守 唔出 。
想要 進攻 ，又 怕 山路 危險 噃 ，摸唔準 曹兵 嘅 情況 ，所以 唯有 閘住 喺 山口 嚟 。
呢一日 ，哈 聽 講話 曹兵 落山 嚟 挑戰 喇 ，啱晒 啦 。
黃忠 正係 想 帶兵 去 迎戰 ，牙將 陳式 就 話嘞 ：唔使 黃將軍 你 親自 去 啊 ，等 我 去 打佢 啦 。
好吖 。黃忠 就 叫 陳式 帶 一千 兵馬 ，喺 山口 擺 好 陣勢 。
夏侯尚 一到 就 打起 上 嚟 ， 打 咗 幾個 回合 ， 夏侯尚 詐輸 走 人 。
陳式 唔係 快馬加鞭 帶住 兵 猛追 咯 。
追到半路 ，嘩嗨 ，喺 兩便 嘅 山頭 ，瘟 咁 揋 啲 擂木炮 石 落嚟 ，半步 都 唔 前進 得 。
噉啊正話想撤退 ，夏侯淵 突然 喺 背後 帶兵 出現 。
陳式 就唔係 手腳 ，交咗 手 幾個 回合 ，就 畀 夏侯淵 生擒活捉 嘞 。
噉佢部下嘅兵卒好多都投降 。
黃忠 知道 陳式 被擒 唄 ，慌忙 同 法正 商量 啦 。
哈哈 法 正好 定啊 ，佢 話 ：
夏侯淵 為人 輕浮 急躁 ，勇 而 無謀 ，不足 為 慮 嘅 。
我哋 ，可以 激勵 士卒 ，提高 鬥志 ，拔寨 前進 步步為營 ，引 夏侯淵 出嚟 交戰 ，然後 捉住 佢 。
呢個 ，就係 反客為主 嘅 辦法 嘞 。
黃忠 就 用 呢 辦法 ，將 所有 嘅 物資 應有盡有 攞晒 出嚟 ，愛 嚟 賞賜 畀 三軍 將士 。
嘩 大家 歡呼 啊 ，人人 都 表示 話 要 搏命 打 。
噉 呢 一日 呢 ，黃忠 就 拔寨 前進 步步為營 。
噉喺 每個 營寨 都 住 佢 幾 日 ，又 前進 。
夏侯淵 知道咗 豈有此理 吖 ，就 想出嚟 打嘞 喎 。
張郃話 ：將軍 ，佢 呢個 係 反客為主之計 ，唔好 出去 打 ，一打 親 必定 失敗 㗎 。
夏侯淵 冇 聽 佢 嘅 ，即刻 叫 夏侯尚 帶 幾千 人馬 出去 迎戰 ，一直 逼到 去 黃忠 嘅 營寨 前 便 。
黃忠 上馬 提刀 出營 同 夏侯尚 交戰 啊 ，一個 回合 咋 ，就 將 夏侯尚 捉咗 返嚟 嘞 。
夏侯淵 喇喇聲 ，派人 嚟到 黃忠 嗰處 談判 ，話 情願 啊 用 陳式 嚟 換返 夏侯尚 ，黃忠 話 可以 吖 。
噉啊 約定 明日 喺 陣前 交換 嘞 。
第日 ，雙方 都 嚟到 山谷 之間 嘅 開闊 地方 ，大家 都 擺好 陣勢 。
黃忠 、夏侯淵 就 各自 騎住 馬 企 喺 門 旗下 便 。
黃忠 帶住 夏侯尚 ，夏侯淵 帶住 陳式 。
都 唔 畀 袍 甲 佢 哋 着 嘅 ， 淨 係 着 住件 薄薄 嘅 布衫 唧 。
好喇 ，沊沊沊沊沊沊沊沊沊沊沊沊 一聲 鼓響 ，兩便 一齊 放人 ，噉 啊 陳式 、夏侯尚 各自 向住 本陣 飛跑 返去 。
當 夏侯尚 跑到 陣門 嘅 時候 ，哎呀 ！畀 黃忠 一箭 射中 個 背梅 ，哈哈 黃忠 呢位 老人家 都 幾 鬼馬 㗎 吓 。
之 好彩 啊 冇 射死 ，夏侯 尚 帶住 箭 舂 下 舂下 噉 返到 陣 外 。
激到 夏侯淵 呀 肚 都 爆 啊 ，一拍 馬 衝 出去 直取 黃忠 。
啱啦 ，黃忠 呢 一箭 不過 係 想 激 你 夏侯淵 嚟 打過 嘅 啫嘛 。
噉 兩 員 大將 鬥 咗 二十 幾 個 回合 ，曹軍 陣 內 突然 旁旁聲 打鑼 收兵 。
噉 夏侯淵 連忙 撥 馬 返轉頭 ，畀 黃忠 趁勢 追殺 咗 一輪 。
夏侯淵 回營 之後 就 問 押陣官 點解 要 打鑼 收兵 啊 。
押陣官話 ：見到 喺 山凹 裏頭 呀 ，好幾 笪 地方 都有 蜀兵 旗幟 嘅 噉 ，怕 係 伏兵 所以 即刻 打鑼 叫 將軍 返嚟 唧 噉 。
夏侯淵 信 喇 ，於是 一於 堅守 唔 出去 打 喇 。
黃忠 嘅 軍隊 啊 直逼 定軍山 下 。
呢日 ，佢 同 法正 喺度 觀察 地形 。
睇睇 下 法正 就 話 喇 ：你 睇 ，喺 定軍山 嘅 西便 仲 有 座 高山 啊 ，四圍 都有 啲 險路 嘅 。
喺 呢個 山 上 便 ，完全 可以 睇晒 定軍山 嘅 虛實 嘅 噃 。
黃將軍 ，你 如果 能夠 奪到 呢座 山 呢 ，噉 定 軍山 就 喺 你 嘅 手板心 嚟 喇 。
黃忠 擔 高頭 睇下 ，係 ，見到 山頂 係 比較 平 ，山上 只有 些少 人馬 。得喇 ！
當晚 二更 ，黃忠 帶住 一隊 士兵 敲鑼打鼓 直 殺上 山頂 。
呢座山 呢 係 夏侯淵 手下 將官 杜襲 把守 嘅 ，噉 只有 幾百 人 。
當時 見到 黃忠 大隊 人馬 湧上嚟 ，冇得 頂啊 唯有 放棄 山頭 逃跑 。
黃忠 搶佔咗 呢座 山 ，正好 對實 定軍山 就 好 有利 啊 。
法正 話 喇 ：將軍 你 喺 山腰 嗰度 守住 吓 ，我 喺 山頂 。
等 夏侯淵 帶兵 嚟 攻 嘅 時候 呢 ，如果 我 舉起 白旗 ，將軍 你 就 按兵不動 。
等 敵兵 疲勞 鬆懈 喇 ，我 就 舉起 紅旗 ，到時 將軍 你 就 衝 落 山 發起 攻擊 啦 。以逸待勞 呀 必定 打贏 㗎 。
嘿 黃忠 高興極喇 ，就 決定 用 佢 呢條 計 嘞 。
而家 講 下 杜 襲 佢 帶住 啲 敗兵 逃跑 返去 定軍山 ，見咗 夏侯淵 話 ，對面 山 呀 畀 黃忠 搶佔 咗 嘞噉 。
夏侯淵 發火喇 ，佢 話 ：黃忠 佔咗 對面 山頭 ，唔到 我 唔 出戰 喇 ！
張郃 吃過 大虧 嘅 ，穩陣 得多 喇 而家 ，就 勸 佢 話 ：
呢啲啊實係法正嘅詭計嚟 ，將軍 你 唔好 出戰 呢 ，堅守 就啱喇 。
佔咗 我 對面 山 ，睇到 晒 我軍 嘅 虛實 動靜 ，噉 仲 唔 出戰 都 得 嘅 ！
張郃 苦苦 勸 佢 都 唔聽 。
卒之 夏侯淵 帶咗 一支 軍隊 去 圍住 對面 山 嘞 ，高聲 叫罵 嘍 黃忠 落山 嚟 決戰 。
法正 喺 山頂 舉起 一面 白旗 。
好 ，黃忠 啊 塞埋 雙耳 ，任 你 夏侯淵 百般 辱罵 ，鬧得 幾 難聽 都 好 一於 唔理 啊 ，硬係 唔出戰 。
過咗 中午 嘞 ，法正 喺 山頂 見到 曹兵 已經 疲倦 鬆懈 喇 。
上午 嗰 種 銳氣 都 唔知 去 邊 嘞 ，好多人 都 落馬 坐 喺 處 休息 。
嗯係時候喇 ！法正 下令 ：舉起 紅旗 ！
當堂擂起鼓 ，吹響號角 ，嘩 ！黃忠 一馬當先 ，帶住 人馬 衝落山嚟 ，嘩嗨 嗰種 氣勢 呀 ，直情 好似 天崩地塌 噉 。
夏侯淵 揦手 唔成勢 ，措手不及 。
眼睇住 黃忠 衝到 嚟 身邊 ，大喝 一聲 。
夏侯淵 都 嚟唔切 招架 啊 ，黃忠 嘅 寶刀 已經 劈落嚟 喇 將 夏侯淵 連 頭 帶 膊 斬 為 兩橛 ！
救命啊走啊 ！曹兵 見到 主帥 陣亡 ，㗾噉 就 潰散 晒 各自 逃生 咯 。
黃忠 大刀 一揮 ，帶兵 啊 趁勢 去 奪 定軍山 。
張 郃 指揮 曹兵 迎擊 吖 ， 但 係 頂 唔 住 黃忠 同陳式 兩 便 夾攻 ， 混戰 一場 張 郃 就 打敗 逃走 嘞 。
突然間 ，喺 山邊 撞出 一彪 人馬 攔住 去路 ，為首 一員 大將 大喝 一聲 ：常山 趙子龍 喺度 ！
嚇到 張郃 大驚 啊 ，嘿 唔敢 交鋒 喇 ，殺開 條 路 就 走 。
行到半路 就 撞到 杜襲 帶住 一支 敗兵 ，於是 聚合埋 一齊 就 去到 漢水 扎營 。
漢水 就係 指 漢水 上游 ，喺 陝西省 嘅 西南部 。
同時 呢 ，派 人 飛報 曹操 。
曹操 一 聽聞 夏侯淵 戰死 ，啊 ，當堂 放聲 痛哭 啊 。
呢個 時候 佢 先至 醒悟 管輅 占卦 所 講 嘅 說話 嘅 意思 係 乜嘢 。
嗱 三八 縱橫 ，三八 廿四 ，就係 指 建安 二十四 年 。
黃豬 遇 虎 ，即係話 ，己亥年 正月 。
定軍 之 南 呢 ，就 指定 軍 山 嘅 南便 。
傷折 一股 ，因為 夏侯淵 啊 ，同 曹操 係 兄弟 嚟 ，夏侯淵 死嘞 就 好似 手足 斬斷 啦 。
嘿 曹操 嬲 到 黃忠 入 骨 ，就 親自 率領 大軍 ，去 定軍山 為 夏侯淵 報仇 。
呢次 呢 係 由 徐晃 做 先鋒 。
曹操 大軍 嚟到 漢水 ，同 張郃 、杜襲 會合 ，就 經過 商量 ，決定 將 米倉山 嘅 糧草 就 搬晒 嚟 北山寨 存放 然後 先至 進兵 。
而家 講 下 老將 黃忠 ，佢 斬咗 夏侯淵 ，就 攞 佢 個 首級 去 葭萌關 見 劉備 獻功 嘞 。
劉備啊 高興 非常啊 ，加封 黃忠 做 征西大將軍 ，大排筵席 嚟 慶祝 勝利 。
過咗幾日 ，牙 將 張 著 嚟 報告 話 ，曹操 帶 兵 殺 嚟 喇 ，張郃 就 運 緊 糧草 噉 。
孔明 話 喇 ：而家 曹操 率領 大軍 嚟到 呢處 ，佢 之所以 閘住 唔前進 呢 ，係 因為 怕 糧草 接濟 唔上 啊 。
如果 能夠 有 一個 人 深入 佢 嘅 地方 燒 咗 佢 嘅 糧草 ， 搶 咗 佢 嘅 輜重 ， 噉 曹操 嘅 銳氣 就 受到 挫折 嘞 。
黃忠 一聽 就 話 ：老夫 願意 去 ！
孔明 話 嘞 ：曹操 唔同 夏侯淵 ，冇得 比 㗎 ，唔能夠 輕敵 㗎 。
劉備話 ：夏侯淵 雖然 係 統帥 ，不過 係 個 粗人 唧 ，淨係 識得 打 㗎 唧 ，點 及 張郃 咁 叻 吖 。
如果 斬咗 張郃 ，就 勝過 斬 夏侯淵 十倍 咯 。
黃忠 話 ：等 我 去 斬咗 佢 啦 ！
孔明 話 喇 噉 你 就 同 趙子龍 帶 一 支 兵馬 去 。
凡事 都 要 有 商 有量 ，睇下 邊個 立功 啦 。
同時 呢 ，孔明 仲 派 咗 張 著 做 副將 ，同埋 佢 兩個 一齊 去 。
黃忠 接受 咗 命令 就 準備 點兵 出發 。
趙雲 同 黃忠 話 喇 ：曹操 而家 有 二十萬 人馬 咁多 ，分 成 十 個 營 。
將軍 你 喺 主公 面前 應承 話 要 去 奪 糧 ，噉 呢件事 非同小可 噃 。
老將軍 想 用 乜嘢 計策 呢 ？
黃忠 話 ：我 去 先 呢 ，如何 啊子龍 ？
等我 去 先 好 。
誒 ，我 係 主將 ，你 係 副將 ，你 點解 要 同 我 爭先 啊 ？
我 同 你 都 係 一樣 為 主公 出力 ，何必 計較 呢 ？
不如 噉 啦 老 將軍 ， 我 哋 兩個 人 執籌 啦 ， 執着 嘅 就 先 去 。
噉 亦 好啊 ！
於是 兩個人 就 執籌 咯喎 ，哈哈 ，畀 黃忠 執到 。
趙雲 就 話嘞 ：既然 老將軍 去 先 ，我 就 支援 你 。
我哋 約定 一個 時刻 ，如果 將軍 依時 返嚟 ，我 就 按兵不動 。
若果 老將軍 你 過咗 時 仲 唔 返 ，我 就 即刻 帶兵 去 接應 。
老將軍 你 意下 如何 呢 ？
好 ！子龍 你 講得 啱 ，一於 噉 做 啦 ！
於是 兩個人 就 約定 午時 啊 ，即係 而家 講 嘅 正午 十二點 為期 。
趙雲 返到 本寨 ，對 佢 個 部將 張翼 話 喇 ：
黃漢升 同 我 約定咗 ，聽日 ，佢 先 去 奪 曹軍 糧草 。
若果 午時 仲唔 返嚟 呢 ，我 就 去 接應 佢 。
我哋 嘅 營寨 前 便 就係 漢水 ，地勢 危險 。
我 如果 帶兵 出咗去 ，你 一定 要 緊守 營寨 唔好 輕舉妄動 啊 。
張翼 啊 當然 遵命 應承 啦 。
嗰頭 黃忠 返到 自己 營寨 就 對 佢 個 副將 張著 話 喇 ：
我 斬咗 夏侯淵 ，張郃 呀 嚇到 膽 都 破 啊 。
我 奉命 聽日 去 奪 糧草 ，只係 留返 五百 人 守營 就 夠 喇 ，你 嚟 幫 我 啦 ！
今晚 三更 ，大家 飽食 一餐 ，四更 離營 ，殺到 北山 腳下 ，先 捉 張郃 ，後 劫 糧草 ！
得令 ！
當晚 ，黃忠 帶 齊 人馬 在 前 ，張著 在 後 ，偷偷噉 渡過 漢水 就 直插 到 北山 腳下 。
去到嘅時候 ，啱啱 東方 日出 。
嘩嗨 ！只見 啲 糧食 呀 堆積如山 啊 。
而喺 處 看守 糧草 嘅 士兵 就 唔多 ，噉 佢哋 見到 蜀兵 殺到 走咯 噉啊 連 糧草 都 唔要 就 逃跑 晒 嘞 。
黃忠 叫 啲 馬軍 一齊 落馬 ，攞 啲 木柴 嚟 堆 喺 啲 糧食 周圍 。
正話 想 放火 燒 個 時候 ，張郃 嘅 兵 到 嘞 ，就 同 黃忠 嘅 人馬 打埋 一嚿 。
曹操 一 聽到 消息 ，就 急忙 命令 徐晃 去 接應 啦 。
徐晃 立刻 帶兵 前去 ，將 黃忠 困 喺 戰陣 中心 。
張著 帶住 三百 個 士兵 好彩 走甩咗 。
正話 想 返去 營寨 ，忽然 有 一支 兵馬 撞出嚟 就 攔住 去路 。
定眼 一 睇 ， 原來 係 文聘 啊 。
而後 便 呢 ，曹兵 又 追 到 嚟 喇 。
唉 張著 剛剛 離開 虎口 ，而家 一下 又 陷入 重圍 。
黃忠 、張著 危急 啊 ！
噉啊 要 知 後事 如何 呢 ？就 且 聽 下回 分解 喇 。
