上次 講到 張松 佢 話 有 條 計策 ，可以 使到 張魯 、曹操 啊 ，都 唔敢 貿貿然 嚟 侵犯 西川 嘅 噉 。
劉璋 就 問 佢 嘞 ：有 乜嘢 計策 啊 ？
主公 ，荊州 劉 皇叔 同 主公 你 係 同宗 ，佢 仁慈 寬厚 ，係 個 長者 嚟啊 。
喺 赤壁 大戰 之後 ，曹操 聽見 佢 嘅 名 都 嚇破膽 嘅 ，又 何況 張魯 呢 ？
主公 你 派遣 使者 去 同 劉皇叔 ，聯合 起嚟 ，等 佢 嚟 做 我哋 嘅 外援 ，噉 就 可以 頂住 曹操 、張魯 啦 嘛 。
誒 你 噉 講 係 冇 錯 啦 ，我 亦 有心 噉樣 做好 耐 㗎 喇 。
誒 ，之 搵 邊個 做 使者 啱 呢嚱 ？
噉誒 ，係 要 法正 、孟達 去至 得喇 。
好吖 。
劉璋 即刻 叫 佢哋 兩個人 嚟 ，寫咗 一封信 ，任命 法正 做 使者 ，就 先行 一步 去 表示 友好 。
其次 再 派 孟達 帶領 五千 精兵 ，去 迎接 劉備 入 西川 嚟 做 幫手 。
正喺度 商量緊 嘅 時候 ，有 個人 突然 撞入嚟 ，佢 滿頭 大汗 大聲 噉 叫 ：
主公 你 如果 聽 張松 嘅 說話 ，噉 西川 四十一 州郡 就 要 屬於 他人 㗎 喇 。
嘿 ，乜噉 講 都 得 嘅 ？
張松 嚇咗 一驚 ，佢 定眼 一睇 ，原來 呢個人 係 姓 黃 名 權 字 公衡 。
而家 ，佢 係 同 劉璋 管 文書 。
劉璋 聽 佢 噉 講 就 問 嘞 ：玄德 同 我 係 同宗 ，我 特意 聯合 佢 ，等 佢 嚟 幫 我 啫 ，你 點解 講 啲 噉嘅 說話 呢 ？
黃權 話 ：我 知道 劉備 待人 寬厚 ，柔 能 克 剛 啊 ，英雄 莫 敵 ，真係 遠得 人心 就近得 民望 嘅 。
更兼佢 有 諸葛亮 、龐統 同 佢 出謀劃策 ，關 、張 、趙雲 、黃忠 、魏延 做 佢 嘅 羽翼 。
而家 ，主公 你 話 召佢 嚟到 西蜀 ，若果 當 佢 係 主公 你 嘅 部下 軍隊 ，劉備 又 點 肯 認 低威 做 你 嘅 下屬 呢 ？
若果 以 客禮 嚟 待 佢 ，又 一國 不容 二主 噃 。
主公啊 ，你而家 聽 我嘅 說話 ，噉樣 西蜀 就 穩如泰山 ；
唔聽 我 講 ，噉 主公 你 就 危險 到 極 咯 。
主公啊 ，張松 佢 啱啱 由 荊州 經過 ，必定 係 同 劉備 同謀 。
請 主公 先 斬 張松 ，後 絕 劉備 ，噉 就 西川 萬幸 咯 ！
劉璋 話 ：曹操 、張魯 嚟 侵犯 嘅 時候 ，我哋 點樣 抵抗 佢哋 啊 ？
噉就 封鎖 邊境 ，深溝高壘 ，加強 防禦 ，等待 機會 啦 。
敵人 已經 入侵 到 邊界 ，就 好似 火燒眼眉 咁 急 喇 ，仲要 等 機會 喎 ，等到 幾時 至 係 啊 ？唔得嘅 唔得嘅 。
劉璋 唔 聽 黃權 講 ，就 叫 法正 起行 。
點知 又 有 個人 行 入嚟 攔阻 話 ：唔好啊 唔好啊 ！
劉璋 一 睇 ，係 佢 帳 前 從事 官王 累 。
王 累 跪 喺 劉璋 面前 ，叩住 頭 噉 話 ：
主公 ，如果 你 聽 張松 嘅 說話 係 自取其禍 嘅 咋 。
唔係 ，我 同 劉玄德 聯合 ，就係 為咗 抵抗 張魯 吖嘛 。
張魯 侵犯 邊境 ，不過 係 小毛病 唧 。
劉備 入川 就係 心腹 大患 嚟 啊 。
何況 劉備 乃係 個 梟雄 。
最先 ， 佢 跟隨 曹操 ， 就 想 謀害 曹操 ； 後 嚟 跟 咗 孫權 ， 就 搶 咗 荊州 。
佢 個 心術 係 咁 壞 嘅 ，點 能夠 同 佢 共處 嘅 呢 ？
而家 如果 召佢嚟 ，西川 就 弊 喇 ！
唔準 再 亂講 咯 。
玄德 係 我 嘅 同宗 ，佢 點會 搶 我 嘅 基業 嘅 呢 ？
跟住 劉璋 叫 人 扶 咗 黃權 、王累 佢 兩個 出去 ，然後 就 吩咐 法正 起程 嘞 。
噉法 正嚟到 荊州 ，見到 劉備 行過 禮 ，就 呈上 封 書信 啦 。
劉備 拆開 睇下 ，封信 嘅 大意 呢 就係話 ：
我哋 乃係 同宗 兄弟 ，朋友 之間 尚且 係 吉凶 相救 ，患難 相扶 ，何況 兄弟 呢 ？
如今 張魯 喺 北方 ，興兵 嚟 侵犯 我 嘅 邊界 。
故此 ，我 派人 專程 送 封 信 嚟 畀 你 ，請 你 念在 兄弟 手足 嘅 情意 ，即日 帶 兵 嚟 協助 我 剿滅 張魯 賊寇 。
噉 從此 我哋 就 永遠 聯合埋 一齊 ，唇齒相依 。
同時 ，我 仲要 重重噉 酬謝 你 。
劉備 睇完 封信 ，歡喜 到 極 喇 。
當日 ，大排筵席 嚟 款待 法正 。
飲過 幾 巡 酒 ，劉備 吩咐 左右 啲 人 行開 ，然後 就 同 法正 話 ：
素仰大名 ，張別駕 亦 再三 同我 提及 你 ，今日 能夠 見面 真係 大慰 平生 咯 。
法 正話 ： 我 不過 係 西 蜀 嘅 一個 小小 官吏 ， 何足道哉 呢 ？
皇叔 ，張 別駕 上次 對 你 所 講過 嘅 事 ，你 仲 有 意思 冇 啊 ？
唉 ！我 到處 都 搵唔到 地方 安身 ，自己 亦 覺得 好 淒涼 啊 。
我 成日 都 諗嘞 ：雀仔 尚且 有 樹枝 嚟到 踎下 ，兔仔 亦 有 個 窿 藏身 就 何況 人 呢 ？
西蜀 係 個 豐余 之 地 ，唔係 唔 想 攞 佢 ；
唯獨是劉季玉係我嘅同宗兄弟 ，就唔忍心去謀佢啫 。
皇叔 ，益州 係 個 天府之國 ，但係 呢 ，如果 唔係 一個 治得掂 亂世 嘅 主公 ，就 住 唔穩 嘅 。
而家 ，劉季玉 佢 唔 會 任用 人才 ，呢 一 副 置業 不久 之後 必定 會 落 喺 他人 之 手 。
今日 ，佢 親自 要 交畀 皇叔 ，噉 就 千萬 唔好 錯過 咯 。
所謂 逐兔 先 得呀 ，邊個 得到手 先 就係 邊個 嘅 係 嘛 ？
皇叔 你 要 去 攞 西川 嘅 話 ，我 一定 效力 ！
好感激 先生 你 嘅 誠意 ，誒 等我 再 諗下 啦 。
當日 散咗 席 之後 ，孔明 啊 親自 送 法正 去 賓館 住宿 。
劉備 一個人 坐 響處 吟吟沉沉 ，諗嚟諗去 又 諗唔掂 。
龐統 見到 噉 樣 就 話 喇 ： 事情 應該 落 決心 喇 ， 仲 唔 落 決心 嘅 呢 ， 就 係 愚蠢 啊 。
主公 你 係 高明 嘅 ，點解 咁多 疑慮 呢 ？
劉備 就 問嘞 ：照 你 睇 應該 點 做好 啊 ？
主公 ，荊州 東 有 孫權 ，北 有 曹操 ，好 難 發展 。
而益州呢 ，有 成百萬 戶口 ，地廣 財多 ，要 做 一番 大事業 呢啲 條件 係 好到極 。
而家 ，有 張 松 、法正 喺 內部 嚟 幫 我哋 添 ，真係 天賜 嘅 好 機會 喇 。
仲使乜咁多疑慮呢主公 ？
而家 ，同 我 敵對 勢如水火 嘅 ，係 曹操 吖 。
曹操 做事 係 要 急 ， 我 呀 寬 ； 曹操 用 暴力 ， 我 就 用 仁義 ； 曹操 用 詭譎 ， 我用 忠厚 。
我 樣樣 都 同 曹操 相反 ，噉 我 嘅 事業 就 可以 成功 。
若果 因為 小利 而 失信 於 天下 ，我 唔願意 做 。
哈哈哈哈哈哈 ，主公 你 噉樣 講 雖然 係 合乎 天理 ，不過 而家 正 係 天下 動亂 嘅 時候 ，用兵 爭強 ，就 唔能夠 咁 死板 嘞 。
如果 樣樣 都 拘泥於 常理 ，噉 就 寸步 都 行唔逳 咯 。
所以 ，仲係 應該 根據 情勢 不同 ，靈活啲 嚟 做 至得 。
而且 ， 對 嗰 啲 弱小 嘅 政治 紛亂 嘅 就 吞併 佢 ， 攻打 佢 ， 用 武力 奪取 到 天下 之後 ， 再用 王道 嚟 到 治理 國家 ， 呢 啲 ， 古時 英明 嘅 帝王 都 係 噉 做 㗎 啦 。
若果 事業 成功 之後 ，好好地 對待 佢 ，封 佢 一個 好 嘅 地方 ，噉樣 喺 道義上 完全 對得住 佢 嘅 ，係唔係 呢 ？
主公呀 ，今日 唔攞 ，第日 終歸 畀 人哋 攞咗去 嘅啫 ，請 主公 你 認真 考慮 下 啦 。
啊 ，你 講得 啱 ，你 呢番 金石良言 ，我 一定 永遠 永遠 記住 喺 個 心 嚟 啊 。
劉備 下決心 ，於是 就 請埋 孔明 嚟 一齊 商量 出兵 去 西川 嘅 事 。
孔明 話 ：荊州 重地 ，必須 要 分出 一部分 人馬 嚟 守 佢 。
劉備 就 話 喇 ：噉 ，我 同 龐士元 、黃忠 、魏延 去 西川 ；軍師 你 同 關雲長 、張翼德 、趙子龍 守 荊州 啦 。
孔明 應承咗 。
於是呢 ，孔明 係 總 嘅 負責 守衛 荊州 ；
關公 把守 襄陽 呢個 交通 要道 同埋 青泥隘口 ；
張飛 負責 四郡 巡江 ；
趙雲 駐扎 喺 江陵 ，鎮守 公安 。
噉劉備呢頭呢 ，就 命令 黃忠 ，率領 先頭部隊 ，魏延 率領 後軍 ，劉備佢自己 同 劉封 、關平 喺 中軍 ，龐統 做 軍師 ，點咗 馬步兵 五萬名 ，準備 起程 去 西川 。
臨行嘅時候 ，廖化 帶咗 一支 軍隊 嚟 投降 噃 。
劉備 就 叫 廖化 去 關公 嗰處 幫手 ，防範 曹操 嘞 。
噉啊就喺建安十七年嘅冬天 ，劉備 就 帶兵 出發 去 西川 。
行咗 幾 站 路 ，就 遇見 孟達 喇 。
孟達 拜見 咗 劉備 之後 ，佢 就 話 係 劉益州 派 佢 帶咗 五千 兵 ，遠遠 嚟到 呢度 迎接 劉備 嘅 噉 。
劉備 立即 派 人 趕去 益州 ，先 去 報告 劉璋 話 自己 正在 帶兵 嚟緊 嘞 。
噉啊劉璋知道咗呢 ，隨即 就 通告 沿途 嘅 州郡 ，要 供給 錢糧 畀 劉備 嘅 軍隊 。
劉璋 仲 想 親自 去 涪城 啊 。
誒涪城 即係 而家 四川省 三台縣 西北 。
噉啊嚟到迎接劉備噃 ，又話 要 準備好 車輛 、帳幕 ，旗幟 盔甲 啊樣樣 務必要 齊整 鮮明 嘅 。
黃權 就 走嚟 勸諫 佢 話 喇 ：
主公 你 千祈千祈 唔好 去 呀 ！
你 如果 去 親 ，實 畀 劉備 謀害 嘅 。
我 受過 主公 咁 多年 嘅 恩德 ，唔能夠 眼睇住 主公 中咗 他人 嘅 奸計 。
請 主公 三思 呀 。
張松 話 喇 ：黃權 講 啲 噉嘅 說話 ，實在 係 要 主公 唔顧 宗族 嘅 情意 ，滋長 盜寇 嘅 威風 ，完全 係 錯 嘅 ，唔係 為 主公 好 㗎 。
劉璋 就 鬧 黃權 話 喇 ：我 已經 下決心 噉樣 做 㗎喇 ，你 點解 仲 要 嚟 反對 我 吖 ，吓 ？
可惡之至 ，可惡之至啊 ！
主公 ，你 唔好 去 啊 ！
黃權 猛咁 叩頭 ，叩到 額頭 都 出血 ，仲 跪住 行前嚟 ，用 個 口 擔住 劉璋 嘅 衣服 嚟 勸阻 佢 添 。
嘿！ 噉就 激到 劉璋 發火 喇 ，佢 拉返 件 衣服 就 起身 。
黃權 硬係 唔放 ，結果 就 連 門牙 都 掹甩 咗 兩隻 。
劉璋 就 喝 啲 侍從 ， 推 咗 黃權 出去 ， 黃權 就 唯有 放聲大哭 走人 係 啦 。
劉璋 正 話 想 行 ，誰知 又 有 個人 大聲 噉 話 ：
主公 你 唔聽 黃權 嘅 忠言 ，唔通 真係 自尋死路 咩 ？你 唔去得 㗎 主公 ！
劉璋 一 睇 ，原來 係 李恢 。
佢 跪 喺 台階 前 便 勸 劉璋 話 ：黃權 呢 番 忠義 嘅 說話 ，主公 一定 要 聽 至 好 啊 。
如果 容許 劉備 入川 ，直情 係 招 隻 猛虎 入 門 啊 。
亂講 ！
玄德 係 我 嘅 宗兄 ，點會 害 我 呢 ？
再講嘅 我就 殺咗佢 ！
人 嚟 ！推 李恢 出去 。
於是 又 趕走咗 李恢 。
張松話 喇 ： 主公 呀 ， 而家 呢 個 時候 西蜀 啲 文官 ， 個個 都 淨 係 顧住 自己 嘅 妻子兒女 ， 唔 願 為 主公 效力 。
所有啲武將 都 居功驕傲 ，人人 都 另有 打算 㗎 。
外便 有 敵人 進攻 ，裏便 又 有 民眾 作 反 ，如果 得唔到 劉皇叔 嚟 四川 幫助 ，我哋 實 失敗 㗎 。
劉璋 話喇 ：你 所 諗 所 做 嘅 事 ，對 我 都 係 非常 有益 嘅 。
劉璋 啊 信晒 張松 。
第日 ，劉璋 騎馬 出發 去 涪城 。
佢 啱啱 行到 城門 唧 ，有人 就 嚟 稟告 佢 聽 ，話 王 累 用 條 繩 將 自己 倒吊 喺 城門 上 便 ，一隻 手 啊 揸住 份 諫章 ，一隻 手 啊 揸住 把 劍 。
話 如果 勸 主公 唔 聽 呢 就 自己 割斷 條 繩 撞 死 喺度 喎 噉 。
呢個 王累 係 個 從事 官 。
劉璋 就 叫 人 攞 佢 揸住 嗰份 諫章 嚟 睇下 。
呢份 諫章 點 講 呢 ？大意 就係 話 ：
良藥 苦口 就 利於 病 ，忠言 逆耳 利於 行 。
從前 楚懷王 就 唔 聽 屈原 嘅 勸諫 啊 ，結果 就 吃咗 秦國 嘅 大虧 。
而家 主公 要 去 涪城 迎接 劉備 ，恐怕 係 有 去 冇 返 。
請求 主公 立即 斬咗 張松 ，同 劉備 絕交 ，噉 就 西蜀 嘅 百姓 有福 ，主公 嘅 基業 亦 有福 喇噉 。
劉璋 睇完 呀 ，發起 大火 大聲 噉 話 ：真係 豈有此理 呀 ！
我 去 會見 一位 仁德 嘅 人 係 幾 咁 好 嘅 事 呢 ？你 為 咩 嘢 事 幾次 三番 噉 嚟 反對 我 ！
王 累 聽 劉璋 噉 講 ，就 大叫 一聲 一劍 割斷 咗 條 繩 ，成個 喺 城門 上 啪 噉 跌落嚟 ，倒 撞 喺 地 當堂 就 死 咗 喇 。
哼哼 ，你 死 你事 劉璋 唔理 咁多 ，仍然 率領住 三萬 人馬 行去 涪城 。
後軍 呢 ，仲 帶住 千幾 車 糧草 物資 ，一齊 去 迎接 劉備 。
劉備 當時 嘅 先頭部隊 呢 ，就 已經 到達 墊江 。
墊江 即 係 今日 嘉陵江 嘅 下游 嘅 墊江縣 一帶 。
噉佢嘅軍隊 所到之處 啊 秋毫無犯 。
一來 ，係 有 西川 嘅 供給 ；
二來呢 ，劉備啊 確係 號令 嚴明 ，但凡 亂攞 老百姓 一件 嘢 嘅 都 斬 。
所以 老百姓 見到 荊州 軍 嚟到 呀 ，都係 扶 老 攜 幼 拖 男 帶 女 ，企 滿晒 喺 路邊 歡迎 ，焚香 禮拜 。
噉 對啲 民眾 呢 ，劉備 總係 態度 和藹 ，好言好語 噉樣 慰問 佢哋 嘅 ，就 更 得人心 嘞 。
有一日 ，法正 啊 靜靜噉 同 龐統 話 ：
張松 最近 有 封 密信 畀 我 ，話 喺 涪城 同 劉璋 相會 嘅 時候 ，就 應該 殺咗 佢 ，千祈 唔好 失 咗 呢個 機會 啊 。
龐統 就 話 喇 ：呢個 諗法 ，暫時 唔好 講 出去 。等 主公 同 劉璋 會面 嘅 時候 ，睺 個 機會 殺 佢 ！
如果 事前 洩露咗 ，就 有 變故 㗎喇 。
軍師 講得 啱 ，我 唔會 再 同 第二個人 講 嘅 。
法正 真係 守口如瓶 ，對 邊個 都 唔 再 提 呢件事 。
涪城 離開 成都 三百 六十 里 。
劉璋 到達 涪城 之後 呢 ，就 派人 去 迎接 劉備 。
噉 兩 支 軍隊 都 喺 涪江 沿岸 駐扎 。
劉備 入到 涪城 同 劉璋 會見 ，暢敘 兄弟 嘅 情誼 ，就 參加 劉璋 為 佢 舉行 嘅 盛大 宴會 。
散咗席 ，就 各自 返去 本寨 休息 啦 。
劉璋 同 佢 個 部下 嗰 班 官員 話 喇 ：
嘿 真係 可笑 黃權 、王累 呢啲 人 呀 ，根本 都 唔 明白 我 宗兄 嘅 心腸 亂 咁 懷疑 。
我 今日 見到 佢 ，確實 係 個 仁義之人 嚟 㗎 。
嘿嘿嘿嘿 ，我 得到 佢 嚟 做 我 嘅 外援 ，仲 使 乜 憂 曹操 同 張魯 吖 ？
如果 唔係 張 松 呀 ，我 就 會 失咗 佢 喇 。
劉璋 就 越 講 越 㷫 ，除低 自己 着緊 嗰件 綠袍 又 攞咗 五百 兩 黃金 出嚟 ，派 人 送 去 成都 賜 畀 張松 。
但係 佢 部下 有 一班 將官 ，好似 劉璝 、泠苞 、張任 、鄧賢 等等 都 勸 劉璋 話 嘞 ：
主公 你 唔好 咁 歡喜 住 。
劉備 柔中有剛 ， 佢 個 心 好 難 猜測 ， 仲 係 應該 提防 佢 至 好 啊 。
誒 ，你哋 個個 都係 過慮 ，我 宗兄 唔會 有 壞心腸 嘅 。
見到 劉璋 咁 固執 死都 勸 唔聽 ，冇辦法 啦 ，嗰班 將官 就 唯有 歎 幾口氣 告辭 出去 係 嘞 。
而家 講 下 劉備 ，佢 返到 營寨 之後 啊 ，龐統 就 走嚟 見 佢 話 喇 ：
主公 ，你 今日 喺 酒席 上 有冇 注意到 劉季玉 嘅 動靜 啊 ？
誒 ，季玉 ，確實 係 個 老實人 嚟 啊 。
主公 ，劉季玉 雖然 係 個 好人 ，佢 嘅 下屬 劉璝 、張任 等等 ，個個 都 好 唔忿 噉樣 㗎 ，故此 吉凶 都 未可 料 。
我 有 個 計謀 係 噉嘅 ，主公 ，你 最好 聽日 舉行 宴會 ，請 劉季玉 嚟 赴宴 。
我哋 事前 呢 ，喺 啲 帷幔 後 便 埋伏 定 一百 名 刀斧手 ，到時 ，由 主公 你 掟 杯 為 號 ，就 喺 筵席 之 上 殺咗 佢 。
然後 ，我軍 一擁而入 成都 ，噉樣 刀槍弓箭 都 唔使 動一動 ，成都呀 ，坐喺度 就 攞到 佢 啦嘛 。
唉 軍師 啊 ，季玉 係 我 嘅 同宗 兄弟 ，待 我 一片 誠心 。
更兼 我 係 初到 西蜀 ，恩德 信譽 都 未曾 建立 起嚟 ，若果 做 啲 噉嘅 事 ，就 上天 不容 下民 亦 怨 啊 。
軍師 你 呢個 計謀 ，就算 係 啲 霸王 都 唔 用 㗎 。
主公 ， 呢 個 唔 係 我 嘅 計謀 嚟 㗎 ， 係 法正 得到 張松 一封 密信 ， 話 事不宜遲 ， 應該 就 喺 呢 一兩天 內殺 咗 佢 喎 。
說話 未完 ，法正 入嚟 見 劉備 話 喇 ：我哋 都 唔係 為 自己 ，我哋 噉樣 做 係 順 天命 啊 。
劉備 又 話 喇 ：劉季玉 係 我 同宗 ，我 唔 忍心 攞 佢 嘅 地盤 。
法正 話 ：皇叔 你 噉 諗 就 錯 喇 。
如果 唔係 噉 做 嘅話 ，張魯 同 西蜀 有 殺母 之 仇 ，佢 係 必定 會 嚟 攻佔 益州 嘅 。
皇叔 既然 咁 辛苦 長途跋涉 嚟到 呢度 ，進則 有功 ，退則 無益 咯 。
皇叔 ，你 若果 仲 係 遲遲疑疑 拖延 時日 就 大為 失策 喇 。
而且 ，更 怕 計謀 一 洩露 出去 ，反而 會 畀 他人 所 害 添 。
不如 趁住 呢個 順乎 天意 人心 歸附 嘅 時候 ，出其不意 ，奪取咗 益州 過嚟 ，早啲 建立 基業 ，呢條 ，乃係 上策 嚟 啊 。
龐統 同 法正 兩個 啊 再三再四 要 說服 劉備 ，但係 劉備 啊 硬係 唔肯 噃 。
到咗 第日 ，劉備 又 喺 城內 同 劉璋 宴會 ，彼此 傾談 得 非常之 融洽 。
飲到 咁上下 嘅 時候 ，龐統 同 法正 商量 ，佢 話 ：
事到如今 ，唔由得 主公 喇 。
龐統 自己 揸 主意 ，叫 魏延 入去 宴會 大廳 舞劍 ，乘機 嚟 殺 劉璋 。
魏延 就 拔出 把 劍 行 入去 ，佢 話 ：
宴會上 冇 咩嘢 娛樂 ，等 小將 舞劍 嚟 助興 ！
講完 ，一招一式 就 舞起 劍 嚟 。
龐統 跟住 又 叫咗 一班 武士 入嚟 ，排好 隊 企 喺 大廳 台階 下 便 ，就係 等 魏延 逳手 喇 。
嗯？ 劉璋 手下 嗰啲 軍官 ，見到 魏延 喺 酒席 之前 舞劍 ，又 見到 台階 下 便 嗰 隊 武士 ，個個 都 手 按 刀把 目光 炯炯 望 實 大廳 ，唔妥 ！
張任 撐聲 拔出 把 劍 行 出嚟 話 ：
舞劍 必須 一對 先至 好睇 ，等 末將 同 魏將軍 一齊 舞 啦 。
噉 兩個人 就 對舞 起嚟 嘞喎 。
魏延 打個 眼色 畀 劉封 ，劉封 醒水 ，即刻 拔出 把 劍 舞埋 一份 。
於是 劉璋 手下 嘅 劉璝 、泠苞 、鄧賢 各人 啊 都 拔出 把 劍 行出嚟 話 ：
我哋 嚟 個 群舞 ，博 各位 一笑 啊 ！
嘩嗨 ！氣氛 緊張 咯 。
劉備 大吃一驚 ，佢 啪聲 企起身 ，將 企 喺 旁邊 衛士 把 劍 拔咗出嚟 揸住 喺 手 ，佢 話 ：
我哋 兩 兄弟 相會 ，高高興興 喺度 飲酒 並無 疑忌 。
呢度 又 唔係 鴻門會 ，使 乜 舞劍 ，快啲 放低 把 劍 ，邊個 唔 放低 嘅 斬 ！
劉璋 亦都 鬧 佢 自己 啲 人 話 喇 ：
哎 我哋 兄弟 聚會 ，何必 帶 武器 呢 ？
佢 又 叫 啲 侍從衛兵 啊 ，將 啲 佩劍 除低 晒 ，噉 嗰班 人 呢 就 紛紛 行 出去 。
劉備 又 叫 齊嗰班 軍官 入嚟 大廳 ，叫 佢哋 飲酒 。
劉備話 ：我哋 兩兄弟 乃係 同宗 骨肉 ，喺度 商量 大計 ，彼此 都係 誠心誠意 嘅 ，你哋 唔使 懷疑 啊 。
噉嗰班 軍官 飲完 酒 行過 禮 就 出返 去 。
劉璋 就 好感動 ，佢 揸住 劉備 隻 手 ，眼淚 都 流出嚟 噉 話 ：
兄長 你 嘅 恩情 ，我 點 都 唔會 忘記 㗎 。
噉啊 兩個人 一直 飲到 晚上 先至 散席 。
劉備 返到 營寨 就 話 龐統 啦 ：
你 哋 點搞 㗎 ！ 真 係 想害 到 我 做 個 不仁不義 之人 係 嘛 ？ 以後 ， 千祈 唔 好 做 啲 噉 嘢 喇 吓 。
龐統 啊 冇晒 修 。
噉嗰頭劉璋返到營寨 ，劉璝佢哋 就 講喇 ：主公 ，今日 宴會 上 嘅 情形 你 見到 㗎 啦 ，不如 早啲 返去 免 生 後患 啊 。
劉玄德 個人 唔係 噉嘅 ，佢 唔會 害 我 嘅 。
就算 劉玄德 冇 噉 嘅 心 ， 之 佢 手下 啲 人 ， 個個 都 想 併吞 西川 ， 以圖 富貴 㗎 嘛 。
你哋 唔好 講 埋 啲 噉 說話 嚟 離間 我哋 兄弟 之間 嘅 感情 咯 。
劉璋 唔 聽 大家 話 ，依舊 每日 都 同 劉備 飲酒 歡聚 。
有一日 ，佢 接到 報告 話 張魯 正在 整頓 人馬 ，就快嚟 侵犯 葭萌關 。
誒葭萌關 呢 笪 地方 呢 ，喺 而家 四川省 廣元縣 嘅 西南 便 。
劉璋 就 請 劉備 啊 ，帶兵 去 防守 。
劉備 啱晒啦 ，一啖 應承 ，立即 點齊 本部 軍兵 出發 去 葭萌關 喇 。
