一 家 三 口
仔仔 ﹕
我 哋 每 日 朝早 瞓 醒 都 會 一齊 起身 ，
起身 刷牙 洗面 換衫 落樓 七 時 十 分 ，
爸爸 會 畀 零用錢 我 返學 一 日 廿 蚊 ，
我 喺 搭 巴士 嗰 時 就 會 恰 下 眼瞓 。
我 每 日 返 到 學校 會 首先 食 個 早餐 ，
食 完 一 隻 熱狗 加 包 牛奶 MI SS 就 返 ，
上 完 早會 上 返 班房 我 係 三 年 二 班 ，
我 個 座位 喺 正 班房 最 正中間 。
上 完 三 堂 去 到 小息 我 搵 同學 傾計 ，
傾 下 尋日 嗰 套 卡通片 有 邊個 衰仔 ，
去 埋 廁所 我 返 班房 坐 返 自己 個 位 ，
再 上 三 堂 夠鐘 食飯 今日 雪菜 炆 米 。
食 完 唞 陣 我 會 一齊 同班 同學 打波 ，
身水身汗 返 到 班房 上 兩 堂 中文科 ，
老師 教 完 我 仲 傻下傻下 唔 清 唔 楚 ，
返到 屋企 我 要 走 去 問 下 隔離 哥哥 。
做完功課 我 會 睇 住 電視 等埋 媽媽 ，
媽媽 朝早 返工 下晝 買 餸 跟 住 回家 ，
返到 屋企 煮 餐 靚 飯 我 哋 等 埋 爸爸 ，
爸爸 返工 辛苦 一 日 而家 輕鬆 一下 。
爸爸 沖涼 食飯 之後 會 同 我 一齊 打機 ，
玩 動物 森友會 我 哋 就 會 耕 下 農地 ，
爸爸 覺得 好 困難 因為 房貸 冇 錢 畀 ，
現實 佢 都 係 日日 為 頭 家 捱 生 捱 死 。
媽媽 ﹕
每 一 日 朝頭 早 我 都 係 最 早 起身 ，
尋晚 我 又 要 幫 隻 豬仔 冚 被 驚 佢 凍 親 ，
起身 刷牙 洗面 換衫 落樓 七 時 十 分 ，
送 咗 阿仔 上 巴士 我 返 屋企 拖地 吸塵 。
做 完 自己 屋企 家務 我 會 走 去 兼職 ，
我 喺 酒店 幫手 執 房 清潔 房間 污漬 ，
因為 酒店 員工 福利 會 有 包飲 包食 ，
食 完 早餐 走 去 開工 先至 有氣 有力 。
執 下 一 間 執 下 一 間 今日 執 咗 好多 房 ，
執 到 尾 房 有 個 客 佢 請 我 食 粒 糖 ，
然後 同事 突然 急急 腳 咁 跑 嚟 同 我 講 ，
佢 話 一 三 零六 號 房 要 加 多 一 張 床 。
快快 手手 做埋 啲 手尾 又 到 食飯 時間 ，
由 朝 到 晚 去 到 而家 叫做 比較 空閒 ，
計 下 計 下 今日 下晝 只 需要 執 多 幾 間 ，
噉 就 可以 早 啲 收工 買 餸 返去 煮飯 。
好 喇 收工 換 衫 洗手 我 去 街市 買 餸 ，
行過 魚 檔 畀 隻 蟹 仔 隻 鉗 鉗 親 好 痛 ，
噉 就 你 啦 今晚 食 薑 蔥 炒蟹 香氣 濃 濃 ，
過 埋 隔離 菜檔 買 埋 生菜 同埋 薑 蔥 。
返到 屋企 睇 下 豬仔 已經 做 晒 功課 ，
我 就 開始 煮 餐 靚 飯 等埋 老公 返 喎 ，
老公 返 嚟 要 食 幾 碗 大 飯 好似 好 肚餓 ，
平平凡凡 我 嘅 一 日 就 係 噉 樣 過 。
爸爸 ：
我 嘅 生活 相對 嚟 講 就 比較 簡單 ，
一早 起身 我 打開 我 部 電話 開始 接單 ，
我 係 一 個 速遞 員 全 香港 我 氹氹轉 ，
去 完 北角 再 去 沙田 然後 去 埋 仁濟 醫院 。
麻 甩 佬 一 日 三 餐 我 都 求求 其其 ，
朝早 咬 個 包 就 開工 派 到 一點 搭 四 ，
跟住 是 但 搵 間 茶檔 食 個 快飯 即刻 又 嚟 ，
行 到 腳仔 都 軟 做完 一 日 我 就 返 得 屋企 。
返到 屋企 見到 老婆 煮 碟 薑 蔥 炒 蟹 ，
乜嘢 辛苦 乜嘢 疲勞 通通 唔 記得 晒 ，
食 完 飯 再 同 個 寶貝 乖仔 玩 下 遊戲 ，
老實 講 吖 爸爸 只不過 係 特登 輸 畀 你 。
好 喇 夜 喇 唔 經唔覺 已經 十 點 三十 分 ，
乖仔 快 啲 瞓覺 即刻 刷牙 上床 熄燈 ，
作為 男人 要 有 照顧 家人 呢 個 胸襟 ，
平平凡凡 我 嘅 一 日 就 係 咁 至 開心 。
