心足

夏天 ，最好 梗 係 喺 屋企 開 住 冷氣 睇 電視 啦 ！

依家 好 熱 呀 ，阿孝 除 晒 衫 等 自己 涼 啲 。

佢 望 出 窗 ，有 一 班 人 喺 出面 搞 咗 幾 個 月 都 唔 知 搞緊 咩 ，又 搬 沙 ，又 搬 水 噉 。

阿孝 跑 去 問 媽媽 ：「依家 咁 熱 ，出面 啲 工人 咁 辛苦 喺 度 整緊 咩 呀 ？ 」

媽媽 放低 個 炭 燙斗 ，話 ：「今晚 你 就 知 ！ 好 喇 ，好 去 食 嘢 ，啲 嘢 凍 晒 喇 。」

阿 孝心 諗 ：吓 ，依家 三十 幾 度 ，屋企 又 冇 冷氣 ，我 驚 啲 嘢 熱 都 嚟 唔 切 啦 ！

不過 阿孝 係 一 個 好 易 知足 嘅 人 ，有 得 食 已經 好好 㗎 喇 ！

阿孝 食 完 嘢 就 一 支 箭 噉 跑 咗 出去 ，佢 今日 約 咗 阿怡 一齊 玩 。

佢 同 阿怡 玩 咗 冇 耐 ，阿怡 就 出 晒 汗 喇 。 阿怡 話 ：「阿孝 ，不如 今日 嚟 我 屋企 玩 啦 ！ 」

阿孝 話 好 。

阿孝 都 係 第一 次 去 阿怡 屋企 ，佢 一 入屋 就 坐低 開 電視 。 阿怡 有 啲 無奈 ：「又 係 呢 啲 節目 ，悶 到 死 。」

阿孝 睇 到 眼 都 唔 眨 ，心 諗 ：如果 我 屋企 都 有 電視 就 好 喇 ！

見 天氣 咁 熱 ，阿怡 開 咗 冷氣 。 阿孝 吹 住 冷氣機 嘅 凍風 ，頭上 即刻 鑿 住 「舒服 」兩 隻 字 ！ 但 阿怡 就 唔 係 噉 諗 ，佢 好 唔 耐煩 噉 話 ：「點解 部 冷氣 咁 耐 都 仲未 涼 㗎 ？ 」

阿孝 冇 理 佢 ，心 諗 ：我 唔 貪心 㗎 ，我 淨 係 有 風扇 都 好 開心 㗎 喇 ！

阿怡 畀 咗 杯 凍 飲 阿孝 ， 阿孝 諗 ： 如果 我 屋企 都 有 雪櫃 ， 我 咪 可以 成日 飲 到 凍 嘢 囉 ？

第二 日 佢 返 學校 問 老師 ：「點解 我 屋企 冇 電視 、雪櫃 同 風扇 嘅 ？ 」

老師 摸 下 阿孝 個 頭 ： 「 阿孝 ， 電視 嗰 啲 都 要 用 電 ， 而 你 住 森林 嗰 間 屋 依家 仲未 有 電纜 ， 未 有 電 就 裝 唔 到 電器 住 喇 。 」

阿孝 點點頭 ：「哦 ......」

講 講下 都 夜晚 七點鐘 ，阿孝 要 返 屋企 喇 。 夜晚 森林 好 黑 ，又 冇 街燈 ，阿孝 拎 住 盞 油燈 嚟 照明 ，仲要 行 快 幾 步 ——如果 盞 燈 冇 晒 油 ，佢 就 要 摸黑 返 屋企 㗎 喇 ！

就 嚟 返 到 屋企 嗰 陣 ，阿孝 老遠 見到 屋企 前面 有 光 。 佢 收起 油燈 跑 過去 ，見到 今朝 啲 工人 叔叔 喺 度 講 咩 「搞掂 喇 」……

媽媽 拉 住 阿孝 去 到 燈 掣 前面 ，話 ：「呢 個 掣 就 交 俾 你 撳 喇 ！ 」

阿孝 一 撳 ，屋企 即刻 光 晒 ！ 佢 開心 到 跳起 ：「著燈 喇 ！ 電 呀 ！ 我哋 屋企 有 電 喇 ！ 」

「我 終於 可以 夜晚 開 燈 做 功課 ，熱 嗰 陣 有 風扇 歎 、有 凍水 飲 ，仲 有 電視 睇 ，唔 怕 悶 ！ 我 好 幸福 呀 ！ 」

有時 幸福 好 簡單 ，就 好似 半 杯 水 嘅 道理 ，唔 好 淨 係 睇 到 自己 冇 嗰啲 ，而 係 多 啲 睇 自己 有 嗰啲 —— 有時 你 有 嘅 嘢 仲 多 過 其他 人 ！

「簡簡單單 已 是 福 ，平平 淡淡 已 心足 。」